ҚҚС бўйича солиқ базасига тузатиш киритиш ("СБҲ" 30-сон, 2023 йил 1 август)

Функция недоступна

Материал чоп этилган санасига ҳақиқийдир*

ҚҚС БЎЙИЧА СОЛИҚ БАЗАСИГА

ТУЗАТИШ КИРИТИШ

ҚҚС бўйича солиқ базасига уни камайтириш ёки кўпайтириш тарафга тузатиш киритилиши мумкин. Солиқ базасига тузатиш киритинг, агарда (СК 257-м. 1-қ.):

q харидор ўзи сотиб олган товарни тўлиқ ёки қисман қайтарса;

q буюртмачи кўрсатилган хизматлардан воз кечса;

q битим шартлари ўзгарса, шу жумладан жўнатилган товарларнинг, кўрсатилган хизматларнинг нархи ва (ёки) сони (ҳажми) ўзгарганда;

q товарлар (хизматлар) харидорига чегирма тақдим этсангиз.

Тузатиш киритиш унинг юзага келишига сабабчи бўлган ҳолатлар пайдо бўлган солиқ даврида (ойида) амалга оширилади.

Солиқ базасига бир йиллик муддат доирасида тузатиш киритиш мумкин. Бундан кафолат муддати белгиланган товарлар (хизматлар) мустасно. Улар бўйича кафолат муддати доирасида тузатиш киритиш мумкин.

Сизда умидсиз қарздорлик пайдо бўлган ҳолатларда ҳам ҚҚС бўйича солиқ базасига тузатиш киритинг (СК 257-м. 3-қ.).

Қўшимча ҳисобварақ-фактура ёки тузатиш киритиш сабабини тасдиқловчи бошқа ҳужжатлар солиқ базасига тузатиш киритишни акс эттиришга асос бўлиб хизмат қилади.

Тақдим этилган қўшимча ҳисобварақ-фактура 10 календарь куни ичида харидорнинг электрон рақамли имзоси (ЭРИ) билан тасдиқланиши ёки у томонидан сабаблари кўрсатилган ҳолда рад этилиши лозим. Агар харидор электрон рақамли имзога эга бўлмаган жисмоний шахс бўлса, унга юборилган электрон ҳисобварақ-фактура (ЭҲФ) автоматик тарзда тасдиқланади. Бунда ЭҲФ икки нусхада қоғоз шаклида чоп этилади: бир нусхаси жисмоний шахсга тақдим этилади, иккинчи нусхаси унинг имзоси билан тасдиқланган ҳолда солиқ тўловчида сақланади.

Харидор томонидан белгиланган муддатда тасдиқланмаган ёки рад этилмаган электрон ҳисобварақ-фактура тасдиқланган ҳисобланади (Низом