Онлайн-НКМ ва виртуал касса чекида мавжуд ахборот ("СБҲ" 33-сон, 2023 йил 22 август)

Функция недоступна

Материал действителен на дату публикации*

ОНЛАЙН-НКМ ВА ВИРТУАЛ КАССА

ЧЕКИДА МАВЖУД АХБОРОТ

Онлайн-НКТ чекларига қўйиладиган талаблар қуйидаги ҳужжатларда келтирилган:

q Президентнинг 6.09.2019 йилдаги ПФ-5813-сон Фармонининг 5-банди;

q Аҳоли билан пуллик ҳисоб-китобларни амалга оширишда онлайн назорат-касса машиналари ва виртуал касса тизимини қўллаш тартиби тўғрисидаги низомнинг 7-банди;

q Ўзбекистон Республикаси ҳудудида қўлланилиши рухсат этилган онлайн назорат-касса машиналари, виртуал касса ва фискал модулга қўйиладиган техник талабларнинг 3-банди;

q Аҳоли билан пуллик ҳисоб-китобларни амалга оширишда электрон тўлов тизими ва (ёки) электрон тижорат платформалари (Маркетплейс) орқали электрон фискал чек тақдим қилиш тартиби тўғрисидаги низомнинг 6-8-бандлари (Низом, 23.11.2019 йилдаги 943-сон ВМҚга 1а-илова).

Чек ҳатто битта мажбурий талабга жавоб бермаганда ҳам онлайн-НКМ ва виртаул кассадан фойдаланиш тақиқланади (Техник талабларнинг 5-б., 23.11.2019 йилдаги 943-сон ВМҚга 2-илова, Техник талабларнинг 8-б., 23.11.2019 йилдаги 943-сон ВМҚга 2-илова).

Мазкур тавсияда чеклардаги ахборотга қўйилган барча талабларни иложи борича кам чиқимлик билан бажаришда нималарни ҳисобга олиниши кераклигини кўриб чиқамиз. Кассангизнинг техник хусусиятларини ҳисобга олган ҳолда уни созлаш бўйича йўриқномага эга бўлиш учун техник хизмат кўрсатиш бўйича ўзингиз шартнома тузган ТХКМга мурожаат қилинг.

ОНЛАЙН-НКТ ЧЕКИГА

ҚЎЙИЛАДИГАН ТЕХНИК ТАЛАБЛАР

Онлайн-НКМ орқали ўтказилган ҳар қандай операция натижасида электрон чек шакллантирилади (Техник талабларнинг 3-б., 23.11.2019 йилдаги 943-сон ВМҚга 2-илова). Унинг асосида солиқ органларининг ахборот тизимларида барча ҳисоб-китоблар ва ҳисоботлар автоматик режимда шакллантирилади.

Онлайн-НКМ ҳамда виртуал касса чекларини харидорларга махсус оқ қоғозда чиқарилган кўринишда тақдим этилиши, бунда Онлайн-НКМ тўғрисидаги низомнинг 7-б. (23.11.2019 йилдаги ­943-сон ВМҚга 1-илова):

q чек қоғозининг кенглиги 55 миллиметрдан кам бўлмаслиги;

q ҳарфлар (белгилар) баландлиги 2 миллиметрдан кам бўлмаслиги;

q чекдаги ёзувлар - қора рангда бўлиши керак.

Чиқарилган чеклардаги рақамлар, ҳарфлар ва рамзлар тиниқ акс эттирилган бўлиши ва тушунарли ўқилиши керак (Техник талабларнинг 3-б., 23.11.2019 йилдаги 943-сон ВМҚга 2-илова).

Маълумотлар устун кўринишида ва давлат тилида кўрсатилиши керак (Техник талабларнинг 3-б., 23.11.2019 йилдаги 943-сон ВМҚга ­2-илова). Харидорнинг хоҳишига кўра, ўзбек тилидаги шарт бўлган ахборотдан ташқари бошқа тилдаги ахборот ҳам берилиши мумкин.

Маркетплейслар ва тўлов иловалари томонидан чеклар харидорга электрон шаклда, чек ҳаволасини унинг абонент рақамига ёки электрон почтасига ёхуд шахсий кабинетига юборган ҳолда тақдим этилади (Низомнинг 8-б., 23.11.2019 йилдаги 943-сон ­ВМҚга ­1а-илова). Электрон чекдаги ахборот ҳам устун кўринишида ва давлат тилида келтирилади.

ОНЛАЙН-НКТ ЧЕКИДА ҚОНУНЧИЛИККА

КЎРА НИМАЛАР БЎЛИШИ КЕРАК