Харидорга онлайн-НКТ тизими чекларини бериш ("СБҲ" 45-сон, 2023 йил 14 ноябрь)

Функция недоступна

Материал чоп этилган санасига ҳақиқийдир*

ХАРИДОРГА ОНЛАЙН-НКТ

ТИЗИМИ ЧЕКЛАРИНИ БЕРИШ

Аҳоли билан барча пул ҳисоб-китоблари онлайн-НКТ чеки билан амалга оширилиши керак. Харидорга чекни ўз вақтида ва тўғри тақдим этиш сизнинг тушумингизни солиқ (айланмадан олинадиган солиқ ёки ҚҚС) ҳисоб-китобида тўғри акс эттирилишини таъминлайди. Эслатиб ўтамиз, бу автоматик равишда содир бўлади.

Кассир нафақат нақд пулда, балки банк картаси орқали ҳисоб-китоблар амалга оширилганда ҳам онлайн-НКТ чекини бериши шарт.

Ташкилотингиз сотувчилари ва кассирларига мижозлар билан ҳисоб-китобларни амалга оширишда онлайн-НКТ тизимидан чекларни ўз вақтида ва тўғри беришлари юзасидан кўрсатма беринг ва уларни назорат қилинг.

ОНЛАЙН-НКТ ЧЕКИДА ҚАНДАЙ ТЎЛОВ

ТУРИНИ КЎРСАТИШ КЕРАК

ВА У НИМАГА ТАЪСИР ҚИЛАДИ

Онлайн-НКМ ёки виртуал кассада чекни яратиш қуйидаги тўртта тугмачадан бирини босиш билан бошланади:

q "Сотиш";

q "Қайтариш";

q "Бўнак/Олдиндан тўлов";

q "Кредит/Бўлиб-бўлиб тўлаш".

Танлашда хатоликка йўл қўймаслик ва яратилган чекда унинг номи тўловнинг моҳиятини тўғри акс эттирган тугмани босиш муҳимдир. Сиз кўрсатган тўлов тури онлайн-НКТ чекида акс эттирилади ва айланмадан олинадиган солиқ ёки ҚҚС бўйича солиқ ҳисоботини тузишда чек билан ишлов берилган суммаларни ҳисобга олишга таъсир қилади.

ВАЗИЯТ. Ташкилот электрон тўлов тизими билан шартнома тузади (ЭТТ)

Ташкилот ЭТТ билан шартнома тузади, у масофавий схемадан фойдаланган ҳолда ҳисоб-китобларни амалга оширади.

ЭТТ мутахассислари нималарга эътибор беришлари керак?

q ЭТТ мутахассисларининг эътиборини ҳар бир тўлов учун чекда қандай тўлов тури кўрсатилиши кераклигига қаратинг. Созламалар учун уларга бу маълумот керак бўлади. Кейин, масалан, ЭТТ фойдаланувчиси кабель телевидениеси, телефония ва бошқа хизматлар учун тўловни амалга оширганда, "Бўнак" тўлов тури билан онлайн-НКТ чеки автоматик равишда ҳосил бўлади. Кейинчалик эса ЭТТ сотувчининг биллинг тизими билан ўзаро алоқада бўлади. Жорий ойда шартномавий иш ҳажми бажарилгандан сўнг, ҳисобот даврида кўрсатилган хизматларнинг нархини кўрсатган ҳолда "Сотиш" тўлов тури билан чек шаклланади.

Келинг, онлайн-НКТ чекида қачон ва қандай тўлов тури кўрсатилиши кераклигини ва бу солиқ ҳисоботини шакллантиришга қандай таъсир