Ўзбекистон Республикаси Вазирлар Маҳкамасининг 29.12.2023 й. 701-сон "Ҳайвонларни идентификация қилиш, рўйхатга олиш ва кузатиш тизимининг тартиб-таомиллари такомиллаштирилганлиги муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

29.12.2023 й.

N 701

ҲАЙВОНЛАРНИ ИДЕНТИФИКАЦИЯ ҚИЛИШ,

РЎЙХАТГА ОЛИШ ВА КУЗАТИШ ТИЗИМИНИНГ

ТАРТИБ-ТАОМИЛЛАРИ ТАКОМИЛЛАШТИРИЛГАНЛИГИ

МУНОСАБАТИ БИЛАН ЎЗБЕКИСТОН РЕСПУБЛИКАСИ

ҲУКУМАТИНИНГ АЙРИМ ҚАРОРЛАРИГА ЎЗГАРТИРИШ

ВА ҚЎШИМЧАЛАР КИРИТИШ ТЎҒРИСИДА

Мамлакатимизда чорва моллари ва паррандалар бош сонини янада кўпайтириш, ветеринария назоратини кучайтириш ва ветеринария хизматлари сифатини ошириш, ҳайвонларнинг соғлиғини ҳимоя қилишни самарали ташкил этиш, эпизоотик осойишталик ва озиқ-овқат маҳсулотлари хавфсизлигини таъминлаш борасида кенг кўламли ишлар амалга оширилди.

Шу билан бирга, чорва молларининг наслини яхшилаш, озиқа базасини мустаҳкамлаш, наслчилик йўналишидаги чорвачилик хўжаликлари фаолиятини ҳамда чорвачилик маҳсулотларини етиштиришда йирик тадбиркорлик субъектларини давлат томонидан қўллаб-қувватлаш бўйича комплекс чора-тадбирларни амалга оширишда қонунчилик ҳужжатларини ўзаро мувофиқлаштириш талаб этилмоқда.

Чорвачилик соҳасидаги қонунчилик ҳужжатларини ўзаро мувофиқлаштириш, шунингдек, Ўзбекистон Республикаси Президентининг "Чорвачиликда идентификация қилиш тизими ва наслчилик соҳасини такомиллаштиришга оид қўшимча чора-тадбирлар тўғрисида" 2023 йил 24 августдаги ПҚ-285-сон қарори ижросини таъминлаш мақсадида Вазирлар Маҳкамаси ҚАРОР ҚИЛАДИ:

1. Ўзбекистон Республикаси Ҳукуматининг иловага мувофиқ айрим қарорларига қуйидагиларни назарда тутувчи ўзгартириш ва қўшимчалар киритилсин:

ҳайвонларнинг яшаш даври давомида уларнинг келиб чиқиши, кўпайиши (кўпайтирилиши) ва ҳаракати, шунингдек, ҳайвонларда учрайдиган касалликларга қарши профилактика, ташхис қўйиш ва даволаш ишларида ҳайвонларни кузатиш;

ихтисослаштирилган сўйиш корхоналарида сўйишга бўлган ортиқча талабларни бекор қилиш.

2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев ва Ўзбекистон Республикаси қишлоқ хўжалиги вазири И.Ю. Абдурахмонов зиммасига юклансин.

Ўзбекистон Республикасининг Бош вазири                             А. Арипов

Вазирлар Маҳкамасининг

2023 йил 29 декабрдаги

701-сон қарорига

ИЛОВА

Ўзбекистон Республикаси Ҳукуматининг

айрим қарорларига киритилаётган

ўзгартириш ва қўшимчалар

1. Вазирлар Маҳкамасининг "Ҳайвонларни идентификация қилиш, уларни ҳисобга олиш, ҳисобдан чиқариш ва сақлаш тартибини такомиллаштириш тўғрисида" 2017 йил 22 сентябрдаги 748-сон қарорида:

а) 3-банд қуйидаги таҳрирда баён этилсин:

"3. Ҳайвонларни идентификация қилиш, рўйхатга олиш ва кузатиш тартиби тўғрисидаги низом иловага мувофиқ тасдиқлансин.";

б) 6-банддаги "Ветеринария ва чорвачиликни ривожлантириш давлат қўмитаси" сўзлари "Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитаси" сўзлари билан алмаштирилсин;

в) 9-банд қуйидаги таҳрирда баён этилсин:

"9. Мазкур қарорнинг бажарилишини назорат қилиш Ўзбекистон Республикаси қишлоқ хўжалиги вазири И.Ю. Абдурахмонов ва Ветеринария ва чорвачиликни ривожлантириш қўмитаси раиси Б.Т. Норқобилов зиммасига юклансин.";

г) иловада:

номида ва 1-банддаги "уларни ҳисобга олиш, ҳисобдан чиқариш ва сақлаш" сўзлари "рўйхатга олиш ва кузатиш" сўзлари билан алмаштирилсин;

2-бандда:

иккинчи хатбоши қуйидаги таҳрирда баён этилсин:

"ветеринария паспорти - ҳайвонга берилган ва идентификация рақамига мувофиқ расмийлаштирилган, ҳайвон эгасини белгиловчи, ҳайвонлар касалликлари профилактикаси ва уларни даволаш ишлари тўғрисидаги маълумотлар қайд этиб бориладиган ҳужжат;"

учинчи хатбошидаги "бўлимларининг участка ветеринария врачи" сўзлари "бўлими ветеринария участкаси ходимлари" сўзлари билан алмаштирилсин;

тўртинчи ва олтинчи хатбошилардаги ", жетон бериш (жетонлаш)" сўзлари чиқариб ташлансин;

бешинчи хатбошидаги "жетон," сўзи чиқариб ташлансин;

ўн учинчи хатбоши қуйидаги таҳрирда баён этилсин:

"кузатиш - ҳайвонларнинг яшаш даври давомида уларнинг келиб чиқиши, кўпайиши (кўпайтирилиши) ва ҳаракати, шунингдек, ҳайвонларда учрайдиган касалликларга қарши профилактика, ташхис қўйиш ва даволаш ишлари бўйича мониторинг ўрнатиш;"

ўн тўртинчи хатбошидаги "ҳайвонларни ҳисобга қўйиш" сўзлари "рўйхатга олиш" сўзлари билан алмаштирилсин;

4-банддаги "бўлимлари" сўзи "ветеринария участкалари ходимлари" сўзлари билан алмаштирилсин;

6-бандда:

"в" кичик банд ўз кучини йўқотган деб ҳисоблансин;

"г" кичик банддаги "ҳайвонларнинг барча турларига" сўзлари "от, ит ва мушукларга" сўзлари билан алмаштирилсин;

8-банд қуйидаги таҳрирда баён этилсин:

"8. Ҳайвонларни биркалаш учун ушбу Низомга 3-иловада келтирилган идентификация рақамини сақловчи қулоқ биркаларидан фойдаланилади.";

10-банд ўз кучини йўқотган деб ҳисоблансин;

15-банддаги "(жетон)" сўзи чиқариб ташлансин;

16-банд қуйидаги таҳрирда баён этилсин:

"16. Ҳайвонларнинг эгаларидан идентификация қилиш хизматлари учун тўлов ундирилади (Ўзбекистон Республикаси Президентининг 2023 йил 24 августдаги ПҚ-285-сон қарорига 1-иловада келтирилган туманлар бундан мустасно). Тўлов миқдори ва шартлари Ўзбекистон Республикаси Иқтисодиёт ва молия вазирлиги билан келишилган ҳолда, Ўзбекистон Республикаси Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитаси томонидан белгиланади.";

4-боб номи қуйидаги таҳрирда баён этилсин:

"4-боб Ҳайвонларни рўйхатга олиш ва рўйхатдан чиқариш";

25, 26, 27, 28, 34, 35 ва 36-бандлардаги "ҳисобга" ва "ҳисобдан" сўзлари тегишлилиги бўйича "рўйхатга" ва "рўйхатдан" сўзлари билан алмаштирилсин;

қуйидаги мазмундаги 4-1-боб билан тўлдирилсин:

"4-1-боб. Ҳайвонларни кузатиш

37-1. Ҳудудлардаги чорва ва уй ҳайвонларини идентификация қилиш, рўйхатга олиш, рўйхатдан чиқариш ва сақлашнинг тўлиқ қамраб олинганлиги ҳолати ўрганилади.

37-2. Қушхоналар, мол бозорлари, ички постлар, шунингдек, чорва ҳайвонларининг бир ҳудуддан бошқа ҳудудга ўтиш ҳаракатлари (миграцияси) таҳлил қилинади.

37-3. Чорва ҳайвонлари сақланадиган объектларнинг жойлашув манзили шакллантирилади.

37-4. Ҳайвонларнинг касалликларига қарши ўтказилаётган профилактика даволаш, ташхис қўйиш ишлари доимий равишда кузатилади.";

1-илова қуйидаги таҳрирда баён этилсин:

"Ҳайвонларни идентификация қилиш,

рўйхатга олиш ва кузатиш тартиби

тўғрисидаги низомга

1-ИЛОВА

Ҳайвонларни идентификация қилиш,

рўйхатга олиш ва рўйхатдан чиқариш

СХЕМАСИ

2, 4, 5, 7 ва 8 иловалардаги "Ҳайвонларни идентификация қилиш, уларни ҳисобга олиш, ҳисобдан чиқариш ва сақлаш тартиби тўғрисидаги низомга" сўзлари "Ҳайвонларни идентификация қилиш, рўйхатга олиш ва кузатиш тартиби тўғрисидаги низомга" сўзлари билан алмаштирилсин;

3-илова қуйидаги таҳрирда баён этилсин:

"Ҳайвонларни идентификация қилиш,

рўйхатга олиш ва кузатиш тартиби

тўғрисидаги низомга

3-ИЛОВА

Идентификация рақамини сақловчи қулоқ

биркалар турлари ва меъёрлари

Ҳайвонлар учун иссиқ ва совуққа чидамли эластик полимер материаллардан тайёрланган қулоқ биркаси тавсия этилади.

Ҳайвон турига қараб қулоқ биркаси турли хил кўриниш, ранг ва шаклларда бўлиши мумкин.

Қорамоллар учун қулоқ биркасининг пластмасса тури қуйидаги ҳажмда: эни - 57 мм, баландлиги - 77 мм (1-расм).

Қўй, эчки ва туялар учун: эни - 40 мм, баландлиги - 45 мм (2-расм), эни - 37 мм, узунлиги - 41 мм (3-расм).

Чўчқалар учун тугма кўринишидаги биркалардан фойдаланиш мақсадга мувофиқ бўлиб, диаметри 25 мм (4-расм).

Қулоқ биркалари ҳайвонларнинг қулоғига биркаларни ўрнатиш техникасига мувофиқ ўрнатилади.";

6-илова ўз кучини йўқотган деб ҳисоблансин.

2. Вазирлар Маҳкамасининг 2019 йил 27 июндаги 532-сон қарори билан тасдиқланган Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчаларнинг 23-банди "а" кичик бандидаги "10" рақами чиқариб ташлансин.

3. Вазирлар Маҳкамасининг "Чорвачилик, паррандачилик ва балиқчилик хўжаликларига улар томонидан етиштирилган ва сотилган маҳсулотлар учун субсидия ажратиш тартиби тўғрисидаги низомни тасдиқлаш ҳақида" 2021 йил 12 июлдаги 434-сон қарорида:

а) 1-иловада:

2-бандда:

учинчи хатбоши чиқариб ташлансин;

бешинчи хатбошидаги ", шунингдек, контрагентларни танлашда лозим даражада эҳтиёткор бўлган" сўзлари чиқариб ташлансин.

5-банд қуйидаги таҳрирда баён этилсин:

"5. Субсидия қўшилган қиймат солиғидан қарздорлиги мавжуд бўлмаган субсидия олувчиларга ажратилади."

6-банднинг иккинчи хатбошидаги "12" рақами чиқариб ташлансин;

12-банд ўз кучини йўқотган деб ҳисоблансин;

13-банд қуйидаги таҳрирда баён этилсин:

"13. Субсидия олувчилар ўз хўжалигида етиштирилган маҳсулотларни чорак давомида Ветеринария ва чорвачиликни ривожлантириш қўмитасининг (кейинги ўринларда - Қўмита) "my.vetgov.uz" сайти орқали туман (шаҳар) ветеринария ва чорвачиликни ривожлантириш бўлимларига (кейинги ўринларда - Бўлим) ариза билан мурожаат қилади.

Бўлим субсидия ажратиш билан боғлиқ ариза ва унга илова қилинган ҳужжатларни кўриб чиқиш учун комиссияга тақдим этади.";

16-банддаги "Ўзбекчорванасл" агентлигига (кейинги ўринларда - Агентлик)" сўзлари "Қўмитага" сўзи билан алмаштирилсин;

17-банд қуйидаги таҳрирда баён этилсин:

"17. Хулоса келиб тушган санада Қўмита ва Солиқ қўмитаси ўртасида интеграция қилинган маълумотлар базасидан электрон тартибда фойдаланади.";

18-банд қуйидаги таҳрирда баён этилсин:

"18. Субсидия олувчи ўз хўжалигида етиштирган чорвачилик маҳсулотларини сотганидан сўнг комиссия хулосаси ва солиқ органларининг маълумотларини "my.vetgov.uz" сайти орқали доимий кузатиб боради.";

19-банд қуйидаги таҳрирда баён этилсин:

"19. Қўмита календарь йил мобайнида чорвачилик субъектларига ажратиладиган субсидиялар тўғрисидаги маълумотларни Низомга 5, 5а ва 5б-иловалардаги шаклларда Иқтисодиёт ва молия вазирлиги билан келишилган ҳолда уч иш кунида тасдиқлайди.";

20-банд қуйидаги таҳрирда баён этилсин:

"20. Комиссия хулосаси ва солиқ органларининг маълумотлари ижобий бўлган тақдирда, электрон шаклдаги маълумотлар Ветеринария ва чорвачиликни ривожлантириш қўмитасининг "my.vetgov.uz" сайти орқали Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасига юборилади.";

21-банд қуйидаги таҳрирда баён этилсин:

"21. Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитаси Ветеринария ва чорвачиликни ривожлантириш қўмитасининг хулосаси "my.vetgov.uz" сайти орқали келиб тушгандан сўнг бир иш кунида бюджетдан шу мақсадга ажратилган маблағлар доирасида тегишли субсидия суммасини субсидия олувчининг банк ҳисобварағига ўтказади.";

23 ва 25-бандлардаги "Молия вазирлиги" сўзлари "Иқтисодиёт ва молия вазирлиги" сўзлари билан алмаштирилсин;

2-илова қуйидаги таҳрирда баён этилсин:

"Чорвачилик, паррандачилик ва балиқчилик

хўжаликларига улар томонидан етиштирилган

ва сотилган маҳсулотлар учун субсидия ажратиш

тартиби тўғрисидаги низомга

2-ИЛОВА

Қўшилган қиймат солиғи тўловчисининг субсидия

олиш тўғрисидаги аризасини кўриб чиқиш

ва субсидия ажратиш тартиби

СХЕМАСИ

4-илова қуйидаги таҳрирда баён қилинсин:

"Чорвачилик, паррандачилик ва балиқчилик

хўжаликларига улар томонидан етиштирилган

ва сотилган маҳсулотлар учун субсидия ажратиш

тартиби тўғрисидаги низомга

4-ИЛОВА

ХУЛОСА

____________ вилояти ____________ туманидаги субсидия олишга талабгор "_____________" нинг 20___ йил ___________даги мурожаатига ва тақдим этилган ҳужжатларга асосан туман комиссияси томонидан жойига чиқиб ўрганилди ва куйидагилар аниқланди:

ЯКУНИЙ ХУЛОСА:

__________ вилояти _______________ туманидаги ______________ги ҳақиқатдан хам ўз хўжалигида __________________ маҳсулотни етиштиради ва сотади.

Комиссия аъзолари

4а-илова қуйидаги таҳрирда баён қилинсин:

"Чорвачилик, паррандачилик ва балиқчилик

хўжаликларига улар томонидан етиштирилган

ва сотилган маҳсулотлар учун субсидия ажратиш

тартиби тўғрисидаги низомга

4а-ИЛОВА

___________ вилояти _________ туманидаги субсидия олишга талабгор "____________" нинг 20___ йил ___________даги мурожаатига ва тақдим этилган ҳужжатларга асосан туман комиссияси томонидан жойига чиқиб ўрганилди ва қуйидагилар аниқланди:

ЯКУНИЙ ХУЛОСА:

__________ вилояти _______________ туманидаги ______________ги ҳақиқатдан хам ўз хўжалигида __________________ маҳсулотни етиштиради ва сотади.

Комиссия аъзолари

4б-илова қуйидаги таҳрирда баён қилинсин:

"Чорвачилик, паррандачилик ва балиқчилик

хўжаликларига улар томонидан етиштирилган

ва сотилган маҳсулотлар учун субсидия ажратиш

тартиби тўғрисидаги низомга

4б-ИЛОВА

___________ вилояти __________ туманидаги субсидия олишга талабгор "___________" нинг 20___ йил __________даги мурожаатига ва тақдим этилган ҳужжатларга асосан туман комиссияси томонидан жойига чиқиб ўрганилди ва қуйидагилар аниқланди:

ЯКУНИЙ ХУЛОСА:

__________ вилояти _______________ туманидаги ______________ги ҳақиқатдан хам ўз хўжалигида __________________ маҳсулотни етиштиради ва сотади.

Комиссия аъзолари

б) 2-илова қуйидаги таҳрирда баён этилсин:

"Вазирлар Маҳкамасининг

2021 йил 12 июлдаги

434-сон қарорига

2-ИЛОВА

Чорвачилик маҳсулотлари учун

субсидия ажратилишини самарали ташкил этишни

таъминлаш бўйича туман (шаҳар) комиссияларининг

НАМУНАВИЙ ТАРКИБИ

Қонун ҳужжатлари маълумотлари миллий базаси (www.lex.uz),

2023 йил 29 декабрь