Ўзбекистон Республикаси Вазирлар Маҳкамасининг 28.12.2023 й. 688-сон "Маъмурий ислоҳотлар доирасида пақамли технологиялар соҳаси такомиллаштирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

28.12.2023 й.

N 688

МАЪМУРИЙ ИСЛОҲОТЛАР ДОИРАСИДА

РАҚАМЛИ ТЕХНОЛОГИЯЛАР СОҲАСИ

ТАКОМИЛЛАШТИРИЛИШИ МУНОСАБАТИ

БИЛАН ЎЗБЕКИСТОН РЕСПУБЛИКАСИ

ҲУКУМАТИНИНГ АЙРИМ ҚАРОРЛАРИГА

ЎЗГАРТИРИШ ВА ҚЎШИМЧАЛАР

КИРИТИШ ТЎҒРИСИДА

Сўнгги йилларда ахборот-коммуникация технологиялари соҳасида рақамли хизматлар қамрови ва сифатини ошириш, соҳа, тармоқ ва ҳудудларни рақамли трансформация қилиш, алоқа хизматларининг сифатини янада ошириш, аҳолининг рақамли технологиялардан фойдаланиш йўналишида билим ва кўникмаларини янада ошириш бўйича бир қатор муҳим чора-тадбирлар амалга оширилди.

Жумладан, Ўзбекистон Республикаси Президентининг "Маъмурий ислоҳотлар доирасида рақамли технологиялар соҳасида давлат бошқарувини самарали ташкил этиш чора-тадбирлари тўғрисида" 2023 йил 24 майдаги ПФ-76-сон Фармони билан рақамли технологиялар соҳасида давлат бошқаруви тизими такомиллаштирилиб, Рақамли технологиялар вазирлиги фаолиятининг устувор йўналишлари белгиланди ҳамда унинг ташкилий тузилмаси тасдиқланди.

Шунингдек, мазкур Фармон билан аҳоли, тадбиркорлик субъектлари ҳамда давлат органлари ва ташкилотлари ўртасидаги муносабатларни рақамлаштириш, рақамли хизматлар ва сервислардан фойдаланиш учун қулай шароитлар яратиш бўйича қатор чора-тадбирлар белгиланди.

Шу муносабат билан қонунчилик ҳужжатларининг ўзаро мувофиқлигини таъминлаш учун Ўзбекистон Республикаси Ҳукуматининг айрим қарорларига тегишли ўзгартириш ва қўшимчалар киритиш талаб этилмоқда.

Қонунчилик ҳужжатларини мувофиқлаштириш, шунингдек, Ўзбекистон Республикаси Президентининг "Маъмурий ислоҳотлар доирасида рақамли технологиялар соҳасида давлат бошқарувини самарали ташкил этиш чора-тадбирлари тўғрисида" 2023 йил 24 майдаги ПФ-76-сон Фармони ижросини таъминлаш мақсадида Вазирлар Маҳкамаси ҚАРОР ҚИЛАДИ:

1. Ҳукуматнинг айрим қарорларига иловага мувофиқ қуйидагиларни назарда тутувчи ўзгартириш ва қўшимчалар киритилсин:

Рақамли технологиялар вазирлиги тизимидаги ташкилотлар қайта ташкил этилганлиги ва номланганлиги муносабати билан қонунчилик ҳужжатларини мувофиқлаштириш;

Ягона интерактив давлат хизматлари порталида (кейинги ўринларда - Ягона портал) "давлат - фуқаро" ва "давлат - тадбиркор" тамойили асосида хизмат ва сервисларни рақамли кўринишда жорий этиш режаларини белгиловчи ваколатли органни белгилаш;

Ягона порталда давлат хизматлари ва сервисларини уларнинг маъмурий тартиблари "3 қадам" тамойили асосида мақбуллаштирилган ҳолда жорий этиш;

вазирлик ва идоралар томонидан аҳоли ва тадбиркорлик субъектларига веб-сайт, портал, мобил илова ва бошқа ахборот ресурслари орқали кўрсатиладиган барча турдаги хизматлар Ягона порталда тўлақонли ёки ҳавола кўринишида ҳам жорий этилишини белгилаш;

давлат органларининг Ягона порталдаги электрон давлат хизматлари ва сервисларидан аҳоли ҳамда тадбиркорлик субъектларининг қониқиш даражасини баҳолаш ва унинг индикаторларини белгилаш;

республика ва маҳаллий ижро этувчи ҳокимият органлари ахборот тизимларида, идоралараро электрон ҳамкорлик қилишда "Рақамли ҳукумат" тизимининг ягона идентификаторлари ҳамда маълумотномалар ва таснифлагичлар регистри ахборот тизимида жойлаштирилган ягона умумдавлат маълумотномалари ва таснифлагичларидан мажбурий фойдаланиш;

жамоат, саноат, турар жой, маъмурий бинолар ва иншоотларни лойиҳалаштириш, қуриш ҳамда фойдаланишга қабул қилиш жараёнида алоқа, почта, ахборотлаштириш ва телекоммуникация соҳасидаги норматив-ҳуқуқий ҳужжатлар, давлат стандартлари ва меъёрларига амал қилинишини таъминлаш.

2. Мазкур қарорнинг бажарилишини назорат қилиш Ўзбекистон Республикаси рақамли технологиялар вазири Ш.Х. Шерматов зиммасига юклансин.

Ўзбекистон Республикасининг Бош вазири                                А. Арипов

Вазирлар Маҳкамасининг

2023 йил 28 декабрдаги

688-сон қарорига

ИЛОВА

Ўзбекистон Республикаси Ҳукуматининг

айрим қарорларига киритилаётган

ўзгартириш ва қўшимчалар

1. Вазирлар Маҳкамасининг 1998 йил 10 июлдаги 293-сон қарори билан тасдиқланган Ахборот фаолияти ва маълумотлар узатишни такомиллаштириш ва самарадорлигини ошириш бўйича идоралараро мувофиқлаштириш комиссияси тўғрисидаги низомнинг 7-банди ўнинчи хатбошисидаги "Ахборот-коммуникация технологияларини" сўзлари "Рақамли технологияларни" сўзлари билан алмаштирилсин.

2. Вазирлар Маҳкамасининг "Алоқа ва ахборотлаштириш соҳасида бошқарувни ташкил этишни такомиллаштириш тўғрисида" 2002 йил 23 сентябрдаги 328-сон қарорининг 2-бандидаги "Ахборот-коммуникация технологияларини" сўзлари "Рақамли технологияларни" сўзлари билан алмаштирилсин.

3. Вазирлар Маҳкамасининг "Оммавий коммуникациялар соҳасида бошқарув тузилмасини такомиллаштириш чора-тадбирлари тўғрисида" 2004 йил 17 ноябрдаги 555-сон қарорининг 5-банди тўртинчи хатбошисидаги "Ахборот технологиялари ва коммуникацияларини ривожлантириш" сўзлари "Рақамли технологиялар" сўзлари билан ҳамда "Ахборот-коммуникация технологияларини" сўзлари "Рақамли технологияларни" сўзлари билан алмаштирилсин.

4. Вазирлар Маҳкамасининг "Интернет тармоғида Ўзбекистон Республикасининг Ҳукумат порталини янада ривожлантириш чора-тадбирлари тўғрисида" 2007 йил 17 декабрдаги 259-сон қарорининг 3-бандидаги "Ахборот технологиялари ва коммуникацияларини ривожлантириш вазирлигининг Ахборот-коммуникация технологияларини" сўзлари "Рақамли технологиялар вазирлиги ҳузуридаги Рақамли технологияларни" сўзлари билан алмаштирилсин.

5. Вазирлар Маҳкамасининг 2010 йил 2 апрелдаги 62-сон қарори билан тасдиқланган Вазирликлар, давлат қўмиталари ва идораларнинг бюджетдан ташқари жамғармаларига йўналтирилаётган давлат божлари, йиғимлар ва солиқ бўлмаган тўловлардан, маъмурий ва молиявий жазолардан ажратмалар миқдорларида:

24-позициянинг "Вазирликлар ва идораларнинг номи" устунидаги "Ахборот-коммуникация технологияларини" сўзлари "Рақамли технологияларни" сўзлари билан ҳамда "Ахборот технологиялари ва коммуникацияларини ривожлантириш" сўзлари "Рақамли технологиялар" сўзлари билан алмаштирилсин;

24-1-позициянинг "Вазирликлар ва идораларнинг номи" устунидаги "Ахборот технологиялари ва коммуникацияларини ривожлантириш" сўзлари "Рақамли технологиялар" сўзлари билан алмаштирилсин.

6. Вазирлар Маҳкамасининг "Ахборот-коммуникация технологияларини ривожлантириш жамғармасини янада ривожлантириш ва унинг маблағларидан самарали фойдаланиш тўғрисида" 2012 йил 19 декабрдаги 356-сон қарорида:

а) 1-банднинг иккинчи - тўртинчи хатбошиларидаги "Ахборот-коммуникация технологияларини" сўзлари "Рақамли технологияларни" сўзлари билан алмаштирилсин;

б) 1-иловада:

илова номидаги "Ахборот-коммуникация технологияларини" сўзлари "Рақамли технологияларни" сўзлари билан алмаштирилсин;

1-банддаги "Ахборот-коммуникация технологияларини ривожлантириш жамғармаси" сўзлари "Рақамли технологияларни ривожлантириш жамғармаси" сўзлари билан алмаштирилсин;

в) 2-илова номидаги "Ахборот-коммуникация технологияларини" сўзлари "Рақамли технологияларни" сўзлари билан алмаштирилсин.

7. Вазирлар Маҳкамасининг "Ўзбекистон Республикаси Ягона интерактив давлат хизматлари портали орқали электрон давлат хизматлари кўрсатиш тартибини такомиллаштириш чора-тадбирлари тўғрисида" 2017 йил 15 сентябрдаги 728-сон қарорида:

а) 3-банд қуйидаги таҳрирда баён этилсин:

"3. Белгилансинки:

Ўзбекистон Республикаси Рақамли технологиялар вазирлиги Ягона порталда "давлат - фуқаро" ва "давлат - тадбиркор" тамойили асосида хизмат ва сервисларни рақамли кўринишда жорий этиш режаларини белгиловчи ваколатли орган ҳисобланади;

Ягона порталда давлат хизматлари ва сервислари уларнинг маъмурий тартиблари "3 қадам" тамойили асосида мақбуллаштирилган ҳолда жорий этилади;

вазирлик ва идоралар аҳоли ҳамда тадбиркорлик субъектларига веб-сайт, портал, мобил илова ва бошқа ахборот ресурслари орқали кўрсатадиган барча турдаги хизматларини Ягона порталда тўлақонли ёки ҳавола кўринишида ҳам жорий этишлари лозим;

Ўзбекистон Республикаси Рақамли технологиялар вазирлиги Давлат ахборот тизимларини яратиш ва қўллаб-қувватлаш бўйича ягона интегратор "UZINFOCOM" МЧЖ (кейинги ўринларда - "UZINFOCOM" ягона интегратор) Ягона порталда электрон давлат хизматларини жорий этиш ва техник қўллаб-қувватлаш бўйича Ягона интегратор ҳисобланади;

тадбиркорлик субъектлари давлат хизматларини кўрсатувчи давлат ва хўжалик бошқаруви органлари, маҳаллий давлат ҳокимияти органлари ва бошқа ташкилотлар (кейинги ўринларда давлат органлари деб аталади) билан шартнома асосида электрон давлат хизматларини Ягона порталда ва расмий веб-сайтларда жорий этишда иштирок этадилар;

мобил алоқа операторлари, тижорат банклари ва тўлов тизимлари операторлари Ўзбекистон Республикаси Рақамли технологиялар вазирлиги билан тузилган шартнома асосида ахборот хавфсизлиги талабларига риоя этган ҳолда, ўзларининг мобил иловалари орқали Ягона порталдаги электрон давлат хизматларини кўрсатишлари мумкин";

б) 4-банднинг биринчи хатбошисидаги ""Ўзинфоком" марказига" сўзлари ""UZINFOCOM" ягона интеграторга" сўзлари билан алмаштирилсин;

в) 1-иловада:

3-банд қуйидаги мазмундаги тўққизинчи хатбоши билан тўлдирилсин:

"; сервис - жисмоний ва юридик шахсларга Ягона портал орқали харажатларсиз ва натижасини онлайн равишда олиш имконини берувчи қўшимча электрон хизмат.";

қуйидаги мазмундаги 5-1-боб билан тўлдирилсин:

"5-1-боб. Электрон давлат хизмати ва сервисларидан

аҳоли ҳамда тадбиркорлик субъектларининг қониқиш

даражаси рейтингини шакллантириш тартиби

34-1. Давлат органларининг Ягона порталдаги электрон давлат хизматлари ва сервисларидан аҳоли ҳамда тадбиркорлик субъектларининг қониқиш даражаси баҳоланади.

Давлат органларининг Ягона порталдаги электрон давлат хизматлари ва сервисларидан аҳоли ҳамда тадбиркорлик субъектларининг қониқиш даражаси қуйидаги асосий индикаторларга мувофиқ баҳоланади:

электрон хизматлар сифатини жамоатчилик томонидан баҳолаш;

электрон давлат хизматларининг ўз вақтида кўрсатилиши;

давлат хизматларидан фойдаланиш имконияти мавжудлиги;

давлат хизматлари ва сервисларининг қониқарлилик даражаси.

34-2. Рейтинг баҳолаш натижаларига мувофиқ давлат органларининг Ягона порталдаги электрон давлат хизматлари ва сервисларидан аҳоли ҳамда тадбиркорлик субъектларининг қониқиш даражаси рейтинг балли бўйича:

71 баллдан 100 баллгача бўлганда - "аъло";

55 баллдан 71 баллгача бўлганда - "қониқарли";

55 баллдан паст бўлганда - "қониқарсиз" деб топилади.

34-3. Баҳолашда тўпланган баллар Ягона порталдаги электрон давлат хизматлари ва сервисларининг фаолияти, тақдим этилиш сифати ҳамда самарадорлигини инобатга олган ҳолда ҳисобланади.

34-4. Давлат органларининг Ягона порталдаги электрон давлат хизматлари ва сервисларидан аҳоли ҳамда тадбиркорлик субъектларининг қониқиш даражаси рейтинги Ахборотлаштириш ва телекоммуникациялар соҳасида назорат инспекциясининг (кейинги ўринларда - Ўзкомназорат) Рақамли назорат ахборот тизими махсус модулида ҳар ярим йилликдан кейинги ойнинг 25-санасига қадар давлат органлари кесимида инсон омилисиз автоматлаштирилган ҳолда шакллантирилади.

34-5. Давлат органларининг Ягона порталдаги электрон давлат хизматлари ва сервисларидан аҳоли ҳамда тадбиркорлик субъектларининг қониқиш даражаси рейтинги ҳар ярим йил якунларига кўра Ўзкомназорат томонидан расмий веб-сайти ва оммавий ахборот воситалари орқали очиқ эълон қилинади";

35-банд қуйидаги таҳрирда баён этилсин:

"35. Ўзкомназорат:

электрон давлат хизматларини самарали кўрсатиш жараёнида техник жиҳатдан мавжуд тартибларга риоя этилишини назорат қилади;

ҳар ярим йилда инсон омилисиз шаклланадиган аҳоли ва тадбиркорлик субъектларининг Ягона интерактив давлат хизматлари порталидаги хизмат ва сервислардан қониқиш даражаси рейтингини эълон қилиб боради";

36-банд қуйидаги таҳрирда баён этилсин:

"36. Давлат органларининг раҳбарлари маълумотлар базаларини ўз вақтида ва сифатли шакллантириш, маълумотларни рақамлаштириш, маълумотлар ҳамда рақамли кўринишдаги ҳужжатларни муддатида бериш, электрон хизматлар кўрсатилиши асоссиз рад этилишига ва уларнинг сифатсиз тақдим этилишига йўл қўймаслик юзасидан шахсан жавобгар ҳисобланади.

Бунда давлат органларининг раҳбарлари:

аҳоли, тадбиркорлик субъектлари ва давлат органлари учун зарур бўлган маълумотларни доимий равишда рақамлаштириш ишларини амалга ошириш;

рақамли маълумотлар базаларини ва уларнинг захира нусхаларини шакллантириш;

рақамли маълумотлар базаларидаги маълумотларни Идоралараро интеграциялашув платформасига доимий асосда тақдим этиш;

ахборот тизимларида профилактик тадбирлар ҳақида камида 3 кун олдин Рақамли ҳукумат лойиҳаларини бошқариш марказини огоҳлантириш тизимини йўлга қўйиши шарт".

8. Вазирлар Маҳкамасининг "Бухоро, Самарқанд, Хива ва Шаҳрисабз шаҳарларида хавфсиз туризмни таъминлаш чора-тадбирлари тўғрисида" 2017 йил 23 ноябрдаги 939-сон қарорининг 3-банди учинчи ва тўртинчи хатбошиларидаги "Ахборот-коммуникация технологияларини" сўзлари "Рақамли технологияларни" сўзлари билан алмаштирилсин.

9. Вазирлар Маҳкамасининг "Кексалар, ногиронлиги бўлган шахслар ва аҳолининг ижтимоий ҳимояга муҳтож бошқа қатламларига тиббий-ижтимоий ёрдам кўрсатиш соҳасидаги фаолиятга ахборот-коммуникация технологияларини жорий қилиш чора-тадбирлари тўғрисида" 2018 йил 15 мартдаги 203-сон қарорининг 5-банди тўртинчи хатбошисидаги "Ахборот-коммуникация технологияларини" сўзлари "Рақамли технологияларни" сўзлари билан алмаштирилсин.

10. Вазирлар Маҳкамасининг "Ўзбекистон Республикаси Ҳисоб палатасининг дастурий комплексини жорий этиш чора-тадбирлари тўғрисида" 2018 йил 14 майдаги 362-сон қарорининг 7-банди учинчи хатбошисидаги "Ахборот-коммуникация технологияларини" сўзлари "Рақамли технологияларни" сўзлари билан алмаштирилсин.

11. Вазирлар Маҳкамасининг 2018 йил 12 октябрдаги 821-сон қарори билан тасдиқланган Ахборот-коммуникация технологияларини жорий қилиш ва ривожлантириш бўйича устувор лойиҳаларнинг ҳудудий манзилли рўйхатларини шакллантириш ва молиялаштириш тартиби тўғрисидаги низомнинг 1-бандидаги "Ахборот-коммуникация технологияларини" сўзлари "Рақамли технологияларни" сўзлари билан алмаштирилсин.

12. Вазирлар Маҳкамасининг "Ўзбекистон Республикаси Олий Мажлиси Қонунчилик палатасининг ахборот-коммуникация инфратузилмасини такомиллаштириш чора-тадбирлари тўғрисида" 2018 йил 19 декабрдаги 1035-сон қарорининг 4-банди учинчи хатбошиси қуйидаги таҳрирда баён этилсин:

"сервер ва коммуникация ускуналарини, дастурий таъминлашни харид қилиш ва ўрнатишга - Ўзбекистон Республикаси Рақамли технологиялар вазирлиги ҳузуридаги Рақамли технологияларни ривожлантириш жамғармаси маблағлари молиялаштириш манбалари этиб белгилансин".

13. Вазирлар Маҳкамасининг "Дастурий маҳсулотлар ва ахборот технологиялари технологик паркини ташкил этиш чора-тадбирлари тўғрисида" 2019 йил 10 январдаги 17-сон қарори 4-бандида:

"а" кичик банднинг учинчи хатбошиси қуйидаги таҳрирда баён этилсин:

"Технопаркни молиялаштиришнинг етишмаётган қисми юзасидан - Рақамли технологияларни ривожлантириш жамғармаси ва Ўзбекистон Республикаси Рақамли технологиялар вазирлигининг идоравий мансуб ташкилотлари маблағлари Технопаркнинг фаолиятини ташкил этиш ва амалга ошириш билан боғлиқ чораларни молиялаштириш манбалари ҳисобланади";

"б" кичик банди қуйидаги таҳрирда баён этилсин:

"б) Технопарк резидентлари томонидан амалга ошириладиган истиқболли стартап-лойиҳалар улар белгиланган тартибда танлаб олингандан кейин Рақамли технологияларни ривожлантириш жамғармаси ва Ўзбекистон Республикаси Рақамли технологиялар вазирлигининг идоравий мансуб ташкилотлари маблағлари ҳисобига молиялаштирилади".

14. Вазирлар Маҳкамасининг 2019 йил 19 ноябрдаги 917-сон қарори билан тасдиқланган Ўзбекистон Республикасининг консолидациялашган бюджети таркибига кирадиган давлат мақсадли жамғармалари рўйхатининг 13-бандидаги "Ахборот-коммуникация технологияларини" сўзлари "Рақамли технологияларни" сўзлари билан алмаштирилсин.

15. Вазирлар Маҳкамасининг "Андижон вилоятида аҳоли, шу жумладан ёшлар ўртасида компьютер технологиялари ва Интернет жаҳон ахборот тармоғидан самарали фойдаланишни ташкил этиш чора-тадбирлари тўғрисида" 2019 йил 20 ноябрдаги 921-сон қарорининг 9-банди "г" кичик бандидаги "Ахборот-коммуникация технологияларини" сўзлари "Рақамли технологияларни" сўзлари билан алмаштирилсин.

16. Вазирлар Маҳкамасининг ""Ягона миллий меҳнат тизими" идоралараро дастурий-аппарат комплекси жорий қилинишини ва унинг ишлашини таъминлашга доир ташкилий чора-тадбирлар тўғрисида" 2019 йил 5 декабрдаги 971-сон қарорининг 2-бандидаги "Электрон" сўзи "Рақамли" сўзи билан алмаштирилсин.

17. Вазирлар Маҳкамасининг "Маҳаллий ижро этувчи ҳокимият органлари томонидан қабул қилинадиган қарорларни ишлаб чиқиш, келишиш ва рўйхатдан ўтказишнинг ягона электрон тизимини жорий этиш чора-тадбирлари тўғрисида" 2020 йил 14 апрелдаги 218-сон қарорининг 5-банди иккинчи хатбошисидаги "Ахборот-коммуникация технологияларини" сўзлари "Рақамли технологияларни" сўзлари билан алмаштирилсин.

18. Вазирлар Маҳкамасининг "Ўзбекистон Республикаси Рақамли технологиялар вазирлиги тизимидаги айрим ташкилотларнинг фаолиятини ташкил этиш чора-тадбирлари тўғрисида" 2020 йил 25 июндаги 409-сон қарорида:

2-банднинг "а" кичик банди биринчи хатбошиси, 3-банднинг иккинчи хатбошиси, шунингдек, 1-илованинг номидаги "Электрон" сўзи "Рақамли" сўзи билан алмаштирилсин;

5-банд қуйидаги таҳрирда баён этилсин:

"5. Қуйидагилар:

а) "Рақамли ҳукумат лойиҳаларини бошқариш маркази" давлат муассасасининг фаолиятини молиялаштириш манбалари этиб белгилансин:

Рақамли технологияларни ривожлантириш жамғармасининг мобиль алоқа хизматларини кўрсатувчи юридик шахслар (уяли алоқа компаниялари) томонидан абонент рақамидан фойдаланганлик учун тўланадиган тўлов суммасининг тақсимлангунига қадар бўлган 35 фоизидан шакллантириладиган махсус ҳисобварағига келиб тушган маблағлар;

Ягона интерактив давлат хизматлари портали орқали давлат хизматларини кўрсатганлик учун тўланган давлат божлари, йиғимлар ва барча турдаги тўловларнинг 11,75 фоизи (шундан 0,5 фоизи - Ягона биллинг тизими орқали давлат хизматлари кўрсатилганда) - Рақамли технологиялар вазирлиги ҳузуридаги "Рақамли ҳукумат лойиҳаларини бошқариш маркази" давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига келиб тушган маблағлар;

халқаро молия институтлари ва бошқа институтлар, хорижий ташкилотларнинг грантлари;

қонунчилик ҳужжатлари билан тақиқланмаган бошқа манбалар;

б) "Рақамли иқтисодиёт тадқиқотлари маркази" давлат муассасасининг фаолиятини молиялаштириш манбалари этиб белгилансин:

Рақамли технологияларни ривожлантириш жамғармасининг мобиль алоқа хизматларини кўрсатувчи юридик шахслар (уяли алоқа компаниялари) томонидан абонент рақамидан фойдаланганлик учун тўланадиган тўлов суммасининг тақсимлангунига қадар бўлган 35 фоизидан шакллантириладиган махсус ҳисобварағига келиб тушган маблағлар;

халқаро молия институтлари ва бошқа институтлар, хорижий ташкилотларнинг грантлари;

қонунчилик ҳужжатлари билан тақиқланмаган бошқа манбалар;

в) Дирекциянинг фаолиятини молиялаштириш манбалари этиб белгилансин:

Рақамли технологияларни ривожлантириш жамғармаси ҳамда Вазирлик тизимидаги ташкилотлар маблағлари;

хўжалик фаолиятидан олинган маблағлар;

қонунчилик ҳужжатлари билан тақиқланмаган бошқа манбалар.".

19. Вазирлар Маҳкамасининг "Электрон ҳукумат тизимини янада ривожлантириш, шунингдек, давлат органлари ва ташкилотларининг ўз фаолияти бўйича жамоатчилик олдида электрон ҳисобот бериши тартибини жорий этиш чора-тадбирлари тўғрисида" 2020 йил 16 июлдаги 444-сон қарорида:

а) 1-иловада:

2-банд қуйидаги мазмундаги еттинчи хатбоши билан тўлдирилсин:

"; постмониторинг - давлат органлари ва ташкилотларининг ахборот тизими ва ресурси жорий этилгандан кейинги даврда ундан фойдаланиш самарадорлиги устидан тизимли мониторинг юритиш.";

3-банддаги "Электрон" сўзи "Рақамли" сўзи билан алмаштирилсин;

5-бобнинг номи "мониторинги" сўзидан кейин "ва постмониторинги" сўзлари билан тўлдирилсин;

33-банд қуйидаги таҳрирда баён этилсин:

"33. Ўзбекистон Республикаси Рақамли технологиялар вазирлиги Оператор билан биргаликда ягона реестрда ахборот тизимлари паспортларининг ва унга тегишли бошқа лойиҳа-техник ҳужжатлар сифатли тўлдирилиши устидан мониторинг ҳамда улардан келгусида фойдаланиш самарадорлиги устидан тизимли постмониторингни амалга оширади.";

б) 2-иловада:

3-банддаги "Электрон" сўзи "Рақамли" сўзи билан алмаштирилсин;

5-банд қуйидаги таҳрирда баён этилсин:

"5. Республика ва маҳаллий ижро этувчи ҳокимият органлари ахборот тизимларида, идоралараро электрон ҳамкорлик қилишда "Рақамли ҳукумат" тизимининг ягона идентификаторлари ҳамда маълумотномалар ва таснифлагичлар регистри ахборот тизимида жойлаштирилган ягона умумдавлат маълумотномалари ва таснифлагичларидан фойдаланишлари шарт.".

20. Вазирлар Маҳкамасининг "Аҳолига тақдим этилаётган электрон давлат хизматларини кўрсатишда шахсни тасдиқлаш тизимини янада ривожлантириш чора-тадбирлари тўғрисида" 2020 йил 30 октябрдаги 679-сон қарорининг 3-банди учинчи хатбошисидаги "Ахборот-коммуникация технологияларини" сўзлари "Рақамли технологияларни" сўзлари билан алмаштирилсин.

21. Вазирлар Маҳкамасининг 2021 йил 4 майдаги 271-сон қарори билан тасдиқланган Автомототранспорт воситалари ва шаҳар электр транспорти воситалари ҳайдовчилигига номзодлардан имтиҳонларни қабул қилиш учун ҳужжатларни ва миллий ҳайдовчилик гувоҳномасини расмийлаштириш бўйича давлат хизматлари кўрсатишнинг маъмурий регламенти 8-бандининг бешинчи хатбошисидаги "Электрон" сўзи "Рақамли" сўзи билан алмаштирилсин.

22. Вазирлар Маҳкамасининг "Ер ости сувларидан фойдаланишга оид рухсат этувчи ҳужжатларни бериш тартибини янада такомиллаштириш чора-тадбирлари тўғрисида" 2021 йил 8 январдаги 9-сон қарорида:

а) 1-илованинг 12-банди "б" кичик бандидаги "Ахборот-коммуникация технологияларини" сўзлари "Рақамли технологияларни" сўзлари билан алмаштирилсин;

б) 2-илованинг 12-банди "а" ва "б" кичик бандларидаги "Ахборот-коммуникация технологияларини" сўзлари "Рақамли технологияларни" сўзлари билан алмаштирилсин;

в) 3-илованинг 12-банди "а" ва "б" кичик бандларидаги "Ахборот-коммуникация технологияларини" сўзлари "Рақамли технологияларни" сўзлари билан алмаштирилсин.

23. Вазирлар Маҳкамасининг "Рақамли технологиялар ва сунъий интеллектни ривожлантириш илмий-тадқиқот институти фаолиятини ташкил этиш тўғрисида" 2021 йил 31 июлдаги 475-сон қарорининг 6-банди тўртинчи хатбошисидаги "Ахборот-коммуникация технологияларини" сўзлари "Рақамли технологияларни" сўзлари билан алмаштирилсин.

24. Вазирлар Маҳкамасининг 2021 йил 15 октябрдаги 645-сон қарори билан тасдиқланган Ички ишлар органлари ходимлари учун ахборот-коммуникация технологияларини жорий қилиш бўйича шартнома асосида малака ошириш ўқув курсларини ташкил этувчи олий таълим муассасалари ва бошқа ташкилотлар рўйхатининг 12-позицияси "Олий таълим муассасалари ва ахборот технологиялари йўналишига ихтисослашган инновацион ташкилотлар" устунидаги "Электрон" сўзи "Рақамли" сўзи билан алмаштирилсин.

25. Вазирлар Маҳкамасининг "Электрон онлайн-аукцион ва танловларни ташкил этиш ҳамда ўтказиш тартибини такомиллаштириш бўйича қўшимча чора-тадбирлар тўғрисида" 2022 йил 12 январдаги 18-сон қарори билан тасдиқланган "E-auksion" электрон савдо платформасига интеграция қилинадиган вазирликлар, идоралар ва бошқа ташкилотлар рўйхатининг 1-банди қуйидаги таҳрирда баён этилсин:

"1. Ўзбекистон Республикаси Рақамли технологиялар вазирлиги ва унинг ҳузуридаги "Рақамли ҳукумат лойиҳаларини бошқариш маркази" давлат муассасаси.".

26. Вазирлар Маҳкамасининг "Қурилиш соҳасига оид ягона маъмурий қурилиш регламентларини тасдиқлаш тўғрисида" 2022 йил 20 апрелдаги 200-сон қарорида:

а) 3-иловага 4-илова қуйидаги мазмундаги 13-1-позиция билан тўлдирилсин:

б) 4-иловада:

9-банд "фавқулодда вазиятлар бўлимлари" сўзларидан кейин "ҳамда Ўзкомназорат инспекцияси" сўзлари билан тўлдирилсин;

1-илованинг "3-босқич" позицияси "Субъектлар" устуни "назорат хизмати" сўзларидан кейин ", Ўзкомназорат инспекцияси" сўзлари билан тўлдирилсин.

27. Вазирлар Маҳкамасининг "Спорт ҳакамларига малака тоифасини бериш бўйича давлат хизматлари кўрсатишнинг маъмурий регламентини тасдиқлаш тўғрисида" 2022 йил 6 июлдаги 364-сон қарорининг 4-банди биринчи хатбошиси қуйидаги таҳрирда баён этилсин:

"4. Ўзбекистон Республикаси Рақамли технологиялари вазирлиги ҳузуридаги "Рақамли ҳукумат лойиҳаларини бошқариш маркази" давлат муассасаси, Спортни ривожлантириш вазирлиги Адлия вазирлиги билан биргаликда:".

28. Вазирлар Маҳкамасининг 2022 йил 30 августдаги 479-сон қарори билан тасдиқланган Ўзбекистон Республикасида жисмоний шахсларни Мобил-ID тизимида идентификациялаш тартиби тўғрисидаги низомнинг 32-банди иккинчи хатбошисидаги "Электрон" сўзи "Рақамли" сўзи билан алмаштирилсин.

29. Вазирлар Маҳкамасининг "Идоралараро электрон ҳамкорлик тизими ва маълумотларнинг ахборот алмашинувини янада такомиллаштириш чора-тадбирлари тўғрисида" 2022 йил 20 сентябрдаги 516-сон қарорида:

а) 2-банднинг "в" кичик бандидаги "Электрон" сўзи "Рақамли" сўзи билан алмаштирилсин;

б) 1-илованинг 2-банди олтинчи хатбошиси қуйидаги таҳрирда баён этилсин:

"Идоралараро интеграциялашув платформаси оператори (кейинги ўринларда - оператор) - Ўзбекистон Республикаси Рақамли технологиялар вазирлиги ҳузуридаги "Рақамли ҳукумат лойиҳаларини бошқариш маркази" давлат муассасаси;";

в) 2-иловада:

2-банднинг олтинчи хатбошиси қуйидаги таҳрирда баён этилсин:

"Рақамли маълумотлар платформаси оператори (кейинги ўринларда - оператор) - Ўзбекистон Республикаси Рақамли технологиялар вазирлиги ҳузуридаги "Рақамли ҳукумат лойиҳаларини бошқариш маркази" давлат муассасаси;";

д) 3-иловада:

2-банднинг ўнинчи хатбошиси қуйидаги таҳрирда баён этилсин:

"Ягона биллинг тизими оператори (кейинги ўринларда - оператор) - Ягона биллинг тизимининг ишлаши, ундан фойдаланиш, уни ташкилий ва техник жиҳатдан қўллаб-қувватлашни таъминловчи Ўзбекистон Республикаси Рақамли технологиялар вазирлиги ҳузуридаги "Рақамли ҳукумат лойиҳаларини бошқариш маркази" давлат муассасаси.";

4-банд қуйидаги таҳрирда баён этилсин:

"4. Ягона биллинг тизими орқали тўланган давлат божлари, йиғимлар ва бошқа тўловлардан тушадиган маблағларнинг 0,5 фоизи Рақамли технологиялар вазирлиги ҳузуридаги "Рақамли ҳукумат лойиҳаларини бошқариш маркази" давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига ўтказилади.";

5-банд қуйидаги таҳрирда баён этилсин:

"5. Ягона биллинг тизимини такомиллаштириш ва кейинчалик қўллаб-қувватлаш Рақамли технологиялар вазирлиги ҳузуридаги "Рақамли ҳукумат лойиҳаларини бошқариш маркази" давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағи маблағлари ҳисобидан амалга оширилади.";

21-банднинг олтинчи хатбошиси қуйидаги таҳрирда баён этилсин:

"кўрсатилган хизматлар ҳақи сифатида амалга оширилган ҳар бир транзакция суммасининг 0,5 фоизини ҳисобот ойининг якуни бўйича кейинги ойнинг 5-санасига қадар Рақамли технологиялар вазирлиги ҳузуридаги "Рақамли ҳукумат лойиҳаларини бошқариш маркази" давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига ўтказиш.".

30. Вазирлар Маҳкамасининг 2022 йил 6 октябрдаги 572-сон қарори билан тасдиқланган Эмиссиявий қимматли қоғозлар чиқарилишини давлат рўйхатидан ўтказиш, аввал давлат рўйхатидан ўтказилган қимматли қоғозлар чиқарилишига ўзгартиришлар ва (ёки) қўшимчалар киритиш, аввал давлат рўйхатидан ўтказилган қимматли қоғозлар чиқарилишини бекор қилиш бўйича давлат хизматларини кўрсатишнинг маъмурий регламенти 14-бандида:

"а" кичик банднинг учинчи хатбошиси қуйидаги таҳрирда баён этилсин:

"0,5 фоизи-Ягона биллинг тизими орқали давлат хизматларини кўрсатганлик учун Рақамли технологияларни ривожлантириш жамғармаси махсус ҳисобварағига;";

"б" кичик банднинг учинчи-тўртинчи хатбошилари қуйидаги таҳрирда баён этилсин:

"11,25 фоизи - Рақамли технологияларни ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;

0,5 фоизи - Ягона биллинг тизими орқали давлат хизматларини кўрсатганлик учун Рақамли технологияларни ривожлантириш жамғармаси махсус ҳисобварағига;".

31. Вазирлар Маҳкамасининг "Корпоратив бошқарувчи малака аттестатини бериш бўйича давлат хизматлари кўрсатишнинг маъмурий регламентини тасдиқлаш тўғрисида" 2022 йил 29 ноябрдаги 679-сон қарорида:

а) 4-банднинг биринчи хатбошиси қуйидаги таҳрирда баён этилсин:

"4. Ўзбекистон Республикаси Рақамли технологиялар вазирлиги ҳузуридаги "Рақамли ҳукумат лойиҳаларини бошқариш маркази" давлат муассасаси, Вазирлар Маҳкамаси ҳузуридаги Бизнес ва тадбиркорлик олий мактаби Адлия вазирлиги билан биргаликда:".

32. Вазирлар Маҳкамасининг "Қишлоқ хўжалиги экинлари уруғларини сертификатлаш ва навдорлигини баҳолаш бўйича давлат хизматлари кўрсатишни такомиллаштириш тўғрисида" 2022 йил 16 декабрдаги 712-сон қарорида:

а) 1-иловада:

37-38-бандлар қуйидаги таҳрирда баён этилсин:

"37. Ўзагроинспекция, Давлат хизматлари маркази ва Рақамли технологиялар вазирлиги ҳузуридаги "Рақамли ҳукумат лойиҳаларини бошқариш маркази" давлат муассасаси давлат хизматларини кўрсатиш бўйича тақдим этилган ҳужжатлар ва сертификатлаш натижалари бўйича маълумотларнинг сир сақланишини таъминлайди.

38. Ўзагроинспекция, Давлат хизматлари маркази, Рақамли технологиялар вазирлиги ҳузуридаги "Рақамли ҳукумат лойиҳаларини бошқариш маркази" давлат муассасаси манфаатдор шахсга маъмурий ҳужжатни қабул қилиш учун аҳамиятга эга бўлган барча ҳолатлар юзасидан ўз фикрини билдириш имкониятини беради.";

б) 2-иловада:

27-28-бандлар қуйидаги таҳрирда баён этилсин:

"27. Давлат хизматлари маркази ҳамда Рақамли технологиялар вазирлиги ҳузуридаги "Рақамли ҳукумат лойиҳаларини бошқариш маркази" давлат муассасаси давлат хизматларини кўрсатиш бўйича тақдим этилган ҳужжатлар ва нав тозалигини баҳолаш натижалари бўйича маълумотларнинг сир сақланишини таъминлайди.

28. Давлат хизматлари маркази ҳамда Рақамли технологиялар вазирлиги ҳузуридаги "Рақамли ҳукумат лойиҳаларини бошқариш маркази" давлат муассасаси манфаатдор шахсга маъмурий ҳужжатни қабул қилиш учун аҳамиятга эга бўлган барча ҳолатлар юзасидан ўз фикрини билдириш имкониятини беради.";

в) 3-иловада:

27-28-бандлар қуйидаги таҳрирда баён этилсин:

"27. Давлат хизматлари маркази ҳамда Рақамли технологиялар вазирлиги ҳузуридаги "Рақамли ҳукумат лойиҳаларини бошқариш маркази" давлат муассасаси давлат хизматлари кўрсатиш бўйича тақдим этилган ҳужжатлар ва нав тозалигини баҳолаш натижалари бўйича маълумотларнинг сир сақланишини таъминлайди.

28. Давлат хизматлари маркази ҳамда Рақамли технологиялар вазирлиги ҳузуридаги "Рақамли ҳукумат лойиҳаларини бошқариш маркази" давлат муассасаси манфаатдор шахсга маъмурий ҳужжатни қабул қилиш учун аҳамиятга эга бўлган барча ҳолатлар юзасидан ўз фикрини билдириш имкониятини беради.";

г) 4-иловада:

43-44-бандлар қуйидаги таҳрирда баён этилсин:

"43. Ўзагроинспекция, Давлат хизматлари маркази ва Рақамли технологиялар вазирлиги ҳузуридаги "Рақамли ҳукумат лойиҳаларини бошқариш маркази" давлат муассасаси давлат хизматларини кўрсатиш бўйича тақдим этилган ҳужжатлар ва сертификатлаш натижалари бўйича маълумотларнинг сир сақланишини таъминлайди.

44. Ўзагроинспекция, Давлат хизматлари маркази, Рақамли технологиялар вазирлиги ҳузуридаги "Рақамли ҳукумат лойиҳаларини бошқариш маркази" давлат муассасаси манфаатдор шахсга маъмурий ҳужжатни қабул қилиш учун аҳамиятга эга бўлган барча ҳолатлар юзасидан ўз фикрини билдириш имкониятини беради.".

33. Вазирлар Маҳкамасининг "Ўзбекистон Республикаси Президентининг соврини учун "Рақамли технологиялар йўналишида энг яхши стартап" (President Tech Award) танловини ўтказиш тартиби тўғрисида" 2023 йил 15 февралдаги 66-сон қарорида:

а) 5-банднинг биринчи хатбошисидаги "Ахборот-коммуникация технологияларини" сўзлари "Рақамли технологияларни" сўзлари билан алмаштирилсин;

б) 1-илованинг 38-бандидаги "Ахборот-коммуникация технологияларини" сўзлари "Рақамли технологияларни" сўзлари билан алмаштирилсин.

34. Вазирлар Маҳкамасининг ""Электрон ҳукумат" тизимининг маълумотларни қайта ишлаш маркази фаолиятини ташкил этиш чора-тадбирлари тўғрисида" 2023 йил 14 мартдаги 107-сон қарорида:

а) 1-банднинг учинчи хатбошисидаги "Электрон" сўзи "Рақамли" сўзи билан алмаштирилсин;

б) 1-иловада:

2-банднинг тўртинчи хатбошисидаги "Электрон" сўзи "Рақамли" сўзи билан алмаштирилсин;

1-илованинг "2-босқич" позицияси "Субъектлар" устунидаги "Электрон" сўзи "Рақамли" сўзи билан алмаштирилсин;

2-иловадаги "Электрон ҳукумат лойиҳаларини бошқариш маркази" сўзлари "Рақамли ҳукумат лойиҳаларини бошқариш маркази" сўзлари билан алмаштирилсин.

35. Вазирлар Маҳкамасининг "Телекоммуникация воситаларини жойлаштириш учун ижара шартномаларини расмийлаштиришнинг маъмурий регламентини тасдиқлаш тўғрисида" 2023 йил 25 мартдаги 127-сон қарорининг 3-банди, қарорга 1-илованинг 2-банди учинчи хатбошисидаги ""UNICON.UZ" фан-техника ва маркетинг тадқиқотлари маркази" давлат унитар корхонаси" сўзлари ""UNICON.UZ" фан-техника ва маркетинг тадқиқотлари маркази" масъулияти чекланган жамияти" сўзлари билан алмаштирилсин.

36. Вазирлар Маҳкамасининг "Давлат ёнғин назорати ҳамда санитария-эпидемиология соҳасида давлат хизматларини кўрсатишни янада такомиллаштиришнинг қўшимча чора-тадбирлари тўғрисида" 2023 йил 4 апрелдаги 142-сон қарорида:

а) 1-илованинг 11-бандидаги "Электрон" сўзи "Рақамли" сўзи билан алмаштирилсин;

б) 2-илованинг 10-бандидаги "Электрон" сўзи "Рақамли" сўзи билан алмаштирилсин.

37. Вазирлар Маҳкамасининг "Қишлоқ хўжалиги, мелиорация ва йўл-қурилиш техникаларидан фойдаланиш соҳасида давлат хизматлари кўрсатиш тизимини такомиллаштириш чора-тадбирлари тўғрисида" 2023 йил 29 апрелдаги 170-сон қарорида:

а) 1-илованинг 26-банди ҳамда 2-илованинг 24-бандидаги "Электрон" сўзи "Рақамли" сўзи билан алмаштирилсин;

б) 3-илованинг 14-банди ҳамда 4-илованинг 11-бандидаги "Электрон" сўзи "Рақамли" сўзи билан алмаштирилсин;

в) 6-илованинг 29 ва 62-бандларидаги "Электрон" сўзи "Рақамли" сўзи билан алмаштирилсин.

38. Вазирлар Маҳкамасининг "Республика ва маҳаллий ижро этувчи ҳокимият органларининг ахборот-коммуникация технологияларини ривожлантириш учун масъул ходимлари малакасини ошириш ва рейтинг баҳолашни ташкил этиш чора-тадбирлари тўғрисида" 2023 йил 20 майдаги 208-сон қарорида:

а) 2-банддаги "Электрон" сўзи "Рақамли" сўзи билан алмаштирилсин;

б) 3-банднинг еттинчи хатбошисидаги "Ахборот-коммуникация технологияларини" сўзлари "Рақамли технологияларни" сўзлари билан алмаштирилсин;

в) 1-иловада:

2-банднинг учинчи хатбошисидаги "Электрон" сўзи "Рақамли" сўзи билан алмаштирилсин;

1-илованинг "1-босқич" позицияси "Тадбирлар" устунидаги "Электрон" сўзи "Рақамли" сўзи билан алмаштирилсин.

39. Вазирлар Маҳкамасининг 2023 йил 24 июлдаги 309-сон қарори билан тасдиқланган Спортчиларга спорт паспортини бериш бўйича давлат хизматини кўрсатишнинг маъмурий регламенти 15-бандининг "а" кичик бандидаги "Электрон" сўзи "Рақамли" сўзи билан алмаштирилсин.

40. Вазирлар Маҳкамасининг 2023 йил 31 июлдаги 321-сон қарори билан тасдиқланган Ўзбекистон Республикаси фуқаролари, чет эл фуқаролари ва фуқаролиги бўлмаган шахсларнинг яшаш жойига бориб, миграция ва фуқароликни расмийлаштириш бўйича давлат хизматларини кўрсатишнинг маъмурий регламенти 5-бандининг "б" кичик бандидаги "Электрон" сўзи "Рақамли" сўзи билан алмаштирилсин.

Қонун ҳужжатлари маълумотлари миллий базаси (www.lex.uz),

2023 йил 29 декабрь