Юрист Предприятия
Корхона юристи / Қонунчиликда янги / Январь, 2024 й. /Ўзбекистон Республикаси Президентининг 09.01.2024 й. ПФ-8-сон "Тадбиркорлик соҳасидаги мажбурий талабларни қисқартириш ҳамда лицензиялаш ва рухсат бериш тартиб-таомилларини соддалаштириш чора-тадбирлари тўғрисида"ги Фармони
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ПРЕЗИДЕНТИНИНГ
ФАРМОНИ
09.01.2024 й.
N ПФ-8
ТАДБИРКОРЛИК СОҲАСИДАГИ
МАЖБУРИЙ ТАЛАБЛАРНИ ҚИСҚАРТИРИШ
ҲАМДА ЛИЦЕНЗИЯЛАШ ВА РУХСАТ БЕРИШ
ТАРТИБ-ТАОМИЛЛАРИНИ СОДДАЛАШТИРИШ
ЧОРА-ТАДБИРЛАРИ ТЎҒРИСИДА
2023 йил 18 август куни ўтказилган Ўзбекистон Республикаси Президентининг тадбиркорлар билан очиқ мулоқоти доирасида белгиланган устувор вазифалар ижросини таъминлаш, шунингдек, тартибга солиш таъсирини баҳолаш орқали мажбурий талабларни қисқартириш ҳамда лицензиялаш ва рухсат бериш тартиб-таомилларини соддалаштириш мақсадида:
1. Адлия вазирлиги, Иқтисодиёт ва молия вазирлиги, Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил ва Савдо-саноат палатасининг 2024 йил 1 мартдан бошлаб лицензияланадиган фаолият ва рухсат этиш хусусиятига эга ҳужжатларнинг айрим турларини 1-иловага мувофиқ бекор қилиш тўғрисидаги таклифига розилик берилсин.
2. Белгилансинки, 2024 йил 1 мартдан бошлаб:
лицензиялаш, рухсат бериш ва хабардор қилиш тартиб-таомиллари соҳасидаги ҳуқуқбузарликларни содир этганлик учун юридик шахсларга қўлланилган жарима суммаси миқдорининг 50 фоизи ўн беш кун ичида, 70 фоизи ўттиз кун ичида ихтиёрий равишда тўланганда, ҳуқуқбузар жариманинг қолган қисмини тўлашдан озод этилади;
лицензия ёки рухсат этиш хусусиятига эга ҳужжатни бериш жараёнида видео алоқа воситалари ёрдамида талабгорларнинг лицензия ва рухсат этиш хусусиятига эга ҳужжатлар талаб ва шартларига мувофиқлигини масофадан туриб баҳолаш тартиби жорий этилади;
тадбиркорлик субъектини давлат рўйхатидан ўтказиш ёки қайта рўйхатдан ўтказишда унинг почта манзили сифатида муассиснинг турар жойини кўрсатишга рухсат берилади.
3. Қуйидаги тартиб ва талаблар бекор қилинсин:
туроператорлар учун фавқулодда ҳолатлар юзага келганда хавфни мажбурий суғурта қилиш тартибини жорий қилиш орқали "чиқиш туризми" йўналиши бўйича туризм фаолиятини амалга ошириш учун 15 минг АҚШ доллари эквиваленти миқдоридаги маблағларни Хавфсиз туризм жамғармасига захира қилиб қўйиш;
туристик хизматларни сертификатлаштиришда жойлаштириш воситалари, тоғ чанғиси трассалари ва пляж хизматларини сертификатлаштириш учун аризага кўчмас мулкка доир ҳуқуқни белгилайдиган ҳужжатларни илова қилиш;
юридик шахсларнинг транспорт воситаларини техник кўрикдан ўтказиш жойларини Давлат йўл ҳаракати хавфсизлиги хизматининг ҳудудий бўлинмалари томонидан белгилаш;
кадрлар малакасини ошириш ва уларни қайта тайёрлаш фаолияти фақат сайёр шаклда амалга оширилганда мулкий ёки бошқа ашёвий ҳуқуқлар асосида биноларнинг мавжуд бўлиши.
4. 2024 йил 1 мартдан бошлаб 2025 йил 1 январга қадар ҳуқуқий эксперимент тариқасида рентген ускунасидан фойдаланиш ва ветеринария лаборатория-диагностика ишларини амалга ошириш фаолиятларини бошлаш учун уч ойгача ўтиш ва мослашиш даврини белгилайдиган "Бизнесга лицензиясиз кириш" махсус режими (кейинги ўринларда - Махсус режим) жорий этилсин.
5. Белгилансинки, Махсус режим доирасида:
а) уч ойгача муддат давомида мазкур Фармоннинг 4-бандида белгиланган фаолиятни лицензия ва рухсат этиш хусусиятига эга ҳужжатни олмасдан ваколатли органни "Лицензия" ахборот тизими орқали бепул хабардор қилган ҳолда амалга оширишга рухсат этилади;
б) хабарнома белгиланган тартибда юборилганидан бошлаб уч ойгача муддат давомида тадбиркорлик субъектлари ва уларнинг мансабдор шахслари фаолиятни лицензиясиз ва рухсат этиш хусусиятига эга ҳужжатсиз амалга оширганлик учун жавобгарликка тортилмайди;
в) мазкур Фармоннинг 4-бандида белгиланган фаолиятни ваколатли органни хабардор қилган ҳолда бошлаган тадбиркорлик субъекти уч ойгача муддат давомида:
ўз фаолиятини лицензия ёки рухсат бериш тартиб-таомиллари талаблари ва шартларига мувофиқлаштириш чораларини кўради;
тегишли лицензия ёки рухсат этиш хусусиятига эга ҳужжатни белгиланган тартибда олади ёки мазкур фаолиятни амалга оширишни тўхтатади.
Адлия вазирлиги ваколатли органлар билан биргаликда 2024 йил 1 ноябрга қадар ҳуқуқий эксперимент натижаларини таҳлил қилиш асосида Махсус режимни тўлиқ жорий қилиш ва уни бошқа фаолият турларига ҳам татбиқ этиш бўйича Вазирлар Маҳкамасига таклифлар киритсин.
6. Қуйидагилар:
2024 йилда норматив-ҳуқуқий ҳужжатларнинг тартибга солиш таъсирини баҳолашдан ўтказиш режаси 2-иловага мувофиқ;
Мажбурий талабларни қисқартириш ҳамда лицензия ва рухсат этиш хусусиятига эга ҳужжатларни олиш тартиб-таомилларини соддалаштириш бўйича "йўл харитаси" 3-иловага мувофиқ;
Айрим лицензиялаш, рухсат бериш ва хабардор қилиш тартиб-таомилларининг паспортларини ишлаб чиқиш режа-графиги 4-иловага мувофиқ тасдиқлансин.
7. Масъул давлат органлари ва ташкилотларининг раҳбарларига:
ушбу Фармонга 2-иловада белгиланган муддатларда норматив-ҳуқуқий ҳужжатларнинг тартибга солиш таъсири баҳолашдан ўтказилиши ва натижалари бўйича ишлаб чиқилган баҳолаш ҳисоботлари ҳамда асослантирилган таклифларнинг Адлия вазирлигига киритилиши;
мазкур Фармонга 3 ва 4-иловаларда белгиланган чора-тадбирлар ўз вақтида ва сифатли бажарилиши учун шахсий жавобгарлик юклансин.
8. Адлия вазирлиги манфаатдор вазирлик ва идоралар билан биргаликда уч ой муддатда қонунчилик ҳужжатларига мазкур Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
9. Мазкур Фармоннинг ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. Мирзиёев
Президентининг
2024 йил 9 январдаги
ПФ-8-сон Фармонига
1-ИЛОВА
2024 йил 1 мартдан бошлаб
бекор қилинадиган лицензияланадиган
фаолият ва рухсат этиш хусусиятига
эга ҳужжатларнинг айрим турлари
РЎЙХАТИ