Ўзбекистон Республикаси Президентининг 10.01.2024 й. ПҚ-15-сон "Электротехника саноатининг ишлаб чиқариш ва экспорт салоҳиятини янада оширишга доир қўшимча чора-тадбирлар тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

10.01.2024 й.

N ПҚ-15

ЭЛЕКТРОТЕХНИКА САНОАТИНИНГ

ИШЛАБ ЧИҚАРИШ ВА ЭКСПОРТ САЛОҲИЯТИНИ

ЯНАДА ОШИРИШГА ДОИР ҚЎШИМЧА

ЧОРА-ТАДБИРЛАР ТЎҒРИСИДА

Электротехника саноатида янги захира ва имкониятларни сафарбар қилиш, юқори қўшилган қийматли электротехника маҳсулотлари, маиший ва бошқа техникалар ишлаб чиқаришни кенгайтириш, маҳаллий маҳсулотларнинг рақобатбардошлигини янада ошириш, шунингдек, соҳага замонавий технологиялар жорий этишни изчил давом эттириш мақсадида:

1. 2024-2025 йиллар учун электротехника тармоғини ривожлантириш бўйича қуйидаги асосий мақсадли кўрсаткичлар белгилансин:

мис хомашёсини қайта ишлаш қувватини 2024 йилда 140 минг тоннага ва 2025 йилда 160 минг тоннага етказиш;

маҳсулотлар ишлаб чиқариш ҳажмини 2024 йилда 30,8 триллион сўмгача ва 2025 йилда 38 триллион сўмгача ошириш;

маҳсулотлар экспорти ҳажмини 2024 йилда 1,5 миллиард АҚШ доллари ва 2025 йилда 2 миллиард АҚШ доллари миқдорида таъминлаш.

Электротехника саноатини ривожлантиришга кўмаклашиш бўйича ишчи гуруҳ (А.Я.Ҳайдаров) ҳамда "Ўзэлтехсаноат" уюшмаси (М.М.Юнусов) асосий мақсадли кўрсаткичлар бажарилишини таъминлаш бўйича манзилли чора-тадбирларни амалга оширсин.

2. Электротехника саноатида янги ишлаб чиқариш қувватларини яратиш ва ишлаб чиқаришни диверсификация қилиш дастури доирасида амалга ошириладиган инвестиция лойиҳаларини ишга туширишнинг йиғма параметрлари 1-иловага мувофиқ тасдиқлансин.

Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимларига ҳамда "Ўзэлтехсаноат" уюшмасига (М.М.Юнусов) мазкур дастурда белгиланган вазифаларнинг ўз вақтида бажарилиши учун шахсий жавобгарлик юклансин.

3. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари бошчилигида бир ой муддатда "Ўзэлтехсаноат" уюшмаси, Иқтисодиёт ва молия вазирлиги, Инвестициялар, саноат ва савдо вазирлиги, Савдо-саноат палатаси, "Ўзсаноатқурилишбанк" АТБ ва "Бизнесни ривожлантириш банки" АТБнинг ҳудудий бўлинмалари вакилларидан иборат Электротехника саноатини ривожлантиришга кўмаклашиш бўйича ҳудудий ишчи гуруҳлар тузилсин.

Ҳудудий ишчи гуруҳларнинг вазифалари этиб қуйидагилар белгилансин:

ҳудудларда электротехника саноатида ишлаб чиқаришни кенгайтиришга кўмаклашиш;

янги инвестиция лойиҳаларини шакллантиришда тадбиркорлик субъектларига кўмаклашиш, хорижий инвесторларни жалб қилиш орқали ҳудудларда янги ишлаб чиқаришларни ташкил этиш;

электротехника йўналишида фаолият юритаётган тадбиркорлик субъектларининг экспорт бозорларига чиқишига кўмаклашиш.

Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари ҳар чоракда камида бир маротаба ҳудудий ишчи гуруҳларнинг ҳисоботларини кўриб чиқсин ҳамда ҳар чоракда амалга оширилган ишлар бўйича Вазирлар Маҳкамасига ҳисобот киритиб борсин.

4. Тикланиш ва тараққиёт жамғармаси электротехника саноатида амалга ошириладиган инвестиция лойиҳаларини молиялаштириш учун 2024-2026 йилларда тижорат банкларига, уларнинг буюртмасига асосан 3 йиллик имтиёзли давр билан 10 йил муддатга, йиллик 5 фоиз ставкада 100 миллион АҚШ доллари миқдорида кредит линиясини очсин.

Бунда, кредит линияси ҳисобидан тижорат банклари томонидан тадбиркорлик субъектларига 3 йиллик имтиёзли давр билан 10 йил муддатга йиллик 7 фоиз ставкада (шундан 2 фоиз банк маржаси) кредитлар ажратилади.

5. Бош вазир ўринбосари (Ж.А.Ходжаев) 2024-2026 йилларда халқаро молия институтлари ва хорижий банклардан тижорат банкларига электротехника ва электромаиший техника маҳсулотларини ишлаб чиқаришга йўналтирилган лойиҳаларни молиялаштириш учун 400 миллион АҚШ доллари миқдорида кредит линиялари жалб қилинишини таъминласин.

6. 2024 йил 1 январдан 2027 йил 1 январга қадар муддатга ҳисобот даври якунлари бўйича электротехника маҳсулотларини сотишдан тушган тушуми миқдори умумий тушумининг 80 фоизидан кам бўлмаган электротехника тармоғи корхоналарига фойда солиғи ва мол-мулк солиғи бўйича ставкаларни 50 фоизга камайтириш тарзида солиқ имтиёзлари берилсин.

Белгилаб қўйилсинки, ушбу бандда назарда тутилган солиқ имтиёзларининг берилиши муносабати билан бўшаган маблағлар:

корхоналар томонидан дивидендлар кўринишида тақсимланмайди;

янги ишлаб чиқариш қувватларини яратиш ва мавжуд қувватларни модернизация қилишга йўналтирилади.

7. 2024 йил 1 апрелдан бошлаб давлат харидлари доирасида чет эллик етказиб берувчилар билан бир қаторда маҳаллий ишлаб чиқарувчилар иштирок этганда уларга нисбатан импорт товарларининг DDP (Ўзбекистон) нархидан қуйидаги миқдорларда нарх преференцияси берилади:

учта ва ундан ортиқ маҳаллий ишлаб чиқарувчи иштирок этган тақдирда ўн беш фоиз;

иккита маҳаллий ишлаб чиқарувчи иштирок этган тақдирда ўн икки фоиз;

битта маҳаллий ишлаб чиқарувчи иштирок этган тақдирда саккиз фоиз миқдорида.

8. Шундай тартиб ўрнатилсинки, унга мувофиқ:

давлат буюртмачилари электротехника (ТИФ ТН коди 84 ва 85-гуруҳи) маҳсулотлари харидини амалга оширишда электрон кооперация порталидан рўйхатдан ўтган маҳаллий ишлаб чиқарувчиларнинг таклифларини ўрганиш чораларини кўради;

2024 йил 1 февралдан бошлаб электротехника саноати корхоналари томонидан ишлаб чиқариш эҳтиёжлари учун хомашё ва бутловчи қисмларни импорт қилишда, шу жумладан 120 кун кечиктириб тўлашда, қўшилган қиймат солиғини ҳисобга олиш имкониятини берувчи тизимда бир вақтнинг ўзида исталган миқдорда божхона юк декларациясини юбориш, импорт бўйича қўшилган қиймат солиғини биринчи навбатда солиқ органларидаги ҳисобга олинадиган қўшилган қиймат солиғи суммаси ҳисобидан ундириш, сўнгра етмаган қисми бўйича ундирувни божхона депозитидаги маблағларга қаратиш тартиби жорий этилади;

соҳада фаолият кўрсатаётган корхоналар "Ўзэлтехсаноат" уюшмасига аъзолигидан қатъи назар мазкур уюшма тавсияси асосида ваколатли иқтисодий операторлар реестрига киритилади;

мажбурий рақамли маркировка қилиниши белгиланган маиший техника маҳсулотларини рўйхатга олиш, мувофиқлик сертификати бериш ва мувофиқлик декларациясини рўйхатга олиш қатъий равишда тегишли маркировка коди олинганидан сўнг амалга оширилади;

маҳаллий ишлаб чиқарилган электротехника маҳсулотлари харидини амалга ошириш бўйича Миллий саноат порталида алоҳида саҳифа яратилади;

техник жиҳатдан тартибга солиш соҳасидаги норматив ҳужжатларда белгиланган мажбурий кўрсаткичларни аниқлашни таъминлайдиган, белгиланган тартибда аккредитациядан ўтказилган синов лабораторияси мавжуд бўлмаган сертификатлаштириш органлари томонидан электротехника маҳсулотларига мувофиқлик сертификатларини бериш тақиқланади.

9. Инвестициялар, саноат ва савдо вазирлиги, Иқтисодиёт ва молия вазирлиги, Давлат активларини бошқариш агентлиги, Фарғона, Хоразм, Тошкент вилояти ҳокимликлари ва "Ўзэлтехсаноат" уюшмасининг:

янги турдаги юқори технологияга асосланган электротехника маҳсулотлари ва уларнинг бутловчи қисмларини ўзлаштириш мақсадида, "Ohangaron Tech Industrial" технопарки негизида "Eltech Industrial" технопаркини (кейинги ўринларда - технопарк) ташкил этиш;

"Ohangaron Tech Industrial" технопаркини бошқариш дирекцияси" давлат унитар корхонасини "Eltech Industrial" технопаркини бошқариш дирекцияси" давлат муассасаси (кейинги ўринларда - Дирекция) сифатида қайта ташкил этиш;

Дирекцияга доимий фойдаланиш ҳуқуқи асосида қўшимча 214 гектар ер участкаларини ажратиш орқали технопарк ҳудудини кенгайтириш тўғрисидаги таклифларига розилик берилсин.

10. Тошкент вилояти ҳокимлиги ҳамда "Ўзэлтехсаноат" уюшмаси:

икки ой муддатда технопарк ҳудудини кенгайтириш учун инфратузилмалар мавжуд ва ўтказиш осон бўлган унга туташ ҳудудлардан Дирекцияга доимий фойдаланиш ҳуқуқи асосида бериладиган ер участкалари чегараларига аниқлик киритган ҳолда ер участкаларининг ер фонди тоифасини ўзгартириш бўйича асослантирилган таклифларни тегишлилиги бўйича, Қишлоқ хўжалигига мўлжалланган ва ўрмон фонди ерларининг ер фонди тоифаларини ўзгартириш масалаларини кўриб чиқиш бўйича Ҳукумат комиссиясига ёки Инвестицияларни жалб қилиш, саноатни ривожлантириш ва савдони тартибга солиш масалалари бўйича Ҳукумат комиссиясига киритсин;

ер фонди тоифаси ўзгартирилишига кўра тегишли ер участкаларини Дирекцияга доимий фойдаланиш ҳуқуқи асосида ажратсин.

11. Хоразм ва Фарғона вилоятлари ҳокимликлари "Ўзэлтехсаноат" уюшмаси билан биргаликда бир ой муддатда Урганч шаҳри "Ал-Хоразмий" мажмуаси ҳудудидан 4 гектар, Фарғона шаҳри "Эко шаҳар" ҳудудидан 10 гектар қишлоқ хўжалигига мўлжалланмаган ер участкаларини Дирекцияга доимий фойдаланиш ҳуқуқи билан ажратиб берсин.

12. Давлат активларини бошқариш агентлиги Иқтисодиёт ва молия вазирлиги ҳамда Инвестициялар, саноат ва савдо вазирлиги билан биргаликда уч ой муддатда Дирекция фаолиятини самарали ташкил этиш ва технопарк бош режасини ишлаб чиқиш мақсадида технопарк фаолиятини бошқариш учун ушбу соҳада илғор тажрибага эга халқаро консалтинг компаниясини танлов асосида жалб қилсин ва унинг молиялаштирилишини таъминласин.

13. Белгилансинки, технопаркни ташқи муҳандислик-коммуникация тармоқлари билан таъминлаш ишлари (етказиб бериш, кўчириш ҳамда зарур инфратузилмани яратиш) 2024 йилда Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури доирасида:

а) махсус иқтисодий ва кичик саноат зоналарини ва инвестиция лойиҳаларини ташқи инфратузилма билан таъминлаш учун ажратилган маблағлар ҳисобига:

тасдиқланган лойиҳа-смета ҳужжатларига мувофиқ ичимлик сув, оқова сув тармоқларини "Ўзсувтаъминот" АЖ таркибидаги ташкилотлар ҳамда автомобиль йўлларини қуриш, реконструкция қилиш ва таъмирлаш ишлари Автомобиль йўллари қўмитаси буюртмачилигида;

электр энергияси ва табиий газ тармоқларини қуриш, реконструкция қилиш ва таъмирлаш ишлари тасдиқланган лойиҳа-смета ҳужжатларига мувофиқ "Ўзбекистон миллий электр тармоқлари" АЖ, "Ҳудудий электр тармоқлари" АЖ ва "Ҳудудгазтаъминот" АЖ таркибидаги ташкилотлар буюртмачилигида;

б) алоқа тармоқларини қуриш, кўчириш, реконструкция қилиш ва таъмирлаш ишлари "Ўзбектелеком" АК буюртмачилигида ўз маблағлари ҳисобидан;

в) ирригация ва очиқ коллекторларни ёпиқ тармоққа ўтказиш ёки кўчириш ишлари Сув хўжалиги вазирлиги объектларини қуриш-таъмирлаш учун ажратилган маблағлар ҳисобидан амалга оширилади.

14. Қишлоқ хўжалигига мўлжалланган ва ўрмон фонди ерларининг ер фонди тоифаларини ўзгартириш масалаларини кўриб чиқиш бўйича Ҳукумат комиссиясининг Сурхондарё вилояти Сариосиё тумани ҳудудидаги туман ҳокимлиги захирасида турган 2-иловага мувофиқ 2 гектар суғориладиган ер участкасини қишлоқ хўжалигига мўлжалланган ерлар тоифасидан саноат, транспорт, алоқа, мудофаа ва бошқа мақсадларга мўлжалланган ерлар тоифасига ўтказиш тўғрисидаги таклифига розилик берилсин.

Сурхондарё вилояти ҳокимлиги бир йил муддатда тоифаси ўзгартирилган қишлоқ хўжалигига мўлжалланган ер майдонлари ўрнига беш баробарга тенг миқдорда янги ерларни ўзлаштириш чораларини кўрсин.

15. Инвестициялар, саноат ва савдо вазирлиги ички бозорда электротехника саноати маҳсулотлари нархи кескин ўзгаришининг олдини олиш ва ишлаб чиқариш барқарорлигини таъминлаш бўйича амалий чора-тадбирлар юзасидан 2024 йил 1 мартга қадар Вазирлар Маҳкамасига таклифлар киритсин.

16. Инвестицияларни жалб қилиш, саноатни ривожлантириш ва савдони тартибга солиш масалалари бўйича Ҳукумат комиссиясига (Ж.А. Ходжаев) 2027 йил 1 январга қадар электротехника соҳаси корхоналарини қўшимча қўллаб-қувватлаш бўйича чоралар кўриш ваколати берилсин.

Иқтисодиёт ва молия вазирлиги Ҳукумат комиссияси қарорларига асосан электротехника соҳаси корхоналарини қўшимча қўллаб-қувватлаш чоралари учун зарур маблағлар ажратиб борилишини таъминласин.

17. 2024 йил 1 февралдан бошлаб Ўзбекистон Республикаси ҳудудига олиб киришда уларнинг сифати, хавфсизлиги ҳамда сервис кафолатини таъминлайдиган ишлаб чиқарувчининг ваколатли вакили ёки расмий дилерлари мавжуд бўлиши талаб қилинадиган маҳсулотлар рўйхати 3-иловага мувофиқ тасдиқлансин.

Бунда, ишлаб чиқарувчининг ваколатли вакили ва (ёки) расмий дилерларнинг сервис хизмати мавжуд бўлиши керак.

18. Инвестициялар, саноат ва савдо вазирлиги, Иқтисодиёт ва молия вазирлиги, Ўзбекистон техник жиҳатдан тартибга солиш агентлигининг "Ўзэлтехсаноат" уюшмаси таъсисчилигида ташкил этилган "Eltech-Lab" МЧЖда электротехника ва электромаиший маҳсулотларнинг техник регламентлар ва халқаро талабларга мувофиқлигини (хавфсизлик кўрсаткичлари ва энергия самарадорлигини) баҳолаш бўйича замонавий синов лабораторияси ва сертификатлаштириш марказини ташкил этиш тўғрисидаги таклифи маъқуллансин.

Иқтисодиёт ва молия вазирлиги 2024 йилда "Ўзэлтехсаноат" уюшмасига "Eltech-Lab" МЧЖда синов лабораториясини жиҳозлаш учун давлат бюджетидан босқичма-босқич 25 миллиард сўм миқдорида маблағлар ажратилишини таъминласин.

Ўзбекистон техник жиҳатдан тартибга солиш агентлиги "Ўзэлтехсаноат" уюшмаси билан биргаликда:

2024 йил 1 декабрга қадар электротехника ва электромаиший маҳсулотларнинг техник регламентлар ва халқаро талабларга мувофиқлигини (хавфсизлик кўрсаткичлари ва энергия самарадорлигини) баҳолаш бўйича замонавий синов лабораторияси ва сертификатлаштириш марказини ташкил этиш ишларини якунласин;

2025 йил 1 мартга қадар синов лабораторияси фаолиятини халқаро меъёрлар асосида ривожлантириш ва тармоқнинг экспорт салоҳиятини оширишни инобатга олган ҳолда, уни аккредитациядан ўтказиш чораларини кўрсин.

19. Энергетика вазирлиги 2024 йил 1 июнга қадар Ўзбекистон техник жиҳатдан тартибга солиш агентлиги ҳамда "Ўзэлтехсаноат" уюшмаси билан биргаликда энергетика тизимидаги трансформатор нимстанциялари ва трансформаторларга, кабель-сим маҳсулотларига ҳамда қуёш фотоэлектр станцияларига нисбатан ягона техник талабларни тасдиқласин.

20. Бош вазир ўринбосари (Ж.А. Ходжаев) Энергетика вазирлиги билан биргаликда бир ой муддатда энергетика соҳасида инфратузилма лойиҳаларини амалга оширишдаги давлат харидларида маҳаллий электротехника маҳсулотлари харид қилинишини қўллаб-қувватлаш механизмларини Жаҳон савдо ташкилоти талабларига мос равишда ишлаб чиқсин ҳамда амалиётда қўллаш чораларини кўрсин.

21. "Ўзэлтехсаноат" уюшмаси ҳузурида лойиҳалаш ишларини амалга оширадиган Лойиҳалаш ва инжиниринг маркази - "Eltexenergoloyiha" масъулияти чекланган жамияти ташкил этилганлиги маълумот учун қабул қилинсин.

Лойиҳалаш ва инжиниринг маркази Тошкент шаҳри, Шайхонтоҳур тумани, Кўкча дарвоза 1-тор кўчаси, 10-уйда текин фойдаланиш ҳуқуқи асосида жойлаштирилсин.

22. Ўзбекистон Республикаси Президенти ва Ҳукуматининг айрим қарорларига 4-иловага мувофиқ ўзгартириш ва қўшимчалар киритилсин.

23. Инвестициялар, саноат ва савдо вазирлиги уч ой муддатда:

электротехника маҳсулотлари истеъмолчиларига сифатли ва кафолатли сервис хизматлари амалга оширилишини таъминлаш мақсадида сервис хизматларини тартибга солиш механизмини халқаро стандартлар асосида техник хизмат кўрсатиш марказларининг бино-иншоотлари, техник воситалари, асбоб-ускуналари ҳамда тегишли малака сертификатига эга бўлган ходимларига қўйиладиган талаблардан келиб чиққан ҳолда тасдиқлашни назарда тутувчи Ҳукумат қарори лойиҳасини;

манфаатдор вазирлик ва идоралар билан биргаликда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида таклифларни Вазирлар Маҳкамасига киритсин.

24. Мазкур қарор ижросини самарали ташкил қилишга масъул ва шахсий жавобгар этиб Бош вазир ўринбосари Ж.А.Ходжаев белгилансин.

Қарор ижроси учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н.Арипов зиммасига юклансин.

Ўзбекистон Республикаси Президенти                                 Ш. Мирзиёев

Ўзбекистон Республикаси

Президентининг

2024 йил 10 январдаги

ПҚ-15-сон қарорига

1-ИЛОВА

Электротехника саноатида янги

ишлаб чиқариш қувватларини яратиш ва ишлаб

чиқаришни диверсификация қилиш дастури

доирасида амалга ошириладиган инвестиция

лойиҳаларини ишга туширишнинг

ЙИҒМА ПАРАМЕТРЛАРИ

            

         

Изоҳ. Инвестицияларни жалб қилиш, саноатни ривожлантириш ва савдони тартибга солиш масалалари бўйича Ҳукумат комиссияси зарур ҳолларда "Ўзэлтехсаноат" уюшмасининг таклифига асосан ушбу йиғма параметрларга ўзгартириш ва қўшимчалар киритиш ҳуқуқига эга.

         

         

Ўзбекистон Республикаси

Президентининг

2024 йил 10 январдаги

ПҚ-15-сон қарорига

2-ИЛОВА

Сурхондарё вилоятидаги қишлоқ хўжалигига

мўлжалланган суғориладиган ерлар тоифасидан

ер фондининг бошқа тоифасига ўтказилаётган

ЕР УЧАСТКАСИ

         

         

         

Ўзбекистон Республикаси

Президентининг

2024 йил 10 январдаги

ПҚ-15-сон қарорига

3-ИЛОВА

Ўзбекистон Республикаси ҳудудига олиб киришда

уларнинг сифати, хавфсизлиги ҳамда сервис кафолатини

таъминлайдиган ишлаб чиқарувчининг ваколатли

вакили ёки расмий дилерлари мавжуд бўлиши

талаб қилинадиган маҳсулотлар

РЎЙХАТИ

          

          

      

Ўзбекистон Республикаси

Президентининг

2024 йил 10 январдаги

ПҚ-15-сон қарорига

4-ИЛОВА

Ўзбекистон Республикаси Президентининг

ва Ўзбекистон Республикаси Ҳукуматининг

айрим қарорларига киритилаётган

ўзгартириш ва қўшимчалар

           

1. Ўзбекистон Республикаси Президентининг 2018 йил 17 январдаги "Мамлакат иқтисодиётининг тармоқларини талаб юқори бўлган маҳсулот ва хом ашё турлари билан барқарор таъминлаш чора-тадбирлари тўғрисида"ги ПҚ-3479-сон қарори 2-банди "а" кичик бандининг иккинчи хатбошиси қуйидаги мазмундаги иккинчи жумла билан тўлдирилсин:

"Бунда, биржа савдоларида чегирма билан харид қилинган мис катоди ва мис катанкасини учинчи шахсларга сотиш, шу жумладан экспорт қилиш тақиқланади".

2. Ўзбекистон Республикаси Президентининг 2018 йил 16 июлдаги ПҚ-3857-сон қарори билан тасдиқланган Халқаро молия институтлари ва хорижий ҳукумат молия ташкилотлари иштирокидаги лойиҳаларни тайёрлаш ва амалга ошириш тартиби тўғрисидаги низомнинг 34-банди қуйидаги мазмундаги иккинчи хатбоши билан тўлдирилсин:

"Бунда, молиявий битим лойиҳасида, мажбурий тартибда, маҳаллий ишлаб чиқарувчилар учун Ўзбекистон Республикаси Президентининг (шу жумладан давлат харидларига оид) фармонлари ва қарорлари билан берилган имтиёзлар ва преференциялар қўлланилиши назарда тутилиши шарт";

иккинчи ва учинчи хатбошилар тегишинча учинчи ва тўртинчи хатбошилар деб ҳисоблансин.

3. Ўзбекистон Республикаси Президентининг 2019 йил 30 майдаги "Электротехника саноатини янада ривожлантириш учун қулай шарт-шароитлар яратиш ва тармоқнинг инвестициявий ҳамда экспорт салоҳиятини ошириш бўйича қўшимча чора-тадбирлар тўғрисида"ги ПҚ-4348-сон қарорида:

а) 4-банднинг "б" кичик бандидаги "Давлат бюджети" сўзлари "Давлат буюртмачилари" сўзлари билан алмаштирилсин;

б) 6-бандда:

еттинчи хатбошидаги "50 фоизигача" сўзлари "50 фоиз миқдорда" сўзлари билан алмаштирилсин;

тўққизинчи хатбошидаги "қисман ёки" сўзлари чиқариб ташлансин;

қуйидаги мазмундаги ўнинчи ва ўн биринчи хатбошилар билан тўлдирилсин:

"электротехника ва электромаиший маҳсулотлар ишлаб чиқарувчи маҳаллий корхоналарда ишлаб чиқариш жараёнини рақамлаштириш (ERP, MES, PLM тизимларини жорий қилиш) билан боғлиқ харажатларнинг 50 фоизини, лекин битта тадбиркорлик субъектига кўпи билан 5 минг АҚШ доллари эквиваленти миқдорида қоплаш;

Инвестициялар, саноат ва савдо вазирлигининг Ўзбекистон Республикасининг хорижий давлатлардаги элчихоналари ҳузуридаги электротехника соҳаси бўйича менежерларининг (ходимларининг) иш ҳақи ва барча моддий таъминот харажатларини молиялаштириш";

в) 9-банддаги "2025 йил 1 январга қадар" сўзлари "2027 йил 1 январга қадар" сўзлари билан алмаштирилсин;

г) 4-илова қуйидаги таҳрирда баён этилсин:

"Ўзбекистон Республикаси

Президентининг

2019 йил 30 майдаги

ПҚ-4348-сон қарорига

4-ИЛОВА

Электротехника саноатини ривожлантиришга

кўмаклашиш бўйича ишчи гуруҳ

ТАРКИБИ

       

              

Изоҳ. Ишчи гуруҳ аъзолари бошқа ишга ўтган тақдирда унинг таркибига ушбу лавозимга янгидан тайинланган ёки тегишли функцияларни бажариш зиммасига юкланган шахслар киритилади".

4. Ўзбекистон Республикаси Президентининг 2020 йил 21 августдаги "Маҳаллий ишлаб чиқарувчиларни қўллаб-қувватлашга доир қўшимча чора-тадбирлар тўғрисида"ги ПҚ-4812-сон қарори 4-бандининг иккинчи хатбошиси қуйидаги таҳрирда баён этилсин:

"бюджет ва корпоратив буюртмачилар раҳбарлари харид қилиниши назарда тутилган товарлар (ишлар, хизматлар)ни биринчи навбатда new.cooperation.uz порталида рўйхатдан ўтган маҳаллий ишлаб чиқарувчилардан харид қилиш имкониятини мажбурий тартибда ўрганади. Бунда, давлат харидлари учун зарур бўлган товарлар new.cooperation.uz порталида мавжуд бўлмаган тақдирдагина портал маълумотномаси асосида уларни бошқа электрон порталлардан харид қилишга рухсат этилади".

5. Ўзбекистон Республикаси Президентининг 2021 йил 2 мартдаги "Электротехника саноатини янада ривожлантириш ва маҳаллий маҳсулотларнинг рақобатбардошлигини оширишга доир қўшимча чора-тадбирлар тўғрисида"ги ПҚ-5011-сон қарорида:

а) 6-бандда:

иккинчи хатбоши қуйидаги таҳрирда баён этилсин:

"Олмалиқ КМК" АЖ томонидан ишлаб чиқарилган мис катодини биржа савдоларига қўйишда унинг бошланғич нархини қўшилган қиймат солиғисиз Лондон металл биржаси нархидан 2021 йил 1 апрелдан - 8 фоиз, 2022 йилда - 6 фоиз ва 2023-2026 йилларда 4 фоиз миқдорида чегирма билан белгилаш";

учинчи хатбоши қуйидаги таҳрирда баён этилсин:

"2024 йил 1 январдан бошлаб мис хом ашёсини биржа савдолари орқали харид қилишда юқори технологияли ишлаб чиқариш жараёнини жорий этган тармоқ корхоналари томонидан тўловнинг 25 фоизини аванс тарзида ва қолган 75 фоизини мис хом ашёси олинганидан сўнг 60 иш куни ичида ҳар ойда тенг улушларда амалга ошириш тартибини жорий этиш тўғрисидаги таклифлари қабул қилинсин. Бунда, харид қилинган мис хом ашёси учун тўловнинг қолган қисми (75 фоизи миқдори) бир харидор учун 200 миллиард сўмдан ошмаслиги лозим";

тўртинчи хатбошидаги "Иқтисодий тараққиёт ва камбағалликни қисқартириш вазирлиги (Б.К. Абдиназаров)" сўзлари "Иқтисодиёт ва молия вазирлиги (А.Я. Хайдаров)" сўзлари билан алмаштирилсин;

қуйидаги мазмундаги бешинчи - еттинчи хатбошилар билан тўлдирилсин:

"Бунда:

мис катодини харид қилиш кунидаги нархлар, бир кун олдинги Лондон металл биржаси (LME) нархига нисбатан белгиланган чегирмани қўллаган ҳолда шакллантирилади;

белгиланган чегирма билан харид қилинган мис катоди фақатгина корхонанинг ўзининг ишлаб чиқариш қувватларида қайта ишланади ва уни учинчи шахсларга сотиш тақиқланади";

б) 7-банднинг учинчи хатбошиси қуйидаги таҳрирда баён этилсин:

"Ўзэлтехсаноат" уюшмасининг тавсиясига асосан электротехника тармоғи ишлаб чиқариш корхоналарига товарларни экспорт қилишда ноль даражали солиқ ставкаси қўлланилиши натижасида ҳосил бўлган қўшилган қиймат солиғининг салбий фарқ суммаси уч кун ичида қоплаб берилади";

в) 8-банд ўз кучини йўқотган деб ҳисоблансин;

г) 9-бандда:

учинчи хатбошидаги "50 фоизигача" сўзлари "50 фоиз миқдорда" сўзлари билан алмаштирилсин;

тўртинчи хатбошидаги "қисман ёки" сўзлари чиқариб ташлансин.

6. Ўзбекистон Республикаси Президентининг 2022 йил 28 июндаги "Мис ва ноёб металлар хом ашёсини қайта ишлашнинг технологик занжирларини кенгайтириш чора-тадбирлари тўғрисида"ги ПҚ-295-сон қарорида:

а) 1-банднинг иккинчи хатбошисидаги "Ohangaron Tech Industrial" сўзлари "Eltech Industrial" сўзлари билан алмаштирилсин;

б) 4-банддаги "Ohangaron Tech Industrial" технопаркини бошқариш дирекцияси" давлат унитар корхонаси" сўзлари "Eltech Industrial" технопаркини бошқариш дирекцияси" давлат муассасаси" сўзлари билан алмаштирилсин;

в) 6-банднинг "в" кичик банди ўз кучини йўқотган деб ҳисоблансин;

г) 1-илова қуйидаги таҳрирда баён этилсин:

"Ўзбекистон Республикаси

Президентининг

2022 йил 28 июндаги

ПҚ-295-сон қарорига

1-ИЛОВА

Тошкент вилояти Оҳангарон тумани ҳудудидаги

"Ангрен" эркин иқтисодий зонаси таркибидан чиқарилаётган,

қишлоқ хўжалигига мўлжалланган ерлар тоифасидан саноат

мақсадларига мўлжалланган ерлар тоифасига ўтказилаётган

ва Хоразм вилояти Урганч тумани "Чаккашоликор" қишлоғи

"Aл-Хоразмий" массивидаги ҳамда Фарғона вилояти

"Эко шаҳар" ҳудудидаги "Eltech Industrial"

технопаркини бошқариш дирекциясига

доимий фойдаланиш ҳуқуқи билан

ажратиладиган ер участкалари

РЎЙХАТИ

           

           

Изоҳ: "Eltech Industrial" технопарки таркибига кирувчи Оҳангарон туманидаги ҳудуд чегарасининг тавсифи:

1-нуқтадан (40°56'0.53"С, 69°39'57.72"В) жанубий-шарқий йўналиш бўйича 2-нуқтага қадар 441,3 метр чўзилган.

2-нуқтадан (40°55'56.48"С, 69°40'15.82"В) жанубий-шарқий йўналиш бўйича 3-нуқтага қадар 1231,3 метр чўзилган.

3-нуқтадан (40°55'28.54"С, 69°40'53.43"В) жанубий-шарқий йўналиш бўйича 4-нуқтага қадар 1003,6 метр чўзилган.

4-нуқтадан (40°55'4.70"С, 69°40'24.25"В) жанубий-ғарбий йўналиш бўйича 5-нуқтага қадар 1094,7 метр чўзилган.

5-нуқтадан (40°55'29.49"С, 69°39'50.77"В) шимолий-ғарбий йўналиш бўйича 1-нуқтага қадар 970,8 метр чўзилган";

д) 2-иловада:

номланишидаги "Ohangaron Tech Industrial" сўзлари "Eltech Industrial" сўзлари билан алмаштирилсин;

1-позицияда:

"Чора-тадбирлар" устунидаги ва "Амалга ошириш механизми" устунининг 1-бандидаги "Ohangaron Tech Industrial" сўзлари "Eltech Industrial" сўзлари билан алмаштирилсин;

"Амалга ошириш механизми" устунининг 2-бандидаги "Ohangaron Tech Industrial" технопарки бошқарув дирекцияси давлат унитар корхонасини" сўзлари "Eltech Industrial" технопарки бошқарув дирекцияси" давлат муассасасини" сўзлари билан алмаштирилсин;

12-позициянинг "Чора-тадбирлар" устунидаги "Ohangaron Tech Industrial" технопарки бошқарув дирекцияси давлат унитар корхонасининг" сўзлари "Eltech Industrial" технопарки бошқарув дирекцияси" давлат муассасасининг" сўзлари билан алмаштирилсин;

е) 3-илованинг номланишидаги "Ohangaron Tech Industrial" сўзлари "Eltech Industrial" сўзлари билан алмаштирилсин.

7. Вазирлар Маҳкамасининг 2004 йил 6 июлдаги 318-сон қарори билан тасдиқланган Маҳсулотларни сертификатлаштириш тартиби тўғрисидаги низомда:

а) 27-банднинг учинчи хатбошидаги "10" рақами "30" рақами билан алмаштирилсин;

б) илованинг 6-бандидаги "3 иш кунидан ортиқ бўлмаган муддатда" сўзларидан кейин "(бундан ТИФ ТН коди 84 ва 85 гуруҳига мансуб маҳсулотлар бир ойдан ортиқ бўлмаган муддатда)" сўзлари билан тўлдирилсин.

8. Вазирлар Маҳкамасининг 2019 йил 30 сентябрдаги 833-сон қарори билан тасдиқланган Инвестициялар ва ташқи савдо вазирлиги ҳузуридаги Рақамли трансформация марказининг электрон кооперация порталида ахборотни жойлаштириш ва харидларни амалга ошириш тартиби тўғрисидаги низомнинг 6-банди тўққизинчи хатбошисидаги "ҳудудий бўлинмалари томонидан" сўзларидан кейин "тегишлилиги бўйича соҳавий тармоқ хўжалик бирлашмалари мутахассисларини жалб қилган ҳолда" сўзлари билан тўлдирилсин.

9. Вазирлар Маҳкамасининг 2019 йил 16 октябрдаги 877-сон қарори билан тасдиқланган "Ўзэлтехсаноат" уюшмасининг Электротехника саноатини ривожлантириш жамғармаси маблағларини шакллантириш ва улардан фойдаланиш тартиби тўғрисидаги низомнинг 4-бандида:

а) "ж" кичик банддаги "50 фоизгача" сўзлари "50 фоиз миқдорида" сўзлари билан алмаштирилсин;

б) "и" кичик бандидаги "қисман ёки" сўзлари чиқариб ташлансин;

в) қуйидаги мазмундаги "л" ва "м" кичик бандлар билан тўлдирилсин:

"л) электротехника ва электромаиший маҳсулотлар ишлаб чиқарувчи маҳаллий корхоналарда ишлаб чиқариш жараёнини рақамлаштириш (ERP, MES, PLM тизимларини жорий қилиш) билан боғлиқ харажатларнинг 50 фоизини, лекин битта тадбиркорлик субъектига кўпи билан 5 минг АҚШ доллари эквиваленти миқдорида қоплаш;

м) Инвестициялар, саноат ва савдо вазирлигининг Ўзбекистон Республикасининг хорижий давлатлардаги элчихоналари ҳузуридаги электротехника соҳаси бўйича менежерларининг (ходимларининг) иш ҳақи ва барча моддий таъминот харажатларини молиялаштириш".

10. Вазирлар Маҳкамасининг 2020 йил 18 мартдаги 170-сон қарори билан тасдиқланган Биржа савдоларида юқори ликвидли ва (ёки) монопол турдаги маҳсулотларни сотиш тартиби тўғрисидаги низомнинг 9-бандида:

иккинчи хатбошидаги "2023 йилда - 4 фоиз миқдорида чегирма билан, 2024 йил 1 январдан эса ЛМБ нархида (экспортга сотиладиган нархда)" сўзлари "2023-2026 йилларда 4 фоиз миқдорида чегирма билан" сўзлари билан алмаштирилсин;

учинчи хатбошидаги "2023 йилда - 4 фоиз миқдорида чегирма билан, 2024 йил 1 январдан эса ЛМБ нархига" сўзлари "2023-2026 йилларда 4 фоиз миқдорида чегирма билан" сўзлари билан алмаштирилсин.

11. Вазирлар Маҳкамасининг 2021 йил 30 январдаги "Ўзбекистон Республикасида мувофиқлиги тасдиқланиши лозим бўлган мувофиқликни баҳолаш объектлари рўйхатларини тасдиқлаш тўғрисида"ги 43-сон қарорига 4-илованинг 72-позицияси "ТИФ ТН коди" устуни "8540 89 000 0" рақамларидан кейин "8541 42 000 0, 8541 43 000 0," рақамлари билан тўлдирилсин.

12. Вазирлар Маҳкамасининг 2022 йил 19 августдаги "Ohangaron Tech Industrial" технопаркини бошқариш дирекцияси" давлат унитар корхонаси фаолиятини ташкил этиш чора-тадбирлари тўғрисида"ги 459-сон қарорида:

а) номланиши қуйидаги таҳрирда баён этилсин:

"Eltech Industrial" технопаркини бошқариш дирекцияси" давлат муассасаси фаолиятини ташкил этиш чора-тадбирлари тўғрисида";

б) 1-бандда "Ohangaron Tech Industrial" сўзлари "Eltech Industrial" сўзлари билан алмаштирилсин;

в) 2-бандда:

иккинчи хатбошидаги "давлат унитар корхонаси шаклидаги "Ohangaron Tech Industrial" технопаркини бошқариш дирекцияси" сўзлари "давлат муассасаси шаклидаги "Eltech Industrial" технопаркини бошқариш дирекцияси" сўзлари билан алмаштирилсин;

учинчи хатбошидаги "Ohangaron Tech Industrial" технопаркини бошқариш дирекцияси" давлат унитар корхонаси" сўзлари "Eltech Industrial" технопаркини бошқариш дирекцияси" давлат муассасаси" сўзлари билан алмаштирилсин;

г) 1-илованинг номланиши қуйидаги таҳрирда баён этилсин:

"Eltech Industrial" технопаркини бошқариш дирекцияси" давлат муассасаси тузилмаси";

д) 2-иловада:

номланиши қуйидаги таҳрирда баён этилсин:

"Eltech Industrial" технопаркини бошқариш дирекцияси" давлат муассасаси тўғрисида низом";

1, 2 ва 3-бандларидаги "Ohangaron Tech Industrial" технопаркини бошқариш дирекцияси" давлат унитар корхонаси" сўзлари "Eltech Industrial" технопаркини бошқариш дирекцияси" давлат муассасаси" сўзлари билан алмаштирилсин;

6-бандда:

"а" кичик бандда:

иккинчи хатбошидаги "Ohangaron Tech Industrial" texnoparkini boshqarish direksiyasi" Davlat unitar korxonasi" сўзлари "Eltech Industrial" texnoparkini boshqarish direksiyasi" Davlat muassasasi" сўзлари билан алмаштирилсин;

учинчи хатбошидаги "Ohangaron Tech Industrial" texnoparkini boshqarish direksiyasi" DUK" сўзлари "Eltech Industrial" texnoparkini boshqarish direksiyasi" DM" сўзлари билан алмаштирилсин;

"б" кичик бандда:

иккинчи хатбошидаги "Государственное унитарное предприятие "Дирекция по управлению технопарком "Ohangaron Tech Industrial" сўзлари "Государственное учреждение "Дирекция по управлению технопарком "Eltech Industrial" сўзлари билан алмаштирилсин;

учинчи хатбошидаги "ГУП "Дирекция по управлению технопарком "Ohangaron Tech Industrial" сўзлари "ГУ "Дирекция по управлению технопарком "Eltech Industrial" сўзлари билан алмаштирилсин;

"в" кичик бандда:

иккинчи хатбошидаги "State unitary enterprise "Directorate for the management of the technopark "Ohangaron Tech Industrial" сўзлари "State institution "Directorate for the management of the technopark "Eltech Industrial" сўзлари билан алмаштирилсин;

учинчи хатбошидаги "SUE "Directorate for the management of the technopark "Ohangaron Tech Industrial" сўзлари "SI "Directorate for the management of the technopark "Eltech Industrial" сўзлари билан алмаштирилсин;

10 ва 11-бандлардаги "Ohangaron Tech Industrial" сўзлари "Eltech Industrial" сўзлари билан алмаштирилсин.

           

         

Қонун ҳужжатлари маълумотлари миллий базаси (www.lex.uz),

2024 йил 13 январь