ЁММ келиб тушишини ҳисобга олиш тартиби ("СБҲ" 49-сон, 2023 йил 12 декабрь

Функция недоступна

Жавоб газетанинг чиққан санасига ҳақиқийдир*

ЁММ КЕЛИБ

ТУШИШИНИ ҲИСОБГА

ОЛИШ ТАРТИБИ

Ёқилғи-мойлаш материалларига (ЁММ) қуйидагилар киради:

q барча турдаги ёқилғи (бензин, дизель ёқилғиси, керосин, сиқилган ва суюлтирилган газ);

q мойлаш материаллари (мотор, трансмиссион ва махсус мойлар, пластик суртмалар);

q махсус суюқликлар (тормоз учун, совутиш учун).

Хўжалик юритувчи субъектлар ЁММни:

q ўз транспорти учун тўғридан-тўғри етказиб бериш шартномасини тузган ҳолда бевосита етказиб берувчилардан катта миқдорларда сотиб олиши

ёки

q АЁҚШда корпоратив банк картасидан (КБК) тўлаган ҳолда машиналарга ёқилғи қуйдириши мумкин.

q ЁММни сотиб олишнинг биринчи варианти, қоидага кўра, автомобиллар ва техниканинг катта паркига эга бўлган корхоналар томонидан қўлланилади.

Сотиб олинган ЁММни қуйидагиларга асосан кирим қилинг:

q ҳисобварақ-фактураларга, агар олди-сотди шартномаси бўйича пул ўтказиш йўли билан бевосита етказиб берувчилардан сотиб олинган бўлса;

q НКТ чекига, КБК орқали сотиб олинганда.

ЁММ КЕЛИБ ТУШИШИ

БУХГАЛТЕРИЯ ҲИСОБИ

ҚАНДАЙ ЮРИТИЛАДИ

ЁММнинг бухгалтерия ҳисобини 1030-"Ёқилғилар" счётида юритинг. ЁММдан ташқари, ушбу счётда қаттиқ ёқилғи (кўмир, тахта ва ҳ. к.), шунингдек қаттиқ ёқилғи сифатида фойдаланиладиган ишлаб чиқариш чиқиндилари ва иккиламчи моддий қимматликлар ҳам ҳисобга олинади (Йўриқнома ­94-б., 21-сон БҲМСга 2-илова).