Кредиторлик қарзларини ҳисобга олиш тартиби ("СБҲ" 50-сон, 2023 йил 19 декабрь)

Функция недоступна

Жавоб газетанинг чиққан санасига ҳақиқийдир*

КРЕДИТОРЛИК ҚАРЗЛАРИНИ

ҲИСОБГА ОЛИШ ТАРТИБИ

Кредиторлик қарзлари ташкилотнинг бошқа шахслар олдидаги мажбуриятларини ифодалайди. Масалан, у сизда қуйидаги ҳолатларда юзага келади:

q товарлар (ишлар, хизматлар) қабул қилиб олинган, лекин уларга ҳали ҳақ тўланмаган ёхуд қисман ҳақ тўланган;

q харидор ёки мижоздан бўнаклар олинган, лекин унга ҳали товарлар етказиб берилмаган (ишлар бажарилмаган, хизматлар кўрсатилмаган) ёхуд тўлиқ ҳажмда амалга оширилмаган;

q ўз муассисларингиз, ходимларингиз ёки бошқа шахслар олдида солиқ ва йиғимлар бўйича қарзингиз мавжуд бўлган;

q олинган кредитлар ёки қарзлар (қарзлар) қоплаб берилмаган.

Қарзларни қоплаб бериш муддатига қараб, улар қуйидагиларга бўлинади:

q қисқа муддатли кредиторлик қарзлари - қоплаб бериш муддати, одатда, 1 йил ёки ундан кам (6000-6900-счётлар);

q узоқ муддатли кредиторлик қарзлари - қоплаб бериш муддати, одатда, 1 йилдан ортиқ (7000-7900-счётлар).

МОЛ ЕТКАЗИБ БЕРУВЧИ

ВА ПУДРАТЧИЛАРГА ТЎЛАНАДИГАН

СЧЁТЛАР ҚАНДАЙ

ҲИСОБГА ОЛИНИШИ КЕРАК

Мол етказиб берувчи ва пудратчиларга тўланадиган счётларнинг ҳисобини, тузилган хўжалик шартномаларига, тўлов учун олинган счётлар (инвойслар), ҳисобварақ-фактуралар ва бошқа хилдаги товарларни жўнатиш ҳужжатларига (юкхат, қабул қилиш-топшириш далолатномалари ва бошқаларга) мувофиқ акс эттиринг.

Аналитик ҳисобни, ҳисобварақ-фактуралар ва юкни жўнатиш ҳужжатлари асосида контрагентлар ва хўжалик шартномалари кесимида юритинг.

Тўланадиган счётларнинг ҳисобини юритиш учун қуйидаги счётлар кўзда тутилган:

q 6010-"Мол етказиб берувчилар ва пудратчиларга тўланадиган счётлар" (жорий қарзлар бўйича) (Йўриқнома