Даргумон қарзлар захираси билан ишлаш тартиби ("СБХ" 5-сон, 2024 йил 30 январь)

Функция недоступна

Жавоб газетанинг чиққан санасига ҳақиқийдир*

ДАРГУМОН ҚАРЗЛАР ЗАХИРАСИ

БИЛАН ИШЛАШ ТАРТИБИ

ДАРГУМОН ҚАРЗЛАР БЎЙИЧА ЗАХИРАНИ ЯРАТИШ

Дебиторлик қарзи тўғрисидаги ахборот унинг молиявий ҳисоботида ҳаққоний акс эттирилиши учун корхона даргумон қарзлар бўйича захирани яратиши мумкин.

Белгиланган муддатда қопланмаган ва тегишли кафолатлар билан таъминланмаган корхона олдидаги қарз даргумон қарз сифатида тан олинади (Йўриқнома 216-б., 21-сон БҲМСга 2-илова). Даргумон қарзлар бўйича захирани ҳисобот йили охирида ўтказилган дебиторлик қарзларининг хатлови натижалари асосида яратинг.

Захира миқдорини ҳар бир даргумон қарз бўйича алоҳида, қарздорнинг молиявий аҳволи (тўлов қобилияти) ва қарз суммасини тўлиқ ёки қисман тўлаш эҳтимолини баҳолаш асосида аниқланг.

Захирани ҳисоблаш учун:

1) захирани шакллантириш ва ундан фойдаланиш қоидаларини белгиланг, шунингдек уларни ҳисоб сиёсатида мустаҳкамлаб қўйинг;

2) захирага ажратмалар суммасини ҳисоб сиёсатида мустаҳкамлаб қўйилган усулда ҳисоблаб чиқаринг;

3) операцияни бухгалтерия маълумотнома-ҳисоб-китоби билан расмийлаштирган ҳолда захирани яратинг.

ДАРГУМОН ҚАРЗЛАР

ЗАХИРАСИНИНГ МИҚДОРИНИ

ҚАНДАЙ АНИҚЛАШ МУМКИН

Сиз даргумон қарзлар бўйича захира миқдорини аниқлашнинг қуйидаги усулларидан фойдаланишингиз мумкин:

q интервал усул.

Захирага ажратмалар миқдори ўтказиб юборилган муддатнинг давомийлигига қараб қарз суммасидан фоизларда ҳисоблаб чиқарилади;

МИСОЛ. Захира миқдорини интервал усул орқали аниқлаш

Корхона ҳисоб сиёсатида даргумон қарзлар бўйича захира миқдорини аниқлашнинг қуйидаги қоидаларини ёзди: