Ўзбекистон Республикаси Президентининг 05.03.2024 й. ПҚ-115-сон "Аҳоли хонадонларида саноат усулида маҳсулот ишлаб чиқаришни қўллаб-қувватлаш ҳамда томорқа ва деҳқон хўжаликларида янги захираларни ишга солишга доир чора-тадбирлар тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

05.03.2024 й.

N ПҚ-115

АҲОЛИ ХОНАДОНЛАРИДА САНОАТ

УСУЛИДА МАҲСУЛОТ ИШЛАБ ЧИҚАРИШНИ

ҚЎЛЛАБ-ҚУВВАТЛАШ ҲАМДА ТОМОРҚА

ВА  ДЕҲҚОН  ХЎЖАЛИКЛАРИДА  ЯНГИ

ЗАХИРАЛАРНИ ИШГА СОЛИШГА ДОИР

ЧОРА-ТАДБИРЛАР ТЎҒРИСИДА

Мева-сабзавот маҳсулотларини етиштириш ва уларнинг экспортини ошириш, қишлоқ хўжалиги кичик ишлаб чиқарувчиларини янада қўллаб-қувватлаш, экин ерларидан фойдаланиш самарадорлигини янада ошириш, пировард натижада ер эгаларининг даромадларини кўпайтириш мақсадида:

1. Белгилансинки:

ҳудудларнинг тупроқ-иқлим шароитидан келиб чиқиб ҳамда сув таъминотини инобатга олган ҳолда, туманлар экспортбоп ва сердаромад экинлар экишга, шунингдек, кичик ишлаб чиқариш ва маҳсулот етиштиришга ихтисослаштирилади;

2024 йилда экспортбоп ва сердаромад экинлар экиш ва аҳолининг мазкур соҳада билим ва кўникмаларини ошириш учун 54 та туманда намунавий ўқув-тажриба майдонлари ташкил этилади;

2024 йилда мева-сабзавотчиликка ихтисослашган 51 та туманда мева-сабзавотларни шок усулида музлатишни йўлга қўйиш бўйича янги лойиҳалар амалга оширилади;

Кичик бизнесни узлуксиз қўллаб-қувватлаш комплекс дастури доирасида ишлаб чиқаришга оид лойиҳалар билан бир қаторда маҳсулот етиштириш билан боғлиқ лойиҳаларга, қишлоқ хўжалиги экинларини етиштириш бундан мустасно, 100 миллион сўмгача гаровсиз кредитлар ажратилади;

музлаткичли омборхона, тайёр ҳолда иссиқхона, қадоқлаш, қуритиш ва қайта ишлаш цехлари аҳолига 12 ойга бўлиб тўлаш шарти билан лизингга берилади;

ўзини ўзи банд қилган шахслар шуғулланиши мумкин бўлган фаолият (ишлар, хизматлар) турлари рўйхатига хонадонларда биогумус тайёрлаш фаолияти киритилади.

2. Ўзбекистон фермер, деҳқон хўжаликлари ва томорқа ер эгалари кенгаши (кейинги ўринларда - Кенгаш) (А.Хаитов) ҳамда Маҳаллабай ишлаш ва тадбиркорликни ривожлантириш агентлиги (М.Убайдуллаев) 2024 йилда 1-иловага мувофиқ рўйхатга асосан туманларни экспортбоп ва сердаромад экинлар экишга, шунингдек, кичик ишлаб чиқариш ва маҳсулот етиштиришга ихтисослаштириш чораларини кўрсин.

3. Савдо-саноат палатаси (Д.Ваҳобов) 2024 йилда 2-иловага мувофиқ рўйхатга асосан 43 та туманни экспортбоп экинлар етиштиришга ихтисослаштириш, мазкур туманларга 10 тадан экспортёрларни бириктириш чораларини кўрсин.

4. Кенгаш (А.Хаитов) Маҳаллабай ишлаш ва тадбиркорликни ривожлантириш агентлиги (М.Убайдуллаев) билан биргаликда 2024 йилда экспортбоп ва сердаромад экинлар экиш учун намунавий ўқув-тажриба майдонларини Фермер, деҳқон хўжаликлари ва томорқа ер эгаларини қўллаб-қувватлаш жамғармасининг (кейинги ўринларда - Жамғарма) маблағлари ҳисобидан ташкил этсин ва мазкур намунавий майдонларда қишлоқ хўжалиги корхоналарининг, томорқа ер эгаларининг билим ва кўникмаларини ошириш чораларини кўрсин. Бунда, намунавий ўқув-тажриба майдонларини Жамғарма маблағлари ҳисобидан ташкил этиш ва молиялаштириш тартиби Жамғарма Васийлик кенгаши томонидан белгиланади.

Ўзбекистон Республикаси Президентининг 2018 йил 26 апрелдаги "Фермер, деҳқон хўжаликлари ва томорқа ер эгалари фаолиятини такомиллаштириш бўйича қўшимча чора-тадбирлар тўғрисида"ги ПҚ-3680-сон қарорига мувофиқ Жамғарма томонидан аҳолининг, деҳқон хўжаликлари ва фермер хўжаликлари раҳбарлари ва аъзоларининг ҳамда "Томорқа хизмати" МЧЖлар ва ишлаб чиқариш кооперативлари ходимларининг билим ва кўникмаларини ошириш учун ўқув курсларини ташкил этиш билан боғлиқ харажатларни қоплаш учун субсидиялар ажратиш белгиланганлиги маълумот учун қабул қилинсин.

5. Қишлоқ хўжалиги вазирлиги (А. Қосимов), Қишлоқ хўжалигида хизматлар кўрсатиш агентлиги (Н. Абдуллаев) 2024 йил якунига қадар мева-сабзавотчиликка ихтисослашган 51 та туманда мева-сабзавотларни шок усулида музлатишни йўлга қўйиш бўйича янги лойиҳаларни амалга оширсин.

6. "Микрокредитбанк" АТБ (О.Бўтаев), "Агробанк" АТБ (Р.Маматкулов) лизинг компаниялари орқали ҳамда Жамғарма музлаткичли омборхона, тайёр ҳолда иссиқхона, қадоқлаш, қуритиш ва қайта ишлаш цехларини аҳолига 12 ойга бўлиб тўлаш шарти билан лизингга бериш чораларини кўрсин.

Ўзбекистон Республикаси Президентининг 2018 йил 26 апрелдаги "Фермер, деҳқон хўжаликлари ва томорқа ер эгалари фаолиятини такомиллаштириш бўйича қўшимча чора-тадбирлар тўғрисида"ги ПҚ-3680-сон қарорига мувофиқ Жамғармага фермер, деҳқон хўжаликлари ва томорқа ер эгаларини қонунчилик ҳужжатларида назарда тутилган тартибда қишлоқ хўжалиги техникаси, технологиялари ва асбоб-ускуналар билан таъминлаш бўйича лизинг фаолиятини амалга ошириш ҳуқуқи берилганлиги маълумот учун қабул қилинсин.

7. Қуйидагилар:

Қорақалпоғистон Республикаси, вилоятлар ва Тошкент шаҳрида 2024 йилда аҳоли томорқа ер участкаларида баҳорги (эртаги), такрорий (ўртанги) ва тўқсонбости усулида экинлар экиш, жумладан 252 минг гектар майдонга уч марта ҳосил олишни назарда тутувчи қишлоқ хўжалиги экинларини жойлаштириш ва маҳсулот етиштириш прогноз кўрсаткичлари 3-иловага мувофиқ;

аҳолига комплекс хизмат кўрсатишга ихтисослашиб, фаолияти кластер усулида ташкил этиладиган "Томорқа хизмати" МЧЖлар рўйхати 4-иловага мувофиқ;

якка тартибдаги тадбиркор сифатида ташкил этиладиган ва аҳоли томорқаларига хизмат кўрсатувчи "Томорқа хизмати" корхоналарини молиялаштириш прогноз кўрсаткичлари 5-иловага мувофиқ;

Фермер, деҳқон хўжаликлари ва томорқа ер эгаларини қўллаб-қувватлаш жамғармасидан 2024 йилда фермер ва деҳқон хўжаликларига, томорқа ер эгаларига боғ-қатор ораларига қишлоқ хўжалиги экинларини экиш ва томорқа инфратузилмасини ривожлантириш учун маблағ ажратиш прогнозлари 6-иловага мувофиқ;

экспортбоп ва сердаромад экинлар экиш учун 54 та туманда намунавий ўқув-тажриба майдонлари ташкил этиш кўрсаткичлари 7-иловага мувофиқ тасдиқлансин.

8. Қорақалпоғистон Республикаси Вазирлар Кенгаши Раиси ва вилоятлар ҳокимлари - туман секторлари кесимида, туман ҳокимлари - маҳалла фуқаролар йиғинлари кесимида ҳар бир ҳудуднинг ихтисослашуви, тупроқ-иқлим шароити, сув таъминотини инобатга олган ҳолда, "Бир маҳалла - бир маҳсулот" тамойили асосида томорқа ер участкаларида қишлоқ хўжалиги экинларини жойлаштириш ва маҳсулот етиштириш прогноз кўрсаткичларини ўн беш кун муддатда тасдиқласин ва ижросини ташкил этсин.

9. Маҳаллабай ишлаш ва тадбиркорликни ривожлантириш агентлиги (М.Убайдуллаев) Кенгаш (А.Хаитов) билан биргаликда "Online-mahalla" электрон платформасида алоҳида яратилган "Аҳоли томорқаси" модулига ҳоким ёрдамчилари, туман фермер, деҳқон хўжаликлари ва томорқа ер эгалари кенгаши вакиллари томонидан маҳаллаларда уйма-уй юриш орқали томорқа ер эгалари томонидан етиштирилаётган қишлоқ хўжалиги маҳсулотлари, хонадонда мавжуд иссиқхоналар ҳамда томорқадан самарали фойдаланиш тўғрисидаги маълумотларни ҳар олти ойда (апрель, октябрь ойларида) киритиб борсин.

10. Ўсимликлар карантини ва ҳимояси агентлиги Қишлоқ хўжалиги вазирлиги, Кенгаш, Қорақалпоғистон Республикаси Вазирлар Кенгаши ҳамда вилоятлар ҳокимликлари билан биргаликда деҳқон хўжалиги учун ажратилган ер майдонларида ҳудудлар эҳтиёжлари учун зарур бўлган ва экспортбоп экинлар, жумладан сабзавот, полиз, дуккакли, мойли ва картошка экинларини интенсив усулда экишга алоҳида эътибор қаратиш, тайёрлов, қайта ишлаш ва экспорт қилувчи корхоналарни жалб қилган ҳолда етиштирилган тайёр маҳсулотни харид қилиш, уни қайта ишлаш, сақлаш, ички ва ташқи бозорларга йўналтириш чораларини кўрсин.

11. Шундай тартиб жорий этилсинки, унга мувофиқ Жамғарма ресурслари ҳисобидан ажратиладиган кредитлар йиллик Марказий банкнинг асосий ставкасидан 4 фоизлик пункт юқори ставкада (шундан 4 фоизи банк маржаси):

чорвачилик (қорамол, қўй, эчки), балиқчилик, қуёнчилик, асаларичилик, куркачилик ва паррандачилик, биогумус ишлаб чиқариш ва "дала дўконлари"ни қуриш учун - 1 йилгача имтиёзли давр билан 3 йил муддатга;

боғдорчилик (кўчатчилик), узумчилик (ток сўриси) ва лимончиликни ташкил этиш, иссиқхона қуриш, қишлоқ хўжалиги техникаси ва асбоб-ускуналарини харид қилиш ҳамда уларни жойлаштириш учун бино ва иншоотлар қуриш, кўчма музлаткичларни ўрнатиш, артезиан қудуқларини қазиш учун - 3 йилгача имтиёзли давр билан 7 йилгача муддатга берилади.

12. Фермер, деҳқон хўжаликлари ва томорқа ер эгалари фаолиятининг самарадорлигини янада ошириш, Кенгашнинг бу соҳадаги ваколатларини кенгайтириш ва фаол иштирокини таъминлаш мақсадида Кенгашга фермер, деҳқон хўжаликлари ва томорқа ер эгалари ҳамда Кенгаш ҳуқуқлари ва қонуний манфаатларига тааллуқли лойиҳаларни Норматив-ҳуқуқий ҳужжатлар лойиҳаларини ишлаб чиқиш ва келишишнинг ягона электрон тизими орқали Вазирлар Маҳкамасига киритиш, кўриб чиқиш ва ахборот бериш ҳуқуқи берилсин.

13. Қишлоқ хўжалиги вазирлиги, Иқтисодиёт ва молия вазирлиги ҳамда Кенгашнинг:

Ўзбекистон Республикаси Президентининг 2023 йил 31 январдаги "Оилавий тадбиркорликни ривожлантириш дастурлари доирасида аҳолининг бизнес ташаббусларини қўллаб-қувватлашни янги босқичга олиб чиқишга доир қўшимча чора-тадбирлар тўғрисида"ги ПҚ-39-сон қарори 2-банди учинчи хатбошисида белгиланган деҳқон хўжаликларига кредит ажратиш тартибини "Томорқа хизмати" ЯТТларга ҳам татбиқ этиш;

"Томорқа хизмати" ЯТТлар моддий-техника базасини мустаҳкамлаш мақсадида минитехникалар ва асбоб-ускуналарни лизинг шартлари асосида етказиб беришда лизинг тўловларининг бошланғич тўловларини лойиҳа қийматининг 40 фоизи миқдорида белгилаш;

2027 йил 1 январга қадар мотокультиваторлар (ТИФ ТН коди - 8432 29 100 0), бир ўқли тракторлар (ТИФ ТН коди - 8701 10000 0) ва минитракторларни (ТИФ ТН коди - 8701 91 100 0 - 8701 94 100) олиб киришда божхона божининг ноль ставкаларини белгилаш тўғрисидаги таклифлари маъқуллансин.

14. Кенгаш:

Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда маҳаллаларда аҳоли томорқаларида очиқ ва ёпиқ усулда қишлоқ хўжалиги маҳсулотлари етиштириш борасида аҳолининг билим ва кўникмаларини оширишга қаратилган семинарлар ва тақдимотлар ўтказилишини;

Ўзбекистон Миллий телерадиокомпанияси билан биргаликда мазкур семинарларнинг "Ўзбекистон 24" ва "Маҳалла" телеканалларида ёритиб борилишини тизимли ташкил этсин.

15. Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига 8-иловага мувофиқ ўзгартириш ва қўшимчалар киритилсин.

16. Мазкур қарорнинг ижросини назорат қилиш Ўзбекистон Республикаси Президентининг аграр ривожланиш масалалари бўйича маслаҳатчиси Ш.М.Ғаниев зиммасига юклансин.

Ўзбекистон Республикаси Президенти                                         Ш. Мирзиёев

Ўзбекистон Республикаси

Президентининг

2024 йил 5 мартдаги

ПҚ-115-сонли қарорига

1-ИЛОВА

2024 йилда экспортбоп ва сердаромад экинлар

экишга, шунингдек, кичик ишлаб чиқариш ва маҳсулот

етиштиришга ихтисослаштириладиган туманлар

РЎЙХАТИ

           

           

         

Ўзбекистон Республикаси

Президентининг

2024 йил 5 мартдаги

ПҚ-115-сонли қарорига

2-ИЛОВА

2024 йилда Савдо-саноат палатаси

томонидан экспортбоп экинлар етиштиришга

ихтисослаштириладиган туманлар

РЎЙХАТИ

           

         

         

Ўзбекистон Республикаси

Президентининг

2024 йил 5 мартдаги

ПҚ-115-сон қарорига

3-ИЛОВА

Қорақалпоғистон Республикаси, вилоятлар

ва Тошкент шаҳрида 2024 йилда аҳоли томорқа ер

участкаларида баҳорги (эртаги), такрорий (ўртанги)

ва тўқсонбости усулида экинлар экиш, жумладан,

252 минг гектар майдонга уч марта ҳосил олишни

назарда тутувчи қишлоқ хўжалиги экинларини

жойлаштириш ва маҳсулот етиштириш

ПРОГНОЗ КЎРСАТКИЧЛАРИ

        

        

        

Ўзбекистон Республикаси

Президентининг

2024 йил 5 мартдаги

ПҚ-115-сон қарорига

4-ИЛОВА

Аҳолига комплекс хизмат кўрсатишга ихтисослашиб,

2024 йилда фаолияти кластер усулида ташкил

этиладиган "Томорқа хизмати" МЧЖлар

РЎЙХАТИ

         

        

*) Мазкур рўйхатга Қорақалпоғистон Республикаси Вазирлар Кенгаши ҳамда вилоят ҳокимликларининг таклифига асосан Ўзбекистон фермер, деҳқон хўжалиги ва томорқа ер эгалари кенгаши билан келишган ҳолда ўзгартириш киритилиши ёки қўшимча томорқачилик кластерлари ташкил этилиши мумкин.

        

         

Ўзбекистон Республикаси

Президентининг

2024 йил 5 мартдаги

ПҚ-115-сон қарорига

5-ИЛОВА

Якка тартибдаги тадбиркор сифатида

ташкил этиладиган ва аҳоли томорқаларига

хизмат кўрсатувчи"Томорқа хизмати"

корхоналарини молиялаштириш

ПРОГНОЗ КЎРСАТКИЧЛАРИ

          

*) Ҳар бир "Томорқа хизмати" ЯТТга камида 1 тадан минитрактор ва 2 тадан мотокультиватор етказиб берилади.

        

        

Ўзбекистон Республикаси

Президентининг

2024 йил 5 мартдаги

ПҚ-115-сон қарорига

6-ИЛОВА

Фермер, деҳқон хўжаликлари ва томорқа

ер эгаларини қўллаб-қувватлаш жамғармасидан

2024 йилда фермер ва деҳқон хўжаликларига, томорқа

ер эгаларига боғ-қатор ораларига қишлоқ хўжалиги

экинларини экиш ва томорқа инфратузилмасини

ривожлантириш учун маблағ ажратиш

ПРОГНОЗЛАРИ

        

млн сўмда

        

*) Фермер, деҳқон хўжаликлари ва томорқа ер эгаларини қўллаб-қувватлаш жамғармасининг даромадларидан келиб чиқиб, ажратиладиган маблағлар кўпайтирилиши ва Ўзбекистон фермер, деҳқон хўжаликлари ва томорқа ер эгалари кенгаши ва вилоят ҳокимликларининг таклифига асосан мазкур тақсимотга ўзгартириш киритилиши мумкин.

        

         

Ўзбекистон Республикаси

Президентининг

2024 йил 5 мартдаги

ПҚ-115-сон қарорига

7-ИЛОВА

Экспортбоп ва сердаромад экинлар экиш

учун намунавий ўқув-тажриба майдонлари

ташкил этиладиган туманлар

РЎЙХАТИ*

      

*) Мазкур рўйхатга Қорақалпоғистон Республикаси Вазирлар Кенгаши ва вилоят ҳокимликларининг таклифларига кўра Ўзбекистон фермер, деҳқон хўжаликлари ва томорқа ер эгалари кенгаши билан келишган ҳолда ўзгартириш киритилиши мумкин.

       

           

Ўзбекистон Республикаси

Президентининг

2024 йил 5 мартдаги

ПҚ-115-сон қарорига

8-ИЛОВА

Ўзбекистон Республикаси Президентининг

ва Ўзбекистон Республикаси Ҳукуматининг

айрим қарорларига киритилаётган

ўзгартириш ва қўшимчалар

1. Ўзбекистон Республикаси Президентининг 2018 йил 26 апрелдаги "Фермер, деҳқон хўжаликлари ва томорқа ер эгалари фаолиятини такомиллаштириш бўйича қўшимча чора-тадбирлар тўғрисида"ги ПҚ-3680-сон қарорида:

а) 5-банднинг учинчи хатбошисида "кўрсатмалар" сўзи "тавсиялар" сўзи билан алмаштирилсин;

б) 9-банд "б" кичик бандининг олтинчи хатбошиси қуйидаги таҳрирда баён этилсин:

"фермер, деҳқон хўжаликлари ва томорқа ер эгалари, шунингдек, "Томорқа хизмати" МЧЖлар ва бошқа қишлоқ хўжалиги корхоналарига қонунчиликда белгиланган тартибда мева-сабзавотларни қайта ишлаш (қуритиш) корхоналари, совутиш омборхоналари, чорвачилик комплекслари, ишлаб чиқариш бино-иншоотлари, иссиқхона мажмуалари қуриб бериш, интенсив боғлар ва токзорлар барпо этиш, қишлоқ хўжалигида занжирли ишлаб чиқаришни йўлга қўйиб, якуний маҳсулот ишлаб чиқаришга ихтисослашган, жумладан, омухта ем тайёрлаш, сутни қайта ишлаш, томат паста ишлаб чиқариш, минерал ўғитлар тайёрлаш, ўсимликларга кимёвий ишлов бериш, қадоқлаш ва саралаш ускуналари билан таъминлаш бўйича лизинг фаолиятини амалга ошириш";

в) 13-банднинг учинчи хатбошисидаги "Томорқа хизмати" МЧЖлар давлат рўйхатидан ўтиб, Кенгаш томонидан юритиладиган "Томорқа хизмати" МЧЖлар реестрига киритилган" сўзлари "Томорқа хизмати" тадбиркорлик субъектлари давлат рўйхатидан ўтган" сўзлари билан алмаштирилсин.

2. Ўзбекистон Республикаси Президентининг 2018 йил 2 июлдаги "Фермер хўжаликларида ҳисоб тизимини тубдан яхшилаш ва уларга банк хизматлари кўрсатишни такомиллаштиришнинг қўшимча чора-тадбирлари тўғрисида"ги ПҚ-3824-сон қарорида:

а) 1-иловадаги "Солиқ ва статистика ҳисоботлари бўйича маслаҳатчи" блоки "Солиқ, статистика ҳисоботлари ва юридик масалалар бўйича маслаҳатчи" блоки билан алмаштирилсин;

б) 2-илованинг 3-позициясидаги "Солиқ ва статистика ҳисоботлари бўйича маслаҳатчи" сўзлари "Солиқ, статистика ҳисоботлари ва юридик масалалар бўйича маслаҳатчи" сўзлари билан алмаштирилсин.

3. Вазирлар Маҳкамасининг 2018 йил 18 мартдаги "Деҳқон хўжаликлари ва томорқа ер участкаларидан самарали фойдаланишни ташкил этиш чора-тадбирлари тўғрисида"ги 205-сон қарорида:

а) Деҳқон хўжаликлари ва томорқа ер участкаларидан самарали фойдаланишни ташкил этиш ва мониторингини юритиш тартиби тўғрисидаги низомнинг 4-банди иккинчи хатбошиси қуйидаги таҳрирда баён этилсин:

"Ишчи гуруҳ таркибига туман (шаҳар) маҳаллабай ишлаш ва тадбиркорликни ривожлантириш марказлари, туман (шаҳар) фермер, деҳқон хўжаликлари ва томорқа ер эгалари кенгаши, туман (шаҳар) қишлоқ хўжалиги бўлими, туман (шаҳар) ирригация бўлими, туман (шаҳар) касаба уюшмаси бўлими, туман (шаҳар) камбағалликни қисқартириш ва бандлик бўлими, туман (шаҳар) солиқ инспекцияси ва бошқа манфаатдор ташкилотлар вакиллари киритилади";

б) 2-илова қуйидаги таҳрирда баён этилсин:

"Вазирлар Маҳкамасининг

2018 йил 18 мартдаги

205-сон қарорига

2-ИЛОВА

Деҳқон хўжаликлари ва томорқа ер участкаларига

қишлоқ хўжалиги экинларини жойлаштириш, экиш ва

парваришлаш, шунингдек, зарур моддий ресурслар етказиб

берилишини мувофиқлаштирувчи республика ишчи гуруҳи

ТАРКИБИ

    

       

Изоҳ. Республика ишчи гуруҳи аъзолари бошқа ишга ўтган тақдирда унинг таркибига ушбу лавозимларга янгидан тайинланган шахслар ёхуд зиммасига тегишли функцияларни бажариш юкланган шахслар киритилади".

4. Вазирлар Маҳкамасининг 2018 йил 7 июндаги "Ўзбекистон фермер, деҳқон хўжаликлари ва томорқа ер эгалари кенгаши ҳузуридаги Фермер, деҳқон хўжаликлари ва томорқа ер эгаларини қўллаб-қувватлаш жамғармаси фаолиятини ташкил этиш тўғрисида"ги 433-сон қарорида:

а) 1-бандда:

бешинчи хатбоши қуйидаги таҳрирда баён этилсин:

"Жамғарманинг ижро этувчи аппарати, жумладан марказий аппарати ва ҳудудий вакиллари штат бирликлари сони Жамғарма Васийлик кенгаши томонидан белгиланади. Бунда, Жамғарма иш ҳажмидан келиб чиқиб, Васийлик кенгашига Жамғармага қўшимча штат бирликлари жалб этиш, Ўзбекистон фермер, деҳқон хўжаликлари ва томорқа ер эгалари кенгаши раисига зарурат бўлганда Жамғарманинг ижро этувчи аппарати тузилмасига ўзгартиришлар киритиш ҳуқуқи берилсин";

тўққизинчи хатбошидаги "ўринбосарларига тенглаштирилади" сўзлари "ўринбосарлари ҳисобланади" сўзлари билан алмаштирилсин;

б) 2-банднинг биринчи хатбошиси "жойлаштирилсин" сўзларидан кейин "ҳамда мазкур манзилда ажратилган ҳудуд ва хоналарни Жамғарма маблағлари ҳисобидан таъмирлаш ваколати берилсин" сўзлари билан тўлдирилсин;

в) 2-илованинг матни қуйидаги таҳрирда баён этилсин:

"Ўзбекистон фермер, деҳқон хўжаликлари ва томорқа ер

эгалари кенгаши ҳузуридаги Фермер, деҳқон хўжаликлари

ва томорқа ер эгаларини кўллаб-қувватлаш жамғармаси

ижро этувчи аппарати

ТУЗИЛМАСИ

           

        

Жамғарманинг ижро этувчи аппарати, жумладан марказий аппарати ва ҳудудий вакиллари штат бирликлари сони Жамғарма Васийлик кенгаши томонидан белгиланади. Бунда, Жамғарма иш ҳажмидан келиб чиқиб, Васийлик кенгашига Жамғармага қўшимча штат бирликлари жалб этиш ҳуқуқи берилган.

*) Бўлим бошлиғи бир вақтнинг ўзида Жамғарма ижро этувчи директори ўринбосари ҳисобланади.

**) Лизинг фаолиятини амалга ошириш учун Жамғарма улуши иштирокида масъулияти чекланган жамият шаклидаги юридик шахс ташкил этилиши мумкин;

***) Юридик хизмат аутсорсинг асосида ташкил этилиши мумкин";

г) Ўзбекистон фермер, деҳқон хўжаликлари ва томорқа ер эгалари кенгаши ҳузуридаги Фермер, деҳқон хўжаликлари ва томорқа ер эгаларини қўллаб-қувватлаш жамғармаси тўғрисидаги низомда:

7-банднинг ўнинчи хатбошиси қуйидаги мазмундаги жумла билан тўлдирилсин:

"Васийлик кенгаши мажлис баёнлари сўров ўтказиш йўли билан расмийлаштирилиши мумкин";

17-банднинг йигирма учинчи хатбошисидаги "йигирманчи хатбошида келтирилган объект ва ускуналар" сўзлари "йигирма иккинчи хатбошида келтирилган бино-иншоотлар, объект ва ускуналар" сўзлари билан алмаштирилсин;

18-банд қуйидаги таҳрирда баён этилсин:

"18. Жамғарманинг тижорат банкларига ресурс ажратиш ва маблағларини депозитга қўйишдан олинган, шунингдек Жамғарманинг бўш турган маблағларига тижорат банки томонидан тўланган фоиз кўринишидаги даромадлари Жамғарманинг ўз маблағлари бўлиб, консолидациялашган бюджет маблағлари ёки бюджет тизими бюджетлари маблағлари ҳисобланмайди.

Жамғарманинг Васийлик кенгаши қарорига асосан "Томорқа хизмати" МЧЖларга 300 миллион сўмгача ажратилган гаровсиз кредит учун Жамғарманинг тижорат банклари томонидан гаровга (депозит) олинган маблағларининг акцептсиз ундирилган ҳамда тижорат банкларига қўйилган депозит маблағларининг қайтмаган қисми мазкур банднинг биринчи хатбошисида келтирилган манбалар ҳисобидан яратилган захира маблағлари ҳисобидан қопланади".

5. Вазирлар Маҳкамасининг 2020 йил 30 январдаги "Оилавий тадбиркорликни қўллаб-қувватлаш дастурлари доирасида боғдорчилик, узумчилик ва иссиқхона хўжалигини ривожлантириш чора-тадбирлари тўғрисида"ги 52-сон қарорида:

а) 1-банддаги "Иқтисодиёт ва саноат вазирлиги, Молия вазирлиги, Бандлик ва меҳнат муносабатлари вазирлиги" сўзлари "Иқтисодиёт ва молия вазирлиги, Камбағалликни қисқартириш ва бандлик вазирлиги" сўзлари билан, "Боғдорчилик ва иссиқхона хўжалигини ривожлантириш агентлиги, Узумчилик ва виночиликни ривожлантириш агентлиги (кейинги ўринларда агентликлар деб аталади)" сўзлари "Қишлоқ хўжалигида хизматлар кўрсатиш агентлиги (кейинги ўринларда - Агентлик)" сўзлари билан алмаштирилсин;

б) 4-бандда:

"а" кичик банддаги "агентликлар" сўзи "Агентлик" сўзи билан алмаштирилсин;

"в" кичик бандда:

учинчи хатбоши қуйидаги таҳрирда баён этилсин:

"Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалигида хизматлар кўрсатиш агентлигининг Боғдорчилик ва иссиқхона хўжалигини ривожлантириш жамғармаси маблағлари";

тўртинчи хатбоши чиқариб ташлансин;

бешинчи - еттинчи хатбошилар тегишлича тўртинчи - олтинчи хатбошилар деб ҳисоблансин;

"г" кичик бандда "бир йиллик" сўзлари "уч йилгача" сўзлари билан алмаштирилсин;

"д" кичик банд қуйидаги таҳрирда баён этилсин:

"д) тижорат банклари интенсив боғ ва токзорлар ташкил этиш ҳамда иссиқхона қуриш лойиҳаларини молиялаштириш учун ташаббускорларга - 3 йилгача имтиёзли давр билан 7 йилгача муддатга кредит ажратиши мумкин";

в) Интенсив боғ ва токзорлар барпо этиш, иссиқхоналар қуриш ҳамда уларни аҳолига лизинг ва кредит шартлари асосида бериш тартиби тўғрисидаги низомда:

2-бандда:

иккинчи хатбоши "лизинг" сўзидан кейин "(кредит)" сўзи билан тўлдирилсин;

учинчи ва тўртинчи хатбошилар қуйидаги таҳрирда баён этилсин:

"лизинг (кредит) олувчи - лизинг (кредит) шартномаси бўйича лизинг (кредит) объектини эгалик қилиш ва фойдаланиш учун олаётган жисмоний ёки юридик шахс;

лизинг (кредит) тўловлари - лизинг (кредит) олувчи томонидан лизинг (кредит) берувчига лизинг (кредит) объекти қийматини қоплаш учун тўланадиган тўловлар, фоиз (устама) тўловлари, шунингдек, лизинг (кредит) объектини барпо этиш, қуриш, сотиб олиш, етказиб бериш билан боғлиқ бўлган барча харажатларни қоплаш учун тўланган тўловлар йиғиндиси";

бешинчи хатбошида "қишлоқ хўжалиги ташкилоти" сўзлари "хўжалик юритувчи субъектлар" сўзлари билан алмаштирилсин;

3-бандда "Боғдорчилик ва иссиқхона хўжалигини ривожлантириш агентлиги ҳамда Узумчилик ва виночиликни ривожлантириш агентлиги" сўзлари "Қишлоқ хўжалигида хизматлар кўрсатиш агентлиги" сўзлари билан, "Боғдорчилик ва иссиқхона хўжалигини ривожлантириш агентлиги ёки Узумчилик ва виночиликни ривожлантириш агентлиги" сўзлари "Қишлоқ хўжалигида хизматлар кўрсатиш агентлиги" сўзлари билан алмаштирилсин;

5-бандда:

учинчи хатбошида "Боғдорчилик ва иссиқхона хўжалигини ривожлантириш агентлигининг Боғдорчилик ва иссиқхона хўжалигини ривожлантириш жамғармаси" сўзлари "Қишлоқ хўжалигида хизматлар кўрсатиш агентлигининг Боғдорчилик ва иссиқхона хўжалигини ривожлантириш жамғармаси" сўзлари билан алмаштирилсин;

тўртинчи хатбоши чиқариб ташлансин;

бешинчи - еттинчи хатбошилар тегишлича тўртинчи - олтинчи хатбошилар деб ҳисоблансин;

7-банднинг учинчи хатбошисида "Боғдорчилик ва иссиқхона хўжалигини ривожлантириш агентлигига, Узумчилик ва виночиликни ривожлантириш агентлигига" сўзлари "Қишлоқ хўжалигида хизматлар кўрсатиш агентлигига" сўзлари билан алмаштирилсин;

9-бандда:

қуйидаги мазмундаги жумла билан тўлдирилсин:

"Мазкур рўйхатга киритилган ташаббускорлар лизинг (кредит) объектини харид қилишдан бош тортган тақдирда, тегишли ҳоким ёрдамчилари тавсиясига кўра алмаштирилиши мумкин";

қуйидаги мазмундаги иккинчи - тўртинчи хатбошилар билан тўлдирилсин:

"Туман ҳокимлиги томонидан якуний рўйхат тақдим этилмаган тақдирда, ушбу Низомга 2-иловада келтирилган жадвалга мувофиқ якуний рўйхат сотувчи томонидан тегишли ҳоким ёрдамчилари тавсия этган рўйхат асосида шакллантирилади.

Ҳоким ёрдамчиси томонидан ташаббускорлар тавсия этилмаган тақдирда, сотувчи томонидан якуний рўйхат мустақил равишда шакллантирилади ва ушбу рўйхат ахборот тариқасида туман ҳокимлигига тақдим этилади.

Якуний рўйхатга маҳаллий аҳоли билан кооперация асосида ишни ташкил этиш истагида бўлган бир ёки бир нечта хўжалик субъектлари ҳам киритилиши мумкин";

13-бандда "олувчи билан" сўзларидан сўнг "лизинг объектини тўғридан- тўғри сотиш бўйича" сўзлари билан тўлдирилсин;

14-бандда:

иккинчи хатбошида "Боғдорчилик ва иссиқхона хўжалигини ривожлантириш агентлигининг Боғдорчилик ва иссиқхона хўжалигини ривожлантириш жамғармаси ҳамда Қишлоқ хўжалиги вазирлиги ҳузуридаги Узумчилик ва виночиликни ривожлантириш агентлигининг Узум етиштирувчилар ва вино тайёрловчиларни қўллаб-қувватлаш жамғармаси" сўзлари "Қишлоқ хўжалигида хизматлар кўрсатиш агентлигининг Боғдорчилик ва иссиқхона хўжалигини ривожлантириш жамғармаси" сўзлари билан алмаштирилсин;

қуйидаги мазмундаги хатбоши билан тўлдирилсин:

"Ўзбекистон фермер, деҳқон хўжаликлари ва томорқа ер эгалари кенгаши ҳузуридаги Фермер, деҳқон хўжаликлари ва томорқа ер эгаларини қўллаб-қувватлаш жамғармаси томонидан лизинг объектини лизингга сотиш тартиби Жамғарма Васийлик кенгаши томонидан тасдиқланган низом асосида амалга оширилади";

17-бандда "бир йиллик" сўзлари "уч йилгача" ўзлари билан алмаштирилсин;

25-банд қуйидаги таҳрирда баён этилсин:

"25. Интенсив боғ, токзорлар ёки иссиқхоналар мазкур Низомнинг 2-иловаси билан тасдиқланган якуний рўйхатга киритилган ташаббускорларга кредит шартлари асосида тўғридан-тўғри сотилиши (берилиши) мумкин";

26-банд қуйидаги таҳрирда баён этилсин:

"26. Тижорат банклари интенсив боғ ва токзорлар ташкил этиш ҳамда иссиқхона қуриш лойиҳаларини молиялаштириш учун 3 йилгача имтиёзли давр билан 7 йилгача муддатга ташаббускорларга кредит ажратиши мумкин.

Кредитлар рақамлашган ҳолда Оилавий тадбиркорликни ривожлантириш дастурларининг ягона электрон платформаси орқали ажратилади";

қуйидаги мазмундаги 26-1 - 26-6 -бандлар билан тўлдирилсин:

"26-1. Ташаббускорга кредит расмийлаштириб берилгандан ва кредит объекти суммаси тижорат банки томонидан сотувчига ўтказиб берилгандан сўнг сотувчининг розилик хати асосида кредит объектига бўлган мулк ҳуқуқи ва эгаллаб турган ер участкасига бўлган ҳуқуқ тижорат банки номига давлат рўйхатидан ўтказиш учун асос ҳисобланади.

26-2. Давлат хизматлари маркази орқали ҳудудий туман ер тузиш ва кўчмас мулк кадастри филиали кредит объекти эгаллаган ер майдонини ушбу Низомнинг 10-бандида кўрсатилган муддат ва шартлар асосида тижорат банки номига белгиланган тартибда расмийлаштириб беради.

26-3. Кредит объекти қиймати тўлангандан сўнг сотувчи тижорат банки вакили иштирокида ўн кун муддатда кредит объектини ташаббускорга қабул қилиш-топшириш далолатномаси асосида топширади.

Кредит тўловлари кредит шартномасининг бутун амал қилиш муддатида бўлиб-бўлиб тўланади. Кредит тўловларининг миқдорлари ва даврийлиги кредит шартномаси билан белгиланади.

26-4. Кредит объектига бўлган мулк ҳуқуқи ташаббускор томонидан кредит объекти қиймати тўлиқ тўлангунга қадар тижорат банкига тегишли бўлади.

26-5. Тижорат банки кредит шартномаси муддати давомида кредит объектидан мақсадли фойдаланилишини ва кредит тўловлари ўз вақтида тўлаб борилишини назорат қилади.

26-6. Кредит объектидан мақсадсиз фойдаланилганда ёки кредит тўловлари кредит шартномасида белгиланган муддатларда амалга оширилмаганда кредит шартномаси бекор қилиниши мумкин";

қуйидаги мазмундаги 3-параграф билан тўлдирилсин:

"3-§. Интенсив боғ, токзор ёки иссиқхоналарни электрон

онлайн аукцион савдолари орқали сотиш

26-7. Сотувчи томонидан интенсив боғ, токзор барпо этилиб ёки иссиқхона қуриб битказилгандан сўнг туман ҳокимлиги томонидан 6 ой муддатда уларни харид қиладиган ташаббускорларнинг якуний рўйхати тақдим этилмаган тақдирда, сотувчи интенсив боғ, токзор ёки иссиқхонани лотларга бўлган ҳолда "E-auksion" электрон савдо платформаси орқали электрон онлайн аукцион савдоларига қўйиши мумкин.

26-8. Интенсив боғ, токзор ёки иссиқхоналарни лотларга бўлган ҳолда "E-auksion" электрон савдо платформаси орқали электрон онлайн аукцион савдоларида сотиш ва шартномани расмийлаштириш Ўзбекистон Республикаси Вазирлар Маҳкамасининг 2021 йил 24 ноябрдаги 709-сон қарори билан тасдиқланган Деҳқон хўжалиги юритиш учун ер участкаларини ижарага беришнинг маъмурий регламентида белгиланган тартиб ва муддатларда амалга оширилади.

26-9. Сотувчи ва аукцион ғолиби ўртасидаги Интенсив боғ, токзор ёки иссиқхоналарнинг олди-сотди шартномасида тўловларни тўлаш шартлари ва муддатлари кўрсатилади.

Электрон онлайн аукцион савдолари ғолиби тўловларни тўлаш учун "Ҳар бир оила - тадбиркор" дастури ҳамда Ўзбекистон фермер, деҳқон хўжаликлари ва томорқа ер эгалари кенгаши ҳузуридаги Фермер, деҳқон хўжаликлари ва томорқа ер эгаларини қўллаб-қувватлаш жамғармаси маблағлари ҳисобидан тижорат банклари орқали кредит олиши мумкин.

26-10. Электрон онлайн аукцион савдолари ғолиби томонидан интенсив боғ, токзорлар ва иссиқхона қиймати тўлиқ тўлангандан сўнг объект сотувчи томонидан қабул қилиш-топшириш далолатномаси асосида ўтказиб берилади";

30-банд қуйидаги мазмундаги хатбоши билан тўлдирилсин:

"Кредит олувчи кредит эвазига сотилган интенсив боғ, токзор ва иссиқхоналарнинг барча тўловлари тўлиқ тўлаб бўлингандан сўнг беш кун муддатда кредит объектининг мулк ҳуқуқини кредит олувчига ўтказиш тўғрисида далолатнома расмийлаштиради, кредит объектининг мулк ҳуқуқини ва эгаллаган ер майдонини кредит олувчи номига расмийлаштириш тўғрисида туман ҳокимлигига ёзма равишда мурожаат қилади";

32-банд қуйидаги таҳрирда баён этилсин:

"32. Туман ҳокимлиги ўн кун муддатда ташаббускорларни (лизинг ёки кредит олувчини) деҳқон хўжалиги сифатида рўйхатдан ўтказилишини ва унга интенсив боғ, токзорлар ёки иссиқхонага бўлган мулк ҳуқуқини ва улар эгаллаган ер участкасига ижара ҳуқуқини бериш тўғрисида Қорақалпоғистон Республикаси Вазирлар Кенгаши Раиси ва вилоят ҳокимларига тегишли қарор қабул қилинишини сўраб мурожаат қилади.

Қорақалпоғистон Республикаси Вазирлар Кенгаши Раиси ва вилоят ҳокимлари беш кун муддатда туман ҳокимлиги томонидан деҳқон хўжалиги сифатида рўйхатдан ўтказилган ташаббускорлар (лизинг ёки кредит олувчи)га интенсив боғ, токзорлар ёки иссиқхонага бўлган мулк ҳуқуқини ва улар эгаллаган ер участкасига ижара ҳуқуқини бериш тўғрисида Қорақалпоғистон Республикаси Вазирлар Кенгашининг ва вилоят ҳокимининг тегишли қарори қабул қилинишини таъминлайди";

33-бандда "Вилоят ҳокимининг" сўзлари "Қорақалпоғистон Республикаси Вазирлар Кенгаши Раиси ва вилоят ҳокимларининг" сўзлари билан алмаштирилсин.

6. Вазирлар Маҳкамасининг 2020 йил 30 январдаги "Деҳқон хўжаликлари ва аҳоли томорқалари ер участкаларидан янада самарали фойдаланиш чора-тадбирлари тўғрисида"ги 53-сон қарорида:

а) 1-банднинг тўққизинчи хатбошисидаги "масъулияти чекланган жамиятларининг" сўзлари "тадбиркорлик субъектларининг" сўзлари билан алмаштирилсин;

б) 4-бандда:

учинчи хатбошидаги "МЧЖларга" сўзи "тадбиркорлик субъектларига" сўзлари билан алмаштирилсин;

тўртинчи хатбошидаги "МЧЖлар" сўзи "тадбиркорлик субъектлари" сўзлари билан алмаштирилсин;

в) "Томорқа хизмати" масъулияти чекланган жамиятларининг реестрини шакллантириш ва юритиш тартиби тўғрисидаги низомда:

номланишидаги "масъулияти чекланган жамиятларининг" сўзлари "тадбиркорлик субъектларининг" сўзлари билан алмаштирилсин;

1-банд қуйидаги мазмундаги хатбоши билан тўлдирилсин:

"Ушбу низомда "Томорқа хизмати" МЧЖларга қўлланиладиган барча қоидалар якка тартибдаги тадбиркор сифатида ташкил этиладиган "Томорқа хизмати" ЯТТларга нисбатан ҳам қўлланилади";

2-банд қуйидаги таҳрирда баён этилсин:

"2. "Томорқа хизмати" МЧЖлари - фермер, деҳқон хўжаликлари ва томорқа ер эгаларига шартнома асосида зарур моддий ресурслар, шу жумладан, уруғлар, кўчатлар, таралар, техника, чорва моллари, парранда, қуён, асалари уяси, балиқ, қишлоқ хўжалик техникалари ҳамда эҳтиёт қисмлари, омухта ем, минерал ўғитлар, ўсимликларни ҳимоя қилиш учун кимёвий воситалар ва асбоб-ускуналар етказиб бериш, шунингдек, иссиқхоналар қуриб бериш, ерларни рекультивация қилиш ва қишлоқ хўжалиги экинларини экиш, суғориш тизимини яратиш ва яхшилаш, сув насослари ўрнатиш, артезиан қудуқлар қазиш ва томчилатиб суғоришни ташкил этиш, фермер, деҳқон хўжаликлари ва томорқа ер эгаларидан харид қилинган, шунингдек, ўз майдонларида етиштирилган қишлоқ хўжалиги маҳсулотларини саралаш, тайёрлаш, сақлаш, қайта ишлаш, қуритиш, қадоқлаш, тайёр маҳсулотлар ишлаб чиқариш ва уларни ички ва ташқи бозорларда сотиш ҳамда экспорт қилиш билан шуғулланувчи хўжалик юритувчи субъект;

якка тартибдаги тадбиркор сифатида ташкил этиладиган "Томорқа хизмати" ЯТТлар - фермер, деҳқон хўжаликлари ва томорқа ер эгаларига шартнома асосида зарур моддий ресурслар, шу жумладан, уруғлар, кўчатлар, таралар, техника, чорва моллари, парранда, қуён, асалари уяси, балиқ, қишлоқ хўжалик техникалари ҳамда эҳтиёт қисмлари, омухта ем, минерал ўғитлар, ўсимликларни ҳимоя қилиш учун кимёвий воситалар ва асбоб ускуналар етказиб бериш, шунингдек, иссиқхоналар қуриб бериш, ерларни рекультивация қилиш ва қишлоқ хўжалиги экинларини экиш, қишлоқ хўжалиги маҳсулотлари етиштириш билан бирга қайта ишлаш, сақлаш, реализация қилиш ва қонунчиликда тақиқланмаган бошқа фаолият турлари билан шуғулланувчи хўжалик юритувчи субъект;

"Томорқа хизмати" тадбиркорлик субъектлари реестри (кейинги ўринларда - Реестр) - "Томорқа хизмати" тадбиркорлик субъектларининг (ЯТТ, МЧЖ) тизимлаштирилган рўйхати ва улар ҳақидаги маълумотлардан иборат ягона маълумотлар базаси";

29-бандда "бир йил" сўзлари "икки йил" сўзлари билан алмаштирилсин;

г) Низомга 3-илова қуйидаги таҳрирда баён этилсин:

"Томорқа хизмати" масъулияти чекланган

жамиятларининг реестрини шакллантириш

ва юритиш тартиби тўғрисидаги низомга

3-ИЛОВА

Реестрга киритиш учун "Томорқа хизмати"

тадбиркорлик субъектларига қўйиладиган

Т А Л А Б Л А Р

         

        

*) Бино ва иншоотлар, минитрактор ижара муносабатлари асосида фойдаланилиши мумкин".

7. Вазирлар Маҳкамасининг 2020 йил 24 февралдаги 109-сон қарори билан тасдиқланган Қишлоқ хўжалигида фойдаланилмаётган ерларни фойдаланишга киритишда ирригация ва мелиорация объектларини қуриш ва реконструкция қилиш билан боғлиқ харажатларни қоплаб бериш тартиби тўғрисидаги низомда:

а) 10-1 ва 10-3-бандлардаги "Маҳалла ва нуронийларни қўллаб-қувватлаш вазирлиги" сўзлари "Камбағалликни қисқартириш ва бандлик вазирлиги" сўзлари билан алмаштирилсин;

б) 20-1-бандда:

биринчи хатбошидаги "тегишли равишда туман (шаҳар) фермер, деҳқон хўжаликлари ва томорқа ер эгалари кенгашига (кейинги ўринларда - туман кенгаши) қуйидаги ҳужжатларни тақдим этади" сўзлари "Агросубсидия" ахборот тизимига қуйидаги ҳужжатларни киритади" сўзлари билан алмаштирилсин;

учинчи хатбоши "банк реквизитлари" сўзларидан кейин "пудратчи ташкилот томонидан олинадиган Ер ости сувларига қудуқларни бурғилаш учун рухсатнома, қазилган қудуққа тайёрланган ва Гидрогеология станцияларида рўйхатга қўйилган техник паспорт, қудуқдан фойдаланиш учун истеъмолчи томонидан олинадиган Ер ости сувларидан махсус фойдаланиш учун рухсатнома, талабгор ва бурғиловчи ташкилот ўртасида қазилган қудуқни 1 йил давомида кузатиб ва тузатиб бориш шартномаси ҳамда туман комиссияси ва талабгор ўртасида талабгор томонидан қудуқдан камида 2 йил давомида самарали фойдаланиш бўйича келишув шартномаси" сўзлари билан тўлдирилсин;

қуйидаги мазмундаги хатбоши билан тўлдирилсин:

"мазкур банднинг иккинчи, учинчи ва тўртинчи хатбошиларида келтирилган ҳужжатларнинг ҳаққонийлиги, вертикал суғориш қудуқларини қазиш ва фойдаланишга топшириш жараёнида барча зарур ҳужжатларни, жумладан ер ости сувларидан фойдаланишга оид рухсат этувчи ҳужжатлар, лойиҳа-смета ҳужжатларининг тўғри тузилганлиги ва шакллантирилганлиги, шунингдек, ушбу жараёнида бюджет ва бюджетдан ташқари тўловлар бўйича ҳисоб-китобларнинг амалдаги қонунчилик талаблари асосида амалга оширилганлиги юзасидан талабгор ва у билан шартнома муносабатлари асосида фаолият кўрсатган юридик шахслар масъул ҳисобланади";

в) 20-3 - 20-6-бандлар қуйидаги таҳрирда баён этилсин:

"20-3. Туман кенгашлари талабгорлар томонидан тўлиқ тақдим қилинган ҳужжатларни кўриб чиққандан сўнг, туман (шаҳар) комиссияси уч иш куни муддатда вертикал суғориш қудуқларини барча ҳужжатларни тўғри ва ҳаққоний тузилганлигини, артезиан қудуқдан самарали фойдаланиши ҳолатини жойига чиққан ҳолда ўрганади ва ижобий қарор қабул қилинган тақдирда "Агросубсидия" ахборот тизими орқали мазкур Низомнинг 4-иловасида келтирилган таркибдаги Сув таъминоти оғир бўлган ҳудудлардаги аҳоли томорқалари ва деҳқон хўжаликларини суғориш учун вертикал суғориш қудуқларини бурғилаш, шунингдек, дарёлар, каналлар ва бошқа сув объектларидан сув чиқариш воситаларини сотиб олиш ва ўрнатиш ишларини фойдаланишга қабул қилиш ҳудудий ишчи гуруҳи (кейинги ўринларда - Ҳудудий ишчи гуруҳи) муҳокамасига киритади.

20-4. Ҳудудий ишчи гуруҳи аъзолари:

уч иш кунида фойдаланишга топширилган вертикал суғориш қудуқларини бурғилаш жараёнида расмийлаштирилиши лозим бўлган барча ҳужжатларни тўғри ва ҳаққоний тузилганлигини, бюджет ва бюджетдан ташқари тўловлар бўйича ҳисоб-китоблар тўғри амалга оширилганлигини, артезиан қудуқдан самарали фойдаланилиши ҳолатини ўрганади ва ушбу жараён амалдаги қонунчилик талаблари асосида амалга оширилишини таъминлайди;

ижобий қарор қабул қилинган тақдирда, талабгорларга ажратиладиган субсидия миқдори ва талабгорларнинг банк реквизитларини кўрсатган ҳолда буюртманомаларни шакллантиради ҳамда тасдиқлаган ҳолда "Агросубсидия" ахборот тизими орқали Кенгашга киритади.

Қазилган вертикал суғориш қудуқларининг ҳужжатлари (лойиҳа-смета) тўғри тайёрланганлиги ва тақдим этилган маълумотларнинг тўғри ва ҳаққонийлиги юзасидан жавобгарлик Туман (шаҳар) комиссияси ва Ҳудудий ишчи гуруҳи аъзолари зиммасига юклатилади.

20-5. Кенгаш Ҳудудий ишчи гуруҳи томонидан тақдим этилган буюртманомаларни кўриб чиқиш учун Ўзбекистон Республикаси Сув хўжалиги вазирлиги ва Камбағалликни қисқартириш ва бандлик вазирлигига киритади.

Мазкур вазирликлар томонидан ижобий хулоса олингандан сўнг, талабгорларнинг харажатларини қоплаб бериш бўйича зарур ҳужжатлар Фермер, деҳқон хўжаликлари ва томорқа ер эгаларини қўллаб-қувватлаш жамғармасига йўналтирилади.

20-6. Ўзбекистон Республикаси Иқтисодиёт ва молия вазирлиги томонидан ҳисобот йили бошида сув таъминоти оғир ҳудудлардаги аҳоли томорқалари, деҳқон хўжаликлари ва қишлоқ хўжалигида фойдаланилмаётган ер майдонларини суғориш учун вертикал суғориш қудуқларини бурғилаш ва ишга тушириш, шунингдек, дарёлар, каналлар ва бошқа сув объектларидан сув чиқариш воситаларини сотиб олиш ва ўрнатиш билан боғлиқ харажатларни қоплашга мўлжалланган субсидия учун белгиланган маблағлар Фермер, деҳқон хўжаликлари ва томорқа ер эгаларини қўллаб-қувватлаш жамғармасининг Ғазначилик хизмати қўмитасидаги ҳисобварағида режалаштирилади";

г) 20-8-банддаги "уч иш кунида Кенгаш" сўзлари "Кенгаш" сўзи билан алмаштирилсин;

д) қуйидаги мазмундаги 20-9-банд билан тўлдирилсин:

"20-9. Қабул қилиб олинган вертикал суғориш қудуқларидан доимий тарзда самарали фойдаланилиши учун маҳалла фуқаролар йиғинлари раислари масъул ҳисобланади";

е) 21-банддаги "Молия" сўзи "Иқтисодиёт ва молия" сўзлари билан алмаштирилсин;

ж) 22-банднинг иккинчи хатбошисидан "Кенгаш ҳамда унинг ҳудудий органлари" сўзлари чиқариб ташлансин;

з) Низом қуйидаги мазмундаги 4-илова билан тўлдирилсин:

"Қишлоқ хўжалигида фойдаланилмаётган ерларни

фойдаланишга киритишда ирригация ва мелиорация

объектларини қуриш ва реконструкция қилиш билан боғлиқ

харажатларни қоплаб бериш тартиби тўғрисидаги низомга

4-ИЛОВА

Сув таъминоти оғир бўлган ҳудудлардаги аҳоли

томорқалари ва деҳқон хўжаликларини суғориш учун

вертикал суғориш қудуқларини бурғилаш, шунингдек,

дарёлар, каналлар ва бошқа сув объектларидан сув

чиқариш воситаларини сотиб олиш ва ўрнатиш

ишларини фойдаланишга қабул қилиш

ҳудудий ишчи гуруҳининг

НАМУНАВИЙ ТАРКИБИ

Қорақалпоғистон Республикаси Вазирлар Кенгаши Раисининг, вилоят ҳокимининг қишлоқ ва сув хўжалиги масалалари бўйича ўринбосари, Ишчи гуруҳ раҳбари;

Қорақалпоғистон Республикаси ва вилоятлар фермер, деҳқон хўжаликлари ва томорқа ер эгалари кенгаши раиси, Ишчи гуруҳ раҳбари ўринбосари;

Қорақалпоғистон Республикаси ва вилоят Гидрогеология ҳудудий станциялари бошлиқлари;

Қорақалпоғистон Республикаси сув хўжалиги вазири, вилоят ирригация тизимлари ҳавза бошқармаси бошлиғи;

Қорақалпоғистон Республикаси камбағалликни қисқартириш ва бандлик вазири, вилоят Камбағалликни қисқартириш ва бандлик бошқармаси бошлиғи;

Қорақалпоғистон Республикаси иқтисодиёт ва молия вазири, вилоят Иқтисодиёт ва молия бошқармаси бошлиғи;

ҳудудий электр тармоқлари корхоналари директорлари".

8. Вазирлар Маҳкамасининг 2020 йил 30 июлдаги "Сув таъминоти оғир ҳудудлардаги аҳоли томорқалари ва қишлоқ хўжалигида фойдаланилмаётган ер майдонларига сув чиқариш ишларини давлат томонидан қўллаб-қувватлаш чора-тадбирлари тўғрисида"ги 459-сон қарорида:

а) 1-банддаги "Молия вазирлиги, Иқтисодий тараққиёт ва камбағалликни қисқартириш вазирлиги, Маҳалла ва нуронийларни қўллаб-қувватлаш вазирлиги" сўзлари "Иқтисодиёт ва молия вазирлиги, Камбағалликни қисқартириш ва бандлик вазирлиги" сўзлари билан алмаштирилсин;

б) 2-банднинг иккинчи, учинчи ва тўртинчи хатбошилари қуйидаги таҳрирда баён этилсин:

"аҳоли томорқа ерини суғориш учун чуқурлиги 10 метрдан, Қорақалпоғистон Республикаси учун 5 метрдан ортиқ бўлган кичик ҳажмдаги ҳар бир вертикал суғориш қудуғини бурғилаш ва ишга тушириш билан боғлиқ харажатларнинг биринчи метридан бошлаб 100 фоизини, бироқ базавий ҳисоблаш миқдорининг 50 бараваридан ошмаган миқдорда;

камида 30 та аҳоли томорқа ерларини суғориш учун катта ҳажмдаги вертикал суғориш қудуқларини бурғилаш ва ишга тушириш, шунингдек, дарёлар, каналлар ва бошқа сув объектларидан сув чиқариш воситаларини сотиб олиш ва ўрнатиш билан боғлиқ харажатларнинг 100 фоизини, бироқ 150 миллион сўмдан ошмаган миқдорда;

деҳқон хўжалиги ташкил этиш учун 0,15 гектардан 2 гектаргача бўлган ўлчамларда 30 йилга ижарага берилган ва битта контурда ёки ёнма-ён иккита контурда жойлашган камида 10 та деҳқон хўжаликлари ерларини суғориш учун катта ҳажмдаги вертикал суғориш қудуқларини бурғилаш ва ишга тушириш билан боғлиқ харажатларнинг 100 фоизини, бироқ 150 миллион сўмдан ошмаган миқдорда";

в) 3-бандда:

иккинчи хатбоши қуйидаги таҳрирда баён этилсин:

"Ўзбекистон фермер, деҳқон хўжаликлари ва томорқа ер эгалари кенгаши Камбағалликни қисқартириш ва бандлик вазирлиги, Сув хўжалиги вазирлиги билан биргаликда ҳар йили 1 январь ва 1 июлга қадар сув таъминоти оғир ҳудудлардаги аҳоли томорқаларида бурғиланадиган вертикал суғориш қудуқларининг манзилли дастурини шакллантиради ва тасдиқлайди";

учинчи хатбошида "2021 йилда Ўзбекистон Республикаси Давлат бюджетидан ҳамда 2022 йилдан" сўзлари "2021-2025 йилларда Ўзбекистон Республикаси Давлат бюджетидан ҳамда 2026 йилдан" сўзлари билан алмаштирилсин;

г) 4-банддаги "Молия" сўзи "Иқтисодиёт ва молия" сўзлари билан алмаштирилсин.

9. Вазирлар Маҳкамасининг 2021 йил 24 ноябрдаги 709-сон қарори билан тасдиқланган Деҳқон хўжалиги юритиш учун ер участкаларини ижарага беришнинг маъмурий регламенти 1-банди қуйидаги мазмундаги хатбоши билан тўлдирилсин:

"Мазкур Регламент Ўзбекистон Республикаси Вазирлар Маҳкамасининг 2020 йил 30 январдаги 52-сон қарори билан тасдиқланган Интенсив боғ ва токзорлар барпо этиш, иссиқхоналар қуриш ҳамда уларни аҳолига лизинг ва кредит шартлари асосида бериш тартиби тўғрисидаги низомга асосан оилавий тадбиркорликни қўллаб-қувватлаш дастурлари доирасида интенсив боғ ва токзорлар барпо этиш, иссиқхоналар қуриш ҳамда уларни аҳолига лизинг ва кредит шартлари асосида бериш ҳисобига аҳоли бандлигини ва даромадларини ошириш мақсадида, ташаббускорларга деҳқон хўжалиги ташкил этиш учун ер ажратиш ва уларга ер ижара ҳуқуқларини расмийлаштиришга татбиқ этилмайди".

10. Вазирлар Маҳкамасининг 2022 йил 21 февралдаги "Томорқа хўжаликларида етиштирилган маҳсулотларни кафолатли харид қилиш тизимини молиявий жиҳатдан қўллаб-қувватлаш тўғрисида"ги 81-сон қарорида:

а) 1-банд, 2-банднинг биринчи - тўртинчи хатбошилари, 3-банднинг иккинчи хатбошиси ҳамда 4-банддаги "томорқа ер эгалари билан" сўзлари "томорқа ер эгалари, фермер, деҳқон хўжаликлари, қишлоқ хўжалиги маҳсулот етказиб берувчилари билан" сўзлари билан алмаштирилсин;

б) 4-банддаги "Молия" сўзи "Иқтисодиёт ва молия" сўзлари билан алмаштирилсин;

в) Томорқа ер эгалари билан кооперация асосида иш ташкил этган тадбиркорлик субъектларига омборхоналарни жиҳозлаш, шунингдек, қишлоқ хўжалиги маҳсулотларини қуритиш, саралаш ва қадоқлаш ускуналарини харид қилиш харажатларининг бир қисмига субсидия ажратиш тартиби тўғрисидаги низомда:

Низом номланишида, матнида ва иловаларида "томорқа ер эгалари билан" сўзлари "томорқа ер эгалари, фермер, деҳқон хўжаликлари, қишлоқ хўжалиги маҳсулот етказиб берувчилари билан" сўзлари билан алмаштирилсин;

2-бандда:

иккинчи хатбошидаги "харид қилиб" сўзлари "харид қилган ёки харид қилишни режалаштирган" сўзлари билан алмаштирилсин;

учинчи хатбошидаги "ишлатиладиган панеллар" сўзларидан кейин ", кичик ҳажмли кўчма музлаткичлар" сўзлари билан тўлдирилсин;

тўртинчи хатбошидаги "юридик шахсларга (томорқа ер эгалари билан кооперация асосида иш ташкил этган тадбиркорлик субъектлари)" сўзлари "тадбиркорлик субъектларига (томорқа ер эгалари, фермер, деҳқон хўжаликлари, қишлоқ хўжалиги маҳсулот етказиб берувчилар билан кооперация асосида иш ташкил этган тадбиркорлик субъектлари (жисмоний шахслар)" сўзлари билан алмаштирилсин;

бешинчи хатбоши "тадбиркорлик субъектлари" сўзларидан кейин "(жисмоний шахслар)" сўзлари билан тўлдирилсин;

олтинчи хатбошидан "автоматлаштирилган" сўзлари чиқариб ташлансин;

5-бандда:

иккинчи хатбоши қуйидаги таҳрирда баён этилсин:

"юридик шахслар давлат рўйхатидан ўтказилганлик тўғрисидаги гувоҳномага, жисмоний шахслар шахсини тасдиқловчи паспортга эга бўлган";

тўртинчи хатбоши "эга бўлиши" сўзларидан кейин "(кичик ҳажмли кўчма музлаткичлардан ташқари)" сўзлари билан тўлдирилсин;

бешинчи хатбошидаги "кейин харид қилинган" сўзлари "кўпи билан бир йил олдин харид қилинган ёки харид қилишни режалаштирган" сўзлари билан алмаштирилсин;

6-банд қуйидаги таҳрирда баён этилсин:

"6. Томорқа ер эгалари, фермер, деҳқон хўжаликлари, қишлоқ хўжалиги маҳсулот етказиб берувчилар билан кооперация асосида иш ташкил этган ҳолда омборхоналарни жиҳозлаш, шунингдек, қишлоқ хўжалиги маҳсулотларини қуритиш, саралаш ва қадоқлаш ускуналарини харид қилишга сарфланган харажатларнинг бир қисмига субсидия олиш бўйича талабгорларнинг аризаларига асосан манзилли рўйхат ҳар йили 1 февраль ҳолатига бир марта шакллантирилади.

Қорақалпоғистон Республикаси Вазирлар Кенгаши ва вилоятлар ҳокимликларининг таклифларига кўра Ўзбекистон фермер, деҳқон хўжаликлари ва томорқа ер эгалари кенгаши билан келишилган ҳолда манзилли рўйхатга бир ойда бир марта ўзгартириш ва қўшимчалар киритилиши мумкин";

7-банддаги "тадбиркорлик субъектларига" сўзлари "талабгорларга" сўзи билан алмаштирилсин;

8, 11-бандлардаги "1 апрелга" сўзлари "1 февралга" сўзлари билан, 15-банддаги "15 апрелга" сўзлари "15 февралга" сўзлари билан, 16, 19-бандлардаги "20 апрелга" сўзлари "20 февралга" сўзлари билан алмаштирилсин;

12-банддаги "ҳужжатларнинг ҳаққонийлигини, шунингдек, талабгорларнинг молиявий ҳолатини жойига чиққан ҳолда" сўзлари "ҳужжатларни" сўзи билан алмаштирилсин;

13-банддаги "манзилли рўйхат туман молия бўлимининг" сўзлари "манзилли рўйхат тумандаги тегишли ҳоким ёрдамчиси, туман иқтисодиёт ва молия бўлими" сўзлари билан алмаштирилсин;

14-банддаги "туман молия бўлимининг бошлиғи, туман фермер, деҳқон хўжаликлари ва томорқа ер эгалари кенгашининг раиси ҳамда туман" сўзлари "туман иқтисодиёт ва молия бўлимининг бошлиғи ҳамда тумандаги тегишли" сўзлари билан алмаштирилсин;

19-бандда "20 апрелга қадар Ўзбекистон Республикаси Молия" сўзлари "20 февралга қадар Ўзбекистон Республикаси Иқтисодиёт ва молия"сўзлари билан алмаштирилсин;

25-банддан "Заруратга кўра, талабгорларнинг таклифларини жойига чиққан ҳолда ўрганади" сўзлари чиқариб ташлансин;

28-банд "белгиланган тартибда" сўзларидан кейин "(ЯИДХП ёки "Агросубсидия" АТ орқали) тузилади" сўзлари билан тўлдирилсин;

31-банд "молия бўлими" сўзларидан кейин "ҳамда тегишли туман ҳокими ёрдамчиси" сўзлари билан тўлдирилсин.

11. Вазирлар Маҳкамасининг 2022 йил 8 июлдаги 373-сон қарори билан тасдиқланган Оилавий тадбиркорликни ривожлантириш дастурларининг ягона электрон платформаси орқали кредитлар ажратиш тартиби тўғрисидаги низомда:

а) 30-6-банд қуйидаги таҳрирда баён этилсин:

"30-6. Фермер, деҳқон хўжаликлари ва томорқа ер эгаларини қўллаб-қувватлаш жамғармаси маблағлари ҳисобидан:

аҳоли томорқаларидан самарали фойдаланиш йўналишида томорқа ер эгаларига 3 миллион сўмгача микрокредитлар берилади ҳамда ушбу микрокредитлар ягона электрон платформа орқали ажратилади;

бир қишлоқда истиқомат қиладиган бир нечта томорқа ер эгаси (жисмоний шахс)га бир дона вертикал суғориш қудуғини бурғилаш учун кредит ажратишга рухсат берилади;

битта контурда жойлашган камида учта деҳқон хўжалигига қишлоқ хўжалиги ерларини суғориш мақсадида оилавий тадбиркорлик дастурлари доирасида битта катта ҳажмдаги вертикал суғориш қудуғини бурғилаш ва ишга тушириш учун тижорат банкларидан кредит олишга рухсат берилади";

б) 33-банд қуйидаги мазмундаги хатбоши билан тўлдирилсин:

"Хорижий таъминотчиларга Ўзбекистон резидентларига белгиланган талаблар доирасида ортиқча ҳужжатларсиз Маркетплейс тизимига кириш ҳуқуқи берилади".

         

          

Қонун ҳужжатлари маълумотлари миллий базаси (www.lex.uz),

2024 йил 7 март