Ўзбeкистон Рeспубликаси Вазирлар Маҳкамасининг 06.07.2024 й. 389-сон "Тадбиркорлик соҳасидаги мажбурий талаблар қисқартирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида"ги Қарори

Функция недоступна

ЎЗБEКИСТОН РEСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

06.07.2024 й.

N 389

ТАДБИРКОРЛИК СОҲАСИДАГИ

МАЖБУРИЙ ТАЛАБЛАР ҚИСҚАРТИРИЛИШИ

МУНОСАБАТИ БИЛАН ЎЗБЕКИСТОН РЕСПУБЛИКАСИ

ҲУКУМАТИНИНГ АЙРИМ ҚАРОРЛАРИГА ЎЗГАРТИРИШ

ВА ҚЎШИМЧАЛАР КИРИТИШ ТЎҒРИСИДА

Ўзбекистон Республикаси Президентининг "Тадбиркорлик соҳасидаги мажбурий талабларни қисқартириш ҳамда лицензиялаш ва рухсат бериш тартиб-таомилларини соддалаштириш чора-тадбирлари тўғрисида" 2024 йил 9 январдаги ПФ-8-сон Фармони ижросини таъминлаш мақсадида  Вазирлар Маҳкамаси ҚАРОР ҚИЛАДИ:

1. Ўзбекистон Республикаси Ҳукуматининг иловага мувофиқ айрим қарорларига қуйидагиларни назарда тутувчи ўзгартириш ва қўшимчалар киритилсин:

турар жойларни ижарага беришнинг Ягона электрон реестрини юритиш ва уларни сертификатлаштириш тартибини бекор қилиш;

туристик хизматларни сертификатлаштиришда жойлаштириш воситалари, тоғ чанғиси трассалари ва пляж хизматларини сертификатлаштириш учун аризага кўчмас мулкка доир ҳуқуқини белгилайдиган ҳужжатларни, шу жумладан ижара шартномасини илова қилиш талабини бекор қилиш;

хостел бўйича меҳмонхона ва вақтинча турар жой хизмати кўрсатилишини ташкил қилиш ҳамда уни Реестрга киритиш бўйича сўровномага кўчмас мулкка доир ҳуқуқини белгилайдиган ҳужжатларни,  шу жумладан ижара шартномасини илова қилиш талабини бекор қилиш.

2. Мазкур қарорнинг бажарилишини назорат қилиш Ўзбекистон Республикаси экология, атроф-муҳитни муҳофаза қилиш ва иқлим ўзгариши вазири А.А. Абдухакимов зиммасига юклансин.

Ўзбекистон Республикасининг Бош вазири                            А. Арипов

Вазирлар Маҳкамасининг

2024 йил 6 июлдаги

389-сон қарорига

ИЛОВА

Ўзбекистон Республикаси Ҳукуматининг

айрим қарорларига киритилаётган

ўзгартириш ва қўшимчалар

1. Вазирлар Маҳкамасининг "Ўзбекистон Республикасида туризм соҳасини тиклаш ва ривожлантириш учун қулай шарт-шароитларни яратиш чора-тадбирлари тўғрисида" 2020 йил 10 июлдаги 433-сон қарорида:

а) 2-банд ўз кучини йўқотган деб ҳисоблансин;

б) 2-иловада:

9-бандда:

тўртинчи хатбоши чиқариб ташлансин;

бешинчи хатбоши тўртинчи хатбоши деб ҳисоблансин;

қуйидаги мазмундаги бешинчи хатбоши билан тўлдирилсин:

"Марказ ариза берувчининг кўчмас мулкка доир ҳуқуқини белгилайдиган ҳужжатлар ёки бундай мулкнинг солиқ органларида ҳисобга қўйилганлиги тўғрисидаги ижара шартномасини "Электрон ҳукумат" тизимининг идоралараро интеграциялашув платформаси орқали онлайн текшириб олади";

10-бандда:

тўртинчи хатбоши чиқариб ташлансин;

бешинчи ва олтинчи хатбошилар тўртинчи ва бешинчи хатбошилар деб ҳисоблансин;

қуйидаги мазмундаги олтинчи хатбоши билан тўлдирилсин:

"Марказ ариза берувчининг кўчмас мулкка доир ҳуқуқини белгилайдиган ҳужжатлар ёки бундай мулкнинг солиқ органларида ҳисобга қўйилганлиги тўғрисидаги ижара шартномасини "Электрон ҳукумат" тизимининг идоралараро интеграциялашув платформаси орқали онлайн текшириб олади";

11-бандда:

тўртинчи хатбоши чиқариб ташлансин;

бешинчи хатбоши тўртинчи хатбоши деб ҳисоблансин;

қуйидаги мазмундаги бешинчи хатбоши билан тўлдирилсин:

"Марказ ариза берувчининг кўчмас мулкка доир ҳуқуқини белгилайдиган ҳужжатлар ёки бундай мулкнинг солиқ органларида ҳисобга қўйилганлиги тўғрисидаги ижара шартномасини "Электрон ҳукумат" тизимининг идоралараро интеграциялашув платформаси орқали онлайн текшириб олади";

в) 19-илова ўз кучини йўқотган деб ҳисоблансин.

2. Вазирлар Маҳкамасининг "Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикасининг "Норматив-ҳуқуқий ҳужжатлар тўғрисида" 2021 йил  20 апрелдаги ЎРҚ-682-сон Қонуни)" 2022 йил 4 апрелдаги 153-сон қарорига  илованинг 861-банди "н" кичик банди ўз кучини йўқотган деб ҳисоблансин.

3. Вазирлар Маҳкамасининг 2023 йил 27 ноябрдаги 622-сон қарори билан тасдиқланган Оилавий меҳмон уйлари, хостеллар, ўтовли ва чодирли оромгоҳларни Оилавий меҳмон уйлари, хостеллар, ўтовли ва чодирли оромгоҳлар ягона реестрига киритиш бўйича давлат хизматини кўрсатиш маъмурий регламентининг 8-бандида:

а) биринчи хатбошидаги "Хостел бўйича меҳмонхона" сўзлари "Хостел, ўтовли ва чодирли оромгоҳлар бўйича меҳмонхона" сўзлари билан алмаштирилсин;

б) тўртинчи хатбоши чиқариб ташлансин;

в) қуйидаги мазмундаги тўртинчи хатбоши билан тўлдирилсин:

"Ваколатли давлат органи ариза берувчининг аризасига мувофиқ кўчмас мулк объектларига бўлган ҳуқуқларнинг давлат реестридан давлат рўйхатидан ўтказиш тўғрисида кўчирма ёки шу турдаги мулкнинг ижара шартномасини "Электрон ҳукумат" тизимининг идоралараро интеграциялашув платформаси орқали онлайн текшириб олади".

Қонун ҳужжатлари маълумотлари миллий базаси (www.lex.uz),

2024 йил 10 июль