Ўзбекистон Республикаси Президентининг 19.08.2025 й. ПФ-138-сон "Ўзбекистон Республикаси Президентининг тадбиркорлар билан V очиқ мулоқотида белгиланган вазифаларни амалга ошириш чора-тадбирлари тўғрисида"ги Фармони

Т/р

Қонунчилик ҳужжати

лойиҳаси

Қонунчилик ҳужжати лойиҳасида

назарда тутилган тадбирлар

Ижро

муддати

Масъул

ижрочилар

I. ТАДБИРКОРЛИКНИ МОЛИЯВИЙ ҚЎЛЛАБ-ҚУВВАТЛАШ

1.

Тадбиркорлик субъектларини янгича ёндашувлар асосида қўллаб-қувватлаш чора-тадбирлари тўғрисида

Ўзбекистон Республикаси Президентининг фармони лойиҳаси

Лойиҳада қуйидагилар назарда тутилади:

(а) 2026-2027 йилларда "Тадбиркорликни ривожлантириш компанияси" АЖ томонидан камида 5 мингта тадбиркорлик лойиҳаларини амалга ошириш учун 4 триллион сўмлик молиявий қўллаб-қувватлаш чораларини тақдим этиш;

(б) тадбиркорларни "чемпион тадбиркор" тоифасига олиб чиқишга кўмаклашиш учун ишлаб чиқариш ва хизмат кўрсатиш лойиҳаларига банклар орқали 10 миллиард сўмгача миллий ва хорижий валютада кредитлар ажратиш учун ресурс жойлаштириш;

(в) ишлаб чиқариш, сервис, "яшил" иқтисодиёт йўналишидаги микролойиҳаларга тижорат банклари томонидан 500 миллион сўмгача бозор ставкасида ажратилган кредитларни қайта молиялаштириш;

(г) аввал кафилликдан ижобий фойдаланган ва яхши кредит тарихига эга бўлган тадбиркорлик субъектларига кафиллик миқдорини 1,5 бараваргача ошириш;

(д) йирик тадбиркорлик субъектларига ҳам 10 миллиард сўмгача кафиллик тақдим этиш.

2025 йил

сентябрь

Вазирлар Маҳкамаси (Қўчқоров), Иқтисодиёт ва молия вазирлиги (Норқулов), Марказий банк (Ишметов)

2.

Ёшларнинг стартап лойиҳаларини қўллаб-қувватлаш чора-тадбирлари тўғрисида

Ўзбекистон Республикаси Президентининг қарори лойиҳаси

Лойиҳада ёшларнинг стартап ва бизнес лойиҳаларини қўллаб-қувватлашнинг қуйидаги чора-тадбирлари назарда тутилади:

(а) ёшларнинг мингтагача стартап ғояларини тижоратлаштириш, шундан 200 тасини халқаро бозорга олиб чиқиш;

(б) энг илғор технологияларни олиб келиб, 100 та маҳаллий стартапларни халқаро миқёсда жозибадор бизнесга айлантириш ва бунинг учун 10 миллион АҚШ доллари миқдорида маблағлар ажратиш;

(в) "Ёш тадбиркорлар" чемпионатини ташкил қилиш. Бунда:

(i) энг яхши 100 тагача ғояни танлаб олиш ва ҳар бир стартап ва бизнес лойиҳаси учун 1 миллиард сўмгача инвестиция киритиш;

(ii) стартап ва бизнес лойиҳаларини брендга айлантириш учун молиявий ва маркетинг хизматлари бўйича экспертларнинг харажатларини қоплаб бериш;

(iii) ғолибларни 20 август - Тадбиркорлар куни арафасида тақдирлаш.

2025 йил

октябрь

Вазирлар Маҳкамаси (Қўчқоров), Ёшлар ишлари агентлиги (Саъдуллаев), Иқтисодиёт ва молия вазирлиги (Норқулов), Савдо-саноат палатаси (Вахабов), Инвестициялар, саноат ва савдо вазирлиги (Кудратов)

3.

Молиявий технологиялар соҳасидаги стартапларни ривожлантириш стратегияси тўғрисида

Ўзбекистон Республикаси Президентининг қарори лойиҳаси

Лойиҳада қуйидагилар назарда тутилади:

(а) молиявий технологиялар соҳасидаги стартапларни қўллаб-қувватлаш бўйича 5 йиллик стратегияни ишлаб чиқиш;

(б) банклар, молиявий технологиялар соҳасидаги ташкилотлар ва стартаплар ўртасида кўприк вазифасини бажарувчи "Open banking" тизимини жорий этиш.

2025 йил

октябрь

Вазирлар Маҳкамаси (Қўчқоров), Марказий банк (Ишметов), Рақамли технологиялар вазирлиги (Шерматов), Иқтисодиёт ва молия вазирлиги (Норқулов)

4.

"Кичик бизнесни узлуксиз қўллаб-қувватлаш" комплекс дастурини такомиллаштириш бўйича

Ўзбекистон Республикаси Президентининг қарори лойиҳаси

Лойиҳада "Кичик бизнесни узлуксиз қўллаб-қувватлаш" комплекс дастурининг ташкилий-институционал тузилмаси ва мутасадди ташкилотларнинг асосий вазифалари, дастур иштирокчиларини қўллаб-қувватлаш инструментлари ва улардан фойдаланиш шартларини такомиллаштириш назарда тутилади.

2025 йил

ноябрь

Вазирлар Маҳкамаси (Қўчқоров), Иқтисодиёт ва молия вазирлиги (Норқулов), Марказий банк (Ишметов)

5.

Тадбиркорлик уюшмаларининг дастурларини давлат томонидан қўллаб-қувватлаш тўғрисида

Вазирлар Маҳкамасининг қарори лойиҳаси

Лойиҳада ишлаб чиқариш (хизмат кўрсатиш)ни ва экспортни ошириш, тадбиркорларга кўмаклашиш, муаммоларни ҳал қилиш ва тегишли соҳани ривожлантиришга қаратилган тадбиркорлик уюшмаларининг фаолият дастурларини улардан кўзланган аниқ натижалари (KPI) асосида танлаб олиш, молиялаштириш, уларнинг мониторинги ва ҳисобини юритиш тартиби белгиланади.

Бунда аниқ натижага қаратилган дастурлар, лойиҳалар ва тадбирларни молиялаштириш учун ҳар йили 20 миллион АҚШ доллари миқдорида маблағ ажратиш назарда тутилади.

2025 йил

ноябрь

Вазирлар Маҳкамаси (Қўчқоров), Иқтисодиёт ва молия вазирлиги (Норқулов), Савдо-саноат палатаси (Вахабов), тармоқ уюшмалари

6.

Молиявий қўллаб-қувватлаш чораларини тақдим этишни рақамлаштириш чора-тадбирлари тўғрисида

Ўзбекистон Республикаси Президентининг қарори лойиҳаси

Лойиҳада тадбиркорларга барча молиявий қўллаб-қувватлаш чораларини (имтиёз, преференция, субсидия, ссуда) тақдим этиш ва ҳисобини юритишни "бир дарча" тамойили асосида ягона рақамли платформа орқали амалга ошириш механизмини жорий этиш назарда тутилади.

2025 йил

ноябрь

Вазирлар Маҳкамаси (Қўчқоров), Иқтисодиёт ва молия вазирлиги (Норқулов), Камбағалликни қисқартириш ва бандлик вазирлиги (Захидов), Солиқ қўмитаси (Кудбиев), манфаатдор идоралар

7.

Лизинг муносабатларини такомиллаштириш бўйича

қонун лойиҳаси

Лойиҳада лизинг объекти лизинг олувчи балансида ҳисобга олиниши ҳақидаги талабни якка тартибдаги тадбиркорлар учун бекор қилиш назарда тутилади.

2025 йил

октябрь

Вазирлар Маҳкамаси (Қўчқоров), Иқтисодиёт ва молия вазирлиги (Норқулов)

8.

Шакар ўрнини босувчи моддаларни ишлаб чиқаришни маҳаллийлаштириш чора-тадбирлари тўғрисида

Ўзбекистон Республикаси Президентининг қарори лойиҳаси

Лойиҳада қуйидагилар назарда тутилади:

(а) шакар ўрнини босувчи моддаларни ишлаб чиқаришни маҳаллийлаштиришни йўлга қўйиш, шунингдек, озиқ-овқат маҳсулотларини шу каби компонентлар билан бойитувчи корхоналарни давлат грантлари, инновацион дастурлар ва имтиёзли кредитларни жорий қилиш орқали қўллаб-қувватлаш;

(б) таркибида шакар ёки бошқа ширинлаштирувчи ёки хушбўйлаштирувчи моддалар бўлган газланган ичимликлар, энергетик ва тетиклаштирувчи ичимликларни ички бозордан сотиб олиб, экспорт қилган корхоналарга ушбу ичимликлар бўйича акциз солиғини қайтариш имкониятини яратиш. Бунда маблағларни тўланган акциз солиғи тушумларидан қайтариш.

2025 йил

ноябрь

Вазирлар Маҳкамаси (Қўчқоров), Иқтисодиёт ва молия вазирлиги (Норқулов), Солиқ қўмитаси (Кудбиев), Қишлоқ хўжалиги вазирлиги (Абдураҳмонов), Инвестициялар, саноат ва савдо вазирлиги (Кудратов), Ўзбекистон техник жиҳатдан тартибга солиш агентлиги (Жуманазаров)

II. СОЛИҚ ТИЗИМИНИ ТАКОМИЛЛАШТИРИШ

9.

Айланмадан олинадиган солиқ тўловидан қўшилган қиймат солиғи тўловига ўтган тадбиркорларни рағбатлантиришга қаратилган

қонун лойиҳаси

Лойиҳада айланмадан олинадиган солиқ тўловидан илк марта қўшилган қиймат солиғи тўловига ўтган тадбиркорларга қуйидаги имкониятларни бериш назарда тутилади:

(а) 1 йил давомида фойда солиғини тўлашдан озод қилиш;

(б) бир йил давомида қўшилган қиймат солиғи тўловчиси сифатида солиқ органларида ҳисобга қўйиш тартибини бузганлик учун молиявий жарима қўлламаслик;

(в) 6 ой давомида бухгалтерия хизматлари харажатларининг ҳар ойда меҳнатга ҳақ тўлашнинг энг кам миқдорининг 3,5 бараваридан ошмаган қисмини тўлаётган солиқ тўловлари ҳисобидан чегириб ташлаш.

2025 йил

ноябрь

Вазирлар Маҳкамаси (Қўчқоров), Иқтисодиёт ва молия вазирлиги (Хайдаров), Солиқ қўмитаси (Кудбиев)

10.

Солиқ мажбуриятларини бажаришнинг проактив тартибини жорий этишга қаратилган

қонун ва Вазирлар Маҳкамасининг қарори лойиҳалари

Лойиҳада қуйидагилар назарда тутилади:

(а) юридик шахслардан олинадиган мол-мулк солиғи ва ер солиғи, жисмоний шахслардан олинадиган даромад солиғи ва ижтимоий солиқ бўйича солиқ ҳисоботларини шакллантириш вазифасини солиқ органларига ўтказиш ва ушбу мажбуриятни солиқ тўловчилар учун бекор қилиш;

(б) юридик шахслардан олинадиган мол-мул солиғи ва ер солиғи бўйича автоматик тарзда шакллантирилган солиқ ҳисоботларини солиқ тўловчининг шахсий кабинетига юбориш;

(в) солиқ тўловчига шакллантирилган ҳисоботларга юборилган кундан эътиборан 5 кун ичида тузатиш киритиш ҳуқуқини бериш;

(г) 5 кун ичида тузатиш киритилмаслиги солиқ тўловчининг солиқ органлари томонидан шакллантирилган ҳисоботга розилигини билдириши;

(д) жисмоний шахслардан олинадиган даромад солиғи ва ижтимоий солиқ бўйича ҳисоботларни солиқ тўловчининг шахсий кабинетидаги интерактив хизматга киритилган ҳисобланган иш ҳақи ва бошқа даромадлар, имтиёзлар ва бошқа маълумотлар асосида солиқ органлари томонидан автоматик тарзда шакллантириш;

(ж) солиқ органлари томонидан шакллантирилган солиқ ҳисоботларига солиқ тўловчи томонидан зарур тузатишларни киритиш ва тузатиш киритилган солиқ ҳисоботини тақдим этиш ҳуқуқини сақлаб қолиш.

2025 йил

ноябрь

Вазирлар Маҳкамаси (Қўчқоров), Солиқ қўмитаси (Кудбиев), Иқтисодиёт ва молия вазирлиги (Хайдаров)

11.

Солиқ маъмурчилигини такомиллаштиришга қаратилган

қонун лойиҳаси

Лойиҳада қуйидагилар назарда тутилади:

(а) фойда солиғи бўйича ҳар ой бўнак тўловларини тўлаши лозим бўлган тадбиркорлик субъектлари даромадининг чегаравий миқдорини 10 миллиард сўмдан 20 миллиард сўмга ошириш;

(б) тадбиркорлик субъектлари томонидан ўз маблағлари ҳисобидан ижтимоий инфратузилма тармоқларини қуриб, беғараз топширилганда, ушбу объектлар учун қилинган харажатларни фойда солиғи базасидан камайтириш;

(в) тадбиркорлик субъектларининг солиқ аудити натижалари бўйича молиявий санкцияларни 6 ой ичида тенг улушларда тўлаш ҳуқуқини сайёр солиқ текшируви натижалари бўйича молиявий санкцияларга ҳам татбиқ этиш.

2025 йил

октябрь

Вазирлар Маҳкамаси (Қўчқоров), Иқтисодиёт ва молия вазирлиги (Хайдаров), Солиқ қўмитаси (Кудбиев)

12.

Сайёр солиқ текширувини ўтказиш тартибини такомиллаштириш бўйича

Вазирлар Маҳкамасининг қарори лойиҳаси

Лойиҳада сайёр солиқ текширувини ўтказишда мобил видеокамерадан фойдаланиш тартиби назарда тутилади.

2025 йил

октябрь

Вазирлар Маҳкамаси (Қўчқоров), Солиқ қўмитаси (Кудбиев), Иқтисодиёт ва молия вазирлиги (Хайдаров)

13.

Солиқ ҳисоботларини тақдим этмаганлик учун жавобгарлик чораларини мақбуллаштириш бўйича

қонун лойиҳаси

Лойиҳада қуйидагилар назарда тутилади:

(а) солиқ ҳисоботини ўз вақтида тақдим этмаганлик учун маъмурий жарима миқдорини кичик тадбиркорлик субъектларининг мансабдор шахсларига нисбатан базавий ҳисоблаш миқдорининг 10 бараваридан 3 бараварига тушириш, фуқаролар учун базавий ҳисоблаш миқдорининг 3 бараваридан 1 бараварига тушириш;

(б) ҳисобот даврида бир нечта солиқ турлари бўйича солиқ ҳисоботлари тақдим этилмаган ҳолатда барча тақдим этилмаган ҳисоботлар бўйича умумий битта жарима қўллаш;

(в) охирги 3 ойда солиқ ҳисоботларини ўз вақтида тақдим этиб келган тадбиркорлик субъектларига солиқ ҳисоботини ўз вақтида тақдим этмаганлик учун маъмурий жаримани 5 кунгача қўлламаслик.

2025 йил

октябрь

Вазирлар Маҳкамаси (Қўчқоров), Солиқ қўмитаси (Кудбиев), Иқтисодиёт ва молия вазирлиги (Хайдаров)

14.

Солиқ тўловларини амалга оширишда солиқ тўловчиларга қулайликлар яратиш бўйича

Вазирлар Маҳкамасининг қарори лойиҳаси

Лойиҳада солиқлар бўйича тўловларни амалга ошириш, ортиқча тўлов ва қарздорлик суммаларини ягона ғазначилик ҳисобварағи орқали ўзаро ҳисобга олиш тизимини жорий қилиш назарда тутилади.

2026 йил

апрель

Вазирлар Маҳкамаси (Қўчқоров), Солиқ қўмитаси (Кудбиев), Иқтисодиёт ва молия вазирлиги (Хайдаров)

15.

Қишлоқ хўжалиги маҳсулотларини харид қилишда қулайликлар яратиш бўйича

Вазирлар Маҳкамасининг қарори лойиҳаси

Лойиҳада умумий овқатланиш корхоналари ва қишлоқ хўжалиги маҳсулотларини экспорт қилувчи корхоналар учун белгиланган жисмоний шахслардан қишлоқ хўжалиги маҳсулотлари нақд пулга харид қилинганда, ушбу товарлар учун кирим ҳужжатларини электрон шаклда расмийлаштириш тартибини барча тадбиркорлик субъектларига татбиқ этиш назарда тутилади.

2025 йил

октябрь

Вазирлар Маҳкамаси (Қўчқоров), Солиқ қўмитаси (Кудбиев), Иқтисодиёт ва молия вазирлиги (Хайдаров)

16.

Қўшилган қиймат солиғини тўлашга ўтган тадбиркорларга гувоҳнома беришни соддалаштириш бўйича

Вазирлар Маҳкамасининг қарори лойиҳаси

Лойиҳада корхонанинг балансида кўчмас мулк мавжуд бўлганда, жойига чиққан ҳолда ўрганмасдан қўшилган қиймат солиғи тўловчиси сифатида махсус рўйхатдан ўтказиш назарда тутилади.

2025 йил

сентябрь

Вазирлар Маҳкамаси (Қўчқоров), Солиқ қўмитаси (Кудбиев), Иқтисодиёт ва молия вазирлиги (Хайдаров)

17.

Қишлоқ хўжалиги соҳасида қўшилган қиймат солиғини ҳисоблашни такомиллаштириш бўйича

Ўзбекистон Республикаси Президентининг қарори лойиҳаси

Лойиҳада қишлоқ хўжалиги соҳасида қўшилган қиймат солиғини қўллашнинг соддалаштирилган тартиби назарда тутилади.

2025 йил

октябрь

Вазирлар Маҳкамаси (Қўчқоров), Иқтисодиёт ва молия вазирлиги (Хайдаров), Солиқ қўмитаси (Кудбиев)

18.

Солиқ мажбуриятлари бажарилишини таъминлаш механизмларини такомиллаштириш бўйича

қонун лойиҳаси

Лойиҳада қуйидагилар назарда тутилади:

(а) солиқ қарзини солиқ тўловчининг дебиторлари ҳисобидан ундириш имконияти;

(б) қурилиши тугалланмаган объектлар учун мол-мулк солиғини ҳисоблаб чиқариш муддати ва тартибини такомиллаштириш.

2025 йил

ноябрь

Вазирлар Маҳкамаси (Қўчқоров), Солиқ қўмитаси (Кудбиев), Иқтисодиёт ва молия вазирлиги (Хайдаров)

19.

Солиқ маъмурчилигини такомиллаштириш чора-тадбирлари тўғрисида

қонун ва Вазирлар Маҳкамасининг қарори лойиҳалари

Лойиҳада қуйидагилар назарда тутилади:

(а) камерал солиқ текшируви ўтказилган даврда айнан бир хил ҳолат бўйича қайта камерал солиқ текшируви ҳамда солиқ аудити ўтказилган ёки ўтказилаётган даврда текширувдан олдинги таҳлил ўтказмаслик;

(б) камерал солиқ текшируви натижасида юборилган талабномага жавоб хатини шахсий кабинет орқали юбориш тартиби;

(в) қўшилган қиймат солиғи тўловчиси гувоҳномасининг амал қилишини 30 кунгача - солиқ органи томонидан, 30 кундан ортиқ бўлган муддатга суд томонидан тўхтатиб туриш.

2025 йил

ноябрь

Вазирлар Маҳкамаси (Қўчқоров), Солиқ қўмитаси (Кудбиев), Иқтисодиёт ва молия вазирлиги (Хайдаров), Адлия вазирлиги (Ташкулов), Олий суд (Исламов)

20.

Тадбиркорлик субъектларининг барқарорлик рейтингини такомиллаштириш тўғрисида

Вазирлар Маҳкамасининг қарори лойиҳаси

Лойиҳада қуйидагилар назарда тутилади:

(а) Тадбиркорлик субъектларининг барқарорлик рейтингида тадбиркорнинг умумий рейтинг кўрсаткичини охирги 30 кунда амалда бўлган баллардан келиб чиқиб белгилаш;

(б) қонунчилик талабларига риоя этиб фаолият кўрсатаётган тадбиркорларга қўшимча баллар бериш нуқтаи назаридан баҳолаш мезонларини такомиллаштириш.

2025 йил

сентябрь

Вазирлар Маҳкамаси (Қўчқоров), Савдо-саноат палатаси (Вахабов), Солиқ қўмитаси (Кудбиев)

21.

Қўшилган қиймат солиғи суммаси ўрнини қоплашни кенгайтириш бўйича

қонун ва Вазирлар Маҳкамасининг қарори лойиҳалари

Лойиҳада миллий ва хорижий маркетплейсларда хорижий давлатларга сотилган товарларга экспорт операциялари бўйича қўшилган қиймат солиғи суммаси ўрнини қоплаш тартибини татбиқ этиш; Божхона қўмитаси томонидан бу тўғрисидаги маълумотларни Солиқ қўмитасига электрон равишда тақдим қилиб бориш назарда тутилади.

2025 йил

ноябрь

Вазирлар Маҳкамаси (Қўчқоров), Иқтисодиёт ва молия вазирлиги (Хайдаров), Солиқ қўмитаси (Кудбиев)

22.

Туризм корхоналарини солиққа тортишни такомиллаштириш бўйича

Вазирлар Маҳкамасининг қарори лойиҳаси

Лойиҳада меҳмонхона хизматларини кўрсатувчи тадбиркорлик субъектларига бюджетга тўланган қўшилган қиймат солиғининг 20 фоизини қайтаришда меҳмонхона хизматларини кўрсатишдан тушган умумий тушуми жами товарларни (хизматларни) реализация қилишдан олинган даромадининг камида 90 фоизини ташкил этиши ҳақидаги талабни меҳмонхонанинг юлдузли тоифасидан келиб чиқиб, қайта кўриб чиқиш назарда тутилади.

2025 йил

октябрь

Вазирлар Маҳкамаси (Қўчқоров), Солиқ қўмитаси (Кудбиев), Савдо-саноат палатаси (Вахабов)

23.

Хусусий тиббий хизматларни ривожлантириш бўйича

Ўзбекистон Республикаси Президентининг қарори

Лойиҳаси

Лойиҳада хусусий тиббий хизматлар айланмасини йиллар кесимида таҳлил қилиш натижалари бўйича соҳада "хуфиёна иқтисодиёт" улушини камайтириш нуқтаи назаридан тиббий хизматларни кўрсатувчи тадбиркорлик субъектларига бюджетга тўланган қўшилган қиймат солиғининг бир қисмини қайтариб бериш механизмини татбиқ этиш қилиш бўйича таклифлар назарда тутилади.

2025 йил

декабрь

Вазирлар Маҳкамаси (Қўчқоров), Солиқ қўмитаси (Кудбиев), Иқтисодиёт ва молия вазирлиги (Хайдаров), Соғлиқни сақлаш вазирлиги (Худаяров)

24.

Ногиронлиги бўлган шахслар бандлигини таъминлаган тадбиркорларни қўллаб-қувватлаш бўйича

қонун лойиҳаси

Лойиҳада ягона иштирокчилари ногиронлиги бўлган шахсларнинг жамоат бирлашмаларига берилган солиқ имтиёзларини ходимлар умумий сонининг камида 25 фоизи, бироқ камида 4 нафарини ногиронлиги бўлган шахслар ташкил этадиган ҳамда уларга меҳнатга ҳақ тўлашнинг энг кам миқдоридан кам бўлмаган миқдорда ойлик иш ҳақи тўлайдиган нодавлат юридик шахсларга нисбатан қўллаш назарда тутилади.

2025 йил

сентябрь

Ижтимоий ҳимоя миллий агентлиги (Оллоёров), Иқтисодиёт ва молия вазирлиги (Хайдаров)

III. ТУРИЗМ ВА ХИЗМАТЛАР СОҲАСИНИ РИВОЖЛАНТИРИШ

25.

Туризмни ривожлантириш дастурини амалга ошириш тўғрисида

Вазирлар Маҳкамасининг қарори лойиҳаси

Лойиҳада мазкур Фармоннинг 4- ва 5-бандларида назарда тутилган Туризмни ривожлантириш дастурини амалга ошириш тартиби назарда тутилади.

2025 йил

ноябрь

Вазирлар Маҳкамаси (Қўчқоров), Экология, атроф-муҳитни муҳофаза қилиш ва иқлим ўзгариши вазирлиги (Абдухакимов), Иқтисодиёт ва молия вазирлиги (Норқулов), Давлат активларини бошқариш агентлиги (Ортиқов), Туризм қўмитаси (Шадиев), Савдо-саноат палатаси (Вахабов)

26.

Жойлаштириш воситаларига сайёҳлар оқимини кўпайтириш учун қулайликлар яратиш бўйича

Вазирлар Маҳкамасининг қарори лойиҳаси

Лойиҳада қуйидагилар назарда тутилади:

(а) туристик (меҳмонхона) йиғимни ҳисоблаш ва тўлаш тартибини республика туман ва шаҳарларида (вилоятлар марказлари, Тошкент ва Нукус шаҳарлари, Вазирлар Маҳкамаси томонидан тасдиқланадиган рўйхатга киритилган туризм салоҳияти юқори бўлган туман (шаҳар)лар ва туристик зоналар бундан мустасно) жойлашган жойлаштириш воситалари учун бекор қилиш;

(б) туризм салоҳияти юқори бўлган туман (шаҳар)лар рўйхатини белгилаш;

(в) оилавий меҳмон уйи сифатида тан олиш учун бир вақтнинг ўзида вақтинча яшаш ва (ёки) овқатланиш бўйича хизматлар кўрсатиш мумкин бўлган ташриф буюрувчилар (туристлар) сони бўйича белгиланган чегара миқдорини 2 баравар ошириш.

2025 йил

октябрь

Вазирлар Маҳкамаси (Қўчқоров), Экология, атроф-муҳитни муҳофаза қилиш ва иқлим ўзгариши вазирлиги (Абдухакимов), Иқтисодиёт ва молия вазирлиги (Норқулов) Туризм қўмитаси (Шадиев), Савдо-саноат палатаси (Вахабов)

27.

Меҳмонхона бизнесини юритиш учун янада қулай шарт-шароит яратиш тўғрисида

Ўзбекистон Республикаси Президентининг қарори лойиҳаси

Лойиҳада тадбиркорлик субъектларининг янги меҳмонхона қуриш ва жиҳозлаш учун кетган харажатларининг бир қисмини Давлат бюджетидан қоплаб бериш тизимини меҳмонхонани қўшимча бино ва иншоотлар қуриш орқали кенгайтириш ёки мавжуд бино ва иншоотларнинг ихтисослашишини меҳмонхона фаолиятига ўзгартиришга ҳам татбиқ этиш назарда тутилади.

2025 йил

октябрь

Вазирлар Маҳкамаси (Қўчқоров), Экология, атроф-муҳитни муҳофаза қилиш ва иқлим ўзгариши вазирлиги (Абдухакимов), Иқтисодиёт ва молия вазирлиги (Норқулов)

28.

Туризм инфратузилмасини яхшилашга қаратилган чора-тадбирлар тўғрисида

Ўзбекистон Республикаси Президентининг фармони лойиҳаси

Лойиҳада туризм соҳасидаги тадбиркорлик субъектларига фаолиятини амалга ошириш учун зарур бўлган товарларни, шу жумладан транспорт воситаларини импорт қилишда қулайликлар яратиш назарда тутилади.

2025 йил

октябрь

Вазирлар Маҳкамаси (Қўчқоров), Экология атроф-муҳитни муҳофаза қилиш ва иқлим ўзгариши вазирлиги (Абдухакимов), Иқтисодиёт ва молия вазирлиги (Хайдаров), Туризм қўмитаси (Шадиев), Савдо-саноат палатаси (Вахабов)

29.

Моддий маданий мерос объектларидан фойдаланишда давлат-хусусий шериклик механизмларини кенг жорий қилиш тўғрисида

Ўзбекистон Республикаси Президентининг қарори

Лойиҳада қуйидагилар назарда тутилади:

(а) тегишли моддий маданий мерос объектларини давлат-хусусий шериклик асосида узоқ муддатга ижарага беришнинг ягона "Heritage Hotels of Uzbekistan" дастурини ишга тушириш;

(б) давлат шериги сифатида "Heritage Hotels of Uzbekistan дирекцияси" давлат муассасасини ташкил этиш;

(в) объектларда реставрация-тиклаш ишларини давлат шериги орқали Давлат бюджети маблағлари ҳисобидан амалга ошириш;

(г) халқаро юқори тоифали меҳмонхона тармоқларини жалб қилиш, бутик меҳмонхоналар ташкил қилишни давлат томонидан рағбатлантириш;

(д) дастур иштирокчиларини фойда солиғи, мол-мулк солиғи ва ер солиғидан тўлиқ миқдорда муайян муддатга озод қилиш ва божхона имтиёзларини тақдим этиш бўйича қонунчиликни такомиллаштириш.

2025 йил

ноябрь

Туризм қўмитаси (Шадиев), Маданий мерос агентлиги (Абдикаримов), Иқтисодиёт ва молия вазирлиги (Норқулов), Маданият ва санъатни ривожлантириш жамғармаси (Умерова)

30.

Маданий мерос объектлари ва музейларга ташриф буюрувчи сайёҳлар оқимини ошириш бўйича

Вазирлар Маҳкамасининг қарори лойиҳаси

Лойиҳада қуйидагилар назарда тутилади:

(а) маданий мерос объектлари ва музейларга кириш чипталарини рақамлаштириш ва олдиндан харид қилиш имкониятини яратиш;

(б) туристик объектларнинг тунги вақтда фаолият юритишини йўлга қўйиш.

2025 йил

декабрь

Вазирлар Маҳкамаси (Қўчқоров), Маданий мерос агентлиги (Абдикаримов), Иқтисодиёт ва молия вазирлиги (Хайдаров), Савдо-саноат палатаси (Вахабов), Ички ишлар вазирлиги (Ташпулатов)

31.

Туризм кўчаларини ташкил қилиш чора-тадбирлари тўғрисида

Вазирлар Маҳкамасининг қарори лойиҳаси

Лойиҳада қуйидагилар назарда тутилади:

(а) гастрономик, савдо, хизмат кўрсатиш, сайилгоҳ ва кўнгилочар йўналишларга ихтисослашган туну кун фаолият юритадиган туризм кўчаларида давлат-хусусий шериклик механизмлари асосида бошқарув компанияларини ташкил қилиш;

(б) туризм кўчаларида кўп қаватли ва "ақлли" автотураргоҳлар барпо этиш дастурини ишлаб чиқиш;

(в) тунги иқтисодиёт учун стратегик ҳудудлар рўйхатини тасдиқлаш;

(г) туризм кўчаларида чиқиндиларни тўплаш ва ташиш тизимини такомиллаштириш.

2025 йил

сентябрь

Вазирлар Маҳкамаси (Қўчқоров), Иқтисодиёт ва молия вазирлиги (Норқулов), Стратегик ислоҳотлар агентлиги (Рахматов), Экология атроф-муҳитни муҳофаза қилиш ва иқлим ўзгариши вазирлиги (Абдухакимов), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари

32.

Ўзбекистонни минтақадаги юқори технологик тиббий хизматлар хабига айлантириш чора-тадбирлари тўғрисида

Ўзбекистон Республикаси Президентининг қарори лойиҳаси

Лойиҳада қуйидагилар назарда тутилади:

(а) чегара ҳудудларида клиника, реабилитация маркази, меҳмонхона ва лабораторияларни ўзи ичига олган тиббиёт кластерларини ташкил қилиш;

(б) тиббиёт кластерларини замонавий асбоб-ускуналар билан жиҳозлаш учун хорижий молия институтларининг 200 миллион АҚШ доллари миқдоридаги маблағлари ҳисобидан кредит ажратиш;

(в) тиббиёт кластерларини барпо этган тадбиркорлик субъектларига лойиҳанинг ўзини оқлаш даврига мос муддатларга мутаносиб равишда "Тадбиркорликни ривожлантириш компанияси" АЖ ҳисобидан асосий ставканинг 1,75 бараваридан ошмаган ставкада ажратиладиган кредитлар бўйича асосий ставканинг 50 фоизигача миқдорда компенсация тақдим этиш.

2025 йил

октябрь

Вазирлар Маҳкамаси (Қўчқоров), Иқтисодиёт ва молия вазирлиги (Норқулов), Соғлиқни сақлаш вазирлиги (Худаяров), Марказий банк (Ишметов), Савдо-саноат палатаси (Вахабов)

33.

Тиббий суғурта тизимини такомиллаштириш чора-тадбирлари тўғрисида

Ўзбекистон Республикаси Президентининг қарори лойиҳаси

Лойиҳада қуйидагилар назарда тутилади:

(а) нодавлат тиббиёт ташкилотларига тиббий лицензия билан рухсат берилган ихтисосликлар доирасида суғурта тизими орқали барча касалликлар бўйича хизмат кўрсатишга рухсат бериш;

(б) нодавлат тиббиёт ташкилотларига тиббий суғурта тизимида давлат муассасалари билан бир хил нархларда кўрсатилган хизматлар учун 100 фоиз хизмат ҳақи тўлаш тартибини жорий қилиш.

2025 йил

ноябрь

Вазирлар Маҳкамаси (Қўчқоров), Соғлиқни сақлаш вазирлиги (Худаяров), Иқтисодиёт ва молия вазирлиги (Норқулов)

34.

Мактабгача таълим қамровини ошириш чора-тадбирлари тўғрисида

Ўзбекистон Республикаси Президентининг қарори лойиҳаси

Лойиҳада мактабгача таълим қамрови 80 фоиздан паст бўлган туманлардаги тадбиркорлик субъектларига қуйидаги енгилликларни бериш назарда тутилади:

(а) мактабгача таълим ташкилотлари ва мактабларнинг бўш ер участкаларида давлат-хусусий шериклик шартлари асосида мактабгача таълим ташкилотларини ташкил қилишга рухсат бериш. Бунда:

(i) ижара тўловларини 30 йилгача ундирмаслик;

(ii) давлат мактабгача таълим ташкилотларида ҳар бир болага кўзда тутилган харажатнинг 50 фоизи миқдорида субсидия бериш;

(б) 7 йилгача бўлган муддатга йиллик Марказий банк асосий ставкасидан 4 фоизлик пункт юқори ставкада 5 миллиард сўмгача кредит бериш;

(в) фаолиятини ўзгартирмаслик шарти билан ер участкаларини текинга бериш;

(г) ижтимоий солиқ ставкасини 1 фоиз этиб белгилаш;

(д) тарбиячиларга ойлик иш ҳақи тўлаш харажатларини давлат мактабгача таълим ташкилотларидаги тарбиячилар учун белгиланган ставкадан ошмаган миқдорда 3 йилгача қоплаб бериш.

2025 йил

октябрь

Вазирлар Маҳкамаси (Қўчқоров), Мактабгача ва мактаб таълими вазирлиги (Каримова), Иқтисодиёт ва молия вазирлиги (Фозилкаримов), Давлат активларини бошқариш агентлиги (Ортиқов)

35.

Илм-фанни қўллаб-қувватлаш чора-тадбирлари тўғрисида

Ўзбекистон Республикаси Президентининг фармони лойиҳаси

Лойиҳада қуйидагилар назарда тутилади:

(а) олимлар ва тадбиркорлик субъектларига тажриба-синов ишлар учун кетадиган харажатларини қоплаб беришга 50 миллиард сўм ажратиш;

(б) хорижий тиллар бўйича камида С1 даражадаги миллий ёки унга тенглаштирилган мос даражадаги халқаро тан олинган сертификатни олганига икки йилдан ошмаган ёшларга олис ва бориш қийин бўлган ҳудудларда чет тилларига ихтисослашган ўқув марказларини очиш учун олти ойлик имтиёзли давр билан уч йил муддатга базавий ҳисоблаш миқдорининг 320 бараваригача миқдорда фоизсиз ссуда бериш тартибини 30 ёшдан ошган шахсларга ҳам татбиқ этиш;

(в) илмий лойиҳалар доирасида асбоб-ускуналар харид қилиш учун грант бюджетининг камида 40 фоизини йўналтириш ҳақидаги талабни қайта кўриб чиқиш.

2025 йил

октябрь

Вазирлар Маҳкамаси (Қўчқоров), Иқтисодиёт ва молия вазирлиги (Фозилкаримов), Олий таълим, фан ва инновациялар вазирлиги (Шарипов)

36.

Инклюзив мактабгача таълимни молиявий қўллаб-қувватлаш чора-тадбирлари тўғрисида

Ўзбекистон Республикаси

Президентининг қарори лойиҳаси

Лойиҳада қуйидагилар назарда тутилади:

(а) инклюзив таълим йўналишидаги давлат мактабгача таълим ташкилотларига ижтимоий аҳамиятга эга транспорт хизматидан фойдаланганлик учун субсидия бериш тартибини нодавлат мактабгача таълим ташкилотларига ҳам жорий қилиш;

(б) илғор тажрибадан келиб чиқиб, инклюзив нодавлат таълим ташкилотларига болаларни ташиш учун мўлжалланган транспорт воситаларини уларни бошқа транспортлардан ажратиб турувчи сариқ милтилловчи чироқлар билан жиҳозлашга рухсат бериш.

2025 йил

октябрь

Вазирлар Маҳкамаси (Қўчқоров), Мактабгача ва мактаб таълими вазирлиги (Каримова), Иқтисодиёт ва молия вазирлиги (Норқулов), Ички ишлар вазирлиги (Ташпулатов)

37.

Тўрт босқичли комплекс стартап экотизимини жорий этиш чора-тадбирлари тўғрисида

Ўзбекистон Республикаси Президентининг қарори лойиҳаси

Лойиҳада АҚШ ва бошқа ривожланган давлатлар тажрибаси асосида ҳар босқичда қуйидаги қўллаб-қувватлаш инструментларини ўз ичига олган комплекс стартап экотизимини жорий этиш назарда тутилади:

(а) ғояни шакллантириш (краудсорсинг, мактаб ва олийгоҳларда шарт-шароитлар);

(б) лойиҳани ишлаб чиқиш (R&D инфратузилма, краудфандинг, трекерлар тайёрлаш дастури);

(в) лойиҳани ишга тушириш (акселераторлар, венчур фондлар, стартаплар ягона платформаси);

(г) лойиҳани масштаблаштириш (виза олиш, капитал ҳаракатини енгиллаштириш);

(д) стартап экотизими учун 100 миллион АҚШ доллари миқдоридаги маблағларни жалб этиш.

2025 йил

октябрь

Вазирлар Маҳкамаси (Қўчқоров), Иқтисодиёт ва молия вазирлиги (Норқулов), Рақамли технологиялар вазирлиги (Шерматов), Олий таълим, фан ва инновациялар вазирлиги (Шарипов), Ёшлар ишлари агентлиги (Саъдуллаев), Ташқи ишлар вазирлиги (Саидов)

38.

Маҳаллий брендларни қўллаб-қувватлаш чора-тадбирлари тўғрисида

Ўзбекистон Республикаси Президентининг қарори лойиҳаси

Лойиҳада қуйидагилар назарда тутилади:

(а) солиқ ва муддати ўтган дебитор қарздорлиги мавжуд бўлмаган ҳамда Савдо-саноат палатасининг махсус электрон платформасида рўйхати эълон қилинадиган миллий бренд эгалари бўлган юридик шахсларга хорижий давлатларда корхоналар (филиаллар) ташкил қилиш учун алоҳида қарорларсиз чет элга маблағлар ўтказишга рухсат бериш, бундан Ўзбекистон Республикаси Президентининг фармон ва қарорлари ҳамда Ҳукумат қарорлари асосида алоҳида белгиланган тартиблар мустасно;

(б) хорижий давлатларда корхоналар (филиаллар) ташкил қилиш учун ўтказиладиган маблағлар миқдорини иқтисодий асослантирилган ҳолда тегишли ҳисоб-китоблар асосида белгилаш;

(в) маҳаллий брендни хорижий давлатларга франшиза асосида беришдан тушадиган тушумни франшиза тақдим этилгандан бошлаб уч йил давомида фойда солиғидан озод қилиш;

(г) саноат брендларини қўллаб-қувватлаш дастурини хизматлар соҳасидаги брендларга ҳам татбиқ этиш;

(д) Миллий брендларни қўллаб-қувватлаш компанияси ва "Mall of Uzbekistan" миллий дўконлар тармоғини ташкил қилиш.

2025 йил

декабрь

Вазирлар Маҳкамаси (Қўчқоров), Иқтисодиёт ва молия вазирлиги (Норқулов), Марказий банк (Ишметов), Инвестициялар, саноат ва савдо вазирлиги (Кудратов), Савдо-саноат палатаси (Вахабов)

39.

Кўп квартирали уйларни бошқариш тизими самарадорлигини ошириш ва соҳада тадбиркорлик муҳитини янада ривожлантириш чора-тадбирлари тўғрисида

Ўзбекистон Республикаси Президентининг фармони лойиҳаси

Лойиҳада қуйидагилар назарда тутилади:

(а) хонадонларга ичимлик ва иссиқ сув ҳисоблагичларини ўрнатишда пломбалаш, қиёслашдан ўтказиш учун ечиб олиш ва қайта ўрнатиш, ваколатларини ваколатини бошқарув компанияларига ҳам бериш;

(б) кўп квартирали уйларда энергия самарадорлигини ошириш, энергия тежовчи технологиялардан фойдаланиш;

(в) кўп квартирали уйларни бошқариш ҳамда туташ ҳудудларни ободонлаштиришда давлат назорати ва маҳаллий ҳокимият органлари масъулиятини кучайтириш;

(г) кўп квартирали уйларни бошқариш тизимини рақамлаштириш, уйларни таъмирлашда устуворлик даражасини белгилаш;

(д) 1991 йилгача қурилган уйларнинг электрон паспортларини ишлаб чиқиш, туташ ҳудудларни ободонлаштириш, халқаро молия институтлари маблағлари ҳисобидан 2026-2030 йилларда энергия самарадорликни оширишга қаратилган дастурларини амалга ошириш.

2025 йил

декабрь

Вазирлар Маҳкамаси (Раматов), Қурилиш ва уй-жой коммунал хўжалиги вазирлиги (Хидоятов), Иқтисодиёт ва молия вазирлиги (Норқулов), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари

40.

"Шаффоф қурилиш" миллий ахборот тизимини такомиллаштириш чора-тадбирлари тўғрисида

Вазирлар Маҳкамасининг қарори лойиҳаси

Лойиҳада "Шаффоф қурилиш" миллий ахборот тизимида қуйидагиларни белгилаш назарда тутилади:

(а) тадбиркорлар тўғрисидаги маълумотларни ҳар ойда янгилаб бориш тартибини жорий қилиш;

(б) кичик объектларни қуришда кичик тадбиркорлик субъектларининг иштирокини кенгайтириш мақсадида қурувчиларни йирик, ўрта ва кичик тоифаларга ажратиб, уларни алоҳида баҳолашни йўлга қўйиш;

(в) "Лизинг тўғрисида"ги Қонуннинг 7-моддасига асосан лизинг олувчи бўлган пудрат ташкилоти номига расмийлаштирилган қурилиш техникаларига ҳам балл беришни йўлга қўйиш.

2025 йил

ноябрь

Вазирлар Маҳкамаси (Раматов), Қурилиш ва уй-жой коммунал хўжалиги вазирлиги (Хидоятов), Иқтисодиёт ва молия вазирлиги (Норқулов), Савдо-саноат палатаси (Вахабов)

41.

Қурилиш объектларини лойиҳалаштириш жараёнини рақамлаштириш чора-тадбирлари тўғрисида

Вазирлар Маҳкамасининг қарори лойиҳаси

Лойиҳада қуйидагилар назарда тутилади:

(а) 2027 йилдан бошлаб қурилиш соҳасини ривожлантириш ва муаммоларни бартараф этиш учун тўртинчи тоифали қуриладиган биноларга BIM (Building Information Modeling) тизимини босқичма-босқич жорий этиш, шунингдек, ушбу тизим бўйича норматив-ҳуқуқий базани шакллантириш, мутахассислар малакасини ошириш;

(б) биринчи ва иккинчи тоифали қурилиш объектлари учун лойиҳа ишлаб чиқувчи мутахассис ёки ташкилотлардан лицензия талаб қилиш тартибини соддалаштириш (рақамлаштириш).

2025 йил

декабрь

Вазирлар Маҳкамаси (Раматов), Қурилиш ва уй-жой коммунал хўжалиги вазирлиги (Хидоятов), Савдо-саноат палатаси (Вахабов)

42.

Тадбиркорлик йўналишида илмий салоҳиятни оширишга қаратилган

Вазирлар Маҳкамасининг қарори лойиҳаси

Лойиҳада йўналишлар бўйича бирлашган тадбиркорлик субъектларининг илмий-тадқиқот институтлари билан ҳамкорликда лойиҳаларни амалга оширишини ташкил қилиш, натижаларини Тадбиркорлик субъектларининг барқарорлик рейтингида инобатга олиш назарда тутилади.

2025 йил

октябрь

Савдо-саноат палатаси (Вахабов)

IV. ҚИШЛОҚ ХЎЖАЛИГИ КОРХОНАЛАРИНИ

ҚЎЛЛАБ-ҚУВВАТЛАШ

43.

Қишлоқ хўжалиги маҳсулотларини етиштирувчиларни молиявий қўллаб-қувватлаш тўғрисида

Вазирлар Маҳкамасининг қарори лойиҳаси

Лойиҳада пахта ва ғалла етиштиришда истеъмол қилинадиган электр энергияси харажатларининг 50 фоизини компенсация қилиш тартибини боғдорчилик ва мева-сабзавотчилик тармоқлари учун татбиқ этиш. Бунда қишлоқ хўжалиги маҳсулотлари етиштирувчиларнинг масъулиятини ошириш мақсадида гектарига маҳсулот сотишдан тушум миқдорини белгилаш назарда тутилади.

2025 йил

сентябрь

Вазирлар Маҳкамаси (Ходжаев), Қишлоқ хўжалиги вазирлиги (Абдураҳмонов), Иқтисодиёт ва молия вазирлиги (Норқулов)

44.

Қишлоқ хўжалиги корхоналарининг дебитор қарздорликларини камайтириш тўғрисида

Ўзбекистон Республикаси Президентининг қарори лойиҳаси

Лойиҳада қишлоқ хўжалиги корхоналарининг дебитор қарздорлиги ҳисобидан мазкур корхоналарнинг мажбурий ундирувга қаратилган қарздорликларини қоплаш амалиётини йўлга қўйиш назарда тутилади.

2025 йил

октябрь

Вазирлар Маҳкамаси (Ходжаев), Мажбурий ижро бюроси (Эгамбердиев), Солиқ қўмитаси (Кудбиев), Қишлоқ хўжалиги вазирлиги (Абдураҳмонов), Иқтисодиёт ва молия вазирлиги (Норқулов)

45.

Фермер хўжаликлари ва пиллачилик тармоғи корхоналари ўртасидаги шартномавий муносабатларни тартибга солиш бўйича

Вазирлар Маҳкамасининг қарори лойиҳаси

Лойиҳада фермер хўжаликлари ва пиллачилик тармоғи корхоналари ўртасидаги шартномаларни биржа ахборот платформаси орқали рўйхатдан ўтказиш, шартномалар бўйича белгиланган тўловлар бўйича 10 кун муддатда фермерлар хўжаликларига камида 40 фоиз миқдорида бўнак тўловини тўлаб бериш, етиштирилган ҳосил учун якуний ҳисоб-китобларни амалга ошириш муддатини сентябрь ойи этиб белгилаш назарда тутилади.

2025 йил

декабрь

Вазирлар Маҳкамаси (Ходжаев), Қишлоқ хўжалиги вазирлиги (Абдураҳмонов), "Ўзбекипаксаноат" уюшмаси (Сайфуллаев)

V. ТАДБИРКОРЛАРНИ ИШЛАБ ЧИҚАРИШ МАЙДОНЛАРИ

ВА ИНФРАТУЗИЛМА БИЛАН ТАЪМИНЛАШ

46.

Давлат мулкини ижарага бериш тартибини такомиллаштириш бўйича

Вазирлар Маҳкамасининг қарори лойиҳаси

Лойиҳада қуйидагилар назарда тутилади:

(а) давлат кўчмас мулкидан фойдаланганлик учун ижара тўловининг энг кам миқдорини ҳудудда шаклланган ижара тўловининг минимал бозор нархидан келиб чиқиб белгилаш;

(б) давлат кўчмас мулкини ижарага бериш муддатини 3 йилдан 5 йилгача ошириш.

2025 йил

ноябрь

Вазирлар Маҳкамаси (Қўчқоров), Давлат активларини бошқариш агентлиги (Ортиқов), Иқтисодиёт ва молия вазирлиги (Хайдаров), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари

47.

Ижара тўғрисидаги қонунчиликни янгилашга қаратилган

қонун лойиҳаси

Лойиҳада ижарага берувчи ва ижарага олувчи ҳуқуқларини бирдек ҳимоя қиладиган қоидаларни белгилаш назарда тутилади.

2025 йил

декабрь

Вазирлар Маҳкамаси (Қўчқоров), Давлат активларини бошқариш агентлиги (Ортиқов), Иқтисодиёт ва молия вазирлиги (Норқулов), Адлия вазирлиги (Ташкулов)

48.

Ҳунармандларни сотув жойлари билан таъминлаш бўйича

Вазирлар Маҳкамасининг қарори лойиҳаси

Лойиҳада ҳунармандларга меҳмонхоналар, бозорлар, маҳалла гузарлари ва шу каби аҳоли гавжум бўладиган бошқа жойларда давлат кўчмас мулк объектларидан жойларни 50 фоизга пасайтирилган ставкада электрон онлайн аукцион орқали ҳунармандчилик фаолияти учун реализация қилиш назарда тутилади.

2025 йил

ноябрь

Вазирлар Маҳкамаси (Қўчқоров), Давлат активларини бошқариш агентлиги (Ортиқов), Савдо-саноат палатаси (Вахабов)

49.

"GDP" сертификатига эга бўлган омборхоналардан фойдаланишни кенгайтириш бўйича

Вазирлар Маҳкамасининг қарори лойиҳаси

Лойиҳада дори воситалари улгуржи савдоси билан шуғулланувчи "GDP" сертификати мавжуд корхоналарга "GDP" сертификати бор омборхоналардан ижара асосида маҳсулот, товар ва ускуналарни вақтинчалик сақлаш учун фойдаланишга рухсат бериш назарда тутилади.

2025 йил

ноябрь

Вазирлар Маҳкамаси (Қўчқоров), Соғлиқни сақлаш вазирлиги (Худаяров)

VI. БИЗНЕС УЧУН ТЎСИҚ ВА ҒОВЛАРНИ

ЯНАДА ҚИСҚАРТИРИШ

50.

Тадбиркорлик фаолиятини давлат томонидан тартибга солиш юкини камайтириш чора-тадбирлари тўғрисида

Ўзбекистон Республикаси Президентининг фармони ва қонун лойиҳалари

Лойиҳада қуйидагилар назарда тутилади:

(а) 10 турдаги лицензия ва рухсат бериш тартиб-таомилларини бекор қилиш;

(б) лицензиялаш, рухсат бериш ва хабардор қилиш тартиб-таомиллари соҳасидаги ҳуқуқбузарликларни содир этганлик учун юридик шахсларга жарима қўлланганда, уларнинг мансабдор шахсларини маъмурий жавобгарликка тортишни бекор қилиш;

(в) тадбиркорлик фаолиятини "Бизнесни 15 дақиқада бошлаш" тамойили асосида йўлга қўйиш. Бунда тадбиркорни давлат рўйхатидан ўтказишда:

(i) электрон рақамли имзо калитини бериш;

(ii) банкда ҳисобварақ очиш;

(iii) хабарнома, лицензия ва рухсатнома олиш;

(iv) кўчмас мулк ижара шартномасини расмийлаштириш;

(v) онлайн назорат ёки виртуал касса машиналарини солиқ органларида рўйхатдан ўтказиш каби давлат хизматларини комплекс шаклда кўрсатиш имконияти яратилади.

2025 йил

сентябрь

Вазирлар Маҳкамаси (Қўчқоров), Адлия вазирлиги (Ташкулов), Иқтисодиёт ва молия вазирлиги (Норқулов), Рақобат қўмитаси (Тураходжаев), Бизнес-омбудсман (Урунов), Савдо-саноат палатаси (Вахабов)

51.

Мувофиқликни баҳолаш тартиботларини соддалаштиришга қаратилган

Вазирлар Маҳкамасининг қарори лойиҳаси

Лойиҳада санитария-эпидемиология, ветеринария хизмати, ўсимликлар карантини назоратидаги айрим товарларни мажбурий тартибда мувофиқлиги баҳоланиши лозим бўлган маҳсулотлар рўйхатидан чиқариш назарда тутилади.

Бунда 32 тоифадаги маҳсулотлар учун мувофиқлик сертификати бекор қилинади, мажбурий сертификатланадиган товарлар рўйхати 288 тага камайтирилади.

2025 йил

сентябрь

Вазирлар Маҳкамаси (Қўчқоров), Ўзбекистон техник жиҳатдан тартибга солиш агентлиги (Жуманазаров), Савдо-саноат палатаси (Вахабов)

52.

Озиқ-овқат маҳсулотлари хавфсизлиги бўйича ягона назорат тизимини жорий этиш тўғрисида

Ўзбекистон Республикаси Президентининг қарори лойиҳаси

Лойиҳада қуйидагилар назарда тутилади:

(а) санитария, фитосанитария ва ветеринария (SPS) соҳасида ягона давлат бошқарувини ташкил этиш, "даладан дастурхонгача" тамойили асосида самарали назорат тизимини жорий этиш, рухсат бериш ҳужжатларини "хавфни таҳлил қилиш" тизими асосида "бир дарча" тамойили орқали расмийлаштириш, барча жараёнларни рақамлаштириш;

(б) техник тартибга солиш соҳасини тубдан ислоҳ қилиш, халқаро стандартларга мос техник регламентлар ва декларация тизимини кенг жорий этиш, нуфузли халқаро лабораториялар фаолиятини йўлга қўйиш учун шароитлар яратиш.

2025 йил

октябрь

Вазирлар Маҳкамаси (Қўчқоров)

53.

Маҳсулотларни сертификатлаш муддатлари ва тўловларини камайтириш тўғрисида

Вазирлар Маҳкамасининг қарори лойиҳаси

Лойиҳада қуйидагилар назарда тутилади:

(а) сертификатлаштириш муддатларини қисқартириш ва сертификатлаштириш учун белгиланган тўлов тарифлари миқдорини пасайтириш;

(б) қурилиш ойналарини импорт қилишда мажбурий сертификациядан ўтказиш талабини бекор қилиш.

2025 йил

ноябрь

Вазирлар Маҳкамаси (Қўчқоров), Ўзбекистон техник жиҳатдан тартибга солиш агентлиги (Жуманазаров)

54.

Давлат харидлари соҳасидаги қонунчиликни такомиллаштириш бўйича

қонун лойиҳаси

Лойиҳада қуйидагилар назарда тутилади:

(а) давлат харидларида сотилган товарлар (хизматлар) тўғрисидаги маълумотларни ҳудудлар кесимида эълон қилиб бориш;

(б) давлат харидларида парламент назоратини ўрнатиш мақсадида давлат бюджети ижроси тўғрисидаги ҳисоботлар таркибига давлат буюртмачилари томонидан амалга оширилган давлат харидлари натижаларини, шу жумладан тўғридан-тўғри шартномалар ҳақидаги маълумотларни киритиш.

2025 йил

ноябрь

Вазирлар Маҳкамаси (Қўчқоров), Иқтисодиёт ва молия вазирлиги (Рахимова)

55.

Ташқи савдо операциялари мониторингини такомиллаштириш тўғрисида

қонун ва Вазирлар Маҳкамасининг қарори лойиҳалари

Лойиҳада ташқи савдо операциялари бўйича оммавий оферталар ва халқаро платформаларда электрон имзоланган келишувларни ташқи савдо шартномалари сифатида тан олиниши назарда тутилади.

2025 йил

октябрь

Вазирлар Маҳкамаси (Ходжаев), Марказий банк (Ишметов), Божхона қўмитаси (Мавлонов), Истиқболли лойиҳалар миллий агентлиги (Пак)

56.

Ташқи савдо фаолиятини янада эркинлаштириш чора-тадбирлари тўғрисида

Вазирлар Маҳкамасининг қарори лойиҳаси

Лойиҳада мунтазам равишда товарлар, ишлар ва хизматлар экспортини амалга оширувчи ва барқарорлик рейтингида "BB" ва ундан юқори тоифадаги тадбиркорлик субъектларига экспорт бўйича муддати ўтган дебитор қарздорлик юзага келганда, истисно тариқасида, олдиндан тўлов, очилган аккредитив, расмийлаштирилган банк кафолати ва экспорт контрактини сиёсий ва тижорат таваккалчиликларидан суғурта қилиш бўйича полис мавжуд бўлмасдан экспорт қилишга рухсат бериш назарда тутилади.

2025 йил

октябрь

Вазирлар Маҳкамаси (Ходжаев), Божхона қўмитаси (Мавлонов), Инвестициялар, саноат ва савдо вазирлиги (Кудратов), Марказий банк (Ишметов), Иқтисодиёт ва молия вазирлиги (Хайдаров), Истиқболли лойиҳалар миллий агентлиги (Пак), Савдо-саноат палатаси (Вахабов), Солиқ қўмитаси (Кудбиев)

57.

Тадбиркорлик субъектларини ихтиёрий тугатиш тартибини соддалаштириш бўйича

Ўзбекистон Республикаси Президентининг қарори лойиҳаси

Лойиҳада айланмаси 10 миллиард сўмгача бўлган, солиқ хавфи ўрта даражадаги тадбиркорлик субъектларини солиқ маслаҳатчилари ва аудиторлик ташкилотлари хулосаси асосида ихтиёрий тугатиш тартибини жорий қилиш назарда тутилади.

2025 йил

октябрь

Вазирлар Маҳкамаси (Қўчқоров), Солиқ қўмитаси (Кудбиев), Иқтисодиёт ва молия вазирлиги (Хайдаров)

58.

Суғурта бозорини кенгайтириш бўйича

қонун лойиҳаси

Лойиҳада тадбиркорлар ва аҳолининг молиявий хизматларга бўлган ишончини ошириш мақсадида мазкур хизматларга оид рекламаларни ижтимоий рекламага тенглаштириш ҳамда оммавий ахборот воситаларидан кенг ёритилишини таъминлаш назарда тутилади.

2025 йил

ноябрь

Истиқболли лойиҳалар миллий агентлиги (Ли), Ўзбекистон Миллий телерадиокомпанияси (Джурабаев)

59.

Электр энергиясидан қарздорлик бартараф этилганда жарима қўллаш тартибини бекор қилиш бўйича

Вазирлар Маҳкамасининг қарори лойиҳаси

Лойиҳада қуйидагилар назарда тутилади:

(а) электр энергиясидан қарздорлик натижасида тармоқдан ажратилиб, қарздорлик бартараф этилганда корхоналарга жарима қўллаш тартибини бекор қилиш ва қўлланилган жарималарни ҳисобдан чиқариш;

(б) газ ва электр тармоқларига улаш бўйича истеъмолчилар билан таъминотчилар ўртасида тузиладиган шартномаларни тўлиқ электрон шаклга ўтказиш.

2025 йил

сентябрь

Вазирлар Маҳкамаси (Раматов), Энергетика вазирлиги (Мирзамаҳмудов), Адлия вазирлиги (Ташкулов), таъминотчи корхоналар

60.

Электр энергияси учун ҳисоб-китобларни соддалаштириш чора-тадбирлари тўғрисида

Вазирлар Маҳкамасининг қарори лойиҳаси

Лойиҳада қуёш фотоэлектр станцияларини ўрнатган тадбиркорлик субъектлари томонидан ишлаб чиқарилган электр энергиясининг эҳтиёжидан ортиқча қисмини ягона энергетика тизимига қабул қилиш, ростлаш ва сотиб олиш тартибини белгилаш назарда тутилади.

2025 йил

октябрь

Вазирлар Маҳкамаси (Қўчқоров), Энергетика вазирлиги (Мирзамаҳмудов)

51.

Хўжалик юритувчи субъектларга берилган эксклюзив ҳуқуқларни бекор қилиш тўғрисида

Ўзбекистон Республикаси Президентининг қарори лойиҳаси

Лойиҳада норматив-ҳуқуқий ҳужжатларни инвентаризациядан ўтказган ҳолда улар билан айрим хўжалик юритувчи субъектларга берилган эксклюзив ҳуқуқларни босқичма-босқич бекор қилиш назарда тутилади.

2026 йил

февраль

Вазирлар Маҳкамаси (Қўчқоров), Рақобатни қўмитаси (Тураходжаев), Адлия вазирлиги (Ташкулов), Иқтисодиёт ва молия вазирлиги (Норқулов)

62.

Давлат хизматларини кўрсатиш тартибини такомиллаштириш чора-тадбирлари тўғрисида

Ўзбекистон Республикаси Президентининг қарори лойиҳаси

Лойиҳада қуйидагилар назарда тутилади:

(а) давлат хизматларининг бир қисмини хусусий секторга ўтказиш бўйича чора-тадбирлар;

(б) давлат хизматини кўрсатганлик учун қайта кўриб чиқилган тўловлар;

(в) лицензиялаш, рухсат бериш ва хабардор қилиш тартиб-таомилларини ҳамда уларда белгиланган мажбурий талабларни хатловдан ўтказиш, тадбиркорлик фаолиятини юритишда ортиқча юк ҳисобланган ва бугунги кунда ўз аҳамиятини йўқотган талабларни бекор қилиш.

2025 йил

ноябрь

Вазирлар Маҳкамаси (Қўчқоров), Адлия вазирлиги (Ташкулов), Рақобат қўмитаси (Тураходжаев), Иқтисодиёт ва молия вазирлиги (Норқулов), манфаатдор идоралар

63.

Табиий монополия субъектлари фаолиятига хусусий секторни жалб қилиш тўғрисида

Ўзбекистон Республикаси Президентининг фармони лойиҳаси

Лойиҳада табиий монополия субъектлари таъсисчилигида ташкил этилган корхоналар томонидан кўрсатилаётган фаолиятга оид айрим хизматларни хусусий секторга ўтказиш назарда тутилади.

2026 йил

февраль

Вазирлар Маҳкамаси (Қўчқоров), Рақобат қўмитаси (Тураходжаев), Иқтисодиёт ва молия вазирлиги (Норқулов), Транспорт вазирлиги (Махкамов), Энергетика вазирлиги (Мирзамаҳмудов)

64.

Божхона маъмурчилигини такомиллаштириш ва соддалаштиришга доир

Вазирлар Маҳкамасининг қарори лойиҳаси

Лойиҳада амалдаги ҳолат ва халқаро тажрибадан келиб чиқиб, қуйидагилар бўйича таклифлар назарда тутилади:

(а) ваколатли иқтисодий операторлар учун қайта ишлаш режимида рухсатнома олиш талабларини соддалаштириш;

(б) воситачилик шартномаси асосида бир давлат маҳсулотларини учинчи давлатларга экспорт қилиш имкониятини бериш. Бунда, тақиқ ва чеклов ўрнатилган товарлар мустасно.

2025 йил

ноябрь

Вазирлар Маҳкамаси (Қўчқоров), Божхона қўмитаси (Мавлонов), Иқтисодиёт ва молия вазирлиги (Хайдаров)

65.

Аудиторлик ташкилотлари ва солиқ маслаҳатчиларини қўллаб-қувватлаш бўйича

қонун лойиҳаси

Лойиҳада давлат буюртмачилари томонидан биринчи навбатда маҳаллий аудиторлик ташкилотлари ва солиқ маслаҳатчилари ташкилотларининг хизматларини харид қилиш имкониятини мажбурий тартибда ўрганиш назарда тутилади.

2025 йил

октябрь

Вазирлар Маҳкамаси (Қўчқоров), Иқтисодиёт ва молия вазирлиги (Рахимова)

VII. ТАДБИРКОРЛАРНИНГ ҲУҚУҚЛАРИ ВА

ҚОНУНИЙ МАНФААТЛАРИНИ ТАЪМИНЛАШ

66.

Инвестиция соҳасидаги қонунчиликни тизимлаштириш бўйича

қонун лойиҳаси

Лойиҳада инвестициявий муносабатларни тартибга солиш, сармоядорлар ҳуқуқларини ҳимоя қилиш ва уларга шароитлар яратишга қаратилган тўғридан-тўғри амал қиладиган Инвестиция кодекси назарда тутилади.

Бунда инвестиция соҳасидаги барча қоида, кафолат ва тартиб-таомиллар тизимлаштирилади.

2026 йил

май

Олий Мажлис палаталари (келишув асосида), Вазирлар Маҳкамаси (Ходжаев), Инвестициялар, саноат ва савдо вазирлиги (Кудратов), Иқтисодиёт ва молия вазирлиги (Норқулов), Адлия вазирлиги (Ташкулов), Солиқ қўмитаси (Кудбиев), Тадбиркорликни қўллаб-қувватлаш бўйича жамоатчилик кенгаши (Вахабов)

67.

Тадбиркорларга низоларни ҳал қилишда қўшимча қулайликлар яратиш бўйича

қонун лойиҳаси

Лойиҳада иқтисодий ва маъмурий судларга экстерриториал тартибда мурожаат қилиш имкониятини яратиш назарда тутилади.

2025 йил

декабрь

Олий суд (Исламов), Бош прокуратура (Йўлдошев), Адлия вазирлиги (Ташкулов)

68.

"Астрент" тизимини жорий этиш бўйича

қонун лойиҳаси

Лойиҳада суд ҳужжати ижроси кечиккани учун қарздорга нисбатан пеня ҳисоблашни назарда тутувчи "астрент" тизимини жорий қилиш назарда тутилади.

2025 йил

декабрь

Бош прокуратура (Йўлдошев), Бизнес-омбудсман (Урунов), Адлия вазирлиги (Ташкулов)

69.

Давлат харидларида юзага келаётган низоларни ҳал қилишни соддалаштириш бўйича

қонун лойиҳаси

Лойиҳада тадбиркорларнинг шикоятларини жойларда тезкорлик билан ҳал этиш тизимини йўлга қўйиш учун Давлат харидлари соҳасидаги шикоятларни кўриб чиқиш бўйича комиссиянинг доимий фаолият юритувчи ҳудудий комиссияларини ташкил этиш назарда тутилади.

2025 йил

декабрь

Вазирлар Маҳкамаси (Қўчқоров), Иқтисодиёт ва молия вазирлиги (Рахимова), Адлия вазирлиги (Ташкулов)

70.

Тадбиркорларга белгиланган молиявий жарималарни тизимлаштириш бўйича

қонун лойиҳаси

Лойиҳада тадбиркорларга қонунчилик ҳужжатларида белгиланган молиявий жарималарни хатловдан ўтказиш, бу соҳада халқаро тажрибани ўрганган ҳолда молиявий жарималарни битта қонунда тизимлаштириш назарда тутилади.

2026 йил

май

Бизнес-омбудсман (Урунов), Адлия вазирлиги (Ташкулов), Бош прокуратура (Йўлдошев), Солиқ қўмитаси (Кудбиев), Савдо-саноат палатаси (Вахабов), назорат қилувчи органлар

71.

"Давлат божи тўғрисида"ги Қонунга ўзгартиришлар киритиш тўғрисида

қонун лойиҳаси

Лойиҳада қарздор бўлган тадбиркорлик субъектига нисбатан тўловга қобилиятсизлик тўғрисидаги иш қўзғатилганлиги учун унга қўзғатилган бошқа даъволар кўриб чиқилмаганда давлат божини қайтариб бериш тартибини жорий этиш назарда тутилади.

2025 йил

ноябрь

Олий суд (Исламов), Иқтисодиёт ва молия вазирлиги (Хайдаров)

72.

Қарздорликларни автоматлаштирилган тартибда ундириш тизимини жорий этиш бўйича

қонун лойиҳаси

Лойиҳада қуйидагилар назарда тутилади:

(а) "Менинг уйим" биллинг тизими, "Адолат" ахборот тизимлари комплекси ва Мажбурий ижро бюросининг электрон тизимларини ўзаро интеграция қилиш орқали муддати ўтган (90 кундан ортиқ) қарздорликлар бўйича ҳужжатларни "Менинг уйим" биллинг тизими орқали автоматик равишда судларга, судлар томонидан кўриб чиқилгандан кейин ижрочиларга юбориш тизимини жорий қилиш;

(б) "Менинг уйим" тизимида қарздорликларни таҳлил қилиш ва ҳужжатларни судларга автоматлаштирилган ҳолда юбориш тизимини йўлга қўйиш.

2025 йил

декабрь

Вазирлар Маҳкамаси (Раматов), Қурилиш ва уй-жой коммунал хўжалиги вазирлиги (Хидоятов), Мажбурий ижро бюроси (Эгамбердиев), Олий суд (Исламов), Адлия вазирлиги (Ташкулов)

73.

Тадбиркорларнинг ҳуқуқлари ва қонуний манфаатларини ишончли ҳимоя қилишга қаратилган

қонун лойиҳаси

Лойиҳада тадбиркорлик субъектига нисбатан асоссиз равишда жарималар қўллаган (агар бу каби ҳолатлар суд томонидан тасдиқланган бўлса) мансабдор шахснинг маъмурий жавобгарлигини белгилаш назарда тутилади.

2025 йил

ноябрь

Бизнес-омбудсман (Урунов), Адлия вазирлиги (Ташкулов), Бош прокуратура (Йўлдошев), Олий суд (Исламов)

Т/р

Чора-тадбирлар

ва ташаббуслар

Амалга ошириш механизми

Ижро

муддати

Масъул

ижрочилар

1.

Тадбиркорларни инфратузилма билан таъминлаш ва лойиҳаларини молиялаштириш

2026-2027 йилларда тадбиркорлик фаолиятини қўллаб-қувватлаш, зарур молиявий ва инфратузилмавий шароитларни яратиш учун жами 270 триллион сўм йўналтириш, хусусан:

эркин иқтисодий ва кичик саноат зоналарининг, шунингдек, тўғридан-тўғри хорижий инвестициялар иштирокидаги йирик ишлаб чиқариш лойиҳаларининг инфратузилмасини ривожлантириш учун Давлат бюджетидан 4 триллион сўм;

драйвер лойиҳалар доирасида - 5 триллион сўм;

танлаб олинган туман ва шаҳарларни жадал ривожлантириш дастурлари учун - 6 триллион сўм;

тижорат банклари томонидан кичик ва ўрта бизнес учун - 250 триллион сўм, шу жумладан, тадбиркорлик дастурлари доирасида 30 триллион сўм;

"Тадбиркорликни ривожлантириш компанияси" АЖ томонидан камида 5 мингта тадбиркорлик лойиҳаларини амалга ошириш учун - 4 триллион сўмлик молиявий қўллаб-қувватлаш чоралари.

2026-2027

йиллар

Вазирлар Маҳкамаси (Қўчқоров), Иқтисодиёт ва молия вазирлиги (Хайдаров), Марказий банк (Ишметов)

2.

Тармоқларни қўллаб-қувватлаш

1. Тармоқларни молиявий қўллаб-қувватлашга 500 миллион АҚШ доллари йўналтириш, хусусан:

тўқимачиликда "ишончли экспортчи" дастури доирасида экспортолди молиялаштириш тизимини йўлга қўйиш учун 200 миллион АҚШ доллари;

электротехника, қурилиш материаллари, озиқ-овқат, фармацевтика каби экспорт салоҳияти юқори тармоқлардаги тадбиркорларни айланма маблағ билан таъминлаш учун 300 миллион АҚШ доллари.

2025-2026

йиллар

Вазирлар Маҳкамаси (Қўчқоров), Иқтисодиёт ва молия вазирлиги (Хайдаров)

2. Ҳар бир тармоқнинг сифати кафолатланган, рақобатдош 10 тадан маҳсулотига "Ўзбекистон рамзи" сифат белгисини бериш, уларни дунёга танитиш учун тарғибот кампаниясини амалга ошириш. Бунда хорижий бозорларда миллий маҳсулотларни тарғиб қилувчи мутахассисларни жалб қилиш харажатларини қоплаб беришни назарда тутиш.

2025-2026

йиллар

Вазирлар Маҳкамаси (Қўчқоров, Ходжаев), Савдо-саноат палатаси (Вахабов), тармоқ уюшмалари

3. Ҳар бир тармоқ ва ҳудуддаги корхоналар талабини ўрганиб, хомашё ва бутловчи қисмларни импорт қилишда божхона божларини қайта кўриб чиқиш, натижаларини эълон қилиш.

2025 йил

ноябрь

3.

Тошкент шаҳрида электр таъминотини яхшилаш

2026 йилда Тошкент шаҳридаги электр тармоқларини яхшилаш учун 2 триллион сўм йўналтириш.

2026 йил

январь -

сентябрь

Вазирлар Маҳкамаси (Қўчқоров), Энергетика вазирлиги (Мирзамаҳмудов), Иқтисодиёт ва молия вазирлиги (Хайдаров), Тошкент шаҳар ҳокимлиги (Умурзаков)

4.

Йирик туризм масканларини ташкил қилиш

Чортоқ туманининг Қорабоғ, Фарғона туманининг Чимён, Бойсун туманининг Омонхона маҳаллалари ҳамда Нуробод туманининг Нурбулоқ шаҳарчасида мастер режа асосида йил бўйи узлуксиз хизмат кўрсатадиган 300-500 гектарда йирик курорт зоналар ташкил этиш ва уларнинг инфратузилмаси учун халқаро молия институтларидан 150 миллион АҚШ доллари жалб қилиш.

2026-2027

йилларда

Вазирлар Маҳкамаси (Қўчқоров), Иқтисодиёт ва молия вазирлиги (Норқулов), Экология, атроф-муҳитни муҳофаза қилиш ва иқлим ўзгариши вазирлиги (Абдухакимов), Наманган, Самарқанд, Сурхондарё ва Фарғона вилоятлари ҳокимликлари

5.

Муқобил скоринг тизимини жорий этиш

Тадбиркорлик субъектларига кредит ажратиш жараёнида уларнинг тўлов қобилиятини баҳолаш учун харажатлар (солиқ, коммунал тўловлар, транзакцион операциялар ва бошқа ижобий кўрсаткичлар бўйича маълумотларни), товар айланмаси, экспорт операциялари каби давлат органлари ва хусусий сектор вакилларининг маълумотлар базаларида мавжуд маълумотлар орқали муқобил скоринг қилиш тизимини жорий қилиш.

2026 йил

апрель

Вазирлар Маҳкамаси (Қўчқоров), Марказий банк (Ишметов)

6.

Микромолия фаолиятини ривожлантириш

Микромолия ташкилотларига молиявий ҳисоботларни ҳар ойнинг 5 санасида топширгандан кейин 10 санагача тузатиш имкониятини яратиш.

2025 йил

ноябрь

Марказий банк

(Ишметов)

7.

Кўкдала туманида жамоат транспорти қатновини йўлга қўйиш

Кўкдала туманида жойлашган тадбиркорлик субъектларида ишлаётган ходимларнинг иш жойига келиши ва кетиши билан боғлиқ тизимли муаммоларни ҳал қилиш учун туманда жамоат транспорти маршрутларини белгилаб, қатновни йўлга қўйиш.

2025 йил

декабрь

Вазирлар Маҳкамаси (Қўчқоров), Транспорт вазирлиги (Махкамов)

8.

Боғдорчилик ва узумчилик йўналишидаги фермер хўжаликлари муаммоларини ҳал қилиш

Боғдорчилик ва узумчилик йўналишидаги мақбуллаштирилган, бироқ амалда собиқ эгалари томонидан фойдаланиб келинаётган ерларни (боғларни) хатловдан ўтказиш ва юзага келган муаммоларни ечиш.

2025 йил

октябрь

Вазирлар Маҳкамаси (Ходжаев), Қишлоқ хўжалиги вазирлиги (Абдураҳмонов), Бизнес-омбудсман (Урунов), маҳаллий ҳокимликлар

9.

Қўшилган қиймат солиғи ўрнини қоплаш жараёнини такомиллаштириш

Қўшилган қиймат солиғи ўрнини қоплаш жараёнида ҳисобга олинган солиқ суммаси контрагентлар томонидан тўланмаганлиги сабабли рад этилганда, ушбу контрагентлар рўйхатини параллель равишда солиқ тўловчининг шахсий кабинети орқали кўриш имкониятини яратиш.

2025 йил

сентябрь

Вазирлар Маҳкамаси (Қўчқоров), Солиқ қўмитаси (Кудбиев)

10.

Қўшилган қиймат солиғи тўловига мажбурий тартибда ўтган тадбиркорларга гувоҳнома автоматлаштирилган ҳолда берилишини таъминлаш

Мажбурий тартибда қўшилган қиймат солиғини тўловчилар деб эътироф этилган тадбиркорлик субъектларига қўшилган қиймат солиғи тўловчиси сифатида махсус рўйхатдан ўтказилганлиги тўғрисидаги гувоҳномани автоматик равишда беришни таъминлаш ва назорат қилиб бориш.

2025 йил

декабрь

Вазирлар Маҳкамаси (Қўчқоров), Солиқ қўмитаси (Кудбиев)

11.

Экспорт учун янги бозорларни очиш

Ўзбекистондан Шарқий ва Марказий Европа давлатларига мунтазам юк ташишга мўлжалланган темир йўл қатновларини йўлга қўйиш бўйича музокаралар ўтказиш ва таклифлар киритиш.

2026 йил

апрель

Вазирлар Маҳкамаси (Раматов), Транспорт вазирлиги (Махкамов), Инвестициялар, саноат ва савдо вазирлиги (Кудратов), Ташқи ишлар вазирлиги (Саидов)

12.

Энергия самарадорлигини оширишда замонавий технологияларни жорий қилиш

Ўзбекистон шароитида гравитацион аккумулятор технологияларидан фойдаланишни йўлга қўйиш бўйича таклифлар киритиш.

2025 йил

декабрь

Вазирлар Маҳкамаси (Раматов), Энергетика вазирлиги (Мирзамаҳмудов)

13.

Аҳоли ва хорижий туристлар учун қулайликлар яратиш

Туман (шаҳар)ларда қуёш энергиясида ишловчи жамоат транспорти ҳаракатини кузатиш имконини берувчи замонавий электрон жадвал, видеокузатув мосламалари, "Wi-Fi", мобил телефон воситаларини қувватлаш қурилмаларига эга бўлган бекатларни ташкил қилиш.

2025-2026

йиллар

Вазирлар Маҳкамаси (Раматов), Транспорт вазирлиги (Махкамов), Қорақалпоғистон Республикаси, вилоятлар ва Тошкент шаҳар ҳокимликлари

14.

Қишлоқ хўжалиги корхоналарининг ҳуқуқий ҳимоясини таъминлаш

1. Бизнес-омбудсман бошчилигида Қишлоқ хўжалиги вазирлиги, Бош прокуратура ва Ҳисоб палатаси вакиллари иштирокида ишчи гуруҳ ташкил қилиш ва ишчи гуруҳ томонидан "Агросубсидия" ахборот тизимидаги мурожаатлар ва тўловлар ўз вақтида кўриб чиқилганлиги ва тўлиқ амалга оширилганлиги устидан қатъи назорат ўрнатиш.

2. Субсидия олиш билан боғлиқ мурожаатларни тезкорлик билан кўриб чиқиш учун ишчи гуруҳ ҳузурида 7/24 режимида ишлайдиган "Call-марказ" ташкил қилиш.

2025 йил

сентябрдан

бошлаб

Бизнес-омбудсман (Урунов), Қишлоқ хўжалиги вазирлиги (Абдураҳмонов), Бош прокуратура (Йўлдошев), Ҳисоб палатаси (Абдуллаев)

15.

Туристик транспорт воситалари ҳаракатига қўшимча шарт-шароитлар яратиш

Йўл ҳаракати хавфсизлиги қоидаларига риоя қилган ҳолда Қашқадарё вилояти Китоб тумани "Қайнар" МФЙ ҳудудидан ўтувчи М-39 автомагистралида жойлашган йўл-патруль хизмати постидан 1 километр масофада жойлашган умумий овқатланиш ва хизмат кўрсатиш объектларига туристларни олиб бориш учун автобус ва микроавтобуслар ҳаракатига рухсат бериш.

2025 йил

октябрь

Вазирлар Маҳкамаси (Раматов), Ички ишлар вазирлиги (Ташпулатов), Фавқулодда вазиятлар вазирлиги (Кудратходжаев), Транспорт вазирлиги (Махкамов)

16.

Мактаб дарсликларини тартибга солиш

Мактабгача ва мактаб таълими вазирлиги (lib.uzedu.uz, erp.maktab.uz) ҳамда Иқтисодиёт ва молия вазирлиги (uzasbo.uz) ахборот тизимларини интеграция қилиш.

Бунда ахборот тизимларини интеграция қилиш орқали мулк шаклидан қатъи назар мактабдан мактабга кўчирилган ўқувчилар учун ўқув дарсликларини (китоб ва бошқа дарсликлар) ўқувчи кўчаётган мактаб балансига ўтказиш амалиётини йўлга қўйиш.

2026-2027

ўқув

йилидан

бошлаб

Вазирлар Маҳкамаси (Қўчқоров), Мактабгача ва мактаб таълими вазирлиги (Каримова), Иқтисодиёт ва молия вазирлиги (Норқулов), Рақамли технологиялар вазирлиги (Шерматов)

17.

Замонавий тажриба лабораторияларини ташкил этиш

Фанлар академияси Биоорганик кимё институти ҳузурида GMP (Good Manufacturing Practice) ва GLP (Good labоratory Practice) талабларига жавоб берадиган тажриба-саноат лабораториялари ва цехларини ташкил қилиш.

2025-2026

йиллар

Фанлар академияси (Аюпов), Иқтисодиёт ва молия вазирлиги (Норқулов)

18.

Тиббий жиҳозларни сертификациялаш нархларини қайта кўриб чиқиш

Тиббий жиҳозлар ва уларнинг эҳтиёт қисмларини импорт қилишда сертификациядан ўтказиш хизмати нархларини қайта кўриб чиқиб, товарни сертификатлаш учун сарфланадиган ҳақиқий харажатлардан келиб чиқиб белгилашни жорий қилиш.