ЎзР 19.08.1999 й. 813-I-сон Қонунининг олдинги таҳрири

Функция недоступна

ЎзР 19.08.1999 й. 813-I-сон Қонунининг

олдинги таҳрири

ЎзР 07.02.2024 й. ЎРҚ-905-сон Қонунидан олдинги таҳрири

9-1-модда тўртинчи қисм учинчи хатбошининг олдинги таҳрири

агар лицензиат унга лицензия бериш тўғрисидаги қарор қабул қилингани ҳақидаги хабарнома юборилган (топширилган) пайтдан эътиборан уч ой ичида лицензияловчи органга лицензия берганлик учун давлат божи тўланганлигини тасдиқловчи ҳужжатни тақдим этмаган ёки лицензия шартномасини имзоламаган бўлса;

ЎзР 21.04.2021 й. ЎРҚ-683-сон Қонунидан олдинги таҳрири

9-1-модда еттинчи қисмининг олдинги таҳрири

Лицензияловчи органнинг лицензиянинг амал қилишини тугатиш ёки лицензияни бекор қилиш тўғрисидаги қарори лицензиатга ёзма шаклда, қарор қабул қилинган кундан эътиборан уч кундан кечиктирмай етказилади. Лицензиянинг амал қилишини тугатиш ёки лицензияни бекор қилиш тўғрисидаги суд қарори лицензиатга ва лицензияловчи органга қонун ҳужжатларида белгиланган муддатларда етказилади. Лицензиат лицензиянинг амал қилишини тугатиш ёки лицензияни бекор қилиш тўғрисидаги қарорни олган кундан эътиборан ўн кун ичида лицензия лицензияловчи органга қайтарилиши ва йўқ қилиниши керак. (ЎзР 10.10.2006 й. ЎРҚ-59-сон Қонуни таҳриридаги қисм) (Олдинги таҳририга қаранг)

24-модда иккинчи қисмининг олдинги таҳрири

Тиббий мақсадларда фойдаланиш учун рухсат этилган гиёҳвандлик воситалари, психотроп моддалар ва прекурсорларга нисбатан дори воситалари ва фармацевтика фаолияти тўғрисидаги қонун ҳужжатларининг ушбу Қонунга зид бўлмаган қисми татбиқ қилинади. (ЎзР 13.06.2017 й. ЎРҚ-436-сон Қонуни таҳриридаги қисм)

35-модда учинчи қисмининг олдинги таҳрири

Ушбу моддада кўрсатилган шахслар тиббий кўрикдан ва текширувдан ўтказиш учун терговга қадар текширувни амалга оширувчи органлар, суриштирув, тергов органлари ва суднинг қарорига мувофиқ қонун ҳужжатларида белгиланган тартибда юборилади. (ЎзР 23.05.2019 й. ЎРҚ-542-сон Қонуни таҳриридаги қисм)

ЎзР 17.03.2020 й. ЎРҚ-612-сон Қонунидан олдинги таҳрири

6-модда матнининг олдинги таҳрири

Ўзбекистон Республикасида гиёҳвандлик воситаларининг муомалада бўлиши билан боғлиқ фаолиятнинг асосий турлари: гиёҳвандлик воситаларини олиб кириш (олиб чиқиш), тақсимлаш, ишлаб чиқиш, ишлаб чиқариш, тайёрлаш, йўқ қилиш, шунингдек таркибида гиёҳвандлик моддаси бўлган ўсимликларни етиштириш давлат монополияси ҳисобланади.

21-модда матнининг олдинги таҳрири

Таркибида гиёҳвандлик моддаси бўлган, I рўйхатга киритилган ўсимликларни етиштириш учун рухсат махсус ваколатли орган белгилаган тартибда, давлат корхоналарига илмий мақсадларда мазкур фаолият тури учун лицензияси бўлган тақдирда берилади.

ЎзР 22.10.2018 й. ЎРҚ-503-сон Қонунидан олдинги таҳрири

3-модда тўртинчи хатбошининг олдинги таҳрири

прекурсорлар - прекурсорлар рўйхатига киритилган ва Ўзбекистон Республикасида назоратга олинадиган, гиёҳвандлик воситалари ва психотроп моддалар тайёрлаш учун фойдаланиладиган моддалар;

ЎзР 18.04.2017 й. ЎРҚ-429-сон Қонунидан олдинги таҳрири

9-1-модда биринчи қисми учинчи хатбошининг олдинги таҳрири

юридик шахс тугатилганда тугатилган пайтдан эътиборан ёки унинг фаолияти қайта ташкил этиш натижасида тугатилганда қайта ташкил этилган пайтдан эътиборан, унинг ўзгартирилиши бундан мустасно;

ЎзР 10.10.2006 й. ЎРҚ-59-сон Қонунидан олдинги таҳрири

9-модда матнининг олдинги таҳрири

Лицензиянинг  амал қилиши лицензияни берган органнинг қарорига биноан қуйидаги ҳолларда тўхтатиб турилиши мумкин:

лицензиат  лицензия шартномасида назарда тутилган лицензия талаблари ва шартларини бузганлиги аниқланганда;

лицензияловчи органларнинг лицензиат зиммасига аниқланган қоидабузарликларни бартараф этиш мажбуриятини юкловчи қарорлари унинг томонидан бажарилмаганда;

юридик шахс қайта тузилганда лицензияни қайта расмийлаштириш муддатига.

Лицензияловчи орган лицензиат томонидан лицензиянинг амал қилишини тўхтатиб туришга олиб келган ҳолатларни бартараф этиш учун муддат белгилаши шарт. Кўрсатилган муддат олти ойдан ошиши мумкин эмас.

Лицензиянинг амал қилиши тўхтатиб турилишига олиб келган ҳолатларни лицензиат бартараф этган тақдирда, лицензиянинг амал қилишини тўхтатиб турган лицензияловчи орган кўрсатилган ҳолатлар бартараф этилганлиги тўғрисидаги тасдиқномани олган кундан эътиборан ўн кунлик муддат ичида лицензиянинг амал қилишини тиклаш тўғрисида қарор қабул қилиши шарт.

9-1-модда иккинчи қисмининг олдинги таҳрири

Лицензиянинг амал қилиши суднинг қарорига биноан ҳам тугатилиши мумкин.

9-1-модда бешинчи қисмининг олдинги таҳрири

Лицензия суднинг қарорига биноан ҳам бекор қилиниши мумкин.

9-1-модда олтинчи қисмининг олдинги таҳрири

Бекор қилиш тўғрисидаги қарор лицензия берилган санадан эътиборан амал қилади.

9-1-модда еттинчи қисмининг олдинги таҳрири

Лицензиянинг амал қилиши тугатилиши ёки лицензия бекор қилиниши тўғрисидаги қарор мазкур қарорни қабул қилган лицензияловчи орган томонидан лицензиатга ёзма шаклда, қарор қабул қилинган кундан эътиборан уч кундан  кечиктирмай асосланган далиллар билан етказилади. Лицензиат лицензиянинг  амал қилишини тугатиш ёки лицензияни бекор қилиш тўғрисидаги қарорни олган кундан эътиборан ўн кун ичида лицензия лицензияловчи органга қайтарилиши ва йўқ қилиниши керак.

ЎзР 13.12.2002 й. 447-II-сон Қонунидан олдинги таҳрири

12-моддаси биринчи қисмининг олдинги таҳрири

Гиёҳвандлик воситалари, психотроп моддалар ва прекурсорларни олиб киришга (олиб чиқишга) лицензия, шунингдек, олиб кириш (олиб чиқиш) ҳуқуқи тўғрисида гиёҳвандлик воситаларини назорат қилиш бўйича махсус ваколатли орган (бундан буён матнда махсус ваколатли орган деб юритилади) томонидан бериладиган сертификат бўлган тақдирда йўл қўйилади.