ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Мудофаа. Ҳарбий мажбурият ва ҳарбий хизмат / Қўшимчалар ва ўзгартиришлар киритиш тўғрисидаги ҳужжатлар / Мудофаа ишларини бошқариш /Ўзбекистон Республикаси Вазирлар Маҳкамасининг 27.10.2020 й. 654-сон "Вазирлар Маҳкамасининг "Ҳарбий-маъмурий секторларни ривожлантириш жамғармаси маблағларини шакллантириш ва улардан фойдаланиш тартибини такомиллаштириш тўғрисида" 2019 йил 10 августдаги 659-сон қарорига ўзгартириш ва қўшимчалар киритиш ҳақида"ги Қарори
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИНИНГ
ҚАРОРИ
27.10.2020 й.
N 654
ВАЗИРЛАР МАҲКАМАСИНИНГ "ҲАРБИЙ-МАЪМУРИЙ
СЕКТОРЛАРНИ РИВОЖЛАНТИРИШ ЖАМҒАРМАСИ
МАБЛАҒЛАРИНИ ШАКЛЛАНТИРИШ ВА УЛАРДАН
ФОЙДАЛАНИШ ТАРТИБИНИ ТАКОМИЛЛАШТИРИШ
ТЎҒРИСИДА" 2019 ЙИЛ 10 АВГУСТДАГИ 659-СОН
ҚАРОРИГА ЎЗГАРТИРИШ ВА ҚЎШИМЧАЛАР
КИРИТИШ ҲАҚИДА
Ҳарбий-маъмурий секторларни ривожлантириш жамғармаси маблағларидан самарали фойдаланиш механизмини янада такомиллаштириш мақсадида Вазирлар Маҳкамаси ҚАРОР ҚИЛАДИ:
1. Вазирлар Маҳкамасининг "Ҳарбий-маъмурий секторларни ривожлантириш жамғармаси маблағларини шакллантириш ва улардан фойдаланиш тартибини такомиллаштириш тўғрисида" 2019 йил 10 августдаги 659-сон қарорига иловага мувофиқ ўзгартириш ва қўшимчалар киритилсин.
2. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари - Ўзбекистон Республикаси иқтисодий тараққиёт ва камбағалликни қисқартириш вазири Ж.А. Қўчқоров ва Ўзбекистон Республикаси мудофаа вазири Б.Н. Курбанов зиммасига юклансин.
Ўзбекистон Республикасининг Бош вазири А. Арипов
2020 йил 27 октябрдаги
654-сон қарорига
ИЛОВА
Вазирлар Маҳкамасининг "Ҳарбий-маъмурий секторларни
ривожлантириш жамғармаси маблағларини шакллантириш
ва улардан фойдаланиш тартибини такомиллаштириш
тўғрисида" 2019 йил 10 августдаги 659-сон қарорига
киритилаётган ўзгартириш ва қўшимчалар
1. 2-бандда:
"а" кичик бандга "I-III чораклар якунлари" сўзларидан кейин ", шунингдек, молия йили якунларига кўра ҳосил бўлган бўш қолдиқлар" сўзлари қўшилсин;
"б" кичик бандга "маблағлар қолдиқ ҳолати" сўзларидан кейин ", шунингдек, даромаднинг ошириб бажарилган прогноз кўрсаткичлари ва молия йили якунлари бўйича ҳосил бўлган бўш қолдиқлар йиғиндиси" сўзлари қўшилсин.
2. Иловада:
иккинчи хатбоши қуйидаги таҳрирда баён қилинсин:
"Ўзбекистон Республикаси Қуролли Кучларининг ҳарбий қисмлари, бўлинмалари ва муассасаларида режалар ("йўл хариталари") тадбирларини ва бошқа муҳим лойиҳаларни молиялаштириш";
еттинчи хатбоши қуйидаги таҳрирда баён қилинсин:
"семинарлар, давра суҳбатлари, конференциялар, амалий машғулотлар, спорт мусобақалари, эстафеталар, турнирлар, тренинглар, ёшларни тарбиялаш бўйича тадбирлар (шу жумладан, амалий ва техник турлар бўйича тўгараклар ташкил этиш, қонун ҳужжатларида белгиланган ҳолларда қўшимча озиқ-овқат ҳамда кийим-кечак ва оёқ кийим билан таъминлашни ташкил этиш) шунингдек, маданий-оммавий ва бошқа тантанали тадбирларни ташкил этиш ва ўтказиш";
7-банднинг биринчи хатбошисидаги "якунлари" сўзи ", шунингдек, молия йили якунларига кўра ҳосил бўлган бўш қолдиқлар" сўзлари билан алмаштирилсин.
Қонун ҳужжатлари маълумотлари миллий базаси (www.lex.uz),
2020 йил 27 октябрь