Ўзбекистон Республикаси ички ишлар органлари шахсий таркиби ва уларнинг оила аъзоларини ижтимоий ҳимоя қилиш тартиби тўғрисида Низом (ЎзР ВМ 04.07.2022 й. 354-сон қарорига 1-илова)

Функция недоступна

Вазирлар Маҳкамасининг

2022 йил 4 июлдаги

354-сон қарорига

1-ИЛОВА

Ўзбекистон Республикаси ички ишлар органлари

шахсий таркиби ва уларнинг оила аъзоларини

ижтимоий ҳимоя қилиш тартиби тўғрисида

НИЗОМ

         

       

Ушбу Низом ички ишлар органлари шахсий таркиби ва уларнинг оила аъзолари соғлиғини сақлаш, уй-жой билан таъминлаш, олий ва ўрта махсус таълим муассасаларига ўқишга кириш учун тавсиянома (тақдимнома) бериш, шаҳар йўловчи транспортидан ва шахсий транспортдан хизмат сафарларида фойдаланиш билан боғлиқ харажатларни қоплаш, мол-мулкига етказилган зарарнинг ўрнини қоплаш, ходимларга хизмат мажбуриятларини бажариш чоғида тан жароҳати олган (етказилган) ёки ҳалок бўлган (вафот этган)да бир марталик нафақа тайинлаш, пенсия ва нафақа тайинлаш тартибини белгилайди.

1-БОБ. УМУМИЙ ҚОИДАЛАР

1. Ички ишлар органлари шахсий таркиби ва уларнинг оила аъзоларини ижтимоий ҳимоя қилиш Ўзбекистон Республикаси Конституцияси ва қонунларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, Ўзбекистон Республикаси Ички ишлар вазирлиги (кейинги ўринларда - Вазирлик) ҳамда бошқа вазирликлар ва идораларнинг норматив-ҳуқуқий ҳужжатларига, шунингдек, мазкур Низомга мувофиқ амалга оширилади.

2. Ушбу Низомда қуйидаги асосий тушунчалардан фойдаланилади:

бир марталик нафақа - хизмат мажбуриятларини бажариш чоғида тан жароҳати олган (етказилган) ходим ва ҳарбий хизматчига ёки ҳалок бўлган (вафот этган) ходим ва ҳарбий хизматчининг оила аъзоларига тўланадиган тўлов тури;

етказиб бериш (топшириш) даври - пенсия ва нафақаларни етказиб бериш (топшириш) амалга ошириладиган жорий тўлов ойининг 15-кунидан 27-кунигача бўлган давр;

имтиёзли шартларда турар жой - қурилиши Ўзбекистон Республикаси Президенти ва Ўзбекистон Республикаси Ҳукуматининг тегишли қарорлари билан тасдиқланган дастурларда назарда тутилган кўп квартирали уйлардаги квартиралар, шунингдек, намунавий якка тартибдаги уйлар;

курсант ва тингловчи - Вазирлик тизимидаги таълим муассасаларида таҳсил олувчилар;

контракт бўйича ҳарбий хизматчи - Ўзбекистон Республикасининг ички ишлар органларида контракт бўйича ҳарбий хизмат қилаётган оддий аскар, сержант ва офицерлар;

муддатли ҳарбий хизматчи - Ўзбекистон Республикасининг ички ишлар органларида оддий аскарлар таркиби лавозимларида мажбурий хизматни ўтаётган чақирув ёшидаги фуқаро;

марказий комиссия - Вазирлик Марказий аппаратининг тегишли хизматларидан ташкил топган ижтимоий ҳимоя қилиш масалалари бўйича комиссия;

нафақа - хизматдан бўшатилаётган ходим ва ҳарбий хизматчига ёки ички ишлар органлари пенсионерининг вафот этганлиги муносабати билан дафн этиш маросими учун унинг оила аъзоларига бир марта тайинланадиган пул тўлови;

пенсия - ички ишлар органлари ходим ва ҳарбий хизматчилари ёки уларнинг оила аъзоларига пенсия олиш ҳуқуқини берадиган хизмат муддатини ўтаганлиги, ногиронлик ёки боқувчисини йўқотганлик муносабати билан бериладиган ойлик пул тўлови;

пенсияга оид ҳужжатлар йиғмажилди - пенсия сўраб мурожаат қилган шахсга пенсия тайинланган ҳужжатларнинг тикилган туркуми;

пенсияга оид ҳужжатлар йиғмажилди турадиган жой - Вазирликнинг Молия ва моддий-техника таъминоти департаменти Молия-иқтисод бошқармаси, доимий яшаш жойи бўйича Қорақалпоғистон Республикаси Ички ишлар вазирлиги, Тошкент шаҳар ва Тошкент вилоят ички ишлар бош бошқармаси ҳамда вилоят ички ишлар бошқармалари (кейинги ўринларда - ички ишлар органлари) молиявий таъминот хизматлари;

тан жароҳати - ходим ва ҳарбий хизматчи хизмат мажбуриятларини бажариш чоғида олган (етказилган) оғир ва ўртача оғир тан жароҳати (яраланиш, майиб ва контузия бўлиш);

ходим - Ўзбекистон Республикасининг ички ишлар органларида хизмат қилаётган, махсус унвонга эга бўлган фуқаро;

хизмат мажбурияти - норматив-ҳуқуқий ҳужжатлар, шу жумладан, идоравий норматив-ҳуқуқий ҳужжатларга мувофиқ ички ишлар органлари таркибидаги бошқарув органлари, бўлинмалари, ходим ва ҳарбий хизматчиларга юкланган вазифалар ва функциялар ҳамда ҳуқуқ ва мажбуриятлар;

хизмат уй-жойлари фонди - Вазирлик томонидан ички ишлар органлари ходим ва ҳарбий хизматчиларини турар жой билан таъминлаш ёки уларнинг яшаш шароитларини яхшилаш учун уй-жойлар қуриш ва уларни реконструкция қилиш, шунингдек, қонунчилик ҳужжатларида белгиланган тартибда жисмоний ва юридик шахсларнинг квартираларини сотиб олиш ҳисобидан шакллантирилган фонд;

хизмат уй-жойи - ички ишлар органлари ходим ва ҳарбий хизматчилари ҳамда уларнинг оила аъзолари яшаши учун мўлжалланган, хизмат ҳамда муниципал уй-жой фондининг турар жой биноларида жойлашган, ички ишлар органларида хизматни ўташ даврида шартнома асосида бериладиган уй;

ҳарбий хизматчи - ички ишлар оганлари ҳарбий тузилмаларида хизмат ўтаётган контракт бўйича ва муддатли ҳарбий хизматчилар;

ҳудудий комиссия - ички ишлар органлари ва ҳарбий тузилмалари тегишли хизматларидан ташкил топган ижтимоий ҳимоя қилиш масалалари бўйича комиссия;

яшаш жойи - турар жой, квартира, хизмат турар жойи, ихтисослаштирилган уйлар (ётоқхона, пансионат, ёлғиз кексалар учун махсус уй, ногиронлиги бўлган шахслар, фахрийлар учун интернат уй ва бошқалар), шунингдек, пенсия учун мурожаат қилган жисмоний шахс ижарага олиш шартномаси (иккиламчи ижара), ижара шартномаси ёхуд қонунчилик ҳужжатларида назарда тутилган бошқа асослар бўйича мулкдор сифатида доимий яшайдиган (доимий рўйхатдан ўтган) бошқа турар жой, доимий яшаш жойи мавжуд бўлмаган (доимий рўйхатдан ўтмаган) тақдирда - вақтинча яшаш (вақтинча рўйхатдан ўтиш) жойи.

2-БОБ. ИЧКИ ИШЛАР ОРГАНЛАРИДА

ТИББИЙ-САНИТАРИЯ, ТИББИЙ-ИЖТИМОИЙ ЁРДАМ

ВА САНАТОРИЙ-КУРОРТ ТАЪМИНОТИ ТАРТИБИ

1-§. Тиббий-санитария, тиббий-ижтимоий ёрдам кўрсатиш

ва санаторий-курорт таъминотини ташкил этиш

3. Ички ишлар органларининг ходим ва ҳарбий хизматчиларига, пенсионерларига, уларнинг оила аъзоларига (ички ишлар органлари тизимида хизматда бўлган даврида никоҳда бўлган хотини (эри), никоҳ бекор қилинган ҳоллар бундан мустасно, ота-онаси, ўн саккиз ёшдан ошмаган фарзандлари, таълим муассасаларида таълимнинг кундузги шаклида таҳсил олаётган йигирма бир ёшгача (катта офицерларнинг фарзандлари йигирма уч ёшгача) бўлган фарзандлари, ёшидан қатъи назар болаликдан ногирон бўлган болалари) ҳамда ишчи ва хизматчиларига Вазирликнинг таълим муассасалари курсантлари ва тингловчиларига ички ишлар органларининг тиббиёт муассасалари, шунингдек, фаолиятини Ўзбекистон Республикаси Давлат бюджети маблағлари ҳисобидан амалга оширувчи бошқа даволаш-профилактика муассасалари томонидан бепул тиббий-санитария, тиббий-ижтимоий ёрдам кўрсатиш ва санаторий-курорт таъминотини ташкил этади.

4. Прокуратура органлари, адлия органлари, давлат божхона хизмати органлари, Миллий гвардия органлари, давлат фельдъегерлик хизмати ходимлари ва уларнинг оила аъзоларига, шунингдек, прокуратура органларининг пенсионерлари ҳамда давлат божхона хизмати органларининг пенсионерлари, Миллий гвардия органларининг собиқ ходимлардан бўлган пенсионерлар ва давлат фельдъегерлик хизмати пенсионерларига ва уларнинг оила аъзоларига Вазирликнинг даволаш-профилактика муассасаларида тиббий-санитария, тиббий-ижтимоий ёрдам кўрсатиш ҳамда санаторий-курорт таъминоти тартиби тегишли вазирлик ва идоралар томонидан Вазирлик билан биргаликда қонунчиликка мувофиқ белгиланади.

5. Тиббий-санитария, тиббий-ижтимоий ёрдам ва санаторий-курорт таъминотини ташкил этиш Вазирликнинг тиббиёт бошқармаси, Қорақалпоғистон Республикаси Ички ишлар вазирлиги, Тошкент шаҳар ва Тошкент вилояти ички ишлар бош бошқармалари, вилоятлар ички ишлар бошқармаларининг тиббиёт бўлимлари (кейинги ўринларда - ички ишлар органлари тиббиёт бошқарма ва бўлимлари) томонидан амалга оширилади.

6. Ички ишлар органлари тизимидаги даволаш-профилактика муассасаларига бириктирилган таркиб мазкур муассасаларда амбулатория, стационар шароитларда бепул тиббий текширувлардан ўтказилади, даволанади ва соғломлаштирилади, шунингдек, уларга тиббий кўрсатмалар бўйича турар жойларига бориб белгиланган тартибда тиббий ёрдам кўрсатилади.

Ички ишлар органлари ходим ва ҳарбий хизматчиларини даволаш-профилактика муассасаларига бириктириш тартиби ички ишлар вазири томонидан белгиланади.

Ички ишлар органлари тизимидаги даволаш-профилактика муассасалари хизматидан фойдаланиш ҳуқуқига эга бўлмаган шахсларга тиббий хизмат кўрсатиш учун бириктирилган таркиб манфаатларига зарар келтирилмайдиган шартларда пулли тиббий хизматлар кўрсатилиши мумкин. Пуллик тиббий хизматлар кўрсатиш тартиби Вазирлик томонидан Молия вазирлиги билан келишган ҳолда белгиланади.

7. Ички ишлар органлари ходим ва ҳарбий хизматчиларига яшаш ҳудудидаги ички ишлар органлари тизимидаги даволаш-профилактика муассасалари, Ўзбекистон Республикаси Соғлиқни сақлаш вазирлиги тизимидаги даволаш-профилактика муассасалари томонидан белгиланган тартибда тиббий ёрдам кўрсатилади.

Ички ишлар органлари ходим ва ҳарбий хизматчиларига бепул ортопедик стоматология ва ортодонтия ёрдами (қимматбаҳо металлар, керамик массалар ва махсус пластмассалар қўллаб тайёрланган протезлар бундан мустасно) ички ишлар органлари тизимидаги даволаш-профилактика муассасалари томонидан кўрсатилади.

8. Ички ишлар органлари тиббий хизмат кўрсатиш масалалари комиссияси томонидан Ички ишлар органлари ходим ва ҳарбий хизматчиларига ихтисослаштирилган тиббий ёрдамни ташкил этиш мақсадида улар Ўзбекистон Республикаси Соғлиқни сақлаш вазирлигининг ихтисослаштирилган тиббиёт ташкилотларига юборилади.

Ҳарбий хизматчиларга тиббий ёрдам кўрсатиш бўйича Ўзбекистон Республикаси Соғлиқни сақлаш вазирлигининг ихтисослаштирилган тиббиёт ташкилотларига сарфланган харажатлар Вазирлик томонидан қопланади.

9. Алоҳида ҳолларда ички ишлар органлари ходим ва ҳарбий хизматчиларининг тиббий кўрсатмалар бўйича тиббий ёрдам олиши учун уни Ўзбекистон Республикасидан ташқарига юбориш Ўзбекистон Республикаси Соғлиқни сақлаш вазирлигининг махсус комиссияси хулосаси асосида амалга оширилади. Бундай ҳолларда уларнинг тиббий ёрдам олиши учун харажатлар Вазирликнинг бюджетдан ташқари маблағлари ҳисобидан Ўзбекистон Республикаси ички ишлар вазирининг рухсати билан амалга оширилади.

10. Ички ишлар органлари ходим ва ҳарбий хизматчиларининг касаллиги, шикастланганлиги, ҳомиладорлиги, туққанлиги, оиланинг бетоб аъзосини парваришлаганлиги, протез қўйдирганлиги, санаторий-курортда даволанганлиги, шунингдек, соғлиғи ҳолатига кўра бошқа енгилроқ ишга ўтказиш учун ва карантин туфайли хизматга вақтинча яроқсиз деб топилганида, уларга вақтинчалик хизматдан озод қилиш варақаси ёки маълумотномаси берилади. Вақтинчалик хизматдан озод қилиш варақаси ёки маълумотномани бериш тартиби Вазирлик томонидан белгиланади.

Ички ишлар органлари ходим ва ҳарбий хизматчиларининг оила аъзолари ҳамда ишчи ва хизматчиларининг меҳнатга вақтинча лаёқатсизлик ҳолатида меҳнатга лаёқатсизлик варақасини бериш Ўзбекистон Республикаси Соғлиқни сақлаш вазирлиги томонидан белгиланган тартибда амалга оширилади.

2-§. Тиббий-санитария, тиббий-ижтимоий ёрдам кўрсатиш

ва санаторий-курорт таъминотини ташкил этиш тартиби

11. Ички ишлар органлари ходимлари ва контракт бўйича ҳарбий хизматчилари ҳар йили бир маротаба мажбурий диспансеризациядан ўтказилади.

Бир йилда икки маротаба ва чуқурлаштирилган профилактик тиббий кўрикдан ўтказиладиган хизматлар рўйхати Вазирлик томонидан белгиланади.

12. Вазирлик тизимида муддатли ҳарбий хизматни ўтаётган ҳарбий хизматчилар ҳамда курсант ва тингловчилар белгиланган тартибда тиббий кўрикдан ўтадилар.

13. Ички ишлар органлари ишчи ва хизматчилари тиббий кўрикдан турар жойи бўйича Ўзбекистон Республикаси Соғлиқни сақлаш вазирлиги тизимидаги ҳудудий тиббиёт муассасаларида белгиланган тартибда ўтадилар.

14. Профилактик тиббий кўрик натижасида хизматни давом эттиришга тўсқинлик қилувчи касалликлар аниқланган ходим ва ҳарбий хизматчилар рўйхати ички ишлар органлари тиббиёт бошқарма ва бўлимлари томонидан тегишли кадрлар хизматларига юборилади.

15. Ижтимоий аҳамиятга эга касалликлар билан касалланган бириктирилган таркиб ички ишлар органлари тиббиёт бошқарма ва бўлимлари мутахассислари назоратига олиниб, уларни даволаш ва соғломлаштириш ишлари Ўзбекистон Республикаси Соғлиқни сақлаш вазирлиги тизимидаги тиббиёт муассасаларида белгиланган тартибда амалга оширилади.

16. Диспансер назоратига олинган ички ишлар органлари ходим ва ҳарбий хизматчилари кузатувини олиб бориш, тиббий текширувлар ва кўриклар кўлами ҳамда даврийлиги, шунингдек, даволаш ва соғломлаштириш тадбирларини ўтказиш тартиби Вазирлик томонидан Соғлиқни сақлаш вазирлиги билан биргаликда белгиланади.

17. Ички ишлар органларининг ходим ва ҳарбий хизматчилари, пенсионерлари санаторий-курорт шароитида даволаниш учун йилига бир марта имтиёзли йўлланмалар билан таъминланади.

18. Ички ишлар органлари тизимидаги ва бошқа санаторий-курорт муассасаларига, шунингдек, хорижий давлатлардаги санаторий-курорт муассасаларига йўлланмалар бериш тартиби Вазирлик томонидан белгиланади.

19. Бюджетдан ташқари маблағлар ҳисобидан фаолият юритувчи ички ишлар органлари тизимидаги муассасаларда хизмат қилаётган ходим ва ҳарбий хизматчиларга санаторий-курорт муассасаларига йўлланмалар бериш ушбу муассасаларнинг ўз маблағлари ҳисобидан амалга оширилади.

20. Ички ишлар органлари тизимидаги санаторий-курорт муассасаларига бериладиган йўлланмалар қиймати белгиланган тартибда белгиланади.

21. Ички ишлар органларининг санаторий - курорт муассасаларига бериладиган йўлланмалар реализациясидан тушган маблағлар ички ишлар органлари тизимидаги даволаш-профилактика муассасаларининг моддий-техника базасини ва таъминотини мустаҳкамлашга ҳамда бошқа санаторий-курорт муассасаларига йўлланмаларни харид қилишга сарфланади.

22. Санаторий-курорт муассасаларига йўлланмалар қуйидаги тартибда берилади:

а) бепул:

ҳарбий-тиббий комиссияларнинг асосланган хулосасига кўра, мазкур Низомнинг 27-банди "а", "б", "в", "д" кичик бандларида назарда тутилган шахслар учун;

мазкур Низомнинг 27-банди "г", "з" ва "и" кичик бандларида назарда тутилган шахслар, шу жумладан, кўзи ожиз I гуруҳ ногиронлиги бўлган шахсни кузатиб борувчи шахс, ёлғиз кексалар учун;

б) санаторий-курорт муассасаларига бериладиган йўлланма қийматининг 25 фоизини тўлаш шарти билан мазкур Низом 27-бандининг "а", "б" ва "ж" кичик бандларида назарда тутилган шахсларга ҳамда уларнинг турмуш ўртоғига 50 фоизини (бироқ меҳнатга ҳақ тўлашнинг энг кам миқдоридан ошмаган ҳолда) тўлаш шарти билан;

в) санаторий-курорт муассасаларига бериладиган йўлланманинг қийматини тўлиқ тўлаш шарти билан мазкур Низом 27-бандининг "а", "б", "г", "ж", "з" ва "и" кичик бандларида назарда тутилган шахсларнинг бошқа оила аъзолари учун.

23. Ихтисослаштирилган санаторий муассасаларида даволаниш учун йўлланмалар Ўзбекистон Республикаси Соғлиқни сақлаш вазирлиги тизимидаги ҳудудий тиббиёт муассасалари томонидан берилади.

24. Вазирлик тизимида фаолият юритадиган ишчи ва хизматчиларни санаторий-курорт муассасаларида даволаш учун йўлланмалар билан таъминлаш Вазирликнинг Бирлашган касаба уюшмаси қўмитаси томонидан амалга оширилади.

25. Санаторий-курорт муассасаларида даволанишга муҳтож шахсларни танлаш, санаторий-курорт муассасаларига бериладиган йўлланмаларни тақсимлаш, тизимдаги санаторий-курорт муассасалари фаолиятини ташкил этиш тартиби Вазирлик томонидан белгиланади.

26. Тиббий-ижтимоий ёрдам кўрсатиш мақсадида ушбу ёрдамни олиш ҳуқуқига эга бўлган шахслар ички ишлар органлари тизимидаги даволаш-профилактика муассасаларига тиббий хизмат олиш учун бириктирилади.

27. Қуйидаги шахслар бириктириш рўйхатлари асосида ички ишлар органлари тизимидаги даволаш - профилактика муассасаларига тиббий хизмат олиш учун бириктирилади ва уларнинг алоҳида ҳисоби юритилади:

а) ички ишлар органлари ходимлари, шу жумладан, Вазирликнинг ҳаракатдаги кадрлар захирасида қолдирилиб, бошқа ташкилотларга юборилган ходимлар;

б) Вазирликнинг ҳарбий тузилмаларидаги контракт бўйича ҳарбий хизматчилар;

в) Вазирликнинг ҳарбий тузилмалари муддатли ҳарбий хизматчилари;

г) хизмат муддатидан қатъи назар, хизмат (ҳарбий хизмат) вазифасини бажаришда жароҳат олиш, контузия, ярадор бўлиш, касалланиш ҳамда хизмат даврида орттирилган касаллик оқибатида I ва II гуруҳ ногиронлиги бўлган шахслар;

д) курсант ва тингловчилар;

е) ишчи ва хизматчилар (бюджетдан ташқари маблағлар ҳисобига таъминланадиган ишчи ва хизматчилардан ташқари);

ж) ички ишлар органларида 20 йил ва ундан ортиқ хизмат қилган ёки 25 йил меҳнат стажига эга бўлиб, шундан 12,5 йил ички ишлар органларида хизмат (ҳарбий хизмат) қилган пенсионерлар (ишчи ва хизматчилари бундан мустасно);

з) ички ишлар органларининг терроризм ва жиноятчиликка қарши курашиш ҳамда жамоат хавфсизлигини таъминлаш чоғида ҳалок бўлган ходим ва ҳарбий хизматчиларининг вояга етмаган фарзандлари, болалигидан ногиронлиги бўлган фарзандлари, ота-онаси, турмуш ўртоғи, шунингдек, ушбу ҳолатлардан олган жароҳати туфайли ногирон бўлиб қолган ходим ва ҳарбий хизматчилар;

и) қонун ҳужжатларига мувофиқ ички ишлар органлари тизимидаги даволаш-профилактика муассасалари тиббий хизматидан фойдаланиш ҳуқуқи сақланиб қоладиган 1941-1945 йиллардаги уруш ва меҳнат фронти фахрийлари ҳамда уларга тенглаштирилган шахслар, Чернобил АЭС фалокати оқибатларини тугатиш бўйича зарарланган зонада хизмат вазифасини ўтаган шахслар ва ядро полигонларида ҳамда бошқа радиация-ядро объектларида ҳарбий хизматни ўтаган пенсия ёшидаги шахслар.

28. Мазкур Низом 27-бандининг "а", "б", "г", "ж", "з" ва "и" кичик бандларида кўрсатиб ўтилган шахсларнинг оила аъзолари тегишли даволаш-профилактика муассасалари томонидан бериладиган гувоҳномалар асосида ички ишлар органлари тизимидаги даволаш-профилактика муассасаларига тиббий хизмат кўрсатиш учун бириктирилади ва уларнинг алоҳида ҳисоби юритилади.

29. Ички ишлар органлари тизимидаги даволаш-профилактика муассасаларида стационар тиббий ёрдам 18 ёшдан бошлаб кўрсатилади.

30. Ички ишлар органларида хизмат мажбуриятини, яъни норматив-ҳуқуқий ҳужжатларга, шу жумладан, идоравий норматив-ҳуқуқий ҳужжатларга мувофиқ ички ишлар органлари таркибидаги бошқарув органлари, бўлинмалар, ходим ва ҳарбий хизматчиларга юкланган вазифалар, функциялар ва мажбуриятларни (кейинги ўринларда - хизмат мажбурияти) бажариш чоғида ҳалок бўлган, вафот этган ходим ва ҳарбий хизматчиларнинг оила аъзолари (Вазирликнинг ҳарбий тузилмалари муддатли ҳарбий хизматчиларининг оила аъзоларидан ташқари) ички ишлар органлари тизимидаги даволаш-профилактика муассасалари тиббий хизматидан фойдаланиш ҳуқуқини сақлаб қоладилар, шунингдек, уларнинг пенсия ёшидаги ёки ногирон ота-онаси тиббий хизмат кўрсатиш учун бириктирилади.

31. Мазкур Низом 27-бандининг "а", "б", "г", "ж", "з" ва "и" кичик бандларида кўрсатиб ўтилган шахсларнинг боқувчисини йўқотганлик бўйича пенсия расмийлаштирган оила аъзолари ички ишлар органлари тизимидаги даволаш-профилактика муассасалари тиббий хизматидан фойдаланиш ҳуқуқини сақлаб қолади.

32. Ички ишлар органлари тизимидаги даволаш-профилактика муассасалари хизматидан фойдаланиш ҳуқуқини сақлаб қолган шахсларнинг яшаш жойи ўзгарганда, улар шу ҳудуддаги тегишли ички ишлар органининг тиббиёт бошқарма ва бўлимларидаги махсус тиббий комиссиялар қарорлари асосида мазкур даволаш-профилактика муассасаларига тиббий хизматга бириктирилади.

33. Бириктириш рўйхатлари ва ички ишлар органларининг тегишли пенсия таъминоти бўлимлари йўлланмалари ҳамда пенсионерлик гувоҳномалари асосида тегишли ички ишлар органининг тиббиёт бошқарма ва бўлимлари томонидан тиббий хизмат кўрсатиш учун бириктирилган шахсларга ички ишлар органлари тизимидаги даволаш-профилактика муассасалари томонидан тиббий хизматдан фойдаланиш учун рухсатномалар берилади.

34. Ички ишлар органлари тизимидаги тезкор таъминот бошқарма ва бўлимларнинг ноошкора мақомга эга алоҳида тоифадаги ходимларига тиббий хизматлар белгиланган тартибда фаолиятини Ўзбекистон Республикасининг Давлат бюджети маблағлари ҳисобидан амалга оширувчи даволаш-профилактика муассасалари томонидан амалга оширилади.

35. Ички ишлар органлари ҳарбий тузилмаларининг муддатли ҳарбий хизматни ўтаётган ҳарбий хизматчилари ҳамда курсант ва тингловчиларига тиббий ёрдам кўрсатиш ички ишлар органларининг мазкур ҳарбий тузилмалари ва таълим муассасаларининг тиббиёт қисмлари, лазаретлари ва тиббий пунктларида амалга оширилади.

Ички ишлар органлари ҳарбий тузилмалари ва Вазирликнинг таълим муассасаларининг тиббиёт қисмлари, лазаретлари ва тиббий пунктларида тегишли мутахассислар ва тиббий текширувлар ўтказиш учун тиббий асбоб-ускуналар бўлмаган ҳолларда ички ишлар органлари тизимидаги даволаш-профилактика муассасалари томонидан тиббий ёрдам кўрсатилиши мумкин.

36. Ички ишлар органлари ҳарбий тузилмаларининг муддатли ҳарбий хизматчилари Ўзбекистон Республикаси Мудофаа вазирлиги тизимидаги даволаш-профилактика муассасаларида стационар шароитда бепул даволанади.

Ички ишлар органлари ҳарбий тузилмаларининг контракт бўйича ҳарбий хизматчилари Вазирлик тизимидаги даволаш-профилактика муассасаларида, ихтисослаштирилган йўналишдаги (руҳий ҳолати бузилган ва юқумли) касалликлар билан Ўзбекистон Республикаси Мудофаа вазирлиги тизимидаги даволаш-профилактика муассасаларида стационар шароитда бепул даволанади.

Бунда Ўзбекистон Республикаси Мудофаа вазирлигининг ҳарбий-даволаш муассасалари томонидан муддатли ҳарбий хизмат ҳарбий хизматчилари ва контракт бўйича ҳарбий хизматчиларга стационар шароитда тиббий хизматлар кўрсатишда Вазирлик овқатланиш, коммунал хизматлар, ҳаммом-кирхона хизмати, дори воситалари ва тиббиёт буюмлари учун қилинган харажатларни Мудофаа вазирлигига қоплаб беради.

37. Фаолиятини Ўзбекистон Республикаси Давлат бюджети маблағлари ҳисобидан амалга оширувчи даволаш-профилактика муассасаларида зарур тиббий хизмат турлари мавжуд бўлмаган ҳолларда пулли даволаш-профилактика муассасалари хизматидан фойдаланганлик харажатлари Вазирликнинг бюджетдан ташқари жамғармаси маблағлари ҳисобидан белгиланган тартибда Ўзбекистон Республикаси ички ишлар вазирининг рухсати билан амалга оширилиши мумкин.

38. Пулли даволаш-профилактика муассасалари хизматидан фойдаланганлик харажатларини қоплаш тартиби Вазирлик томонидан белгиланади.

3-§. Ички ишлар органлари тизимидаги

даволаш-профилактика муассасаларини дори воситалари

ва тиббий буюмлар билан таъминлаш тартиби

39. Ички ишлар органлари тизимидаги даволаш-профилактика муассасаларини зарур дори воситалари ва тиббий буюмлар билан таъминлаш тасдиқланган меъёрларга мувофиқ амалга оширилади.

40. Ички ишлар органлари тизимидаги даволаш-профилактика муассасаларида тиббий текширувлар ўтказиш, касалликларни даволаш ва олдини олиш учун сарфланадиган дори воситалари, тиббий буюмлар, вакциналар, тиббий материаллар билан бепул таъминлаш ушбу мақсадлар учун назарда тутилган Ўзбекистон Республикаси Давлат бюджети маблағлари доирасида амалга оширилади.

Ушбу мақсадлар учун харажатлар Вазирликнинг бюджетдан ташқари маблағлари ҳамда қонунчилик ҳужжатларида тақиқланмаган бошқа манбалар ҳисобидан ҳам қопланиши мумкин.

41. Ички ишлар органлари тизимидаги даволаш-профилактика муассасаларига бириктирилган таркиб амбулатория ва стационарда даволанишда дори воситалари ва тиббий буюмлар билан ўзлари даволанаётган даволаш-профилактика муассасалари орқали ёки рецепт асосида дорихоналар орқали белгиланган тартибда таъминланади.

42. Ички ишлар органлари тизимидаги даволаш-профилактика муассасаларига бириктирилган таркибга дори воситаларини тайинлаш, қабул қилиш, сақлаш ва қўллаш, шунингдек, дори воситаларини рецепт асосида бериш Ўзбекистон Республикаси Соғлиқни сақлаш вазирлиги томонидан белгиланган тартибда амалга оширилади.

43. Ички ишлар органлари тизимидаги даволаш-профилактика муассасаларига бириктирилган таркиб айрим юқумли касалликларга қарши режали ва эпидемиологик кўрсатмалар бўйича бепул эмланади. Режали ва эпидемиологик кўрсатмалар бўйича эмланиши лозим бўлган шахслар тоифалари Вазирлик томонидан белгиланади.

3-БОБ. ЎЗБЕКИСТОН РЕСПУБЛИКАСИ ИЧКИ ИШЛАР

ОРГАНЛАРИ ХОДИМ ВА ҲАРБИЙ ХИЗМАТЧИЛАРНИ

УЙ-ЖОЙ БИЛАН ТАЪМИНЛАШ ТАРТИБИ

1-§. Хизмат уй-жойлари фондини шакллантириш

ҳамда фойдаланиш тартиби

44. Ички ишлар органлари хизмат уй-жойлари фондини шакллантириш ҳамда ходим ва ҳарбий хизматчиларни хизмат уй-жойлари билан таъминлаш:

турар жойлар қуриш ва уларни реконструкция қилиш;

жисмоний ва юридик шахслар уй-жойлари ҳамда квартираларини қонунчилик ҳужжатларида белгиланган тартибда сотиб олиш ҳисобига амалга оширилади.

45. Вазирликнинг хизмат уй-жойлари фонди уй-жойлар ҳамда квартиралар қуриш ва уларни реконструкция қилиш белгиланган тартибда Ўзбекистон Республикасининг инвестиция дастурларини шакллантиришда Вазирликка ҳар йили назарда тутиладиган капитал маблағлар лимитлари, хизмат уйларини сотишдан тушадиган маблағлар ҳамда Вазирликнинг бюджетдан ташқари маблағлари, шунингдек қонунчилик ҳужжатларида тақиқланмаган бошқа манбалар ҳисобидан шакллантирилади.

Ички ишлар органларининг хизмат уй-жойлари фонди квартираларни харид қилиш, капитал ва жорий таъмирлаш ҳамда жиҳозлаш Вазирликнинг бюджет ва бюджетдан ташқари маблағлари ва қонунчилик ҳужжатларида тақиқланмаган бошқа манбалар ҳисобига молиялаштирилади.

2-§. Хизмат уй-жойларини ва турар жойга

ёки яшаш шароитларини яхшилашга муҳтож ходим

ва ҳарбий хизматчиларни ҳисобга олиш

46. Хизмат уй-жойларидан самарали фойдаланиш ҳамда ходим ва ҳарбий хизматчиларни уй-жой билан таъминлаш мақсадида Вазирлик уларнинг ҳисобини юритади.

47. Вазирлик хизмат уй-жойларини ички ишлар органларига бириктиради ва уларни ҳисобга олиш ҳамда фойдаланиш ҳолатини ҳар йили текширади.

48. Хизмат уй-жойларини ҳисобга олиш дафтари ва карточкаларининг шакллари Вазирлик томонидан белгиланади.

49. Уй-жойга ёки яшаш шароитларини яхшилашга муҳтож ходимларни ҳисобга олиш, шунингдек, хизмат уй-жойларини тақсимлаш учун:

Вазирликда марказий комиссия;

ҳудудий ички ишлар органларида ҳудудий комиссиялар ташкил этилади.

Марказий ва ҳудудий комиссиялар таркиби, уларнинг ҳуқуқлари ва вазифалари, уларнинг фаолият юритиши ва фаолиятини назорат қилиш тартиби Ўзбекистон Республикаси ички ишлар вазирининг буйруғи билан белгиланади.

50. Ҳарбий хизматчиларни хизмат уй-жойлари билан таъминлаш Ўзбекистон Республикаси Қуролли Кучларининг ҳарбий хизматчилари учун қонунчилик ҳужжатларида белгиланган тартибда амалга оширилади.

Ички ишлар органида меҳнат шартномаси асосида ишлаётган ишчи ва хизматчилар хизмат уй-жойи билан таъминланмайди.

51. Ходимларга хизмат уй-жойлари яшаш жойи бўйича қуйидаги ҳолатларда берилади:

а) ходим уй-жойни ижара шартномаси бўйича ижарага олувчи ёки уй-жойни ижарага олган шахс оиласининг аъзоси ёхуд шахсий уй-жой мулкдори ёки мулкдор оиласининг аъзоси бўлмаса;

б) ходим уй-жойни ижара шартномаси бўйича ижарага олган ёки уй-жойни ижарага олувчи шахс оиласининг аъзоси ёхуд шахсий турар жой мулкдори ёки мулкдор оиласининг аъзоси бўлса, аммо қайд этилган уй-жойга жамоат транспортидан фойдаланган ҳолда ҳар куни қайтиш имкониятига эга бўлмаса (уй-жойнинг ходим хизмат қиладиган жойдан камида 60 километр узоқлиги сабабли);

в) ходим оиланинг бир нафар аъзоси учун қонунчилик ҳужжатларида яшаш майдонининг белгиланган ижтимоий нормасидан кам бўлган умумий майдонга эга уй-жойда яшаса. Уй-жойнинг умумий майдонини ҳисоблашда ходимнинг қўшимча уй-жой майдонига бўлган ҳуқуқи ҳисобга олинади;

г) ходим бемор, айрим сурункали касалликлардан азият чекаётган аъзолари бўлган бошқа оилалар ҳам истиқомат қилаётган ва улар билан биргаликда яшаш имконияти бўлмаган квартираларда яшаса;

д) ходим қариндош бўлмаган икки ва ундан кўп оила истиқомат қиладиган, алоҳида ажратилмаган ёнма-ён хоналарда яшаса.

Профилактика инспектори лавозимига тайинланган ходимларга хизмат уй-жойлари бевосита улар хизматни ўтайдиган ҳудудда ёки хизматни ўташ жойига яқин бўлган ҳудудда берилади.

52. Уй-жойга ёки яшаш шароитларини яхшилашга муҳтож ходимлар тегишли равишда Марказий ёки ҳудудий комиссия раисига тақдим этилган ва қуйидаги ҳужжатлар илова қилинган билдирги (ариза)ларга мувофиқ ҳисобга олинади:

иш жойидан иш фаолияти ва оилавий таркиби тўғрисидаги маълумотнома;

уй-жойни ижарага олгани (ёллагани) ҳақида шартнома (мавжуд бўлса) нусхаси;

Марказий ёки ҳудудий комиссияларнинг масъул ходими томонидан электрон тизимлар орқали қуйидаги маълумотлар мустақил равишда олинади:

ходим ва унинг вояга етган оила аъзоларининг фуқаролик паспорти ёки идентификация ID-картаси, шунингдек, вояга етмаган оила аъзоларининг тўғилганлик тўғрисида гувоҳномалари нусхалари;

никоҳ тузилганлиги (мавжуд бўлса) тўғрисида гувоҳнома нусхаси;

ходим ва унинг турмуш ўртоғининг шахсий уй-жойи (ер участкси) йўқлиги ҳақида маълумотнома.

53. Билдиргилар (аризалар) рақамланадиган, тикиладиган ва тегишли ички ишлар органлари канцелярияларида муҳр билан муҳрланадиган рўйхатга олиш журналида (кейинги ўринларда - журнал) рўйхатга олинади.

Журналда ҳар бир билдиргига (аризага) рўйхат рақами қўйилади. Билдиргилар (аризалар) журналга кетма-кет, қачон олинганига қараб киритилиши зарур.

Билдиргини (аризани) олдиндан журналда рўйхатга олмасдан кўриб чиқиш тақиқланади. Марказий ва ҳудудий комиссиялар билдиргиларни (аризаларни) улар келиб тушгандан сўнг бир ой давомида журналда қайд этилган навбат бўйича кўриб чиқиши шарт.

54. Тегишли равишда Марказий ёки ҳудудий комиссиянинг ходимларнинг яшаш шароитларини яхшилашга муҳтожлиги ҳақидаги хулосаси уларни ҳисобга қўйиш учун асос ҳисобланади. Бундай хулоса комиссия аъзолари томонидан ходимнинг яшаш шароитлари ва у тақдим этган ҳужжатлар билан танишиб чиқиш натижаларига мувофиқ тузилади.

55. Уй-жойга ва уй-жой ёки яшаш шароитларини яхшилашга муҳтож ходимлар ҳисобини юритишда ходимлар ва уларнинг оила аъзолари яшаш майдонининг ижтимоий нормасини белгилаш учун уларга мазкур Низомга 1-иловага мувофиқ шаклда, хизмат уй-жойи билан таъминланиш ҳуқуқини тасдиқловчи ҳужжат ҳисобланган уй-жой аттестати ёзилади.

56. Ходимларнинг хизмат уй-жойини олиш ёки яшаш шароитларини яхшилаш навбати уй-жой аттестатлари асосида белгиланади. Уй-жой аттестати икки нусхада расмийлаштирилади:

бир нусхаси ходимга берилади;

иккинчи нусхаси ходимнинг шахсий ҳужжатлари йиғмажилдига тикилади.

57. Янги хизмат жойига келган ходимлар уй-жой аттестатини унга зарур маълумотларни киритиш ва сақлаш учун тегишли комиссияга топширади. Ходим янги хизмат жойига кетишида унга уй-жой аттестати имзо қўйдириб берилади.

58. Белгиланган тартибда янги хизмат жойига юборилган ва уй-жойга ёки яшаш шароитларини яхшилашга муҳтож бўлганлар ҳисобида турадиган ходимлар уй-жой аттестатларига мувофиқ янги хизмат жойида муҳтож бўлганлар рўйхатига киритилади.

59. Ходимлар уй-жойга ёки яшаш шароитларини яхшилашга муҳтож бўлганлар ҳисобидан қуйидаги ҳолатларда чиқарилади:

яшаш майдонининг қонунчилик ҳужжатларида белгиланган ижтимоий нормаларига мувофиқ хизмат уй-жойи билан таъминланганда;

имтиёзли шартларда турар жой сотиб олиш (қуриш) учун имтиёзли узоқ муддатли ипотека кредити ажратилганда;

ходим ёки унинг турмуш ўртоғи шахсий уй-жойга эгалик қилиш ҳуқуқига эга бўлганда;

ҳисобга турганидан сўнг хизмат жойида ёки янги хизмат жойига кетганда хизмат уй-жойи берилганда;

ички ишлар органларидан бўшаганда ёки пенсияга чиққанда;

ходим хизмат мажбуриятларини бажариш билан боғлиқ бўлмаган ҳолатда вафот этганда.

60. Уй-жойга ёки яшаш шароитларини яхшилашга муҳтож бўлганлар ҳисобида турган ходим хизмат мажбуриятларини бажаришда ҳалок бўлган ҳолатларда унинг оила аъзолари белгиланган нормалар бўйича уй-жой берилмагунгача ҳисобдан чиқарилиши мумкин эмас.

3-§. Хизмат уй-жойлари бериш тартиби

61. Хизматни ўташ даврида уй-жойга ёки яшаш шароитларини яхшилашга муҳтож ходимларга, шунингдек, уларнинг оила аъзоларига (эри (хотини), фарзандлари ёки қарамоғида бўлган шахсларга) қўшимча яшаш майдонига бўлган ҳуқуқ ҳисобга олиниб, ташкил этиладиган хизмат уй-жойлари фонди, шунингдек, ички ишлар органларига бириктирилган муниципал уй-жой фондидаги квартиралар ҳисобидан яшаш майдонининг белгиланган ижтимоий нормалари доирасида хизмат уй-жойлари берилади.

Ходим хизматни ўташ даврида қонунчилик ҳужжатларида белгиланган нормалар, навбат ва имтиёзлар ҳисобга олиниб, яшаш шароитларини яхшилаш ҳуқуқига эгадир.

62. Ички ишлар органларига бириктирилган хизмат уй-жойлари ходимлар ўртасида Марказий ва ҳудудий комиссиялар томонидан ходимларнинг ҳисобга қўйилган ҳамда уй-жойга ёки яшаш шароитларини яхшилашга муҳтож бўлганлар рўйхатига киритилган вақтидан келиб чиқиб, қонунчилик ҳужжатларида белгиланган норма ҳамда имтиёзлар инобатга олинган ҳолда тақсимланади.

63. Уй-жойга ёки яшаш шароитларини яхшилашга муҳтож бўлган, ички ишлар органларининг раҳбарлар таркибидаги лавозимга тайинланган ходимлар (Ўзбекистон Республикаси ички ишлар вазирининг биринчи ўринбосари ва ўринбосарлари, бош бошқармалар ва марказий аппарат бошқармалари бошлиқлари, Қорақалпоғистон Республикаси ички ишлар вазирининг биринчи ўринбосари ва ўринбосарлари, Тошкент шаҳар ва Тошкент вилояти ички ишлар бош бошқармалари, вилоятлар ички ишлар бошқармалари, туманлар ва шаҳарлар ички ишлар бошқармалари (бўлимлари) бошлиғининг биринчи ўринбосари ва ўринбосарлари, шунингдек, Вазирлик таркибий бўлинмаларининг бошлиғи ва бошлиқ ўринбосарлари) айрим оператив хизматлар ходимлари, хизматни бажариш билан боғлиқ равишда давлат мукофотлари билан тақдирланганлар хизмат уй-жойлари билан навбатсиз таъминланади.

64. Марказий ёки ҳудудий комиссиялар хизмат уй-жойини бериш тўғрисида қарор қабул қилганда уй-жойга ёки яшаш шароитларини яхшилашга муҳтож бўлганлар ҳисобида турган ходимлар айни пайтда ушбу Низомнинг 59-бандида қайд этилган ҳолатлар мавжуд бўлмаганда ҳам уй-жой бериш учун рўйхатга киритилади.

Марказий ёки ҳудудий комиссия ижобий қарор қабул қилгандан сўнг ушбу Низомга мувофиқ хизмат уй-жойлари бериладиган ходимлар билан хизмат уй-жойларини ижарага олиш шартномаси тузилади.

Хизмат уй-жойининг ижара шартномасида томонларнинг ҳуқуқлари, мажбуриятлари ва жавобгарлиги, хизмат уй-жойини бериш, сақлаш ҳамда бўшатиш тартиби белгиланади.

65. Хизмат уй-жойларида яшайдиган ходимлар хизмат кўрсатувчи ташкилотлар билан барча турдаги коммунал хизматлар юзасидан жисмоний шахслар учун белгиланган тарифлар бўйича шартномалар тузади.

66. Хизмат уй-жойининг ижара шартномасини бекор қилиш, ходимлар ва уларнинг оила аъзоларини хизмат уй-жойидан чиқариш қонунчилик ҳужжатларига мувофиқ амалга оширилади.

67. Хизмат уй-жойи бўлинмайди ва алмаштирилмайди, шунингдек, хусусийлаштирилмайди, ушбу Низомнинг 68-бандида назарда тутилган ҳолатлар бундан мустасно.

68. Хизмат уй-жойлари, ёпиқ шаҳарчалардаги хизмат квартиралари ва профилактика инспекторларига берилган хизмат квартираларидан ташқари, Марказий комиссия тақдимномаси бўйича Ўзбекистон Республикаси ички ишлар вазирининг қарорига асосан:

хизмат вақтида ижобий натижаларга эришган ва юксак профессионал ҳамда маънавий-ишчанлик фазилатларини намоён қилган, ички ишлар органларида жами йигирма календарь йил хизмат қилган ҳамда уй-жой билан таъминланмаган юқори малакали ходимларга ҳамда пенсия олиш ҳуқуқидаги резервга ва истеъфога бўшатилганларга - бепул;

биринчи навбатда, хизмат квартираларида яшовчи, шунингдек, уй-жой билан таъминланиш ва яшаш шароитларини яхшилашга эҳтиёжи бўлган ходимларга сотиш орқали шахсий мулк этиб берилиши мумкин.

Хизмат уй-жойлари, ёпиқ шаҳарчалардаги хизмат квартиралари ва профилактика инспекторларига берилган хизмат квартираларидан ташқари, Марказий комиссия тақдимномаси бўйича Ўзбекистон Республикаси ички ишлар вазирининг қарорига асосан хизмат мажбуриятларини бажаришда ҳалок бўлган ходимлар билан бирга яшаган оила аъзоларига (эри (хотини), фарзандлари ёки қарамоғида бўлган шахсларга) шахсий мулк этиб берилади.

Боқувчисини йўқотган ходимларнинг оила аъзолари (эри (хотини), фарзандлари ёки қарамоғида бўлган шахслар) уларга бошқа уй-жой берилмасдан яшаб турган хизмат уй-жойидан чиқарилиши мумкин эмас.

69. Ички ишлар органлари тизимида хизматни бошқа жойда ўташ учун юборилган ходимлар аввалги хизмат жойида яшаб турган хизмат уй-жойини тегишли давлат органига топширганидан сўнг янги хизмат жойида хизмат уй-жойи билан таъминланади.

70. Ходимлар Вазирликнинг ҳаракатдаги резервига олинганда уларга берилган хизмат уй-жойи сақлаб қолинади, хизматни давом эттириш учун уларга бошқа жойда хизмат уй-жойлари бериш ҳолатлари бундан мустасно.

71. Хизмат уй-жойи қуйидаги ҳолатларда бўшатилади:

ходимлар хизматдан бўшатилганда (пенсия олиш ҳуқуқисиз);

ходимлар ёки уларнинг турмуш ўртоғи (хотини, эри) шахсий уй сотиб олганда ёхуд яшаш шароитларини яхшилаганда;

имтиёзли шартларда турар жой сотиб олиш (қуриш) учун имтиёзли узоқ муддатли ипотека кредити ажратилганда (ушбу турар жойга кўчиб кирилган кундан);

ходимлар вафот этганда (хизмат фаолияти билан боғлиқ бўлмаган ҳолатда ва оила аъзолари бўлмаса).

72. Профилактика инспекторларига берилган хизмат уй-жойлари қуйидаги ҳолатларда қайтарилиши шарт:

профилактика инспектори лавозимидан озод этилганда;

бошқа ҳудудга ўтказилганда;

пенсияга чиққанда;

ходим вафот этганда.

73. Маҳаллий давлат ҳокимияти органлари ходимлар ва уларнинг оила аъзоларини Вазирликнинг буюртманомаларига мувофиқ хизмат уй-жойи билан таъминлашда:

ходимлар учун квартира сотиб олишда, шунингдек, уй-жой қуриш ва уни реконструкция қилишда ёрдам кўрсатади ҳамда сув, иссиқлик ва электр энергияси билан барқарор таъминлайди;

ходимлар учун сотиб олинган уй-жойнинг хизмат уй-жойларига киритилиши, шунингдек, Вазирликдан тегишли ҳужжатлар олинган кундан бошлаб уч кундан кечиктирмасдан хизмат уй-жойи учун белгиланган тартибда ордерлар берилишини таъминлайди.

74 Хизмат уй-жойидан белгиланган мақсаддан ташқари фойдаланиш ёки уни ижарага бериш тақиқланади.

75. Марказий ва ҳудудий комиссиялар бир йилда камида икки марта ходимларнинг хизмат уй-жойидан мақсадли фойдаланиши, шунингдек, ушбу Низомнинг 71 ва 72-бандларида қайд этилган ҳолатлар мавжуд бўлишини текширади.

4-§. Хизмат уй-жойлари учун ордерларни бериш,

тўхтатиб туриш ва сақлаш тартиби

76. Маҳаллий давлат ҳокимияти органи қабул қилган қарорга асосан ходимлар ёки уларнинг оила аъзоларига (боқувчисини йўқотганда) хизмат уй-жойи учун ордер (кейинги ўринларда - ордер) берилади ва ушбу ордер ижара шартномаси бўйича берилган хизмат уй-жойига кўчиб кириш учун асос ҳисобланади.

77. Ордер маҳаллий давлат ҳокимияти органининг қарорига мувофиқ яшаш майдонини ҳисобга олиш ва тақсимлаш бўлими ёки маҳаллий давлат ҳокимияти органининг махсус ваколатли мансабдор шахси томонидан берилади.

78. Ордер бериш маҳаллий давлат ҳокимияти органи томонидан қуйидаги ҳолатларда тўхтатиб турилиши мумкин:

оила таркиби хизмат уй-жойи бериш ҳақидаги қарорда қайд этилган таркибга мос келмаса;

ходим томонидан ҳужжатларда ишончсиз ва нотўғри маълумотлар тақдим этилса.

79. Ордер фақат бўш турган хизмат уй-жойи учун берилиши мумкин.

80. Ходим ордерни олишда ордерга киритиладиган оила аъзоларининг паспортлари (туғилганлик ҳақида гувоҳнома) ёки уларнинг ўрнини босадиган бошқа ҳужжатларни тақдим этиши шарт.

81. Ордер бевосита хизмат уй-жойи бериладиган ходимга ёки айрим ҳолатларда (касаллик, хизмат сафари) белгиланган тартибда тасдиқланган ишончнома бўйича бошқа шахсга ёхуд унинг оила аъзоларига (боқувчисини йўқотганда) берилади.

82. Ходим ва унинг оила аъзолари берилган хизмат уй-жойига кўчиб киргандан сўнг ва ордерни тегишли ички ишлар органларида рўйхатдан ўтказгач, ушбу ордер Марказий ёки ҳудудий комиссияга топширилиши ва қатъий ҳисобот бериладиган ҳужжат сифатида сақланиши керак.

5-§. Имтиёзли шартларда ипотека кредитлари асосида

турар жой сотиб олиш (қуриш) учун дастлабки

бадал ажратиш тартиби

83. Ички ишлар органларида беш йилдан ортиқ хизмат қилган, хизматда самарали натижаларга эришган ва уй-жой билан таъминланмаган ҳамда қонунчилик ҳужжатларига мувофиқ давлат ҳисобига турар жой билан таъминланиш ёки турар жой шароитларини яхшилаш ҳуқуқига эга бўлган ходимларга имтиёзли шартларда ипотека кредитлари асосида турар жой сотиб олиш (қуриш) учун дастлабки бадал ажратилади.

84. Ҳарбий хизматчиларга имтиёзли шартларда иполтека кредитлари асосида турар жой сотиб олиш (қуриш) учун дастлабки бадал ажратиш Ўзбекистон Республикаси Қуролли Кучларининг ҳарбий хизматчилари учун қонунчилик ҳужжатларида белгиланган тартибда амалга оширилади.

Ички ишлар органида меҳнат шартномаси асосида ишлаётган ишчи ва хизматчиларга турар жой сотиб олиш, қуриш ва реконструкция қилиш учун узоқ муддатли имтиёзли ипотека кредитлари қонунчиликда белгиланган тартибда берилади.

85. Ходимларга ипотека кредитлари асосида сотиб олинаётган уй-жой қийматининг 25 фоизи, бироқ базавий ҳисоблаш миқдорининг 400 бараваридан ошмайдиган дастлабки бадал пули Ўзбекистон Республикаси Давлат бюджети маблағлари ёки қонунчиликда тақиқланмаган бошқа манбалар ҳисобидан тўлаб берилади.

Бунда сотиб олинадиган турар жойнинг шартномадаги қиймати уй-жойнинг ҳисобланган қийматидан кам бўлган тақдирда, дастлабки бадал шартномада кўрсатилган қийматнинг 25 фоизи миқдорида ажратилади.

86. Дастлабки бадал миқдори сотиб олинаётган (қурилаётган) уй-жойнинг ҳисобланган қийматининг 25 фоизидан ортиқ бўлмаслиги керак.

Сотиб олинаётган (қурилаётган) турар жой учун дастлабки бадал миқдори лойиҳа-смета ҳужжатлари белгиланган тартибда давлат экспертизасидан ўтказилиши натижалари бўйича унинг қийматидан келиб чиқиб аниқланади.

87. Ходимларга ипотека кредити асосида турар жой сотиб олиш учун дастлабки бадал пули ажратиш масаласи Марказий ва худудий комиссиялар томонидан кўриб чиқилади.

88. Марказий комиссия ва ҳудудий комиссияларнинг таркиби ва ишини ташкил этиш тартиби Ўзбекистон Республикаси ички ишлар вазири томонидан белгиланади.

89. Ходим турар жой сотиб олиш (қуриш) учун дастлабки бадални олиш учун ҳудудий комиссияга қуйидаги ҳужжатларни тақдим этади:

дастлабки бадални олиш учун комиссия раиси номига билдирги;

ходим ва унинг оиласи таркиби тўғрисида ҳамда ходимнинг календарь бўйича ҳисоблаб чиқилган узоқ муддатли хизмати тўғрисида кадрлар хизмати томонидан берилган маълумотнома;

ходим хизмат олиб бораётган иш жойидаги раҳбарнинг мазкур ходимнинг хизмат фаолиятида юқори натижаларга эришганлиги ва амалдаги интизомий жазоси мавжуд эмаслиги тўғрисидаги тавсияномаси;

ходимнинг турар жой билан таъминланишга бўлган ҳуқуқини тасдиқлайдиган ҳужжат ҳисобланадиган уй-жой аттестати.

Ҳудудий комиссиянинг масъул ходими томонидан электрон тизимлар орқали қуйидаги маълумотлар мустақил равишда олинади:

никоҳ тузилганлиги (мавжуд бўлганда) ва болалар туғилганлиги (мавжуд бўлганда) тўғрисидаги гувоҳномаларнинг нусхалари;

ўзи ва турмуш ўртоғи номида доимий рўйхатда турувчи ҳудуди (вилоят) бўйича шахсий турар жой мавжуд ёки мавжуд эмаслиги ҳақидаги кадастр маълумотномаси;

Вазирликнинг "Манзил" тизимидан жисмоний шахснинг шахсий идентификация рақами (ЖШШИР);

ходимнинг пул таъминоти ва доимий иш жойидан (мавжуд бўлганда) берилган охирги 12 ойда ушлаб қолинган миқдорларда у билан бирга яшайдиган оила аъзоларининг иш ҳақи тўғрисидаги маълумотнома ёки яшаш жойи бўйича давлат солиқ хизмати органи томонидан тасдиқланган оила аъзоларининг ушбу даврдаги даромадлари (мавжуд бўлганда) тўғрисидаги декларацияларнинг нусхалари.

90. Ҳудудий комиссиялар ўн беш кун муддатда тақдим этилган ҳужжатларни ўрганади ва уларда кўрсатилган маълумотларнинг ишончлилигини текширади.

Ҳудудий комиссиялар томонидан ходим учун дастлабки бадални киритиш тўғрисида ижобий қарор қабул қилинган тақдирда, ушбу қарор зарур ҳужжатлар илова қилинган ҳолда икки кунлик муддатда Марказий комиссиянинг кўриб чиқиши учун юборилади.

Дастлабки бадални киритиш рад этилганлиги ҳақида қарор қабул қилинган тақдирда, ҳудудий комиссиялар қарор қабул қилинган кундан бошлаб уч кун муддатда рад этишнинг аниқ сабабларини кўрсатиб ёзма шаклда ходимни хабардор қилади.

Ходим турар жойга ёки турар жой шароитларини яхшилашга муҳтож деб эътироф этилганда унда дастлабки бадални олиш учун тегишли ҳужжатларни такроран киритиш ҳуқуқи сақланиб қолади.

91. Марказий комиссия томонидан ҳудудий комиссияларнинг қарори ва унга илова қилинган ҳужжатлар ўн кунлик муддатда кўриб чиқилади ва кўриб чиқиш натижалари бўйича икки нусхада баённома тузилади. Баённоманинг ҳар икки нусхаси Марказий комиссиянинг раиси томонидан тасдиқланади ва муҳр босилади.

Икки ҳафта муддатда Марказий комиссия баённомасининг бир нусхаси дастлабки бадал пул маблағлари ажратиш тўғрисидаги Ўзбекистон Республикаси ички ишлар вазирининг буйруғи лойиҳасини тайёрлаш учун Вазирликнинг уй-жой таъминот бўлимига юборилади.

Дастлабки бадални ажратиш рад этилиши тўғрисида қарор қабул қилинган тақдирда, ходим Марказий комиссиянинг қарори қабул қилинган кундан бошлаб бир кун муддатда рад этишнинг аниқ сабаблари кўрсатилган ҳолда ёзма шаклда хабардор қилинади.

6-§. Дастлабки бадални ва ипотека

кредитини ўтказиш ва қайтариш

92. Ўзбекистон Республикаси ички ишлар вазирининг дастлабки бадални ажратиш тўғрисидаги буйруғи асосида Вазирликнинг Молия ва моддий-техника таъминоти департаменти Молия-иқтисодиёт бошқармаси ходимга тилхат билан дастлабки бадални ажратиш тўғрисида кафолат хати беради.

Вазирликнинг Молия ва моддий-техника таъминоти департаменти Молия-иқтисодиёт бошқармаси томонидан дастлабки бадални киритиш пул маблағлари ходимнинг тижорат банкида очилган махсус депозит ҳисоб рақамига ўтказилиши йўли билан ходимга хизмат кўрсатувчи тижорат банки билан кредит шартномаси тузганидан кейин амалга оширилади.

93. Дастлабки бадални қайтариш ходим ва унинг оила аъзолари томонидан қуйидаги йўллар билан амалга оширилиши мумкин:

пул таъминоти ва унга тенглаштирилган тўловлар, пенсиялар ва бошқа даромадлар ҳисобига нақд бўлмаган шаклда пул ўтказиш;

нақд пул маблағлари тўлаш;

пластик карталардан ва ходимнинг тижорат банкларидаги омонатлари бўйича ҳисоб рақамларидан нақд бўлмаган шаклда пул маблағлари ўтказиш.

7-§. Ижтимоий кафолатлар

94. Ипотека кредити бўйича дастлабки бадал ажратилганда ходимларга ушбу турар жой қабул қилингунга қадар хизмат турар жойидан (мавжуд бўлганда) фойдаланиш ҳуқуқи, ёхуд тўлиқ 12 ойгача бўлган муддатда турар жой ижарага олинганлиги (ижарада турганлик) учун ҳар ойлик пул компенсацияси олиш ҳуқуқи сақланади.

95. Ходим терроризм, жиноятчиликка қарши курашиш ҳамда жамоат хавфсизлигини таъминлаш чоғида ҳалок бўлган ёки олган жароҳати туфайли ногирон бўлиб, меҳнат қобилиятини йўқотган тақдирда, унинг номига расмийлаштирилган ипотека кредитларининг тўланмай қолган қисми ва ҳисобланган фоизлари Ички ишлар вазирлигининг бюджетдан ташқари маблағлари ҳисобидан тўлиқ қоплаб берилади.

96. Ходимларга турар жойга эга бўлиш ёки яшаш шароитини яхшилаш учун беш йилдан ошмайдиган муддатга Вазирлик бюджетдан ташқари маблағлари ҳисобидан базавий ҳисоблаш миқдорининг минг бараваридан ошмайдиган миқдорда узоқ муддатли фоизсиз қарз қуйидаги мақсадларда берилади:

якка тартибда уй-жой қуриш ва реконструкция қилиш;

якка тартибдаги уй ёки кўп квартирали уйдан квартира сотиб олиш;

якка тартибда уй-жой қурилиши учун ер участкаларини электрон онлайн-аукцион воситасида сотиб олиш харажатларининг ўрнини қоплаш;

дастурлар доирасида арзон кўп квартирали уйлардан квартиралар сотиб олиш учун.

"Тайёр ҳолда топшириш" шартларида қурилаётган кўп квартирали уйларни сотиб олиш учун ички ишлар органлари ходим ва ҳарбий хизматчиларига Вазирлик бюджетдан ташқари маблағлари ҳисобидан базавий ҳисоблаш миқдорининг олти юз бараваридан кўп бўлмаган миқдорда беш йилдан ошмаган муддатга қонунчилик ҳужжатларида белгиланган тартибда фоизсиз қарз берилиши мумкин.

97. Ходим ва ҳарбий хизматчиларга турар жойга эга бўлиш ёки яшаш шароитини яхшилаш учун узоқ муддатли фоизсиз қарз бериш тартиби Ўзбекистон Республикаси ички ишлар вазирининг буйруғи билан белгиланади.

98. Ходим ва контракт бўйича ҳарбий хизматчилар Вазирлик ва унинг ҳудудий бўлинмаларининг фойдаланилмайдиган ер участкалари, бино ва объектларини инвестор ва тадбиркорлик субъектларига бериш ҳисобидан тузиладиган қурилиш шартномаларида белгиланган имтиёзли шартлар ва нархлар асосида сотиб олиш орқали ҳам уй-жой билан таъминланади.

Ички ишлар органлари ходимлари ва ҳарбий хизматчиларига ушбу Низом доирасида қурилган кўп квартирали уйларда сотилмаган квартираларнинг бир қисми қурилиш тўғрисидаги шартномада белгиланган нархлар бўйича имтиёзли шартларда сотиб олинади ва кейинчалик Вазирликнинг хизмат уй-жой фондига ўтказилади.

4-БОБ. ИЧКИ ИШЛАР ОРГАНЛАРИ ХОДИМ

ВА ҲАРБИЙ ХИЗМАТЧИЛАРИ ФАРЗАНДЛАРИНИНГ

ДАВЛАТ ОЛИЙ ТАЪЛИМ МУАССАСАЛАРИ ҲАМДА

ЎЗБЕКИСТОН РЕСПУБЛИКАСИ МУДОФАА ВАЗИРЛИГИ,

ИЧКИ ИШЛАР ВАЗИРЛИГИ, МИЛЛИЙ ГВАРДИЯ ВА ДАВЛАТ

БОЖХОНА ҚЎМИТАСИНИНГ ОЛИЙ ВА ЎРТА МАХСУС

ТАЪЛИМ МУАССАСАЛАРИГА ЎҚИШГА КИРИШИ

УЧУН ТАВСИЯНОМА (ТАҚДИМНОМА)

БЕРИШ ТАРТИБИ

1-§. Тавсиянома (тақдимнома) беришнинг

умумий шартлари

99. Ички ишлар органларининг ходимлари, терроризм ва жиноятчиликка қарши курашиш ҳамда жамоат хавфсизлигини таъминлаш чоғида ҳалок бўлган ёки олган жароҳати туфайли ногирон бўлиб қолган ходимларининг фарзандларига давлат олий таълим муассасаларининг бакалавриатига (иккинчи таълимдан ташқари) ҳамда Ўзбекистон Республикаси Мудофаа вазирлиги, Ички ишлар вазирлиги, Миллий гвардия ва Давлат божхона қўмитасининг олий (магистратура, иккинчи ва олий таълим муассасасидан кейинги таълимдан ташқари) ва ўрта махсус таълим муассасаларига ўқишга кириши учун тавсиянома (тақдимнома) берилади.

Ички ишлар органлари ходимларининг терроризм ва жиноятчиликка қарши курашиш ҳамда жамоат хавфсизлигини таъминлаш чоғида олган жароҳати туфайли ногиронлиги белгиланган тартибда расмийлаштирилгандан кейин васийликка олинган фарзандларига, шунингдек, ички ишлар органлари амалдаги ходимларининг васийликка олинган фарзандларига тавсиянома (тақдимнома) берилмайди.

100. Ҳарбий хизматчиларнинг фарзандлари олий таълим муассасаларига ўқишга кириши учун тавсияномалар Ўзбекистон Республикаси Қуролли Кучларининг ҳарбий хизматчилари учун қонунчилик ҳужжатларида белгиланган тартибда амалга оширилади.

Ҳарбий хизматчиларнинг фарзандлари ўрта махсус таълим муассасаларига ўқишга кириши учун тавсиянома (тақдимнома) ички ишлар органларининг ходимлари учун белгиланган тартибда берилади.

101. Давлат олий таълим муассасаларининг бакалавриатига (иккинчи таълимдан ташқари) ўқишга кириши учун тавсиянома Ўзбекистон Республикаси ички ишлар вазирининг ўринбосари - Маънавий-маърифий ишлар ва кадрлар билан таъминлаш департаменти бошлиғи (кейинги ўринларда - вазир ўринбосари) илтимосномасига асосан Ўзбекистон Республикаси ички ишлар вазири томонидан қуйидагиларга берилади:

ҳуқуқбузарликлар профилактикаси ва жиноятчиликка қарши курашда муносиб ҳисса қўшган, хизмат ёки илмий фаолиятда юқори натижаларга эришган ички ишлар органларининг амалдаги ходимлари фарзандларига мазкур Низомга 2-иловага мувофиқ;

терроризм ва жиноятчиликка қарши курашиш ҳамда жамоат хавфсизлигини таъминлаш чоғида ҳалок бўлган ёки олган жароҳати туфайли ногирон бўлиб қолган ходимларнинг фарзандларига мазкур Низомга 3-иловага мувофиқ.

102. Ўзбекистон Республикаси Мудофаа вазирлиги, Ички ишлар вазирлиги, Миллий гвардия ва Давлат божхона қўмитасининг олий (магистратура, иккинчи ва олий таълимдан кейинги таълимдан ташқари) ва ўрта махсус таълим муассасаларига ўқишга кириши учун тақдимнома вазир ўринбосарининг илтимосномасига асосан Ўзбекистон Республикаси ички ишлар вазири томонидан қуйидагиларга берилади:

ҳуқуқбузарликлар профилактикаси ва жиноятчиликка қарши курашда муносиб ҳисса қўшган, хизмат ёки илмий фаолиятда юқори натижаларга эришган ички ишлар органларининг амалдаги ходимлари фарзандларига, мазкур Низомга 4-иловага мувофиқ;

терроризм ва жиноятчиликка қарши курашиш ҳамда жамоат хавфсизлигини таъминлаш чоғида ҳалок бўлган ёки олган жароҳати туфайли ногирон бўлиб қолган ходимларнинг фарзандларига мазкур Низомга 5-иловага мувофиқ.

103. Ички ишлар органлари ходимларини терроризмга ва жиноятчиликка қарши курашиш ҳамда жамоат хавфсизлигини таъминлаш чоғида ҳалок бўлган ёки олган жароҳати туфайли ногирон бўлиб қолган деб топишнинг тартиби ва аниқ мезонлари Вазирлик ва Ўзбекистон Республикаси Тиббий ижтимоий хизматларни ривожлантириш агентлиги томонидан белгиланади.

104. Тавсиянома (тақдимнома) (кейинги ўринларда - тавсиянома) бланкалари Вазирлик томонидан Ўзбекистон Республикаси Давлат бюджети параметрларида ҳар йили Вазирлик учун назарда тутиладиган маблағлар ҳисобига "Давлат белгиси" давлат - ишлаб чиқариш бирлашмасида тайёрланади.

105. Тавсиянома, мазкур Низомга 6-иловага мувофиқ схема бўйича ходимларнинг фарзандларига бир давлат олий таълим муассасасининг бакалавриати (иккинчи таълимдан ташқари) ҳамда Ўзбекистон Республикаси Мудофаа вазирлиги, Ички ишлар вазирлиги, Миллий гвардия ва Давлат божхона қўмитасининг олий (магистратура, иккинчи ва олий таълимдан кейинги таълимдан ташқари) ва ўрта махсус таълим муассасасининг (кейинги ўринларда - таълим муассасаси) кундузги ёки сиртқи таълим шаклига бир марта кириш учун уч йилдан кўп бўлмаган муддатга берилади.

Терроризм ва жиноятчиликка қарши курашиш ҳамда жамоат хавфсизлигини таъминлаш чоғида ҳалок бўлган ёки олган жароҳати туфайли ногирон бўлиб қолган ходимларнинг ҳамда ҳуқуқбузарликлар профилактикаси ва жиноятчиликка қарши курашда муносиб ҳисса қўшган, хизмат ёки илмий фаолиятда юқори натижаларга эришган ички ишлар органлари амалдаги ходимларининг ҳарбий ўрта махсус таълим муассасаларига ўқишга кириш учун тавсиянома берилган фарзандларига кейинчалик давлат ва ҳарбий олий таълим муассасаларига ўқишга кириш учун ҳам тавсиянома берилиши мумкин.

106. Тавсияномага асосан ўқишга қабул қилинган талаба (курсант) ўқишдан четлаштирилган тақдирда (шу жумладан, ўз хоҳиши билан ўқишдан кетганда), уларга тавсиянома қайтадан берилмайди.

2-§. Тавсиянома бериш тартиби

107. Тавсиянома бериш масаласини кўриб чиқиш учун вазир ўринбосари раислигида комиссия тузилади.

Камида беш нафар раҳбар ходимлар ва ваколатли мутахассислардан иборат бўлган комиссия Ўзбекистон Республикаси ички ишлар вазирининг буйруғи билан тасдиқланади.

108. Ҳар йили март ойида комиссия томонидан қуйидагилар кўриб чиқилади:

ходимлар фарзандларига таълим муассасаларига ўқишга кириши учун тавсиянома бериш тўғрисида Вазирликнинг таркибий ва ҳудудий бўлинмалари (кейинги ўринларда -таркибий ва ҳудудий бўлинмалар) бошлиқларининг тавсиялари;

терроризм ва жиноятчиликка қарши курашиш ҳамда жамоат хавфсизлигини таъминлаш чоғида ҳалок бўлган ёки олган жароҳати туфайли ногирон бўлиб қолган ходимларнинг фарзандлари рўйхатлари.

109. Таркибий ва ҳудудий бўлинмалар бошлиқлари комиссияга кўриб чиқиш учун қуйидаги ҳужжатларни тақдим этади:

а) амалдаги ходимлар бўйича:

таркибий ва ҳудудий бўлинма бошлиғининг тавсияси;

маълумотнома-объективка;

автобиографик маълумотлар;

хизмат фаолияти натижалари бўйича батафсил ҳисобот;

ходим фарзандининг туғилганлик ҳақидаги гувоҳномаси ва паспорти ёки идентификация ID-картаси;

маълумоти тўғрисидаги ҳужжатлар нусхаси;

б) терроризм ва жиноятчиликка қарши курашиш ҳамда жамоат хавфсизлигини таъминлаш чоғида ҳалок бўлган ёки олган жароҳати туфайли ногирон бўлиб қолган ходимлар бўйича:

ходим фарзандининг туғилганлик ҳақидаги гувоҳномаси ва паспорти ёки идентификация ID-картаси;

ходим фарзандининг маълумоти тўғрисидаги ҳужжатлар нусхаси.

Мазкур бандда назарда тутилмаган ҳужжатларни тақдим этишни талаб қилиш тақиқланади.

110. Ҳужжатлар комиссияга кўриб чиқиш учун ҳар йили 15 мартгача тақдим этилади.

111. Комиссия таркибий ва ҳудудий бўлинмалар тақдим этган ҳужжатларни ҳар йили 1 апрелгача кўриб чиқади.

Вазир ўринбосари ҳуқуқбузарликлар профилактикаси ва жиноятчиликка қарши курашда муносиб ҳисса қўшган, хизмат ёки илмий фаолиятда юқори натижаларга эришган ходимларга, улар хизмат қилаётган ички ишлар органидан қатъи назар, тавсиянома бериш учун илтимоснома киритиш ҳуқуқига эга.

Комиссия йиғилиши якунлари бўйича баённома тузилади, у комиссия раисининг имзоси ҳамда Вазирликнинг гербли муҳри билан тасдиқланади.

112. Тавсиянома олганларнинг рўйхати Ўзбекистон Республикаси ички ишлар вазирининг буйруғи билан тасдиқланади.

Ўзбекистон Республикаси ички ишлар вазирининг тавсиянома бериш тўғрисидаги буйруғи тасдиқлангандан сўнг ички ишлар органлари ходимлари терроризмга ва жиноятчиликка қарши курашиш ҳамда жамоат хавфсизлигини таъминлаш чоғида ҳалок бўлган ёки олган жароҳати туфайли ногирон бўлиб қолган тақдирда, уларнинг фарзандларига жорий қабул йилининг 1 июлига қадар тавсиянома берилиши мумкин.

113. Комиссия ҳужжатларни ўрганиш мобайнида ходимнинг ҳалок бўлганлиги ёки олган тан жароҳати туфайли ногирон бўлиб қолганлиги терроризм ва жиноятчиликка қарши курашиш, жамоат хавфсизлигини таъминлаш билан боғлиқ бўлмаган деб топилган ҳамда ҳуқуқбузарликлар профилактикаси ва жиноятчиликка қарши курашда муносиб ҳисса қўшган, хизмат ёки илмий фаолиятда юқори натижаларга эришган деб топилмаган тақдирда, тавсиянома беришни рад этади.

114. Таълим муассасаларига ўқишга кириш учун берилган тавсияномаларнинг ягона ҳисоби Вазирликнинг Маънавий-маърифий ишлар ва кадрлар билан таъминлаш департаменти томонидан юритилади.

115. Вазирлик Ўзбекистон Республикаси таълим муассасаларига ўқишга қабул қилиш бўйича Давлат комиссиясига мазкур Низомда назарда тутилган тартибда таълим муассасаларига ўқишга кириш учун тавсияномалар берилган ходимларнинг фарзандлари рўйхатини ҳар йили 1 майгача мазкур Низомга 7-иловага мувофиқ шаклда юборади.

5-БОБ. ИЧКИ ИШЛАР ОРГАНЛАРИ ХОДИМ

ВА ҲАРБИЙ ХИЗМАТЧИЛАРИ ЁКИ УЛАРНИ ЯҚИН

ҚАРИНДОШЛАРИНИНГ МОЛ-МУЛКИГА ХИЗМАТ

МАЖБУРИЯТЛАРИНИ БАЖАРИШИ БИЛАН БОҒЛИҚ

ҲОЛДА ЕТКАЗИЛГАН ЗАРАРНИНГ ЎРНИНИ

ҚОПЛАШ ТАРТИБИ

1-§. Зарарни қоплаш масаласини

кўриб чиқиш тартиби

116. Ходим ва ҳарбий хизматчилар ёки уларнинг яқин қариндошларининг мол-мулкига етказилган зарарнинг ўрни ходим ва ҳарбий хизматчиларнинг хизмат мажбуриятларини бажариш вақтида етказилган тақдирдагина қопланади.

Ходим ва ҳарбий хизматчиларнинг яқин қариндошлари деганда қариндош ёки қуда томондан қариндош бўлган шахслар, яъни ота-она, туғишган ёки ўгай ака-ука ва опа-сингиллар, эр-хотин, фарзандлар, шу жумладан, фарзандликка олинганлар, бобо, буви, неваралар, шунингдек, эр-хотиннинг ота-онаси, туғишган ёки ўгай ака-ука ва опа-сингиллари тушунилади.

117. Ходим ва ҳарбий хизматчилар ёки уларнинг яқин қариндошларининг мол-мулкига ходим ва ҳарбий хизматчиларнинг хизмат мажбуриятларини бажариши билан боғлиқ ҳолда етказилган зарарнинг ўрнини қоплаш масаласи ҳудудий ички ишлар органлари ва ҳарбий тузилмаларда ҳудудий комиссиялар, Вазирлик марказий аппаратида Марказий комиссия томонидан кўриб чиқилади.

118. Зарар ўрнини қоплаш бўйича тегишли ҳужжатларни йиғиш ва расмийлаштириш комиссия котиби томонидан амалга оширилади.

119. Мол-мулкига етказилган зарарнинг ўрнини қоплаш учун ходим ва ҳарбий хизматчи ёки унинг яқин қариндоши ички ишлар органи раҳбарига билдирги (ариза) билан мурожаат қилади.

120. Мол-мулкка етказилган зарарнинг ўрнини қоплаш масаласини ҳал қилиш учун комиссия котиби томонидан комиссияга:

а) мол-мулкига зарар етказилган ходим ва ҳарбий хизматчининг зарар ўрнини қоплаш ҳақидаги билдиргиси ёки яқин қариндошининг аризаси;

б) зарар етказилган ҳолатлар бўйича текширув хулосаси;

в) зарар миқдорини тасдиқловчи ҳужжатлар тақдим этилади.

121. Комиссия котиби томонидан билдирги (ариза) уч кун муддатда комиссияга тақдим этилади.

122. Ҳужжатлар тақдим этилган кундан бошлаб ўн беш кун муддатда комиссия томонидан кўриб чиқилади.

123. Тушган ҳужжатларни кўриб чиқиш натижаси бўйича зарар қопланиши ёки рад этилиши тўғрисида комиссиянинг қарори қабул қилинади ва ички ишлар органлари раҳбари томонидан тасдиқланган баённома билан расмийлаштирилади.

124. Комиссия қарори уч кун муддатда манфаатдор шахсларга етказилади.

125. Комиссия раиси ва аъзолари зарарни қоплаш тўғрисида комиссия қарорининг қонунийлиги ва унинг тўғри қабул қилинганлигига масъул ҳисобланади.

2-§. Зарарни қоплаш тартиби

126. Етказилган зарарнинг ҳақиқий суммасини аниқлаш ички ишлар органи томонидан баҳолаш ташкилотини жалб қилган ҳолда мол-мулкига зарар етказилган шахснинг иштирокида амалга оширилади. Етказилган зарар суммаси зарарни қоплаш вақтида амал қилаётган бозор нархларидан келиб чиққан ҳолда аниқланади.

127. Ҳисоб-китоблар нақд ёки пул ўтказиш йўли билан амалга оширилиши мумкин. Зарар натура шаклида, тенг мулкни бериш, шикастланганини таъмирлаш ёки бошқа кўринишларда қопланиши мумкин.

Тўловлар ички ишлар органларининг молия хизматлари томонидан амалга оширилади.

128. Етказилган зарар ўрнини қоплаш бўйича тегишли қарор қабул қилингандан сўнг ички ишлар органлари томонидан ўн кун муддатда манфаатдор шахсларга етказилган зарар қоплаб берилиши лозим.

129. Зарарни қоплаш билан боғлиқ харажатлар Ўзбекистон Республикаси Давлат бюджети маблағлари ҳисобидан амалга оширилади, ушбу сумма кейинчалик айбдор шахслардан ундириб олинади.

3-§. Зарарни айбдор шахслардан

ундириш тартиби

130. Зарарни қоплаган ички ишлар органлари ва ҳарбий тузилмалари айбдор юридик ёки жисмоний шахслардан ушбу суммаларни қонунчиликда белгиланган тартибда ундириш чораларини кўради.

131. Ички ишлар органлари молия хизматлари томонидан зарар қопланганлигини тасдиқловчи ҳужжатлар (тўлов топшириқномаси, чиқим касса ордерлари, тўлов ведомостлари, ҳисоб-фактура ва бошқалар) нусхалари икки кун муддатда ички ишлар органларининг юридик хизматига, юридик хизмат томонидан айбдор шахсларга нисбатан белгиланган тартибда даъво киритиш учун ўн кун муддатда юборилади.

132. Айбдор шахслар мавжуд бўлганда ички ишлар органининг юридик хизматлари:

айбланувчиларга даъво ва қарши даъволар киритиш учун қонунчиликда белгиланган тартибда зарур ҳужжатларни расмийлаштиради;

судларда вакилликни таъминлайди;

ундиришга қаратилган, лекин ундирилмай қолган (айбдор шахс вафот этганда, биринчи гуруҳ ногиронлик рўйхатига киритилган ҳолларда) маблағларни ҳисобдан чиқариш учун суд қарорлари ёки бошқа тегишли ҳужжатларни молия хизматига тақдим этади.

133. Ички ишлар органи ходими ва ҳарбий хизматчилари ёки уларнинг яқин қариндошларининг мол-мулкига хизмат мажбуриятларини бажариши билан боғлиқ ҳолда етказилган зарарнинг ўрнини қоплаш мазкур Низомга 8-иловада келтирилган схемага мувофиқ амалга оширилади.

6-БОБ. ИЧКИ ИШЛАР ОРГАНЛАРИ ХОДИМИ

ВА ҲАРБИЙ ХИЗМАТЧИЛАРИГА ШАҲАР ЙЎЛОВЧИ

ТАШИШ ТРАНСПОРТИДАН ВА ШАХСИЙ ТРАНСПОРТДАН

ХИЗМАТ САФАРЛАРИДА ФОЙДАЛАНИШ БИЛАН

БОҒЛИҚ ХАРАЖАТЛАРНИ ҚОПЛАШ ТАРТИБИ

1-§. Шаҳар йўловчи ташиш транспортидан

ва шахсий транспортдан хизмат сафарларида

фойдаланишнинг умумий шартлари

134. Мазкур боб ички ишлар органлари ходимларига шаҳар йўловчи ташиш транспортидан (йўналишли ва йўналишсиз таксилардан ташқари) ва шахсий транспортдан фойдаланиш билан боғлиқ харажатларни қоплаш тартибини белгилайди.

Ҳарбий хизматчиларга шаҳар йўловчи ташиш транспортларидан фойдаланиш Ўзбекистон Республикаси Қуролли Кучларининг ҳарбий хизматчилари учун қонунчилик ҳужжатларида белгиланган тартибда амалга оширилади.

135. Ходимлар асосий хизмати жойлашган жойдан бошқа жойда тўғридан-тўғри хизмат вазифаларини бажаришга ёки раҳбарият кўрсатмалари асосида тадбирларга жалб этилганда, алоҳида қўйилган вазифаларни бажариш учун транспорт воситасидан фойдаланиш заруратининг юзага келиши меҳнатнинг қатнов хусусияти дейилади.

Ходимларнинг мунтазам хизмат сафарларида юриш зарурияти билан боғлиқ бўлган ҳолларда, хизмат сафари гувоҳномаси асосида жалб этилган ҳолатлардан ташқари, шахсий транспортдан фойдаланиш деганда шахсий транспортдан хизмат сафарларида фойдаланиш тушунилади.

136. Ходимларга шаҳар йўловчи ташиш транспортидан ва шахсий транспортдан хизмат сафарларида фойдаланиш билан боғлиқ харажатлар:

йўл харажатлари учун ойлик йўл чипталарини бериш ёки пуллик компенсацияни тўлаш;

шахсий транспортдан хизмат мақсадларида фойдаланганлик учун пуллик компенсацияни тўлаш йўли билан амалга оширилади.

2-§. Йўл харажатлари учун ойлик йўл чипталарини

бериш ёки пуллик компенсацияни тўлаш

137. Меҳнатнинг қатнов хусусияти билан боғлиқ бўлган хизмат мажбуриятларини бажарувчи ходимларга шаҳар йўловчи ташиш транспортидан (йўналишли ва йўналишсиз таксилардан ташқари) фойдаланиш учун ойлик йўл чипталари берилади ёки пул компенсацияси тўланади.

138. Ходимларга (мазкур Низомнинг 145-бандида кўрсатилганлардан ташқари) ойлик йўл чипталари берилиши ёки пуллик компенсация тўланиши номенклатура бўйича тааллуқли ички ишлар органи раҳбарининг буйруғи асосида амалга оширилади.

139. Буйруқ лойиҳаси ойлик йўл чипталари берилиши ёки пуллик компенсация тўланиши лозим бўлган ходимларнинг ички ишлар органлари соҳавий хизматлари томонидан ҳар ойда тайёрланади.

140. Буйруқда ойлик йўл чипталари бериладиган ёки пуллик компенсация тўланадиган ходимларнинг эгаллаган лавозими, махсус унвони, фамилияси, исми, отасининг исми, шунингдек, ходим хизматни ўтаётган бош бошқарма, бошқарма, бўлим, бўлинмалар номи кўрсатилади.

141. Ходимга ойлик йўл чипталарини бериш ёки пуллик компенсацияни тўлаш ҳақидаги буйруқ ходимнинг фаолияти ҳақиқатда меҳнатнинг қатнов хусусияти билан боғлиқлигини тасдиқловчи манфаатдор хизматлар раҳбарининг тақдимномаси асосида чиқарилади.

142. Ходимларнинг рўйхати кейинги ой учун ойлик йўл чипталари берилиши лозим бўлганда жорий ойда, жорий ой учун пул компенсацияси тўланиши лозим бўлганда кейинги ойда тузилади.

Ушбу рўйхатга шахсий транспортга эга бўлган ходимлар киритилмайди.

143. Ойлик йўл чипталари ходимларга буйруқ билан тасдиқланган рўйхат асосида тузилган қайдномага мувофиқ, уларнинг хизматни ўташ жойи бўйича молия хизматлари томонидан берилади.

144. Ўзбекистон Республикасида белгиланган базавий ҳисоблаш миқдорининг бир баробари миқдорида пуллик компенсация:

тезкор-қидирув фаолиятини, жиноят ишлари бўйича суриштирув ҳамда дастлабки терговни ўтказишни, жамоат тартибини сақлаш, фуқаролар хавфсизлигини, ҳуқуқбузарликлар профилактикасини, жиноятчиликка қарши курашишни бевосита таъминлашни, давлат, ўта муҳим, тоифаланган ва бошқа объектларни қўриқлашни амалга оширувчи, меҳнати мунтазам қатнов хусусиятига эга бўлган, аҳоли пунктларидан узоқда (тоғли, чўл), шаҳар йўловчи ташиш транспорти мавжуд бўлмаган ва ойлик йўл чипталари амал қилмайдиган жойлардаги ички ишлар органларида хизматни ўтаётган ходимларга;

ички ишлар органи раҳбарининг кўрсатмасига мувофиқ ходимлар ички ишлар органлари фаолияти билан боғлиқ тадбирларга жалб этилган даврда тўланади.

145. Ўзбекистон Республикасида белгиланган базавий ҳисоблаш миқдорининг бир ярим баробари миқдорида пуллик компенсация туман ва шаҳар ички ишлар органларининг профилактика (катта) инспекторларига тўланади, хизмат транспорти бириктирилган шахслар бундан мустасно.

146. Ўтган ой учун пуллик компенсация ходимнинг хизматни ўташ жойи бўйича молия хизматлари томонидан жорий ой тарқатиш қайдномалари орқали тўланади.

147. Пуллик компенсация ходимларга, улар:

хизмат сафарида бўлган;

меҳнат таътилида бўлган;

ҳомиладорлик ва туғиш, шунингдек, болаларни парваришлаш таътилида бўлган;

даволаниш ёки касаллик таътилида (вақтинчалик меҳнатга лаёқатсизлиги) бўлган;

малака ошириш, тайёрлаш ва қайта тайёрлаш ўқув курслари ва йиғинларида бўлган;

ички ишлар органларидаги узлуксиз ўқув-карьера жараёни (бакалавр, магистратура) таълимида бўлган;

узрли сабабсиз хизматда бўлмаган;

ҳибсда (шу жумладан, маъмурий қамоқда, уй қамоғида, вақтинчалик қамоқда сақланиши, қамоққа олиниши) бўлган;

ички ишлар органлари ихтиёрида бўлган вақтлари учун тўланмайди.

148. Ойлик йўл чипталари берилган ёки пуллик компенсация тўланган ходимларга, мазкур бобнинг 3-параграфида назарда тутилган шахсий транспортдан хизмат сафарларида фойдаланганлик учун пуллик компенсация тўланмайди.

149. Ходимларга пуллик компенсация тўланиши ёки ойлик чипталар берилиши мазкур Низомга 9а, 9б, 9в-иловаларга мувофиқ амалга оширилади.

3-§. Шахсий транспортдан хизмат сафарларида

фойдаланганлик учун пуллик компенсацияни тўлаш

150. Шахсий транспортдан хизмат сафарларида фойдаланадиган ходимларга Ўзбекистон Республикасида белгиланган базавий ҳисоблаш миқдорида пуллик компенсация тўланади, мазкур Низомнинг 145-бандида кўрсатилганлар бундан мустасно.

151. Хизмат сафарларида шахсий транспортдан фойдаланган ходимларга пуллик компенсация тўланишига номенклатура бўйича ички ишлар органи раҳбарининг буйруғи асос бўлади.

152. Буйруқ лойиҳаси пуллик компенсация тўланиши лозим бўлган ходимларнинг ички ишлар органлари манфаатдор хизматлари томонидан тайёрланади.

153. Буйруқда пуллик компенсация тўланиши лозим бўлган ходимларнинг эгаллаган лавозими, махсус унвони, фамилияси, исми, отасининг исми, шунингдек, бош бошқарма, бошқарма, бўлим, бўлинмалар номи кўрсатилади.

154. Ходимга пуллик компенсацияни тўлаш ҳақидаги буйруқ ходимнинг фаолияти ҳақиқатда мунтазам хизмат сафарларида юриш зарурияти билан боғлиқ бўлганлигини, ушбу мақсадлар учун шахсий транспортдан фойдаланганлиги кўрсатилган ва бевосита бош бошқарма, бошқарма, бўлим, бўлинма раҳбарининг имзоси билан тасдиқланган билдиргиси асосида чиқарилади.

Шунингдек, мазкур билдиргига хўжалик хизмати раҳбарининг ушбу ходимга хизмат транспорти бириктирилмаганлигини тасдиқловчи имзоси қўйилади.

155. Билдиргига шахсий транспортни бошқариш ҳуқуқини тасдиқловчи ҳужжатлар (ҳайдовчилик гувоҳномаси ва талон, транспорт воситаси рўйхатдан ўтказилганлиги тўғрисидаги гувоҳнома, биргаликдаги мулк ёки ушбу транспорт воситасини тасарруф этиш, унга эгалик қилиш ва ундан фойдаланиш ҳуқуқини тасдиқловчи ҳужжатлар) нусхалари илова қилинади.

156. Жорий ой учун пуллик компенсация ходимнинг хизматни ўташ жойи бўйича молия хизматлари томонидан кейинги ойда тарқатиш қайдномаси орқали тўланади.

157. Пуллик компенсация ходимларга, улар:

таътилда бўлган;

даволаниш ёки касаллик таътилида (вақтинчалик меҳнатга лаёқатсизлиги) бўлган;

шунингдек, хизмат сафарлари даврида бошқа сабаблар бўйича шахсий транспортдан фойдаланганда тўланмайди.

158. Шахсий транспортдан хизмат сафарларида фойдаланган ва бунинг учун пуллик компенсацияни олган ходимларга мазкур бобнинг 2-параграфида назарда тутилган йўл харажатлари учун ойлик йўл чипталари берилмайди ёки пуллик компенсация тўланмайди.

159. Шахсий транспортдан хизмат сафарларида фойдаланган ходимларга пуллик компенсация тўланиши мазкур Низомга 10-иловага мувофиқ амалга оширилади.

7-БОБ. ИЧКИ ИШЛАР ОРГАНЛАРИДА ХИЗМАТ

МАЖБУРИЯТЛАРИНИ БАЖАРИШ ЧОҒИДА ТАН

ЖАРОҲАТИ ОЛГАН (ЕТКАЗИЛГАН) ХОДИМ ВА ҲАРБИЙ

ХИЗМАТЧИЛАР, КУРСАНТ ВА ТИНГЛОВЧИЛАРГА ЁКИ

ҲАЛОК БЎЛГАН (ВАФОТ ЭТГАН) ХОДИМ ВА ҲАРБИЙ

ХИЗМАТЧИЛАР, КУРСАНТ ВА ТИНГЛОВЧИЛАРНИНГ

ОИЛА АЪЗОЛАРИГА БИР МАРТАЛИК НАФАҚА

ТАЙИНЛАШ ТАРТИБИ

1-§. Бир марталик нафақа тайинлаш шартлари

160. Мазкур боб ички ишлар органларида хизмат мажбуриятларини бажариш чоғида тан жароҳати олган (етказилган) ходим ва ҳарбий хизматчилар, курсант ва тингловчиларга ёки ҳалок бўлган (вафот этган) ходим ва ҳарбий хизматчилар, курсант ва тингловчиларнинг оила аъзоларига бир марталик нафақаларни тайинлаш ва тўлаш тартибини белгилайди.

161. Ички ишлар органлари ходимлари ва ҳарбий хизматчилари хизмат мажбуриятларини бажариш чоғида ҳалок бўлганида (вафот этганида) унинг оила аъзоларига марҳумнинг асосий эгаллаган лавозими бўйича маоши ва махсус (ҳарбий) унвони маоши йиғиндисининг 100 баробари миқдорида бир марталик нафақа тайинланади.

162. Хизмат мажбуриятларини бажариш чоғида тан жароҳати олган (етказилган) ходим ва ҳарбий хизматчига қуйидаги миқдорда бир марталик нафақа тайинланади:

оғир тан жароҳати олган (етказилган)да - ходим ва ҳарбий хизматчининг эгаллаб турган лавозими бўйича маоши ва махсус (ҳарбий) унвони маоши йиғиндисининг 50 баробари миқдорида;

ўртача оғир тан жароҳати олган (етказилган)да - ходим ва ҳарбий хизматчининг эгаллаб турган лавозими бўйича маоши ва махсус (ҳарбий) унвони маоши йиғиндисининг 20 баробари миқдорида нафақа тайинланади.

Нафақа миқдорини белгилашда воқеа содир бўлган кундаги асосий лавозим ва унвон маоши (курсант ва тингловчиларининг стипендияси)лари инобатга олинади.

163. Ички ишлар органларида хизмат мажбуриятларини бажариш чоғида тан жароҳати олган (етказилган) ходим ва ҳарбий хизматчилар, курсант ва тингловчиларга ёки ҳалок бўлган (вафот этган)ларнинг оила аъзоларига бир марталик нафақа тўланиши ушбу Низомга 11-иловага мувофиқ амалга оширилади.

164. Енгил тан жароҳати олган (етказилган) ходим ва ҳарбий хизматчилар, курсант ва тингловчиларга нисбатан нафақа тайинланмайди.

165. Курсант ва тингловчилар хизмат мажбуриятларини бажариш чоғида тан жароҳати олган (етказилган)да ёки ҳалок бўлган (вафот этган)да ушбу Низомнинг 161 ва 162-бандларида кўрсатиб ўтилган миқдорларда стипендия ва эга бўлган махсус (ҳарбий) унвон маоши йиғиндиси миқдоридан келиб чиқиб нафақа ҳисобланади.

166. Вазирликнинг Махсус вазифаларни бажарувчи сафарбарлик отрядлари фаолиятини мувофиқлаштириш бўлими ва жойлардаги ушбу отрядларнинг ходимлари ҳамда Портлатиш қурилмалари ва портлаш хавфи бўлган предметларни аниқлаш, зарарсизлантириш ва йўқ қилиш бўйича махсус отряд ходимлари хизмат мажбуриятларини бажараётган вақтда оғир, ўртача оғир тан жароҳати олган (етказилган)да уларга, ҳалок бўлган (вафот этган)да оила аъзоларига нафақа миқдорлари қонунчилик ҳужжатларига мувофиқ белгиланади.

167. Нафақа тайинлашга нисбатан даъво муддати талабларининг қўлланилиши Ўзбекистон Республикасининг Фуқаролик кодексига мувофиқ амалга оширилади.

168. Нафақа тайинлаш ва тўлаш масалалари дастлаб ички ишлар органлари ва ҳарбий тузилмаларда ҳудудий комиссиялар томонидан кўриб чиқилади.

Ҳудудий комиссияларнинг ижобий хулосаларини кўриб чиқиш ҳамда якуний қарор қабул қилиш Марказий комиссия томонидан ҳал этилади.

2-§. Бир марталик нафақа тайинлаш тартиби

169. Ходим ва ҳарбий хизматчи, курсант ва тингловчилар хизмат мажбуриятларини бажариш чоғида тан жароҳати олиши (етказилиши) ҳолати юз берганда бевосита унинг раҳбари ёки ўринбосари ташаббуси билан холислар иштирокида ушбу Низомга 13-иловага мувофиқ олган (етказилган) тан жароҳати бўйича дарҳол далолатнома (кейинги ўринларда - далолатнома) расмийлаштирилади.

170. Далолатнома расмийлаштиришда воқеа тафсилотлари аниқ ва холисона баён этилишига, шунингдек, ходим ва ҳарбий хизматчи, курсант ва тингловчиларнинг тан жароҳати олган (етказилган)лиги хизмат мажбуриятларини бажариш билан боғлиқ ҳолда юз берганлигига алоҳида эътибор қаратилади.

171. Ходим ва ҳарбий хизматчи, курсант ва тингловчилар тан жароҳати олган (етказилган)да тузиладиган далолатнома воқеа гувоҳи бўлган ходим ва ҳарбий хизматчи, курсант ва тингловчилар ёки фуқаролар томонидан имзоланади ҳамда раҳбар ёхуд раҳбар ўринбосари, воқеа содир бўлган ҳудуддаги ички ишлар органи раҳбари, ҳарбий қисм командири, таълим муассасаси раҳбари томонидан тасдиқланиб, гербли муҳр босилади.

Тузилган далолатнома зудлик билан ходим (ҳарбий хизматчи)нинг хизмат жойига юборилади.

172. Ходим ва ҳарбий хизматчи, курсант ва тингловчилар тан жароҳати олган (етказилган)лиги, ҳалок бўлган (вафот этган)лиги юзасидан воқеа содир бўлган ҳудуддаги ички ишлар органи раҳбари, ҳарбий қисм командири, таълим муассасаси раҳбари томонидан зудлик билан юқори турувчи раҳбарият (қўмондонлик)га дастлабки ахборот берилади.

173. Ходим ва ҳарбий хизматчи, курсант ва тингловчиларнинг ҳалок бўлиши (вафот этиши), тан жароҳати олиши (етказилиши) ҳолати ва сабабларини суриштириш учун тегишли ички ишлар органи раҳбари ёки ҳарбий қисм командири ёхуд таълим муассасаси раҳбарининг ёзма кўрсатмасига асосан хизмат (терговга қадар) текшируви тайинланади.

174. Хизмат (терговга қадар) текшируви белгиланган тартибда тегишли ички ишлар органи ёки соҳавий хизмат мансабдор шахслари, ҳарбий қисм ёхуд таълим муассасасининг масъуллари томонидан ўтказилади. Бунда хизмат (терговга қадар) текширувини ўтказаётган масъуллар томонидан ходим ва ҳарбий хизматчининг ҳалок бўлиши (вафот этиши) ёхуд тан жароҳати олиши (етказилиши) сабабига, олган тан жароҳатининг даражасини суд-тиббий экспертиза хулосасига кўра аниқлашга, (эксперт олдига қўйиладиган саволлар қаторида ходимдан олинадиган қон намунаси таркибида спиртли ичимликлар, гиёҳвандлик ёки психотроп моддалар мавжудлигини текширишга), унинг хизмат мажбуриятларини бажариши билан боғлиқлигига, хизмат интизоми ва қонун талаблари бузилмаганлигига алоҳида эътибор қаратишлари шарт.

175. Ҳар бир ҳолат бўйича суд-тиббий экспертизасининг тегишли хулосаси олинади ва барча ҳужжатлар умумлаштирилган ҳолда масъуллар томонидан хизмат (терговга қадар) текшируви хулосаси тузилади ҳамда раҳбар томонидан тасдиқланади.

Ходим ва ҳарбий хизматчи, курсант ва тингловчининг олган (етказилган) тан жароҳати даражаси Ўзбекистон Республикаси Қуролли Кучларида тинчлик ва уруш даврида тиббий кўрикдан ўтказиш тўғрисидаги низомга мувофиқ ҳарбий-тиббий комиссия томонидан ҳамда суд-тиббий экспертиза муассасасининг хулосасига асосан аниқланади, унинг хизмат мажбуриятларини бажариши билан боғлиқлиги хизмат (терговга қадар) текшируви хулосасига биноан белгиланади.

176. Хизмат мажбуриятларини бажариш чоғида тан жароҳати олган (етказилган) ёки ҳалок бўлган (вафот этган) ходим ва ҳарбий хизматчи, курсант ва тингловчиларнинг хатти-ҳаракатларида ҳуқуқбузарлик, хизмат интизомини бузиш ҳолатлари ёхуд улардан олинадиган қон намунаси таркибида спиртли ичимликлар, гиёҳвандлик ёки психотроп моддалар аниқланган тақдирда, нафақа тайинлашни рад этиш масаласи кўриб чиқилади.

177. Ходим ва ҳарбий хизматчи, курсант ва тингловчиларнинг хизмат мажбуриятларини бажариш чоғида ҳалок бўлиши (вафот этиши) билан боғлиқ ҳар бир ҳолат суд-тиббий экспертизасининг ўлим ҳақидаги тиббий хулосасига биноан белгиланади.

Агар хизмат (терговга қадар) текширувини ўтказиш учун масъуллар томонидан хизмат (терговга қадар) текшируви натижасига доир хулосага асосан ходим ва ҳарбий хизматчи, курсант ва тингловчиларнинг тан жароҳати олиши (етказилиши) ёҳуд ҳалок бўлиши (вафот этиши) хизмат мажбуриятларини бажариш билан боғлиқ деб топилса, содир этилган воқеа юзасидан тўпланган ҳужжатлар ички ишлар органлари, ҳарбий қисм ва таълим муассасасининг ҳудудий комиссиясига тақдим этилади.

178. Ҳудудий комиссия тўпланган ҳужжатларнинг асосланганлигини ўрганиб чиқади ҳамда тан жароҳатининг оғирлик даражаси ва меҳнат қобилияти йўқотилган вақтдан келиб чиққан ҳолда нафақа тайинлаш ёки тайинлашни рад этиш тўғрисида қарор қабул қилади.

Ҳудудий комиссия қарори баённома билан расмийлаштирилади.

179. Ходим ва ҳарбий хизматчи, курсант ва тингловчиларнинг ҳалок бўлиши (вафот этиши) ёхуд тан жароҳати олиши (етказилиши) қуйидаги ҳолларда хизмат мажбуриятларини бажариш билан боғлиқ деб ҳисобланади:

хизмат (лавозим) мажбуриятларини бажариш ва жанговар ҳаракатларда иштирок этганда;

хизматни (жанговар хизматни) ўташ вақтида;

хизмат сафарида ёки даволанишда бўлганида;

кун тартибида белгиланган хизмат вақти давомида ёки хизмат зарурати туфайли ички ишлар органлари, ҳарбий қисм ёки таълим муассаса ҳудудида бўлганида;

хизмат, даволаниш ва хизмат сафарини ўташ жойларига бориш ёки улардан қайтиш вақтида;

йиғинларда (ҳарбий йиғинларда) иштирок этганда;

асирга тушган (ўз ихтиёри билан асирга тушиш ҳоллари бундан мустасно), гаровга олинган, ушлаб қуролсизлантирилган ҳолларда;

бедарак кетиш - ходим ва ҳарбий хизматчи, курсант ва тингловчилар қонунда белгиланган тартибда бедарак йўқолган деб топилгунига ёки вафот этган деб эълон қилингунига қадар содир бўлганида;

шахснинг ҳаёти, соғлиғи, шаъни ва қадр-қимматини ҳимоя қилишга доир ҳаракатлар вақтида содир бўлганда;

қонунийликни ва ҳуқуқ-тартиботни таъминлашда бошқа шахсларга ёки ҳуқуқни муҳофаза қилувчи органларга ёрдам кўрсатиш вақтида;

ходим ва ҳарбий хизматчи, курсант ва тингловчиларнинг ҳаётига ёки уларнинг соғлиғига суиқасд қилинганда, агар суиқасд сабаби унинг хизмат вазифаларини бажариши билан боғлиқ бўлса;

суд томонидан ходим ва ҳарбий хизматчи, курсант ва тингловчиларнинг ҳаракати шахс, жамият ва давлат манфаатларини кўзлаб содир этилган ҳаракат деб топилганда.

180. Қуйидаги ҳолларда ходим ва ҳарбий хизматчи, курсант ва тингловчилар хизмат мажбуриятини бажараётган деб эътироф этилмайди:

ўзини ихтиёрий равишда спиртли ичимликлар, гиёҳвандлик, психотроп ва заҳарли моддалар ёрдамида маст ҳолатга келтирган бўлса;

жиноят қонунчилигида назарда тутилган ижтимоий хавфли қилмишни содир этган бўлса;

ўзини ўзи ўлдирган ёҳуд ўзини ўзи ўлдиришга суиқасд қилган бўлса, агар бундай ҳаракатлар ўзини ўзи ўлдириш даражасига етказиш туфайли содир этилган бўлмаса;

ҳарбий қисм ҳудудидан (хизматдан) ташқарида дам олишда, жавоб (рухсат) беришда ёхуд таътилда юрганда, шунингдек, ўзбошимчалик билан ҳарбий қисм (хизмат жойи) қароргоҳидан ташқарида ёхуд ҳарбий қисм (хизмат жойи) ҳудудидан (таълим муассасасидан), шунингдек, белгиланган хизмат жойларидан ташқарида юрганда.

Агар ходим ва ҳарбий хизматчи, курсант ва тингловчи хизмат мажбуриятини бажараётган деб эътироф этилмаган вазиятда тан жароҳати олган (етказилган) ёки ҳалок бўлган (вафот этган) бўлса, уларга ёки оила аъзоларига нафақа тўланмайди.

3-§. Нафақани тўлаш шартлари

181. Хизмат текшируви натижасига доир хулосага асосан ходим ва ҳарбий хизматчи, курсант ва тингловчиларнинг тан жароҳати олганлиги (етказилиши) хизмат мажбуриятларини бажариш билан боғлиқ деб топилса, тегишли ички ишлар органи раҳбари ёки ҳарбий қисм командири ёхуд таълим муассасаси раҳбари белгилаган масъул ходим томонидан содир этилган воқеа юзасидан қуйидаги ҳужжатлар тўпланади:

а) ходим ва ҳарбий хизматчи, курсант ва тингловчи ҳамда унинг яқин қариндошлари тўғрисидаги кадрлар хизмати томонидан бериладиган маълумотномалар;

б) тан жароҳат олган (етказилган)лиги тўғрисида далолатнома;

в) ҳарбий-тиббий комиссия томонидан берилган маълумотнома;

г) хизмат (терговга қадар) текшируви натижасига доир хулоса нусхаси;

д) суд-тиббий экспертиза муассасасининг хулосаси нусхаси.

Агар юз берган ҳолат бўйича ваколатли органнинг Ўзбекистон Республикаси Жиноят-процессуал кодексининг 83-моддасига мувофиқ жиноят ишини тугатиш тўғрисидаги қарори мавжуд бўлса, масъул ходим томонидан ушбу қарор нусхаси ҳам тегишли ҳужжатларга илова қилинади.

182. Ходим ва ҳарбий хизматчи, курсант ва тингловчи хизмат мажбуриятларини бажариш чоғида ҳалок бўлган (вафот этган) бўлса, тегишли ички ишлар органи раҳбари ёки ҳарбий қисм командири ёхуд таълим муассасаси раҳбари тайинлаган масъул ходим томонидан мазкур Низомнинг 181-бандида назарда тутилган ҳужжатларга қўшимча равишда қуйидаги ҳужжатлар ҳам тўпланади:

а) ходим ва ҳарбий хизматчи, курсант ва тингловчининг ўлими ҳақидаги гувоҳнома нусхаси;

б) меросхўрнинг шахсини тасдиқловчи ҳужжат ҳамда унинг мерос олиш ҳуқуқи тўғрисида нотариал тасдиқланган маълумотнома нусхаси;

в) ички ишлар органи раҳбари ёки ҳарбий қисм командири ёхуд Вазирлик тизимига кирувчи таълим муассасаси раҳбарининг ходим ва ҳарбий хизматчи, курсант ва тингловчиларни шахсий таркиб рўйхатидан ўчириш (чиқариш) тўғрисидаги буйруғидан кўчирма.

183. Нафақани тайинлаш учун тўпланган барча ҳужжатлар ўн кун муддатда туман, шаҳар ва тармоқ ички ишлар бўлими ёки бошқармалари томонидан тегишлилигига кўра мустақил соҳавий хизматлар, Қорақалпоғистон Республикаси Ички ишлар вазирлиги, Тошкент шаҳар ва Тошкент вилояти ички ишлар бош бошқармалари ёки вилоят ички ишлар бошқармаларининг ҳудудий комиссияларига юборилади.

Мазкур ҳужжатлар ушбу органларнинг ҳудудий комиссиялари томонидан тўлиқ ўрганилиб, ўн кун муддатда марказий комиссияга юборилади.

184. Қорақалпоғистон Республикаси Ички ишлар вазирлиги ёки Тошкент шаҳар ва Тошкент вилояти ички ишлар бош бошқармаси ёхуд вилоят ички ишлар бошқармаларининг ходимлари хизмат мажбуриятларини бажариш чоғида ҳалок бўлган (вафот этган)да ёки тан жароҳати олган (етказилган)да, тегишли соҳавий хизматлар томонидан барча тўпланган ҳужжатлар беш кун муддатда ҳудудий комиссияларига тақдим этилади. Ушбу ҳужжатлар тегишли ҳудудий комиссиялар томонидан тўлиқ ўрганиб чиқилиб, ўн кун муддатда Марказий комиссияга юборилади.

185. Ҳарбий қисмлар томонидан нафақа тайинлаш учун тўпланган барча ҳужжатлар ўн кун муддатда тегишлилигига кўра Қоровул қўшинлари ва Халқаро аэропортларда хавфсизликни таъминлаш бўйича қўшинлар қўмондонликларидаги ҳудудий комиссияларга юборилади ҳамда ҳудудий комиссиялар томонидан беш кун муддатда ўрганилиб, Марказий комиссияга тақдим этилади.

186. Вазирлик тизимига кирувчи таълим муассасалари барча тўпланган ҳужжатларни ўн кун муддатда Марказий комиссиясига юборади.

187. Вазирлик марказий аппарати ходими ва ҳарбий тузилмалар бошқарув аппарати ҳарбий хизматчилари хизмат мажбуриятларини бажариш чоғида ҳалок бўлган (вафот этган)да ёки тан жароҳати олган (етказилган)да барча тегишли ҳужжатлар уч кун муддатда Марказий комиссияга тақдим этилади.

188. Агар юз берган ҳолат юзасидан жиноят иши қўзғатилган бўлса, ушбу жиноят иши якуни бўйича чиқарилган ҳукм, ажрим ва қарорлар қонуний кучга кирган кундан бошлаб тўпланган ҳужжатлар белгиланган тартибда Марказий комиссияга юборилади.

189. Нафақани расмийлаштириш учун юборилган ҳужжатлар Марказий комиссия томонидан бир ой муддатда ўрганиб чиқилади ва нафақа миқдорини аниқ белгилаб бериш учун Ўзбекистон Республикаси ички ишлар вазирига ушбу Низомга 13-иловага мувофиқ шаклда бир марталик тўланадиган нафақа бўйича тақдимнома (кейинги ўринларда - тақдимнома) киритилади.

190. Тақдимноманинг асл нусхаси Ўзбекистон Республикаси ички ишлар вазири томонидан нафақа миқдори аниқ белгиланган ҳолда тасдиқланганидан сўнг Марказий комиссия томонидан ижро учун ходимнинг сўнгги хизмат ёки ўқиш жойига, тақдимноманинг нусхалари эса маълумот ва ижро учун Вазирликнинг Молия ва моддий-техника таъминоти департаменти ва Тиббиёт бошқармаларига юборилади.

191. Ушбу бобда назарда тутилган харажатлар:

а) Ўзбекистон Республикаси Давлат бюджети маблағларидан сақланадиган ички ишлар органларида - бюджет маблағлари ҳисобидан;

б) ўз ҳисобидан молиялаштириладиган ички ишлар органларида - ўз маблағлари ҳисобидан амалга оширилади.

192. Хизмат мажбуриятларини бажариш чоғида ходим ва ҳарбий хизматчи, курсант ва тингловчи оғир ёки ўртача оғир тан жароҳати олган (етказилган)лиги туфайли хизматдан бўшатилгандан сўнг олган (етказилган) тан жароҳати туфайли бир йил ичида вафот этган бўлса, унинг оила аъзоларига Ўзбекистон Республикаси ички ишлар вазири томонидан белгиланган миқдорда аввалги тўланган нафақа билан хизмат мажбуриятларини бажариш чоғида ҳалок бўлган (вафот этган)да бериладиган нафақа миқдори орасидаги фарқ тўланади.

193. Бундай ҳолат юзасидан хизмат (терговга қадар) текшируви ўтказилиб, қўшимча равишда ушбу Низомнинг 182-бандида назарда тутилган ҳужжатлар умумлаштирилиб, 183 ва 187-бандларда белгиланган тартибда Марказий ва ҳудудий комиссияларга кўриб чиқиш учун юборилади.

194. Муддатли ҳарбий хизматчиларга хизмат мажбуриятларини бажариш чоғида тан жароҳати олган (етказилган)лиги учун бир марталик нафақа улар Қуролли Кучлар резервига бўшатилганда ва ҳалок бўлган (вафот этган)да ҳисобдан чиқарилганидан сўнг тўлаб берилади.

195. Бир марталик нафақа ходим (ҳарбий хизматчи)нинг сўнгги хизмат (ўқиш) жойидаги молия хизматлари томонидан тўланади.

196. Бир марталик нафақа ходим (ҳарбий хизматчи)нинг сўнгги хизмат (ўқиш) жойидаги молия хизматлари томонидан тан жароҳати олган ходим (ҳарбий хизматчи)га ёки ҳалок бўлган (вафот этган) ходимнинг оила аъзоларига (қонуний вакилига) тўланади.

197. Агар меросхўр вояга етмаган бўлса, нафақа унинг васийлари ёки қонуний вакилига тўланади.

198. Нафақа миқдори ходим (ҳарбий хизматчи) тан жароҳати олган ёки ҳалок бўлган (вафот этган) кундаги ходим (ҳарбий хизматчи)нинг маоши миқдоридан, шу жумладан:

контракт бўйича ҳарбий хизматчиларга ҳамда ходимларга - уларнинг асосий эгаллаб турган (эгаллаган) лавозими бўйича маоши ва ҳарбий (махсус) унвони маоши йиғиндисидан;

муддатли ҳарбий хизматчиларга - лавозим маошидан;

таълим муассасалари курсантлари ва тингловчиларига - уларнинг белгиланган маоши (стипендияси) ва ҳарбий (махсус) унвони маоши йиғиндисидан белгиланади.

4-§. Нафақани расмийлаштириш бўйича

ишларни назорат қилиш

199. Ходим ва ҳарбий хизматчи, курсант ва тингловчилар хизмат мажбуриятларини бажариш чоғида тан жароҳати олган (етказилган)да, шунингдек, ҳалок бўлган (вафот этган)да уларга ёки уларнинг оила аъзоларига тўланадиган нафақани расмийлаштириш учун тўпланган ҳужжатлар ва маълумотномалар тегишли ҳудудий ички ишлар органларининг кадрлар хизмати томонидан ходим ва ҳарбий хизматчи, курсант ва тингловчиларнинг шахсий ҳужжатлари йиғма жилдига бириктирилади.

200. Хизмат мажбуриятларини бажариш чоғида тан жароҳати олган (етказилган) ёки ҳалок бўлган (вафот этган) ходим (ҳарбий хизматчи)лар бўйича расмийлаштирилган ҳужжатлар ҳисоботи ҳудудий ички ишлар органлари ва ҳарбий тузилмаларнинг кадрлар хизмати томонидан молия хизматлари билан келишган ҳолда тайёрланади ва ҳар чорак якуни бўйича белгиланган тартибда Вазирликнинг Маънавий-маърифий ишлар ва кадрлар билан таъминлаш департаментига юборилади.

201. Юборилган ҳисоботлар Вазирликнинг Маънавий-маърифий ишлар ва кадрлар билан таъминлаш департаменти томонидан умумлаштирилади ва ушбу Низомга 14 ва 15-иловаларга мувофиқ шаклда бир марталик тўланган нафақалар тўғрисида ҳудудлар ва муассасалар бўйича ҳисоботлар тайёрланади.

8-БОБ. ИЧКИ ИШЛАР ОРГАНЛАРИ ХОДИМИ

ВА ҲАРБИЙ ХИЗМАТЧИЛАРИГА ПЕНСИЯ ВА НАФАҚА

ТАЙИНЛАШ ҲАМДА ТЎЛАШ ТАРТИБИ

1-§. Пенсия ва нафақа тайинлашни расмийлаштириш

202. Ички ишлар органлари ходими ва ҳарбий хизматчилари ёки уларнинг оила аъзоларига пенсиянинг қуйидаги турлари тайинланади:

хизмат муддатини ўтаганлиги бўйича пенсия (уни олиш ҳуқуқи мавжуд бўлганда);

ногиронлик пенсияси;

боқувчисини йўқотганлик пенсияси.

203. Ички ишлар органлари ходими ва ҳарбий хизматчилари ёки уларнинг оила аъзоларига нафақанинг қуйидаги турлари тайинланади:

хизматдан пенсияга чиқиш муносабати билан бўшатилаётган ходим ва ҳарбий хизматчиларга тўланадиган нафақа;

ички ишлар органи пенсионери вафот этганлиги муносабати билан дафн этиш маросими учун унинг оила аъзоларига тайинланадиган нафақа.

Хизматдан пенсияга чиқиш муносабати билан бўшатилаётган ходим ва ҳарбий хизматчиларга ва ички ишлар органи пенсионери вафот этганлиги муносабати билан дафн этиш маросими учун унинг оила аъзоларига бериладиган нафақалар бир марта тайинланади.

204. Ички ишлар органлари ходими ва ҳарбий хизматчиларига пенсия ва нафақа тўловлари Ўзбекистон Республикаси Давлат бюджети маблағлари ҳисобидан амалга оширилади.

205. Хизматдан пенсияга чиқиш муносабати билан бўшатилган ходим ва ҳарбий хизматчига пенсия тайинлаш учун ушбу Низомнинг 206-бандида кўрсатилган ҳужжатлар ички ишлар органларининг кадрлар хизмати томонидан жамланади.

206. Пенсия тайинлаш учун қуйидаги ҳужжатлар тааллуқлилиги бўйича йиғилади:

а) пенсия олишга даъвогар бўлган фуқаро ёки ходим (ҳарбий хизматчи) томонидан:

мазкур Низомга 16-иловага мувофиқ шаклда ариза;

хизмат йили ҳисоби;

пул таъминоти варақаси;

хизмат вазифаларини бажариш пайтида яраланиш, контузия олиш, майиб бўлиш ва касалланиш туфайли ўлим тўғрисида хулоса ва ходимнинг вафот этганлиги муносабати билан ички ишлар органларидаги шахсий таркиб рўйхатидан чиқарилганлиги тўғрисида буйруқдан кўчирма (зарур бўлганда);

чин етимларга пенсия тайинланган ҳолатларда маҳаллий ижроия ҳокимияти органларининг васийлик ёки ҳомийликни тайинлаш тўғрисидаги қарори нусхаси.

б) ички ишлар органларининг пенсия таъминоти бўлинмалари томонидан "Электрон ҳукумат" тизими идоралараро интеграциялашув платформасидан фойдаланган ҳолда:

фуқаролик паспортининг ёки идентификация ID-картасининг, никоҳ тузилганлиги ёки бекор қилинганлиги тўғрисидаги ва вояга етмаган фарзандларининг туғилганлик тўғрисидаги гувоҳномаларнинг нусхалари;

яшаш жойи бўйича Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси (кейинги ўринларда - Пенсия жамғармаси) туман (шаҳар) бўлимлари томонидан давлат пенсиялари тайинланмаганлиги тўғрисидаги маълумотнома;

касаллик тарихидан кўчирма ва Ўзбекистон Республикаси Тиббий ижтимоий хизматларни ривожлантириш агентлиги Тиббий-ижтимоий эксперт комиссияси (кейинги ўринларда-ТИЭК) томонидан ногиронликни белгилаш тўғрисидаги маълумотнома;

боқувчисининг вафот этганлиги тўғрисида ўлим гувоҳномаси нусхаси;

фарзандларнинг ногиронлигини тасдиқловчи ТИЭК маълумотномаси (зарур бўлганда);

ТИЭК томонидан ногиронлик белгиланганлиги тўғрисида маълумотнома (турмуш ўртоғи, ота-онасига пенсия тайинланганда).

207. Ички ишлар органи пенсионери вафот этганлиги муносабати билан дафн этиш маросими учун унинг оила аъзоларига нафақа тайинлаш учун нафақа тайинлаш тўғрисида ариза тақдим этилади.

"Электрон ҳукумат" тизими идоралараро интеграциялашув платформасидан фойдаланган ҳолда ички ишлар органларининг пенсия таъминоти бўлинмалари томонидан қуйидагилар олинади:

мурожаат этган шахснинг фуқаролик паспорти ёки идентификация ID-картаси нусхаси;

боқувчисининг вафот этганлиги тўғрисида ўлим гувоҳномаси нусхаси.

208. Ички ишлар органларининг кадрлар билан таъминлаш бўлинмалари масъул ходими томонидан ходимнинг хизматни ўтаганлиги тўғрисидаги маълумотлари текширилади ҳамда календарь ва имтиёзли ҳисобга олинадиган даврлар, умумий хизмат йили ҳисоблаб чиқилади ва белгиланган тартибда тасдиқланади, шунингдек, ҳисобланган хизмат йиллари ички ишлар органларининг молиявий таъминот хизматлари билан келишилади.

2-§. Пенсия ва нафақаларни тайинлаш

209. Ички ишлар органларининг кадрлар хизматлари томонидан пенсия ёки нафақа тайинлаш бўйича пенсияга оид ҳужжатлар йиғмажилди ички ишлар органларининг молиявий таъминот хизматларига тақдим этилади.

210. Тақдим этилган пенсияга оид ҳужжатлар йиғмажилди асосида ички ишлар органларининг молиявий таъминот хизматлари томонидан пенсия тайинлаш тўғрисида мазкур Низомга 17-иловага мувофиқ шаклда хулоса тайёрланади.

211. Пенсия тайинлаш тўғрисидаги хулоса ички ишлар органи раҳбари, унинг ўринбосари ёки ваколат берилган масъул ходим томонидан тасдиқланади.

Хулоса хизмат муддатини ўтаганлиги, ногиронлик ҳамда боқувчисини йўқотганлик пенсиясини тайинлаш учун асос бўлади.

212. Пенсия тайинлаш тўғрисидаги хулоса тасдиқлангандан сўнг мазкур Низомга 18-иловага мувофиқ Пенсияга оид ҳужжатлар йиғмажилдини қайд этиш дафтарига ёзиб қўйилади.

213. Пенсионернинг доимий яшаш жойи ўзгарганда, унинг аризасига мувофиқ пенсияга оид ҳужжатлар йиғмажилди янги яшаш жойи бўйича тегишли ички ишлар органларининг молиявий таъминот хизматларига юборилади.

Ички ишлар органларининг молиявий таъминот хизматларидан тушган пенсияга оид ҳужжатлар йиғмажилдлари пенсия тўғри тайинланганлиги текширилгандан сўнг Пенсияга оид ҳужжатлар йиғмажилдини қайд этиш дафтарига ёзиб қўйилади.

Илгари тўхтатилган пенсия тўловлари тикланган тақдирда, пенсияга оид ҳужжатлар йиғмажилдлари унга янги тартиб рақами бериш орқали Пенсияга оид ҳужжатлар йиғмажилдини қайд этиш дафтарига тегишли ёзув киритилади.

214. Пенсиялар қуйидаги муддатларда тайинланади:

хизмат муддатини ўтаганлиги бўйича пенсия - хизматдан бўшатилган кундан эътиборан, аммо пул таъминоти тўланган кундан ортиқ бўлмаган муддатга қадар;

ногиронлик пенсияси - ТИЭК томонидан ногиронлик белгиланган кундан бошлаб, агар ногиронлик хизматни ўташ даврида ёки хизматдан бўшатилган кундан бошлаб уч ой ичида белгиланган бўлса ёки ногиронлик ушбу муддатдан сўнг белгиланган бўлса-да, у хизмат вазифаларини бажариш пайтида яраланиш, контузия, майиб бўлиш ва касалланиш туфайли келиб чиққан бўлса;

боқувчисини йўқотганлик пенсияси - меҳнатга лаёқатсиз оила аъзоларига боқувчиси вафот этган кундан бошлаб, аммо пул таъминоти ёки пенсия тўланган кундан ортиқ бўлмаган муддатга қадар, ота-онаси ёки турмуш ўртоғига, боқувчисини йўқотганлик оқибатида пенсия олишга ҳуқуқи пайдо бўлганда, пенсия тайинлаш учун мурожаат этган кундан бошлаб.

Махсус унвонлардан маҳрум қилинган шахслар ҳамда уларнинг оила аъзоларига пенсиялар Пенсия жамғармаси туман (шаҳар) бўлимлари томонидан белгиланган тартибда тайинланади.

Ўзбекистон Республикаси ҳудудида белгиланган тартибда карантинли ва инсон учун хавфли бўлган бошқа юқумли касалликлар пайдо бўлиши ва тарқалиши муносабати билан чекловчи чоралар (карантин) жорий этилганда, агар фуқаролар чекловчи чоралар (карантин) даврида ёки улар тугатилгандан кейин пенсия тайинлашни сўраб бир ой ичида мурожаат қилган бўлса, уларга пенсия уни олиш ҳуқуқи юзага келган кундан эътиборан тайинланади.

215. Пенсионер ҳисоблаб чиқилган умумий хизмат йили ва пенсия миқдоридан норози бўлган тақдирда, унинг аризасига асосан унинг умумий хизмат йили ва пенсия миқдори қайта ҳисоблаб берилади.

216. Дафн маросими учун нафақа тайинлашда йиғилган ҳужжатлар ички ишлар органларининг молиявий таъминот хизматлари пенсия таъминоти бўлими ходими томонидан белгиланган тартибда ўрганиб чиқилади ва нафақа тўлови амалга оширилади.

Пенсионер вафот этган тақдирда, унинг оила аъзоларига ёки пенсионернинг дафн маросимини ўтказган шахсга вафот этган кундаги икки ойлик пенсияси миқдорида дафн маросими учун нафақа тайинланади.

3-§. Пенсия ва нафақаларни тўлаш

217. Фуқароларга пенсия ва нафақалар уларнинг танловига кўра доимий яшаш ёки вақтинча турар жой бўйича ички ишлар органлари молиявий таъминот хизматларининг пенсия таъминоти бўлимлари томонидан тўланади.

Пенсия ва нафақа банк карточкалари ёки омонат ҳисоб рақамларига ўтказилган ҳолатларда пенсионер пенсия олиш жойи бўйича ички ишлар органларининг молиявий таъминот хизматларига ариза билан мурожаат этади ва унга банк картаси ёки омонат ҳисоб рақамининг очилганлиги тўғрисидаги маълумотнома, тижорат банклари ва мижоз ўртасида тузилган шартнома нусхалари илова қилинади.

218. Ички ишлар органларида махсус (ҳарбий) унвон бўйича хизматни давом эттираётган ишловчи пенсионерларга пенсиялар тўлиқ миқдорда тўланади.

219. Ички ишлар органлари ходими ва ҳарбий хизматчиларининг пенсия ва нафақа тўловлари учун нақд пул маблағлари Марказий банкнинг ҳудудий бош бошқармалари ва тижорат банклари томонидан таъминланади.

220. Пенсия ички ишлар органлари томонидан етказиб бериш (топшириш) даври бўйича тегишли ойнинг 27-кунидан кечиктирилмай амалга оширилади.

221. Дафн маросими учун нафақа тўлови пенсионер вафот этган кундан бошлаб олти ой муддат ичида мазкур Низомнинг 207-бандида кўрсатилган ариза берувчига тўланади.

222. Хизматдан пенсияга чиқиш муносабати билан бўшатилаётган ходимларга бир марта тўланадиган нафақа пули мазкур Низомга 18-иловага мувофиқ хулоса асосида ходимнинг охирги иш жойидан тўланади.

223. Тугалланмаган ой учун тўланиши лозим бўлган пенсия миқдори жами пенсия миқдорини шу ойнинг календарь кунлар сонига бўлиш ҳамда ҳосил бўлган суммани ўтган кунлар сонига кўпайтириш орқали аниқланади.

Мисол учун:

пенсия олувчига 20 июндан бошлаб 900 000 сўм миқдорида пенсия тайинланди. Бунда 11 кун учун, яъни 20-30 июнь кунлари учун пенсионерга қуйидаги миқдорда пенсия тўланади:

900 000 сўм / 30 (кун) x 11(кун) = 330 000 сўм.

224. Пенсионер пенсия олиш учун ички ишлар органларига мурожаат қилганда шахсини тасдиқловчи ҳужжатларини (фуқаролик паспорти ёки идентификация ID-картаси ёхуд унинг ўрнини босувчи бошқа ҳужжатлар, фуқаролик паспортини йўқотган фуқароларга ички ишлар органлари томонидан берилган вақтинчалик маълумотнома) ва пенсия гувоҳномасини (зарур бўлганда) кўрсатиши лозим.

225. Пенсия ва нафақа тегишли ички ишлар органларининг кассири томонидан тўлов қайдномаси ёки чиқим касса ордерига мувофиқ тўланади.

226. Пенсия суммаси бир неча ой учун бир вақтда тўланган тақдирда, жами пенсия суммаси учун битта чиқим касса ордери тузилиб, унда ҳар бир ой учун пенсия миқдори алоҳида кўрсатилади.

227. Пенсия ва нафақа тўловлари учун маблағларни банк карталарига ўтказиш ички ишлар органлари томонидан уларга хизмат кўрсатувчи тижорат банкига тақдим қилинадиган тўлов топшириқномаси ва унга илова қилинадиган тўлов қайдномалари (қоғоз шаклида ва электрон кўринишда) асосида амалга оширилади.

228. Тўлов топшириқномаси ва тўлов қайдномаси (қоғоз шаклида ва электрон кўринишда) тақдим қилинган санадан кейинги кундан кечиктирмасдан маблағлар хизмат кўрсатувчи тижорат банки томонидан пенсионер ёки нафақа олувчига очилган 22618-"Жисмоний шахсларнинг банк карталари бўйича мажбуриятлари" ҳисобварағига ўтказиб берилади.

229. Банк карталари орқали пенсия (тўлиқ миқдорда) оладиган пенсионер ҳар олти ойда пенсия тўлайдиган ички ишлар органларига келиш йўли билан ўзининг пенсия суммасини олиш ҳуқуқини тасдиқлаши зарур.

Пенсионер белгиланган муддатда ички ишлар органларига келмаган тақдирда, тегишли ички ишлар органлари ходимлари ўн кун мобайнида:

унинг ҳаёт эканлиги;

ишга жойлашганлиги;

яшаш жойи ўзгарганлиги ёки чет элга кетганлиги;

жазони ўташ жойларида эканлиги;

кексалар ва ногиронлиги бўлган шахсларнинг интернат уйларида (пансионатларда) яшаётганлиги ҳолатларини аниқлаш учун пенсионер яшайдиган жойга борадилар.

Олинадиган пенсияга пенсионернинг ҳуқуқи тасдиқланган тақдирда, пенсияни тўлаш навбатдаги олти ойга давом эттирилади.

Пенсионернинг ҳуқуқлари тасдиқланмаган тақдирда, пенсияни тўлаш фуқароларнинг ўзини ўзи бошқариш тегишли органи вакиллари ва қўшнилар иштирокида тегишли ички ишлар органлари ходимлари томонидан тузилган тўланаётган пенсияни тўлашга ва унинг миқдори асосланганлигига таъсир кўрсатувчи ҳолатни тасдиқлайдиган далолатнома асосида тўхтатиб турилади.

Кўрсатиб ўтилган далолатнома асосида тегишли ички ишлар органи пенсияни тўлашни тўхтатиб туриш (тўхтатиш) ёки унинг миқдорини ўзгартириш тўғрисида тегишли қарор қабул қилади.

230. Бир ойдан кўп бўлмаган муддат учун пенсия тўловини муддатидан олдин амалга ошириш пенсионернинг аризасига асосан ички ишлар органлари раҳбарларининг рухсати билан қуйидаги ҳолларда амалга оширилади:

пенсионер санаторий-курорт муассасаларига даволаниш учун бормоқчи бўлганида (йил давомида бир маротаба);

пенсионернинг мулкига зарар етказувчи фавқулодда ҳолатлар содир бўлганда;

пенсионернинг оила аъзолари (яқин қариндошлари) вафот этганда ва бу ҳақида фуқаролик ҳолати далолатномаларини ёзиш органлари томонидан расмийлаштирилган тегишли ҳужжатларга мувофиқ.

231. Пенсия тўлаш қонунчилик ҳужжатларига мувофиқ расмийлаштирилган ишончнома бўйича амалга оширилиши мумкин. Ўзбекистон Республикасидан ташқарида расмийлаштирилган ишончномага ушбу ҳужжатни расмийлаштирган давлатнинг ваколатли давлат органи томонидан апостиль қўйилиши лозим, бундан Фуқаролик, оилавий ва жиноят ишлари бўйича ҳуқуқий ёрдам ва ҳуқуқий муносабатлар конвенциясининг (Минск шаҳри, 1993 йил 22 январь) ҳамда Фуқаролик, оилавий ва жиноий ишлар бўйича ҳуқуқий ёрдам ва ҳуқуқий муносабатлар конвенциясининг (Кишинев шаҳри, 2002 йил 7 октябрь) иштирокчиси бўлган давлатлар - Мустақил Давлатлар Ҳамдўстлигига аъзо давлатлар мустасно. Бунда ишончнома берган шахс пенсия тўлайдиган ички ишлар органларига бир йилда камида бир марта келиб тайинланган пенсияга бўлган ўз ҳуқуқини тасдиқлаши керак. Ишончли вакил пенсия тўлашга таъсир этиши мумкин бўлган, ўзига маълум барча ҳолатлар тўғрисида ички ишлар органларига хабар бериши шарт.

232. Ишончнома асосида пенсия тўлашда ички ишлар органларининг кассири пенсия олувчи шахснинг чиқим касса ордеридаги ва шахсини тасдиқловчи ҳужжатдаги имзоларини ўзаро солиштиради.

Бир неча ойга берилган ишончнома орқали пенсия тўлови амалга оширилганда чиқим касса ордерида ишончнома мавжудлиги ва унинг амал қилиш муддати кўрсатиб ўтилади. Ишончнома пенсионернинг пенсияга оид ҳужжатлар йиғмажилдида сақланади.

Бир марталик ишончнома орқали пенсия тўланганда, ишончнома чиқим касса ордерига илова қилинади.

233. Доимий яшаш учун Ўзбекистон Республикасидан ташқарига кетишгача тайинланган пенсия (Ўзбекистон Республикаси пенсия таъминоти тўғрисида халқаро шартномалар тузган давлатлар бундан мустасно) ички ишлари органларининг молиявий таъминот хизматларига кетиш тўғрисида ариза берилган кундаги пенсия миқдори ҳисоб-китобидан келиб чиқиб Ўзбекистон Республикаси ташқарисига жўнаб кетишдан олти ой аввал Ўзбекистон Республикаси миллий валютасида тўланади.

Пенсия тўланадиган олти ойлик давр Ўзбекистон Республикаси ташқарисига доимий яшаш учун кетишдан аввалги олти ой учун пенсия тўлаш учун аризада кўрсатилган санадан бошлаб ҳисоблаб чиқилади.

Ўзбекистон Республикаси билан пенсия таъминоти тўғрисида халқаро шартномалар тузган Ўзбекистон Республикаси ташқарисидаги давлатга доимий яшаш учун кетилган кунгача тайинланган пенсия турар жойдан рўйхатдан чиққан ойнинг охиригача тўланади.

Ўзбекистон Республикаси ташқарисига доимий яшаш учун кетаётган фуқароларга пенсияни тўлаш унинг аризаси ва "Доимий яшаш жойидан рўйхатдан чиқарилди" деган белги бўлган шахсини тасдиқловчи ҳужжат асосида тўхтатилади.

234. Тайинланган пенсияни тўлаш:

пенсионер вафот этганда;

тайинланган пенсияга ҳуқуқлар йўқолганда;

доимий яшаш учун Ўзбекистон Республикасидан ташқарига чиқиб кетганда;

хорижий давлатда бўлган даврида пенсия (ижтимоий нафақа) олганлиги ҳолати аниқланганда тўхтатилади.

235. Тайинланган пенсияни тўлаш:

пенсия тўлаш муддати тамом бўлганда;

пенсионер озодликдан маҳрум этилганда;

пенсияни тўлашни тўхтатиб туриш тўғрисида пенсионер томонидан ариза билан мурожаат қилинганда тўхтатиб турилади.

Пенсияни тўлаш пенсионер ёки унинг васийсининг шахсини тасдиқловчи ҳужжат асосида, тегишли ички ишлар органига ариза билан мурожаат қилган тақдирда қайта тикланади.

236. Пенсионернинг суд ҳукми бўйича озодликдан маҳрум этиш жойларида бўлган вақти учун пенсия тўланмайди. Пенсионер суд ҳукми билан тайинланган жазони ўтаб, ундан озод бўлгандан кейин пенсияни тўлаш ички ишлар органига ариза берилган кундан бошлаб тикланади.

237. Агар ногиронлиги бўлган пенсионер тайинланган муддатда қайта тиббий кўрикдан ўтиш учун ТИЭКга узрли сабабларсиз (ногиронлик муддати тугаган кундан бир ой муддат мобайнида) келмаса, унга пенсия тўлаш тўхтатиб турилади, у яна ногиронлиги бўлган шахс деб эътироф этилган тақдирда тўхтатиб турилган кундан бошлаб тикланади. Қолган ҳолатларда пенсия мурожаат қилинган санадан бошлаб тўланади.

Узрли сабабга кўра қайта тиббий кўрикдан ўтиш муддати ўтказиб юборилган тақдирда, пенсияни тўлаш тўлов тўхтатиб турилган кундан бошлаб қайта текшириш кунигача, бироқ, агар ТИЭК уни бу даврда ногиронлиги бўлган шахс деб эътироф этса, 3 йилдан ортиқ бўлмаган муддатга амалга оширилади. Бунда агар қайта текшириш чоғида ногиронлиги бўлган шахс ногиронликнинг бошқа гуруҳига (юқорироқ ёки пастроқ гуруҳга) ўтказилган бўлса, у ҳолда кўрсатиб ўтилган вақт учун пенсия олдинги гуруҳ бўйича тўланади.

238. Пенсионерга ҳисоблаб чиқариб қўйилган, лекин унинг томонидан ўз вақтида талаб қилиб олинмаган пенсия пули пенсияни олиш мақсадида мурожаат этилганидан олдинги ўн икки ойдан ошмаган давр учун тўланади.

Ички ишлар органи молиявий таъминот хизматининг айби билан ўз вақтида олинмай қолган пенсия пули ўтган давр учун муддати чекланмаган ҳолда тўланади.

Бунда ўтган давр учун тўловлар бир йўла тегишли ойлар учун ҳисоблаб чиқариб қўйилган ва олинмаган пенсиянинг суммаларига мос миқдорда тўланади.

239. Пенсия миқдори ўзгаришига ёки пенсия тўлаш тўхтатилишига сабаб бўладиган ҳолатлар юз берган тақдирда (ишга кириш, оила аъзолари таркибининг ўзгариши, тўлиқ давлат таъминотига ўтиш ва шу кабилар), пенсия олувчи ўн кун муддатда бу ҳақида ўзига пенсия тўлайдиган тегишли ички ишлар органига маълум қилиши шарт.

Бунда пенсияни қайта ҳисоблаш мазкур ҳолатлар юзага келган ойдан кейинги ойнинг биринчи кунидан бошлаб амалга оширилади.

Юқорида кўрсатиб ўтилган ҳолатлар бошланганлиги тўғрисида ички ишлар органларига ўз вақтида хабар берилмаслиги муносабати билан пенсиянинг ноқонуний суммаси пенсионер ёки қонуний вакил (ота-она), шунингдек, ишонч билдирилган (пенсионернинг вафоти ҳолати қасддан яширилган тақдирда) томонидан қайтарилиши лозим.

240. Пенсионерга берилиши керак бўлган ва унинг вафоти муносабати билан олинмай қолган пенсия суммаси мерос таркибига киритилмайди ва боқувчисини йўқотганлик пенсияси билан таъминланадиган шахслар доирасига тегишли оила аъзоларига тўланади. Ота-оналар, эри (хотини), шунингдек, пенсионер вафот этган кунда у билан бирга яшаган оила аъзолари, агар улар боқувчисини йўқотганлик бўйича пенсия билан таъминланадиганлар доирасига кирмаган тақдирда ҳам ушбу суммаларни олиш ҳуқуқига эга.

Пенсионер вафот этган ой учун олинмай қолган пенсия пули кўрсатиб ўтилган оила аъзоларига ушбу ой учун тўлиқ тўланади.

Оиланинг бир неча аъзолари мурожаат қилган тақдирда, уларга берилиши керак бўлган пенсия суммаси улар ўртасида тенг тақсимланади.

Кўрсатиб ўтилган сумма, унинг учун пенсионер вафот этгандан сўнг олти ойдан кечикмай мурожаат қилинган тақдирда тўланади.

Манзил-колонияларда жазони ўтаётган, озодликдан маҳрум этишга ҳукм қилинган шахсларга пенсиялар тўлаш манзил-колония жойлашган жойдаги ички ишлар (бош) бошқармаларининг молиявий таъминот хизматлари томонидан тегишли пенсиялар суммаларини маҳкумларнинг шахсий ҳисобварақларига ўтказиш орқали амалга оширилади.

4-§. Пенсиялардан чегирмалар қилиш

241. Пенсиялардан қуйидаги ҳолларда чегирмалар қилинади:

суднинг ҳал қилув қарорлари, ажримлари, қарорлари ва ҳукмлари (мулкий ундиришлар борасида), нотариал идораларнинг ижро варақалари ҳамда Ўзбекистон Республикасининг қонунчилик ҳужжатларига мувофиқ ижроси суд ҳал қилув қарорларини ижро этиш учун белгиланган тартибда амалга ошириладиган бошқа қарорлар асосида;

ички ишлар органларининг қарорига биноан пенсионерга у томонидан қилинган суиистеъмолликлар (қасддан нотўғри ҳужжатларни тақдим этиш, боқувчисини йўқотганлик пенсияси тайинланган оила аъзолари таркибидаги ўзгаришлар ҳақида маълумотлар тақдим этмаганлиги) натижасида ёхуд ҳисоблашдаги ёки бошқа техник хато оқибатида пенсия миқдоридан ортиқча пуллар тўланган тақдирда.

Пенсиялардан юқорида кўрсатиб ўтилган ҳоллардан ташқари бошқа ҳеч қандай чегирмалар қилиш мумкин эмас.

Пенсиядан чегирмалар қилиш миқдори пенсионерга тўланиши лозим бўлган пулдан ҳисоблаб чиқарилади.

Ҳар ойлик чегирмалар миқдори пенсиянинг 50 фоизидан ошиши мумкин эмас.

242. Пенсионер ихтиёрий равишда алимент тўлаш истагини билдирганда, унинг аризасида ҳар ойлик ундириладиган алимент миқдори (ҳужжатларда кўрсатилган фоизларда ёки пенсия олувчи томонидан белгиланган суммада), ундириш муддати ва алимент ундирувчи шахснинг манзили, фамилияси, исми, отасининг исми кўрсатилиши лозим.

Ихтиёрий равишда тўланаётган алимент миқдори ва чегирма қилиш муддатига ўзгартириш киритиш ёки бекор қилиш пенсионернинг аризасига асосан амалга оширилади.

243. Пенсияга оид ҳужжатлар йиғмажилдига пенсиядан алиментларни чегирма қилиш тўғрисида тегишли ёзувлар киритилади. Ушбу ёзувлар ички ишлар органлари молиявий таъминот хизматлари бошлиқлари ёки уларнинг ўринбосарлари томонидан кўриб чиқилади ва имзоланади.

244. Алимент пуллари почта орқали юборилганда, почта харажатлари алимент тўловчи ҳисобидан қопланади.

245. Ижро ҳужжатида пенсиядан чегирмалар тури кўрсатилмаган ҳолларда бу ҳақида Мажбурий ижро бюроси туман (шаҳар) бўлимларига ёзма равишда хабар берилади.

246. Бир нафар пенсионерга нисбатан бир нечта ижро ҳужжатлари келиб тушганда пенсиялардан чегирмалар Ўзбекистон Республикасининг "Суд ҳужжатлари ва бошқа органлар ҳужжатларини ижро этиш тўғрисида"ги Қонунининг 80-моддасига мувофиқ навбат тартибида амалга оширилади.

Ўзбекистон Республикасининг "Суд ҳужжатлари ва бошқа органлар ҳужжатларини ижро этиш тўғрисида"ги Қонунининг 79-моддаси иккинчи қисмига асосан ҳар бир кейинги навбатдаги талаблар ўзидан олдинги навбатдаги талаблар тўлиқ қондирилгандан кейин қаноатлантирилади.

Ундирилган сумма бир навбатдаги барча талабларни тўла қаноатлантириш учун етарли бўлмаса, улар ҳар бир ундирувчига тегишли суммага мутаносиб равишда қаноатлантирилади.

247. Ундирув қаратилган пенсионернинг доимий яшаш (пенсия тўлаш) жойи ўзгарганда ижро ҳужжати юборилган манзил тўғрисида Мажбурий ижро бюроси туман (шаҳар) бўлимлари хабардор қилинади.

248. Ижро ҳужжатлари ҳамда пенсионерларнинг аризалари бўйича пенсиядан чегирма қилиш мазкур Низомнинг 234-бандида назарда тутилган ҳолларда тўхтатилади.

Бундай ҳолларда пенсиядан чегирма қилиш бўйича ижро ҳужжатлари Мажбурий ижро бюроси туман (шаҳар) бўлимларига қайтарилади, ариза эса пенсияга оид ҳужжатлар йиғмажилдига тикилади.

5-§. Пенсия ва нафақа тўлови учун маблағлар

ҳисоби ва ҳисоботини юритиш

249. Пенсия ва нафақа тўлови учун харажатлар ҳисоби ички ишлар органлари томонидан қонунчилик ҳужжатларида бюджет ташкилотлари учун белгиланган тартибда бухгалтерия ҳужжатлари ва пенсионернинг пенсияга оид ҳужжатлари йиғмажилдларида юритилади.

250. Ички ишлар органлари томонидан пенсия ва нафақа тўловига оид ойлик, чораклик ва йиллик ҳисоботлар Вазирлик томонидан белгиланган шакл ва муддатларда тақдим этилади.

251. Вазирлик томонидан пенсия ва нафақа тўловига оид ойлик, чораклик ва йиллик ҳисоботлар Ўзбекистон Республикаси Молия вазирлигига тақдим этилади.

252. Пенсия ва нафақаларнинг тўғри тайинланиши ва тўланишини назорат қилиш Вазирлик томонидан амалга оширилади.

9-БОБ. ЯКУНЛОВЧИ ҚОИДАЛАР

253. Ходим ва ҳарбий хизматчилар ёки уларнинг яқин қариндошларини ижтимоий ҳимоя қилиш билан боғлиқ низолар қонунчилик ҳужжатларида белгиланган тартибда ҳал этилади.

254. Мазкур Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.

        

        

Низомга

1-ИЛОВА

серия __ N 00000

УЙ-ЖОЙ АТТЕСТАТИ

      

1.

        

        

2.

        

          

3. Оила аъзолари сони (ўзгаришлар ҳақида маълумот)

         

        

4.

        

           

          

5. Уй-жойи борлиги ҳақида маълумотлар (хизмат уй-жойини олганлик, топширганлик ҳақида, ер участкаси ажратилгани ҳақида, уй-жой қуриш (сотиб олиш) учун узоқ муддатли ипотека кредити олганлик ҳақида қайдлар)

       

         

       

Иккинчи варақнинг олд томони

Уй-жойи борлиги ҳақида маълумотлар (хизмат уй-жойини олганлик, топширганлик ҳақида, ер участкаси ажратилгани ҳақида, уй-жой қуриш учун (сотиб олиш) узоқ муддатли ипотека кредити олганлик ҳақида қайдлар)

          

      

      

Иккинчи варақнинг орқа томони

6. Аттестатга киритилган маълумотларни текшириш ҳақида қайд (аттестатни тўлдиришда ва унга ўзгартиришлар киритишда)

        

           

          

Низомга

2-ИЛОВА

Тавсиянома бланкасининг

ШАКЛИ

            

         

          

Низомга

3-ИЛОВА

Тавсиянома бланкасининг

ШАКЛИ

         

         

         

Низомга

4-ИЛОВА

Тақдимнома бланкасининг

ШАКЛИ

           

          

         

Низомга

5-ИЛОВА

Тақдимнома бланкасининг

ШАКЛИ

           

         

       

Низомга

6-ИЛОВА

Ички ишлар органлари ходимлари

фарзандларининг давлат олий таълим муассасалари

ҳамда Ўзбекистон Республикаси Мудофаа вазирлиги,

Ички ишлар вазирлиги, Миллий гвардия ва Давлат

божхона қўмитасининг олий ва ўрта махсус таълим

муассасаларига ўқишга кириши учун

тавсиянома (тақдимнома) бериш

СХЕМАСИ

           

         

         

Низомга

7-ИЛОВА

Давлат олий таълим муассасалари ҳамда

Ўзбекистон Республикаси Мудофаа вазирлиги, Ички

ишлар вазирлиги, Миллий гвардия ва Давлат божхона

қўмитасининг олий ва ўрта махсус таълим муассасаларига

ўқишга кириши учун тавсиянома (тақдимнома) берилган,

терроризм ва жиноятчиликка қарши курашиш ҳамда

жамоат хавфсизлигини таъминлаш чоғида ҳалок

бўлган ёки олган жароҳати туфайли ногирон

бўлиб қолган ходимлар фарзандларининг

РЎЙХАТИ

           

           

         

Низомга

8-ИЛОВА

Ички ишлар органи ходими

ва ҳарбий хизматчилари ёки уларнинг яқин

қариндошларининг мол-мулкига унинг хизмат

мажбуриятларини бажариши билан боғлиқ ҳолда

етказилган зарарнинг ўрнини қоплаш

СХЕМАСИ

          

         

       

Низомга

9а-ИЛОВА

Ички ишлар органи ходимларига

(профилактика катта инспекторлари ва профилактика

инспекторларидан ташқари) йўл харажатлари учун

пуллик компенсацияни тўлаш тартибининг

СХЕМАСИ

          

          

          

Низомга

9б-ИЛОВА

Ички ишлар органлари таянч пунктларидаги

профилактика катта инспекторлари ва профилактика

инспекторларига йўл харажатлари учун пуллик

компенсация тўлаш тартибининг

СХЕМАСИ

         

          

         

Низомга

9в-ИЛОВА

Ички ишлар органи ходимларига

йўл харажатлари учун йўл чипталарини

бериш тартибининг

СХЕМАСИ

            

         

          

Низомга

10-ИЛОВА

Шахсий транспортдан хизмат

сафарларида фойдаланганлик учун пулли

компенсация тўлаш тартибининг

СХЕМАСИ

           

         

        

Низомга

11-ИЛОВА

Ички ишлар органларида хизмат

мажбуриятларини бажариш чоғида тан жароҳати

олган (етказилган) ходим ва ҳарбий хизматчилар,

курсант ва тингловчиларга ёки ҳалок бўлган

(вафот этган) ходим ва ҳарбий хизматчилар,

курсант ва тингловчиларнинг оила аъзоларига

бир марталик нафақа тайинлаш тартиби

СХЕМАСИ

              

           

           

Низомга

12-ИЛОВА

          

        

Олган (етказилган) тан жароҳати бўйича

-сон ДАЛОЛАТНОМА

         

          

         

      

         

         

         

       

       

       

          

         

              

         

         

6. Тан жароҳати олишнинг сабаблари ва ҳолатлари бўйича хулоса:

        

          

          

          

          

Далолатномани тузган шахслар:

       

           

           

          

         

Низомга

13-ИЛОВА

Бир марталик тўланадиган нафақа бўйича

ТАҚДИМНОМА

         

         

            

           

          

         

            

           

               

          

        

Р О З И М А Н

         

            

          

          

Қ Ў Ш И Л А М А Н

         

          

          

            

          

         

Низомга

14-ИЛОВА

Бир марталик тўланган нафақалар бўйича

ҲИСОБОТ

             

           

          

           

  

           

Низомга

15-ИЛОВА

Бир марталик тўланган нафақа тўғрисида

ҳудудлар ва муассасалар бўйича

ҲИСОБОТ

          

          

       

Низомга

16-ИЛОВА

          

        

АРИЗА

          

            

           

Аризага қуйидаги ҳужжатларни илова қиламан:

        

          

          

          

          

          

          

Агар ишга кирсам, бу ҳақида ички ишлар органи молиявий таъминот хизматига 10 кун ичида хабар қиламан.

              

          

         

Низомга

17-ИЛОВА

          

        

Хизмат муддатини ўтаганлиги бўйича,

ногиронлик ёки боқувчисини йўқотганлик

пенсиясини тайинлаш тўғрисида

Х У Л О С А

         

           

           

       

          

          

4. Хизмат йили: календарь ҳисобда - ______ йил, имтиёзли ҳисобда - _____ йил.

5. ТМЭК томонидан "_______" гуруҳ ногиронлиги белгиланган.

6. Пенсия тайинлашда инобатга олинган пул миқдори:

          

          

          

          

          

          

7. Пенсия тайинланадиган оила аъзолари (боқувчисини йўқотганлик пенсияси тайинланганда):

            

           

8. __________________________ 20___ йил "___" _______дан пенсия олиш ҳуқуқига эга.

                                     (Ф.И.О.)

______________________________ га асосан хизмат йили бўйича ҳар ойига ________________________________________________ сўм миқдорида пенсия белгиланди.

9. Пенсия тўлаш шартлари: ойлик маошини ҳисобга олган холда.

10. Бир йўла тўланадиган нафақа: _____________________________________ сўм миқдорида тўланди.

             

           

             

             

            

Пенсия гувоҳномасининг тартиб рақами:_________ 20__ йил "____" _________

           

         

"РОЗИМАН"

Молиявий таъминот хизмати бошлиғи

__________________________________________

(унвони ва Ф.И.О.)

__________________________________________

(Имзо)

20__ йил "___" ____________________

          

         

Низомга

18-ИЛОВА

Пенсияга оид ҳужжатлар

йиғмажилдини қайд этиш

ДАФТАРИ

            

          

        

Низомга

19-ИЛОВА

Пенсияга оид ҳужжатлар

йиғмажилдини қайд этиш

ДАФТАРИ

            

          

        

Қонун ҳужжатлари маълумотлари миллий базаси (www.lex.uz),

2022 йил 5 июль