Ўзбекистон Республикаси Вазирлар Маҳкамасининг 05.03.2024 й. 112-сон "Халқаро брендлар товарларининг айрим турларини бренд эгалари ёки уларнинг ваколатли етказиб берувчилари (расмий дистрибьюторлар, дилерлар, ишлаб чиқарувчиларнинг савдо вакиллари ва уларнинг дистрибьюторлари, лицензиатлари) билан тузилган тўғридан-тўғри шартнома асосида импорт қилувчилар реестрини шакллантириш ва юритиш тартиби тўғрисидаги низомга ўзгартириш ва қўшимчалар киритиш ҳақида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

05.03.2024 й.

N 112

ХАЛҚАРО БРЕНДЛАР ТОВАРЛАРИНИНГ

АЙРИМ ТУРЛАРИНИ БРЕНД ЭГАЛАРИ ЁКИ

УЛАРНИНГ ВАКОЛАТЛИ ЕТКАЗИБ БЕРУВЧИЛАРИ

(РАСМИЙ ДИСТРИБЬЮТОРЛАР, ДИЛЕРЛАР, ИШЛАБ

ЧИҚАРУВЧИЛАРНИНГ САВДО ВАКИЛЛАРИ ВА

УЛАРНИНГ ДИСТРИБЬЮТОРЛАРИ, ЛИЦЕНЗИАТЛАРИ)

БИЛАН ТУЗИЛГАН ТЎҒРИДАН-ТЎҒРИ ШАРТНОМА

АСОСИДА ИМПОРТ ҚИЛУВЧИЛАР РЕЕСТРИНИ

ШАКЛЛАНТИРИШ ВА ЮРИТИШ ТАРТИБИ

ТЎҒРИСИДАГИ НИЗОМГА ЎЗГАРТИРИШ

ВА ҚЎШИМЧАЛАР КИРИТИШ ҲАҚИДА

Ўзбекистон Республикаси Президентининг "Аҳолини халқаро брендларнинг сифатли маҳсулотлари билан таъминлаш ва маҳаллий корхоналарнинг глобал қўшилган қиймат занжирларига кириши учун қўшимча шароит яратишга оид чора-тадбирлар тўғрисида" 2022 йил 12 октябрдаги ПҚ-393-сон қарори ижросини таъминлаш, шунингдек халқаро брендларни Ўзбекистон бозорига киришида қўшимча қулайликлар яратиш мақсадида Вазирлар Маҳкамаси ҚАРОР ҚИЛАДИ:

1. Вазирлар Маҳкамасининг 2023 йил 9 мартдаги 99-сон қарори билан тасдиқланган Халқаро брендлар товарларининг айрим турларини бренд эгалари ёки уларнинг ваколатли етказиб берувчилари (расмий дистрибьюторлар, дилерлар, ишлаб чиқарувчиларнинг савдо вакиллари ва уларнинг дистрибьюторлари, лицензиатлари) билан тузилган тўғридан-тўғри шартнома асосида импорт қилувчилар реестрини шакллантириш ва юритиш тартиби тўғрисида низомга иловага мувофиқ қуйидагиларни назарда тутувчи ўзгартиришлар ва қўшимчалар киритилсин:

халқаро брендлар товарларининг айрим турларини импорт қилувчиларни Реестрга киритиш билан боғлиқ барча жараёнларни рақамлаштириш, шу жумладан, аризаларни қабул қилиш, экспертизадан ўтказиш ҳамда Инвестициялар ва ташки савдо вазирлиги ҳузуридаги Тариф ва нотариф тартибга солиш кенгаши томонидан кўриб чиқиш ишларини фақат электрон тизим орқали амалга ошириш;

аризаларни электрон тизим орқали кўриб чиқиш ва қарор қабул қилишнинг барча босқичларида белгиланган муддатларни қисқартириш ҳамда ушбу жараёнларнинг шаффофлигини таъминлаш;

замонавий бозор механизмларини қўллаган ҳолда, халқаро брендларини Ўзбекистон бозорига киришида қўшимча қулайликлар яратиш.

2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев зиммасига юклансин.

Ўзбекистон Республикасининг Бош вазири                                 А. Арипов

Вазирлар Маҳкамасининг

2024 йил 5 мартдаги

112-сон қарорига

ИЛОВА

Халқаро брендлар товарларининг

айрим турларини бренд эгалари ёки

уларнинг ваколатли етказиб берувчилари

(расмий дистрибьюторлар, дилерлар, ишлаб

чиқарувчиларнинг савдо вакиллари ва

уларнинг дистрибьюторлари, лицензиатлари)

билан тузилган тўғридан-тўғри шартнома

асосида импорт қилувчилар реестрини

шакллантириш ва юритиш тартиби

тўғрисида низомга киритилаётган

ўзгартиришлар ва қўшимчалар

1. 2-бандда:

а) учинчи хатбоши қуйидаги таҳрирда баён қилинсин:

"Халқаро бренд Бутунжаҳон интеллектуал мулк ташкилотининг Глобал бренд маълумотлар базасида рўйхатдан ўтган бўлиши ва қуйидаги дунё минтақаларидан камида иккитасининг чакана савдо тармоқларида иштирок этиши лозим: Шимолий Америка, Европа, Яқин Шарқ, Шарқий Осиё";

б) қуйидаги мазмундаги тўққизинчи ва ўнинчи хатбошилар билан тўлдирилсин:

"Ягона электрон ахборот тизими (ЯЭАТ) - Реестрга киритиш учун аризаларни юбориш, уларни қабул қилиш ва кўриб чиқиш жараёнларининг барча босқичларини қамраб олган Инвестициялар, саноат ва савдо вазирлигининг ваколатли ташкилотининг (кейинги ўринларда - вазирликнинг ваколатли ташкилоти) электрон тизими;

Кенгашнинг ваколатли аъзолари - инвестициялар, саноат ва савдо вазири (Кенгаш раиси), иқтисодиёт ва молия вазири ўринбосари (кенгаш раисининг ўринбосари), шунингдек, инвестициялар, саноат ва савдо вазирлиги, иқтисодиёт ва молия вазирлиги, Рақобатни ривожлантириш ва истеъмолчилар ҳуқуқларини ҳимоя қилиш қўмитаси, Божхона қўмитаси, Ўзбекистон техник жиҳатдан тартибга солиш агентлиги ва Савдо-саноат палатаси вакиллари".

2. 4-банд қуйидаги таҳрирда баён қилинсин:

"4. Реестрга кириш учун ариза берувчи вазирликнинг ваколатли ташкилотига мазкур Низомнинг 2-иловасига мувофиқ электрон шаклда ариза юборади".

3. 5-банднинг учинчи хатбошиси "чакана савдо" сўзларидан кейин "шаҳобчага ёки" сўзлари билан тўлдирилсин.

4. 6-банд қуйидаги таҳрирда баён қилинсин:

"6. Аризага қуйидаги ҳужжатлар илова қилинади:

ариза берувчи халқаро брендлар товарларининг айрим турларининг бренд эгалари ёки уларнинг ваколатли етказиб берувчилари эканлигини тасдиқловчи ҳужжатлар;

халқаро брендлар ёки уларнинг ваколатли етказиб берувчилари билан Ўзбекистон Республикаси ҳудудига маҳсулот етказиб бериш бўйича тўғридан-тўғри тузилган импорт шартномалари;

товарнинг келиб чиқиш мамлакати ва ишлаб чиқарувчиси ҳақида дастлабки маълумот;

ариза берилаётган товарнинг Ўзбекистон Республикаси ТИФ ТН бўйича тасниф коди ҳақида маълумот;

ариза берувчининг ўзига тегишли ёки ижарага олинган турғун чакана савдо шаҳобчалари, шу жумладан бинолари, бренд товарларни сотиш (савдо қилиш) учун объект ёки объектлари мавжудлиги тўғрисидаги маълумот;

чакана савдони амалга ошириш учун моддий-техника базаси мавжудлигини тасдиқловчи ҳужжатлар;

бренд эгаларининг халқаро чакана савдо тармоқлари мавжудлиги ҳақида маълумот;

жаҳоннинг қуйидаги минтақаларидан (давлатларидан) камида иккитаси - Шимолий Америка, Европа, Яқин Шарқ, Шарқий Осиёнинг чакана савдо тармоғида бренд маҳсулотларининг мавжудлигини тасдиқловчи ҳужжатлар;

бренднинг Бутунжаҳон интеллектуал мулк ташкилотининг Глобал бренд маълумотлар базасида рўйхатдан ўтганлигини тасдиқловчи маълумот;

дўконларда чакана савдо қилиш учун давлат рўйхатидан ўтказилганлиги тўғрисидаги гувоҳнома (якка тартибдаги тадбиркорлар учун);

брендлар расмий интернет сайтларининг мавжудлиги ҳақида маълумот.

Тўлиқ ҳажмда тақдим этилмаган ҳужжатлар кўриб чиқиш учун қабул қилинмайди, тўлиқ ҳужжатларга эга бўлмаган аризага эса, электрон тизим орқали 5 иш куни мобайнида рад жавоби берилади ҳамда электрон тизимда кўрсатилган камчиликлар бартараф этилганидан сўнг, аризани қайта топшириш мумкин ҳисобланади".

5. 7-банднинг биринчи хатбошисидаги "20" рақами "10" рақами билан алмаштирилсин.

6. 8-банд қуйидаги таҳрирда баён қилинсин:

"8. Тақдим этилган аризани ўрганиш натижасида ҳужжатлар ҳақиқий, асосли ва етарли деб топилган тақдирда, вазирликнинг ваколатли ташкилоти ариза берувчини Реестрга киритиш мақсадга мувофиқлигини кўриб чиқиш учун Тариф ва нотариф тартибга солиш кенгаши (кейинги ўринларда - Кенгаш) котибиятига ЯЭАТ орқали мазкур Низомга 2а-иловага мувофиқ шаклда Халқаро брендлар товарларининг айрим турларини бренд эгалари ёки уларнинг ваколатли етказиб берувчилари (расмий дистрибьюторлар, дилерлар, ишлаб чиқарувчиларни савдо вакиллари ва уларнинг дистрибьюторлари, лицензиатлари) билан тўғридан-тўғри шартнома асосида импорт қилувчилар Реестрига киритиш бўйича эксперт хулосасини ва унга илова қилинган ҳужжатларни киритади.

Кенгаш котибияти ЯЭАТ орқали эксперт хулоса ва унга илова қилинган ҳужжатларни 1 иш куни ичида Кенгашнинг ваколатли аъзолари шахсий кабинетларига (Кенгаш раиси ва унинг ўринбосари бундан мустасно) юборади. ЯЭАТ бу ҳақда, Кенгашнинг ваколатли аъзолари мобиль алоқа воситаларига автоматик равишда СМС-хабарнома жўнатади.

Кенгашнинг ваколатли аъзолари мазкур Низомнинг 3-бобига мувофиқ эксперт хулосасини ва унга илова қилинган ҳужжатларни кўриб чиқади".

7. 9-банднинг иккинчи ва учинчи хатбошилари қуйидаги таҳрирда баён қилинсин:

"Сертификат инвестициялар, саноат ва савдо вазирининг ўринбосари томонидан электрон рақамли имзо билан тасдиқланади ва реал вақт режимида автоматик равишда ариза берувчининг шахсий кабинетига юборилади.

Сертификат амал қилиш муддати давомида унга тегишли ўзгартириш ва қўшимчалар киритиш, жумладан импорт шартномасига қўшимча келишув натижасида (қўшимча келишувга мувофиқ импорт шартномаси суммаси ўзгарган ҳоллар бундан мустасно) сертификатни қайта расмийлаштириш соддалаштирилган тартибда амалга оширилади".

8. 11-бандда:

а) еттинчи хатбоши қуйидаги таҳрирда баён қилинсин:

"Шимолий Америка, Европа, Яқин Шарқ, Шарқий Осиё минтақаларининг камида иккитасининг чакана савдо тармоғида бренд маҳсулотининг мавжуд эмаслиги";

б) ўнинчи хатбоши "шаҳобчалари" сўзидан олдин "шаҳобчаси ёки" сўзлари билан тўлдирилсин;

в) ўн биринчи хатбоши қуйидаги таҳрирда баён қилинсин:

"Реестрга киритиш рад этилган тақдирда, ариза берувчига ЯЭАТ орқали аниқ сабаблари кўрсатилган ҳолда хабарнома юборилади".

9. 13-банддаги "кўриб чиқиш бўйича мажлислари бир ойда бир марта ўтказилади" сўзлари "кўриб чиқиши ЯЭАТ орқали амалга оширилади" сўзлари билан алмаштирилсин.

10. 15-банддан "ҳар ойда икки марта (1 ва 15-саналарда)" сўзлари чиқариб ташлансин.

11. 16 ва 17-бандлар ўз кучини йўқотган деб ҳисоблансин.

12. 18-банд қуйидаги таҳрирда баён қилинсин:

"18. Кенгашнинг ваколатли аъзолари 3 иш куни ичида Кенгаш котибияти томонидан ЯЭАТ орқали юборилган хулоса ва унга илова қилинган ҳужжатларни кўриб чиқиши ҳамда кўриб чиқиш натижаларига кўра ариза берувчини Реестрга киритишнинг мақсадга мувофиқлиги тўғрисида овоз бериши ёки мақсадга мувофиқ эмаслиги тўғрисида хулоса тақдим этиши шарт.

Кенгашнинг ваколатли аъзолари томонидан берилган овозлардан келиб чиқиб, мазкур Низомга 2б-иловага мувофиқ Тариф ва нотариф тартибга солиш бўйича кенгаш баёни ЯЭАТда автоматик равишда шаклланади.

Бунда Кенгашнинг ваколатли аъзоси (ёки аъзолари) томонидан ариза берувчини Реестрга киритишни мақсадга мувофиқ эмас деб топилган тақдирда, ушбу Низомнинг 19-бандида белгиланган таҳлиллар асосида хулоса шакллантирилади ва ЯЭАТга киритилади.

Кенгашнинг ваколатли аъзолари томонидан ушбу банднинг биринчи хатбошисида назарда тутилган муддат ичида ариза берувчини Реестрга киритишнинг мақсадга мувофиқлиги тўғрисида овоз берилмаган ёки мақсадга мувофиқ эмаслиги тўғрисида хулоса тақдим этилмаган тақдирда, ижобий хулоса олинган деб ҳисобланади ва Баённома автоматик равишда ЯЭАТда шаклланади.

Бунда қонунчилик ҳужжатларига мувофиқ жавобгарлик юзага келиши мумкин бўлган оқибатлар Кенгашнинг ваколатли аъзолари зиммасида юклатилади".

13. 21 - 23-бандлар қуйидаги таҳрирда баён қилинсин:

"21. Кенгашнинг ваколатли аъзолари қарори Баённома шаклида қабул қилингандан сўнг реал вақт режимида автоматик равишда Кенгаш котибиятига келиб тушади.

22. Кенгашнинг ваколатли аъзолари қарори Баённома шаклида қабул қилингандан сўнг:

ариза берувчини Реестрга киритиш мақсадга мувофиқ деб топилган тақдирда, мазкур Низомга 3-иловага мувофиқ шаклда Халқаро брендлар товарларининг айрим турларини бренд эгалари ёки уларнинг ваколатли етказиб берувчилари (расмий дистрибьюторлар, дилерлар, ишлаб чиқарувчиларни савдо вакиллари ва уларнинг дистрибьюторлари, лицензиатлари) билан тўғридан-тўғри шартнома асосида импорт қилувчилар Реестрига киритилганлиги ҳақидаги сертификат автоматик равишда шакллантирилади ва имзолаш учун ЯЭАТ орқали инвестициялар, саноат ва савдо вазирининг ўринбосарига юборилади;

салбий қарор қабул қилинган тақдирда, ариза берувчини Реестрга киритишни рад этиш тўғрисидаги қарор ЯЭАТ орқали вазирликнинг ваколатли ташкилотига юборилади.

23. Вазирликнинг ваколатли ташкилоти 2 иш куни мобайнида:

ЯЭАТ орқали сертификат имзолангандан сўнг ўз веб-сайтида бу ҳақда эълон жойлаштиради;

Кенгашнинг ариза берувчини Реестрга киритишни рад этиш тўғрисидаги баёни тақдим этилган тақдирда, бу тўғрисида ариза берувчининг шахсий кабинетига хабарнома юборади".

14. 25-банддаги "шартнома суммасининг, қўшимча келишувлар бўйича - қўшимча келишув" сўзлари "шартномаси ёки қўшимча келишувларга мувофиқ тақдим этилган спецификацияси" сўзлари билан алмаштирилсин.

15. 1-илова матни қуйидаги таҳрирда баён қилинсин:

"Халқаро брендлар товарларининг айрим

турларини бренд эгалари ёки уларнинг ваколатли

етказиб берувчилари (расмий дистрибьюторлар, дилерлар,

ишлаб чиқарувчиларнинг савдо вакиллари ва уларнинг

дистрибьюторлари, лицензиатлари) билан тузилган

тўғридан-тўғри шартнома асосида импорт

қилувчилар реестрини шакллантириш ва

юритиш тартиби бўйича

СХЕМА

         

         

16. 2-илова матни қуйидаги таҳрирда баён қилинсин:

"Халқаро брендлар товарларининг айрим

турларини бренд эгалари ёки уларнинг ваколатли

етказиб берувчилари (расмий дистрибьюторлар, дилерлар,

ишлаб чиқарувчиларнинг савдо вакиллари ва уларнинг

дистрибьюторлари, лицензиатлари) билан тузилган

тўғридан-тўғри шартнома асосида импорт

қилувчилар реестрига кириш учун

АРИЗА

        

      

Изоҳ. Ариза раҳбарнинг электрон рақамли имзоси билан имзоланади ва зарур ҳужжатлар илова қилинади".

17. Қуйидаги таҳрирдаги 2а ва 2б-иловалар билан тўлдирилсин:

"Халқаро брендлар товарларининг айрим

турларини бренд эгалари ёки уларнинг ваколатли

етказиб берувчилари (расмий дистрибьюторлар,

дилерлар, ишлаб чиқарувчиларни савдо вакиллари ва

уларнинг дистрибьюторлари, лицензиатлари) билан

тўғридан-тўғри шартнома асосида импорт

қилувчилар Реестрини шакллантириш ва

юритиш тартиби тўғрисида низомга

2а-ИЛОВА

Халқаро брендлар товарларининг айрим

турларини бренд эгалари ёки уларнинг ваколатли

етказиб берувчилари (расмий дистрибьюторлар, дилерлар,

ишлаб  чиқарувчиларни  савдо  вакиллари  ва  уларнинг

дистрибьюторлари, лицензиатлари) билан тўғридан-тўғри

шартнома асосида импорт қилувчилар Реестрига

киритиш бўйича ______-сонли

ЭКСПЕРТ ХУЛОСАСИ

       

       

         

Эксперт хулосаси:

       

"Ўзбекэкспертиза" акциядорлик жамияти ваколатли эксперти _____ йил "____" __________даги _______-сон ариза ва унга илова қилинган _____-йил "____" ___________даги _____-сон ________ (____________) _______ миқдоридаги импорт шартномасини ўрганиб чиқиб, аризада кўрсатилган маълумотлар ва материаллар Вазирлар Маҳкамасининг "Халқаро брендлар товарларининг айрим турларини бренд эгалари ёки уларнинг ваколатли етказиб берувчилари (расмий дистрибюторлар, дилерлар, ишлаб чиқарувчиларнинг савдо вакиллари ва уларнинг дистрибюторлари, лицензиатлари) билан тузилган тўғридан тўғри шартнома асосида импорт қилувчилар реестрини шакллантириш ва юритиш тартиби тўғрисида низомни тасдиқлаш ҳақида" 2023 йил 9 мартдаги 99-сон қарори билан белгиланган талабларга жавоб бериши ва Ариза берувчини Халқаро брендлар товарларининг айрим турларини бренд эгалари ёки уларнинг ваколатли етказиб берувчилари (расмий дистрибюторлар, дилерлар, ишлаб чиқарувчиларнинг савдо вакиллари ва уларнинг дистрибюторлари, лицензиатлари) билан тузилган тўғридан-тўғри шартнома асосида импорт қилувчилар Реестрига киритиш мақсадга мувофиқлигини тасдиқлайди. Вазирлар Маҳкамасининг 2023 йил 9 мартдаги 99-сон қарори билан тасдиқланган Халқаро брендлар товарларининг айрим турларини бренд эгалари ёки уларнинг ваколатли етказиб берувчилари (расмий дистрибюторлар, дилерлар, ишлаб чиқарувчиларнинг савдо вакиллари ва уларнинг дистрибюторлари, лицензиатлари) билан тузилган тўғридан тўғри шартнома асосида импорт қилувчилар реестрини шакллантириш ва юритиш тартиби тўғрисида низомга мувофиқ, ушбу хулосага илова қилинган ҳужжатлар Ариза берувчи ___________ни Реестрга киритиш тўғрисида қарор қабул қилиш учун Тариф ва нотариф тартибга солиш кенгашига тақдим этилади.

      

     

         

         

Халқаро брендлар товарларининг айрим

турларини бренд эгалари ёки уларнинг ваколатли

етказиб берувчилари (расмий дистрибьюторлар,

дилерлар, ишлаб чиқарувчиларни савдо вакиллари ва

уларнинг дистрибьюторлари, лицензиатлари) билан

тўғридан-тўғри шартнома асосида импорт

қилувчилар Реестрини шакллантириш ва

юритиш тартиби тўғрисида низомга

2б-ИЛОВА

Тариф ва нотариф тартибга солиш

бўйича кенгаш баёни

Иш рақами ____________

"____" ____________ й.

Кенгашнинг ваколатли аъзолари:

      

       

     

Кун тартиби:

       

__________-сонли иш бўйича ариза берувчи тақдим этган маълумотлар Ўзбекистон Республикаси Президентининг 2022 йил 12 октябрдаги ПҚ-393-сон қарорига ва Вазирлар Маҳкамасининг 2023 йил 9 мартдаги 99-сон қарори талаблари асосида импорт қилувчини халқаро бренд товарларининг айрим турларини импорт қилувчилар Реестрига киритишнинг мақсадга мувофиқ ёки мақсадга мувофиқ эмаслигини кўриб чиқиш.

Аризани кўриб чиқиш натижасига кўра кенгаш қарори:

     

       

18. 3-илова матни қуйидаги таҳрирда баён қилинсин:

         

"Халқаро брендлар товарларининг айрим

турларини бренд эгалари ёки уларнинг ваколатли

етказиб берувчилари (расмий дистрибьюторлар, дилерлар,

ишлаб  чиқарувчиларни  савдо  вакиллари  ва  уларнинг

дистрибьюторлари, лицензиатлари) билан тўғридан-тўғри

шартнома асосида импорт қилувчилар

Реестрига киритилганлиги ҳақидаги

сон-_____ СЕРТИФИКАТ

      

          

          

          

          

          

          

          

          

Сертификат берган органнинг ваколатли шахси

          

         

         

      

Сертификат берилган сана _________________

         

*) Ўзбекистон Республикаси Президентининг 2022 йил 12 октябрдаги ПҚ-393-сон қарори иловасига мувофиқ.

Изоҳ. Сертификат берилган санадан бошлаб 1 (бир) йил давомида амал қилади".

          

         

Қонун ҳужжатлари маълумотлари миллий базаси (www.lex.uz),

2024 йил 12 март