Марказий банк Бошқарувининг 24.07.2024 й. 23/12-сон "Ўзбекистон Республикасининг давлат қимматли қоғозлари билан РЕПО битимларини тузиш ва ижро этиш тартиби тўғрисидаги низомга ўзгартириш ва қўшимчалар киритиш ҳақида"ги Қарори (АВ томонидан 20.08.2024 й. 1829-4-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

20.08.2024 й.

N 1829-4

ЎЗБЕКИСТОН РЕСПУБЛИКАСИ

МАРКАЗИЙ БАНКИ БОШҚАРУВИНИНГ

24.07.2024 й.

N 23/12

ҚАРОРИ

Ўзбекистон Республикасининг давлат қимматли

қоғозлари билан РЕПО битимларини тузиш

ва ижро этиш тартиби тўғрисидаги низомга

ўзгартириш ва қўшимчалар киритиш ҳақида

Ўзбекистон Республикасининг "Ўзбекистон Республикасининг Марказий банки тўғрисида"ги, "Банклар ва банк фаолияти тўғрисида"ги ҳамда "Қимматли қоғозлар бозори тўғрисида"ги қонунларига мувофиқ Ўзбекистон Республикаси Марказий банки бошқаруви ҚАРОР ҚИЛАДИ:

1. Ўзбекистон Республикаси Марказий банки бошқарувининг 2008 йил 15 мартдаги 8/8-сон қарори (рўйхат рақами 1829, 2008 йил 18 июнь) (Ўзбекистон Республикаси қонун ҳужжатлари тўплами, 2008 й., 24-25-сон, 247-модда) билан тасдиқланган Ўзбекистон Республикасининг давлат қимматли қоғозлари билан РЕПО битимларини тузиш ва ижро этиш тартиби тўғрисидаги низомга иловага мувофиқ ўзгартириш ва қўшимчалар киритилсин.

2. Мазкур қарор Ўзбекистон Республикаси Иқтисодиёт ва молия вазирлиги билан келишилган.

3. Мазкур қарор расмий эълон қилинган кундан эътиборан кучга киради.

Марказий банк раиси                                                    М.Б. Нурмуратов

Қарорга

ИЛОВА

Ўзбекистон Республикасининг давлат қимматли

қоғозлари билан РЕПО битимларини тузиш

ва ижро этиш тартиби тўғрисидаги низомга

киритилаётган ўзгартириш ва қўшимчалар

1. Муқаддима қуйидаги таҳрирда баён этилсин:

"Ушбу Низом Ўзбекистон Республикасининг давлат қимматли қоғозлари билан РЕПО битимларини тузиш ва ижро этиш тартибини белгилайди.".

2. 2-банддаги "молиявий брокер сифатида фаолият кўрсатувчи" деган сўзлар "қимматли қоғозлар бозорида профессионал фаолият юритиш ҳуқуқини олган инвестиция воситачиси ва ЎзРВБ аъзоси ҳисобланган" деган сўзлар билан алмаштирилсин.

3. 3-бандда:

биринчи ва иккинчи хатбошилар қуйидаги таҳрирда баён этилсин:

"3. Мазкур Низомда қуйидаги асосий тушунчалар қўлланилади:

давлат қимматли қоғозлари (кейинги ўринларда - ДҚҚ) - Ўзбекистон Республикаси номидан чиқарилган давлат ғазначилик облигациялари, халқаро облигациялар, шунингдек Ўзбекистон Республикаси Марказий банкининг (кейинги ўринларда - Марказий банк) облигациялари;";

учинчи хатбошидан "айнан шу чиқарилишдаги ва миқдордаги" деган сўзлар чиқариб ташлансин;

ўн тўртинчи хатбоши "РЕПО битимининг томонлари келишуви асосида" деган сўзлардан кейин "дисконтни инобатга олган ҳолда" деган сўзлар билан тўлдирилсин;

йигирма тўққизинчи хатбошидаги "қимматли қоғозлар ва пул маблағлари" деган сўзлар "ДҚҚ ва пул маблағларидаги позициялар" деган сўзлар билан алмаштирилсин.

4. 5-бандда:

"б" кичик банддаги "10" рақами "5" рақами билан алмаштирилсин;

тўртинчи хатбоши қуйидаги таҳрирда баён этилсин:

"Таъминотга турли чиқарилишдаги ДҚҚларни ДҚҚ савати орқали киритиш мумкин.";

қуйидаги мазмундаги хатбоши билан тўлдирилсин:

"ДҚҚ савати РЕПО битими таркибига киритилиши мумкин бўлган ҳар хил чиқарилишлардаги ДҚҚ тўпламидан иборат рўйхат бўлиб, унинг таркибидаги ДҚҚ чиқарилишлари РЕПО битимининг иккинчи қисмини бажариш санасига қадар ДҚҚнинг бошқа чиқарилишлари билан РЕПО битими томонларининг келишувига асосан айирбошланиши мумкин. Бунда, ДҚҚнинг ҳар бир айирбошланиши натижасида вужудга келган таъминот қиймати РЕПО битимининг аввалги шартлари билан белгиланган таъминот қийматидан кам бўлмаслиги лозим.";

5. 7-банднинг биринчи хатбошисидан "Савдо тизими томонидан," деган сўзлар чиқариб ташлансин.

6. 8-банднинг иккинчи хатбошиси қуйидаги таҳрирда баён этилсин:

"РЕПО муддати давомида таъминот таркибидаги қимматли қоғозлар бўйича купон (фоиз) даромадлари эмитент томонидан дастлабки сотиб олувчига тўлаб берилади. Бунда, РЕПО суммаси тўлов амалга оширилган кунда ушбу тўланган купон (фоиз) даромади миқдорига камайтирилади.".

7. 11-бандда:

иккинчи хатбошидан "(автоматик)" деган сўз чиқариб ташлансин;

учинчи хатбоши қуйидаги таҳрирда баён этилсин:

"Дилернинг ўзи томонидан РЕПО ставкаси кўрсатиладиган рақобатли буюртмалардан фарқли равишда, рақобатсиз буюртмалар Савдо тизимига буюртма берилган вақтда биржа қоидаларига мувофиқ автоматик ҳисобланадиган РЕПО ставкаси бўйича киритилади.".

8. 12-бандда:

"в" кичик банд қуйидаги таҳрирда баён этилсин:

"в) буюртма берган дилер (инвестор)нинг номи ва таъминотдаги ДҚҚнинг идентификация рақами ёки халқаро коди;";

"э" кичик банддан "тизимдан ташқаридаги" деган сўзлар чиқариб ташлансин;

9. 18-банд ўз кучини йўқотган деб топилсин.

10. 19-21-бандлар қуйидаги таҳрирда баён этилсин:

"19. РЕПО битимлари таъминоти блокировка қилинган ёки таъминоти блокировка қилинмаган ҳолда тузилиши мумкин. Таъминоти блокировка қилинган РЕПО битими буюртмада тегишли шарт кўрсатилган тақдирдагина тузилади.

ЎзРВБнинг биржа гувоҳномаси РЕПО битимининг тузилганлигини тасдиқловчи ҳужжат бўлиб, унинг стандарт шакли биржа қоидаларига мувофиқ тасдиқланади.

20. Савдо тизимининг ҳар бир РЕПО битими бўйича дастлабки сотувчи ва дастлабки сотиб олувчидан оладиган воситачилик ҳақи биржа қоидаларига мувофиқ ундирилади.

21. РЕПО битимлари бўйича дилернинг мажбуриятлари ижросини таъминлаш ЎзРВБ томонидан унинг Марказий банкда очилган вакиллик ҳисобварағидан аксепциз тартибда ҳисобдан чиқариш орқали амалга оширилади.".

11. 22, 23 ва 27-бандлар ўз кучини йўқотган деб топилсин.

12. 31-банднинг иккинчи хатбошиси чиқариб ташлансин.

13. 34-банд ўз кучини йўқотган деб топилсин.

14. 38-банднинг иккинчи хатбошиси чиқариб ташлансин.

15. 49-банднинг тўртинчи хатбошиси қуйидаги таҳрирда баён этилсин:

"таъминотдаги ДҚҚ чиқаришлари ва/ёки ДҚҚнинг миқдори;".

16. 58-банднинг ўн учинчи хатбошиси қуйидаги таҳрирда баён этилсин:

"Амалдаги РЕПО битимининг иккинчи қисми Савдо тизимида автоматик равишда шаклланадиган ва хабарномадаги маълумотларни ўз ичига олган буюртма-топшириқларни дилерлар томонидан тасдиқланиши орқали ижро этилади.".

17. 71-банд қуйидаги таҳрирда баён этилсин:

"71. Таъминотнинг сотилиши тегишли РЕПО битимининг иккинчи қисми ижро этиш санасида ёки ижро этиш санасидан кейинги савдо кунидан бошлаб Савдо тизими томонидан ўтказиладиган кунлик ауксионлар шаклида амалга оширилади.

ДҚҚнинг ауксиондаги сотилиш нархи биржа қоидаларига мувофиқ белгиланади.".

18. 82 ва 83-бандлар қуйидаги таҳрирда баён этилсин:

"82. Марказий банк томонидан РЕПО битимлари мазкур Низомга ҳамда банк билан тузиладиган тўғридан-тўғри РЕПО битими бўйича Бош битимга мувофиқ амалга оширилади.

83. Марказий банк ва банклар ўртасида тўғридан-тўғри РЕПО битимлари овернайт РЕПО ва РЕПО аукционлари шаклида ўтказилади. Бунда, РЕПО битимларини ўтказиш тартиби ва шартлари биржа қоидаларига мувофиқ амалга оширилади.".

19. 85-банднинг "б" кичик бандидаги "Келишувни" деган сўз "Бош битимни" деган сўзлар билан алмаштирилсин.

20. 87-банд қуйидаги таҳрирда баён этилсин:

"87. РЕПО буюртмаси мазкур Низомнинг 12-бандида кўрсатилган РЕПО битимининг барча мажбурий шартларини ўз ичига олиши лозим.".

21. 88-банддаги "Келишувнинг" деган сўз "Бош битимнинг" деган сўзлар билан алмаштирилсин.

22. 89-92 ҳамда 94-бандлар ўз кучини йўқотган деб топилсин.

Қонун ҳужжатлари маълумотлари миллий базаси (www.lex.uz),

2024 йил 21 август