ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Давлат ҳуқуқий тизими асослари / Давлат хизматлари /

Ўзбекистон Республикаси Президентининг 15.02.2019 й. ПҚ-4193-сон "Давлат хизматлари кўрсатиш миллий тизимини янада комплекс ривожлантириш чоралари ҳақида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

15.02.2019 й.

N ПҚ-4193



ДАВЛАТ ХИЗМАТЛАРИ КЎРСАТИШ

МИЛЛИЙ ТИЗИМИНИ ЯНАДА КОМПЛЕКС

РИВОЖЛАНТИРИШ ЧОРАЛАРИ ҲАҚИДА


2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси ва Ўзбекистон Республикасида Маъмурий ислоҳотлар концепциясини рўёбга чиқариш, шунингдек, аҳолининг ҳаёт даражасини ошириш ва ишбилармонлик муҳитини яхшилаш, бизнесни ривожлантириш мақсадида давлат хизматлари кўрсатишнинг миллий тизимини сифат жиҳатидан янги даражага ўтказиш жадал суръатларда амалга оширилмоқда.

Қисқа вақт оралиғида "ягона дарча" тамойили бўйича кўрсатилаётган давлат хизматлари сони 100 та хизматдан ортди, хизматдан фойдаланиш учун мурожаат қилаётган фуқаролар сони эса 50 баробарга ошди. Бунда кўрсатиладиган давлат хизматлари кўрсаткичи қўшимча давлат хизматлари жорий этилиши муносабати билан яна икки баробар ортиши кутилмоқда.

Бизнес юритишда ортиқча бюрократик жараёнларни тубдан қисқартириш ва давлат хизматлари кўрсатиш миллий тизимини янада ривожлантириш мақсадида:


1. 2019 йил 1 июндан бошлаб шундай тартиб белгилансинки, унга кўра:

жисмоний ва юридик шахслар давлат хизматлари марказларида (кейинги ўринларда - Марказлар) фуқаролар доимий (вақтинча) рўйхатдан ўтган жойидан ва юридик шахслар почта манзилидан (жойлашган еридан) қатъий назар, давлат хизматларини экстерриториал тамойил бўйича олишга ҳақли;

давлат хизматларини олиш учун Ўзбекистон Республикаси Ягона интерактив давлат хизматлари портали (кейинги ўринларда - Ягона портал) орқали мурожаат этганда давлат божи, йиғимлар ва бошқа тўловлар Марказлар орқали ёки бевосита хизмат кўрсатувчи органларга мурожаат этганда тўланадиган суммадан 90 фоиз миқдорида тўланади;

Ягона портал орқали кўрсатилаётган давлат хизматлари учун давлат божлари ва йиғимларнинг Ўзбекистон Республикаси Адлия вазирлигининг (кейинги ўринларда - Вазирлик) Давлат хизматларини ривожлантириш жамғармасига йўналтириладиган қисми 20 фоиздан 10 фоизга камайтирилади ва бўшайдиган маблағлар қолган олувчилар орасида мутаносиб равишда тақсимланади;

давлат хизматлари кўрсатувчи давлат органлари ва ташкилотлар давлат хизматларини кўрсатиш учун зарур бўлган, Ўзбекистон Республикаси Адлия вазирлиги томонидан Ахборот технологиялари ва коммуникацияларини ривожлантириш вазирлиги билан биргаликда белгиланадиган рўйхат бўйича маълумотларни ўзларининг маълумотлар базаларига ва ахборот тизимларига электрон кўринишда электрон маълумотлар базаларини шакллантириш учун киритиб борадилар.

2. Ўзбекистон Республикаси Ички ишлар вазирлиги, Ер ресурслари, геодезия, картография ва давлат кадастри давлат қўмитаси, Вазирлар Маҳкамаси ҳузуридаги Давлат персоналлаштириш маркази, давлат хизматлари кўрсатувчи бошқа идора ва ташкилотлар ахборот хавфсизлиги талабларига риоя этган ҳолда ўзларининг идоравий ахборот тизимларида, ресурсларида ва маълумотлар базаларида мавжуд ва давлат хизматларини кўрсатиш учун зарур бўлган ахборот ва маълумотлар "Электрон ҳукумат" тизими идоралараро интеграциялашув платформасига тақдим этилишини ҳамда Вазирликка зарур ахборот ва маълумотлардан фойдаланиш имконини таъминласин.

3. Қуйидагилар:

Тадбиркорлик фаолияти соҳасидаги рухсат бериш тартиб-таомилларининг 2019 йил 1 апрелдан бошлаб бекор қилинадиган айрим турлари рўйхати 1-иловага мувофиқ;

Давлат хизматларини оптималлаштириш, давлат хизматлари кўрсатилиши учун зарур бўлган маълумотларнинг электрон базаларини шакллантириш ҳамда идоравий ахборот тизимлари ва маълумотлар базаларини "Электрон ҳукумат" тизимига интеграция қилиш бўйича тадбирлар режаси 3-иловага мувофиқ тасдиқлансин.


4. Вазирлик ва идоралар идоравий норматив-ҳуқуқий ҳужжатлар Жадвалга мувофиқ қайта кўриб чиқилишини:

Вазирлик, Электрон ҳукумат ва рақамли иқтисодиёт лойиҳаларини бошқариш маркази ва бошқа манфаатдор идоралар ходимларини жалб қилган ҳолда ишчи гуруҳлар тузиш;

аниқ бир турдаги давлат хизматини тартибга солувчи норматив-ҳуқуқий базани ялпи хатловдан ўтказиш;

давлат хизматларини оптималлаштириш, асоссиз чекловлар, ортиқча маъмурий тартиб-таомиллар ва эскирган тартибга солиш механизмларини бартараф этиш;

қонун ҳужжатларини қисқартириш, нормаларнинг кўплигини бартараф этиш ва уларни ягона норматив-ҳуқуқий ҳужжатга бирлаштириш орқали нормаларни тизимлаштириш;

давлат хизматлари кўрсатиш тартибларини Ўзбекистон Республикасининг "Маъмурий тартиб-таомиллар тўғрисида"ги Қонунига мослаштириш;

норматив-ҳуқуқий ҳужжатлар лойиҳаларини Ўзбекистон Республикаси Вазирлар Маҳкамасига белгиланган муддатларда киритиш орқали таъминласин.


5. Мазкур қарорнинг 3-иловасида кўрсатилган вазирлик, идора ва бошқа ташкилотлар раҳбарлари зиммасига Тадбирлар режасининг ўз вақтида ва сифатли амалга оширилиши юзасидан шахсий жавобгарлик юклансин.


6. 2019 йил 1 августдан бошлаб давлат хизматлари кўрсатишда давлат органлари ва бошқа ташкилотлар томонидан жисмоний шахслардан жамғариб бориладиган пенсия дафтарчалари, солиқ ва бошқа мажбурий тўловлар бўйича қарзи мавжуд ёки мавжуд эмаслиги тўғрисида маълумотномалар, солиқ тўловчининг ҳисобга қўйилганлиги тўғрисида гувоҳномалар, тўланган даромадлар ва жисмоний шахслардан олинадиган даромад солиғининг ушлаб қолинган суммалари тўғрисида маълумотномалар талаб қилиниши тақиқлансин.

Белгилансинки, давлат бошқаруви, маҳаллий давлат ҳокимияти органлари ва бошқа ташкилотлар мазкур бандда назарда тутилган ҳужжатларни давлат солиқ хизмати органлари, АТБ "Халқ банки", Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасидан электрон ўзаро ҳамкорлик орқали фақат идоралараро интеграциялашув платформасига ахборот олиш учун уланиш йўли билан мустақил равишда сўрайдилар ва оладилар;

Давлат солиқ қўмитаси, АТБ "Халқ банки", Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси 2019 йил 1 июлга қадар давлат хизматлари кўрсатиш жараёнида фойдаланиладиган ахборот тизимларини такомиллаштирсин ҳамда мазкур бандда назарда тутилган ахборот ва ҳужжатларни фақат идоралараро интеграциялашув платформаси орқали тақдим этсин.


7. Вазирликка Марказлар орқали давлат хизматларини жойларга чиққан ҳолда кўрсатиш (етказиб бериш) бўйича ўзи томонидан тасдиқланган тарифлар асосида пуллик экспресс-хизматлар кўрсатиш ҳуқуқи берилсин. Бунда ногиронлиги бўлган шахслар ва бориш қийин бўлган туманлар аҳолисига экспресс-хизматлар текин кўрсатилиши назарда тутилсин.

8. Давлат хизматлари кўрсатувчи давлат органлари ва бошқа ташкилотлар мансабдор шахсларига:

фақат Марказлар орқали кўрсатиладиган давлат хизматларини жорий этиш бўйича тадбирларни ўз вақтида бажариш;

давлат хизматлари кўрсатиш жараёнида фойдаланиладиган ахборот тизимлари ва маълумотлар базаларининг серверларида профилактика ишларини иш вақтидан ташқарида олиб бориш;

давлат хизматлари кўрсатиш жараёнида фойдаланиладиган ўзларининг ахборот тизимлари ва маълумотлар базаларидаги носозликлар ҳақида Вазирликни хабардор қилиш, шунингдек, уларни зудлик билан тузатиш чораларини кўриш учун шахсий жавобгарлик юклансин.

10. Ўзбекистон Республикаси Адлия вазирлиги:

бир ой муддатда Ўзбекистон Республикаси Марказий банки, бошқа манфаатдор идоралар билан биргаликда давлат хизматлари кўрсатишда Марказлар ходимлари томонидан аризачилардан нақд ва нақдсиз пул қабул қилиш механизмини жорий этсин;

бир ой муддатда манфаатдор идоралар билан биргаликда давлат хизматларини тезлаштирилган тартибда оширилган тарифлар бўйича кўрсатиш тартибини Вазирлар Маҳкамасига тасдиқлаш учун киритсин;

уч ой муддатда манфаатдор идоралар билан биргаликда давлат бошқаруви органлари ва бошқа ташкилотлар ходимлари томонидан давлат хизматлари кўрсатилишида самарадорлик ва натижадорликнинг асосий кўрсаткичлари (KPI) (кўрсатилган хизматларнинг миқдори ва сифати, хизмат кўрсатиш тезлиги, ходимнинг хушмуомалалиги ва малакалилиги, мурожаатчиларнинг фикрлари ва бошқалар) ҳамда уларнинг фаолиятини баҳолаш тартибини ишлаб чиқсин ва тасдиқласин;

уч ой муддатда Агентликнинг "Call service" орқали давлат хизматлари кўрсатиш механизмини назарда тутувчи норматив-ҳуқуқий ҳужжатни ишлаб чиқсин ва қабул қилсин;

манфаатдор идоралар билан биргаликда 2020 йил 1 майга қадар "ФҲДЁ ягона электрон архиви" ахборот тизимининг блокчейн технологиясидан фойдаланиш асосида, шу жумладан, давлат-хусусий шериклик шартларида жорий этилишини таъминласин.


11. Ўзбекистон Республикаси Халқ таълими вазирлиги Ўзбекистон Республикаси Президенти ҳузуридаги Лойиҳа бошқаруви миллий агентлиги билан биргаликда юқори синфлар учун "Информатика ва ахборот технологиялари" фанининг ўқув дастурига "Электрон ҳукумат" тизими хизматларидан фойдаланиш, талаб энг юқори бўлган давлат хизматларини замонавий ахборот-коммуникация технологияларидан, шу жумладан, Ягона порталдан фойдаланган ҳолда олиш кўникмаларига ўргатишга бағишланган махсус бўлим киритсин.


12. Иқтисодий ривожланиш даражаси ортда қолаётган туманлар ҳамда чекка ҳудудларга салоҳиятли инвесторларни жалб қилиш мақсадида Қорақалпоғистон Республикаси Вазирлар Кенгаши раиси, вилоятлар ва Тошкент шаҳар ҳокимларига Ўзбекистон Республикаси Президентининг 2018 йил 8 майдаги ПҚ-3701-сон "Ўзбекистон Республикаси Президентининг туман (шаҳар)лардаги Халқ қабулхоналари ҳузуридаги Давлат хизматлари марказлари биноларининг давлат-хусусий шериклик шартлари асосида қурилишини ташкил этиш тўғрисида"ги қарори доирасида қўшимча объектларни қуриш учун инвесторларга барча имтиёз ва афзалликлар сақлаб қолинган ҳолда тадбиркорлик фаолиятини амалга ошириш учун ҳудуд миқёсидаги бошқа туман (шаҳар)дан ер участкаларини ажратишга рухсат берилсин.


13. Давлат хизматлари марказлари биноларини қуриш Режа-жадвали 4-иловага мувофиқ тасдиқлансин.

Қорақалпоғистон Республикаси Вазирлар Кенгаши раиси, вилоятлар ва Тошкент шаҳар ҳокимларига Режа-жадвални ўз вақтида ва сифатли амалга ошириш юзасидан шахсий жавобгарлик юклансин.

14. 2021 йил 30 ноябрга қадар Ўзбекистон Республикаси Адлия вазирлиги ва Агентлик томонидан Марказлар, нотариуслар ва ФҲДЁ архивларини жиҳозлаш учун белгиланган тартибда шакллантириладиган рўйхатлар бўйича олиб келинадиган Ўзбекистон Республикасида ишлаб чиқарилмайдиган сервер ва компьютер ускуналари, бутловчи буюмлар ва эҳтиёт қисмлар, дастурий таъминот, асбоблар ва қурилмалар, бошқа ускуналар божхона тўловларидан (божхона йиғимларидан ташқари) озод қилинсин.


15. Ўзбекистон Республикаси Адлия вазирлиги манфаатдор идоралар билан биргаликда икки ой муддатда қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.


16. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти маслаҳатчиси Т.А. Худайбергенов зиммасига юклансин.



Ўзбекистон Республикаси Президенти                               Ш. Мирзиёев






Ўзбекистон Республикаси

Президентининг

2019 йил 15 февралдаги

ПҚ-4193-сон қарорига

1-ИЛОВА



Тадбиркорлик фаолияти соҳасидаги рухсат бериш

тартиб-таомилларининг 2019 йил 1 апрелдан

бошлаб бекор қилинадиган айрим турлари

РЎЙХАТИ

Т/р

Бекор қилинаётган

айрим фаолиятнинг

лицензияланадиган

турлари ва рухсат бериш

тартиб-таомиллари номи


Лицензия ва

рухсат бериш

тусидаги

ҳужжатлар беришга

ваколатли

орган


Тартиб-таомил ўрнатилган

норматив-ҳуқуқий ҳужжат


Тартибга солиш

механизми / асос

1.

Экспорт контракти рўйхатдан ўтказилганлиги тўғрисида гувоҳнома.


Инвестициялар ва ташқи савдо вазирлиги


Вазирлар Маҳкамасининг 2013 йил 15 августдаги 225-сон қарори билан тасдиқланган Тадбиркорлик фаолияти соҳасидаги рухсат этиш хусусиятига эга ҳужжатлар рўйхати (28-банд).

Вазирлар Маҳкамасининг 2017 йил 21 декабрдаги 1006-сон қарори билан тасдиқланган Экспорт контрактларини рўйхатдан ўтказиш тартиби тўғрисидаги низом.


Вазирлар Маҳкамасининг 2014 йил 21 июлдаги 199-сон "Ўзбекистон Республикасида ташқи савдо операциялари мониторингини такомиллаштиришга доир қўшимча чора-тадбирлар тўғрисида"ги қарорига мувофиқ тадбиркорлик субъектлари ташқи савдо контрактлари бўйича маълумотларни Ташқи савдо операцияларининг ягона электрон ахборот тизимига киритиб боради.


2.

Мол сўйишни амалга ошириш ҳуқуқини берувчи рухсат гувоҳномаси.


Туман (шаҳар) ҳокимлиги


Вазирлар Маҳкамасининг 2013 йил 15 августдаги 225-сон қарори билан тасдиқланган Тадбиркорлик фаолияти соҳасидаги рухсат этиш хусусиятига эга ҳужжатлар рўйхати (108-банд).


1. Тадбиркорлик субъекти сифатида рўйхатдан ўтиш.


2. Махсус сўйиш корхонасининг ветеринария, ветеринария-санитария қоидалари ва нормаларига мослиги тўғрисида ветеринария-санитария хулосаси.


3.

Ер қаъри участкасидан фойдаланишда бузилган ерлар қайта тикланганлиги ҳақида хулоса.


Туман (шаҳар) ҳокимлиги


Вазирлар Маҳкамасининг 2013 йил 15 августдаги 225-сон қарори билан тасдиқланган Тадбиркорлик фаолияти соҳасидаги рухсат этиш хусусиятига эга ҳужжатлар рўйхати (66-банд).

Вазирлар Маҳкамасининг 2018 йил 4 декабрдаги 983-сон қарори билан тасдиқланган Фойдали қазилмаларни қазиб олиш учун кон ажратиш тартиби тўғрисидаги низом (8-банд).


Саноат учун аҳамиятини йўқотган ёки кейинчалик ўтказилган геология-қидирув ишларида ёхуд конни қазишда тасдиқланмаган фойдали қазилма захираларини ер қаъридан фойдаланувчининг ҳисобидан чиқариш Ўзбекистон Республикаси Давлат геология ва минерал ресурслар қўмитаси ҳузуридаги Фойдали қазилмалар захиралари бўйича давлат комиссиясининг қарори билан амалга оширилади. Қарор қабул қилиниши учун туман (шаҳар) ҳокимлиги хулосасини тақдим этиш зарур.

Шу билан бирга, "Тадбиркорлик фаолияти соҳасидаги рухсат бериш тартиб-таомиллари тўғрисида"ги Қонуннинг 9-моддасига кўра ваколатли орган тадбиркорлик субъектига рухсат этиш хусусиятига эга ҳужжатни бериши учун бошқа ваколатли органлар томонидан бериладиган рухсат этиш хусусиятига эга ҳужжатларни олиши талаб қилинган ҳолларда, рухсат этиш хусусиятига эга ҳужжатларни бериш соддалаштирилган тартибда "бир дарча" орқали амалга оширилади, бунда ваколатли орган мазкур ҳужжатларни тадбиркорлик субъектининг иштирокисиз мустақил равишда олади.


4.

Вояга етмаганларга мўлжалланган дори воситаларини реклама қилишга рухсатнома.


Соғлиқни сақлаш вазирлиги


Вазирлар Маҳкамасининг 2013 йил 15 августдаги 225-сон қарори билан тасдиқланган Тадбиркорлик фаолияти соҳасидаги рухсат этиш хусусиятига эга ҳужжатлар рўйхати (109-банд).

Вазирлар Маҳкамасининг 2014 йил 15 декабрдаги 341-сон қарори билан тасдиқланган Вояга етмаганлар учун мўлжалланган дори воситаларини реклама қилишга рухсатнома бериш тартиби тўғрисидаги низом.


Вояга етмаганларга мўлжалланган дори воситалари рекламасига нисбатан тўлиқ талабларни тасдиқлаш.


5.

Қимматбаҳо металлар ва қимматбаҳо тошлардан ясалган буюмлар билан чакана савдо қиладиган тадбиркорлик субъектларининг савдо объектлари жойлашуви.


Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари


Вазирлар Маҳкамасининг 2013 йил 15 августдаги 225-сон қарори билан тасдиқланган Тадбиркорлик фаолияти соҳасидаги рухсат этиш хусусиятига эга ҳужжатлар рўйхати (118-банд).

Вазирлар Маҳкамасининг 2003 йил 13 февралдаги 75-сон қарори билан тасдиқланган Ўзбекистон Республикасида чакана савдо қоидалари (92-банд).


1. Тадбиркорлик субъекти сифатида рўйхатдан ўтиш.


2. Вазирлар Маҳкамасининг 2003 йил 13 февралдаги 75-сон қарори билан тасдиқланган Ўзбекистон Республикасида чакана савдо қоидалари.


6.

Ерларнинг барча тоифаларида геологик-суратга олиш, қидириш, геодезия ва бошқа турдаги қидирув ишларини олиб боришга рухсатнома.


Вилоят, туман (шаҳар) ҳокимлиги


Вазирлар Маҳкамасининг 2013 йил 15 августдаги 225-сон қарори билан тасдиқланган Тадбиркорлик фаолияти соҳасидаги рухсат этиш хусусиятига эга ҳужжатлар рўйхати (129-банд).


Тадбиркорлик субъекти сифатида рўйхатдан ўтиш.

Геологик ўрганиш учун ер қаъри участкаларидан фойдаланиш ҳуқуқига оид лицензия (Вазирлар Маҳкамасининг 2018 йил 12 июндаги 443-сон қарори билан тасдиқланган Норуда фойдали қазилмаларни ўз ичига олган ер қаъри участкаларидан фойдаланиш ҳуқуқига лицензиялар бериш тартиби тўғрисидаги низом).


        





Ўзбекистон Республикаси

Президентининг

2019 йил 15 февралдаги

ПҚ-4193-сон қарорига

3-ИЛОВА



Давлат хизматларини оптималлаштириш,

давлат хизматлари кўрсатилиши учун зарур бўлган

маълумотларнинг электрон базаларини шакллантириш

ҳамда идоравий ахборот тизимлари ва маълумотлар базаларини

"Электрон ҳукумат" тизимига интеграция қилиш бўйича

ТАДБИРЛАР РЕЖАСИ

       

Т/р

Тадбирлар номи


Амалга ошириш механизми


Муддатлар


Масъул органлар


1.

Аҳоли ҳамда тадбиркорлик субъектларига уларнинг кўчмас мулкларига нисбатан тақиқ борлигини аниқлаш имкониятини яратиш.

1. Кўчмас мулклар ҳисобини юритиш ахборот тизимларини такомиллаштириш, шу жумладан ваколатли органлар томонидан кўчмас мулкни бошқа шахсга бериш ва ушлаб қолиш тақиқланганлиги ҳамда тақиқ ечилганлиги тўғрисида белги қўйиш имкониятини яратиш.


2019 йил

июль



Давергеодезкадастр қўмитаси (Абдуллаев), Мажбурий ижро бюроси (Қудратходжаев), ИИВ (Бобожонов), Уйжойкоммунхизмат вазирлиги (Салиев), Лойиҳа бошқаруви миллий агентлиги (Максудов)

2. Электрон маълумотлар базасини шакллантириш ҳамда идоралараро электрон ҳамкорликни йўлга қўйиш учун давлат хизматларини кўрсатишда зарур бўлган қоғоз шаклидаги маълумотларни хатловдан ўтказиш.


2019 йил

июль

3. Жисмоний ва юридик шахсларнинг мол-мулки бўйича тақиқ ҳақидаги маълумотларни узатиш бўйича тегишли веб-сервис ишлаб чиқиш ва идоралараро маълумот алмашинуви платформасига уланиш.


2019 йил

декабрь

4. Давлат хизматларини кўрсатиш учун зарур бўлган ахборот ва маълумотларнинг электрон базаларини шакллантириш ҳамда давлат хизматларини кўрсатишда фойдаланиладиган тегишли ахборот ресурсларидан фойдаланиш имкониятини тақдим этиш.


2021 йил

январь

2.

Солиқ тўловчининг идентификация рақами (СТИР)дан фойдаланишдан жисмоний шахснинг шахсий идентификация рақами (ЖШШИР)дан фойдаланишга босқичма босқич ўтиш.

1. Давлат солиқ қўмитасига жисмоний шахсларнинг паспорт серияси ва рақами ҳамда ЖШШИР тўғрисидаги ахборотларни тақдим этиш.


2019 йил

июнь


Давлат персоналлаштириш маркази (Тураходжаев), ДСҚ (Мусаев), Давергеодезкадастр қўмитаси (Абдуллаев), Лойиҳа бошқаруви миллий агентлиги (Максудов)

2. Кўчмас мулк объектининг кадастр рақамини солиқ тўловчининг идентификация рақами (СТИР) ва жисмоний шахснинг шахсий идентификация рақами (ЖШШИР)га боғлаш бўйича ишларни тўлиқ бажариш ҳамда якунига етказиш.


2019 йил

ноябрь

3. Солиқ тўловчи тўғрисида маълумотни ЖШШИР бўйича берувчи веб-сервис ишлаб чиқиш ва идоралараро маълумот алмашинуви платформасига улаш.


2019 йил

декабрь

3.

Давлат хизматларидан фойдаланишда туғилганлик ҳақида гувоҳнома ҳамда ФҲДЁ органлари маълумотномаларининг нусхаларини тақдим қилиш заруриятини бекор қилиш.

1. Туғилганлик ҳақида гувоҳнома ва фуқаролик ҳолати далолатнома ёзувлари тўғрисида маълумот берувчи веб-сервис ишлаб чиқиш ва идоралараро маълумот алмашинуви платформасига улаш.


2019 йил

май


Адлия вазирлиги (Давлетов), Лойиҳа бошқаруви миллий агентлиги (Максудов)

2. Давлат хизматларини кўрсатиш жараёнида фойдаланиладиган масъул органларнинг 2000 йилдан 2020 йилгача архив фондини рақамлаштириш бўйича тадбирларни амалга ошириш ва тегишли ахборот ресурсларидан фойдаланиш имкониятини тақдим этиш.


2021 йил

январь

3. Масъул органларнинг 1950 йилдан 1999 йилгача архив фондини рақамлаштириш бўйича тадбирларни амалга ошириш.


2022 йил

январь

4. Масъул органларнинг архив фонди сақланиши бошланганидан 1949 йилга қадар архив фондини рақамлаштириш бўйича тадбирларни амалга ошириш.


2023 йил

декабрь

4.

Соғлиқ ҳолати тўғрисида маълумотнома тақдим қилиш заруриятини бекор қилиш.

1. Соғлиқ электрон карталарини юритиш бўйича ахборот тизимини яратиш ва жорий қилиш.


2020 йил

сентябрь


Соғлиқни сақлаш вазирлиги (Шодмонов), Лойиҳа бошқаруви миллий агентлиги (Максудов)

2. Давлат хизматларини кўрсатиш жараёнида иштирок этадиган тиббиёт муассасаларининг барча объектларини замонавий компьютер техникаси ва бошқа техник воситалар (қурилмалар) билан жиҳозлаш, шунингдек оптик толали алоқа каналларига улашни таъминлаш.


2020 йил

декабрь


3. Соғлиқ ҳолати (шу билан бирга диспансерларда рўйхатда турганлиги) ҳақидаги маълумот берувчи веб-сервис ишлаб чиқиш ва идоралараро маълумот алмашинуви платформасига улаш.


2020 йил

октябрь


4. Давлат хизматларини кўрсатиш учун зарур бўлган ахборот ва маълумотларнинг электрон базаларини шакллантириш ҳамда давлат хизматларини кўрсатишда фойдаланиладиган тегишли ахборот ресурсларидан фойдаланиш имкониятини тақдим қилиш.


2022 йил

январь


5.

Умумтаълим, ўрта махсус ва олий ўқув юртларида ўқиш жойидан маълумотнома тақдим этиш заруриятини бекор қилиш.

1. Таълим тизимида фойдаланиладиган ахборот тизимларини уларда ягона идентификаторларни қўллаган ҳолда такомиллаштириш.


2019 йил

август


Олий ва ўрта махсус таълим вазирлиги (Мажидов), Халқ таълими вазирлиги (Шерматов), Лойиҳа бошқаруви миллий агентлиги (Максудов)

2. Ўқиш жойи тўғрисида маълумот берувчи веб-сервис ишлаб чиқиш ва идоралараро маълумот алмашинуви платформасига улаш.


2019 йил

октябрь

3. Давлат хизматларини кўрсатиш учун зарур бўлган ахборот ва маълумотларнинг электрон базаларини шакллантириш ҳамда давлат хизматларини кўрсатишда фойдаланиладиган тегишли ахборот ресурсларидан фойдаланиш имкониятини тақдим қилиш.


2021 йил

декабрь

6.

Автотранспорт соҳасида автоматлаштирилган хизматларни жорий қилиш.

1. Қуйидаги маълумотларни тақдим қилувчи веб-сервис ишлаб чиқиш ва идоралараро маълумот алмашинуви платформасига улаш:

- рўйхатдан ўтказилган автотранспорт воситалари тўғрисида;

- ҳайдовчилик гувоҳномасини олган шахслар рўйхати тўғрисида;

- автотранспорт воситаларини техник кўрикдан ўтказиш муддатлари тўғрисида;

- жаримага тортилганлиги тўғрисидаги қарорнинг PDF шаклидаги нусхаси.


2019 йил

сентябрь


ИИВ (Бобожонов), Лойиҳа бошқаруви миллий агентлиги (Максудов)

2. Давлат хизматларини кўрсатиш учун зарур бўлган ахборот ва маълумотларнинг электрон базаларини шакллантириш ҳамда давлат хизматларини кўрсатишда фойдаланиладиган тегишли ахборот ресурсларидан фойдаланиш имкониятини тақдим этиш.


2021 йил

декабрь


7.

Кўчмас мулк объекти қайта рўйхатдан ўтказилганидан сўнг коммунал хизмат корхоналари ва бошқа ташкилотлар билан шартномаларни қайта расмийлаштириш заруриятини бекор қилиш.

1. Норматив-ҳуқуқий ҳужжатларнинг истеъмолчилар билан оферта кўринишида шартнома тузиш қисмига тегишли ўзгартириш ва қўшимчалар киритиш, шунингдек зарур маълумотларни идоралараро электрон ҳамкорлик йўли билан олиш.


2019 йил

июнь


Энергетика вазирлиги (Султанов), "Ўзтрансгаз" АЖ (Эшмуратов), "Ўзбекэнерго" АЖ (Мустафоев), сув таъминоти ва иссиқлик таъминоти, маиший чиқиндиларни олиб чиқиб кетиш корхоналари, Давергеодезкадастр қўмитаси (Абдуллаев), Лойиҳа бошқаруви миллий агентлиги (Максудов), ИИВ (Бобожонов)

2. Кўчмас мулк объектларининг ўзгарганлиги (қайта рўйхатдан ўтказилганлиги, чиқарилганлиги, янги киритилганлиги, бошқа кўчмас мулкдан ажратилганлиги, бошқа кўчмас мулк билан бирлаштирилганлиги) тўғрисидаги маълумот олиш имкониятини берувчи веб-сервис ишлаб чиқиш ва идоралараро маълумот алмашинуви платформасига улаш.


2019 йил

июль

3. Коммунал хизматлар ва бошқа ташкилотларнинг ахборот (биллинг) тизимларини истеъмолчилар ҳақидаги маълумотларни Давергеодезкадастр қўмитаси ҳамда Ички ишлар вазирлиги томонидан тақдим этилган маълумотларга кўра автоматик тарзда янгилаб бориш (чиқариб ташлаш) қисмида такомиллаштириш.


2019 йил

июль


8.

Ўзбекистон Республикаси ҳудудида доимий яшовчи хорижий фуқаролар ва фуқаролиги бўлмаган шахсларга, уларни электрон идентификация қилган ҳолда электрон давлат хизматлари кўрсатиш амалиётини жорий этиш.

1. Хорижий фуқаролар ва фуқаролиги бўлмаган шахсларга яшаш гувоҳномаси тақдим этишда уларга жисмоний шахснинг шахсий идентификация рақами бериш, шунингдек яшаш гувоҳномасида жисмоний шахснинг шахсий идентификация рақами йўқ бўлган гувоҳномани ҳаққоний эмаслигини белгиловчи нормани назарда тутувчи норматив-ҳуқуқий ҳужжат ишлаб чиқиш.


2019 йил

апрель


ИИВ (Бобожонов), Давлат персоналлаштириш маркази (Тураходжаев), Лойиҳа бошқаруви миллий агентлиги (Максудов)

2. Яшаш гувоҳномасида кўрсатилган маълумотларни (Ф.И.О., туғилган санаси ва жойи, фуқаролиги, оилавий аҳволи, келган санаси, яшаш гувоҳномаси қачон ва ким томонидан берилган, яшаш гувоҳномаси қайси ҳужжатларга асосан берилган, амал қилиш муддати ва муддат узайтирилганлиги, рўйхатдан ўтганлиги) тақдим қилиш бўйича веб-сервис ишлаб чиқиш ва идоралараро маълумот алмашинуви платформасига улаш.


2020 йил

январь

3. Ягона идентификация тизимини (id.gov.uz) Ўзбекистон Республикасида яшаш гувоҳномасига эга бўлган хорижий фуқаролар ва фуқаролиги бўлмаган шахсларни ушбу тизимда рўйхатдан ўтиш қисмини қўшган ҳолда такомиллаштириш.


2020 йил

январь

9.

Фуқароларга ҳисобланган пенсия ҳақида маълумот тақдим қилиш.

1. "Пенсия" дастурий таъминотини, шу жумладан жисмоний шахснинг шахсий идентификация рақамини жорий этган ҳолда такомиллаштириш.


2019 йил

май


Молия вазирлиги (Қўчқоров), Пенсия жамғармаси (Турсунов), ИИВ (Бобожонов), Давлат персоналлаштириш маркази (Тураходжаев), Лойиҳа бошқаруви миллий агентлиги (Максудов)


2. Пенсия миқдори ҳамда пенсия ҳисоблаб чиқариш санаси ва вақти ҳақида маълумот тақдим этиш бўйича веб-сервис ишлаб чиқиш ва идоралараро маълумот алмашинуви платформасига улаш.


2019 йил

сентябрь

10.

Бино ва иншоотларнинг санитария, ёнғин қоидалари ва объектни муҳофаза қилиш бўйича тадбирлар талабларига мувофиқлиги тўғрисида ахборотларини электрон шаклда юритиш амалиётини жорий этиш.

1. Норматив-ҳуқуқий ҳужжатларга бино ва иншоотлар санитария, ёнғин қоидалари ва объектни муҳофаза қилиш бўйича тегишли идоралар хулосаларини мурожаатчидан талаб этишни тақиқлаш йўли билан тегишли ўзгартириш ва қўшимчалар киритиш ҳамда зарур маълумотларни идоралараро электрон ҳамкорлик йўли билан тақдим этиш.


2019 йил

июль


Адлия вазирлиги (Давлетов), Соғлиқни сақлаш вазирлиги (Шодмонов), ИИВ (Бобожонов), ФВВ (Худайбергенов), Давергеодезкадастр қўмитаси (Абдуллаев), Лойиҳа бошқаруви миллий агентлиги (Максудов)

2. Кўчмас мулклар ҳисобини юритиш ахборот тизимларини, шу жумладан ваколатли органлар томонидан бино ва иншоотларнинг санитария, ёнғин қоидалари ва объектни муҳофаза қилиш талабларига мувофиқлиги бўйича маълумотларни киритиш имкониятларини яратиш йўли билан такомиллаштириш.


2019 йил

август

3. Бино ва иншоотларнинг санитария, ёнғин хавфсизлиги нормалари ва объектни муҳофаза қилиш тадбирлари талабларига мувофиқлигини аниқлаш бўйича веб-сервислар ишлаб чиқиш ва идоралараро маълумот алмашинуви платформасига улаш.


2019 йил

август

11.

"Электрон ҳукумат" тизими доирасида давлат хизматларини кўрсатишнинг самарали ишлашини таъминлаш, тадбиркорлик субъектлари ва аҳолига давлат хизматларини сифатли тақдим этиш ҳамда Ўзбекистон Республикасида инвестицион муҳитни яхшилаш.

1. Қуйидаги маълумотларни тақдим қилувчи веб-сервис ишлаб чиқиш ва идоралараро маълумот алмашинуви платформасига улаш:

- Интернет тармоқларида кадастр даҳа ва кварталлари чегараларидаги кўчмас мулк ҳақида маълумотларни (ердан фойдаланувчилар чегаралари, кадастр рақамлари, кўчмас мулк объектларининг манзиллари) ўз ичига олган давлат ахборот тизимларининг геомакон маълумотларидан фойдаланиш;

- давлат ахборот тизимларининг геомакон маълумотлари координатларини 1984 йилги умумжаҳон геодезик координатлар тизими (WGS-84) ва халқаро геоцентрик координатлар тизими  ITRS дан фойдаланган ҳолда акс эттириш;

- географик объектлар координатларини аниқлаш ва акс эттириш аниқлиги;

- Жаҳон бозорида эркин тарқатилувчи юқори аниқликдаги масофали зондлаш фазовий маълумотлардан фойдаланиш;

- геодезик нуқталар координатларини топиш аниқлиги;

- юқори аниқликдаги йўлдош геодезик ўлчамлар маълумотларидан фойдаланиш ва дифференциал тузатишларни олиш.


2019 йил

июнь


Давергеодезкадастр қўмитаси (Абдуллаев), Лойиҳа бошқаруви миллий агентлиги (Максудов)


2. Давлат хизматларини кўрсатиш жараёнида фойдаланиладиган масъул органларнинг 2000 йилдан 2020 йилгача архив фондини рақамлаштириш бўйича тадбирларни амалга ошириш ҳамда давлат хизматларини кўрсатишда фойдаланиладиган тегишли ахборот ресурсларидан фойдаланиш имкониятини тақдим этиш.


2021 йил

январь

3. Масъул органларнинг 1950 йилдан 1999 йилгача архив фондини рақамлаштириш бўйича тадбирларни амалга ошириш.


2022 йил

январь

4. Масъул органларнинг архив фонди сақланиши бошланганидан 1949 йилга қадар архив фондини рақамлаштириш бўйича тадбирларни амалга ошириш.


2023 йил

январь

5. Бош режа (схема) ҳақида маълумот тақдим этиш бўйича веб-сервис ишлаб чиқиш ва идоралараро маълумот алмашинуви платформасига улаш.


2019 йил

июнь

Қурилиш вазирлиги (Тўхтаев),

Лойиҳа бошқаруви миллий агентлиги (Максудов)

6. Давлат хизматларини кўрсатиш учун зарур бўлган ахборот ва маълумотларнинг электрон базаларини шакллантириш ҳамда давлат хизматларини кўрсатишда фойдаланиладиган тегишли ахборот ресурсларидан фойдаланиш имкониятини тақдим этиш.


2020 йил

январь

12.

Мувофиқлик сертификатини талаб қилувчи товарлар билан тўғридан-тўғри ишлайдиган органларнинг иш шароитларини яхшилаш.

1. Мувофиқлик сертификатлари давлат реестридан маълумотлар тақдим этиш бўйича веб-сервис ишлаб чиқиш ва идоралараро маълумот алмашинуви платформасига улаш.


2019 йил

июнь


"Ўзстандарт" агентлиги (Саттаров), Сертификатлаш бўйича аккредитациядан ўтган органлар, Лойиҳа бошқаруви миллий агентлиги (Максудов)


2. Давлат хизматларини кўрсатиш учун зарур бўлган ахборот ва маълумотларнинг электрон базаларини шакллантириш ҳамда давлат хизматларини кўрсатишда фойдаланиладиган тегишли ахборот ресурсларидан фойдаланиш имкониятини тақдим этиш.


2019 йил

июнь

13.

Давлат пенсияларини тайинлаш ва тўлаш учун фуқароларнинг иш стажи ва иш ҳақи тўғрисидаги маълумотларнинг очиқлигини таъминлаш.


1. Қуйидаги маълумотларни тақдим этувчи веб-сервис ишлаб чиқиш ва идоралараро маълумот алмашинуви платформасига улаш:

- иш ҳақи миқдори тўғрисида;

- пенсия тайинлаш учун ҳисобланадиган иш стажи.


2019 йил

сентябрь


ДСҚ (Мусаев), Молия вазирлиги (Қўчқоров), Лойиҳа бошқарув миллий агентлиги (Максудов)


2. Давлат хизматларини кўрсатиш учун зарур бўлган ахборот ва маълумотларнинг электрон базаларини шакллантириш ҳамда давлат хизматларини кўрсатишда фойдаланиладиган тегишли ахборот ресурсларидан фойдаланиш имкониятини тақдим этиш.


2022 йил

январь

"Ўзархив" агентлиги (Аъламов),

Лойиҳа бошқарув миллий агентлиги (Максудов)

14.

Давлат хизматлари марказлари орқали ер ости участкаларидан фойдаланиш ҳуқуқини берувчи лицензия ва ер қаъридан фойдаланиш бўйича бошқа давлат хизматларини жорий этиш бўйича таклифлар киритиш.


Норматив-ҳуқуқий ҳужжатлар лойиҳалари.


2019 йил

май


Адлия вазирлиги (Давлетов), Давлат геология қўмитаси (Исламов), Давлат экология қўмитаси (Қўчқоров)


             

Изоҳ: Мазкур Режада кўзда тутилган тадбирларни амалга ошириш билан боғлиқ харажатлар вазирлик ва идораларнинг бюджетдан ташқари маблағлари, жалб этиладиган халқаро молия институтлари ва хорижий ташкилотлар маблағлари ва техник кўмаги, донор-мамлакатлар кредитлари ва грантлари ҳамда қонун ҳужжатлари билан тақиқланмаган бошқа манбалар ҳисобидан қопланади.





Ўзбекистон Республикаси

Президентининг

2019 йил 15 февралдаги

ПҚ-4193-сон қарорига

4-ИЛОВА



Давлат хизматлари марказлари биноларини қуриш

РЕЖА-ЖАДВАЛИ

Т/р

Давлат хизматлари марказлари


Ижро муддати


Масъул ижрочилар


ҚОРАҚАЛПОҒИСТОН РЕСПУБЛИКАСИ

1.

Нукус шаҳри


2019 йил

июнь


Нукус шаҳар ҳокимлиги

2.

Амударё тумани


2019 йил

июль


Амударё тумани ҳокимлиги

3.

Беруний тумани


2019 йил

сентябрь


Беруний тумани ҳокимлиги

4.

Кегейли тумани


2020 йил

декабрь


Кегейли тумани ҳокимлиги

5.

Мўйноқ тумани


2019 йил

май


Мўйноқ тумани ҳокимлиги

6.

Нукус тумани


2020 йил

сентябрь


Нукус тумани ҳокимлиги

7.

Тахтакўпир тумани


2020 йил

сентябрь


Тахтакўпир тумани ҳокимлиги

8.

Тўрткўл тумани


2019 йил

декабрь


Тўрткўл тумани ҳокимлиги

9.

Хўжайли тумани


2019 йил

декабрь


Хўжайли тумани ҳокимлиги

10.

Чимбой тумани


2020 йил

июль


Чимбой тумани ҳокимлиги

11.

Шуманай тумани


2020 йил

сентябрь


Шуманай тумани ҳокимлиги

12.

Элликқалъа тумани


2019 йил

сентябрь


Элликқалъа тумани ҳокимлиги

13.

Қонликўл тумани


2020 йил

декабрь


Қонликўл тумани ҳокимлиги

14.

Қораўзак тумани


2020 йил

декабрь


Қораўзак тумани ҳокимлиги

15.

Қўнғирот тумани


2019 йил

июль


Қўнғирот тумани ҳокимлиги

16.

Тахиатош тумани


2019 йил

сентябрь


Тахиатош тумани ҳокимлиги

АНДИЖОН ВИЛОЯТИ

17.

Андижон шаҳри


2019 йил

сентябрь


Андижон шаҳар ҳокимлиги

18.

Андижон тумани


2019 йил

март


Андижон тумани ҳокимлиги

19.

Асака тумани


2019 йил

сентябрь


Асака тумани ҳокимлиги

20.

Балиқчи тумани


2019 йил

июнь


Балиқчи тумани ҳокимлиги

21.

Булоқбоши тумани


2019 йил

сентябрь


Булоқбоши тумани ҳокимлиги

22.

Бўз тумани


2019 йил

сентябрь


Бўз тумани ҳокимлиги

23.

Жалақудуқ тумани


2019 йил

сентябрь


Жалақудуқ тумани ҳокимлиги

24.

Избоскан тумани


2019 йил

сентябрь


Избоскан тумани ҳокимлиги

25.

Олтинкўл тумани


2019 йил

октябрь


Олтинкўл тумани ҳокимлиги

26.

Марҳамат тумани


2019 йил

август


Марҳамат тумани ҳокимлиги

27.

Улуғнор тумани


2019 йил

август


Улуғнор тумани ҳокимлиги

28.

Пахтаобод тумани


2020 йил

май


Пахтаобод тумани ҳокимлиги

29.

Хўжаобод тумани


2019 йил

октябрь


Хўжаобод тумани ҳокимлиги

30.

Хонобод шаҳри


2019 йил

август


Хонобод шаҳар ҳокимлиги

31.

Шаҳрихон тумани


2020 йил

март


Шаҳрихон тумани ҳокимлиги

БУХОРО ВИЛОЯТИ

32.

Жондор тумани


2019 йил

июнь


Жондор тумани ҳокимлиги

33.

Ғиждувон тумани


2019 йил

октябрь


Ғиждувон тумани ҳокимлиги

34.

Вобкент тумани


2019 йил

октябрь


Вобкент тумани ҳокимлиги

35.

Қоракўл тумани


2019 йил

май


Қоракўл тумани ҳокимлиги

36.

Шофиркон тумани


2019 йил

июнь


Шофиркон тумани ҳокимлиги

37.

Бухоро тумани


2019 йил

ноябрь


Бухоро тумани ҳокимлиги

38.

Когон тумани


2019 йил

ноябрь


Когон тумани ҳокимлиги

39.

Когон шаҳри


2019 йил

август


Когон шаҳар ҳокимлиги

40.

Олот тумани


2019 йил

сентябрь


Олот тумани ҳокимлиги

41.

Пешку тумани


2019 йил

март


Пешку тумани ҳокимлиги

42.

Ромитан тумани


2019 йил

ноябрь


Ромитан тумани ҳокимлиги

ЖИЗЗАХ ВИЛОЯТИ

43.

Арнасой тумани


2019 йил

декабрь


Арнасой тумани ҳокимлиги

44.

Бахмал тумани


2019 йил

декабрь


Бахмал тумани ҳокимлиги

45.

Дўстлик тумани*


2019 йил

март


Адлия вазирлиги

46.

Жиззах шаҳри


2019 йил

декабрь


Жиззах шаҳар ҳокимлиги

47.

Зафаробод тумани


2019 йил

декабрь


Зафаробод тумани ҳокимлиги

48.

Зарбдор тумани


2019 йил

декабрь


Зарбдор тумани ҳокимлиги

49.

Зомин тумани**


2019 йил

май


Давлат хизматлари маркази

50.

Пахтакор тумани


2019 йил

декабрь


Пахтакор тумани ҳокимлиги

51.

Фориш тумани


2019 йил

декабрь


Фориш тумани ҳокимлиги

52.

Ш.Рашидов тумани


2019 йил

декабрь


Ш.Рашидов тумани ҳокимлиги

53.

Ғаллаорол тумани


2019 йил

декабрь


Ғаллаорол тумани ҳокимлиги

54.

Янгиобод тумани


2019 йил

декабрь


Янгиобод тумани ҳокимлиги

ҚАШҚАДАРЁ ВИЛОЯТИ

55.

Қарши шаҳри


2019 йил

декабрь


Қарши шаҳар ҳокимлиги

56.

Қарши тумани


2019 йил

сентябрь


Қарши тумани ҳокимлиги

57.

Муборак тумани


2019 йил

сентябрь


Муборак тумани ҳокимлиги

58.

Шаҳрисабз тумани


2019 йил

сентябрь


Шаҳрисабз тумани ҳокимлиги

59.

Касби тумани


2019 йил

сентябрь


Касби тумани ҳокимлиги

60.

Миришкор тумани


2019 йил

сентябрь


Миришкор тумани ҳокимлиги

61.

Чироқчи тумани


2019 йил

декабрь


Чироқчи тумани ҳокимлиги

62.

Яккабоғ тумани


2019 йил

ноябрь


Яккабоғ тумани ҳокимлиги

63.

Шаҳрисабз шаҳри


2019 йил

сентябрь


Шаҳрисабз шаҳар ҳокимлиги

64.

Китоб тумани


2019 йил

декабрь


Китоб тумани ҳокимлиги

65.

Косон тумани

2019 йил

декабрь


Косон тумани ҳокимлиги

66.

Қамаши тумани


2019 йил

декабрь


Қамаши тумани ҳокимлиги

67.

Нишон тумани


2019 йил

декабрь


Нишон тумани ҳокимлиги

68.

Ғузор тумани


2019 йил

декабрь


Ғузор тумани ҳокимлиги

69.

Деҳқонобод тумани


2019 йил

декабрь


Деҳқонобод тумани ҳокимлиги

НАВОИЙ ВИЛОЯТИ

70.

Кармана тумани


2019 йил

декабрь


Кармана тумани ҳокимлиги

71.

Қизилтепа тумани


2019 йил

декабрь


Қизилтепа тумани ҳокимлиги

72.

Навбаҳор тумани


2019 йил

декабрь


Навбаҳор тумани ҳокимлиги

73.

Хатирчи тумани


2019 йил

декабрь


Хатирчи тумани ҳокимлиги

74.

Нурота тумани


2019 йил

декабрь


Нурота тумани ҳокимлиги

75.

Зарафшон шаҳри


2020 йил

декабрь


Зарафшон шаҳар ҳокимлиги

76.

Учқудуқ тумани


2019 йил

декабрь


Учқудуқ тумани ҳокимлиги

77.

Томди тумани


2020 йил

декабрь


Томди тумани ҳокимлиги

НАМАНГАН ВИЛОЯТИ

78.

Косонсой тумани


2019 йил

сентябрь


Косонсой тумани ҳокимлиги

79.

Мингбулоқ тумани


2019 йил

сентябрь


Мингбулоқ тумани ҳокимлиги

80.

Наманган тумани


2019 йил

декабрь


Наманган тумани ҳокимлиги

81.

Норин тумани


2019 йил

октябрь


Норин тумани ҳокимлиги

82.

Поп тумани


2019 йил

октябрь


Поп тумани ҳокимлиги

83.

Тўрақўрғон тумани


2019 йил

декабрь


Тўрақўрғон тумани ҳокимлиги

84.

Уйчи тумани


2019 йил

ноябрь


Уйчи тумани ҳокимлиги

85.

Учқўрғон тумани


2019 йил

ноябрь


Учқўрғон тумани ҳокимлиги

86.

Чортоқ тумани


2019 йил

сентябрь


Чортоқ тумани ҳокимлиги

87.

Чуст тумани


2019 йил

декабрь


Чуст тумани ҳокимлиги

88.

Янгиқўрғон тумани


2020 йил

май


Янгиқўрғон тумани ҳокимлиги

САМАРҚАНД ВИЛОЯТИ

89.

Самарқанд шаҳри


2019 йил

сентябрь


Самарқанд шаҳар ҳокимлиги

90.

Каттақўрғон шаҳри


2020 йил

апрель


Каттақўрғон шаҳар ҳокимлиги

91.

Булунғур тумани


2019 йил

сентябрь


Булунғур тумани ҳокимлиги

92.

Жомбой тумани


2019 йил

сентябрь


Жомбой тумани ҳокимлиги

93.

Иштихон тумани


2019 йил

сентябрь


Иштихон тумани ҳокимлиги

94.

Каттақўрғон тумани


2019 йил

октябрь


Каттақўрғон тумани ҳокимлиги

95.

Қўшработ тумани


2019 йил

декабрь


Қўшработ тумани ҳокимлиги

96.

Нарпай тумани


2019 йил

июнь


Нарпай тумани ҳокимлиги

97.

Нуробод тумани


2019 йил

июль


Нуробод тумани ҳокимлиги

98.

Оқдарё тумани


2019 йил

сентябрь


Оқдарё тумани ҳокимлиги

99.

Пайариқ тумани


2019 йил

июль


Пайариқ тумани ҳокимлиги

100.

Пастдарғом тумани


2019 йил

июль


Пастдарғом тумани ҳокимлиги

101.

Пахтачи тумани


2019 йил

сентябрь


Пахтачи тумани ҳокимлиги

102.

Самарқанд тумани


2019 йил

сентябрь


Самарқанд тумани ҳокимлиги

103.

Тойлоқ тумани


2020 йил

апрель


Тойлоқ тумани ҳокимлиги

104.

Ургут тумани


2019 йил

июнь


Ургут тумани ҳокимлиги

СИРДАРЁ ВИЛОЯТИ

105.

Гулистон шаҳри


2019 йил

август


Гулистон шаҳар ҳокимлиги

106.

Сайхунобод тумани


2019 йил

март


Сайхунобод тумани ҳокимлиги

107.

Гулистон тумани


2020 йил

март


Гулистон тумани ҳокимлиги

108.

Янгиер шаҳри


2020 йил

февраль


Янгиер шаҳар ҳокимлиги

109.

Сирдарё тумани


2019 йил

август


Сирдарё тумани ҳокимлиги

110.

Боёвут тумани


2020 йил

январь


Боёвут тумани ҳокимлиги

111.

Ширин шаҳри


2019 йил

сентябрь


Ширин шаҳар ҳокимлиги

112.

Оқолтин тумани


2019 йил

август


Оқолтин тумани ҳокимлиги

113.

Мирзаобод тумани


2019 йил

август


Мирзаобод тумани ҳокимлиги

114.

Сардоба тумани


2019 йил

декабрь


Сардоба тумани ҳокимлиги

115.

Ховос тумани


2019 йил

декабрь


Ховос тумани ҳокимлиги

СУРХОНДАРЁ ВИЛОЯТИ

116.

Термиз шаҳри


2019 йил

июнь


Термиз шаҳар ҳокимлиги

117.

Ангор тумани


2019 йил

июль


Ангор тумани ҳокимлиги

118.

Бойсун тумани


2019 йил

декабрь


Бойсун тумани ҳокимлиги

119.

Денов тумани


2019 йил

сентябрь


Денов тумани ҳокимлиги

120.

Жарқўрғон тумани


2019 йил

декабрь


Жарқўрғон тумани ҳокимлиги

121.

Қизириқ тумани


2019 йил

декабрь


Қизириқ тумани ҳокимлиги

122.

Қумқўрғон тумани


2019 йил

июль


Қумқўрғон тумани ҳокимлиги

123.

Музрабод тумани


2019 йил

сентябрь


Музрабод тумани ҳокимлиги

124.

Олтинсой тумани


2019 йил

июнь


Олтинсой тумани ҳокимлиги

125.

Сариосиё тумани


2019 йил

декабрь


Сариосиё тумани ҳокимлиги

126.

Термиз тумани


2019 йил

сентябрь


Термиз тумани ҳокимлиги

127.

Узун тумани


2019 йил

сентябрь


Узун тумани ҳокимлиги

128.

Шеробод тумани


2019 йил

декабрь


Шеробод тумани ҳокимлиги

129.

Шўрчи тумани


2019 йил

июль


Шўрчи тумани ҳокимлиги

ТОШКЕНТ ВИЛОЯТИ

130.

Ангрен шаҳри


2019 йил

сентябрь


Ангрен шаҳар ҳокимлиги

131.

Бекобод шаҳри


2019 йил

декабрь


Бекобод шаҳар ҳокимлиги

132.

Чирчиқ шаҳри


2019 йил

сентябрь


Чирчиқ шаҳар ҳокимлиги

133.

Бўка тумани


2020 йил

сентябрь


Бўка тумани ҳокимлиги

134.

Бўстонлиқ тумани


2019 йил

ноябрь


Бўстонлиқ тумани ҳокимлиги

135.

Зангиота тумани


2019 йил

май


Зангиота тумани ҳокимлиги

136.

Тошкент тумани


2019 йил

май


Тошкент тумани ҳокимлиги

137.

Олмалиқ шаҳри


2019 йил

декабрь


Олмалиқ шаҳар ҳокимлиги

138.

Оққўрғон тумани


2019 йил

сентябрь


Оққўрғон тумани ҳокимлиги

139.

Ўртачирчиқ тумани


2019 йил

сентябрь


Ўртачирчиқ тумани ҳокимлиги

140.

Паркент тумани

2019 йил

ноябрь


Паркент тумани ҳокимлиги

141.

Пискент тумани


2019 йил

ноябрь


Пискент тумани ҳокимлиги

142.

Оҳангарон тумани


2020 йил

ноябрь


Оҳангарон тумани ҳокимлиги

143.

Нурафшон шаҳри


2019 йил

сентябрь


Нурафшон шаҳар ҳокимлиги

144.

Оҳангарон шаҳри


2019 йил

ноябрь


Оҳангарон шаҳар ҳокимлиги

145.

Бекобод тумани


2020 йил

декабрь


Бекобод тумани ҳокимлиги

146.

Чиноз тумани


2020 йил

ноябрь


Чиноз тумани ҳокимлиги

147.

Юқоричирчиқ тумани


2019 йил

июль


Юқоричирчиқ тумани ҳокимлиги

148.

Янгийўл шаҳри


2020 йил

декабрь


Янгийўл шаҳар ҳокимлиги

149.

Янгийўл тумани


2020 йил

декабрь


Янгийўл тумани ҳокимлиги

150.

Қибрай тумани


2019 йил

сентябрь


Қибрай тумани ҳокимлиги

151.

Қуйичирчиқ тумани


2020 йил

сентябрь


Қуйичирчиқ тумани ҳокимлиги

ХОРАЗМ ВИЛОЯТИ

152.

Боғот тумани


2019 йил

сентябрь


Боғот тумани ҳокимлиги

153.

Гурлан тумани


2019 йил

сентябрь


Гурлан тумани ҳокимлиги

154.

Қўшкўпир тумани


2019 йил

август


Қўшкўпир тумани ҳокимлиги

155.

Ҳазорасп тумани


2019 йил

май


Ҳазорасп тумани ҳокимлиги

156.

Хива тумани


2019 йил

сентябрь


Хива тумани ҳокимлиги

157.

Хива шаҳри


2019 йил

сентябрь


Хива шаҳар ҳокимлиги

158.

Хонқа тумани


2019 йил

сентябрь


Хонқа тумани ҳокимлиги

159.

Янгиариқ тумани


2019 йил

август


Янгиариқ тумани ҳокимлиги

160.

Янгибозор тумани


2019 йил

сентябрь


Янгибозор тумани ҳокимлиги

161.

Шовот тумани


2019 йил

сентябрь


Шовот тумани ҳокимлиги

162.

Урганч тумани


2019 йил

май


Урганч тумани ҳокимлиги

163.

Урганч шаҳри


2019 йил

май


Урганч шаҳар ҳокимлиги

ФАРҒОНА ВИЛОЯТИ

164.

Марғилон шаҳри


2019 йил

сентябрь


Марғилон шаҳар ҳокимлиги

165.

Қува тумани


2019 йил

сентябрь


Қува тумани ҳокимлиги

166.

Фарғона тумани


2019 йил

август


Фарғона тумани ҳокимлиги

167.

Ёзёвон тумани


2019 йил

август


Ёзёвон тумани ҳокимлиги

168.

Қўштепа тумани


2019 йил

октябрь


Қўштепа тумани ҳокимлиги

169.

Олтиариқ тумани


2019 йил

ноябрь


Олтиариқ тумани ҳокимлиги

170.

Тошлоқ тумани


2019 йил

август


Тошлоқ тумани ҳокимлиги

171.

Бешариқ тумани


2019 йил

август


Бешариқ тумани ҳокимлиги

172.

Боғдод тумани


2019 йил

август


Боғдод тумани ҳокимлиги

173.

Данғара тумани


2019 йил

август


Данғара тумани ҳокимлиги

174.

Учкўприк тумани


2019 йил

сентябрь


Учкўприк тумани ҳокимлиги

175.

Ўзбекистон тумани


2019 йил

сентябрь


Ўзбекистон тумани ҳокимлиги

176.

Сўх тумани


2019 йил

июнь


Сўх тумани ҳокимлиги

ТОШКЕНТ ШАҲРИ

177.

Олмазор тумани


2019 йил

сентябрь


Олмазор тумани ҳокимлиги

178.

Сергели тумани


2019 йил

сентябрь


Сергели тумани ҳокимлиги

179.

Учтепа тумани


2019 йил

сентябрь


Учтепа тумани ҳокимлиги

180.

Чилонзор тумани


2019 йил

июль


Чилонзор тумани ҳокимлиги

181.

Яккасарой тумани


2019 йил

декабрь


Яккасарой тумани ҳокимлиги

182.

Яшнобод тумани


2019 йил

сентябрь


Яшнобод тумани ҳокимлиги

183.

Шайхонтоҳур тумани


2019 йил

ноябрь


Шайхонтоҳур тумани ҳокимлиги

184.

Миробод тумани


2019 йил

ноябрь


Миробод тумани ҳокимлиги

185.

Мирзо Улуғбек тумани


2019 йил

ноябрь


Мирзо Улуғбек тумани ҳокимлиги

186.

Юнусобод тумани


2019 йил

ноябрь


Юнусобод тумани ҳокимлиги

     

Изоҳ: Ўзбекистон Республикаси Президентининг "Ўзбекистон Республикаси Президентининг туман (шаҳар)лардаги Халқ қабулхоналари ҳузуридаги Давлат хизматлари марказлари биноларининг давлат-хусусий шериклик шартлари асосида қурилишини ташкил этиш тўғрисида"ги 2018 йил 8 майдаги ПҚ-3701-сон қарорига мувофиқ туман (шаҳар) Давлат хизматлари марказлари биноларини қуриш бўйича инвесторлар билан келишувга эришилган тақдирда, мазкур Режа-жадвалга ўзгартириш ва қўшимчалар киритилиши мумкин.


*) Қурилиш Адлия вазирлигининг бюджетдан ташқари маблағлари ҳисобидан амалга оширилади.


**) Қурилиш Давлат хизматлари агентлигининг бюджетдан ташқари маблағлари ҳисобидан амалга оширилади.



Қонун ҳужжатлари маълумотлари миллий базаси (www.lex.uz),

2019 йил 16 февраль


"Халқ сўзи", 2019 йил 19 февраль


"Ўзбекистон Республикаси қонун ҳужжатлари тўплами",

2019 йил 18 февраль, 7-сон, 120-модда
























































Время: 0.2146
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск