Ўзбекистон Республикаси Вазирлар Маҳкамасининг 18.10.2022 й. 610-сон "Кўчмас мулкка бўлган ҳуқуқларнинг ҳисобини юритишда шаффофликни таъминлаш, шунингдек, кадастр соҳасидаги айрим маъмурий тартиб-таомилларни такомиллаштириш чора-тадбирлари тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

18.10.2022 й.

N 610

КЎЧМАС МУЛККА БЎЛГАН

ҲУҚУҚЛАРНИНГ ҲИСОБИНИ ЮРИТИШДА

ШАФФОФЛИКНИ ТАЪМИНЛАШ, ШУНИНГДЕК,

КАДАСТР СОҲАСИДАГИ АЙРИМ МАЪМУРИЙ

ТАРТИБ-ТАОМИЛЛАРНИ ТАКОМИЛЛАШТИРИШ

ЧОРА-ТАДБИРЛАРИ ТЎҒРИСИДА

Кадастр соҳасида айрим давлат хизматларини кўрсатиш бўйича тартиб-таомилларни янада такомиллаштириш, кўчмас мулк ва унга тааллуқли ҳуқуқларнинг ҳисобини юритишда шаффофлик тамойилини жорий этиш, шунингдек, Ўзбекистон Республикаси Президентининг 2022 йил 28 январдаги ПФ-60-сон Фармони билан тасдиқланган 2022 - 2026 йилларга мўлжалланган Янги Ўзбекистоннинг тараққиёт стратегиясини "Инсон қадрини улуғлаш ва фаол маҳалла йили"да амалга оширишга оид давлат дастури ижросини таъминлаш мақсадида Вазирлар Маҳкамаси ҚАРОР ҚИЛАДИ:

1. Ўзбекистон Республикаси Президентининг 2022 йил 28 январдаги ПФ-60-сон Фармони билан тасдиқланган 2022 - 2026 йилларга мўлжалланган Янги Ўзбекистоннинг тараққиёт стратегиясини "Инсон қадрини улуғлаш ва фаол маҳалла йили"да амалга оширишга оид давлат дастурининг 46.3-бандига мувофиқ кўчмас мулкка бўлган ҳуқуқларнинг давлат реестридаги очиқ маълумотлар (кейинги ўринларда - очиқ маълумотлар) таркибини белгилаш, очиқ маълумотлар асосида оммавий геопортални жорий этиш ҳамда маълумотларни Миллий геоахборот тизими (кейинги ўринларда - ахборот тизими) орқали жисмоний ва юридик шахсларга тақдим этиш тартибини ишлаб чиқиш белгиланганлиги маълумот учун қабул қилинсин.

2. Белгилансинки:

Ўзбекистон Республикаси Давлат солиқ қўмитаси ҳузуридаги Кадастр агентлиги (кейинги ўринларда - Кадастр агентлиги) томонидан ахборот тизимида очиқ маълумотлар асосида оммавий геопортал юритилади;

кўчмас мулк объектларига кадастр йиғмажилдини тайёрлаш ишлари фақат ахборот тизими орқали электрон тарзда амалга оширилади;

кадастр муҳандисларининг ахборот тизимидан фойдаланиши ҳамда унга уланиши учун қўйиладиган техник ва дастурий талаблар, шунингдек, ахборот хавфсизлиги сиёсати Кадастр агентлиги томонидан амалга оширилади;

малака шаҳодатномасига эга бўлган кадастр муҳандислари томонидан ахборот тизимидан фойдаланилганлиги учун Кадастр агентлиги билан тузилган шартнома асосида ҳар ойда базавий ҳисоблаш миқдорининг бир баравари миқдорида Кадастр агентлигининг бюджетдан ташқари жамғармасига тўлов амалга оширилади;

кадастр муҳандислари томонидан амалга оширилган тўловлар Кадастр агентлигининг ахборот-коммуникация технологияларини ривожлантириш, ахборот тизимини юритиш ва техник қўллаб-қувватлаш учун сарфланади.

3. Қуйидагиларни назарда тутувчи Кўчмас мулкка бўлган ҳуқуқларнинг давлат реестридаги очиқ маълумотларни Миллий географик ахборот тизими орқали тақдим этиш тартиби тўғрисидаги низом 1-иловага мувофиқ тасдиқлансин:

очиқ маълумотларни оммавий геопортал орқали давлат бошқаруви органларига бепул, жисмоний шахслар, хўжалик бирлашмалари ва бошқа юридик шахсларга тўлов эвазига тақдим этиш тартиби;

кўчмас мулкка бўлган ҳуқуқларнинг давлат реестридаги ер участкасининг кадастр рақами, унинг манзили ва ундан фойдаланиш мақсади тўғрисидаги маълумотларни фойдаланувчилар томонидан бепул олиш имкониятини яратиш;

очиқ маълумотларни тақдим этиш шартлари ва муддатлари;

очиқ маълумотлар учун тўловларни амалга ошириш, уларни ҳисоблаш ва тушумларни тақсимлаш тартиби;

оммавий геопортал операторининг вазифалари.

4. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 2024 йил 1 январга қадар:

давлат органлари ва ташкилотлари, шунингдек, фуқароларнинг ўзини ўзи бошқариш органлари амалда фойдаланиб келаётган, бироқ ер ажратиш ҳақида қарор қабул қилинмаган ер участкаларини белгиланган тартибда расмийлаштириш ишларини якунласин;

Ўзбекистон Республикаси Уй-жой коммунал хизмат кўрсатиш вазирлиги ва Қурилиш вазирлиги билан биргаликда ҳар ойлик график асосида кўп квартирали уй мулкдорлари номидан маҳаллий давлат ҳокимияти органларига тегишли мурожаатлар юборилишини, уларга асосан кўп квартирали уй жойлашган ҳамда унга туташ ер участкасининг чегаралари ва ўлчамлари белгиланишини, шунингдек, кўп квартирали уй мулкдорларининг ер участкасидан доимий фойдаланиш ҳуқуқи белгиланиб, давлат рўйхатидан ўтказилишини таъминласин.

5. Давлат кадастрларини юритувчи ваколатли органлар 2022 йил охирига қадар ўзларининг маълумотлар базалари ахборот тизимига тўлиқ интеграция қилинишини таъминласин.

Ўзбекистон Республикаси Ахборот технологиялари ва коммуникацияларини ривожлантириш вазирлиги, Кадастр агентлиги, Адлия вазирлиги бошқа манфаатдор вазирлик ва идоралар билан биргаликда бир ой муддатда кадастр соҳасида давлат хизматлари кўрсатишнинг маъмурий регламентларининг давлат хизматлари кўрсатиш тизими билан интеграция қилинишини ҳамда Ўзбекистон Республикаси Ягона интерактив давлат хизматлари портали орқали жорий этилишини таъминласин.

6. Кадастр агентлиги:

уч ой муддатда кадастр муҳандислари томонидан кўчмас мулк объектларига кадастр йиғмажилдини, шу жумладан бирламчи кадастр йиғмажилдини тайёрлаш жараёнларини автоматлаштириш ҳамда уларнинг мониторингини юритиш имкониятини яратган ҳолда, Кадастр агентлигининг ахборот тизимларини модернизация қилиш чораларини кўрсин;

2022 йил 1 декабрга қадар Ўзбекистон Республикаси Президентининг "Давлат томонидан тартибга солинадиган соҳаларга хусусий секторни жалб этиш бўйича қўшимча чора-тадбирлар тўғрисида" 2020 йил 7 декабрдаги ПҚ-4913-сон қарорига мувофиқ кадастр йиғмажилдини тайёрлаш соҳасида Тошкент вилояти ва Тошкент шаҳрида ўтказилаётган тажриба-синов натижалари бўйича Вазирлар Маҳкамасига таклиф киритсин;

2023 йил 1 январга қадар очиқ маълумотлар асосида оммавий геопортални ишга туширсин;

икки ой муддатда манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.

7. Ўзбекистон Республикаси Ҳукуматининг 2-иловага мувофиқ айрим қарорларига ўзгартириш ва қўшимчалар киритилсин.

8. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари - иқтисодий тараққиёт ва камбағалликни қисқартириш вазири Ж.А. Қўчқоров ҳамда Ўзбекистон Республикаси Давлат солиқ қўмитаси раиси Ш.Д. Кудбиев зиммасига юклансин.

Ўзбекистон Республикасининг Бош вазири                                                    А. Арипов

Вазирлар Маҳкамасининг

2022 йил 18 октябрдаги

610-сон қарорига

2-ИЛОВА

Ўзбекистон Республикаси Ҳукуматининг

айрим қарорларига киритилаётган

ўзгартириш ва қўшимчалар

1. Вазирлар Маҳкамасининг 1998 йил 7 январдаги 11-сон қарори билан тасдиқланган Ўзбекистон Республикасининг Давлат сув кадастрини ишлаб чиқиш ва юритиш тартиби тўғрисидаги низом қуйидаги таҳрирда баён этилсин:

"Вазирлар Маҳкамасининг

1998 йил 7 январдаги

11-сон қарорига

ИЛОВА

Ўзбекистон Республикасининг Давлат

cув кадастрини ишлаб чиқиш ва

юритиш тартиби тўғрисида

НИЗОМ

1-боб. Умумий қоидалар

1. Давлат сув кадастри (кейинги ўринларда - Давлат сув кадастри) "Сув ва сувдан фойдаланиш тўғрисида"ги Ўзбекистон Республикаси Қонунига мувофиқ сув ресурсларидан оқилона фойдаланишни ташкил этиш, сув хўжалиги муносабатларини тартибга солиш, хўжалик фаолиятини, экологик вазиятни баҳолаш мақсадида ишлаб чиқилади ва юритилади ҳамда Ўзбекистон Республикаси Давлат кадастрлари ягона тизимининг таркибий қисми ҳисобланади.

2. Давлат сув кадастри ягона давлат сув фондини ташкил этувчи сув объектлари, сув ресурслари, сув режими, сифати ва ундан фойдаланиш ҳақидаги, шунингдек, сувдан фойдаланувчилар, сув истеъмолчилари ва сув хўжалиги объектлари, сувни муҳофаза қилиш зоналари, соҳил бўйи минтақалари ва санитария муҳофазаси зонаси, ичимлик ва оқова сувлар тўғрисидаги тартибга солинган, доимий тўлдириб бориладиган ва зарурат бўлганда аниқлаштириладиган маълумотлар тўпламини ифодалайди.

3. Ер усти ва ер ости сув объектлари ва уларнинг ресурслари Давлат сув кадастрининг объектлари ҳисобланади.

4. Табиий сув ресурсларини, улардан миқдор ва сифат кўрсаткичлари бўйича фойдаланишни ҳар томонлама ўрганиш ва баҳолаш, сувдан фойдаланиш ҳуқуқини ва сувдан хўжалик мақсадларида фойдаланишни рўйхатдан ўтказиш Давлат сув кадастрининг предмети ҳисобланади.

Сув ресурсларини баҳолаш деганда ҳам йил мобайнида, ҳам кўп йиллар мобайнида стандарт гидрометрик асбоблар билан ўлчаш орқали уларни миқдор ва сифат кўрсаткичлари бўйича мунтазам ҳисобга олиш, олинган маълумотларнинг ишончлилиги таҳлили, уларни стандарт усуллар билан қайта ишлаш ва турли ҳудудий ва вақт бирликлари бўйича умумлаштириш тушунилади.

5. Давлат сув кадастри давлат ҳокимияти органларини, юридик ва жисмоний шахсларни сув ва сув хўжалиги объектлари, сув ресурслари, сув режими, сифати ва ундан фойдаланиш, шунингдек, сувдан фойдаланувчилар ва сув истемолчилари тўғрисидаги зарур маълумотлар билан таъминлаш учун мўлжалланган.

6. Энг кам чиқимлар билан замонавий даражада ахборотларни тўплаш, умумлаштириш, сақлаш ва тақдим этиш технологиясини доимий равишда такомиллаштириб бориш йўли билан сув ресурслари ва сув объектлари ҳақида ишончли ахборотни олиш ва сақлаш Давлат сув кадастрининг асосий вазифаси ҳисобланади.

7. Сув объектлари, сувдан фойдаланувчилар, сув истеъмолчилари ва сув хўжалиги объектларини рўйхатдан ўтказиш, сув миқдори ва сифатини ҳисобга олиш, сув ресурсларини ва улардан фойдаланишни баҳолаш Давлат сув кадастрининг таркибий қисмлари ҳисобланади.

8. Қуйидагилар Давлат сув кадастрини юритишнинг асосий принциплари ҳисобланади:

республиканинг барча сув объектларини қамраб олиш;

сув ресурсларини ва улардан фойдаланишни ҳисобга олишнинг ягона тизимини қўллаш;

бошланғич кадастр ахборотини қайта ишлаш усулининг ягоналиги;

Давлат кадастрлари ягона тизими талабларини ҳисобга олиш;

Давлат сув кадастрини юритиш бўйича ишларга марказлаштирилган тартибда раҳбарлик қилиш;

сув-кадастр ахборотининг ишончлилиги, кўргазмалилиги ва ҳужжатларга асосланганлиги;

Давлат сув кадастрини юритиш бўйича ишларнинг узлуксизлиги;

кадастрни юритишнинг автоматлаштирилган геоахборот тизими фаолият кўрсатиши;

сув кадастрини юритиш бўйича ишларнинг тежамлилиги;

фойдаланувчилар доираси чекланган маълумотларнинг махфийлиги.

9. Давлат сув кадастри республика сув объектлари тўғрисидаги ахборотни қайта тиклашнинг тўлиқ туркумини ташкил этувчи асосий ва жорий турларни ўз ичига олади.

10. Давлат сув кадастри Давлат кадастрлари ягона тизимининг асосий таркибий қисмларидан бири ҳисобланади.

11. Белгиланган тартибда қабул қилинган сув-кадастр ахбороти сув ва сув хўжалиги муносабатларини тартибга солишда, сувдан фойдаланиш ва сув истеъмоли билан боғлиқ ижтимоий, иқтисодий ва экологик вазифаларни ҳал этишда мажбурий юридик кучга эгадир.

12. Қуйидагилар Давлат сув кадастрини юритадилар:

Ўзбекистон Республикаси Гидрометеорология хизмати маркази (кейинги ўринларда - Ўзгидромет) - ер усти сувлари бўлими бўйича;

Ўзбекистон Республикаси Геология ва минерал ресурслар давлат қўмитаси (кейинги ўринларда - Давлат геология қўмитаси) - ер ости сувлари бўлими бўйича;

Ўзбекистон Республикаси Сув хўжалиги вазирлиги (кейинги ўринларда - Сув хўжалиги вазирлиги) - сувдан фойдаланиш бўлими бўйича;

Ўзбекистон Республикаси Уй-жой коммунал хизмат кўрсатиш вазирлиги - ичимлик ва оқова сувлар бўйича.

2-боб. Давлат сув кадастрининг мазмуни

13. Республика ҳудудида сув объектларини рўйхатдан ўтказиш, сув ресурслари, уларнинг режими, фойдаланиш, шунингдек, сувдан фойдаланувчилар, сув истеъмолчилари ва сув хўжалиги объектлари тўғрисидаги миқдор ва сифат баҳо кўрсаткичлари ҳақида ишончли, замонавий ва тежамли ахборотларни олиш, тартибга солиш, сақлаш ва уларни фойдаланувчиларга беришнинг технологик жараёни Давлат сув кадастрининг мазмуни ҳисобланади.

14. Давлат сув кадастри маълумотлари қуйидагиларда фойдаланиш учун мўлжалланади:

сувдан фойдаланишни жорий ва истиқболли режалаштириш ҳамда сувни муҳофаза қилиш тадбирларини амалга ошириш;

мамлакат ҳудудида ишлаб чиқариш кучларини жойлаштириш;

сувдан комплекс фойдаланиш ва уни муҳофаза қилиш схемаларини ҳамда сув хўжалиги балансларини тузиш;

сувдан фойдаланиш ва сув истеъмоли билан боғлиқ бўлган сув хўжалиги, транспорт, саноат корхоналари ҳамда бошқа корхоналар ва иншоотларни лойиҳалаштириш;

давлат сув кадастрини юритишнинг автоматлаштирилган геоахборот тизимида маълумотлар базасини яратиш ва юритиш;

сув хўжалиги объектларининг рақамли хариталар каталогини яратиш;

гидрологик ва гидрогеологик шароитлар, дарёларда сув ҳажми ва сув сифати ўзгаришларини прогнозлаштириш;

сув хўжалиги тизимлари иши самарадорлигини ошириш тадбирларини ишлаб чиқиш;

сувни истеъмол қилиш ва чиқариб юборишни, шунингдек, сув сифати кўрсаткичларини нормалаштириш;

сувнинг зарарли таъсирининг олдини олиш ва уни бартараф этиш тадбирларини ишлаб чиқиш;

сувдан оқилона фойдаланиш ва уни муҳофаза қилиш тадбирлари ўтказилиши устидан давлат назоратини амалга ошириш;

сувдан фойдаланувчилар ўртасидаги, шунингдек, сувдан фойдаланувчилар билан бошқа манфаатдор юридик ва жисмоний шахслар ўртасидаги ўзаро муносабатларни тартибга солиш;

сувдан фойдаланиш ва уни муҳофаза қилиш билан боғлиқ бошқа масалаларни ҳал этиш.

15. Давлат сув кадастри сув ва сув хўжалиги объектларининг қуйидаги турлари тўғрисидаги маълумотларни ўз ичига олади:

а) сув объектлари:

дарёлар;

турли сув тизимларини бирлаштирувчи, оқар сувни ҳудудий қайта тақсимлашга ёки суғоришга хизмат қилувчи каналлар;

кўллар ва сув омборлари;

музликлар;

ер ости сувлари (ҳавзалар, сувли горизонтлар, конлар);

б) сув хўжалиги объектлари (иншоотлари):

гидроузеллар ва сув омборлари;

сув объектларидан сув олишга мўлжалланган иншоотлар (каналлар, насос қурилмалари, фойдаланиш қудуқлари ва бошқалар);

оқар сувни ҳудудий қайта тақсимлашга хизмат қилувчи каналлар;

фойдаланилган ва шахта сувларини сув объектларига ташлаш иншоотлари (коллекторлар, дренаж ва сув тўпланадиган каналлар, қувурсимон сув чиқаргичлар ва бошқалар);

фойдаланилган сувларни тозалаш иншоотлари;

в) ичимлик ва оқова сувлар объектлари:

ичимлик сувни етказиб бериш ҳамда оқова сувларни йиғиш ва оқова сувларни тозалаш иншоотларига етказиб беришга мўлжалланган Ўзбекистон Республикаси ҳудудидаги мавжуд ва қурилаётган ичимлик ва оқова сув қувурлари ва уларга хизмат кўрсатиш объектлари;

белгиланган зулфин ёки ёнғин ўчириш мосламаси, ҳаво чиқарувчи қурилма билан биргаликда ичимлик сув қувурлари ва оқова сув қувурларининг линияли қисми, электрокимёвий ҳимоя воситалари, насос станциялари, сув тақсимлаш иншоотлари, босимли сув миноралари, сув таъминоти ташкилотлари балансида бўлган, катта диаметрлардаги қувурлар ва юқори хавфсизликни таъминлаш зарурати билан қўриқлаш зонасига эга бўлган бошқа иншоотлар.

Ичимлик ва оқова сув иншоотлари, насос станциялари ва сув тақсимлаш иншоотлари ҳудуди ичидаги технологик иншоот ва жиҳозлар ичимлик ва оқова сувлар объектлари ҳисобланмайди.

16. Давлат сув кадастри маълумотлари қуйидагиларга бўлинади:

архив материаллари (дафтарчалар, жадваллар, ўзи ёзадиган техниканинг ленталари ва бошқалар);

узоқ муддатли техник манбалардаги маълумотлар;

эълон қилинадиган материаллар (сув ва сув хўжалиги объектлари каталоглари, ҳар йилги ва кўп йиллик маълумотлар ва бошқалар).

17. Давлат сув кадастрига доир ахборот давлат ҳокимияти органларига бепул, бошқа юридик ва жисмоний шахсларга эса белгиланган тартибда ҳақ эвазига тақдим этилади.

18. Сув объектлари турларига ҳамда сувни ва ундан фойдаланишни ўрганиш бўйича вазифалар тақсимотига мувофиқ Давлат сув кадастри қуйидаги бўлимларга бўлинади:

ер усти сувлари;

ер ости сувлари;

сувдан фойдаланиш;

ичимлик ва оқова сувлар.

19. Сув объектлари сонини ва ҳолатини ҳисобга олиш объектларнинг ҳажми, ҳолати, ўрганилганлик даражаси ва муҳимлигига қараб, геоахборот технологиялардан фойдаланган ҳолда картография, гидрогеология ва геодезия усуллари билан амалга оширилади.

20. Сув объектлари режимини ўрганиш тегишли идоралар томонидан тасдиқланган ҳамда Ўзгидромет билан келишилган стандарт усуллар бўйича стандарт асбоблар воситасида олиб борилади.

21. Давлат сув кадастрига тегишли тематик қатламлар давлат кадастрларининг ҳар бир тури бўйича базавий картографик асосдан фойдаланиб, объект турлари ва ахборот турлари (рўйхатдан ўтказишга оид, ҳисобга олишга оид, баҳолашга оид) бўйича шакллантирилади.

22. Давлат сув кадастрига тегишли тематик қатламлар давлат кадастрларининг хусусиятидан ва объектларнинг жойлашувини аниқлаш усулидан келиб чиқиб, 1:5 000, 1:10 000, 1:25 000 масштабларда шакллантирилади ҳамда объектларнинг фазовий жойлашувидаги хатолик мазкур масштаб талабларида белгиланган меъёрлардан ошмаган бўлиши ваколатли органлар томонидан таъминланади.

23. Давлат сув кадастрига тегишли тематик қатламларнинг математик асоси базавий картографик асоснинг математик асосига мувофиқ бўлиши лозим ҳамда тақдим этилаётган маълумотлар 1984 йилги координаталар бутунжаҳон геодезия тизимида (WGS-84) бўлиши зарур.

24. Давлат сув кадастрига тегишли тематик қатламларни шакллантиришда векторли объектларнинг (нуқтали, чизиқли ва майдонли) ўзаро боғлиқлиги ва ёндошлиги уларнинг фазовий жойлашувини инобатга олган ҳолда тасвирланади.

25. Давлат сув кадастрига тегишли тематик қатламларнинг атрибутив маълумотлари ҳамда метамаълумотлари давлат тилида лотин алифбосида шакллантирилади.

26. Давлат сув кадастрига базавий картографик асосининг тематик қатламлари ҳамда давлат кадастрларининг тегишли географик ахборот тизимларини юритиш учун зарур картографик асослар давлат кадастрларини юритиш соҳасидаги махсус ваколатли орган томонидан шакллантирилади ҳамда ваколатли органларга геоахборот тизими орқали интеграция қилиш йўли билан реал вақт режимида тақдим этилади.

3-боб. Давлат сув кадастрини ишлаб чиқиш

ва юритишни ташкил этиш

27. Давлат сув кадастри маълумотлари республика, вилоятлар, Қорақалпоғистон Республикаси ҳудудлари, дарё ҳавзалари, ҳавза ирригация тизимлари бўйича, ер ости сувлари бўлими бўйича эса гидрогеология минтақалари бўйича ҳам тизимлаштирилади ва давлат сув кадастрининг автоматлаштирилган геоахборот тизимига киритилади.

28. Ер усти сув ресурслари, уларнинг сифати ва хўжалик фаолияти таъсиридаги ўзгаришлар тўғрисидаги маълумотлар сув объектлари ва уларнинг майдонлари, давлат ва давлатлараро аҳамиятга эга бўлган дарё ҳавзалари, ҳавза ирригация тизимлари, вилоятлар ва умуман республика бўйича давлат сув кадастрининг автоматлаштирилган геоахборот тизимида умумлаштирилади.

29. Ер ости сув ресурслари, уларнинг сифати ва хўжалик фаолияти таъсиридаги ўзгаришлар тўғрисидаги маълумотлар конлар, дарё ҳавзалари ва уларнинг майдонлари, сувли горизонтлар ва ер ости сувлари ҳавзалари, вилоятлар ҳамда умуман республика бўйича давлат сув кадастрининг автоматлаштирилган геоахборот тизимида умумлаштирилади.

30. Ер ости сувлари ресурсларини баҳолаш уларнинг ер усти сувлари билан ўзаро боғлиқлигини ҳисобга олган ҳолда амалга оширилади.

31. Сувдан фойдаланиш тўғрисидаги маълумотлар давлат аҳамиятига эга бўлган дарё ҳавзалари, ҳавза ирригация тизимлари, алоҳида муҳим сув хўжалиги объектлари, вилоятлар ва умуман республика бўйича, шунингдек, сувдан фойдаланиш турлари ва иқтисодиёт тармоқлари бўйича умумлаштирилади.

32. Ичимлик ва оқова сувлар объектлар ва уларнинг майдонлари туманлар (шаҳарлар), вилоятлар ва республика бўйича, шунингдек, фойдаланиш турлари ва иқтисодиёт тармоқлари бўйича умумлаштирилади.

33. Сувдан фойдаланувчиларни сув ресурслари ва улардан фойдаланиш тўғрисидаги зарур маълумотлар билан таъминлашда тезкорликни ошириш, шунингдек, истеъмолчиларнинг талабларини ҳисобга олган ҳолда маълумотларни қайта ишлаш ва умумлаштириш даражасини ошириш учун Ўзгидромет, Давлат геология қўмитаси ҳамда Сув хўжалиги вазирлиги томонидан давлат сув кадастрининг автоматлаштирилган геоахборот тизими ташкил этилади.

34. Давлат сув кадастрининг автоматлаштирилган ахборот тизими Ўзгидромет, Давлат геология қўмитаси ҳамда Сув хўжалиги вазирлиги томонидан тасдиқланадиган ягона техник топшириқ асосида Ўзгидромет, Давлат геология қўмитаси ҳамда Сув хўжалиги вазирлигининг тармоқ ахборот тизимлари негизида лойиҳалаштирилади ва ташкил этилади.

Давлат сув кадастрининг автоматлаштирилган геоахборот тизими ўзаро маълумотлар алмашинувини таъминлайди ва Давлат кадастрлари ягона тизимига маълумотларни тақдим қилиб боради.

35. Давлат сув кадастрини юритиш учун ер усти сувлари, ер ости сувлари ва сувдан фойдаланиш бўлимлари бўйича Давлат сув кадастрининг идоралараро бош маркази, Давлат сув кадастри идораларга қарашли бош марказлари ташкил этилади.

36. Давлат сув кадастри идоралараро бош маркази функциясини Ўзгидрометнинг гидрометеорология илмий-тадқиқот институти бажаради.

37. Давлат сув кадастрининг идоралараро бош марказларининг, Давлат сув кадастрининг ҳудудий марказлари ва маҳаллий органларининг функцияси ("Ер усти сувлари", "Ер ости сувлари", "Сувдан фойдаланиш" ва "Ичимлик ва оқова сувлар" бўлимлари бўйича) тегишли норматив-ҳуқуқий ҳужжатлар билан белгиланади.

38. Ўзгидромет:

а) Давлат геология қўмитаси ҳамда Сув хўжалиги вазирлиги билан биргаликда Давлат сув кадастрининг умумий принципларини ва илмий-методик асосларини, Давлат сув кадастрини юритиш, Давлат сув кадастрининг автоматлаштирилган геоахборот тизимини лойиҳалаш ва ташкил этиш тартибини ишлаб чиқади;

б) Давлат сув кадастрини ташкил этиш ва юритишга оид барча ишларни мувофиқлаштиради, йўналтиради ва бирлаштиради;

в) Давлат геология қўмитаси ҳамда Сув хўжалиги вазирлиги билан биргаликда Давлат сув кадастрининг идоралараро норматив-техник ҳужжатларини (шу жумладан, Давлат сув кадастрининг автоматлаштирилган геоахборот тизими учун идоралараро лойиҳа ҳужжатларини ишлаб чиқади;

г) Давлат геология қўмитаси ҳамда Сув хўжалиги вазирлиги томонидан ишлаб чиқиладиган Сув кадастрини юритишга оид методик кўрсатмаларни, ДСК автоматлаштирилган геоахборот тизими орқали маълумот ва хизматларни тақдим этиш ва ДСКга оид бошқа норматив-техник ҳужжатларни, шунингдек, ДСКнинг автоматлаштирилган геоахборот тизими учун лойиҳа ҳужжатларини келишиб олади;

д) Давлат геология қўмитаси ҳамда Сув хўжалиги вазирлиги мутахассисларини жалб қилган ҳолда ер усти сувлари ва ер ости сувлари ҳамда улардан фойдаланиш тўғрисидаги маълумотларни йиғма таҳлил қилишни, боғлашни ва автоматлаштирилган геоахборот тизими орқали умумлаштиришни бажаради ҳамда маълумот ва хизматларни тақдим қилади;

е) Давлат геология қўмитаси ҳамда Сув хўжалиги вазирлиги билан биргаликда Давлат сув кадастри ахборотномасини нашр этишга тайёрлайди;

ж) "Ер усти сувлари" бўлими бўйича Давлат сув кадастрини ишлаб чиқади ва юритади, шу жумладан:

бўлим бўйича Давлат сув кадастрини (жумладан, Давлат сув кадастрининг автоматлаштирилган геоахборот тизимини) юритиш тизимини ишлаб чиқади ва такомиллаштиради;

ер усти сувларининг классификаторларини ишлаб чиқади;

ер усти сувлари тўғрисидаги ахборотларни тўплаш, назорат қилиш, қайта ишлаш ва умумлаштиришга оид усулларни, алгоритмларни ва машиналаштирилган дастурларни ишлаб чиқишни таъминлайди;

ахборотларни кодлаштириш ва сақлаш усулларини ишлаб чиқади;

бўлим бўйича Давлат сув кадастрининг автоматлаштирилган геоахборот тизими функционал ва идоравий кичик тизимларни лойиҳалаш, синаш, жорий этиш ва такомиллаштиришни таъминлайди;

Сув кадастри ҳудудий марказлари ва маҳаллий органлари учун Давлат сув кадастрини юритишга оид методик кўрсатмаларни, бўлим бўйича автоматлаштирилган геоахборот тизими орқали маълумот ва хизматларни тақдим этади ва бошқа норматив-техник ҳужжатларни ишлаб чиқади;

ер усти сувлари тўғрисидаги маълумотларни йиғиш, назорат қилиш, қайта ишлаш, сақлаш ва уларни фойдаланувчилар сўровига кўра беришни ташкил этади;

ер усти сувлари ресурсларини жорий ва истиқбол учун ҳамда уларнинг хўжалик фаолияти таъсиридаги ўзгаришларини баҳолайди;

Давлат сув кадастри автоматлаштирилган геоахборот тизими орқали маълумот ва хизматларни тақдим этади;

ўзига қарашли муассасалар ҳамда ташкилотлар томонидан бажариладиган Давлат сув кадастрини ишлаб чиқиш ва юритишга оид ишларга раҳбарлик қилиш, режалаштириш ва уларнинг бажарилишини назорат қилишни амалга оширади.

39. "Ер ости сувлари" ва "Сувдан фойдаланиш" бўлимлари бўйича Давлат сув кадастрини юритиш учун зарур бўлган ер усти сувлари тўғрисидаги маълумотлар Давлат геология қўмитасига ҳамда Сув хўжалиги вазирлигига давлат сув кадастрининг автоматлаштирилган геоахборот тизими орқали тақдим қилинишини таъминлайди.

40. Давлат геология қўмитаси "Ер ости сувлари" бўлими бўйича Давлат кадастрини ишлаб чиқади ва уни юритади, шу жумладан:

бўлим бўйича Давлат сув кадастрини (жумладан, Давлат сув кадастрининг автоматлаштирилган геоахборот тизимини) юритиш тизимини ишлаб чиқади ва такомиллаштиради;

ер ости сувларининг классификаторларини ишлаб чиқади;

ер ости сувлари тўғрисидаги ахборотларни тўплаш, назорат қилиш, қайта ишлаш ва умумлаштиришга оид усулларни, алгоритмларни ва автоматлаштирилган дастурларни ишлаб чиқади;

ахборотларни кодлаштириш ва сақлаш усулларини ишлаб чиқади;

бўлим бўйича Давлат сув кадастрининг автоматлаштирилган геоахборот тизими функционал кичик тизимларини лойиҳалаш, синаш, жорий этиш ва такомиллаштиришни таъминлайди;

Сув кадастри ҳудудий марказлари ва маҳаллий органлари учун Давлат сув кадастрини юритишга оид методик кўрсатмаларни, бўлим бўйича Сув кадастри автоматлаштирилган геоахборот тизими орқали маълумот ва хизматларни тақдим этади ва бошқа норматив-техник ҳужжатларни ишлаб чиқади;

ер ости сувлари тўғрисидаги маълумотларни йиғиш, назорат қилиш, қайта ишлаш, сақлаш ва уларни фойдаланувчилар сўровига кўра беришни амалга оширади;

ер ости сувлари ресурсларини жорий ва истиқбол учун ҳамда уларнинг хўжалик фаолияти таъсиридаги ўзгаришларини баҳолайди;

"Ер ости сувлари" бўлими бўйича Давлат сув кадастри автоматлаштирилган геоахборот тизими орқали маълумот ва хизматларни тақдим этади;

"Сувдан фойдаланиш" бўлими бўйича Давлат сув кадастрини юритиш учун зарур бўлган маълумотларни Сув хўжалиги вазирлигига тақдим этади;

ўзига қарашли муассасалар ҳамда ташкилотлар томонидан бажариладиган Давлат сув кадастрини ишлаб чиқиш ва юритишга оид ишларга раҳбарлик қилиш, режалаштириш ва уларнинг бажарилишини назорат қилишни амалга оширади;

доимий равишда сувдан фойдаланувчилар ва сув истеъмолчилари томонидан тақдим этилган маълумотлар ва ҳисоботлар асосида кадастр маълумотларини йиллик умумлаштириш, шунингдек, эксплуатацион қудуқлар ва булоқларни камида уч йилда бир марта гидрогеологик тадқиқотлар натижалари, мониторинг тадқиқотлари натижалари билан янгилаб боради.

41. Давлат сув кадастрини юритиш бўйича методик кўрсатмалар лойиҳаларини, Давлат сув кадастри нашрлари макетларини ва Давлат сув кадастрининг бошқа норматив-техник ҳужжатларини, шунингдек, "Ер ости сувлари" бўлими бўйича Давлат сув кадастрининг автоматлаштирилган геоахборот тизимига лойиҳа ҳужжатларини келишиб олиш учун Ўзгидрометга тақдим этади.

42. "Ер усти сувлари" бўлими бўйича Давлат сув кадастрининг идоралараро қўшма маълумотларни тақдим қилиш ва Давлат сув кадастрини юритиш учун зарур бўлган ер ости сувларига оид материалларнинг Ўзгидрометга берилишини таъминлайди.

43. "Сувдан фойдаланиш" бўлими бўйича Давлат сув кадастрини юритиш учун зарур бўлган маълумотларнинг Сув хўжалиги вазирлигига берилишини таъминлайди.

44. Сув хўжалиги вазирлиги "Сувдан фойдаланиш" бўлими бўйича Давлат сув кадастрини ишлаб чиқади ва уни юритади, шу жумладан:

Давлат сув кадастрини (жумладан, Давлат сув кадастрининг автоматлаштирилган геоахборот тизимини) юритиш тизимини ишлаб чиқади ва такомиллаштиради;

сувдан фойдаланиш тўғрисидаги ахборотларни назорат қилиш, қайта ишлаш ва умумлаштиришга оид усуллар, алгоритмларни ҳамда автоматлаштирилган дастурларни ишлаб чиқишни таъминлайди;

ахборотларни кодлаштириш ва сақлаш усулларини ишлаб чиқади;

Давлат сув кадастрининг автоматлаштирилган геоахборот тизимининг функционал кичик тизимларини лойиҳалашни, синашни, жорий этишни ва такомиллаштиришни таъминлайди;

ирригация тизимларининг ҳавза бошқармалари, магистрал каналлар (тизимлар) бошқармалари ва ирригация тизимлари бошқармалари учун Давлат сув кадастрини юритиш бўйича методик кўрсатмаларни, Давлат сув кадастри автоматлаштирилган геоахборот тизими орқали маълумот ва хизматларни тақдим этиш ва Давлат сув кадастрининг бошқа норматив-техник ҳужжатларини ишлаб чиқади;

сувдан фойдаланувчилар ва сув истеъмолчилари, ер усти ва ер ости сувларидан фойдаланиш тўғрисидаги маълумотларни йиғиш, назорат қилиш, қайта ишлаш, сақлаш ва беришни ташкил этади;

сувдан фойдаланишни жорий ва истиқбол учун баҳолайди ҳамда сув хўжалиги ҳисобот балансларини тузади;

"Сувдан фойдаланиш" бўлими бўйича Давлат сув кадастри нашрларини чиқаришга ва эълон қилишга тайёрлайди;

ўзига қарашли муассаса ҳамда ташкилотлар томонидан бажариладиган Давлат сув кадастрини ишлаб чиқиш ва юритишга оид ишларга раҳбарлик қилади, режалаштиради ва уларнинг бажарилишини назорат қилади;

Сувдан фойдаланиш бўйича сув хўжалиги объектларини геоахборот тизими базасида кадастр маълумотларини яратиш ва атрибут маълумотларини янгилаш, умумлаштириш ва таҳлил қилишни амалга оширади.

45. Давлат сув кадастрини юритиш бўйича методик кўрсатмалар лойиҳаларини, Давлат сув кадастрининг автоматлаштирилган геоахборот тизими орқали маълумот ва хизматларни тақдим этиш ва Давлат сув кадастрининг бошқа норматив-техник ҳужжатларини, шунингдек, "Сувдан фойдаланиш" бўлими бўйича Давлат сув кадастрининг автоматлаштирилган геоахборот тизимига оид лойиҳа ҳужжатларини келишиб олиш учун Ўзгидрометга тақдим этади.

46. "Ер усти сувлари" бўлими бўйича Давлат сув кадастрининг автоматлаштирилган геоахборот тизими орқали Давлат сув кадастрини юритиш учун зарур бўлган сувдан фойдаланишга оид материалларнинг Ўзгидрометга берилишини таъминлайди.

47. "Ер ости сувлари" бўлими бўйича Давлат сув кадастрини юритиш учун зарур бўлган маълумотлар Давлат сув кадастрининг автоматлаштирилган геоахборот тизими орқали Давлат геология қўмитасига берилишини таъминлайди.

48. Ўзбекистон Республикаси Уй-жой коммунал хизмат кўрсатиш вазирлиги "Ичимлик ва оқова сувлар" бўлими бўйича Давлат сув кадастрини ишлаб чиқади ва уни юритади, шу жумладан:

Давлат сув кадастрини (жумладан, Давлат сув кадастрининг автоматлаштирилган геоахборот тизимини) юритиш тизимини ишлаб чиқади ва такомиллаштиради;

ичимлик ва оқова сувлар тўғрисидаги ахборотларни назорат қилиш, қайта ишлаш ва умумлаштиришга оид усуллар, алгоритмларни ҳамда автоматлаштирилган дастурларни ишлаб чиқишни таъминлайди;

ахборотларни кодлаштириш ва сақлаш усулларини ишлаб чиқади;

Давлат сув кадастрининг автоматлаштирилган геоахборот тизимининг функционал кичик тизимларини лойиҳалашни, синашни, жорий этишни ва такомиллаштиришни таъминлайди;

тизим ташкилотлари учун Давлат сув кадастрини юритиш бўйича методик кўрсатмаларни ва Давлат сув кадастрининг бошқа норматив-техник ҳужжатларини ишлаб чиқади;

Давлат сув кадастрини юритишда "Ичимлик ва оқова сувлар" бўлими маълумотлари ягона методика асосида яратилиши ва юритилишини таъминлайди;

"Ичимлик ва оқова сувлари" бўлими маълумотларини йиғиш, назорат қилиш, қайта ишлаш, сақлаш ва беришни ташкил этади;

ўзига қарашли муассаса ҳамда ташкилотлар томонидан бажариладиган Давлат сув кадастрини ишлаб чиқиш ва юритишга оид ишларга раҳбарлик қилиш, режалаштириш ва уларнинг бажарилишини назорат қилишни амалга оширади.

49. Давлат сув кадастрини юритиш бўйича методик кўрсатмалар лойиҳаларини, Давлат сув кадастрининг автоматлаштирилган геоахборот тизими орқали маълумот ва хизматларни тақдим этиш ва Давлат сув кадастрининг бошқа норматив-техник ҳужжатларини, шунингдек, "Ичимлик ва оқова сувлар" бўлими бўйича Давлат сув кадастрининг автоматлаштирилган геоахборот тизимига оид лойиҳа ҳужжатларини келишиб олиш учун Ўзгидрометга тақдим этади.

50. Давлат сув кадастри яхлитлигини таъминлаш бўйича Давлат сув кадастрини юритувчи ваколатли органлар билан ўзаро ҳамкорликни таъминлайди.

Давлат сув кадастрини умумлаштирувчи ваколатли органга "Ичимлик ва оқова сувлар" бўлими маълумотларини тақдим қилади.

4-боб. Якунловчи қоидалар

51. Давлат сув кадастрининг ДКЯТга тақдим этилган маълумотларнинг ишончлилиги учун ваколатли органлар қонунчилик ҳужжатларида белгиланган тартибда жавоб берадилар.

52. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар".

2. Вазирлар Маҳкамасининг 1999 йил 16 ноябрдаги 499-сон қарори билан тасдиқланган Гидротехника иншоотларининг кадастрини юритиш тартибида:

а) 1-банд қуйидаги таҳрирда баён этилсин:

"1. Ўзбекистон Республикаси Гидротехника иншоотлари кадастри "Давлат кадастрлари тўғрисида"ги ва "Гидротехника иншоотларининг хавфсизлиги тўғрисида"ги Ўзбекистон Республикаси қонунларига мувофиқ иншоотларнинг техник ҳолатини ҳисобга олиш ва баҳолаш, уларнинг бехатар ишлашини таъминлаш мақсадида юритилади";

б) 12-банд қуйидаги таҳрирда баён этилсин:

"12. Гидротехника иншоотлари кадастрининг мазмун бўйича аниқ гидротехника иншоотининг (тўғонлар (плотиналар), гидроэлектр станциялар бинолари, сув ташлаш, сув бўшатиш, сув ўтказиш ва сув чиқариш иншоотлари, туннеллар, каналлар, насос станциялари, сув омборлари қирғоқларини, дарёлар ва каналлар ўзанларининг қирғоқлари ва тубини тошқин ҳамда емирилишлардан муҳофаза қилиш учун мўлжалланган иншоотлар, саноат ва қишлоқ хўжалиги ташкилотларининг суюқ чиқиндилар сақланадиган жойларини ўраб турувчи иншоотлар (кўтармалар)), муҳофаза зоналари турига нисбатан қўлланиладиган шакллари Ўзбекистон Республикаси Сув хўжалиги вазирлиги, "Иссиқлик электр станциялари" АЖ, "Ўзбекгидроэнерго" АЖ билан келишган ҳолда "Давсувхўжаликназорат" давлат инспекцияси томонидан тасдиқланади";

в) қуйидаги мазмундаги IV-VI боб билан тўлдирилсин:

"IV. Гидротехника иншоотлари кадастрига тегишли

тематик қатламларга қўйиладиган умумий талаблар

ва уларни шакллантириш

16. Гидротехника иншоотлари кадастрига тегишли тематик қатламлар давлат кадастрларининг ҳар бир тури бўйича базавий картографик асосдан фойдаланиб, объект турлари ва ахборот турлари (рўйхатдан ўтказишга оид, ҳисобга олишга оид, баҳолашга оид) бўйича шакллантирилади.

17. Гидротехника иншоотлари кадастрига тегишли тематик қатламлар давлат кадастрларининг хусусиятидан ва объектларнинг жойлашувини аниқлаш усулидан келиб чиқиб, 1:5 000, 1:10 000, 1:25 000 масштабларда шакллантирилади ҳамда объектларнинг фазовий жойлашувидаги хатолик мазкур масштаб талабларида белгиланган меъёрларидан ошмаган бўлиши ваколатли органлар томонидан таъминланади.

18. Гидротехника иншоотлари кадастрига тегишли тематик қатламларнинг математик асоси базавий картографик асоснинг математик асосига мувофиқ бўлиши лозим ҳамда тақдим этилаётган маълумотлар 1984 йилги координаталар бутунжаҳон геодезия тизимида (WGS-84) бўлиши зарур.

19. Гидротехника иншоотлари кадастрига тегишли тематик қатламларни шакллантиришда векторли объектларнинг (нуқтали, чизиқли ва майдонли) ўзаро боғлиқлиги ва ёндошлиги уларнинг фазовий жойлашувини инобатга олган ҳолда тасвирланади.

20. Гидротехника иншоотлари кадастрига тегишли тематик қатламларнинг атрибутив маълумотлари ҳамда метамаълумотлари давлат тилида лотин алифбосида шакллантирилади.

21. Гидротехника иншоотлари кадастри геоахборот тизими орқали юритилади. Гидротехника иншоотлари кадастри геоахборот тизими мазкур давлат кадастрини юритишга масъул вазирлик ва идоралар томонидан биргаликда яратилади.

22. Гидротехника иншоотлари кадастрига базавий картографик асосининг тематик қатламлари ҳамда давлат кадастрларининг тегишли географик ахборот тизимларини юритиш учун зарур картографик асослар давлат кадастрларини юритиш соҳасидаги махсус ваколатли орган томонидан шакллантирилади ҳамда ваколатли органларга геоахборот тизими орқали интеграция қилиш йўли билан реал вақт режимида тақдим этилади.

23. Гидротехника иншоотлари кадастри объектлари маълумотларини умумлаштириш ва мувофиқлаштириш Сув хўжалиги вазирлиги томонидан амалга оширилади.

V. Гидротехника иншоотлари кадастри

маълумотларидан фойдаланиш

24. Гидротехника иншоотлари кадастри маълумотлари географик ахборот тизими орқали:

давлат бошқаруви органлари ҳамда бошқа ваколатли органларга - ахборот ресурсларига тизимли (доимий) равишда фойдаланишга идоралараро технологик йўриқномалар асосида рухсат бериш йўли билан амалга оширилади;

юридик ва жисмоний шахсларга - сўров асосида махсус ваколатли орган томонидан белгиланадиган тўлов эвазига тақдим этилади.

25. Гидротехника иншоотлари кадастрининг фойдаланиши чекланган маълумотлар қонунчилик ҳужжатларида белгиланган тартибда тақдим этилади.

VI. Якунловчи қоидалар

26. Гидротехника иншоотлари кадастрининг ДКЯТга тақдим этилган маълумотларнинг ишончлилиги учун ваколатли органлар қонунчилик ҳужжатларида белгиланган тартибда жавоб беради.

27. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар".

3. Вазирлар Маҳкамасининг "Айрим давлат кадастрларини юритиш тартиби тўғрисидаги низомларни тасдиқлаш ҳақида" 2005 йил 30 июндаги 152-сон қарорида:

а) 2-иловада:

2-банд қуйидаги таҳрирда баён этилсин:

"2. ТЙДК - бу темир йўл объектлари, уларнинг географик жойлашуви, ерни, уларнинг чегаралари, муҳофаза зоналари, ҳуқуқий мақоми, миқдор ва сифат тавсифлари ва иқтисодий баҳолаш тўғрисидаги янгиланиб туриладиган ишончли ахборот тизими";

4-банд қуйидаги таҳрирда баён этилсин:

"4. Мавжуд бўлган ва фойдаланишга қабул қилинган темир йўллар, ажратилган минтақа, муҳофаза зоналари, станциялар ҳамда Ўзбекистон Республикаси ҳудудида жойлашган темир йўлларнинг бошқа объектлари ТЙДК объектлари ҳисобланади";

5-банддаги "давлат-акциядорлик компанияси" сўзлари "акциядорлик жамияти" сўзлари билан алмаштирилсин;

6-банддаги "давлат-акциядорлик компаниясини" сўзлари "акциядорлик жамиятини" сўзлари билан алмаштирилсин;

7-банднинг учинчи хатбошисидаги "макон" сўзи "фазовий" сўзи билан алмаштирилсин;

12-банд қуйидаги таҳрирда баён этилсин:

"12. ТЙДКни юритиш геоахборот тизими орқали амалга оширилади";

қуйидаги мазмундаги 12-1-банд билан тўлдирилсин:

"12-1. ТЙДКни юритиш учун "Ўзбекистон темир йўллари" акциядорлик жамияти ТЙДК геоахборот тизимини яратади";

13-банд қуйидаги таҳрирда баён этилсин:

"13. Темир йўл объектлари тўғрисидаги тизимлаштирилган кадастр ахбороти ДКЯТга геоахборот тизими орқали интеграция қилиш йўли билан реал вақт режимида тақдим қилиб борилади";

қуйидаги мазмундаги 13-1 ва 13-2-бандлар билан тўлдирилсин:

"13-1. ТЙДКга тегишли тематик қатламларнинг математик асоси базавий картографик асоснинг математик асосига мувофиқ бўлиши лозим ҳамда тақдим этилаётган маълумотлар 1984 йилги координаталар бутунжаҳон геодезия тизимида (WGS-84) бўлиши зарур.

13-2. ТЙДКга тегишли тематик қатламларни шакллантиришда векторли объектларнинг (нуқтали, чизиқли ва майдонли) ўзаро боғлиқлиги ва ёндошлиги уларнинг фазовий жойлашувини инобатга олган ҳолда тасвирланади";

14-банддаги "давлат-акциядорлик компанияси" сўзлари "акциядорлик жамияти" сўзлари билан алмаштирилсин;

15-банд қуйидаги таҳрирда баён этилсин:

"15. ТЙДКни юритиш "Ўзбекистон темир йўллари" акциядорлик жамиятининг қуйидаги таркибий бўлинмалари:

"Ўзбекистон темир йўллари" акциядорлик жамиятининг Стратегик ривожланиш бошқармасининг темир йўллар давлат кадастри бўлими;

темир йўл корхоналарининг кадастр бўлинмалари томонидан амалга оширилади.

ТЙДКни юритиш бўйича ишларга умумий раҳбарлик қилишни "Ўзбекистон темир йўллари" акциядорлик жамиятининг бош менежери - бош муҳандиси амалга оширади.

ТЙДКни юритишни методик таъминлашни "Ўзбекистон темир йўллари" акциядорлик жамияти амалга оширади";

17-банд қуйидаги таҳрирда баён этилсин:

"17. Темир йўллар давлат кадастри бўлими:

темир йўллар давлат кадастрининг автоматлаштирилган геоахборот тизими жорий этилиши ва мавжуд бўлишини таъминлайди;

маълумотлар базаси тузилмасини ишлаб чиқади, уни темир йўл корхоналарига беради, маълумотлар базаси тўғри тўлдирилиши устидан назорат қилади;

корхоналарнинг кадастр билан ишлайдиган ходимларини темир йўллар давлат кадастрининг автоматлаштирилган геоахборот тизими билан ишлашга ўқитишни ташкил этади;

корхоналар томонидан тақдим этилган кадастр ахборотини тизимлаштиради ва уни темир йўллар давлат кадастрининг автоматлаштирилган геоахборот тизимига киритади;

темир йўлларнинг янги объектлари тўғрисидаги ҳисобга олиш ва баҳолаш маълумотлари тўпланиши устидан назорат қилади;

кадастр ахборотлари ДКЯТга тезкор берилишини амалга оширади;

ҳар йили белгиланган тартибда ДКЯТга "Ўзбекистон темир йўллари" акциядорлик жамиятининг темир йўл объектларининг ҳолати ва улардан фойдаланиш тўғрисида ҳисобот тақдим этади";

18-банднинг учинчи хатбошисидаги "ахборот тизимига" сўзлари "геоахборот тизимига" сўзлари билан алмаштирилсин;

19-банд қуйидаги таҳрирда баён этилсин:

"19. "Ўзбекистон темир йўллари" акциядорлик жамияти тизимидан ташқарида мавжуд бўлган темир йўл объектларининг эгалари (фойдаланувчилар) "Ўзбекистон темир йўллари" акциядорлик жамиятининг кадастр хизматига кадастр объектларининг географик жойлашуви, ҳуқуқий мақоми, миқдор тавсифлари ва баҳоланиши, шунингдек, улар ҳолатининг жорий ўзгаришлари тўғрисидаги ахборотни тақдим этиши шарт";

22-банд қуйидаги таҳрирда баён этилсин:

"22. Темир йўл объектларининг барча турлари бирламчи рўйхатга олиниши керак. Бунда асосий кўрсаткичлар қайд этилади.

Асосий кўрсаткичларнинг таркиби Ўзбекистон Республикаси Давлат солиқ қўмитаси ҳузуридаги Кадастр агентлиги билан келишув бўйича "Ўзбекистон темир йўллари" акциядорлик жамияти томонидан тасдиқланадиган тегишли норматив ҳужжатлар билан белгиланади. Рўйхат натижалари бўйича ҳар бир объектга паспорт тузилади";

24-банднинг иккинчи хатбошиси қуйидаги таҳрирда баён этилсин:

"Темир йўл объектларининг миқдор ва сифат тавсифларини ҳисобга олиш учун Ўзбекистон Республикаси Давлат солиқ қўмитаси ҳузуридаги Кадастр агентлиги билан келишув бўйича "Ўзбекистон темир йўллари" акциядорлик жамияти томонидан техник параметрлар ва кадастр ахборотларини тақдим этиш форматлари ишлаб чиқилади";

26-банддаги "давлат-акциядорлик компаниясининг" сўзлари "акциядорлик жамиятининг" сўзлари билан алмаштирилсин;

Низомга илованинг матни қуйидаги таҳрирда баён этилсин:

Темир йўллар давлат кадастрини юритиш

СХЕМАСИ

Изоҳ: Стрелкалар билан кадастр ахбороти ҳаракати йўналишлари белгиланган.

1. "Ўзбекистон темир йўллари" акциядорлик жамияти тизимида ва "Ўзбекистон темир йўллари" акциядорлик жамияти тизимидан ташқарида мавжуд бўлган темир йўл объектлари эгалари (фойдаланувчилар) темир йўл объектлари бўйича кадастр ахборотларини темир йўл корхоналарининг кадастр бўлинмаларига тақдим этадилар.

2. Темир йўл корхоналарининг кадастр бўлинмалари ушбу объектларнинг эгалари ва фойдаланувчилардан темир йўл объектлари бўйича кадастр ахборотларини тўплайдилар, ўз ҳудудлари доирасида кадастр ишини шакллантирадилар, темир йўл объектлари бўйича ахборотни Стратегик ривожланиш бошқармасининг темир йўллар давлат кадастри бўлимига тақдим этадилар.

3. Стратегик ривожланиш бошқармасининг темир йўллар давлат кадастри бўлими давлат ер кадастридан ҳамда бинолар ва иншоотлар давлат кадастридан ер участкалари, бинолар ва иншоотлар тўғрисидаги ахборотни олади.

4. Стратегик ривожланиш бошқармасининг темир йўллар давлат кадастри бўлими темир йўл объекти ТЙДКга киритилгандан кейин кадастр ахборотларини Ўзбекистон Республикаси Давлат солиқ қўмитаси ҳузуридаги Кадастр агентлиги ДКЯТнинг маълумотлар базасига беради.

5. Стратегик ривожланиш бошқармасининг темир йўллар давлат кадастри бўлими сўров бўйича Ўзбекистон Республикаси Давлат солиқ қўмитаси ҳузуридаги Кадастр агентлигининг ДКЯТ маълумотлар базасидан темир йўл объектлари бўйича ахборот олиши мумкин.

6. Стратегик ривожланиш бошқармасининг темир йўллар давлат кадастри бўлими темир йўл объектлари бўйича зарур ахборотни темир йўл корхоналари кадастр бўлинмаларига юборади.

7. ДКЯТдан фойдаланувчилар сўров бўйича темир йўл объектлари бўйича кадастр ахборотларини олишлари мумкин";

б) 3-иловада:

2-банддаги "жуғрофий ҳолати" сўзлари "географик жойлашуви, ерни, уларнинг чегаралари, муҳофаза зоналари" сўзлари билан алмаштирилсин;

4-банд қуйидаги мазмундаги хатбошилар билан тўлдирилсин:

"ЕБҚДК қуйидаги тоифаларга бўлинади:

1-тоифа. Магистрал етказиб бериш қувурлари ва газ тизими объектлари;

2-тоифа. Углеводород хомашёсини қазиб чиқариш ва қайта ишлаш учун фойдаланиладиган кон қувурлари;

3-тоифа. Газ тақсимлаш қувурлари (маиший ва улгуржи истемолчилар)";

5-банд қуйидаги таҳрирда баён этилсин:

"5. Энергетика вазирлиги ЕБҚДКни юритиш бўйича ваколатли орган ҳамда ЕБҚДКга кирувчи 3 та тоифадаги объектларни яратиш ва юритиш бўйича "Ўзбекнефтгаз" акциядорлик жамияти, "Ўзтрансгаз" акциядорлик жамияти, "Ҳудудгазтаъминот" акциядорлик жамиятлари ваколатли органлар ҳисобланади";

6-банддаги "Ўзбекнефтгаз" миллий-холдинг компаниясини," сўзлари "Энергетика вазирлигини" сўзлари билан алмаштирилсин;

7-банднинг учинчи хатбошисидаги "макон" сўзи "фазовий" сўзи билан алмаштирилсин;

12-банд ўз кучини йўқотган деб ҳисоблансин;

13-банд қуйидаги таҳрирда баён этилсин:

"13. Етказиб бериш қувурлари объектлари тўғрисидаги тизимлаштирилган кадастр ахбороти ДКЯТга геоахборот тизими орқали интеграция қилиш йўли билан реал вақт режимида тақдим қилиб борилади.

Давлат сири ҳисобланган давлат кадастрларига доир ахборотдан фойдаланиш қонунчилик ҳужжатларига мувофиқ тақдим қилинади";

қуйидаги мазмундаги 13-1 ва 13-2-бандлар билан тўлдирилсин:

"13-1. ЕБКДКга тегишли тематик қатламларнинг математик асоси базавий картографик асоснинг математик асосига мувофиқ бўлиши лозим ҳамда тақдим этилаётган маълумотлар 1984 йилги координаталар бутунжаҳон геодезия тизимида (WGS-84) бўлиши зарур.

13-2. ЕБКДКга тегишли тематик қатламларни шакллантиришда векторли объектларнинг (нуқтали, чизиқли ва майдонли) ўзаро боғлиқлиги ва ёндошлиги уларнинг фазовий жойлашувини инобатга олган ҳолда тасвирланади";

14-банд қуйидаги таҳрирда баён этилсин:

"14. ЕБҚДКни яратиш ва юритиш ишларини молиялаштириш Энергетика вазирлиги, "Ўзбекнефтгаз" акциядорлик жамияти, "Ўзтрансгаз" акциядорлик жамияти, "Ҳудудгазтаъминот" акциядорлик жамияти маблағлари ҳисобидан амалга оширилади";

15-банд қуйидаги таҳрирда баён этилсин:

"15. ЕБҚДКни юритиш Энергетика вазирлигининг қуйидаги таркибий бўлинмалари:

"Ўзбекнефтгаз" акциядорлик жамияти;

"Ўзтрансгаз" акциядорлик жамияти;

"Ҳудудгазтаъминот" акциядорлик жамияти томонидан амалга оширилади.

ЕБҚДКни юритиш ишларига умумий раҳбарлик қилиш Энергетика вазирлиги томонидан геоахборот тизими орқали амалга оширилади";

17, 18 ва 19-бандлар қуйидаги таҳрирда баён этилсин:

"17. Ҳисобга олиш ва баҳолаш кадастр ахборотларини шакллантириш етказиб бериш қувурлари бўйича маълумотлар банки ташкил этилган ҳолда Энергетика вазирлиги ва ЕБҚДКнинг тегишли бўлимига қараб, "Ўзбекнефтгаз" акциядорлик жамияти, "Ўзтрансгаз" акциядорлик жамияти ва "Ҳудудгазтаъминот" акциядорлик жамиятлари томонидан амалга оширилади.

18. Энергетика вазирлиги ва унинг тизим ташкилотларининг етказиб бериш қувурлари объектларига қурувчи, фойдаланувчи, реконструкция қилувчи ва таъмирловчи бўлинмалари бир ой мобайнида маълумотлар базасига етказиб бериш қувурлари объектларининг миқдор ва сифат ўзгаришлари, ҳолати ва улардан фойдаланиш тўғрисидаги ахборотни киритишлари шарт.

19. ЕБҚДК хизмати:

етказиб бериш қувурлари давлат кадастрининг автоматлаштирилган геоахборот тизими жорий этилиши ва мавжуд бўлишини таъминлайди;

маълумотлар базаси тузилмасини ишлаб чиқади, уни нефть-газ-транспорт корхоналарига беради, маълумотлар базаси тўғри тўлдирилиши устидан назорат қилади;

ходимларни етказиб бериш қувурлари давлат кадастрининг автоматлаштирилган геоахборот тизими билан ишлашга ўқитишни ташкил этади;

корхоналар томонидан тақдим этилган кадастр ахборотларини тизимлаштиради ва уларни етказиб бериш қувурлари давлат кадастрининг автоматлаштирилган геоахборот тизимига киритади;

етказиб бериш қувурларининг янги объектлари тўғрисидаги ҳисобга олиш ва баҳолаш маълумотлари тўпланиши устидан назорат қилади;

шакллантирилаётган кадастр маълумотлари сифати устидан назорат олиб боради, унинг ишончлилиги ва ўз вақтида ЕБҚДК автоматлаштирилган геоахборот тизимига киритилиши учун жавобгар бўлади;

кадастр ахборотларининг хилма хиллиги ва сифатига талабни мунтазам ўрганади, кадастрни юритиш технологияси такомиллаштирилишини таъминлайди;

кадастр ахборотлари ДКЯТга тезкор берилишини амалга оширади;

ЕБҚДК юритиш ишларини методик таъминлашни акциядорлик жамиятларининг ЕБҚДК бўлимлари билан биргаликда амалга оширади";

21 ва 22-бандлар қуйидаги таҳрирда баён этилсин:

"21. Энергетика вазирлиги:

умуман тармоқ бўйича ЕБҚДКни юритиш бўйича Энергетика вазирлигининг таркибий бўлинмалари ишини мувофиқлаштиради;

ҳар йили белгиланган тартибда Ўзбекистон Республикаси Давлат солиқ қўмитаси ҳузуридаги Кадастр агентлигига уларни ДКЯТга киритиш учун етказиб бериш қувурлари объектларининг ҳолати ва улардан фойдаланиш тўғрисида ҳисобот тақдим этади.

22. Энергетика вазирлиги тизимидан ташқарида мавжуд бўлган етказиб бериш қувурлари объектларининг эгалари (фойдаланувчилар) Энергетика вазирлигининг кадастр юритиш юклатилган тизим ташкилотларига кадастр объектларининг географик жойлашуви, ҳуқуқий мақоми, миқдор тавсифлари ва баҳоланиши, шунингдек, улар ҳолатининг жорий ўзгаришлари тўғрисидаги ахборотни тақдим этиши шарт";

25-банд қуйидаги таҳрирда баён этилсин:

"25. Етказиб бериш қувурлари объектларининг барча турлари бирламчи рўйхатга олиниши керак. Бунда асосий кўрсаткичлар қайд этилади. Асосий кўрсаткичларнинг таркиби Ўзбекистон Республикаси Давлат солиқ қўмитаси ҳузуридаги Кадастр агентлиги билан келишув бўйича Энергетика вазирлиги томонидан тасдиқланадиган тегишли норматив-ҳуқуқий ҳужжатлар билан белгиланади. Рўйхат натижалари бўйича ҳар бир объектга паспорт тузилади";

27-банд қуйидаги таҳрирда баён этилсин:

"27. Етказиб бериш қувурлари объектларининг миқдор ва сифат тавсифлари ҳисобга қўйилиши уларнинг иқтисодий, технологик ва экологик белгилар бўйича таснифланишини ўз ичига олади, уларнинг таркиби Вазирлар Маҳкамаси томонидан етказиб бериш қувурлари давлат кадастрини юритиш бўйича норматив-ҳуқуқий ҳужжатлар билан белгиланади.

Етказиб бериш қувурлари объектларининг миқдор ва сифат тавсифларини ҳисобга олиш учун Ўзбекистон Республикаси Давлат солиқ қўмитаси ҳузуридаги Кадастр агентлиги билан келишув бўйича Энергетика вазирлиги томонидан техник параметрлар ва кадастр ахборотини тақдим этиш форматлари ишлаб чиқилади.

Ҳужжатлар билан расмийлаштирилган ва белгиланган тартибда тасдиқланган ҳисобга олиш ахбороти корхонанинг кадастр дафтарига ёзилади ва ЕБҚДК автоматлаштирилган геоахборот тизимига киритилади";

29-банд қуйидаги таҳрирда баён этилсин:

"29. Етказиб бериш қувурлари объектлари тўғрисидаги кадастр ахборотларининг ишончлилиги учун нефть-газ-транспорт корхоналарининг мансабдор шахслари ва Энергетика вазирлиги тизимидаги ЕБҚДКни юритиш юкланган тизим ташкилоти жавоб беради";

Низомга илованинг матни қуйидаги таҳрирда баён этилсин:

Етказиб бериш қувурлари давлат кадастрини юритиш

СХЕМАСИ

Изоҳ: Стрелкалар билан кадастр ахбороти ҳаракати йўналишлари белгиланган.

1. Энергетика вазирлиги тизимидан ташқарида мавжуд бўлган етказиб бериш қувурлари объектларининг эгалари (фойдаланувчилар) Энергетика вазирлиги, ЕБҚДКни яратиш ва юритишга тегишли тоифаларига масъул бўлинмаларига кадастр объектларининг географик жойлашуви, ҳуқуқий мақоми, миқдор тавсифлари ва баҳоланиши, шунингдек, улар ҳолатининг жорий ўзгаришлари тўғрисидаги ахборотни корхоналарнинг тегишли кадастр бўлинмаларига тақдим этадилар.

2. Энергетика вазирлигининг ЕБҚДКни юритиш учун масъул таркибий бўлинмалари ушбу объектларнинг эгалари ва фойдаланувчилардан бўлган етказиб бериш қувурлари объектлари бўйича кадастр ахборотларини тўплайдилар, ўз ҳудудлари доирасида кадастр ишини шакллантирадилар, уларни Энергетика вазирлигининг ЕБҚДКни умумлаштириш учун масъул ЕБКДК хизматига тақдим этадилар.

3. Энергетика вазирлигининг ЕБҚДКни умумлаштириш учун масъул ЕБКДК хизмати давлат ер кадастридан ҳамда бинолар ва иншоотлар давлат кадастридан ер участкалари, бино ва иншоотлар тўғрисидаги ахборотни олади.

4. Энергетика вазирлигининг ЕБҚДКни умумлаштириш учун масъул ЕБКДК хизмати етказиб бериш қувурлари объекти ахборотларини ЕБҚДКга киритилгандан кейин умумлаштирилган ЕБҚДКдаги кадастр маълумотларини Ўзбекистон Республикаси Давлат солиқ қўмитаси ҳузуридаги Кадастр агентлигининг ДКЯТга геоахборот тизими орқали интеграция қилиш йўли билан реал вақт режимида тақдим қилиб боради.

5. Энергетика вазирлигининг ЕБҚДКни умумлаштириш учун масъул ЕБКДК хизмати етказиб бериш қувурлари объекти ахборотларини сўров бўйича Ўзбекистон Республикаси Давлат солиқ қўмитаси ҳузуридаги Кадастр агентлиги ДКЯТнинг маълумотлар базасидан олиши мумкин.

6. Энергетика вазирлигининг ЕБҚДКни умумлаштириш учун масъул ЕБКДК хизмати Энергетика вазирлиги тизимидаги ЕБҚДКни юритувчи ваколатли ташкилотларга етказиб бериш қувурлари объекти зарур ахборотларни Энергетика вазирлигининг ЕБҚДКни юритиш учун масъул таркибий бўлинмаларига юборади.

7. ДКЯТдан фойдаланувчилар сўров бўйича етказиб бериш қувурлари объектлари бўйича кадастр ахборотларини Кадастр агентлиги ДКЯТ маълумотлар базасидан олишлари мумкин";

в) 4-иловада:

2 ва 3-бандлар қуйидаги таҳрирда баён этилсин:

"2. АОДК - бу алоқа объектлари, уларнинг географик жойлашуви, ҳуқуқий мақоми, муҳофаза зоналари, миқдор ва сифат тавсифлари ҳамда иқтисодий баҳоси тўғрисидаги янгилаб бориладиган ишончли маълумотлар тизимидир.

3. АОДК ДКЯТнинг таркибий қисми ҳисобланади ва Ўзбекистон Республикасининг барча ҳудудидаги алоқа объектларини табиий, хўжалик объекти ёки бошқа объект муайян турининг географик жойлашуви, ҳуқуқий мақоми, миқдор, сифат тавсифлари ва баҳоси тўғрисидаги янгиланиб туриладиган маълумотлар ва ҳужжатлар тизимидан иборат бўлади";

7-банднинг учинчи хатбошисидаги "макон" сўзи "фазовий" сўзи билан алмаштирилсин;

қуйидаги мазмундаги 7-1 ва 7-2-бандлар билан тўлдирилсин:

"7-1. АОДКга тегишли тематик қатламларнинг математик асоси базавий картографик асоснинг математик асосига мувофиқ бўлиши лозим ҳамда тақдим этилаётган маълумотлар 1984 йилги координаталар бутунжаҳон геодезия тизимида (WGS-84) бўлиши зарур.

7-2. АОДКга тегишли тематик қатламларни шакллантиришда векторли объектларнинг (нуқтали, чизиқли ва майдонли) ўзаро боғлиқлиги ва ёндошлиги уларнинг фазовий жойлашувини инобатга олган ҳолда тасвирланади";

12-банддаги "қоғоз ва (ёки) электрон манбаларда" сўзлари "геоахборот тизими орқали" сўзлари билан алмаштирилсин;

қуйидаги мазмундаги 12-1-банд билан тўлдирилсин:

"12-1. АОДКни юритишга масъул вазирлик ва идора АОДК геоахборот тизимини яратади";

13-банд қуйидаги таҳрирда баён этилсин:

"13. Алоқа объектлари тўғрисидаги тизимлаштирилган очиқ тематик қатламлар ДКЯТга геоахборот тизими орқали интеграция қилиш йўли билан реал вақт режимида тақдим қилиб борилади.

Маълумотлар электрон-рақамли базаларининг техник параметрлари (классификаторлар, шартли белгилар ва бошқалар) Ўзбекистон Республикаси Давлат солиқ қўмитаси ҳузуридаги Кадастр агентлиги билан келишилиши керак.

Давлат сири ҳисобланган давлат кадастрларига доир ахборотдан фойдаланиш қонунчилик ҳужжатларига мувофиқ тақдим қилинади";

26-банднинг учинчи хатбошиси "корхонанинг кадастр дафтарига ёзилади ва" сўзларидан кейин "АОДКнинг" сўзи билан тўлдирилсин;

28-банд "ва уларнинг ДКЯТга" сўзларидан кейин "геоахборот тизими орқали" сўзлари билан тўлдирилсин;

г) 5-иловада:

2-банд "жуғрофий ҳолати, ҳуқуқий мақоми," сўзларидан кейин "муҳофаза зоналари," сўзлари билан тўлдирилсин;

5-банддаги "Ўзбекэнерго" давлат-акциядорлик компанияси" сўзлари "Энергетика вазирлиги" сўзлари билан алмаштирилсин;

7-банднинг учинчи хатбошисидаги "макон" сўзи "фазовий" сўзи билан алмаштирилсин;

қуйидаги мазмундаги 7-1 ва 7-2-бандлар билан тўлдирилсин:

"7-1. ЭОДКга тегишли тематик қатламларнинг математик асоси базавий картографик асоснинг математик асосига мувофиқ бўлиши лозим ҳамда тақдим этилаётган маълумотлар 1984 йилги координаталар бутунжаҳон геодезия тизимида (WGS-84) бўлиши зарур.

7-2. ЭОДКга тегишли тематик қатламларни шакллантиришда векторли объектларнинг (нуқтали, чизиқли ва майдонли) ўзаро боғлиқлиги ва ёндошлиги уларнинг фазовий жойлашувини инобатга олган ҳолда тасвирланади";

12-банддаги "қоғоз ва (ёки) электрон манбаларда" сўзлари "геоахборот тизими орқали" сўзлари билан алмаштирилсин;

13, 14 ва 15-бандлар қуйидаги таҳрирда баён этилсин:

"13. Энергетика объектлари тўғрисидаги тизимлаштирилган кадастр ахбороти ДКЯТга геоахборот тизими орқали интеграция қилиш йўли билан реал вақт режимида тақдим қилиб борилади.

14. ЭОДКни яратиш ва юритиш ишларини молиялаштириш Энергетика вазирлиги, "Иссиқлик электр станциялари", "Ўзбекгидроэнерго" ва "Ҳудудий электр тармоқлари" акциядорлик жамиятлари маблағлари ҳисобига амалга оширилади.

15. ЭОДКни юритиш Энергетика вазирлигининг қуйидаги таркибий бўлинмалари:

"Иссиқлик электр станциялари", "Ўзбекгидроэнерго" ва "Ҳудудий электр тармоқлари" акциядорлик жамиятлари ЭОДКни яратиш бўйича бўлинмалари томонидан амалга оширилади.

ЭОДКни юритиш бўйича ишларга умумий раҳбарлик қилиш Энергетика вазирлиги томонидан амалга оширади.

ЭОДКни юритишни методик таъминлашни Энергетика вазирлиги "Иссиқлик электр станциялари", "Ўзбекгидроэнерго" ва "Ҳудудий электр тармоқлари" акциядорлик жамиятлари билан биргаликда амалга оширади";

17, 18 ва 19-бандлар қуйидаги таҳрирда баён этилсин:

"17. Энергетика вазирлиги "Иссиқлик электр станциялари", "Ўзбекгидроэнерго" ва "Ҳудудий электр тармоқлари" акциядорлик жамиятлари билан биргаликда:

энергетика объектлари давлат кадастрининг автоматлаштирилган ахборот тизими ЭОДК Географик ахборот тизими (кейинги ўринларда - ГАТ) жорий этилишини ва фаолият кўрсатишини таъминлайди;

маълумотлар базаси тузилмасини ишлаб чиқади, уни энергетика корхоналарига беришни амалга оширади, маълумотлар базаси тўлдирилишининг тўғрилигини назорат қилади;

ЭОКХ кадастр ходимларини ЭОДК ГАТ билан ишлашга ўқитишни ташкил қилади;

ЭОКХга тақдим этилган кадастр ахборотларини тизимлаштиришни ва уларни ЭОДК ГАТга киритишни амалга оширади;

янги энергетика объектлари тўғрисидаги ҳисобга олиш ва баҳолаш ахборотлари тўпланишини назорат қилади;

кадастр ахборотларининг ДКЯТга тезкорлик билан берилишини амалга оширади.

Энергетика вазирлиги энергетика объектларининг ҳолати ва улардан фойдаланилиши тўғрисидаги ҳисоботни ДКЯТга геоахборот тизими орқали реал вақт режимида тақдим этади.

18. "Иссиқлик электр станциялари", "Ўзбекгидроэнерго" ва "Ҳудудий электр тармоқлари" акциядорлик жамиятлари:

энергетика объектларининг миқдор ва сифат бўйича ҳолатидаги жорий ўзгаришларни, уларнинг атроф муҳитга таъсирини, экологик-иқтисодий баҳосини тўплайди ва тизимлаштиради;

энергетика объектларининг кадастр дафтарларини юритади, маълумотлар базасини тўлдиради ва уларни тизимлаштириш ҳамда ЭОДК ГАТга киритиш учун Энергетика вазирлигининг тегишли кадастр бўлинмасига беради;

янги энергетика объектларини ҳисобга қўяди, улар тўғрисидаги ҳисобга олиш ва баҳолаш ахборотларини тўплайди.

19. Энергетика вазирлиги тизимидан ташқарида фаолият кўрсатувчи энергетика объектлари мулкдорлари (фойдаланувчилар) Энергетика вазирлигининг "Иссиқлик электр станциялари", "Ўзбекгидроэнерго" ва "Ҳудудий электр тармоқлари" акциядорлик жамиятларининг кадастр бўлинмаларига кадастр объектларининг географик жойлашуви, ҳуқуқий мақоми, миқдорий тавсифлари ва баҳоси, шунингдек, уларнинг ҳолатидаги жорий ўзгаришлар тўғрисидаги ахборотларни тақдим этишлари шарт";

22-банд қуйидаги таҳрирда баён этилсин:

"22. Энергетика объектларининг барча турлари бошланғич рўйхатга киритилади. Бунда асосий кўрсаткичлар қайд этилади, ушбу кўрсаткичларнинг таркиби Ўзбекистон Республикаси Давлат солиқ қўмитаси ҳузуридаги Кадастр агентлиги билан келишган ҳолда Энергетика вазирлигининг "Иссиқлик электр станциялари", "Ўзбекгидроэнерго" ва "Ҳудудий электр тармоқлари" акциядорлик жамиятларининг тегишли норматив ҳужжатлари билан белгиланади. Рўйхатга киритиш натижалари бўйича ҳар қайси объект учун паспорт тузилади";

24-банд қуйидаги таҳрирда баён этилсин:

"24. Энергетика объектларининг миқдор ва сифат тавсифларини ҳисобга олиш уларни иқтисодий, технологик ва экологик белгилари бўйича классификация қилишни ўз ичига олади, уларнинг таркиби энергетика объектлари давлат кадастрини юритиш бўйича норматив ҳужжатларда белгиланади.

Энергетика объектларининг миқдор ва сифат тавсифларини ҳисобга олиш учун Энергетика вазирлигининг "Иссиқлик электр станциялари", "Ўзбекгидроэнерго" ва "Ҳудудий электр тармоқлари" акциядорлик жамиятлари томонидан Ўзбекистон Республикаси Давлат солиқ қўмитаси ҳузуридаги Кадастр агентлиги билан келишган ҳолда кадастр ахборотларини тақдим этишнинг техник параметрлари ва форматлари ишлаб чиқилади.

Ҳисобга олиш ахборотлари корхонанинг кадастр дафтарига ёзилади ва ЭОДК ГАТга киритилади";

Низомга илованинг матни қуйидаги таҳрирда баён этилсин:

Энергетика объектлари давлат кадастрини юритиш

СХЕМАСИ

Изоҳ: Стрелкалар билан кадастр ахбороти ҳаракати йўналишлари белгиланган.

1. Энергетика вазирлиги тизимидан ташқарида мавжуд бўлган энергетика объектларининг эгалари (фойдаланувчилар) Энергетика вазирлиги, ЭОДКни яратиш ва юритишга тегишли тоифаларига масъул бўлинмаларига кадастр объектларининг географик жойлашуви, ҳуқуқий мақоми, миқдор тавсифлари ва баҳоланиши, шунингдек, улар ҳолатининг жорий ўзгаришлари тўғрисидаги ахборотни корхоналарининг тегишли кадастр бўлинмаларига тақдим этадилар.

2. Энергетика вазирлигининг ЭОДКни юритиш учун масъул таркибий бўлинмалари ушбу объектларнинг эгалари ва фойдаланувчилардан бўлган энергетика объектлари бўйича кадастр ахборотларини тўплайдилар, ўз ҳудудлари доирасида кадастр ишини шакллантирадилар, уларни Энергетика вазирлигининг ЭОДКни умумлаштириш учун масъул энергетика объектлари хизмати (ЭОКХ)га тақдим этадилар.

3. Энергетика вазирлигининг ЭОДКни умумлаштириш учун масъул ЭОКХ давлат ер кадастридан ҳамда бинолар ва иншоотлар давлат кадастридан ер участкалари, бинолар ва иншоотлар тўғрисидаги ахборотни олади.

4. Энергетика вазирлигининг ЭОДКни умумлаштириш учун масъул ЭОДК хизмати энергетика объекти ахборотларини ЭОДКга киритилгандан кейин умумлаштирилган ЭОДКдаги кадастр маълумотларини Ўзбекистон Республикаси Давлат солиқ қўмитаси ҳузуридаги Кадастр агентлигининг ДКЯТга геоахборот тизими орқали интеграция қилиш йўли билан реал вақт режимида тақдим қилиб боради.

5. Энергетика вазирлигининг ЭОДКни умумлаштириш учун масъул ЭОКХ энергетика объекти ахборотларини сўров бўйича Ўзбекистон Республикаси Давлат солиқ қўмитаси ҳузуридаги Кадастр агентлиги ДКЯТнинг маълумотлар базасидан олиши мумкин.

6. Энергетика вазирлигининг ЭОДКни умумлаштириш учун масъул ЭОКХ Энергетика вазирлиги тизимидаги ЭОДКни юритувчи ваколатли ташкилотларга етказиб бериш қувурлари объекти зарур ахборотларни Энергетика вазирлигининг ЭОДКни юритиш учун масъул таркибий бўлинмаларига юборади.

7. ДКЯТдан фойдаланувчилар сўров бўйича Ўзбекистон Республикаси Давлат солиқ қўмитаси ҳузуридаги Кадастр агентлигининг ДКЯТ маълумотлар базасидан энергетика объектлари бўйича кадастр ахборотларини олиши мумкин".

4. Вазирлар Маҳкамасининг 2005 йил 15 ноябрдаги 250-сон қарори билан тасдиқланган Давлат шаҳарсозлик кадастрини юритиш тартиби тўғрисидаги низомда:

а) 2-банддаги "жуғрофий ҳолати" сўзлари "географик жойлашуви" сўзлари билан алмаштирилсин;

б) 7-банднинг учинчи хатбошисидаги "макон" сўзи "фазовий" сўзи билан алмаштирилсин;

в) 8-банд қуйидаги мазмундаги иккинчи хатбоши билан тўлдирилсин:

"ДШКга тегишли тематик қатламларни шакллантиришда векторли объектларнинг (нуқтали, чизиқли ва майдонли) ўзаро боғлиқлиги ва ёндошлиги уларнинг фазовий жойлашувини инобатга олган ҳолда тасвирланади";

иккинчи - саккизинчи хатбошилар учинчи - тўққизинчи хатбошилар деб ҳисоблансин;

г) 11-банд қуйидаги таҳрирда баён этилсин:

"11. Ўзбекистон Республикаси Давлат шаҳарсозлик кадастрини юритиш географик ахборот тизимининг геопортали (кейинги ўринларда - ДШК геопортали) орқали амалга оширилади.

ДШК геопортали қатламлар, фазовий маълумотлар, метамалумотларни ўз ичига олади.

Давлат шаҳарсозлик кадастрининг электрон манбалардаги ахборот базаси Автоматлаштирилган геоахборот қидирув тизими сифатида шакллантирилади.

ДШК геопортали давлат ахборот ресурси ҳисобланади";

16 ва 17-бандлар қуйидаги таҳрирда баён этилсин:

"16. Қурилиш вазирлигининг ДШК геопортал оператори:

ДШК геопортали жорий этилишини ва фаолият кўрсатишини таъминлайди;

маълумотлар базаси таркибини ишлаб чиқади, уларни Давлат шаҳарсозлик кадастрини юритувчи бўлинмаларга беради, маълумотлар базаси тўғри тўлдирилиши юзасидан назорат олиб боради;

Давлат шаҳарсозлик кадастрини юритувчи бўлинмалар ходимларини Давлат шаҳарсозлик кадастри геопорталида ишлашга ўқитилишини ташкил этади;

Давлат шаҳарсозлик кадастрини юритувчи бўлинмалар томонидан тақдим этилган кадастр ахборотини туркумлаштиради ва уларни ДШК геопорталига киритади;

Давлат шаҳарсозлик кадастрининг янги объектлари тўғрисидаги ҳисобга олиш ва баҳолаш маълумотлари тўпланишини назорат қилади;

Давлат шаҳарсозлик кадастрига оид кадастр маълумотлари ДКЯТга Миллий геоахборот тизимига интеграция қилиш орқали реал вақт режимида тўлиқ тақдим қилинишини таъминлайди;

Давлат шаҳарсозлик кадастрини яратиш ва юритиш бўйича лойиҳа ҳужжатларини ишлаб чиқади;

Давлат шаҳарсозлик кадастрини юритувчи ваколатли бўлинмаларга ДШК геопорталида қулай имкониятлар яратади.

17. Давлат шаҳарсозлик кадастрини юритувчи ваколатли бўлинмалар:

Давлат шаҳарсозлик кадастри объектларининг миқдор ва сифат ҳолати тўғрисидаги жорий ўзгаришларни тўплайдилар ва туркумлаштирадилар;

Давлат шаҳарсозлик кадастри объектларининг кадастр дафтарларини юритадилар, ўз ваколатлари доирасида ўз маълумотлар базасини юритадилар ҳамда уларни туркумлаштиради ва ДШК геопорталига киритиб борадилар;

Давлат шаҳарсозлик кадастри янги объектларини ҳисобга қўядилар, улар тўғрисида ҳисобга олиш ва баҳолаш маълумотларини тўплайдилар ва ДШК геопорталига киритадилар";

22-банд қуйидаги таҳрирда баён этилсин:

"22. Давлат шаҳарсозлик кадастри объектларининг миқдор ва сифат тавсифлари ҳисоби уларнинг иқтисодий, шаҳарсозлик ва экологик белгилари бўйича таснифини ўз ичига олади, уларнинг таркиби Давлат шаҳарсозлик кадастрини юритиш бўйича норматив ҳужжатларда белгиланади.

Давлат шаҳарсозлик кадастри объектларининг миқдор ва сифат тавсифларини ҳисобга олиш учун Қурилиш вазирлиги томонидан Ўзбекистон Республикаси Давлат солиқ қўмитаси ҳузуридаги Кадастр агентлиги билан келишган ҳолда кадастр ахборотларини тақдим этишнинг техник параметрлари ва форматлари ишлаб чиқилади.

Ҳужжатлар асосида расмийлаштирилган ва белгиланган тартибда тасдиқланган ҳисобга олиш ахборотлари кадастр дафтарига ёзилади ва ДШК геопорталига киритилади.

Давлат шаҳарсозлик кадастри объектларини иқтисодий баҳолаш солиқ солиш, хусусийлаштириш ва бошқа мақсадлар учун ҳар қайси объектнинг қийматини аниқлаш мақсадида амалга оширилади.

Давлат шаҳарсозлик кадастри объектларини иқтисодий баҳолаш уларнинг ўзига хос хусусиятларини ҳисобга олган ҳолда қонун ҳужжатларида белгиланган тартибда амалга оширилади";

22-1-банднинг биринчи хатбошисидаги "Давлат шаҳарсозлик кадастрининг Автоматлаштирилган геоахборот тизимини" сўзлари "ДШК геопорталини" сўзлари билан алмаштирилсин.

5. Вазирлар Маҳкамасининг "Давлат кадастри соҳасида давлат хизматлари нархларини белгилашда табақалаштирилган ёндашув тартибини такомиллаштириш тўғрисида" 2014 йил 10 июлдаги 186-сон қарорига иловада:

а) III бўлимнинг номи "Ер участкаларига" сўзларидан кейин "ва кўп йиллик дов-дарахтларга" сўзлари билан тўлдирилсин;

б) қуйидаги мазмундаги 3.6-позиция билан тўлдирилсин:

в) қуйидаги мазмундаги 4.16 ва 4.17-позициялар билан тўлдирилсин:

в) изоҳлар қисмида:

2-банднинг "б" кичик бандида:

қуйидаги мазмундаги учинчи хатбоши билан тўлдирилсин:

"қонунчилик ҳужжатларига мувофиқ аҳоли пунктларининг номланиши ва чегаралари ўзгарганда, шу жумладан, бир ҳудуддан бошқа ҳудудга ўтказилганда (турар ёки нотурар кўчмас мулк объектида реконструкция, кўшимча ва алоҳида қурилиш мавжуд бўлган ҳоллар бундан мустасно)";

учинчи хатбоши тўртинчи хатбоши деб ҳисоблансин;

5-банд қуйидаги таҳрирда баён этилсин:

"5. "Ижтимоий ҳимоя ягона реестри" ахборот тизимида рўйхатга олинган шахсларга, шунингдек, I ва II гуруҳлар ногиронлари ва Иккинчи жаҳон уруши қатнашчилари учун давлат хизматлари нархи хизматлар умумий қийматининг 50 фоизини ташкил қилади (тадбиркорлик фаолияти мақсадларида ёки юридик шахслар вакили сифатида мурожаат қилинган ҳолатлар бундан мустасно)".

6. Вазирлар Маҳкамасининг "Маъмурий-ҳудудий бирликлар чегараларини белгилаш, ер ресурсларини хатловдан ўтказиш ҳамда яйлов ва пичанзорларда геоботаник тадқиқотларни ўтказиш тартибини янада такомиллаштириш чора-тадбирлари тўғрисида" 2018 йил 23 апрелдаги 299-сон қарорида:

а) 3-банднинг иккинчи хатбошисидаги "2018-2021 йиллар" сўзлари "2018-2023 йиллар" сўзлари билан алмаштирилсин.

б) 1-иловада:

2-бандда:

қуйидаги мазмундаги иккинчи хатбоши билан тўлдирилсин:

"бутунжаҳон геодезия тизими (WGS-84) - 1984 йилги координаталар бутунжаҳон геодезия тизими";

иккинчи - еттинчи хатбошилар тегишлича учинчи - саккизинчи хатбошилар деб ҳисоблансин;

тўртинчи хатбоши қуйидаги таҳрирда баён этилсин:

"маъмурий-ҳудудий бирликлар - вилоятлар, туманлар, шаҳарлар, шаҳарчалар, қишлоқлар, овуллар, шунингдек, Қорақалпоғистон Республикаси";

олтинчи ва еттинчи хатбошилар қуйидаги таҳрирда баён этилсин:

"ортофоторежа - аэрокосмик суратларни фотограмметрик усулда аниқ геодезик асосга (координата ва баландлик бўйича) боғлаб тайёрланган фоторежа;

"чегара чизиғининг тавсифи - чегара бурилиш координаталари ва чегара чизиғининг йўналишига оид маълумотларни тизимли равишда ёзувли матн шаклида таърифлаш";

7-банд қуйидаги таҳрирда баён этилсин:

"7. Қорақалпоғистон Республикасининг чегаралари фақат унинг розилиги билан Қорақалпоғистон Республикаси Жўқорғи Кенгесининг қарори асосида Ўзбекистон Республикаси Олий Мажлиси томонидан ўзгартирилиши мумкин.

Қорақалпоғистон Республикасида туманларнинг, Қорақалпоғистон Республикаси бўйсунувидаги шаҳарларнинг ва шаҳарларда туманларнинг чегараларини ўзгартириш Қорақалпоғистон Республикаси Вазирлар Кенгашининг таклифига кўра Қорақалпоғистон Республикаси Жўқорғи Кенгеси томонидан тегишли туманлар ва шаҳарлар ҳокимларининг илтимосномалари асосида амалга оширилади";

16-банд қуйидаги таҳрирда баён этилсин:

"16. Қорақалпоғистон Республикаси, вилоятлар ва Тошкент шаҳри чегараларини белгилаш қуйидагиларни ўз ичига олади:

тайёргарлик ва дала кузатув ишлари;

чегараларни белгилаш бўйича таклифлар тайёрлаш;

чегара чизиғини давлат ва WGS-84 координаталар тизимида геоахборот базасида (*.gdb, *.mxd форматида) шакллантириш;

чегара чизиқлари акс эттирилган картографик материаллар тайёрлаш;

чегара чизиғи бурилиш нуқталарининг координаталар каталогини тайёрлаш;

чегара чизиғи тавсифини тузиш;

чегараларни келишиш ва тасдиқлаш";

17-бандда:

учинчи хатбоши қуйидаги таҳрирда баён этилсин:

"чегара чизиқлари акс эттирилган картографик ва аэро ёки космик суратлар асосида тайёрланган ортофоторежалар ҳамда чегара чизиғи тавсифи ва тегишли масштабдаги топографик хариталар (мавжуд бўлган такдирда)";

қуйидаги таҳрирда еттинчи хатбоши билан тўлдирилсин:

"маъмурий-ҳудудий чегарани амалда ўзгартириш (вақтинча фойдаланиш) тўғрисидаги ҳужжатлар, Қорақалпоғистон Республикаси, вилоятлар ва Тошкент шаҳри ўртасида алмаштирилган ер участкалари ва ер турларининг майдони ҳамда ердан фойдаланувчилар тўғрисидаги маълумотлар";

еттинчи хатбоши тегишлича саккизинчи хатбоши деб ҳисоблансин;

19-банднинг биринчи хатбошиси қуйидаги таҳрирда баён этилсин:

"Дала кузатув ишлари жараёнида суғориладиган ҳудудларда 1:10 000 масштабда, бошқа ҳудудларда эса 1:25 000 ва 1:50 000 масштабдаги топографик хариталардан, чегара чизиғининг ҳар икки томонидан тегишлича 500-2 500 метр кенгликда чегара чизиғи туширилган ҳолда кўчирмалар олинади. Янгиланган топографик хариталар мавжуд бўлмаган тақдирда аэро ёки космик суратлар асосида яратилган ортофоторежалардан фойдаланилади";

24-банд қуйидаги мазмундаги учинчи ва тўртинчи хатбошилар билан тўлдирилсин:

"Чегараларни белгилашда бурилиш нуқталари координаталари бир-бирига мутаносиб шакллантирилади.

Чегара чизиғи бино ва иншоотлар ҳамда улар жойлашган ер участкаларини кесиб ўтмаслиги керак";

25-банд қуйидаги таҳрирда баён этилсин:

"25. Чегара чизиқларини белгилаш бўйича келишмовчиликлар келиб чиққан тақдирда, низоли ҳудудлардаги ер эгалари, ердан фойдаланувчилар, ижарачилар ва мулкдорлар ҳамда ер турлари бўйича қўшимча материаллар тўпланади, тўпланган материаллар Ишчи орган томонидан чегарадош ҳудудларнинг комиссиялари (келишув асосида) қўшма йиғилишига кўриб чиқиш учун тақдим этилади";

27-банд қуйидаги таҳрирда баён этилсин:

"27. Келишилган чегаралар чизиғини белгилаш мақсадида чегара чизиғи топографик хариталар учун қабул килинган шартли белгиларга мувофиқ, аэро ёки космик суратларни давлат координаталар тизимига боғлаган ҳолда электрон дастур ёрдамида суғориладиган ҳудудларда 1:10 000, бошқа ҳудудларда 1:25 000 ва 1:50 000 масштабга келтирилган ортофоторежага туширилади, маъмурий-ҳудудий бирликларнинг тасдиқланган чегара чизиғининг тавсифи топографик харитада ёзилади";

28-банддаги "1:100 000" рақамлар "1:10 000 - 1:50 000" рақамлари билан алмаштирилсин;

33-банд "Чегара" сўзидан кейин "чизиғининг" сўзи билан тўлдирилсин;

34-банд қуйидаги таҳрирда баён этилсин:

"34. Чегара чизиғини тавсифлашда географик объектларнинг номлари топографик харитага мос равишда, автомобиль ва темир йўллар, канал ва зовурлар номлари Географик объектларнинг номлари давлат реестри ва бошқа расмий маълумотларга асосан қабул қилинади";

35-банд қуйидаги таҳрирда баён этилсин:

"35. Қорақалпоғистон Республикаси, вилоятлар ва Тошкент шаҳри чегараларини белгилаш бўйича ишлар якунланганидан сўнг қуйидаги ҳужжатлар Комиссияга кўриб чиқиш учун Ишчи орган томонидан тақдим этилади:

чегара чизиғининг харитаси (фойдаланилган ортофоторежалар илова қилинган ҳолда);

чегара чизиғининг тавсифи;

чегараларни белгилаш бўйича бажарилган дала кузатув ишларининг натижалари юзасидан тузилган далолатномалар ва баённомалар;

чегараларни белгилашга оид материаллар асосида тайёрланган тушунтириш (шарҳ) хати";

38-банд қуйидаги таҳрирда баён этилсин:

"38. Туман (шаҳар) чегараларини белгилаш қуйидагиларни ўз ичига олади:

тайёргарлик ва дала кузатув ишлари;

чегара чизиқларини белгилаш бўйича таклифлар тайёрлаш;

чегара чизиғини давлат ва WGS-84 координаталар тизимида геоахборот базасида (*.gdb, *.mxd форматида) шакллантириш;

чегара чизиқлари акс эттирилган картографик материаллар тайёрлаш;

чегара чизиғи бурилиш нуқталарининг координаталар каталогини тайёрлаш;

чегара чизиғи тавсифини тузиш;

чегараларни белгилаш ва тасдиқлаш";

39-банднинг учинчи ва ўнинчи хатбошилари қуйидаги таҳрирда баён этилсин:

"чегара чизиқлари акс эттирилган картографик ва аэро ёки космик материаллар асосида тайёрланган ортофоторежалар ҳамда чегара чизиғи ёзувли матни тавсифи ва тегишли масштабдаги топографик хариталар (мавжуд бўлган тақдирда);

мавжуд чегаралар ўзгарган тақдирда, туманлар ўртасида алмаштириладиган ёки бериладиган ер участкаларининг ва ер турларининг майдони ҳамда ер эгалари, ердан фойдаланувчилар, ижарачилар ва мулкдорлар тўғрисида маълумотлар тайёрланади";

40-бандда:

учинчи хатбоши қуйидаги таҳрирда баён этилсин:

"Дала кузатув натижалари асосида чегара чизиқларини тасдиқлаш мақсадида туманларнинг чегара чизиғи 1:25 000 масштабдаги, шаҳарларнинг чегара чизиғи 1:10 000 масштабдаги топографик хариталарга туширилади. Маъмурий чегара тавсифи давлат координаталар тизими асосида топографик элементларга боғланган ҳолда тузилади";

қуйидаги мазмундаги хатбоши билан тўлдирилсин:

"Янгиланган топографик хариталар мавжуд бўлмаган тақдирда, туманларнинг чегара чизиғи аэро ёки космик суратлар асосида тайёрланган ортофоторежага туширилади";

41-банд қуйидаги таҳрирда баён этилсин:

"41. Келишилган чегара чизиғини белгилаш мақсадида унинг аэро ёки космик суратларини давлат координаталар тизимига боғлаган ҳолда электрон дастур ёрдамида туман чегараси 1:25 000 масштабдаги, шаҳарларда 1:2 000 масштабга келтирилган ортофоторежага туширилади, маъмурий-ҳудудий бирликларнинг тасдиқланган чегара чизиғининг тавсифи топографик харитадан ёзилади. Шаҳарлар бўйича топографик хариталар мавжуд бўлмаган такдирда, аэро ёки космик суратлар ёрдамида тайёрланган ортофоторежалардан фойдаланилади";

46-банддан "архитектура ва" сўзлари чиқариб ташлансин;

48-банд қуйидаги таҳрирда баён этилсин:

"48. Шаҳарчалар, қишлоқлар (овуллар) чегараларини белгилаш қуйидагиларни ўз ичига олади:

тайёргарлик ва дала кузатув ишлари, чегараларни белгилаш бўйича таклифлар тайёрлаш;

чегара чизиғини давлат ва WGS-84 координаталар тизимида геоахборот базасида (*.gdb, *.mxd форматида) шакллантириш;

чегара чизиқлари акс эттирилган картографик материаллар тайёрлаш;

чегара чизиғи бурилиш нуқталарининг координаталар каталогини тайёрлаш;

чегара чизиғи тавсифини тузиш, чегараларни келишиш ва тасдиқлаш";

50-бандда:

қуйидаги мазмундаги олтинчи хатбоши билан тўлдирилсин:

"мавжуд чегаралар ўзгарган тақдирда, шаҳарча, қишлоқ ва овуллар ўртасида алмаштириладиган ёки бериладиган ер участкаларининг ва ер турларининг майдони ҳамда ер эгалари, ердан фойдаланувчилар, ижарачилар ва мулкдорлар тўғрисида маълумотлар тайёрланади";

олтинчи ва еттинчи хатбошилар тегишлича еттинчи ва саккизинчи хатбошилар деб ҳисоблансин;

52-банд қуйидаги мазмундаги хатбоши билан тўлдирилсин:

"Топографик хариталар мавжуд бўлмаган тақдирда, аэро ёки космик суратлар асосида тайёрланган ортофоторежада акс эттирилиши мумкин";

53-банднинг биринчи хатбошиси қуйидаги таҳрирда баён этилсин:

"Чегараларни белгилаш жараёнида ҳар бир шаҳарча, қишлоқ (овул) бўйича чегаралар қўшни маъмурий-ҳудудий бирликлар ажратиб кўрсатилган холда тавсифланади. Чегара чизиғи тавсифида улар бўйича чегара белгиланадиган табиий ва сунъий объектлар номлари, чегара чизиғи йўналиши ва масофаси келтирилади, чегара чизиғининг бурилиш нуқталари координаталари кўрсатилади";

55-банддан "архитектура ва" сўзлари чиқариб ташлансин;

56-бандда:

учинчи хатбоши қуйидаги таҳрирда баён этилсин:

"картографик (ортофоторежа, рақамли топографик харита ва тасдиқланган қоғоз шаклидаги харита) материал ва чегара чизиғи матни тавсифи, чегара бурилиш нуқталари координаталар каталоги";

қуйидаги мазмундаги тўртинчи хатбоши билан тўлдирилсин:

"чегара чизиғини давлат ва WGS-84 координаталар тизимида геоахборот базаси (*.gdb, *.mxd форматида)";

тўртинчи - саккизинчи хатбошилар тегишлича бешинчи - тўққизинчи хатбошилар деб ҳисоблансин;

57 ва 58-бандлар қуйидаги таҳрирда баён этилсин:

"Маъмурий-ҳудудий бирликлар чегараларини белгилаш юзасидан уч нусхада йиғмажилд тайёрланади, биринчи (асл) нусха бажарувчи ташкилот томонидан Кадастр агентлигининг Давлат картография-геодезия фондига доимий сақлаш учун тақдим қилинади, иккинчи нусхаси маъмурий-ҳудудий бирликларнинг навбатчи харитасини юритиш учун Республика аэрогеодезия марказига ва учинчи нусхаси фойдаланиш учун Давлат кадастрлари палатасининг ҳудудий бошқармасига топширилади.

Маъмурий-ҳудудий бирликлар чегараларини белгилаш юзасидан тайёрланган электрон рақамли ортофоторежа материаллари Кадастр агентлигининг Республика аэрогеодезия марказида давлат ер кадастрига оид ахборот тизимини шакллантириш, юритиш ва доимий янгилаб бориш мақсадида жамланади";

в) 2-иловада:

2-бандда:

тўққизинчи хатбоши қуйидаги таҳрирда баён этилсин:

"кўп йиллик дов-дарахтлар - боғлар, токзорлар, тутзорлар, мевали дарахт кўчатзорлари, мевазорлар ва бошқалар билан банд бўлган ерлар;

ўн биринчи хатбоши қуйидаги таҳрирда баён этилсин:

"маъмурий-ҳудудий бирликларнинг чегара чизиғининг тавсифи - чегара бурилиш нуқтасининг координаталари ва чегара чизиғининг йўналишига оид маълумотларни тизимли равишда ёзувли матн шаклида таърифлаш";

ўн иккинчи хатбоши қуйидаги таҳрирда баён этилсин:

"ортофоторежа - аэрокосмик суратларни фотограметрик усулда аниқ геодезик асосга (координата ва баландлик бўйича) боғлаб тайёрланган фоторежа";

6 ва 7-бандлар қуйидаги таҳрирда баён этилсин:

"Ер ресурсларини хатловдан ўтказишда ер эгалари, ердан фойдаланувчилар, ижарачилар ва мулкдорларнинг жойлашган ер участкаси, чегаралари, ер майдони, ер участкаларидан мақсадли ва самарали фойдаланиши ҳамда бошқа тавсифларига аниқлик киритилади.

7. Иш турининг мақсади ва йўналишидан келиб чиқиб, маъмурий-ҳудудий бирликлар чегарасида кадастр ҳисобини юритиш мақсадида:

қишлоқ хўжалиги учун мўлжалланган ерлар;

аҳоли пунктларининг ерлари;

фойдали қазилмалар қазишда геологик қидирув, қурилиш ва бошқа ишларни бажаришда бузилган ерлар;

саноат, транспорт, алоқа, мудофаа ва бошқа мақсадларга мўлжалланган ерлар;

табиатни муҳофаза қилиш, соғломлаштириш ва рекреация мақсадларига мўлжалланган ерлар;

тарихий-маданий аҳамиятга молик ерлар;

ўрмон фонди ерлари;

сув фонди ерлари ва захира ерлар хатловдан ўтказилади";

9-банд ўз кучини йўқотган деб ҳисоблансин;

11-банднинг иккинчи хатбошиси қуйидаги таҳрирда баён этилсин:

"Ер ресурсларини хатловдан ўтказиш ишлари туман (шаҳар) ҳокимлиги томонидан мувофиклаштириб борилади";

13-бандда:

иккинчи ва учинчи хатбошилар қуйидаги таҳрирда баён этилсин:

"ер ҳисобини юритиш материаллари, мавжуд электрон рақамли хариталар;

хўжалик юритувчи субъектларнинг мавжудлиги, улар фойдаланаётган ер участкалари тўғрисида маълумотлар";

бешинчи хатбоши қуйидаги таҳрирда баён этилсин:

"аэро ва космик суратлар асосида яратилган ортофоторежалар ва картографик материаллар";

14-банд қуйидаги таҳрирда баён этилсин:

"14. Ер ресурсларини хатловдан ўтказиш ишлари учун космик ва аэро суратлардан фойдаланган ҳолда тайёрланган рақамли ортофоторежалар асосида дешифровка ишлари амалга оширилади. Бунда космик ва аэро суратлар давлат координаталар тизимига боғлаб чикилади ва электрон дастур ёрдамида: суғориладиган худудларда 1:10 000, бошқа худудларда 1:25 000, 1:50 000 масштабларда, келтирилган ортофоторежа электрон варианти тайёрланади ҳамда маъмурий-ҳудудий бирликлар тасдикланган чегара чизиғи туширилади";

15-банд қуйидаги мазмундаги хатбоши билан тўлдирилсин:

"Туман (шаҳар)нинг янгиланган яхлит электрон рақамли харитаси давлат ва WGS-84 координаталар тизимида (*.gdb, *.mxd форматида) тайёрланади";

16-банднинг биринчи ва иккинчи хатбошилари қуйидаги таҳрирда баён этилсин:

"16. Туман (шаҳар)нинг электрон рақамли ҳариталари яратилгандан сўнг ер турлари ва майдонлари контурлар кесимида ҳисоблаш қайдномаси (янги ва олдинги контур рақамларини кўрсатган ҳолда) ушбу Низомга 2-иловадаги шаклга мувофик ҳисоблаб чиқилади. Бунда туманлар (шаҳарлар) бўйича ер ресурслари контур рақамлари такрорланмайдиган тартиб рақами бўйича белгиланади ва ўзгартирилишига йўл қўйилмайди.

Ер эгалари, ердан фойдаланувчилар, ижарачилар ва мулкдорлар томонидан яхлит контур ичида хўжалик фаолияти учун ички ариқ, дала йўли, қаторлаб кўп йиллик дов-дарахтлар ёки вақтинча дала чеклари барпо қилинган бўлса, алоҳида контур рақамлари берилиши йўл қўйилмайди ва контур яхлитлиги бўйича рақам берилади.

Ушбу ерларни экин ери сифатида қолдириш мақсадида таклифлар тайёрланади. Давлат кадастрлари палатасининг ҳудудий бошқармалари, туман қишлоқ хўжалиги бўлими ҳамда сув хўжалиги бўлими биргаликда контурларни қўшиш ёки бўлиш бўйича асосланган таклифларни ишлаб чиқади";

17-банд қуйидаги таҳрирда баён этилсин:

"17. Туман (шаҳар)нинг электрон рақамли хариталари асосида ер эгалари, фойдаланувчилар, ижарачилар, ер участкалари мулкдорларининг ҳуқуқий ҳужжати бўйича фойдаланаётган ер участкалари чегаралари ва ер турлари бўйича туширилиши ўрганилади ва таҳлил қилинади.

Ўрганиш ва таҳлил жараёнида ер эгалари, ердан фойдаланувчилар, ижарачилар ва мулкдорларнинг ер ва майдонларида ноаниқликлар ва бошқа ҳолатлар юзага келганда дала кузатув ишлари амалга оширилади";

19-банд қуйидаги таҳрирда баён этилсин:

"19. Дала кузатув жараёнида электрон рақамли ёки қоғоз кўринишидаги ортофоторежаларда қуйидагилар акс эттирилади:

маъмурий ҳудудий чегаралар;

ер фонди тоифалари ва ер турлари ҳамда уларнинг чегаралари;

ер эгалари, ердан фойдаланувчилар, ижарачилар, ер участкалари мулкдорларининг амалда фойдаланаётган ер участкалари чегаралари ва ер турлари ҳамда уларнинг фойдаланишида бўлмаган ер турлари;

аҳоли пунктлари чегараларида ер турлари бўйича жамоатчилик ерлари, умрбод эгалик ҳуқуқига эга бўлган деҳқон ва шахсий ёрдамчи хўжаликларнинг ер участкалари;

жойнинг янги топографик элементлари, шунингдек, янги қурилиш объектлари";

21-банд қуйидаги таҳрирда баён этилсин:

"21. Ўтказилган хатлов натижаларига кўра, маъмурий-ҳудудий бирлик бўйича:

ер эгалари, ердан фойдаланувчилар, ижарачилар ва мулкдорлар бўйича контурлар бўйича ҳисоблаш қайдномаси (ер эгалари, ердан фойдаланувчилар, ижарачилар ва мулкдорларнинг СТИР ёки ЖШШИР рақамлари, янги ва олдинги контур рақамларини ҳамда ер ҳисоботига нисбатан хатловда ер турлари ва тоифаларининг ўзгаришларини аниқ кўрсатган ҳолда) 3-иловага мувофиқ;

аниқланган ер тўғрисидаги қонун бузилиши ҳолатлари бўйича маълумотлар 4-иловага мувофиқ тузилади";

22-банд қуйидаги таҳрирда баён этилсин:

"22. Ер эгалари, ердан фойдаланувчилар, ижарачилар ва мулкдорларнинг расмий ҳужжатлар ва амалда фойдаланишида бўлган ер майдонлари ўртасидаги фарқлар, шунингдек, ерлардан бошқа мақсадларда фойдаланиш ҳолатлари ўрганилади";

24-26-бандлар қуйидаги таҳрирда баён этилсин:

"24. Ҳар бир маъмурий-ҳудудий бирлик бўйича ер ресурсларини хатловдан ўтказиш натижалари бўйича қуйидаги таркибда ҳужжат ва материаллар шакллантирилади:

тушунтириш хати (келгусида ердан самарали фойдаланишга қаратилган ва аниқланган камчиликларни бартараф этиш юзасидан таклифлар);

ер ресурсларини контурлар бўйича ҳисоблаш қайдномаси;

ер эгалари, ердан фойдаланувчилар, ижарачилар ва мулкдорлар бўйича контурлар ҳисоблаш қайдномаси;

қоғоз шаклда контурлар чегаралари ва ер турлари кўрсатилган янгиланган қишлоқ хўжалиги харитаси ҳамда ер эгалари, ердан фойдаланувчилар, ижарачилар ва мулкдорларнинг ер участкалари чегаралари кўрсатилган ҳолда ерларни хатловдан ўтказиш харитаси (ўзбошимчалик билан эгалланган ерлар ва ноқонуний қурилмалар билан бирга);

электрон шаклда давлат ва WGS-84 координаталар тизимида (*.gdb, *.mxd форматида) туманнинг яхлит янгиланган қишлоқ хўжалиги харитаси (ер турлари кўрсатилган ҳолда контурлар чегаралари, ер эгалари, ердан фойдаланувчилар, ижарачилар ва мулкдорларнинг ер участкалари чегаралари, ўзбошимчалик билан эгалланган ерлар ва ноқонуний қурилмалар чегаралари алоҳида қатламларда).

25. Туман (шаҳар) чегараларида ер ресурсларини хатловдан ўтказиш материаллари умумлаштирилиб, туман (шаҳар) ҳокимлиги қарори лойиҳаси илова қилинган ҳолда туман (шаҳар) ҳокимлигига кўриб чиқиш учун топширилади.

Ер ресурсларини хатловдан ўтказиш натижалари бўйича расмийлаштирилган баённомалар белгиланган тартибда 10 кун муддатда туман (шаҳар) ҳокимлиги томонидан тасдиқланади.

Тақдим этилган материаллар туман (шаҳар) ҳокимилиги томонидан асосланган эътирозлар билан қайтарилса, ижрочи 5 кун муддатда камчиликларни бартараф этиб қайта тақдим этади.

Туман (шаҳар) ҳокими ер ресурсларини хатловдан ўтказиш якунлари бўйича қабул қилинган қарорни Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимларига тасдиклаш учун тақдим этади.

26. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари ер ресурсларини хатловдан ўтказиш материалларини кўриб чиқади.

Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари ер ресурсларини хатловдан ўтказиш якунларини ушбу ерлардан самарали фойдаланишни ташкил этиш бўйича қарор билан тасдиқлайди ва қонун бузилиши ҳолатларини бартараф этиш чораларини кўради";

28-банд ўз кучини йўқотган деб ҳисоблансин;

29-банд қуйидаги таҳрирда баён этилсин:

"29. Давлат кадастрлари палатаси, унинг ҳудудий бошқармалари, туман (шаҳар) филиаллари ер ресурсларини хатловдан ўтказиш материаллари асосида белгиланган тартибда ер ресурсларининг ҳолати тўғрисидаги миллий ҳисоботга тегишли ўзгартиришлар киритади, яратилган электрон рақамли хариталар ва контурлар қайдномасидан келгусида амалда фойдаланишни ташкил этади";

30-бандда:

тўртинчи хатбоши чиқариб ташлансин;

бешинчи ва олтинчи хатбошилар тегишлича тўртинчи ва бешинчи хатбошилар деб ҳисоблансин;

31 ва 32-бандлар қуйидаги таҳрирда баён этилсин:

"31. Ер ресурсларини хатловдан ўтказиш юзасидан уч нусхада йиғмажилд тайёрланади, биринчи (асл) нусха бажарувчи ташкилот томонидан Кадастр агентлигининг Давлат картография-геодезия фондига доимий сақлаш учун тақдим қилинади, иккинчи нусхаси навбатчи харитани юритиш учун Республика аэрогеодезия марказига ва учинчи нусхаси фойдаланиш учун Давлат кадастрлари палатасининг ҳудудий бошқармасига юборилади.

32. Ер ресурсларини хатловдан ўтказиш юзасидан тайёрланган электрон рақамли ортофоторежа материаллари Кадастр агентлигининг Давлат кадастрлари палатасида давлат ер кадастрига оид ахборот тизимини шакллантириш, юритиш ва доимий янгилаб бориш мақсадида жамланади";

Низомга 2-илованинг матни қуйидаги таҳрирда баён этилсин:

"Ер турлари ва майдонларини контурлар бўйича ҳисоблаш

ҚАЙДНОМАСИ

Низомга 3-илованинг матни қуйидаги таҳрирда баён этилсин:

"Ердан фойдаланувчиларнинг ер турлари ва

майдонларини контурлар бўйича ҳисоблаш

ҚАЙДНОМАСИ

давоми

Низомга 4-илованинг матни қуйидаги таҳрирда баён этилсин:

"Хатлов натижалари бўйича ердан фойдаланиш борасида

аниқланган қонун бузилишлари юзасидан

МАЪЛУМОТ

8. Вазирлар Маҳкамасининг "Кадастр соҳасида айрим давлат хизматлари кўрсатишнинг маъмурий регламентларини тасдиқлаш тўғрисида" 2020 йил 2 сентябрдаги 535-сон қарорида:

а) 1-бандда:

олтинчи хатбошидаги "мувофиқ тасдиқлансин" сўзлари чиқариб ташлансин;

қуйидаги мазмундаги хатбошилар билан тўлдирилсин:

Кўп йиллик дов-дарахтларга бўлган мулк ҳуқуқини давлат рўйхатидан ўтказиш бўйича давлат хизматлари кўрсатишнинг маъмурий регламенти 5а-иловага мувофиқ;

б) 1-илованинг 3-банди қуйидаги таҳрирда баён этилсин:

"3. Кадастр паспортининг шакллари Вазирлар Маҳкамасининг 2021 йил 22 июндаги 389-сон қарори билан тасдиқланган Кўчмас мулк объектларига кадастр йиғмажилдини тайёрлаш тартиби тўғрисида низомга мувофиқ турлар бўйича белгиланади";

в) 3-илованинг 2-банди биринчи хатбошисидаги "ортиқ" сўзи "кам бўлмаган" сўзлари билан алмаштирилсин;

г) 4-иловада:

3-банднинг ўнинчи хатбошиси "мувофиқ" сўзидан кейин "намунавий" сўзи билан тўлдирилсин;

5-банд қуйидаги таҳрирда баён этилсин:

"5. Ўзбекистон Республикаси Давлат солиқ қўмитаси ҳузуридаги Кадастр агентлигининг Давлат кадастрлари палатаси (кейинги ўринларда - Палата) ер участкаси бўйича ўрнатилган сервитутни давлат рўйхатидан ўтказади ва Реестрдан кўчирма тақдим этади";

6-банддаги "Марказ" сўзи "Палата" сўзи билан алмаштирилсин;

12-банд қуйидаги таҳрирда баён этилсин:

"12. Йиғимлар суммаси қуйидаги тартибда тақсимланади:

а) Давлат хизматлари марказларига ўзи келиб мурожаат этганда:

20 фоизи - Ўзбекистон Республикаси Адлия вазирлигининг Давлат хизматларини ривожлантириш жамғармасининг шахсий ҳисобварағига;

10 фоизи - Кадастр агентлигининг бюджетдан ташқари жамғармасининг шахсий ҳисобварағига;

қолган маблағларнинг 80 фоизи Палата ҳисобварағига, 20 фоизи тегишлилиги бўйича Палатанинг Қорақалпоғистон Республикаси, вилоятлар ва Тошкент шаҳар бошқармаларининг ҳисобварағига ўтказилади;

б) ЯИДХП орқали мурожаат этилганда:

10 фоизи - Ўзбекистон Республикаси Адлия вазирлигининг Давлат хизматларини ривожлантириш жамғармасининг шахсий ҳисобварағига;

11,25 фоизи - Ягона интерактив давлат хизматлари портали орқали давлат хизматларини кўрсатганлик учун, шунингдек, 0,5 фоизи Ягона биллинг тизими орқали давлат хизматлари кўрсатганлик учун Ахборот-коммуникaция технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;

10 фоизи - Кадастр агентлигининг бюджетдан ташқари жамғармасининг шахсий ҳисобварағига;

қолган маблағларнинг 80 фоизи Палата ҳисобварағига, 20 фоизи тегишлилиги бўйича Палатанинг Қорақалпоғистон Республикаси, вилоятлар ва Тошкент шаҳар бошқармаларининг ҳисобварағига ўтказилади";

15, 17 ва 19-бандлардаги тегишли келишикдаги "Марказ" сўзи тегишли келишикдаги "Палата" сўзи билан алмаштирилсин;

Маъмурий регламентга 1-илованинг матни қуйидаги таҳрирда баён этилсин:

Ер участкасининг ҳуқуқ эгаси (кейинги ўринларда - ҳуқуқ эгаси), бир тарафдан, ва___________________________________________________________________________

сервитут ўрнатилишидан манфаатдор (кейинги ўринларда - манфаатдор шахс) иккинчи тарафдан, биргаликда "Тарафлар" деб аталувчилар ушбу келишувни қуйидагилар ҳақида тузди:

1. Келишув предмети

1.1. Ер участкаси ҳуқуқ эгасига

ҳуқуқи билан давлат рўйхатидан ўтказилган.

1.2. Ер участкасининг манзили

1.3 Сервитут қуйидаги мақсадларда белгиланади:

   

1.4. Умумий майдони ________ кв м.га тенг бўлган ер участкасининг сервитут ўрнатилаётган қисмининг умумий майдони ___ кв м.ни ташкил этади.

1.5. Сервитут ўрнатилиши натижасида ердан фойдаланишни чеклаш:

1.6. Ер участкаси бўйича ўрнатилган сервитут бўйича келишилган схемаси илова қилинади ва ушбу схема келишувнинг ажралмас қисми ҳисобланиб, ер участкасининг чегаралари, сервитут чегаралари ва қўшни ердан фойдаланувчиларнинг номлари кўрсатилади.

1.7. Ушбу келишув бўйича сервитут давлат рўйхатидан ўтказилган пайтдан бошлаб кучга киради.

1.8. Сервитут ва ушбу келишув 20___ йил "__" ________ га қадар амал қилади.

1.9. Манфаатдор шахс томонидан ер участкасининг бир қисмидан чекланган тарзда фойдаланиши (сервитут) учун йиғим миқдори:

1.10. Ер участкасининг ҳуқуқ эгаси ўзгарган тақдирда, сервитут бериш шартлари, шу жумладан, келишув бўйича тўлов миқдори сақлаб қолинади.

2. Тарафларнинг ҳуқуқ ва мажбуриятлари

2.1. Ер участкасининг ҳуқуқ эгаси қуйидагиларга мажбур:

сервитут давлат рўйхатидан ўтказилган пайтдан бошлаб манфаатдорга ушбу келишувнинг 1.2-бандида кўрсатилган ер участкасининг ушбу келишувнинг 1.4-бандида кўрсатилган майдонидан чекланган тарзда фойдаланиш ҳуқуқини тақдим этиш;

ушбу келишувнинг 1.5-бандида кўрсатилган ер участкасидан фойдаланишдаги чекловларга риоя қилиш;

манфаатдор шахсга сервитутдан мақсадли фойдаланишга тўсқинлик қилмаслик;

ер участкасидан фойдаланиш мақсадини ҳисобга олган ҳолда, уни лозим даражадаги ҳолатда сақлаш учун ўз кучи билан ва ўз ҳисобидан уни йиғиштириш, қўриқлаш, таъмирлаш ва унга бошқача тарзда хизмат кўрсатиш;

учинчи шахслар билан ер участкасига нисбатан сервитут белгилаш тўғрисида келишув тузиладиган тақдирда, ушбу масалани манфаатдор шахс билан ёзма шаклда келишиш.

2.2. Ер участкасининг ҳуқуқ эгаси қуйидагиларга ҳақли:

манфаатдор томонидан сервитутдан мунтазам равишда ушбу келишувга асосан белгиланган мақсадларда фойдаланилмаган тақдирда, ушбу келишувни бекор қилишни талаб қилиш;

сервитут ташкил этилган асослар бекор қилинган тақдирда, манфаатдор шахсни бу ҳақда ёзма равишда хабардор қилиш орқали ушбу шартномани бир томонлама бекор қилиш;

ўз вақтида тўланмаган сервитут учун тўловни ундириш учун судга мурожаат қилиш;

манфаатдор шахс ер участкасидан чекланган тарзда фойдаланганлик (сервитут) учун мазкур келишувнинг 1.9-бандида кўрсатилган миқдор ва муддатларда ҳақ тўламаса, манфаатдор шахсни шартномани бекор қилиш ҳақида огоҳлантириш, манфаатдор томондан рад жавобини олганда ёки қонунда ёхуд шартномада белгиланган муддатда, бундай муддат бўлмаганида эса - ўттиз кунлик муддатда жавоб олмаганидан кейин талабни судга тақдим этиш.

2.3. Манфаатдор қуйидагиларга мажбур:

ер участкасининг ҳуқуқ эгаси билан биргаликда сервитутни кўчмас мулкка бўлган ҳуқуқларни давлат рўйхатидан ўтказувчи органда давлат рўйхатидан ўтказиш;

сервитутдан фақат ушбу келишувга асосан белгиланган мақсадларда фойдаланиш;

сервитут ўрнатилган ер участкасидан фойдаланишда, ушбу келишувнинг 1.4-бандида кўрсатилганидан ташқари, ҳуқуқ эгасига қўшимча чекловлар яратмаслик;

сервитут ўрнатилишига асос бўлган ҳаракатларни жамоат эҳтиёжлари учун мўлжалланган бошқа ер участкаси орқали амалга ошириш имконияти пайдо бўлган тақдирда, ер участкаси ҳуқуқ эгасининг биринчи талабига кўра сервитутдан фойдаланишни тўхтатиш;

учинчи шахслар билан ушбу ер участкасига нисбатан сервитут белгилаш тўғрисида келишув тузиш масаласини келишиш юзасидан ер участкасининг ҳуқуқ эгасидан хабарнома олинган тақдирда, шундай хабарнома олинган пайтдан бошлаб ____________ кун ичида ёзма равишда жавоб бериш.

2.4. Манфаатдор шахс қуйидаги ҳуқуқларга эга:

ушбу шартноманинг 1.3-бандида назарда тутилган сервитут мақсадларидаги ҳаракатларни амалга ошириш;

сервитут ўрнатилишига асос бўлган ҳаракатларни жамоат эҳтиёжлари учун мўлжалланган бошқа ер участкаси орқали амалга ошириш имконияти пайдо бўлган тақдирда, шартнома талабларини тўлиқ бажарган тартибда, шартномада бундай талаблар келтирилмаган тақдирда, тарафларнинг ўзаро келишуви асосида сервитутдан фойдаланишни тўхтатиш.

3. Сервитут амал қилишини бекор қилиш ҳоллари

3.1. Ушбу келишув билан белгиланган сервитутнинг амал қилиши қуйидаги ҳолларда бекор қилинади:

сервитут ўрнатилиши сабаби (мақсади) тугаганда;

манфаатдор шахс ва ер участкасининг ҳуқуқ эгаси битта шахс бўлиб қолганда;

манфаатдор шахс сервитутдан воз кечганда, бунинг учун сервитут бекор қилинишидан ______кун олдин ер участкаси ҳуқуқ эгасига ёзма хабарнома юбориши зарур;

кетма-кет ____________ йил мобайнида сервитутдан фойдаланилмаганда;

манфаатдор шахс ер участкасидан чекланган фойдаланганлик (сервитут) учун ҳақ тўлашни рад этган тақдирда;

сервитут битимида белгиланган мақсадлардан бошқа мақсадда фойдаланиш.

4. Форс-мажор ҳолатлари

4.1. Тарафлар бир-бирларини форс-мажор ҳолатлари юзага келганлиги тўғрисида улар юзага келган пайтдан бошлаб уч иш куни ичида хабардор қилиши керак.

4.2. Форс-мажор ҳолатлари юзага келган тақдирда, ушбу келишув бўйича мажбуриятларни бажариш муддати шундай ҳолатлар ва уларнинг оқибатлари амалда бўлган даврга кўчирилади.

5. Якунловчи қоидалар

5.1. Ушбу келишувга ўзгартириш ва қўшимчалар ёзма шаклда амалга оширилади ва шартлашаётган Тарафларнинг ваколатли вакиллари томонидан имзоланади.

5.2. Ушбу келишув бўйича низолар Тарафлар томонидан музокаралар йўли билан ҳал этилади, келишувга эришишнинг имкони бўлмаганда эса - суд орқали ҳал этилади.

6. Тарафларнинг манзиллари ва банк реквизитлари

Маъмурий регламентга 2-илованинг 2 ва 3-позициялари қуйидаги таҳрирда баён этилсин:

"

";