язык интерфейса
Комментарий к документу - NB! Мазкур кодексга 2018 йил октябрдан киритиладиган ўзгартиришларни ЎзР 20.07.2018 й. ЎРК-485-сон Конунига каранг

ЎзР Конунчилиги

ЎзР Конунчилиги/ Конституциялар ва кодекслар/ Ўзбекистон Республикасининг Маъмурий жавобгарлик тўғрисидаги кодекси/ Ўзбекистон Республикасининг Маъмурий жавобгарлик тўғрисидаги кодекси (ЎзР 22.09.1994 й. 2015-XII-сон Қонуни билан тасдиқланган)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИНИНГ

МАЪМУРИЙ ЖАВОБГАРЛИК

ТЎҒРИСИДАГИ КОДЕКСИ


Ўзбекистон Республикасининг 22.09.1994 й.

2015-XII-сон Қонунига мувофиқ тасдиқланган


01.04.1995 й.дан эътиборан амалга киритилган



Ҳужжатнинг рус тилидаги

матнига қаранг



Мазкур Кодексга қуйидагиларга мувофиқ ўзгартиришлар киритилган:

ЎзР 31.08.1995 й. 118-I-сон Қонуни,

ЎзР 22.12.1995 й. 179-I-сон Қонуни,

ЎзР 26.04.1996 й. 231-I-сон Қонуни,

ЎзР 30.08.1996 й. 281-I-сон Қонуни,

ЎзР 27.12.1996 й. 357-I-сон Қонуни,

ЎзР 25.04.1997 й. 421-I-сон Қонуни,

ЎзР 30.08.1997 й. 485-I-сон Қонуни,

ЎзР 26.12.1997 й. 549-I-сон Қонуни,

ЎзР 01.05.1998 й. 621-I-сон Қонуни,

ЎзР 29.08.1998 й. 681-I-сон Қонуни,

ЎзР 25.12.1998 й. 729-I-сон Қонуни,

ЎзР 15.04.1999 й. 772-I-сон Қонуни,

ЎзР 20.08.1999 й. 832-I-сон Қонуни,

ЎзР 26.05.2000 й. 82-II-сон Қонуни,

ЎзР 31.08.2000 й. 125-II-сон Қонуни,

ЎзР 15.12.2000 й. 175-II-сон Қонуни,

ЎзР 29.08.2001 й. 254-II-сон Қонуни,

ЎзР 30.08.2001 й. 271-II-сон Қонуни,

ЎзР 07.12.2001 й. 320-II-сон Қонуни,

ЎзР 30.08.2002 й. 405-II-сон Қонуни,

ЎзР 13.12.2002 й. 447-II-сон Қонуни,

ЎзР 25.04.2003 й. 482-II-сон Қонуни,

ЎзР 30.08.2003 й. 535-II-сон Қонуни,

ЎзР 12.12.2003 й. 568-II-сон Қонуни,

ЎзР 30.04.2004 й. 621-II-сон Қонуни,

ЎзР 27.08.2004 й. 671-II-сон Қонуни,

ЎзР 03.12.2004 й. 714-II-сон Қонуни,

ЎзР 23.09.2005 й. ЎРҚ-8-сон Қонуни,

ЎзР 19.12.2005 й. ЎРҚ-14-сон Қонуни,

ЎзР 28.12.2005 й. ЎРҚ-18-сон Қонуни,

ЎзР 31.12.2005 й. ЎРҚ-19-сон Қонуни,

ЎзР 22.06.2006 й. ЎРҚ-37-сон Қонуни,

ЎзР 27.09.2006 й. ЎРҚ-56-сон Қонуни,

ЎзР 10.10.2006 й. ЎРҚ-59-сон Қонуни,

ЎзР 15.12.2006 й. ЎРҚ-70-сон Қонуни,

ЎзР 26.12.2006 й. ЎРҚ-73-сон Қонуни,

ЎзР 06.04.2007 й. ЎРҚ-85-сон Қонуни,

ЎзР 06.04.2007 й. ЎРҚ-86-сон Қонуни,

ЎзР 13.04.2007 й. ЎРҚ-91-сон Қонуни,

ЎзР 23.04.2007 й. ЎРҚ-92-сон Қонуни,

ЎзР 14.09.2007 й. ЎРҚ-109-сон Қонуни,

ЎзР 20.09.2007 й. ЎРҚ-114-сон Қонуни,

ЎзР 13.12.2007 й. ЎРҚ-125-сон Қонуни,

ЎзР 18.12.2007 й. ЎРҚ-133-сон Қонуни,

ЎзР 25.12.2007 й. ЎРҚ-137-сон Қонуни,

ЎзР 08.04.2008 й. ЎРҚ-145-сон Қонуни,

ЎзР 16.04.2008 й. ЎРҚ-153-сон Қонуни,

ЎзР 21.04.2008 й. ЎРҚ-156-сон Қонуни,

ЎзР 18.09.2008 й. ЎРҚ-180-сон Қонуни,

ЎзР 24.09.2008 й. ЎРҚ-182-сон Қонуни,

ЎзР 31.12.2008 й. ЎРҚ-197-сон Қонуни,

ЎзР 31.12.2008 й. ЎРҚ-198-сон Қонуни,

ЎзР 14.01.2009 й. ЎРҚ-199-сон Қонуни,

ЎзР 15.09.2009 й. ЎРҚ-220-сон Қонуни,

ЎзР 17.09.2009 й. ЎРҚ-221-сон Қонуни,

ЎзР 22.09.2009 й. ЎРҚ-223-сон Қонуни,

ЎзР 06.10.2009 й. ЎРҚ-227-сон Қонуни,

ЎзР 15.12.2009 й. ЎРҚ-230-сон Қонуни,

ЎзР 21.12.2009 й. ЎРҚ-236-сон Қонуни,

ЎзР 22.12.2009 й. ЎРҚ-238-сон Қонуни,

ЎзР 25.12.2009 й. ЎРҚ-240-сон Қонуни,

ЎзР 30.12.2009 й. ЎРҚ-242-сон Қонуни,

ЎзР 17.05.2010 й. ЎРҚ-244-сон Қонуни,

ЎзР 24.05.2010 й. ЎРҚ-248-сон Қонуни,

ЎзР 01.06.2010 й. ЎРҚ-250-сон Қонуни,

ЎзР 14.09.2010 й. ЎРҚ-255-сон Қонуни,

ЎзР 17.09.2010 й. ЎРҚ-259-сон Қонуни,

ЎзР 22.09.2010 й. ЎРҚ-261-сон Қонуни,

ЎзР 06.10.2010 й. ЎРҚ-264-сон Қонуни,

ЎзР 20.12.2010 й. ЎРҚ-268-сон Қонуни,

ЎзР 24.12.2010 й. ЎРҚ-273-сон Қонуни,

ЎзР 24.12.2010 й. ЎРҚ-274-сон Қонуни,

ЎзР 04.01.2011 й. ЎРҚ-278-сон Қонуни,

ЎзР 21.04.2011 й. ЎРҚ-288-сон Қонуни,

ЎзР 26.04.2011 й. ЎРҚ-289-сон Қонуни,

ЎзР 09.09.2011 й. ЎРҚ-294-сон Қонуни,

ЎзР 29.09.2011 й. ЎРҚ-299-сон Қонуни,

ЎзР 30.12.2011 й. ЎРҚ-313-сон Қонуни,

ЎзР 12.04.2012 й. ЎРҚ-324-сон Қонуни,

ЎзР 11.09.2012 й. ЎРҚ-333-сон Қонуни,

ЎзР 29.12.2012 й. ЎРҚ-345-сон Қонуни,

ЎзР 30.04.2013 й. ЎРҚ-352-сон Қонуни,

ЎзР 07.10.2013 й. ЎРҚ-355-сон Қонуни,

ЎзР 20.01.2014 й. ЎРҚ-365-сон Қонуни,

ЎзР 14.05.2014 й. ЎРҚ-372-сон Қонуни,

ЎзР 04.09.2014 й. ЎРҚ-373-сон Қонуни,

ЎзР 04.12.2014 й. ЎРҚ-379-сон Қонуни,

ЎзР 11.12.2014 й. ЎРҚ-381-сон Қонуни,

ЎзР 09.06.2015 й. ЎРҚ-388-сон Қонуни,

ЎзР 10.08.2015 й. ЎРҚ-389-сон Қонуни,

ЎзР 20.08.2015 й. ЎРҚ-391-сон Қонуни,

ЎзР 29.12.2015 й. ЎРҚ-396-сон Қонуни,

ЎзР 20.01.2016 й. ЎРҚ-401-сон Қонуни,

ЎзР 25.04.2016 й. ЎРҚ-405-сон Қонуни,

ЎзР 23.09.2016 й. ЎРҚ-411-сон Қонуни,

ЎзР 26.12.2016 й. ЎРҚ-416-сон Қонуни,

ЎзР 29.12.2016 й. ЎРҚ-418-сон Қонуни,

ЎзР 18.04.2017 й. ЎРҚ-429-сон Қонуни,

ЎзР 13.06.2017 й. ЎРҚ-436-сон Қонуни,

ЎзР 14.09.2017 й. ЎРҚ-446-сон Қонуни,

ЎзР 16.10.2017 й. ЎРҚ-448-сон Қонуни,

ЎзР 03.01.2018 й. ЎРҚ-456-сон Қонуни,

ЎзР 09.01.2018 й. ЎРҚ-459-сон Қонуни,

ЎзР 29.01.2018 й. ЎРҚ-463-сон Қонуни,

ЎзР 18.04.2018 й. ЎРҚ-476-сон Қонуни,

ЎзР 20.07.2018 й. ЎРҚ-485-сон Қонуни,

ЎзР 23.07.2018 й. ЎРҚ-486-сон Қонуни,

ЎзР 24.07.2018 й. ЎРҚ-487-сон Қонуни,

ЎзР 10.10.2018 й. ЎРҚ-495-сон Қонуни,

ЎзР 11.10.2018 й. ЎРҚ-497-сон Қонуни,

ЎзР 22.10.2018 й. ЎРҚ-503-сон Қонуни,

ЎзР 08.01.2019 й. ЎРҚ-512-сон Қонуни,

ЎзР 09.01.2019 й. ЎРҚ-514-сон Қонуни,

ЎзР 15.01.2019 й. ЎРҚ-516-сон Қонуни,

ЎзР 18.02.2019 й. ЎРҚ-522-сон Қонуни,

ЎзР 04.03.2019 й. ЎРҚ-526-сон Қонуни,

ЎзР 14.03.2019 й. ЎРҚ-530-сон Қонуни,

ЎзР 20.03.2019 й. ЎРҚ-531-сон Қонуни,

ЎзР 02.05.2019 й. ЎРҚ-534-сон Қонуни,

ЎзР 10.05.2019 й. ЎРҚ-536-сон Қонуни,

ЎзР 23.05.2019 й. ЎРҚ-542-сон Қонуни,

ЎзР 28.05.2019 й. ЎРҚ-543-сон Қонуни,

ЎзР 08.07.2019 й. ЎРҚ-548-сон Қонуни,

ЎзР 28.08.2019 й. ЎРҚ-558-сон Қонуни,

ЎзР 30.08.2019 й. ЎРҚ-560-сон Қонуни,

ЎзР 10.09.2019 й. ЎРҚ-566-сон Қонуни,

ЎзР 12.09.2019 й. ЎРҚ-567-сон Қонуни,

ЎзР 29.10.2019 й. ЎРҚ-575-сон Қонуни,

ЎзР 31.10.2019 й. ЎРҚ-577-сон Қонуни,

ЎзР 05.11.2019 й. ЎРҚ-579-сон Қонуни,

ЎзР 12.11.2019 й. ЎРҚ-583-сон Қонуни,

ЎзР 03.12.2019 й. ЎРҚ-586-сон Қонуни,

ЎзР 24.12.2019 й. ЎРҚ-597-сон Қонуни,

ЎзР 22.01.2020 й. ЎРҚ-603-сон Қонуни



МУНДАРИЖА


I бўлим. Умумий қоидалар (I-боб, 1 - 9-моддалар)

II бўлим. Маъмурий ҳуқуқбузарлик ва маъмурий жавобгарлик

Умумий қисм (II - IV-боблар, 10 - 39-моддалар)

Махсус қисм (V - XVI-1-боблар, 40 - 241-11-моддалар)

III бўлим. Маъмурий ҳуқуқбузарликлар тўғрисидаги ишларни

кўриб чиқишга ваколати бўлган органлар (мансабдор шахслар)

(XVII - XVIII-боблар, 242 - 268-3-моддалар)

IV бўлим. Маъмурий ҳуқуқбузарлик тўғрисидаги

ишларни юритиш (XIX - XXIV-1-боблар, 269 - 324-35-моддалар)

V бўлим. Маъмурий жазо қўлланиш тўғрисидаги

қарорларни ижро этиш (XXV - XXXI-боблар, 325 - 348-моддалар)



БИРИНЧИ БЎЛИМ.

УМУМИЙ ҚОИДАЛАР


I БОБ. АСОСИЙ ҚОИДАЛАР


1-модда. Маъмурий жавобгарлик тўғрисидаги қонун ҳужжатлари

2-модда. Маъмурий жавобгарлик тўғрисидаги

қонун ҳужжатларининг вазифалари

3-модда. Маъмурий жавобгарлик тўғрисидаги

қонун ҳужжатларининг принциплари

4-модда. Маъмурий жавобгарлик тўғрисидаги қонун ҳужжатлари

соҳасида Ўзбекистон Республикасининг ваколатлари

5-модда. Маъмурий жавобгарлик тўғрисидаги қонун ҳужжатлари

соҳасида Қорақалпоғистон Республикасининг ваколатлари

6-модда. Маъмурий жавобгарлик тўғрисида қарорлар қабул қилиш

борасида маҳаллий давлат ҳокимияти органларининг ваколатлари

7-модда. Маъмурий ҳуқуқбузарликларнинг олдини олиш

8-модда. Маъмурий ҳуқуқбузарлик учун таъсир кўрсатиш

чораларини қўлланиш вақтида қонунийликни таъминлаш

9-модда. Маъмурий жавобгарлик тўғрисидаги қонун

ҳужжатларининг амал қилиши



1-модда. Маъмурий жавобгарлик

тўғрисидаги қонун ҳужжатлари


Маъмурий жавобгарлик тўғрисидаги қонун ҳужжатлари ушбу Кодекс, Ўзбекистон Республикаси қонунлари, Ўзбекистон Республикаси Олий Мажлисининг қарорлари, Ўзбекистон Республикаси Президентининг Фармонлари, Ўзбекистон Республикаси Вазирлар Маҳкамасининг қарорлари, Қорақалпоғистон Республикаси қонунлари, Қорақалпоғистон Республикаси Жўқорғи Кенгесининг ва Вазирлар Кенгашининг қарорлари, халқ депутатлари вилоятлар ва Тошкент шаҳар Кенгашларининг, вилоятлар ва Тошкент шаҳар ҳокимларининг қарорларидан иборатдир.

Ушбу Кодекс қоидалари мазкур Кодексга киритилмаган қонун ҳужжатларида содир этганлик учун жавобгарлик назарда тутилган маъмурий ҳуқуқбузарликларга ҳам тааллуқлидир.



2-модда. Маъмурий жавобгарлик тўғрисидаги

қонун ҳужжатларининг вазифалари


Маъмурий жавобгарлик тўғрисидаги қонун ҳужжатлари инсон ва жамият фаровонлиги йўлида фуқароларнинг ҳуқуқ ва эркинликларини, мулкни, давлат ва жамоат тартибини, табиий муҳитни муҳофаза қилишни, ижтимоий адолат ва қонунийликни таъминлашни, маъмурий ҳуқуқбузарликлар тўғрисидаги ишларнинг ўз вақтида ва объектив кўриб чиқилишини, шунингдек бундай ҳуқуқбузарликларнинг олдини олишни, фуқароларни Ўзбекистон Республикаси Конституцияси ва қонунларига риоя этиш руҳида тарбиялашни ўз олдига вазифа қилиб қўяди.

Бу вазифаларни амалга ошириш учун ушбу Кодекс қандай ҳаракат ёки ҳаракатсизлик маъмурий ҳуқуқбузарлик ҳисобланишини, маъмурий ҳуқуқбузарликни содир этган шахсга нисбатан қайси орган (мансабдор шахс) томонидан қай тартибда қанақа маъмурий жазо қўлланилиши ва ижро этилишини белгилайди.


Қаранг: МЖТКнинг* III, IV боблари



3-модда. Маъмурий жавобгарлик тўғрисидаги

қонун ҳужжатларининг принциплари


Маъмурий жавобгарлик тўғрисидаги қонун ҳужжатлари қонунийлик, фуқароларнинг қонун олдида тенглиги, демократизм, инсонпарварлик, одиллик ва айб учун жавобгарликнинг муқаррарлиги принципларига асосланади.



4-модда. Маъмурий жавобгарлик тўғрисидаги

қонун ҳужжатлари соҳасида Ўзбекистон

Республикасининг ваколатлари


Маъмурий жавобгарлик тўғрисидаги қонун ҳужжатлари соҳасида қуйидагилар Ўзбекистон Республикаси ихтиёрига берилади:

маъмурий жавобгарлик тўғрисидаги қонун ҳужжатларининг принципларини аниқлаш ва умумий қоидаларини белгилаб бериш;

маъмурий жавобгарликка сабаб бўладиган ҳаракат ёки ҳаракатсизликни, маъмурий ҳуқуқбузарлик тўғрисидаги ишларни кўриб чиқиш ваколатига эга бўлган органлар тизимини (мансабдор шахсларни), мазкур ишларни юритиш ва чиқарилган қарорларнинг ижроси тартибини белгилаш;

маъмурий жавобгарлик тўғрисидаги қонун ҳужжатлари соҳасида Қорақалпоғистон Республикасининг ваколатларини белгилаш;


Қаранг: МЖТКнинг 5-моддаси


вилоятлар ва Тошкент шаҳар ҳокимият вакиллик органлари ҳамда ҳокимлари маъмурий жавобгарлик назарда тутиладиган қарор қабул қилишлари мумкин бўлган масалалар доирасини белгилаш.


Қаранг: МЖТКнинг 6-моддаси



5-модда. Маъмурий жавобгарлик тўғрисидаги

қонун ҳужжатлари соҳасида Қорақалпоғистон

Республикасининг ваколатлари


Маъмурий жавобгарлик тўғрисидаги қонун ҳужжатлари соҳасида қуйидагилар Қорақалпоғистон Республикаси ихтиёрига берилади:

жамоат тартибини сақлаш масалалари бўйича, башарти бу масалалар ушбу Кодекс билан тартибга солинмаган бўлса, шунингдек табиий офатлар ва эпидемияларга қарши кураш масалалари бўйича маъмурий жавобгарлик белгилаш;

ушбу Кодекснинг 90, 109, 110, 161, 162-моддаларига, 164-моддасининг иккинчи қисмига, 168-моддасига биноан бузилиши маъмурий жавобгарликка сабаб бўладиган қоидаларни белгилаш.



6-модда. Маъмурий жавобгарлик тўғрисида қарорлар қабул қилиш

борасида маҳаллий давлат ҳокимияти органларининг ваколатлари


Халқ депутатлари вилоятлар ва Тошкент шаҳар Кенгашлари, вилоятлар ва Тошкент шаҳар ҳокимлари қуйидаги ваколатларга эгадирлар:

жамоат тартибини сақлашга доир масалалар юзасидан, башарти бу масалалар ушбу Кодекс билан тартибга солинмаган бўлса, шунингдек табиий офатлар ва эпидемияларга қарши кураш масалалари бўйича уларни бузганлик учун маъмурий жавобгарликка тортиш назарда тутилган қарорлар қабул қилиш;

ушбу Кодекснинг 90, 109, 110, 161, 162-моддаларига, 164-моддасининг иккинчи қисмига, 168-моддасига биноан бузилиши маъмурий жавобгарликка сабаб бўладиган қоидаларни белгилаш.



7-модда. Маъмурий ҳуқуқбузарликларнинг олдини олиш


Давлат органлари, фуқароларнинг ўзини ўзи бошқариш органлари, жамоат бирлашмалари маъмурий ҳуқуқбузарликларнинг олдини олиш, уларнинг содир этилишига олиб келувчи сабаблар ва шароитларни аниқлаш ҳамда бартараф этишга, фуқароларни онгли, интизомли бўлиш, Ўзбекистон Республикаси Конституцияси ва қонунларига риоя қилиш руҳида тарбиялашга йўналтирилган тадбирлар ишлаб чиқадилар ва уларни амалга оширадилар.

Маҳаллий давлат ҳокимияти органлари Ўзбекистон Республикаси Конституциясига, Қорақалпоғистон Республикаси ҳудудида эса Қорақалпоғистон Республикаси Конституциясига ҳам мувофиқ қонунийлик, ҳуқуқ-тартибот ва фуқаролар хавфсизлигини таъмин эта бориб, ўз ҳудудларида барча давлат органлари ва жамоат бирлашмаларининг маъмурий ҳуқуқбузарликларнинг олдини олиш борасидаги ишларини мувофиқлаштириб турадилар, ички ишлар органлари, вояга етмаганлар ишлари бўйича идоралараро комиссиялар ҳамда уларга ҳисобдор маъмурий ҳуқуқбузарлик билан кураш олиб борувчи бошқа органлар фаолиятига раҳбарлик қиладилар. (ЎзР 14.09.2017 й. ЎРҚ-446-сон Қонуни таҳриридаги қисм)



8-модда. Маъмурий ҳуқуқбузарлик учун таъсир кўрсатиш

чораларини қўлланиш вақтида қонунийликни таъминлаш


Маъмурий ҳуқуқбузарлик учун ҳеч ким қонун ҳужжатларида белгиланган асослар ва тартибдан бошқача тарзда таъсир кўрсатиш чорасига тортилиши мумкин эмас. Маъмурий ҳуқуқбузарлик тўғрисидаги ишларни юритиш қонунийликка риоя қилиш асосида олиб борилади.

Тегишли ваколат берилган органлар ва мансабдор шахслар маъмурий таъсир кўрсатиш чораларини ўз ваколатлари доирасида қўллайдилар.


Қаранг: МЖТКнинг III бўлими


Маъмурий ҳуқуқбузарлик учун таъсир кўрсатиш чораларини қўлланиш чоғида қонун ҳужжатлари талабларига риоя этилиши ваколатли юқори турувчи органлар ва мансабдор шахслар томонидан мунтазам равишда назорат қилиб турилиши билан, прокурор назорати билан, шикоят бериш ҳуқуқи билан таъминланади.


Қаранг: МЖТКнинг XXIV боби; "Прокуратура тўғрисида"ги Қонун (Янги таҳрири) III бўлимининг 1, 2-боблари



9-модда. Маъмурий жавобгарлик тўғрисидаги

қонун ҳужжатларининг амал қилиши


Маъмурий ҳуқуқбузарлик содир этган шахс бу ҳуқуқбузарлик содир этилган вақт ва жойда амал қилиб турувчи қонун ҳужжатлари асосида жавобгарликка тортилади.

Ўзбекистон Республикасининг байроғи остидаги ёки Ўзбекистон Республикасининг портида рўйхатга олинган ва Ўзбекистон Республикаси ҳудудидан ташқарида очиқ ҳаво ёки сув бўшлиғида бўлган кемада маъмурий ҳуқуқбузарлик содир этган шахс, агар Ўзбекистон Республикасининг халқаро шартномасида бошқача тартиб назарда тутилмаган бўлса, ушбу Кодексга мувофиқ маъмурий жавобгарликка тортилади. (ЎзР 08.04.2008 й. ЎРҚ-145-сон Қонунига мувофиқ киритилган қисм)


ЎзР 08.04.2008 й. ЎРҚ-145-сон Қонунига мувофиқ иккинчи ва учинчи қисмлар учинчи ва тўртинчи қисмлар деб ҳисоблансин


Маъмурий ҳуқуқбузарлик учун жавобгарликни енгиллаштирувчи ёки бекор қилувчи ҳужжатлар орқага қайтиш кучига эгадир, яъни ушбу ҳужжатлар чиққунга қадар содир этилган ҳуқуқбузарлик ҳолларига ҳам тааллуқлидир. Маъмурий ҳуқуқбузарлик учун жавобгарликни белгиловчи ёки жавобгарликни кучайтирувчи ҳужжатлар эса орқага қайтиш кучига эга бўлмайди.

Маъмурий ҳуқуқбузарлик тўғрисидаги ишлар ҳуқуқбузарлик тўғрисидаги иш кўрилаётган вақт ва жойда амал қилиб турган қонун ҳужжатлари асосида юритилади.



ИККИНЧИ БЎЛИМ. МАЪМУРИЙ ҲУҚУҚБУЗАРЛИК

ВА МАЪМУРИЙ ЖАВОБГАРЛИК


УМУМИЙ ҚИСМ


2-боб. Маъмурий ҳуқуқбузарлик (10-21-моддалар)

3-боб. Маъмурий жазо (22-29-1-моддалар)

4-боб. Маъмурий жазонинг қўлланилиши (30-39-моддалар)



II БОБ. МАЪМУРИЙ ҲУҚУҚБУЗАРЛИК


10-модда. Маъмурий ҳуқуқбузарлик тушунчаси

11-модда. Маъмурий ҳуқуқбузарликни қасддан содир этиш

12-модда. Маъмурий ҳуқуқбузарликни эҳтиётсизлик орқасида содир этиш

13-модда. Маъмурий жавобгарликка тортилиш ёши

14-модда. Вояга етмаганларнинг маъмурий ҳуқуқбузарлик

учун жавобгарлиги

15-модда. Мансабдор шахсларнинг маъмурий жавобгарлиги

16-модда. Ҳарбий хизматчилар ва интизом уставлари татбиқ

этиладиган бошқа шахсларнинг маъмурий жавобгарлиги

17-модда. Ажнабий фуқаролар ва фуқаролиги бўлмаган

шахсларнинг маъмурий жавобгарлиги

17-1-модда. Махсус автоматлаштирилган фото ва видео

қайд этиш техника воситалари орқали қайд этилган йўл

ҳаракати қоидаларини бузганлик учун шахсларнинг

маъмурий жавобгарлиги

18-модда. Зарурий мудофаа

19-модда. Охирги зарурат

20-модда. Ақли норасолик

21-модда. Ҳуқуқбузарликнинг кам аҳамиятлилиги

сабабли маъмурий жавобгарликдан озод қилиш

21-1-модда. Жисмоний ёки руҳий мажбурлаш ёхуд қўрқитиш



10-модда. Маъмурий ҳуқуқбузарлик тушунчаси


Маъмурий ҳуқуқбузарлик деганда қонун ҳужжатларига биноан маъмурий жавобгарликка тортиш назарда тутилган, шахсга, фуқароларнинг ҳуқуқлари ва эркинликларига, мулкчиликка, давлат ва жамоат тартибига, табиий муҳитга тажовуз қилувчи ғайриҳуқуқий, айбли (қасддан ёки эҳтиётсизлик орқасида) содир этилган ҳаракат ёки ҳаракатсизлик тушунилади.

Ушбу Кодексда назарда тутилган ҳуқуқбузарлик учун маъмурий жавобгарлик, башарти бу ҳуқуқбузарлик ўз хусусиятига кўра жиноий жавобгарликка тортишга сабаб бўлмаган тақдирда, амалга оширилади.


Шунингдек қаранг: Услубий, тушунтирув ва маълумотнома ҳужжатлар



11-модда. Маъмурий ҳуқуқбузарликни қасддан содир этиш


Башарти маъмурий ҳуқуқбузарлик содир этган шахс ўз ҳаракати ёки ҳаракатсизлиги ғайриҳуқуқий эканлигини билган бўлса, унинг зарарли оқибатларига кўзи етган, юз беришини истаган бўлса ёки бу оқибатларнинг келиб чиқишига онгли равишда йўл қўйган бўлса, бундай маъмурий ҳуқуқбузарлик қасддан содир этилган деб ҳисобланади.



12-модда. Маъмурий ҳуқуқбузарликни

эҳтиётсизлик орқасида содир этиш


Башарти маъмурий ҳуқуқбузарлик содир этган шахс ўз ҳаракати ёки ҳаракатсизлиги зарарли оқибатларга олиб келиши мумкинлигини олдиндан кўра билган бўлса ҳам, лекин калтабинлик билан уларнинг олдини олиш мумкин деб ўйлаган бўлса, ёхуд бундай оқибатларнинг келиб чиқиши мумкинлигини олдиндан кўриши лозим ва мумкин бўлгани ҳолда олдиндан кўра билмаган бўлса, бундай маъмурий ҳуқуқбузарлик эҳтиётсизлик орқасида содир этилган деб ҳисобланади.



13-модда. Маъмурий жавобгарликка тортилиш ёши


Маъмурий ҳуқуқбузарлик содир этган пайтда ўн олти ёшга тўлган шахслар, агар ушбу Кодексда бошқача қоида назарда тутилмаган бўлса, маъмурий жавобгарликка тортилади. (ЎзР 09.01.2019 й. ЎРҚ-514-сон Қонуни таҳриридаги модда матни) (Олдинги таҳририга қаранг)


Шунингдек қаранг: ОС Пленумининг 2018 йил 30 ноябрдаги "Судлар томонидан маъмурий ҳуқуқбузарлик тўғрисидаги ишларни кўришни тартибга солувчи қонунларни қўллашнинг айрим масалалари тўғрисида"ги 35-сон Қарори 9-бандининг биринчи хатбоши



14-модда. Вояга етмаганларнинг маъмурий

ҳуқуқбузарлик учун жавобгарлиги


Маъмурий ҳуқуқбузарлик содир этган ўн олти ёшдан ўн саккиз ёшгача бўлган шахсларга нисбатан Вояга етмаганлар ишлари бўйича идоралараро комиссиялар тўғрисидаги низомда назарда тутилган чоралар қўлланилади. (ЎзР 14.09.2017 й. ЎРҚ-446-сон Қонуни таҳриридаги қисм)


Қаранг: Президентнинг 2017 йил 14 мартдаги ПҚ-2833-сон Қарори билан тасдиқланган "Вояга етмаганлар ишлари бўйича комиссиялар тўғрисида" ги Низомнинг 9-боби


Ана шу шахслар мазкур Кодекснинг 61, 116-1, 116-2, 116-3, 125, 125-1, 126, 127, 128, 128-1, 128-2, 128-3, 128-4, 128-5, 128-6, 129, 130, 131, 132, 133, 134, 135, 135-1, 136, 138, 183, 185, 194, 209-1, 218, 220, 221-моддаларида назарда тутилган маъмурий ҳуқуқбузарликларни содир этган тақдирда, улар умумий асосларда маъмурий жавобгарликка тортилади. Содир этилган ҳуқуқбузарлик хусусиятини ва ҳуқуқбузарнинг шахсини ҳисобга олган ҳолда мазкур шахсларга нисбатан (ушбу Кодекснинг 194-моддасида назарда тутилган ҳуқуқбузарликни содир этган шахслар бундан мустасно) ишлар вояга етмаганлар ишлари бўйича туман (шаҳар) идоралараро комиссиялари ихтиёрига берилиши мумкин, ушбу Кодекснинг 61-моддасида назарда тутилган ҳуқуқбузарликни содир этган шахсларнинг ишлари эса шу комиссияларга берилиши лозим. (ЎзР 18.04.2018 й. ЎРҚ-476-сон Қонуни таҳриридаги қисм) (Олдинги таҳририга қаранг)


Қаранг: Президентнинг 2017 йил 14 мартдаги ПҚ-2833-сон Қарори билан тасдиқланган "Вояга етмаганлар ишлари бўйича комиссиялар тўғрисида" ги Низомнинг 8-боби

Шунингдек қаранг: ОС Пленумининг 2018 йил 30 ноябрдаги "Судлар томонидан маъмурий ҳуқуқбузарлик тўғрисидаги ишларни кўришни тартибга солувчи қонунларни қўллашнинг айрим масалалари тўғрисида"ги 35-сон Қарори 9-бандининг иккинчи, учинчи хатбошилари



15-модда. Мансабдор шахсларнинг маъмурий жавобгарлиги


Мансабдор шахслар бошқарув тартибини, давлат ва жамоат тартибини сақлаш, табиий муҳитни, аҳоли соғлиғини муҳофаза қилиш соҳасида белгиланган қоидаларга ва бажарилишини таъминлаш ўз хизмат вазифаларига кирадиган бошқа қоидаларга риоя этмаганлик билан боғлиқ маъмурий ҳуқуқбузарлик содир этганликлари учун маъмурий жавобгарликка тортилишлари лозим.

Доимий, вақтинча ёки махсус ваколат бўйича тайинланадиган ёки сайланадиган, ҳокимият вакили вазифаларини бажарадиган ёхуд давлат органларида, фуқароларнинг ўзини ўзи бошқариш органларида, мулк шаклидан қатъи назар, корхоналарда, муассасаларда, ташкилотларда ташкилий-бошқарув, маъмурий-хўжалик вазифаларини амалга оширадиган ва юридик аҳамиятга эга ҳаракатларни содир этишга ваколат берилган шахс, худди шунингдек халқаро ташкилотда ёхуд чет давлатнинг қонун чиқарувчи, ижро этувчи, маъмурий ёки суд органида мазкур вазифаларни амалга оширувчи шахс мансабдор шахс деб эътироф этилади. (ЎзР 20.08.2015 й. ЎРҚ-391-сон Қонуни таҳриридаги қисм) (Олдинги таҳририга қаранг)

Давлатнинг бирон-бир ҳокимият органи номидан иш кўриб, муайян вазифаларни доимий ёки вақтинча амалга оширувчи ва ўз ваколатлари доирасида кўпчилик ёхуд барча фуқаро ёки мансабдор шахслар учун мажбурий бўлган ҳаракатларни содир этиш ёки фармойишлар бериш ҳуқуқига эга бўлган шахс ҳокимият вакили деб эътироф этилади. (ЎзР 20.08.2015 й. ЎРҚ-391-сон Қонунига мувофиқ киритилган қисм)



16-модда. Ҳарбий хизматчилар ва интизом уставлари татбиқ

этиладиган бошқа шахсларнинг маъмурий жавобгарлиги


Ҳарбий хизматчилар ва йиғинга чақирилган ҳарбий хизматга мажбурлар, шунингдек ички ишлар органларининг оддий аскарлар ва бошлиқлар таркибига мансуб шахслар маъмурий ҳуқуқбузарлик учун интизом уставларига мувофиқ жавобгар бўладилар. Мазкур шахслар йўл ҳаракати қоидаларини, ов қилиш, балиқ тутиш ва балиқ захираларини сақлаш қоидаларини, божхона қоидаларини бузганликлари учун умумий асосларда маъмурий жавобгар бўладилар. Юқорида кўрсатилган шахсларга нисбатан маъмурий қамоққа олиш чоралари қўлланилиши мумкин эмас. Муддатли ҳарбий хизмат ҳарбий хизматчиларга жарима солиниши мумкин эмас. (ЎзР 22.12.2009 й. ЎРҚ-238-сон Қонуни таҳриридаги қисм)


Қаранг: Президентнинг 1996 йил 9 октябрдаги ПФ-1571-сон Фармони билан тасдиқланган "Ўзбекистон Республикаси Қуролли кучлари ички хизмат Устави"нинг 25-банди (ҳужжат рус тилида келтирилган), "Ўзбекистон Республикаси Интизом Устави"нинг 3-боби (ҳужжат рус тилида келтирилган)


Ушбу модданинг биринчи қисмида кўрсатилган шахслар жумласига кирмайдиган, интизом уставлари ёки интизом тўғрисидаги махсус қоидалар татбиқ этиладиган бошқа шахслар, ана шу устав ёки қоидаларда тўғридан-тўғри назарда тутилган ҳолларда, маъмурий ҳуқуқбузарлик содир этганликлари учун интизомий жавобгар бўладилар, бошқа ҳолларда эса умумий асосларда маъмурий жавобгар бўладилар.



17-модда. Ажнабий фуқаролар ва фуқаролиги

бўлмаган шахсларнинг маъмурий жавобгарлиги


Ўзбекистон Республикаси ҳудудида бўлган ажнабий фуқаролар ва фуқаролиги бўлмаган шахслар умумий асосларда маъмурий жавобгарликка тортилишлари лозим.

Иммунитетга эга бўлган шахсларга нисбатан ушбу Кодекснинг Ўзбекистон Республикаси қатнашчи бўлган халқаро шартномалар ва битимларга зид бўлмаган қисми қўлланилади.


Қаранг: "Дипломатик алоқалар тўғрисида"ги Вена Конвенцияси 31-моддасининг 1, 3, 4-бандлари, 37-моддаси (ҳужжат рус тилида келтирилган); ВМ 2001 йил 8 майдаги 207-сон Қарори билан тасдиқланган "Хорижий давлатларнинг Ўзбекистон Республикасидаги дипломатик ваколатхоналари ва консуллик муассасалари тўғрисида"ги Низомнинг 3.15, 3.17-бандлари

Шунингдек қаранг: ОС Пленумининг 2018 йил 30 ноябрдаги "Судлар томонидан маъмурий ҳуқуқбузарлик тўғрисидаги ишларни кўришни тартибга солувчи қонунларни қўллашнинг айрим масалалари тўғрисида"ги 35-сон Қарорининг 26-банди



17-1-модда. Махсус автоматлаштирилган фото ва видео

қайд этиш техника воситалари орқали қайд этилган йўл

ҳаракати қоидаларини бузганлик учун шахсларнинг

маъмурий жавобгарлиги

(ЎзР 10.08.2015 й. ЎРҚ-389-сон Қонунига мувофиқ киритилган модда)


Махсус автоматлаштирилган фото ва видео қайд этиш техника воситалари орқали йўл ҳаракати қоидалари бузилганлиги қайд этилган тақдирда, маъмурий жавобгарликка транспорт воситасининг мулкдори тортилади.

Юридик шахсга тегишли транспорт воситасидан фойдаланиб содир этилган йўл ҳаракати қоидалари бузилганлиги махсус автоматлаштирилган фото ва видео қайд этиш техника воситалари орқали қайд этилган тақдирда, маъмурий жавобгарликка юридик шахснинг транспорт воситасидан фойдаланиш учун масъул бўлган шахси тортилади.

Махсус автоматлаштирилган фото ва видео қайд этиш техника воситалари орқали йўл ҳаракати қоидалари бузилганлиги қайд этилган тақдирда, ҳуқуқбузарликнинг такрорийлиги ҳисобга олинмайди, ушбу Кодекс 321-моддасининг учинчи қисмида назарда тутилган ҳол бундан мустасно.

Агар маъмурий жавобгарликка тортиш тўғрисидаги қарор устидан берилган шикоятни кўриб чиқиш жараёнида тегишли транспорт воситасига ҳуқуқбузарлик қайд этилган пайтда эгалик қилган шахс аниқланса ёхуд мазкур транспорт воситаси бошқа шахсларнинг ғайриҳуқуқий хатти-ҳаракатлари натижасида транспорт воситаси мулкдорининг эгалигидан чиқиб кетганлиги аниқланса, транспорт воситасининг мулкдори ўзига тегишли транспорт воситасидан фойдаланиб содир этилган, махсус автоматлаштирилган фото ва видео қайд этиш техника воситалари орқали қайд этилган йўл ҳаракати қоидабузарликлари учун маъмурий жавобгарликдан озод этилади.


Шунингдек қаранг: ОС Пленумининг 2018 йил 30 ноябрдаги "Судлар томонидан маъмурий ҳуқуқбузарлик тўғрисидаги ишларни кўришни тартибга солувчи қонунларни қўллашнинг айрим масалалари тўғрисида"ги 35-сон Қарорининг 14-банди


Тезкор ва махсус хизматларнинг транспорт воситалари, шунингдек улар кузатиб келаётган транспорт воситалари томонидан йўл ҳаракати қоидаларига мувофиқ имтиёздан фойдаланган ҳолда содир этилган маъмурий ҳуқуқбузарликлар махсус фото- ва видео қайд этишнинг автоматлаштирилган техник воситалари орқали қайд этилган тақдирда ҳамда кечиктириб бўлмайдиган хизмат вазифаларини бажарганликни тасдиқловчи ҳужжатлар тақдим этилганда ҳайдовчиларнинг маъмурий қоидабузарлиги охирги зарурат ҳолатларида содир этилган деб топилади ва маъмурий иш ушбу Кодекснинг 271-моддасига мувофиқ тугатилади. (ЎзР 28.08.2019 й. ЎРҚ-558-сон Қонунига мувофиқ киритилган қисм)



18-модда. Зарурий мудофаа


Ушбу Кодексда ёки маъмурий ҳуқуқбузарлик учун маъмурий жавобгарлик белгиловчи бошқа норматив ҳужжатларда назарда тутилган, лекин зарурий мудофаа ҳолатида, яъни шахсни ёки мудофааланувчининг ёхуд бошқа шахснинг ҳуқуқларини, жамият ёки давлат манфаатларини ғайриҳуқуқий тажовузлардан шундай тажовуз қилаётган шахсга зарар етказиш йўли билан ҳимоя қилиш вақтида, башарти бунда зарурий мудофаа чегарасидан чиқиб кетилишига йўл қўйилмаган бўлса, содир этилган ҳаракатлар маъмурий ҳуқуқбузарлик деб ҳисобланмайди.



19-модда. Охирги зарурат


Ушбу Кодексда ёки бошқа норматив ҳужжатларда назарда тутилган, ҳуқуқларга ҳамда қонун билан ҳимоя этиладиган манфаатларга зарар етказган, охирги зарурат ҳолатида, яъни шахсга ёки мазкур шахснинг ёхуд бошқа шахснинг ҳуқуқларига, жамият ёки давлат манфаатларига таҳдид этаётган хавфни, башарти бу хавфни ўша ҳолатда бошқача чоралар билан бартараф этиб бўлмаса ҳамда етказилган зарар олди олинган зарарга қараганда камроқ бўлса, бартараф этиш учун содир этилган ҳаракатлар маъмурий ҳуқуқбузарлик деб ҳисобланмайди.



20-модда. Ақли норасолик

(ЎзР 12.09.2019 й. ЎРҚ-567-сон Қонуни таҳриридаги модда матни)

(Олдинги таҳририга қаранг)


Ғайриҳуқуқий ҳаракат ёки ҳаракатсизлик содир этган вақтида ақли норасолик ҳолатида бўлган шахс, яъни руҳий ҳолатининг сурункали ёки вақтинча бузилганлиги, ақли заифлиги ёхуд бошқа хил касаллик оқибатида ўз ҳаракатининг (ҳаракатсизлигининг) аҳамиятини идрок эта олмаган ёки бошқара олмаган шахс маъмурий жавобгарликка тортилиши мумкин эмас.



21-модда. Ҳуқуқбузарликнинг кам аҳамиятлилиги

сабабли маъмурий жавобгарликдан озод қилиш

(ЎзР 26.04.2011 й. ЎРҚ-289-сон Қонуни таҳриридаги модда)

(Олдинги таҳририга қаранг)


Содир этилган маъмурий ҳуқуқбузарлик кам аҳамиятли бўлган тақдирда, суд ҳуқуқбузарни маъмурий жавобгарликдан озод этиб, уни огоҳлантириш билан кифояланиши мумкин. Агар маъмурий ҳуқуқбузарлик тўғрисидаги ишни кўриб чиқувчи бошқа орган (мансабдор шахс) содир этилган маъмурий ҳуқуқбузарликнинг кам аҳамиятлилиги ҳақида хулосага келса, иш ҳуқуқбузарни маъмурий жавобгарликдан озод қилиш ҳақидаги масалани ҳал этиш учун ушбу Кодекснинг 308-1-моддасида белгиланган тартибда судга юборилади.


Шунингдек қаранг: ОС Пленумининг 2018 йил 30 ноябрдаги "Судлар томонидан маъмурий ҳуқуқбузарлик тўғрисидаги ишларни кўришни тартибга солувчи қонунларни қўллашнинг айрим масалалари тўғрисида"ги 35-сон Қарори 16-бандининг биринчи, иккинчи хатбошилари



21-1-модда. Жисмоний ёки руҳий мажбурлаш ёхуд қўрқитиш

(ЎзР 09.01.2018 й. ЎРҚ-459-сон Қонунига мувофиқ киритилган модда)


Жисмоний ёки руҳий мажбурлаш ёхуд шундай мажбурлашни қўллаш билан қўрқитиш натижасида ушбу Кодекс билан қўриқланадиган ҳуқуқ ва манфаатларга зарар етказган шахс, агар бундай мажбурлаш ёки қўрқитиш натижасида шахс ўз ҳаракатларини (ҳаракатсизлигини) бошқара олмаган бўлса, маъмурий жавобгарликка тортилмайди.

Ушбу Кодекс билан қўриқланадиган ҳуқуқ ва манфаатларга жисмоний ёки руҳий мажбурлаш ёхуд шундай мажбурлашни қўллаш билан қўрқитиш натижасида зарар етказганлик учун маъмурий жавобгарлик тўғрисидаги масала, агар бундай мажбурлаш ёки қўрқитиш оқибатида шахс ўз ҳаракатларини (ҳаракатсизлигини) бошқариш имкониятини сақлаб қолган бўлса, ушбу Кодекс 19-моддасининг қоидалари инобатга олинган ҳолда ҳал этилади.



III БОБ. МАЪМУРИЙ ЖАЗО


22-модда. Маъмурий жазонинг мақсади

23-модда. Маъмурий жазонинг турлари

24-модда. Асосий ва қўшимча маъмурий жазо чоралари

25-модда. Жарима

26-модда. Ҳақини тўлаш шарти билан олиб қўйиш

27-модда. Мусодара қилиш

28-модда. Махсус ҳуқуқдан маҳрум қилиш

29-модда. Маъмурий қамоққа олиш

29-1-модда. Чет эл фуқароларини ва фуқаролиги

бўлмаган шахсларни Ўзбекистон Республикаси ҳудудидан

маъмурий тарзда чиқариб юбориш



22-модда. Маъмурий жазонинг мақсади


Маъмурий жазо жавобгарликка тортиш чораси бўлиб, у маъмурий ҳуқуқбузарлик содир этган шахсни қонунларга риоя этиш ва уларни ҳурмат қилиш руҳида тарбиялаш, шунингдек ана шу ҳуқуқбузарнинг ўзи томонидан ҳам, бошқа шахслар томонидан ҳам янги ҳуқуқбузарлик содир этилишининг олдини олиш мақсадида қўлланилади.


Қаранг: МЖТКнинг 10-моддаси



23-модда. Маъмурий жазонинг турлари


Маъмурий ҳуқуқбузарлик содир этганлик учун қуйидаги маъмурий жазо чоралари қўлланилиши мумкин:

1) жарима;


Қаранг: МЖТКнинг 25-моддаси


2) маъмурий ҳуқуқбузарликни содир этиш қуроли ҳисобланган ёки бевосита шундай нарса бўлган ашёни ҳақини тўлаш шарти билан олиб қўйиш;


Қаранг: МЖТКнинг 26-моддаси


3) маъмурий ҳуқуқбузарликни содир этиш қуроли ҳисобланган ёки бевосита шундай нарса бўлган ашёни мусодара қилиш;


Қаранг: МЖТКнинг 27-моддаси


4) муайян шахсни унга берилган махсус ҳуқуқдан (транспорт воситасини бошқариш ҳуқуқидан, ов қилиш ҳуқуқидан) маҳрум этиш;


Қаранг: МЖТКнинг 28-моддаси


5) маъмурий қамоққа олиш;


Қаранг: МЖТКнинг 29-моддаси


6) чет эл фуқароларини ва фуқаролиги бўлмаган шахсларни Ўзбекистон Республикаси ҳудудидан маъмурий тарзда чиқариб юбориш. (ЎзР 25.04.2016 й. ЎРҚ-405-сон Қонунига мувофиқ киритилган банд)


Қаранг: МЖТКнинг 29-1-моддаси


Ушбу модда биринчи қисмининг 2-6-бандларида санаб ўтилган маъмурий жазо чоралари фақат Ўзбекистон Республикаси қонунлари билан белгиланиши мумкин. (ЎзР 25.04.2016 й. ЎРҚ-405-сон Қонуни таҳриридаги қисм)


Шунингдек қаранг: ОС Пленумининг 2018 йил 30 ноябрдаги "Судлар томонидан маъмурий ҳуқуқбузарлик тўғрисидаги ишларни кўришни тартибга солувчи қонунларни қўллашнинг айрим масалалари тўғрисида"ги 35-сон Қарорининг 21-банди


ЎзР 25.04.2016 й. ЎРҚ-405-сон Қонунига мувофиқ учинчи қисм чиқариб ташланган


Қонун ҳужжатларида маъмурий ҳуқуқбузарлик содир этганлик учун ажнабий фуқароларни ва фуқаролиги бўлмаган шахсларни Ўзбекистон Республикаси ҳудудидан маъмурий тарзда чиқариб юбориш назарда тутилиши мумкин.



24-модда. Асосий ва қўшимча маъмурий жазо чоралари


Ашёларни уларнинг ҳақини тўлаш шарти билан олиб қўйиш, мусодара қилиш ва махсус ҳуқуқдан (транспорт воситасини бошқариш ҳуқуқидан) маҳрум этиш ҳам асосий, ҳам қўшимча маъмурий жазо тариқасида, ушбу Кодекснинг 23-моддасида назарда тутилган бошқа маъмурий жазо чоралари эса фақат асосий жазо тариқасида қўлланилиши мумкин. (ЎзР 22.10.2018 й. ЎРҚ-503-сон Қонуни таҳриридаги қисм) (Олдинги таҳририга қаранг)


Қаранг: МЖТКнинг 26, 27, 28-моддалари

Шунингдек қаранг: ОС Пленумининг 2018 йил 30 ноябрдаги "Судлар томонидан маъмурий ҳуқуқбузарлик тўғрисидаги ишларни кўришни тартибга солувчи қонунларни қўллашнинг айрим масалалари тўғрисида"ги 35-сон Қарорининг 23-банди


Битта маъмурий ҳуқуқбузарлик учун ё асосий ёки ҳам асосий, ҳам қўшимча жазо чораси қўлланилиши мумкин.



25-модда. Жарима


Жарима маъмурий ҳуқуқбузарлик содир этишда айбдор шахсдан давлат ҳисобига пул ундиришдир.

Жариманинг миқдори маъмурий ҳуқуқбузарлик содир этилган вақтдаги, давом этаётган маъмурий ҳуқуқбузарлик учун эса бу ҳуқуқбузарлик аниқланган вақтдаги белгилаб қўйилган базавий ҳисоблаш миқдоридан келиб чиққан ҳолда белгиланади. (ЎзР 03.12.2019 й. ЎРҚ-586-сон Қонуни таҳриридаги қисм)

Фуқароларга солинадиган жариманинг энг кам миқдори базавий ҳисоблаш миқдорининг элликдан бир қисмидан, мансабдор шахсларга эса - ўндан бир қисмидан кам бўлмаслиги керак. (ЎзР 03.12.2019 й. ЎРҚ-586-сон Қонуни таҳриридаги қисм)

Фуқаро ва хизматчиларга солинадиган жариманинг энг кўп миқдори базавий ҳисоблаш миқдорининг беш бараваридан, мансабдор шахсларга эса - ўн бараваридан ошмаслиги керак. Баъзи ҳуқуқбузарликлар учун базавий ҳисоблаш миқдорининг икки юз бараваригача миқдорда жарима солиниши мумкин. (ЎзР 03.12.2019 й. ЎРҚ-586-сон Қонуни таҳриридаги қисм) (Олдинги таҳририга қаранг)

Маҳаллий давлат ҳокимияти органларининг қарорлари билан белгиланадиган жариманинг энг кўп миқдори ушбу Кодекснинг 6-моддасига биноан фуқароларга - базавий ҳисоблаш миқдорининг уч бараваридан, мансабдор шахсларга эса - беш бараваридан ошмаслиги керак. (ЎзР 03.12.2019 й. ЎРҚ-586-сон Қонуни таҳриридаги қисм)



26-модда. Ҳақини тўлаш шарти билан олиб қўйиш


Маъмурий ҳуқуқбузарликни содир этиш қуроли ҳисобланган ёки бевосита шундай нарса бўлган ашёни ҳақини тўлаш шарти билан олиб қўйиш шу ашёни мажбурий тарзда тортиб олиб, уни кейинчалик сотиб юбориш ҳамда сотишдан тушган пулни ашёнинг собиқ эгасига тортиб олинган ашёни сотиш харажатларини чегириб ташлаган ҳолда топширишдан иборатдир.

Ўқотар қуроллар ва ўқ-дориларни ҳақини тўлаш шарти билан олиб қўйиш асосий тирикчилик манбаи овчилик бўлган шахсларга нисбатан қўлланилиши мумкин эмас.

Ашёни ҳақини тўлаш шарти билан олиб қўйиш чорасини қўлланиш тартиби ва тортиб олинадиган ашёларнинг турлари ушбу Кодекс ва Ўзбекистон Республикасининг бошқа қонун ҳужжатлари билан белгилаб қўйилади.


Қаранг: МЖТКнинг 290-моддаси



27-модда. Мусодара қилиш


Маъмурий ҳуқуқбузарликни содир этиш қуроли бўлган ашёни ёки маъмурий ҳуқуқбузарликнинг бевосита ашёсини мусодара қилиш мазкур ашёни ҳақ тўламасдан мажбурий тарзда давлат мулкига ўтказишдан иборат бўлиб, ушбу чора туман (шаҳар) маъмурий суди томонидан қўлланилади. Ҳуқуқбузарнинг шахсий мулки бўлмаган ашё мусодара қилиниши мумкин эмас, муомаладан чиқарилган ашёлар бундан мустасно. (ЎзР 29.01.2018 й. ЎРҚ-463-сон Қонуни таҳриридаги қисм) (Олдинги таҳририга қаранг)

Ўқотар қуроллар ва ўқ-дориларни, бошқа ов қуролларини мусодара қилиш асосий тирикчилик манбаи овчилик бўлган шахсларга нисбатан қўлланилиши мумкин эмас.

Мусодара қилиш чорасини қўлланиш тартиби ушбу Кодекс ва Ўзбекистон Республикасининг бошқа қонун ҳужжатлари билан белгилаб қўйилади.


Қаранг: ФКнинг 204-моддаси, "Муаллифлик ҳуқуқи ва турдош ҳуқуқлар тўғрисида"ги Қонуннинг 66-моддаси, "Гиёҳвандлик воситалари ва психотроп моддалар тўғрисида"ги Қонуннинг 37-моддаси; ВМ 2009 йил 15 июлдаги 200-сон Қарори билан тасдиқланган "Давлат даромадига ўтказиладиган мол-мулкни олиб қўйиш, сотиш ёки йўқ қилиб ташлаш тартиби тўғрисида"ги Низом



28-модда. Махсус ҳуқуқдан маҳрум қилиш


Муайян шахсни унга берилган махсус ҳуқуқдан (транспорт воситаларини бошқариш ҳуқуқидан, ов қилиш ҳуқуқидан) маҳрум қилиш чораси туман (шаҳар) маъмурий суди томонидан уч йилгача муддатга қўлланилади. Бундай ҳуқуқдан маҳрум қилиш муддати ўн беш кундан кам бўлмаслиги керак. (ЎзР 29.01.2018 й. ЎРҚ-463-сон Қонуни таҳриридаги қисм)

Ногиронлиги сабабли транспорт воситаларидан фойдаланадиган шахсларга нисбатан транспорт воситаларини бошқариш ҳуқуқидан маҳрум қилиш чораси қўлланилиши мумкин эмас, ушбу Кодекс 128-3-моддасининг бешинчи қисмида, 128-4-моддасининг учинчи қисмида, 131-моддасининг биринчи қисмида, 136-моддасининг биринчи қисмида назарда тутилган маъмурий ҳуқуқбузарликлар содир этилган ҳоллар бундан мустасно. (ЎзР 10.08.2015 й. ЎРҚ-389-сон Қонуни таҳриридаги қисм) (Олдинги таҳририга қаранг)

Асосий тирикчилик манбаи овчилик бўлган шахсларга нисбатан ов қилиш ҳуқуқидан маҳрум этиш чораси қўлланилиши мумкин эмас.



29-модда. Маъмурий қамоққа олиш


Маъмурий қамоққа олиш уч суткадан ўн беш суткагача муддатга, фавқулодда ҳолат тартиби шароитида эса, жамоат тартибига тажовуз қилганлиги учун - ўттиз суткагача муддатга қўлланилади. Маъмурий қамоққа олиш туман (шаҳар) маъмурий суди томонидан, фавқулодда ҳолат тартиби шароитида эса, шунингдек ҳарбий комендант ёки ички ишлар органи бошлиғи томонидан белгиланади. (ЎзР 29.01.2018 й. ЎРҚ-463-сон Қонуни таҳриридаги қисм)

Маъмурий қамоққа олиш чораси ҳомиладор аёлларга, уч ёшгача боласи бўлган аёлларга, ўн тўрт ёшгача бўлган боласини якка ўзи тарбиялаётган шахсларга, ўн саккиз ёшга тўлмаган шахсларга, биринчи ва иккинчи гуруҳ ногиронларига нисбатан қўлланилиши мумкин эмас.


Шунингдек қаранг: ОС Пленумининг 2018 йил 30 ноябрдаги "Судлар томонидан маъмурий ҳуқуқбузарлик тўғрисидаги ишларни кўришни тартибга солувчи қонунларни қўллашнинг айрим масалалари тўғрисида"ги 35-сон Қарорининг 24-банди



29-1-модда. Чет эл фуқароларини ва фуқаролиги

бўлмаган шахсларни Ўзбекистон Республикаси ҳудудидан

маъмурий тарзда чиқариб юбориш

(ЎзР 25.04.2016 й. ЎРҚ-405-сон Қонунига мувофиқ киритилган модда)


Чет эл фуқароларини ва фуқаролиги бўлмаган шахсларни Ўзбекистон Республикаси ҳудудидан маъмурий тарзда чиқариб юбориш уларнинг Ўзбекистон Республикасига кириш ҳуқуқи кейинчалик бир йилдан уч йилгача муддатга чекланган ҳолда, мажбурий ёки назорат остида мустақил равишда чиқиб кетишидан иборат. Маъмурий тарзда чиқариб юбориш туман (шаҳар) маъмурий суди томонидан қўлланилади. (ЎзР 29.01.2018 й. ЎРҚ-463-сон Қонуни таҳриридаги қисм)

Чет эл фуқароларини ва фуқаролиги бўлмаган шахсларни Ўзбекистон Республикаси ҳудудидан маъмурий тарзда чиқариб юбориш ушбу Кодекснинг 51-2, 51-8, 51-9, 56, 57, 58-моддаларида, 61-1-моддаси биринчи қисмида, 94, 165-1, 184-2, 184-3, 189, 189-1, 201, 202-1, 224-1-моддаларида, 225-моддаси еттинчи ва саккизинчи қисмларида, 239, 240, 241-моддаларида назарда тутилган ҳуқуқбузарликлар содир этилган тақдирда қўлланилиши мумкин. (ЎзР 05.11.2019 й. ЎРҚ-579-сон Қонуни таҳриридаги қисм)


Қаранг: МЖТКнинг 225-1-моддаси, XXX-1 боби; ВМнинг 1996 йил 21 ноябрдаги 408-сон Қарори билан тасдиқланган "Чет эл фуқаролари ва фуқаролиги бўлмаган шахсларнинг Ўзбекистон Республикасида бўлиши Қоидалари"нинг 22-27-бандлари

Шунингдек қаранг: ОС Пленумининг 2018 йил 30 ноябрдаги "Судлар томонидан маъмурий ҳуқуқбузарлик тўғрисидаги ишларни кўришни тартибга солувчи қонунларни қўллашнинг айрим масалалари тўғрисида"ги 35-сон Қарорининг 25-банди



IV БОБ. МАЪМУРИЙ ЖАЗОНИНГ ҚЎЛЛАНИЛИШИ


30-модда. Маъмурий жазо қўлланилишининг умумий қоидалари

31-модда. Маъмурий жавобгарликни енгиллаштирувчи ҳолатлар

32-модда. Маъмурий жавобгарликни оғирлаштирувчи ҳолатлар

33-модда. Енгилроқ маъмурий жазо чорасининг қўлланилиши

34-модда. Бир неча ҳуқуқбузарликни содир этганлик учун

маъмурий жазо қўлланиш

35-модда. Маъмурий қамоқ ва махсус ҳуқуқдан

маҳрум этиш муддатларини ҳисоблаш

36-модда. Маъмурий жазо қўлланиш муддатлари

37-модда. Тугаганидан сўнг шахс маъмурий жазога

тортилмаган деб ҳисобланадиган муддат

38-модда. Етказилган зарарни қоплаш мажбуриятини юклаш

39-модда. Бажарилмаганлиги учун маъмурий жазо

қўлланилган вазифани ижро этиш



30-модда. Маъмурий жазо қўлланилишининг умумий қоидалари


Маъмурий ҳуқуқбузарлик учун жазо ушбу Кодекс ва бошқа норматив ҳужжатларда белгилаб қўйилган доирада ва тартибда қўлланилади.


Шунингдек қаранг: АВ томонидан 2011 йил 5 июлда 2240-сон билан рўйхатга олинган, ИИВ Буйруғи билан тасдиқланган "Йўл ҳаракати қоидаларининг бузилишига доир маъмурий ишларни кўриб чиқиш тартиби тўғрисида"ги Йўриқнома


Жазони қўлланиш чоғида содир этилган ҳуқуқбузарлик хусусияти, ҳуқуқбузарнинг шахси, унинг айбдорлик даражаси, мулкий аҳволи, жавобгарликни енгиллаштирувчи ва оғирлаштирувчи ҳолатлар ҳисобга олинади.


Қаранг: МЖТКнинг 31, 32-моддалари

Шунингдек қаранг: ОС Пленумининг 2018 йил 30 ноябрдаги "Судлар томонидан маъмурий ҳуқуқбузарлик тўғрисидаги ишларни кўришни тартибга солувчи қонунларни қўллашнинг айрим масалалари тўғрисида"ги 35-сон Қарорининг 22-банди



31-модда. Маъмурий жавобгарликни енгиллаштирувчи ҳолатлар


Маъмурий жавобгарликни енгиллаштирувчи ҳолатлар жумласига қуйидагилар киради:

1) айбдорнинг ўз қилмишидан чин кўнгилдан пушаймон бўлиши;

2) айбдорнинг ҳуқуқбузарликнинг зарарли оқибатлари олдини олиши, етказилган зиённи ихтиёрий равишда тўлаши ёки келтирилган зарарни бартараф қилиши;

3) ҳуқуқбузарликнинг кучли руҳий ҳаяжон таъсири остида ёки оғир шахсий, оилавий ёхуд бошқа шароитлар юзага келганлиги оқибатида содир этилиши;

4) ҳуқуқбузарликнинг таҳдид ёки мажбурлов таъсирида ёхуд хизмат юзасидан, моддий ёки бошқа жиҳатдан қарамлиги таъсири остида содир этилиши;

5) ҳуқуқбузарликнинг вояга етмаган шахс томонидан содир этилиши;

6) ҳуқуқбузарликнинг ҳомиладор аёл ёки ўн тўрт ёшгача бўлган боласини якка ўзи тарбиялаётган шахс томонидан содир этилиши.

Маъмурий ҳуқуқбузарлик тўғрисидаги ишни кўриб чиқувчи орган (мансабдор шахс) бошқа ҳолатларни ҳам жавобгарликни енгиллаштирувчи ҳолат деб топиши мумкин.


Шунингдек қаранг: ОС Пленумининг 2018 йил 30 ноябрдаги "Судлар томонидан маъмурий ҳуқуқбузарлик тўғрисидаги ишларни кўришни тартибга солувчи қонунларни қўллашнинг айрим масалалари тўғрисида"ги 35-сон Қарори 19-бандининг биринчи хатбоши



32-модда. Маъмурий жавобгарликни оғирлаштирувчи ҳолатлар


Маъмурий жавобгарликни оғирлаштирувчи ҳолатлар жумласига қуйидагилар киради:

1) ғайриҳуқуқий ҳаракатларни тўхтатиш ваколати бор шахслар томонидан қўйилган талабга қарамай, бундай ҳаракатларни давом эттириш;

2) маъмурий жазо чорасига тортилган шахснинг бир йил мобайнида яна ўша хилдаги ҳуқуқбузарликни содир этиши, худди шунингдек ҳуқуқбузарликнинг илгари судланган шахс томонидан содир этилиши;

3) вояга етмаган шахсни ҳуқуқбузарликка тортиш;

4) ҳуқуқбузарликнинг бир гуруҳ шахслар томонидан содир этилиши;

5) ҳуқуқбузарликнинг табиий офат шароитида ёки бошқа фавқулодда ҳолатларда содир этилиши;

6) ҳуқуқбузарликнинг маст ҳолда содир этилиши. Маъмурий жазо чорасини қўлланувчи орган (мансабдор шахс) содир этилган маъмурий ҳуқуқбузарликнинг хусусиятига қараб мазкур ҳолатни айбни оғирлаштирувчи ҳолат деб топмаслиги мумкин.


Шунингдек қаранг: ОС Пленумининг 2018 йил 30 ноябрдаги "Судлар томонидан маъмурий ҳуқуқбузарлик тўғрисидаги ишларни кўришни тартибга солувчи қонунларни қўллашнинг айрим масалалари тўғрисида"ги 35-сон Қарори 19-бандининг иккинчи хатбоши



33-модда. Енгилроқ маъмурий жазо чорасининг қўлланилиши

(ЎзР 29.01.2018 й. ЎРҚ-463-сон Қонуни таҳриридаги модда матни)

(Олдинги таҳририга қаранг)


Суд маъмурий жазо чорасини қўллаётганда жавобгарликни енгиллаштирувчи ҳолатларни ва ҳуқуқбузарнинг моддий аҳволини инобатга олган ҳолда сабаблар ва асосларни албатта кўрсатиб, ушбу Кодекснинг Махсус қисмидаги моддаларнинг санкциясида назарда тутилган энг кам жазодан ҳам камроқ жазо ёки ушбу моддада назарда тутилмаган бошқа янада енгил жазо чорасини қўллаши мумкин. Маъмурий ҳуқуқбузарлик тўғрисидаги ишни кўриб чиқувчи бошқа орган (мансабдор шахс) жавобгарликни енгиллаштирувчи ҳолатларни ва ҳуқуқбузарнинг моддий аҳволини инобатга олган ҳолда, енгилроқ маъмурий жазо чорасини қўллаш тўғрисидаги масалани ҳал этиш учун ишни ушбу Кодекснинг 308-1-моддасида белгиланган тартибда судга юборади.


Шунингдек қаранг: ОС Пленумининг 2018 йил 30 ноябрдаги "Судлар томонидан маъмурий ҳуқуқбузарлик тўғрисидаги ишларни кўришни тартибга солувчи қонунларни қўллашнинг айрим масалалари тўғрисида"ги 35-сон Қарорининг 20-банди



34-модда. Бир неча ҳуқуқбузарликни содир этганлик

учун маъмурий жазо қўлланиш


Битта шахс икки ёки ундан ортиқ маъмурий ҳуқуқбузарлик содир этган тақдирда, маъмурий жазо ҳар бир ҳуқуқбузарлик учун алоҳида-алоҳида қўлланилади.

Башарти шахс бир неча маъмурий ҳуқуқбузарлик содир этган бўлиб, шу ҳақдаги ишлар бир вақтнинг ўзида айни бир орган (мансабдор шахс) томонидан кўриб чиқилаётган бўлса, бу шахсга нисбатан қўлланиладиган узил-кесил жазо оғирроқ маъмурий жазони назарда тутувчи санкция доирасида қўлланилади.

Башарти шахс ушбу Кодекснинг Махсус қисмидаги бир неча модда билан маъмурий жавобгарлик белгиланган ва улар тўғрисидаги ишларни ҳар хил орган (мансабдор шахс) кўрадиган ҳаракат (ҳаракатсизлик) содир этган бўлса, унга нисбатан жазо оғирроқ маъмурий жазони назарда тутувчи санкция доирасида қўлланилади.


ЎзР 16.04.2008 й. ЎРҚ-153-сон Қонунига мувофиқ тўртинчи қисм тўртинчи ва бешинчи қисмлар билан алмаштирилган (Олдинги таҳририга қаранг)


Башарти шахс ушбу Кодекснинг Махсус қисмидаги тегишли модда билан маъмурий жавобгарлик назарда тутилган ҳаракатни (ҳаракатсизликни) вояга етмаган шахсни маъмурий ҳуқуқбузарлик содир этишга жалб қилган ҳолда (ушбу Кодекснинг 188-1-моддаси) содир этган бўлса, иш материаллари кўриб чиқиш учун судга топширилади.

Ушбу модданинг иккинчи, учинчи ва тўртинчи қисмларида назарда тутилган ҳолларда асосий жазога содир этилган ҳуқуқбузарликлардан исталган биттаси учун жавобгарлик тўғрисидаги моддаларда назарда тутилган қўшимча жазо чораларидан бири қўшилиши мумкин.



35-модда. Маъмурий қамоқ ва махсус ҳуқуқдан

маҳрум этиш муддатларини ҳисоблаш


Маъмурий қамоқ муддати суткалар билан, махсус ҳуқуқдан маҳрум этиш муддати эса - кунлар, ойлар, йиллар билан ҳисобланади.



36-модда. Маъмурий жазо қўлланиш муддатлари


Маъмурий жазо ҳуқуқбузарлик содир этилган кундан бошлаб, давом этаётган ҳуқуқбузарликлар учун эса, ҳуқуқбузарлик аниқланган кундан бошлаб бир йилдан кечиктирмай қўлланилиши мумкин. (ЎзР 10.08.2015 й. ЎРҚ-389-сон Қонуни таҳриридаги қисм)

Жиноят ишини қўзғатиш рад этилган ёки жиноят иши тугатилган бўлса-ю, лекин ҳуқуқбузарнинг ҳаракатларида маъмурий ҳуқуқбузарлик аломатлари мавжуд бўлса, маъмурий жазо чораси жиноят иши қўзғатишни рад этиш ёки жиноят ишини тугатиш тўғрисида, агар ушбу модданинг биринчи қисмида назарда тутилган муддатлар ўтмаган бўлса, қарор қабул қилинган кундан эътиборан бир ойдан кечиктирмай қўлланилиши мумкин. (ЎзР 29.01.2018 й. ЎРҚ-463-сон Қонуни таҳриридаги қисм) (Олдинги таҳририга қаранг)


Қаранг: ЖПКнинг 334-моддаси


Ушбу моддада назарда тутилган муддатлар ашёларни божхона муносабатларини тартибга соладиган қонун ҳужжатлари асосида мусодара қилиш ҳолларига нисбатан татбиқ этилмайди.


Қаранг: МЖТКнинг 227-19, 227-21-227-23-моддалари

Шунингдек қаранг: ОС Пленумининг 2018 йил 30 ноябрдаги "Судлар томонидан маъмурий ҳуқуқбузарлик тўғрисидаги ишларни кўришни тартибга солувчи қонунларни қўллашнинг айрим масалалари тўғрисида"ги 35-сон Қарорининг 18-банди



37-модда. Тугаганидан сўнг шахс маъмурий

жазога тортилмаган деб ҳисобланадиган муддат


Башарти маъмурий жазога тортилган шахс шу жазони ўташ муддати тугаган кундан бошлаб бир йил мобайнида янги маъмурий ҳуқуқбузарлик содир этмаган бўлса, мазкур шахс маъмурий жазога тортилмаган деб ҳисобланади.



38-модда. Етказилган зарарни қоплаш мажбуриятини юклаш


Маъмурий ҳуқуқбузарлик содир этган шахс маъмурий ҳуқуқбузарлик оқибатида келтирилган зарарни қоплаши шарт.

Башарти маъмурий ҳуқуқбузарлик содир этиш оқибатида жисмоний шахсга, корхона, муассаса, ташкилотга, фуқароларнинг ўзини ўзи бошқариш органи ёки давлатга етказилган мулкий зарар белгилаб қўйилган базавий ҳисоблаш миқдоридан кўп бўлмаса, орган (мансабдор шахс) жазо қўлланиш пайтида айбдор бу зарарни қоплаши тўғрисидаги масалани ҳам ҳал этишга ҳақлидир, маъмурий суд эса - бу масалани етказилган зарар миқдоридан қатъи назар ҳал қилаверади. (ЎзР 03.12.2019 й. ЎРҚ-586-сон Қонуни таҳриридаги қисм) (Олдинги таҳририга қаранг)

Бошқа ҳолларда маъмурий ҳуқуқбузарлик натижасида етказилган мулкий зарарни қоплаш фуқаролик-ҳуқуқий тартибида ҳал қилинади.


Қаранг: ФПК II бўлимининг 2-кичик бўлими, IV бўлими



39-модда. Бажарилмаганлиги учун маъмурий

жазо қўлланилган вазифани ижро этиш


Маъмурий жазони қўлланиш маъмурий ҳуқуқбузарлик содир этган шахсни бажарилмаганлиги учун маъмурий жазо қўлланилган вазифани бажаришдан озод этмайди.



МАХСУС ҚИСМ


V боб. Фуқароларнинг ҳуқуқ ва эркинликларига тажовуз қиладиган

ҳуқуқбузарликлар учун маъмурий жавобгарлик (40 - 51-1-моддалар)

V-1 боб. Сайлов ва референдумни ташкил этиш ҳамда

ўтказиш соҳасидаги ҳуқуқбузарликлар учун

маъмурий жавобгарлик (51-2 - 51-9-моддалар)

VI боб. Аҳоли соғлиғини сақлаш соҳасидаги ҳуқуқбузарликлар

учун маъмурий жавобгарлик (52 - 59-1-моддалар)

VII боб. Мулкка тажовуз қилувчи ҳуқуқбузарликлар учун

маъмурий жавобгарликлар (60 - 64-моддалар)

VIII боб. Экология, атроф-муҳитни муҳофаза қилиш ва

табиатдан фойдаланиш соҳасидаги ҳуқуқбузарликлар

учун маъмурий жавобгарлик (65 - 96-моддалар)

IX боб. Саноатдаги, қурилишдаги ва иссиқлик ҳамда электр

энергиясидан фойдаланиш соҳасидаги ҳуқуқбузарликлар

учун маъмурий жавобгарлик (97 - 103-моддалар)

Х боб. Қишлоқ хўжалигидаги ҳуқуқбузарлик, ветеринария,

ветеринария-санитария қоидалари ва нормаларини бузганлик

учун маъмурий жавобгарлик (104 - 112-моддалар)

XI боб. Транспортдаги, йўл хўжалиги ва алоқа соҳаларидаги

ҳуқуқбузарликлар учун маъмурий жавобгарлик (113 - 156-моддалар)

XII боб. Фуқароларнинг турар жой ҳуқуқларига тааллуқли,

коммунал хизмат ва ободонлаштириш соҳасидаги ҳуқуқбузарликлар

учун маъмурий жавобгарликлар (157 - 163-моддалар)

XIII боб. Савдо тадбиркорлик ва молия соҳаларидаги

ҳуқуқбузарликлар учун маъмурий жавобгарлик (164 - 179-5-моддалар)

XIV боб. Одил судловга тажовуз қилувчи ҳуқуқбузарликлар

учун жавобгарлик (180 - 182-моддалар)

XV боб. Жамоат тартибига тажовуз қилувчи ҳуқуқбузарликлар

учун маъмурий жавобгарлик (183 - 192-моддалар)

XVI боб. Бошқарувнинг белгиланган тартибига тажовуз қилувчи

ҳуқуқбузарликлар учун маъмурий жавобгарлик (193 - 241-2-моддалар)

XVI-1 боб. Тадбиркорлик фаолиятига тўсқинлик қилганлик,

қонунга хилоф равишда аралашганлик ҳамда хўжалик юритувчи

субъектларнинг ҳуқуқлари ва қонуний манфаатларига тажовуз

қиладиган бошқа ҳуқуқбузарликлар учун маъмурий

жавобгарлик (241-1 - 241-11-моддалар)



V БОБ. ФУҚАРОЛАРНИНГ ҲУҚУҚ ВА ЭРКИНЛИКЛАРИГА

ТАЖОВУЗ ҚИЛАДИГАН ҲУҚУҚБУЗАРЛИКЛАР

УЧУН МАЪМУРИЙ ЖАВОБГАРЛИК


40-модда. Туҳмат

41-модда. Ҳақорат қилиш

42-модда. Давлат тили тўғрисидаги қонун ҳужжатларини бузиш

43-модда. Жисмоний ва юридик шахсларнинг мурожаатлари

тўғрисидаги қонун ҳужжатларини бузиш

44-модда. Ҳужжатлар билан танишиб чиқишни асоссиз

равишда рад этиш

45-модда. Фуқароларнинг турар жойи дахлсизлигини бузиш

46-модда. Фуқарога маънавий ёки моддий зарар етказиши

мумкин бўлган маълумотларни ошкор этиш

46-1-модда. Шахсий ҳаёт дахлсизлигини бузиш

46-2-модда. Шахсга доир маълумотлар тўғрисидаги

қонун ҳужжатларини бузиш

47-модда. Болаларни тарбиялаш ва уларга таълим

бериш борасидаги мажбуриятларни бажармаслик

47-1-модда. Ота-она қарамоғидан маҳрум бўлган болалар тўғрисидаги

маълумотларни васийлик ва ҳомийлик органига хабар қилмаслик

47-2-модда. Ота-она қарамоғидан маҳрум бўлган болаларни

жойлаштиришда қонун ҳужжатлари талабларини бузиш

47-3-модда. Никоҳ ёши тўғрисидаги қонун ҳужжатларини бузиш

47-4-модда. Вояга етмаган ёки меҳнатга лаёқатсиз

шахсларни моддий таъминлашдан бўйин товлаш

47-5-модда. Ота-онани моддий таъминлашдан бўйин товлаш

48-модда. Васийлик ҳуқуқини суиистеъмол қилиш

49-модда. Меҳнат ва меҳнатни муҳофаза қилиш

тўғрисидаги қонун ҳужжатларин и бузиш

49-1-модда. Вояга етмаган шахсларнинг меҳнатидан

фойдаланишга йўл қўйилмаслиги тўғрисидаги

талабларни бузиш

49-2-модда. Иш берувчининг фуқаролик жавобгарлигини

мажбурий суғурта қилиш тўғрисидаги қонун

ҳужжатлари талабларини бажармаслик

49-3-модда. Вақтинча меҳнатга қобилиятсизлик,

ҳомиладорлик ва туғи ш нафақаларини тўлаш

бўйича мажбуриятдан бўйин товлаш

49-4-модда. Хорижий ишчи кучини Ўзбекистон Республикасига

жалб қилиш ва ундан фойдаланиш тартибини бузиш

50-модда. Аҳолини иш билан таъминлаш тўғрисидаги

қонун ҳужжатларини бузиш

51-модда. Меҳнатга маъмурий тарзда мажбурлаш

51-1-модда. Ногиронларни ижтимоий ҳимоя қилиш

тўғрисидаги қонун ҳужжатларини бузиш



40-модда. Туҳмат


Туҳмат, яъни била туриб ёлғон, бошқа бир шахсни шарманда қилувчи уйдирмаларни тарқатиш, -

базавий ҳисоблаш миқдорининг йигирма бараваридан олтмиш бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)


Қаранг: "Жисмоний ва юридик шахсларнинг мурожаатлари тўғрисида"ги Қонуннинг (Янги таҳрири) 38-моддаси

Шунингдек қаранг: ОС Пленумининг 1992 йил 19 июндаги "Суд амалиётида фуқаро ва ташкилотларнинг шаъни, қадр-қиммати ва ишчанлик обрўсини ҳимоя қилиш ҳақидаги қонунларни қўллаш тўғрисида"ги 5-ПЛ-92-сон Қарорининг 8-банди



41-модда. Ҳақорат қилиш


Ҳақорат қилиш, яъни шахснинг шаъни ва қадр-қимматини қасддан камситиш, -

базавий ҳисоблаш миқдорининг йигирма бараваридан қирқ бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)


Қаранг: "Жисмоний ва юридик шахсларнинг мурожаатлари тўғрисида"ги Қонуннинг (Янги таҳрири) 38-моддаси

Шунингдек қаранг: ОС Пленумининг 1992 йил 19 июндаги "Суд амалиётида фуқаро ва ташкилотларнинг шаъни, қадр-қиммати ва ишчанлик обрўсини ҳимоя қилиш ҳақидаги қонунларни қўллаш тўғрисида"ги 5-ПЛ-92-сон Қарорининг 8-банди



42-модда. Давлат тили тўғрисидаги қонун ҳужжатларини бузиш


Фуқароларнинг тарбия ва таълим беришда тилни эркин танлашдан иборат ҳуқуқларини бузиш, тилдан фойдаланишда тўсқинлик қилиш ва чеклаш, давлат тилини, шунингдек Ўзбекистон Республикасида яшовчи бошқа миллатлар ва элатларнинг тилларини менсимаслик, -

базавий ҳисоблаш миқдорининг бир бараваридан икки бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: "Давлат тили тўғрисида"ги Қонуннинг (Янги таҳрири) 24-моддаси



43-модда. Жисмоний ва юридик шахсларнинг мурожаатлари

тўғрисидаги қонун ҳужжатларини бузиш

(ЎзР 11.12.2014 й. ЎРҚ-381-сон Қонуни таҳриридаги модда)

(Олдинги таҳририга қаранг)


Жисмоний ва юридик шахсларнинг мурожаатларини қабул қилиш ва кўриб чиқишни қонунга хилоф равишда рад этиш, уларни кўриб чиқиш муддатларини узрли сабабларсиз бузиш, ёзма ёхуд электрон шаклда жавоб юбормаслик, жисмоний ва юридик шахсларнинг мурожаатлари тўғрисидаги қонун ҳужжатларига зид қарор қабул қилиш, жисмоний ва юридик шахсларнинг бузилган ҳуқуқлари тикланишини, мурожаат муносабати билан қабул қилинган қарорнинг бажарилишини таъминламаганлик -

мансабдор шахсларга базавий ҳисоблаш миқдорининг бир бараваридан уч бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: "Жисмоний ва юридик шахсларнинг мурожаатлари тўғрисида"ги Қонуннинг (Янги таҳрири) 17, 18, 27, 28, 38-моддалари

Шунингдек қаранг: ОС Пленумининг 1998 йил 28 декабрдаги "Фуқароларнинг суд ишларига доир мурожаатларини кўриб чиқиш амалиёти ҳақида"ги 31-сон Қарори



44-модда. Ҳужжатлар билан танишиб

чиқишни асоссиз равишда рад этиш


Фуқарога унинг ҳуқуқ ва манфаатларига дахлдор бўлган ҳужжатлар, қарорлар ва бошқа материаллар билан танишиб чиқиш имкониятини беришни асоссиз равишда рад этиш -

мансабдор шахсларга базавий ҳисоблаш миқдорининг бир бараваридан икки бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: Конституциянинг 30-моддаси; "Ахборот эркинлиги принциплари ва кафолатлари тўғрисида"ги Қонун 8-моддасининг иккинчи қисми, 16-моддаси



45-модда. Фуқароларнинг турар жойи дахлсизлигини бузиш


Турар жойга унда истиқомат қилувчиларнинг хоҳиш-иродасига хилоф равишда ноқонуний тарзда кириш, мансабдор бўлмаган шахс томонидан содир этилган бўлса, -

базавий ҳисоблаш миқдорининг учдан бир қисмидан бир бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: Конституция 27-моддасининг иккинчи қисми; ЖПК 18-моддасининг тўртинчи, бешинчи қисмлари



46-модда. Фуқарога маънавий ёки моддий зарар етказиши

мумкин бўлган маълумотларни ошкор этиш


Тиббий ёки тижорат сирларини, ёзишма ва бошқа хабарлар, нотариал ҳаракатлар, банк операциялари ва жамғармалар сирларини, худди шунингдек фуқарога, унинг ҳуқуқлари, эркинликлари ва қонуний манфаатларига маънавий ёхуд моддий зарар етказиши мумкин бўлган бошқа маълумотларни ошкор этиш, башарти ушбу Кодекснинг 46-1-моддасида назарда тутилган ҳуқуқбузарлик аломатлари мавжуд бўлмаса - (ЎзР 23.09.2016 й. ЎРҚ-411-сон Қонуни таҳриридаги диспозиция)

фуқароларга базавий ҳисоблаш миқдорининг иккидан бир қисмидан икки бараваригача, мансабдор шахсларга эса - икки бараваридан беш бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: Конституция 27-моддасининг иккинчи қисми; ФКнинг 98, 654, 786, 933, 1128-моддалари; МК 32-моддасининг тўртинчи қисми; СКнинг 29-моддаси; "Ахборот эркинлиги принциплари ва кафолатлари тўғрисида"ги Қонуннинг 13-моддаси; "Тадбиркорлар фаолияти эркинлигининг кафолатлари тўғрисида"ги Қонуннинг (Янги таҳрири) 37-моддаси; "Банк сири тўғрисида"ги Қонун; "Фуқароларнинг банклардаги омонатларини ҳимоялаш кафолатлари тўғрисида"ги Қонуннинг 14-моддаси; "Нотариат тўғрисида"ги Қонуннинг 6-моддаси; "Адвокатура тўғрисида"ги Қонуннинг 9-моддаси; "Оммавий ахборот воситалари тўғрисида"ги Қонун (Янги таҳрири) 6-моддасининг иккинчи қисми, 40-моддаси; "Журналистлик фаолиятини ҳимоя қилиш тўғрисида"ги Қонуннинг 7-моддаси; "Алоқа тўғрисида"ги Қонуннинг 10-моддаси; "Телекоммуникациялар тўғрисида"ги Қонуннинг 15-моддаси; "Почта алоқаси тўғрисида"ги Қонуннинг (Янги таҳрири) 16-моддаси; "Жисмоний ва юридик шахсларнинг мурожаатлари тўғрисида"ги Қонуннинг (Янги таҳрири) 19-моддаси; "Суғурта фаолияти тўғрисида"ги Қонуннинг 26, 29-моддалари; "Фуқаролар соғлиғини сақлаш тўғрисида"ги Қонун 24-моддаси биринчи қисмининг олтинчи хатбоши, 45-моддаси; "Психиатрия ёрдами тўғрисида"ги Қонуннинг 11-моддаси; "Ихтиролар, фойдали моделлар ва саноат намуналари тўғрисида"ги Қонун (Янги таҳрири) 20-моддасининг еттинчи қисми; "Селекция ютуқлари тўғрисида"ги Қонун (Янги таҳрири) 33-моддасининг олтинчи хатбоши

Шунингдек қаранг: МЖТК ва ЖК махсус қисмларидаги бир бирига мувофиқ келувчи моддалар юзасидан Маълумотнома-жадвал



46-1-модда. Шахсий ҳаёт дахлсизлигини бузиш

(ЎзР 23.09.2016 й. ЎРҚ-411-сон Қонунига мувофиқ киритилган модда)


Шахснинг шахсий ёки оилавий сирини ташкил этувчи шахсий ҳаёти тўғрисидаги маълумотларни унинг розилигисиз қонунга хилоф равишда йиғиш ёки тарқатиш, -

базавий ҳисоблаш миқдорининг ўн бараваридан қирқ бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)



46-2-модда. Шахсга доир маълумотлар тўғрисидаги

қонун ҳужжатларини бузиш

(ЎзР 08.07.2019 й. ЎРҚ-548-сон Қонунига мувофиқ киритилган модда)


Шахсга доир маълумотларни қонунга хилоф равишда йиғиш, тизимлаштириш, сақлаш, ўзгартириш, тўлдириш, улардан фойдаланиш, уларни бериш, тарқатиш, узатиш, эгасизлантириш ва йўқ қилиш, -

фуқароларга базавий ҳисоблаш миқдорининг уч бараваридан беш бараваригача, мансабдор шахсларга эса - беш бараваридан ўн бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: "Шахсга доир маълумотлар тўғрисида"ги Қонун



47-модда. Болаларни тарбиялаш ва уларга таълим

бериш борасидаги мажбуриятларни бажармаслик


Ота-оналар ёки уларнинг ўрнини босувчи шахслар томонидан вояга етмаган болаларни тарбиялаш ва уларга таълим бериш борасидаги мажбуриятларни бажармаслик, шу жумладан вояга етмаган болаларнинг маъмурий ҳуқуқбузарлик содир этишига олиб келиши, -

базавий ҳисоблаш миқдорининг иккидан бир қисмидан уч бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: ОК 73-моддасининг биринчи, иккинчи қисмлари, 75-моддалари; "Таълим тўғрисида"ги Қонуннинг 30-моддаси

Шунингдек қаранг: ОС Пленумининг 1998 йил 11 сентябрдаги "Болалар тарбияси билан боғлиқ бўлган низоларни ҳал қилишда судлар томонидан қонунларни қўллаш амалиёти тўғрисида"ги 23-сон қарорининг 15-банди


Худди шундай ҳуқуқбузарликлар маъмурий жазо чораси қўлланилганидан кейин бир йил давомида такрор содир этилган бўлса, -

базавий ҳисоблаш миқдорининг уч бараваридан беш бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

(ЎзР 09.01.2018 й. ЎРҚ-459-сон Қонунига мувофиқ киритилган қисм)


ЎзР 09.01.2018 й. ЎРҚ-459-сон Қонунига мувофиқ иккинчи қисми учинчи қисм деб ҳисоблансин


Болаларнинг мажбурий умумий ўрта таълим, ўрта махсус, касб-ҳунар таълими олишига ота-оналар ёки уларнинг ўрнини босувчи шахслар томонидан тўсқинлик қилиш -

базавий ҳисоблаш миқдорининг беш бараваридан ўн бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

(ЎзР 07.10.2013 й. ЎРҚ-355-сон Қонунига мувофиқ киритилган қисм)


Қаранг: ОК 73-моддасининг тўртинчи қисми; "Таълим тўғрисида"ги Қонуннинг 30-моддаси


Ушбу модданинг учинчи қисмида назарда тутилган ҳуқуқбузарлик маъмурий жазо чораси қўлланилганидан кейин бир йил давомида такрор содир этилган бўлса, -

базавий ҳисоблаш миқдорининг ўн бараваридан йигирма бараваригача миқдорда жарима солишга ёки ўн беш суткагача муддатга маъмурий қамоққа олишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

(ЎзР 09.01.2018 й. ЎРҚ-459-сон Қонунига мувофиқ киритилган қисм)



47-1-модда. Ота-она қарамоғидан маҳрум бўлган

болалар тўғрисидаги маълумотларни васийлик ва

ҳомийлик органига хабар қилмаслик

(ЎзР 16.04.2008 й. ЎРҚ-153-сон Қонунига мувофиқ киритилган модда)


Ота-она қарамоғидан маҳрум бўлган болалар тўғрисидаги маълумотларни шундай болалар турган муассаса раҳбари ёки фуқароларнинг ўзини ўзи бошқариш органи мансабдор шахси томонидан васийлик ва ҳомийлик органига хабар қилмаслик, худди шунингдек улар томонидан ота-она қарамоғидан маҳрум бўлган болалар ҳақида атайин нотўғри маълумотлар бериш -

мансабдор шахсга базавий ҳисоблаш миқдорининг уч бараваридан етти бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: ОК 149-моддасининг учинчи, тўртинчи қисмлари; ВМ 1999 йил 12 апрелдаги 171-сон Қарори билан тасдиқланган "Вояга етмаган болаларни фарзандликка ва тарбияга олиш (патронат) тўғрисида"ги Низом биринчи бўлим 6-бандининг биринчи хатбоши



47-2-модда. Ота-она қарамоғидан маҳрум бўлган

болаларни жойлаштиришда қонун

ҳужжатлари талабларини бузиш

(ЎзР 16.04.2008 й. ЎРҚ-153-сон Қонунига мувофиқ киритилган модда)


Ота-она қарамоғидан маҳрум бўлган болаларни оилага тарбияга (патронат), фарзандликка беришда, уларга васийлик (ҳомийлик) белгилашда ёхуд уларни етим болалар ёки ота-она қарамоғидан маҳрум бўлган болалар учун тайинланган тегишли давлат муассасасига жойлаштиришда қонун ҳужжатлари талабларини бузиш -

фуқароларга базавий ҳисоблаш миқдорининг икки бараваридан беш бараваригача, мансабдор шахсларга эса - уч бараваридан етти бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: ОКнинг 20-22-боблари; ВМ 2014 йил 22 сентябрдаги 269-сон Қарори билан тасдиқланган "Ўзбекистон Республикасида васийлик ва ҳомийлик тўғрисида"ги Низом; ВМ 1999 йил 12 апрелдаги 171-сон Қарори билан тасдиқланган"Вояга етмаган болаларни фарзандликка ва тарбияга олиш (патронат) тўғрисида"ги Низом



47-3-модда. Никоҳ ёши тўғрисидаги қонун ҳужжатларини бузиш

(ЎзР 30.04.2013 й. ЎРҚ-352-сон Қонунига мувофиқ киритилган модда)


Никоҳ ёшига етмаган шахс билан ҳақиқатда никоҳ муносабатларига киришиш, -

базавий ҳисоблаш миқдорининг беш бараваридан ўн бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

Ота-она ёки уларнинг ўрнини босувчи шахслар томонидан никоҳ ёшига етмаган шахсни эрга бериш ёхуд уйлантириш, -

базавий ҳисоблаш миқдорининг етти бараваридан ўн беш бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

Никоҳ ёшига етмаган шахс билан никоҳ тузишга доир диний маросимни амалга ошириш, -

базавий ҳисоблаш миқдорининг ўн бараваридан йигирма бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: ОКнинг 15-моддаси



47-4-модда. Вояга етмаган ёки меҳнатга лаёқатсиз

шахсларни моддий таъминлашдан бўйин товлаш

(ЎзР 09.01.2018 й. ЎРҚ-459-сон Қонунига мувофиқ киритилган модда)


Моддий ёрдамга муҳтож бўлган вояга етмаган ёки меҳнатга лаёқатсиз шахсни моддий таъминлашдан бўйин товлаш, яъни уларни моддий жиҳатдан таъминлаш учун суднинг ҳал қилув қарорига ёки суд буйруғига биноан ундирилиши лозим бўлган маблағни жами бўлиб икки ойдан ортиқ муддат мобайнида тўламаслик, -

ўн беш сутка муддатга маъмурий қамоққа олишга ёки ушбу Кодексга мувофиқ маъмурий қамоқ қўлланилиши мумкин бўлмаган шахсларга базавий ҳисоблаш миқдорининг йигирма баравари миқдорида жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

Биринчи марта ҳуқуқбузарлик содир этган шахс, агар у маъмурий ҳуқуқбузарлик тўғрисидаги ишни кўриш жараёнида алимент мажбуриятлари бўйича қарздорликни ихтиёрий равишда тўлаган бўлса, жавобгарликдан озод этилади.



47-5-модда. Ота-онани моддий таъминлашдан бўйин товлаш

(ЎзР 09.01.2018 й. ЎРҚ-459-сон Қонунига мувофиқ киритилган модда)


Вояга етган шахсларнинг меҳнатга лаёқатсиз ва моддий ёрдамга муҳтож бўлган ота-онани ёки уларнинг ўрнини босувчи шахсларни моддий таъминлашдан бўйин товлаши, яъни уларни моддий жиҳатдан таъминлаш учун суднинг ҳал қилув қарорига биноан ундирилиши лозим бўлган маблағни жами бўлиб икки ойдан ортиқ муддат мобайнида тўламаслик, -

ўн беш сутка муддатга маъмурий қамоққа олишга ёки ушбу Кодексга мувофиқ маъмурий қамоқ қўлланилиши мумкин бўлмаган шахсларга базавий ҳисоблаш миқдорининг йигирма баравари миқдорида жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

Биринчи марта ҳуқуқбузарлик содир этган шахс, агар у маъмурий ҳуқуқбузарлик тўғрисидаги ишни кўриш жараёнида алимент мажбуриятлари бўйича қарздорликни ихтиёрий равишда тўлаган бўлса, жавобгарликдан озод этилади



48-модда. Васийлик ҳуқуқини суиистеъмол қилиш


Васийликка олинганнинг зарарига ғаразли мақсадларни кўзлаб васийликдан ёки ҳомийликдан фойдаланиш ёки уни назоратсиз ва зарур моддий ёрдамсиз қолдириш, -

базавий ҳисоблаш миқдорининг икки бараваридан беш бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: "Васийлик ва ҳомийлик тўғрисида"ги Қонун 30-моддасининг иккинчи қисми; ВМ 2014 йил 22 сентябрдаги 269-сон Қарори билан тасдиқланган "Ўзбекистон Республикасида васийлик ва ҳомийлик тўғрисида"ги Низомнинг 95-банди



49-модда. Меҳнат ва меҳнатни муҳофаза қилиш

тўғрисидаги қонун ҳужжатларини бузиш

(ЎзР 28.08.2019 й. ЎРҚ-558-сон Қонуни таҳриридаги модда)

(Олдинги таҳририга қаранг)


Мансабдор шахс томонидан меҳнат ва меҳнатни муҳофаза қилиш тўғрисидаги қонун ҳужжатларини бузиш, -

базавий ҳисоблаш миқдорининг беш бараваридан ўн бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

Худди шундай ҳуқуқбузарлик маъмурий жазо чораси қўлланилганидан кейин бир йил давомида такроран содир этилган бўлса, бундан била туриб ғайриқонуний ишдан бўшатиш мустасно, -

базавий ҳисоблаш миқдорининг ўн бараваридан ўн беш бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

Ушбу модданинг биринчи қисмида назарда тутилган ҳуқуқбузарликни вояга етмаган шахсга нисбатан содир этиш, -

базавий ҳисоблаш миқдорининг ўн бараваридан йигирма бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: МКнинг 71, 211-моддалари; "Меҳнатни муҳофаза қилиш тўғрисида"ги Қонун (Янги таҳрири); АВ томонидан 1999 йил 14 июнда 746-сон билан рўйхатга олинган "Идоравий мансублиги, мулкчилик ва хўжалик юритиш шаклларидан қатъи назар корхона, муассаса, ташкилот ички меҳнат тартибининг Намунавий қоидалари"нинг 3.11-банди

Шунингдек қаранг: МЖТК ва ЖК махсус қисмларидаги бир бирига мувофиқ келувчи моддалар юзасидан Маълумотнома-жадвал



49-1-модда. Вояга етмаган шахсларнинг меҳнатидан

фойдаланишга йўл қўйилмаслиги тўғрисидаги

талабларни бузиш

(ЎзР 28.08.2019 й. ЎРҚ-558-сон Қонуни таҳриридаги модда)

(Олдинги таҳририга қаранг)


Вояга етмаган шахс меҳнатидан унинг соғлиғига, хавфсизлигига ёки ахлоқ-одобига зиён етказиши мумкин бўлган ишларда фойдаланиш, -

базавий ҳисоблаш миқдорининг ўн бараваридан йигирма бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

Худди шундай ҳуқуқбузарлик маъмурий жазо чораси қўлланилганидан кейин бир йил давомида такроран содир этилган бўлса, -

базавий ҳисоблаш миқдорининг йигирма бараваридан ўттиз бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: МКнинг 241-моддаси; АВ томонидан 2010 йил 21 январда 2071-сон билан рўйхатга олинган, МАИМҚВ ва ССВ Қарори билан тасдиқланган "Вояга етмаганларнинг меҳнатидан фойдаланишга йўл қўймаслик бўйича талаблар тўғрисида"ги Низом



49-2-модда. Иш берувчининг фуқаролик жавобгарлигини

мажбурий суғурта қилиш тўғрисидаги қонун

ҳужжатлари талабларини бажармаслик

(ЎзР 28.08.2019 й. ЎРҚ-558-сон Қонуни таҳриридаги модда)

(Олдинги таҳририга қаранг)


Иш берувчининг фуқаролик жавобгарлигини мажбурий суғурта қилиш тўғрисидаги қонун ҳужжатлари талабларини бажармаслик, -

фуқароларга базавий ҳисоблаш миқдорининг етти бараваридан ўн бараваригача, мансабдор шахсларга эса - ўн бараваридан ўн беш бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

Худди шундай ҳуқуқбузарлик маъмурий жазо чораси қўлланилганидан кейин бир йил давомида такроран содир этилган бўлса, -

фуқароларга базавий ҳисоблаш миқдорининг ўн бараваридан ўн беш бараваригача, мансабдор шахсларга эса - ўн беш бараваридан ўттиз бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: "Иш берувчининг фуқаролик жавобгарлигини мажбурий суғурта қилиш тўғрисида"ги Қонун



49-3-модда. Вақтинча меҳнатга қобилиятсизлик,

ҳомиладорлик ва туғиш нафақаларини тўлаш

бўйича мажбуриятдан бўйин товлаш

(ЎзР 28.08.2019 й. ЎРҚ-558-сон Қонуни таҳриридаги модда)

(Олдинги таҳририга қаранг)


Вақтинча меҳнатга қобилиятсизлик, ҳомиладорлик ва туғиш нафақаларини қонун ҳужжатларида белгиланган миқдорларда тўлаш бўйича мажбуриятдан бўйин товлаш, -

базавий ҳисоблаш миқдорининг ўн бараваридан ўн беш бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

Худди шундай ҳуқуқбузарлик маъмурий жазо чораси қўлланилганидан кейин бир йил давомида такроран содир этилган бўлса, -

базавий ҳисоблаш миқдорининг ўн беш бараваридан ўттиз бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: МКнинг 285, 286-моддалари



49-4-модда. Хорижий ишчи кучини Ўзбекистон Республикасига

жалб қилиш ва ундан фойдаланиш тартибини бузиш

(ЎзР 28.08.2019 й. ЎРҚ-558-сон Қонунига мувофиқ киритилган модда)


Хорижий ишчи кучини Ўзбекистон Республикасига жалб қилиш ва ундан фойдаланиш тартибини бузиш, -

фуқароларга базавий ҳисоблаш миқдорининг беш бараваридан ўн бараваригача, мансабдор шахсларга эса - ўн бараваридан йигирма беш бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

Худди шундай ҳуқуқбузарлик маъмурий жазо чораси қўлланилганидан кейин бир йил давомида такроран содир этилган бўлса, -

фуқароларга базавий ҳисоблаш миқдорининг ўн бараваридан ўн беш бараваригача, мансабдор шахсларга эса - йигирма беш бараваридан эллик бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)



50-модда. Аҳолини иш билан таъминлаш тўғрисидаги

қонун ҳужжатларини бузиш

(ЎзР 28.08.2019 й. ЎРҚ-558-сон Қонуни таҳриридаги модда)

(Олдинги таҳририга қаранг)


Маҳаллий давлат ҳокимияти органларининг давлат қўшимча кафолатларни таъминлайдиган шахсларни ишга жойлаштириш учун иш ўринларининг энг кам сонини яратишга доир қарорларини бажармаслик, -

мансабдор шахсларга базавий ҳисоблаш миқдорининг ўн бараваридан йигирма бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

Маҳаллий меҳнат органлари томонидан корхоналар, муассасалар ва ташкилотларга ишга юборилган шахсларни ишга қабул қилишни бўш иш ўринлари (вакант лавозимлар) мавжуд бўлгани ҳолда асоссиз равишда рад этиш, шунингдек иш ўринларининг белгиланган энг кам сони ҳисобидан иш ўринларига ишга жойлаштиришни асоссиз равишда рад этиш, худди шунингдек аввал талабнома берилган, касбга тайёрлашга, қайта тайёрлашга ва малакасини оширишга юборилган шахсларни ишга қабул қилишни асоссиз равишда рад этиш, -

мансабдор шахсларга базавий ҳисоблаш миқдорининг ўн бараваридан йигирма бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

Ушбу модданинг биринчи ва иккинчи қисмларида назарда тутилган ҳуқуқбузарликларни маъмурий жазо чораси қўлланилганидан кейин бир йил давомида такроран содир этиш, -

мансабдор шахсларга базавий ҳисоблаш миқдорининг йигирма бараваридан ўттиз бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)



51-модда. Меҳнатга маъмурий тарзда мажбурлаш

(ЎзР 28.08.2019 й. ЎРҚ-558-сон Қонуни таҳриридаги модда)

(Олдинги таҳририга қаранг)


Меҳнатга бирон-бир шаклда маъмурий тарзда мажбурлаш, бундан қонунда назарда тутилган ҳоллар мустасно, -

базавий ҳисоблаш миқдорининг ўн бараваридан ўттиз бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

Худди шундай ҳуқуқбузарлик маъмурий жазо чораси қўлланилганидан кейин бир йил давомида такроран содир этилган бўлса, -

базавий ҳисоблаш миқдорининг ўттиз бараваридан юз бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

Ушбу модданинг биринчи қисмида назарда тутилган ҳуқуқбузарликни вояга етмаган шахсга нисбатан содир этиш, -

базавий ҳисоблаш миқдорининг ўттиз бараваридан эллик бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

Худди шундай ҳуқуқбузарлик маъмурий жазо чораси қўлланилганидан кейин бир йил давомида такроран содир этилган бўлса, -

базавий ҳисоблаш миқдорининг эллик бараваридан юз бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: МКнинг 7-моддаси


51-1-модда. Ногиронларни ижтимоий ҳимоя қилиш

тўғрисидаги қонун ҳужжатларини бузиш

(ЎзР 07.10.2013 й. ЎРҚ-355-сон Қонунига мувофиқ киритилган модда)


Ногиронлар ижтимоий инфратузилма объектларига тўсқинликсиз кириши учун, шунингдек темир йўл, ҳаво, сув, шаҳарлараро автомобиль транспортидан, шаҳар ва шаҳар атрофига қатнайдиган йўловчилар транспортининг барча турларидан, транспорт коммуникацияларидан, умумий фойдаланишдаги алоқа ва ахборот воситаларидан тўсқинликсиз фойдаланиши учун шароитлар яратиш бўйича талабларни бажармаслик -

мансабдор шахсларга базавий ҳисоблаш миқдорининг ўн бараваридан ўн беш бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

Худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилган бўлса, -

мансабдор шахсларга базавий ҳисоблаш миқдорининг ўн беш бараваридан ўттиз бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: "Ўзбекистон Республикасида ногиронларни ижтимоий ҳимоя қилиш тўғрисида"ги Қонуннинг (Янги таҳрири) 10, 11-моддалари



V-1 БОБ. САЙЛОВ ВА РЕФЕРЕНДУМНИ ТАШКИЛ ЭТИШ

ҲАМДА ЎТКАЗИШ СОҲАСИДАГИ ҲУҚУҚБУЗАРЛИКЛАР

УЧУН МАЪМУРИЙ ЖАВОБГАРЛИК

(ЎзР 04.09.2014 й. ЎРҚ-373-сон Қонунига мувофиқ киритилган боб)


51-2-модда. Ўзбекистон Республикаси Марказий сайлов

комиссиясининг, сайлов комиссияларининг, референдум

ўтказувчи комиссияларнинг фаолиятига аралашиш

51-3-модда. Ўзбекистон Республикаси Марказий сайлов

комиссиясининг, сайлов комиссияларининг, референдум

ўтказувчи комиссияларнинг қарорларини ижро этмаслик

51-4-модда. Номзоднинг, ишончли вакилнинг, кузатувчининг

ёки сиёсий партия ваколатли вакилининг ҳуқуқларини бузиш

51-5-модда. Сайловолди ташвиқотини, референдумга

қўйилган масалалар юзасидан ташвиқот олиб бориш

шартлари ва тартибини бузиш

51-6-модда. Номзодлар, сиёсий партиялар тўғрисида

ёлғон маълумотларни тарқатиш

51-7-модда. Сайловга ёки референдумга тайёргарлик кўриш

ва сайлов ёки референдум ўтказиш жараёнида ахборот

ҳамда ташвиқот материалларини қасддан йўқ қилиб

юбориш ёки уларга қасддан шикаст етказиш

51-8-модда. Сайловни ёки референдумни

молиялаштириш тартибини бузиш

51-9-модда. Жамоатчилик фикри сўровлари натижаларини,

сайлов ёки референдум натижалари тахминларини чоп

этиш (эълон қилиш) тартибини бузиш



51-2-модда. Ўзбекистон Республикаси Марказий сайлов

комиссиясининг, сайлов комиссияларининг, референдум

ўтказувчи комиссияларнинг фаолиятига аралашиш


Ўзбекистон Республикаси Марказий сайлов комиссиясининг, сайлов комиссияларининг, референдум ўтказувчи комиссияларнинг фаолиятига аралашиш, худди шунингдек уларнинг ишига тўсиқларни юзага келтириш, -

мансабдор шахсларга базавий ҳисоблаш миқдорининг ўн бараваридан ўн беш бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: СвК 11-моддасининг иккинчи, учинчи қисмлари



51-3-модда. Ўзбекистон Республикаси Марказий сайлов

комиссиясининг, сайлов комиссияларининг, референдум

ўтказувчи комиссияларнинг қарорларини ижро этмаслик


Ўзбекистон Республикаси Марказий сайлов комиссиясининг, сайлов комиссияларининг, референдум ўтказувчи комиссияларнинг қарорларини ижро этмаслик, худди шунингдек уларнинг мурожаатларини кўриб чиқишни ғайриҳуқуқий равишда рад этиш, уларни кўриб чиқиш муддатларини узрли сабабларсиз бузиш, -

мансабдор шахсларга базавий ҳисоблаш миқдорининг уч бараваридан етти бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг:  СвК 16-моддасининг еттинчи қисми, 26-моддасининг иккинчи, тўртинчи, олтинчи қисмлари; "Ўзбекистон Республикасининг референдуми тўғрисида"ги Қонун (Янги таҳрири) 24-моддасининг иккинчи, тўртинчи қисмлари



51-4-модда. Номзоднинг, ишончли вакилнинг, кузатувчининг

ёки сиёсий партия ваколатли вакилининг ҳуқуқларини бузиш


Номзоднинг, ишончли вакилнинг, кузатувчининг ёки сиёсий партия ваколатли вакилининг ҳуқуқларини бузиш, -

мансабдор шахсларга базавий ҳисоблаш миқдорининг беш бараваридан ўн бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: СвКнинг 33, 34, 41, 43-моддалари; "Ўзбекистон Республикасининг референдуми тўғрисида"ги Қонуннинг (Янги таҳрири) 8, 9-моддалари



51-5-модда. Сайловолди ташвиқотини, референдумга

қўйилган масалалар юзасидан ташвиқот олиб бориш

шартлари ва тартибини бузиш


Сайловолди ташвиқотини, референдумга қўйилган масалалар юзасидан ташвиқот олиб бориш шартлари ва тартибини номзод, ишончли вакил, сиёсий партия вакили, мансабдор шахс томонидан бузиш, -

базавий ҳисоблаш миқдорининг етти бараваридан ўн бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: СвКнинг 9-боби; "Ўзбекистон Республикасининг референдуми тўғрисида"ги Қонуннинг (Янги таҳрири) 10-моддаси



51-6-модда. Номзодлар, сиёсий партиялар тўғрисида

ёлғон маълумотларни тарқатиш


Сайлов натижаларига таъсир кўрсатиш мақсадида номзод, сиёсий партия тўғрисида атайлаб ёлғон маълумотларни эълон қилиш ёки бошқа усуллар орқали тарқатиш, -

фуқароларга базавий ҳисоблаш миқдорининг уч бараваридан беш бараваригача, мансабдор шахсларга эса беш бараваридан ўн бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: СвК 44-моддасининг тўртинчи қисми



51-7-модда. Сайловга ёки референдумга тайёргарлик кўриш

ва сайлов ёки референдум ўтказиш жараёнида ахборот

ҳамда ташвиқот материалларини қасддан йўқ қилиб

юбориш ёки уларга қасддан шикаст етказиш


Биноларга, иншоотларга ёки бошқа жойларга жойлаштирилган ахборот, ташвиқот материалларини сайловга ёки референдумга тайёргарлик кўриш ва сайлов ёки референдум ўтказиш жараёнида қасддан йўқ қилиб юбориш ёки уларга қасддан шикаст етказиш, -

базавий ҳисоблаш миқдорининг уч бараваридан етти бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)



51-8-модда. Сайловни ёки референдумни

молиялаштириш тартибини бузиш


Сайловни ёки референдумни молиялаштириш тартибини бузиш, -

фуқароларга базавий ҳисоблаш миқдорининг беш бараваридан ўн бараваригача, мансабдор шахсларга эса ўн бараваридан йигирма бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: СвКнинг 17-боби; "Ўзбекистон Республикасининг референдуми тўғрисида"ги Қонуннинг (Янги таҳрири) 42-моддаси;  "Сиёсий партияларни молиялаштириш тўғрисида"ги Қонуннинг 8-моддаси



51-9-модда. Жамоатчилик фикри сўровлари натижаларини,

сайлов ёки референдум натижалари тахминларини чоп

этиш (эълон қилиш) тартибини бузиш


Жамоатчилик фикри сўровлари натижаларини, сайлов ёки референдум натижалари тахминларини, шунингдек сайлов ёки референдум билан боғлиқ бошқа тадқиқотларни чоп этиш (эълон қилиш) тартибини бузиш, -

мансабдор шахсларга базавий ҳисоблаш миқдорининг ўн беш бараваридан йигирма бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: СвК 103-моддасининг иккинчи қисми



VI БОБ. АҲОЛИ СОҒЛИҒИНИ САҚЛАШ СОҲАСИДАГИ

ҲУҚУҚБУЗАРЛИКЛАР УЧУН МАЪМУРИЙ ЖАВОБГАРЛИК


52-модда. Енгил тан жароҳати етказиш

53-модда. Санитария қонун ҳужжатларини бузиш

54-модда. Эпидемияларга қарши кураш қоидаларини бузиш

55-модда. Радиацион хавфсизликка доир қоидалар,

нормалар, йўриқномалар ва бошқа талабларни бузиш

56-модда. Гиёҳвандлик воситаларини, уларнинг

аналогларини ёки психотроп моддаларни оз

миқдорда ғайриқонуний равишда тайёрлаш,

олиш, сақлаш, ташиш ёки жўнатиш

56-1-модда. Жамоат жойларида тамаки

маҳсулотини истеъмол қилиш

57-модда. Таносил касаллиги ёки ОИВ касаллиги/ОИТС

юқадиган манбани яшириш

58-модда. Таносил касаллигига ёки ОИВ касаллиги/ОИТСга

учраган шахсларнинг текширишдан бўйин товлаши

59-модда. ОИВ касаллиги/ОИТС юққан-юқмаганлигини

аниқлаш учун тиббий кўрикдан ўтказишда, шунингдек

тиббий ва косметик муолажаларни ўтказишда

хавфсизликни етарли даражада таъминламаганлик

59-1-модда. Ҳаёти ёки соғлиғи учун хавфли ҳолатда

бўлган шахсга шошилинч ва (ёки) кечиктириб

бўлмайдиган тиббий ёрдам кўрсатишни

асоссиз равишда рад этиш



52-модда. Енгил тан жароҳати етказиш


Эҳтиётсизлик орқасида енгил тан жароҳати етказиш, -

базавий ҳисоблаш миқдорининг бир бараваридан икки бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: МЖТКнинг 12-моддаси


Қасддан енгил тан жароҳати етказиш, бу ҳаракат соғлиқнинг қисқа муддат ёмонлашувига ёки меҳнат қобилиятини унча кўп давом этмайдиган турғун тарзда йўқотишга олиб келмаган бўлса, -

базавий ҳисоблаш миқдорининг икки бараваридан тўрт бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: МЖТКнинг 11-моддаси

Шунингдек қаранг: ОС Пленумининг 2007 йил 27 июндаги "Баданга қасддан шикаст етказишга оид ишлар бўйича суд амалиёти тўғрисида"ги 6-сон қарорининг 24-банди



53-модда. Санитария қонун ҳужжатларини бузиш


Санитария қонун ҳужжатларини, санитария нормаларини, қоидаларини ва гигиена нормативларини бузиш, -

фуқароларга базавий ҳисоблаш миқдорининг бир бараваридан уч бараваригача, мансабдор шахсларга эса - беш бараваридан ўн бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)


Қаранг: "Аҳолининг санитария-эпидемиологик осойишталиги тўғрисида"ги Қонун; Президентнинг 1998 йил 2 мартдаги "Санитария қонунларини бузганлик учун жавобгарликни кучайтириш тўғрисида"ги ПФ-1933-сон Фармони



54-модда. Эпидемияларга қарши кураш қоидаларини бузиш


Карантинли ва инсон учун хавфли бўлган бошқа юқумли касалликлар пайдо бўлиши ёки тарқалишининг олдини олиш мақсадида белгиланган мажбурий қоидаларни бузиш, -

фуқароларга базавий ҳисоблаш миқдорининг уч бараваридан беш бараваригача, мансабдор шахсларга эса - ўн бараваридан ўн беш бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)


Қаранг: "Аҳолининг санитария-эпидемиологик осойишталиги тўғрисида"ги Қонуннинг 5-боби



55-модда. Радиацион хавфсизликка доир қоидалар,

нормалар, йўриқномалар ва бошқа талабларни бузиш


Радиацион хавфсизликка доир қоидалар, нормалар, йўриқномалар ва бошқа талабларни бузиш, -

мансабдор шахсларга базавий ҳисоблаш миқдорининг уч бараваридан беш бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: "Аҳолининг санитария-эпидемиологик осойишталиги тўғрисида"ги Қонуннинг 18, 22-моддалари; "Радиациявий хавфсизлик тўғрисида"ги Қонун



56-модда. Гиёҳвандлик воситаларини, уларнинг

аналогларини ёки психотроп моддаларни оз

миқдорда ғайриқонуний равишда тайёрлаш,

олиш, сақлаш, ташиш ёки жўнатиш

(ЎзР 22.10.2018 й. ЎРҚ-503-сон Қонуни таҳриридаги модда)

(Олдинги таҳририга қаранг)


Гиёҳвандлик воситаларини, уларнинг аналогларини ёки психотроп моддаларни ўтказиш мақсадини кўзламай оз миқдорда ғайриқонуний равишда тайёрлаш, олиш, сақлаш, ташиш ёки жўнатиш -

гиёҳвандлик воситаларини, уларнинг аналогларини ёки психотроп моддаларни мусодара қилиб, базавий ҳисоблаш миқдорининг бир бараваридан икки бараваригача миқдорда жарима солишга ёхуд гиёҳвандлик воситаларини, уларнинг аналогларини ёки психотроп моддаларни мусодара қилиб, ўн беш суткагача муддатга маъмурий қамоқ жазосига сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: "Гиёҳвандлик воситалари ва психотроп моддалар тўғрисида"ги Қонун

Шунингдек қаранг: ОС Пленумининг 2017 йил 28 апрелдаги "Гиёҳвандлик воситалари ва психотроп моддалар билан қонунга хилоф равишда муомала қилишга оид жиноят ишлари бўйича суд амалиёти тўғрисида"ги 12-сон Қарори 4-бандининг бешинчи хатбоши, 6, 8-10, 13-бандлари

Шунингдек қаранг: МЖТК ва ЖК махсус қисмларидаги бир бирига мувофиқ келувчи моддалар юзасидан Маълумотнома-жадвал



56-1-модда. Жамоат жойларида тамаки

маҳсулотини истеъмол қилиш

(ЎзР 29.12.2015 й. ЎРҚ-396-сон Қонунига мувофиқ киритилган модда)


Иш жойларида, соғлиқни сақлаш, таълим, спорт-соғломлаштириш муассасаларида, ёнғин чиқиш хавфи бўлган жойларда, шу жумладан автомобилларга ёқилғи қуйиш шохобчаларида ва бошқа жамоат жойларида тамаки маҳсулотини истеъмол қилиш, бундан тамаки маҳсулотини истеъмол қилиш учун махсус ажратилган жойлар ва (ёки) хоналар мустасно, -

базавий ҳисоблаш миқдорининг учдан бир қисми миқдорида жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

Қаранг: "Алкоголь ва тамаки маҳсулотларининг тарқатилиши ҳамда истеъмол қилинишини чеклаш тўғрисида"ги Қонун 19-моддасининг иккинчи қисми



57-модда. Таносил касаллиги ёки ОИВ касаллиги/ОИТС

юқадиган манбани яшириш

(ЎзР 24.05.2010 й. ЎРҚ-248-сон Қонуни таҳриридаги модда номи)


Таносил касаллигига ёки ОИВ касаллиги/ОИТСга учраган беморнинг касаллик юқтирилган манбани, шунингдек ўзи билан алоқа қилиб таносил касаллиги ва ОИВ касаллиги/ОИТС юқиши хавфини туғдирган шахсларни яшириши, - (ЎзР 24.05.2010 й. ЎРҚ-248-сон Қонуни таҳриридаги диспозиция)

базавий ҳисоблаш миқдорининг икки бараваридан уч бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: "Одамнинг иммунитет танқислиги вируси келтириб чиқарадиган касаллик (оив инфекцияси) тарқалишига қарши курашиш тўғрисида"ги Қонун 19-моддасининг иккинчи қисми25-моддаси



58-модда. Таносил касаллигига ёки ОИВ касаллиги/ОИТСга

учраган шахсларнинг текширишдан бўйин товлаши

(ЎзР 24.05.2010 й. ЎРҚ-248-сон Қонуни таҳриридаги модда номи)


Таносил касаллигига ёки ОИВ касаллиги/ОИТСга учраганлиги ҳақида етарли маълумотлар бўлган шахсларнинг соғлиқни сақлаш органлари томонидан огоҳлантирилганидан кейин ҳам текширишдан бўйин товлаши, - (ЎзР 24.05.2010 й. ЎРҚ-248-сон Қонуни таҳриридаги диспозиция)

базавий ҳисоблаш миқдорининг икки бараваридан уч бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: "Одамнинг иммунитет танқислиги вируси келтириб чиқарадиган касаллик (оив инфекцияси) тарқалишига қарши курашиш тўғрисида"ги Қонуннинг 15, 16, 25-моддалари



59-модда. ОИВ касаллиги/ОИТС юққан-юқмаганлигини

аниқлаш учун тиббий кўрикдан ўтказишда, шунингдек

тиббий ва косметик муолажаларни ўтказишда

хавфсизликни етарли даражада таъминламаганлик

(ЎзР 24.05.2010 й. ЎРҚ-248-сон Қонуни таҳриридаги модда номи)


ОИВ касаллиги/ОИТС юққан-юқмаганлигини аниқлаш учун тиббий кўрикдан ўтказишда, шунингдек ОИВ касаллиги/ОИТСни юқтиришга олиб келадиган тиббий ва косметик муолажа ўтказишда хавфсизликни етарли даражада таъминламаганлик, - (ЎзР 24.05.2010 й. ЎРҚ-248-сон Қонуни таҳриридаги диспозиция)

базавий ҳисоблаш миқдорининг бир бараваридан икки бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: "Одамнинг иммунитет танқислиги вируси келтириб чиқарадиган касаллик (оив инфекцияси) тарқалишига қарши курашиш тўғрисида"ги Қонун 13-моддасининг иккинчи қисми, 25-моддаси



59-1-модда. Ҳаёти ёки соғлиғи учун хавфли ҳолатда

бўлган шахсга шошилинч ва (ёки) кечиктириб

бўлмайдиган тиббий ёрдам кўрсатишни

асоссиз равишда рад этиш

(ЎзР 22.10.2018 й. ЎРҚ-503-сон Қонунига мувофиқ киритилган модда)


Ҳаёти ёки соғлиғи учун хавфли ҳолатда бўлган шахсга тиббиёт ташкилотларида қонунга ёки махсус қоидаларга мувофиқ шошилинч ва (ёки) кечиктириб бўлмайдиган тиббий ёрдам кўрсатиши керак бўлган шахс томонидан шундай ёрдам кўрсатишни асоссиз равишда рад этиш -

фуқароларга базавий ҳисоблаш миқдорининг уч бараваридан беш бараваригача, мансабдор шахсларга эса -  беш бараваридан ўн бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

Худди шундай ҳуқуқбузарлик маъмурий жазо қўлланилганидан кейин бир йил давомида такроран содир этилган бўлса, -

фуқароларга базавий ҳисоблаш миқдорининг беш бараваридан ўн бараваригача, мансабдор шахсларга эса - ўн бараваридан ўн беш бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)



VII БОБ. МУЛККА ТАЖОВУЗ ҚИЛУВЧИ ҲУҚУҚБУЗАРЛИКЛАР

УЧУН МАЪМУРИЙ ЖАВОБГАРЛИК


60-модда. Табиий ресурсларга эгалик ҳуқуқини бузиш

60-1-модда. Суғориладиган ерларни ўзбошимчалик

билан эгаллаб олишга йўл қўймаслик бўйича

чоралар кўрмаслик

61-модда. Оз миқдорда талон-торож қилиш

61-1-модда. Нодавлат тижорат ташкилотининг ёки

бошқа нодавлат ташкилотининг хизматчисини

пора эвазига оғдириб олиш

61-2-модда. Мулкни қасддан ноб уд қилиш ёки унга зарар етказиш

62-модда. Топиб олинган мол-мулкни яшириш

63-модда. Ғайриқонуний ов, балиқ овлаш маҳсулотини,

ёввойи ҳолда ўсувчи ўсимликларни йиғиш ва

тайёрлаш маҳсулотини қабул қилиб олиш

64-модда. Моддий маданий мерос объектларини муҳофаза

қилиш ва улардан фойдаланиш қоидаларини бузиш



60-модда. Табиий ресурсларга эгалик ҳуқуқини бузиш

(ЎзР 01.05.1998 й. 621-I-сон Қонуни таҳриридаги модда)


Ердан, сувдан, ўсимлик ёки ҳайвонот дунёсидан ўзбошимчалик билан фойдаланиш ёхуд ерга ва бошқа табиий ресурсларга (бундан ер ости бойликлари ва ер ости сувлари мустасно) эгалик ҳуқуқини бевосита ёки яширин шаклда бузувчи битимлар тузиш ёки бошқа ҳаракатлар содир этиш, табиатдан махсус фойдаланиш ҳуқуқини бошқаларга бериш, - (ЎзР 22.01.2020 й. ЎРҚ-603-сон Қонуни таҳриридаги диспозиция) (Олдинги таҳририга қаранг)

фуқароларга базавий ҳисоблаш миқдорининг беш бараваридан ўн бараваригача, мансабдор шахсларга эса - ўн бараваридан ўн беш бараваригача миқдорда жарима солишга ёки ўн беш суткагача муддатга маъмурий қамоққа олишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: "Табиатни муҳофаза қилиш тўғрисида"ги Қонун 47-моддасининг биринчи, учинчи хатбошлари; "Ерости бойликлари тўғрисида"ги Қонун (Янги таҳрири) 35-моддасининг биринчи, учинчи хатбошлари; "Сув ва сувдан фойдаланиш тўғрисида"ги Қонуннинг 54-моддаси; "Ўсимлик дунёсини муҳофаза қилиш ва ундан фойдаланиш тўғрисида"ги Қонун (Янги таҳрири) 15-моддасининг биринчи, бешинчи хатбошлари, 30-моддасининг тўртинчи, бешинчи қисмлари, 36-моддасининг иккинчи қисми, 45-моддаси; "Ҳайвонот дунёсини муҳофаза қилиш ва ундан фойдаланиш тўғрисида"ги Қонун (Янги таҳрири) 15-моддасининг биринчи, бешинчи хатбошлари, 29-моддасининг учинчи, тўртинчи қисмлари, 33-моддасининг биринчи-учинчи қисмлари, 35-моддасининг биринчи-учинчи қисмлари, 38-моддасининг иккинчи қисми; "Ўрмон тўғрисида"ги Қонуннинг (Янги таҳрири) 5-моддаси, 5-боби


Ер участкаларини ўзбошимчалик билан эгаллаб олиш, -

фуқароларга базавий ҳисоблаш миқдорининг ўн бараваридан ўн беш бараваригача, мансабдор шахсларга эса - йигирма бараваридан ўттиз бараваригача миқдорда жарима солишга ёки ўн беш суткагача маъмурий қамоққа олишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

(ЎзР 04.03.2019 й. ЎРҚ-526-сон Қонунига мувофиқ киритилган қисм)


Қаранг: ЕК 90-моддаси иккинчи қисмининг биринчи, учинчи хатбошлари


Ушбу модданинг иккинчи қисмида назарда тутилган ҳуқуқбузарликни биринчи марта содир этган шахс, агар у ўзбошимчалик билан эгалланган ер участкасининг қайтарилишини таъминласа ҳамда ўзбошимчалик билан эгаллаб олишнинг оқибатларини бартараф қилса, жавобгарликдан озод этилади. (ЎзР 04.03.2019 й. ЎРҚ-526-сон Қонунига мувофиқ киритилган қисм)


Шунингдек қаранг: МЖТК ва ЖК махсус қисмларидаги бир бирига мувофиқ келувчи моддалар юзасидан Маълумотнома-жадвал



60-1-модда. Суғориладиган ерларни ўзбошимчалик

билан эгаллаб олишга йўл қўймаслик бўйича

чоралар кўрмаслик

(ЎзР 04.03.2019 й. ЎРҚ-526-сон Қонунига мувофиқ киритилган қисм)


Суғориладиган ерларни ўзбошимчалик билан эгаллаб олишга йўл қўймаслик бўйича ер эгаси, ердан фойдаланувчи ёки ижарачи томонидан чоралар кўрмаслик, -

фуқароларга базавий ҳисоблаш миқдорининг ўн бараваридан ўн беш бараваригача, мансабдор шахсларга эса - йигирма бараваридан ўттиз бараваригача миқдорда жарима солишга ёки ўн беш суткагача маъмурий қамоққа олишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)



61-модда. Оз миқдорда талон-торож қилиш

(ЎзР 29.08.2001 й. 254-II сон Қонуни таҳриридаги модда)


Мулкчилик шаклидан қатъи назар корхона, муассаса, ташкилотларнинг мол-мулкини ўғирлаш, ўзлаштириш, растрата қилиш, мансаб лавозимини суиистеъмол қилиш ёки фирибгарлик йўли билан оз миқдорда талон-торож қилиш -

базавий ҳисоблаш миқдорининг бир бараваридан беш бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Шунингдек қаранг: ОС Пленумининг 2004 йил 21 майдаги "Жазоларни либераллаштириш тўғрисидаги қонунни иқтисодиёт соҳасидаги жиноятларга нисбатан қўллашнинг айрим масалалари ҳақида"ги 4-сон қарорининг 2, 3-бандлари; ОС Пленумининг 2017 йил 11 октябрдаги "Фирибгарликка оид ишлар бўйича суд амалиёти тўғрисида"ги 35-сон Қарор 15 бандининг иккинчи, учинчи хатбошлари


Худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилган бўлса -

базавий ҳисоблаш миқдорининг беш бараваридан ўн бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

Башарти талон-торож қилинган мулкнинг қиймати базавий ҳисоблаш миқдорининг ўттиз бараваридан ошмаса, бундай талон-торож оз миқдордаги талон-торож қилиш деб ҳисобланади. (ЎзР 03.12.2019 й. ЎРҚ-586-сон Қонуни таҳриридаги қисм) (Олдинги таҳририга қаранг)

Устав фондида давлат улуши бўлмаган корхоналар, муассасалар, ташкилотларнинг мол-мулкини уларнинг ходими томонидан ўғирлаш, ўзлаштириш, растрата қилиш, мансаб лавозимини суиистеъмол қилиш ёки фирибгарлик йўли билан содир этилган оз миқдорда талон-торож қилиш фақат мазкур корхоналар, муассасалар, ташкилотлар раҳбарининг, мулкдорининг ёки ваколатли бошқарув органининг аризасига кўра жавобгарликка сабаб бўлади. (ЎзР 29.12.2012 й. ЎРҚ-345-сон Қонунига мувофиқ киритилган қисм)



61-1-модда. Нодавлат тижорат ташкилотининг ёки

бошқа нодавлат ташкилотининг хизматчисини

пора эвазига оғдириб олиш

(ЎзР 20.08.2015 й. ЎРҚ-391-сон Қонунига мувофиқ киритилган модда)


Нодавлат тижорат ташкилотининг ёки бошқа нодавлат ташкилотининг хизматчисига мазкур хизматчининг ўз ваколатларидан фойдаланган ҳолда содир этиши лозим ёки мумкин бўлган муайян ҳаракатни уни пора эвазига ўзига оғдириб олаётган шахс манфаатларини кўзлаб бажариши ёки бажармаслиги эвазига қонунга хилоф эканлигини била туриб, моддий қимматликлар бериш ёки уни мулкий манфаатдор этиш, -

базавий ҳисоблаш миқдорининг йигирма бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

Нодавлат тижорат ташкилоти ёки бошқа нодавлат ташкилоти хизматчисининг ўз ваколатларидан фойдаланган ҳолда содир этиши лозим ёки мумкин бўлган муайян ҳаракатни уни пора эвазига ўзига оғдириб олаётган шахс манфаатларини кўзлаб бажариши ёки бажармаслиги эвазига қонунга хилоф эканлигини била туриб, моддий қимматликлар олиши ёки мулкий манфаатдор бўлиши, -

базавий ҳисоблаш миқдорининг йигирма бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

Нодавлат тижорат ташкилотининг ёки бошқа нодавлат ташкилотининг хизматчиси деганда меҳнат шартномаси ёки фуқаролик-ҳуқуқий шартнома асосида меҳнат фаолиятини амалга оширувчи, мансабдор шахс аломатларига эга бўлмаган шахс тушунилади.


Шунингдек қаранг: ОС Пленумининг 1996 йил 15 мартдаги "Савдо соҳасидаги жиноятлар ва бошқа ҳуқуқбузарликлар тўғрисидаги ишлар бўйича суд амалиёти ҳақида"ги 9-сон Қарори 8-бандининг учинчи хатбоши



61-2-модда. Мулкни қасддан нобуд қилиш ёки унга зарар етказиш

(ЎзР 03.01.2018 й. ЎРҚ-456-сон Қонунига мувофиқ киритилган модда)


Ўзганинг мулкини қасддан нобуд қилиш ёки унга зарар етказиш, оз миқдорни ташкил этса, -

базавий ҳисоблаш миқдорининг беш бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

Ўзганинг мулкини қасддан нобуд қилиш ёки унга зарар етказиш кўп бўлмаган миқдорни ташкил этса, -

базавий ҳисоблаш миқдорининг беш бараваридан ўн бараваригача миқдорда жарима солишга ёки ўн беш суткагача муддатга маъмурий қамоққа олишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

Оз миқдор деганда базавий ҳисоблаш миқдорининг ўттиз бараваригача бўлган доирадаги, кўп бўлмаган миқдор деганда эса, базавий ҳисоблаш миқдорининг ўттиз бараваридан юз бараваригача бўлган доирадаги миқдор тушунилади. (ЎзР 03.12.2019 й. ЎРҚ-586-сон Қонуни таҳриридаги қисм)

Устав фондида давлат улуши бўлмаган корхоналар, муассасалар, ташкилотларнинг мол-мулкини қасддан нобуд қилиш ёки унга зарар етказиш фақат мазкур корхоналар, муассасалар, ташкилотлар раҳбарининг, мулкдорининг ёки ваколатли бошқарув органининг аризасига кўра жавобгарликка сабаб бўлади



62-модда. Топиб олинган мол-мулкни яшириш


Топиб олинган ёки тасодифан қўлига тушиб қолган қиймати базавий ҳисоблаш миқдорининг уч бараваридан ортиқ бўлган ўзганинг мол-мулкини яшириш, - (ЎзР 03.12.2019 й. ЎРҚ-586-сон Қонуни таҳриридаги диспозиция)

базавий ҳисоблаш миқдорининг уч бараваридан беш бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: ФКнинг 192-моддаси



63-модда. Ғайриқонуний ов, балиқ овлаш маҳсулотини,

ёввойи ҳолда ўсувчи ўсимликларни йиғиш ва

тайёрлаш маҳсулотини қабул қилиб олиш

(ЎзР 28.05.2019 й. ЎРҚ-543-сон Қонуни таҳриридаги модда)

(Олдинги таҳририга қаранг)


Ғайриқонуний ов, балиқ овлаш маҳсулотини, ёввойи ҳолда ўсувчи ўсимликларни йиғиш ва тайёрлаш маҳсулотини тайёрлаш ёки қайта ишлаш ташкилотининг, савдо ёхуд умумий овқатланиш ташкилотининг мансабдор шахси томонидан қабул қилиб олиш, -

базавий ҳисоблаш миқдорининг ўн бараваридан ўн беш бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

Худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилган бўлса, -

базавий ҳисоблаш миқдорининг ўн беш бараваридан йигирма бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: АВ томонидан 2006 йил 2 майда 1569-сон билан рўйхатга олинган, ТМҚДҚ Буйруғи билан тасдиқланган "Ўзбекистон Республикаси ҳудудида ов ва балиқ овлаш қоидалари" 1-банди "ф"-кичик бандининг иккинчи хатбоши (ҳужжат рус тилида келтирилган)



64-модда. Моддий маданий мерос объектларини муҳофаза

қилиш ва улардан фойдаланиш қоидаларини бузиш

(ЎзР 18.04.2018 й. ЎРҚ-476-сон Қонуни таҳриридаги модда номи)

(ЎзР 30.08.2019 й. ЎРҚ-560-сон Қонуни таҳриридаги модда матни)

(Олдинги таҳририга қаранг)


Моддий маданий мерос объектларини муҳофаза қилиш ва улардан фойдаланиш қоидаларини бузиш, -

фуқароларга базавий ҳисоблаш миқдорининг ўттиз бараваридан эллик бараваригача, мансабдор шахсларга эса - эллик бараваридан юз бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

Давлат муҳофазасига олинган моддий маданий мерос кўчмас мулк объектларининг қўриқланадиган теграларида, алоҳида муҳофаза қилинадиган тарихий-маданий ҳудудларда, шу жумладан ўзининг тарихий-маданий қимматига кўра Умумжаҳон мероси рўйхатига киритилган ҳудудларда ва уларнинг қўриқланадиган теграларида моддий маданий мерос объектлари ҳисобланмаган бинолар, иншоотлар ҳамда бошқа объектларни белгиланган тартибда рухсатнома олмасдан қуриш ёки бузиш, -

фуқароларга базавий ҳисоблаш миқдорининг эллик бараваридан юз бараваригача, мансабдор шахсларга эса - юз бараваридан юз эллик бараваригача миқдорда жарима солишга ёки ўн беш суткагача маъмурий қамоққа олишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: "Маданий мерос объектларини муҳофаза қилиш ва улардан фойдаланиш тўғрисида"ги Қонун



VIII БОБ. ЭКОЛОГИЯ, АТРОФ-МУҲИТНИ МУҲОФАЗА

ҚИЛИШ ВА ТАБИАТДАН ФОЙДАЛАНИШ СОҲАСИДАГИ

ҲУҚУҚБУЗАРЛИКЛАР УЧУН МАЪМУРИЙ ЖАВОБГАРЛИК

(ЎзР 13.06.2017 й. ЎРҚ-436-сон Қонуни таҳриридаги боб номи)

(Олдинги таҳририга қаранг)


65-модда. Ерлардан хўжасизларча фойдаланиш ёки уларни

яроқсиз холга тушириш

66-модда. Ер бериш тартибини бузиш

67-модда. Вақтинча эгаллаб турилган ерларни ўз вақтида

қайтариб бермаслик ёки уларни ўз ўрнида фойдаланиш

учун яроқли холга келтирмаслик

68-модда. Хўжалик ичидаги ер тузиш лойиҳаларидан ўзбошимчалик

билан четга чиқиш, давлат ер кадастри юритиш қоидаларини бузиш

68-1-модда. Е р участкасига бўлган ҳуқуқни

рўйхатд ан ўтказиш учун ўз вақтида

мурожаат этмаслик

69-модда. Чегара ва чеклов белгиларини йўқ қилиш ёки шикастлантириш

70-модда. Ер ости бойликларини муҳофаза қилиш ва

улардан фойдаланиш талабларини бузиш

70-1-модда. Дарёларнинг ўзанларини тозалашга

ва қирғоқларини мустаҳкамлашга доир ишларни

амалга ошириш тартибини бузиш

70-2-модда. Фойдали қазилмаларни лицензиясиз қазиб олиш

71-модда. Ер ости бойликларини геологик жиҳатдан ўрганиш

ишларини олиб бориш қоидалари ва талабларини бузиш

72-модда. Сув захираларини муҳофаза қилиш қоидаларини бузиш

73-модда. Зарарли моддалар ва қоришмаларга оид операцияларни

кема ҳужжатларида қайд этиш мажбуриятларини бажармаслик

74-модда. Сувдан фойдаланиш ва сув истеъмоли қоидаларини бузиш

75-модда. Сувларнинг давлат ҳисобини юритиш қоидаларини бузиш

76-модда. Сув хўжалиги иншоотлари ва қурилмаларини

шикастлантириш, улардан фойдаланиш қоидаларини бузиш

77-модда. Ўрмон фонди ерларидан фойдаланиш қоидаларини бузиш

78-модда. Кесиладиган ўрмон фондидан фойдаланиш тартибини бузиш

79-модда. Дарахтлар, буталар, бошқа ўрмон ўсимликлари ва ниҳолларни

ғайриқонуний равишда кесиш, шикастлантириш ёки йўқ қилиш

80-модда. Ўрмонларни тиклаш қоидаларини бузиш

81-модда. Қизил китобга киритилган ўсимликларни йиғиш

82-модда. Муҳофаза этиладиган табиий

ҳудудларнинг режимини бузиш

83-модда. Ўрмон учун фойдали фаунани йўқ қилиб юбориш

84-модда. Ўрмонларда ёнғин хавфсизлиги талабларини бузиш

85-модда. Ифлослантирувчи моддалар ва биологик организмларни

атмосфера ҳавосига чиқариб ташлаш, унга зарарли физикавий

таъсир кўрсатиш ёки атмосфера ҳавосидан белгиланган

талабларни бузган ҳолда фойдаланиш

86-модда. Атмосферага чиқариладиган зарарли моддаларни

тозалаш иншоотидан фойдаланиш қоидаларини бузиш,

шунингдек ундан фойдаланмаслик

87-модда. Чиқиндиларда ифлослантирувчи моддалар нормативдан

ортиқ бўлган транспорт ва бошқа ҳаракатланувчи воситалар

ва қурилмаларни тайёрлаш хамда фойдаланишга чиқариш

88-модда. Атмосфера ҳавосини муҳофаза қилиш

талабларига риоя қилмаслик

89-модда. Ўсимликларни ҳимоя қилиш воситалари ва бошқа

дориларни ташиш, сақлаш ва қўлланиш қоидаларини бузиш

89-1-модда. Ишлатиш тақиқланган ва ишга яроқсиз бўлиб

қолган кимёвий моддаларни зарарсизлантириш қоидаларини бузиш

90-модда. Ов қилиш ва балиқ овлаш қоидаларини,

шунингдек ҳайвонот дунёсидан фойдаланишнинг

бошқа турларини амалга ошириш қоидаларини бузиш

90-1-модда. Ов қилиш ва балиқ овлашнинг тақиқланган

қуролларини ёки воситаларини тайёрлаш, олиб кириш,

сақлаш, ташиш ёки юбориш, олиш ёхуд сотиш

91-модда. Саноат чиқиндиларини, маиший

чиқиндиларни ва бошқа чиқиндиларни тўплаш,

ташиш, жойлаштириш, зарарсизлантириш, сақлаш,

утилизация қилиш, қайта иш лаш, реализация қилиш

чоғида табиатни муҳофаза қилиш талабларини бузиш

91-1-модда. Белгиланмаган жойларга қаттиқ маиший

чиқиндиларни ва қурилиш чиқиндиларини ташлаш,

шунингдек суюқ маиший чиқиндиларни тўкиш

91-2-модда. Санитар тозалаш инфратузилмаси

объектларини жойлаштириш ва улардан

фойдаланиш бўйича талабларни бузиш

91-3-модда. Чиқиндилар билан боғлиқ ишларни амалга

ошириш соҳасида дастлабки ҳисобга олиш ва назорат

қилиш, шунингдек чиқиндиларни кўмиш ва утилизация

қилиш жойлари бўйича кадастр ахборотларини

тақдим этиш тартибини бузиш

92-модда. Ҳайвонлар яшайдиган муҳитни муҳофаза қилиш қоидаларини,

зоологик ва ботаник коллекцияларни вужудга келтириш ва улар билан

савдо қилиш қоидаларини бузиш, худди шунингдек ҳайвонларни

ўзбошимчалик билан бошқа жойга кўчириш, иқлимлаштириш

ёки чатиштириш

93-модда. Қизил китобга киритилган ҳайвонлар ва ўсимликлар

турларини сақлашга зарар келтиради деб топилган ҳайвонлар

ёки ўсимликларни қонунга хилоф равишда олиб келиш

94-модда. Ноёб ёки йўқ бўлиб кетиш хавфида турган ҳайвонларни

йўқ қилиб юбориш, ўлжа қилиш ёхуд шундай ҳайвонларнинг

қирилиб кетишига, соғи камайиб кетишига ёки яшаш муҳити

бузилишига сабаб бўлиши мумкин бўлган бошқа ҳаракатлар содир этиш

95-модда. Табиий муҳитни тиклаш, табиий захираларни қайта

ҳосил қилиш ва табиий муҳитга зарарли таъсир кўрсатиш

оқибатларини бартараф этиш чораларини кўрмаганлик

96-модда. Лойиҳаларни давлат экологик (санитария-экологик)

экспертизасининг ижобий хулосасисиз рўёбга чиқариш



65-модда. Ерлардан хўжасизларча фойдаланиш

ёки уларни яроқсиз ҳолга тушириш


Ерлардан хўжасизларча фойдаланиш, объектлар қуриш пайтида унумдор қатламни олмаслик, ер майдонларидан бошқа мақсадларда фойдаланиш, ерларни фойдаланишдан чиқаришга, ҳосилдорлик пасайишига, тупроқнинг бузилиши ёки йўқ бўлиб кетишига олиб келадиган бошқа ҳаракатларни содир этиш, шунингдек таназзулга юз тутган қишлоқ хўжалиги ерларини консервациялашнинг белгиланган тартибини бузиш, -

фуқароларга базавий ҳисоблаш миқдорининг бир бараваридан уч бараваригача, мансабдор шахсларга эса - уч бараваридан беш бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: ЕК 79-моддасининг тўртинчи қисми, 90-моддаси иккинчи қисмининг иккинчи, ўн иккинчи хатбошлари


Ерга эгалик қилувчилар, ердан фойдаланувчилар ва ижарачилар томонидан бир гектаргача майдонга эга ер участкасида суғориладиган ерларни яхшилаш ҳамда муҳофаза қилиш, шу жумладан ерлардан мақсадли, оқилона фойдаланилишини, тупроқнинг қайта тикланишини ва ҳосилдорлиги оширилишини таъминлаш бўйича мажбуриятларнинг бажарилмаслиги, -

фуқароларга базавий ҳисоблаш миқдорининг уч бараваридан беш бараваригача, мансабдор шахсларга эса - беш бараваридан етти бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

(ЎзР 24.07.2018 й. ЎРҚ-487-сон Қонунига мувофиқ киритилган қисм)

Ерга эгалик қилувчилар, ердан фойдаланувчилар ва ижарачилар томонидан бир гектардан ортиқ майдонга эга ер участкасида суғориладиган ерларни яхшилаш ҳамда муҳофаза қилиш, шу жумладан ерлардан мақсадли, оқилона фойдаланилишини, тупроқнинг қайта тикланишини ва ҳосилдорлиги оширилишини таъминлаш бўйича мажбуриятларнинг бажарилмаслиги, -

фуқароларга базавий ҳисоблаш миқдорининг беш бараваридан етти бараваригача, мансабдор шахсларга эса - етти бараваридан ўн бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

(ЎзР 24.07.2018 й. ЎРҚ-487-сон Қонунига мувофиқ киритилган қисм)


ЎзР 24.07.2018 й. ЎРҚ-487-сон Қонунига мувофиқ иккинчи қисми тўртинчи қисм деб ҳисоблансин


Қишлоқ хўжалиги ва бошқа ерларни яроқсиз ҳолга тушириш, уларни ишлаб чиқариш чиқитлари ва бошқа чиқиндилар, кимёвий ва радиоактив моддалар ҳамда оқова сувлар билан ифлослантириш, -

фуқароларга базавий ҳисоблаш миқдорининг уч бараваридан беш бараваригача, мансабдор шахсларга эса - беш бараваридан ўн бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)


Қаранг: ЕК 79-моддаси тўртинчи қисмининг учинчи-бешинчи, еттинчи хатбошилари, 90-моддаси иккинчи қисмининг тўртинчи хатбоши



66-модда. Ер бериш тартибини бузиш


Ер бериш тартибини бузиш, худди шунингдек фермер ёки деҳқон хўжалиги юритиш учун, якка тартибда уй-жой қуриш ва турар-жой биносига хизмат кўрсатиш, жамоа боғдорчилиги ва полизчилиги учун фуқароларга ер берилишига тўсқинлик қилиш, - (ЎзР 29.08.1998 й. 681-I-сон Қонуни таҳриридаги диспозиция)

мансабдор шахсларга базавий ҳисоблаш миқдорининг уч бараваридан етти бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: ЕКнинг 23, 24, 27, 46, 49, 53, 55-58, 61-моддалари, 90-моддаси иккинчи қисмининг ўн учинчи хатбоши



67-модда. Вақтинча эгаллаб турилган ерларни ўз вақтида қайтариб

бермаслик ёки уларни ўз ўрнида фойдаланиш учун яроқли ҳолга

келтирмаслик


Вақтинча эгаллаб турилган ерларни ўз вақтида қайтариб бермаслик ёки уларни ўз ўрнида фойдаланиш учун яроқли ҳолга келтириш юзасидан мажбуриятларни бажармаслик, -

базавий ҳисоблаш миқдорининг бир бараваридан уч бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: ЕК 20-моддасининг еттинчи қисми, 25-моддасининг тўртинчи қисми, 90-моддаси иккинчи қисмининг еттинчи хатбоши




68-модда. Хўжалик ичидаги ер тузиш лойиҳаларидан

ўзбошимчалик билан четга чиқиш, давлат ер кадастри

юритиш қоидаларини бузиш


Тасдиқланган ер тузилиши лойиҳа ҳужжатларидан тегишли рухсат бўлмай туриб четга чиқиш, худди шунингдек тегишли органлар билан келишмай туриб объектларни жойлаштириш, лойиҳалаштириш, қуриш ва уларни фойдаланишга топшириш, давлат ер кадастри юритиш қоидаларини бузиш, ерлардан фойдаланиш тўғрисидаги ҳисоботларни бузиб кўрсатиш, ахборотларни беришдан бўйин товлаш ёки нотўғри ахборот бериш, -

фуқароларга базавий ҳисоблаш миқдорининг бир бараваридан уч бараваригача, мансабдор шахсларга эса - уч бараваридан беш бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)


Қаранг: ЕКнинг 11-13, 15-моддалари, 90-моддаси иккинчи қисмининг тўққизинчи хатбоши


Худди шундай ҳуқуқбузарликлар маъмурий жазо чораси қўлланилганидан кейин бир йил давомида такрор содир этилган бўлса, -

фуқароларга базавий ҳисоблаш миқдорининг уч бараваридан беш бараваригача, мансабдор шахсларга эса - етти бараваридан ўн бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)



68-1-модда. Ер участкасига бўлган ҳуқуқни

рўйхатдан ўтказиш учун ўз вақтида

мурожаат этмаслик

(ЎзР 04.03.2019 й. ЎРҚ-526-сон Қонунига мувофиқ киритилган модда)


Кўчмас мулкка бўлган ҳуқуқларни давлат рўйхатидан ўтказишни амалга оширувчи органга ер участкасига бўлган ҳуқуқни рўйхатдан ўтказиш учун ўз вақтида мурожаат этмаслик, -

фуқароларга базавий ҳисоблаш миқдорининг бир бараваридан уч бараваригача, мансабдор шахсларга эса - уч бараваридан беш бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)



69-модда. Чегара ва чеклов белгиларини

йўқ қилиш ёки шикастлантириш


Эгаликдаги ва фойдаланишдаги ерларнинг чегара белгиларини, ўрмонлардаги чеклов белгиларини йўқ қилиш ёки шикастлантириш, -

фуқароларга базавий ҳисоблаш миқдорининг бир бараваридан икки бараваригача, мансабдор шахсларга эса - уч бараваридан беш бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: ЕК 90-моддаси иккинчи қисмининг саккизизинчи хатбоши



70-модда. Ер ости бойликларини муҳофаза қилиш

ва улардан фойдаланиш талабларини бузиш


Фойдали қазилмалар жойлашган майдонларга ўзбошимчалик билан иморатлар қуриш, фойдали қазилма конларини экология ва атроф-муҳитни муҳофаза қилиш ҳамда кон назорати органлари билан келишмай туриб ишга солиш, ер ости бойликларидан фойдаланиш талаблари ва тартибини бузиш (бундан фойдали қазилмаларни лицензиясиз қазиб олиш мустасно), ер қаъридан фойдаланишда ишларни олиб бориш хавфсизлиги талабларини бузиш, ер ости бойликларини муҳофаза қилиш қоидаларини ва табиий муҳитни, бинолар ва иншоотларни ер ости бойликларидан фойдаланиш билан боғлиқ бўлган ишларнинг зарарли таъсиридан муҳофаза қилиш талабларини бажармаслик, ер ости сувлари режимини кузатиш учун қазилган қудуқларни, маркшейдерлик ва геологик белгиларни йўқ қилиш ёки шикастлантириш, худди шунингдек умумтарқалган фойдали қазилмалардан фойдаланиш қоидаларини ерга эгалик қилувчилар ва ердан фойдаланувчилар томонидан бузиш - (ЎзР 22.01.2020 й. ЎРҚ-603-сон Қонуни таҳриридаги диспозиция) (Олдинги таҳририга қаранг)

фуқароларга базавий ҳисоблаш миқдорининг ўн бараваридан йигирма бараваригача, мансабдор шахсларга эса - ўттиз бараваридан эллик бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Конларнинг бой участкаларини танлаб ишлатиш, минерал хом ашёни қазиб олаётганда ва қайта ишлашда фойдали қазилмаларни нормативдан ортиқ нобуд қилиш, фойдали қазилма конларини яроқсиз ҳолга келтириш ва фойдали қазилма захираларидан оқилона фойдаланиш талабларини бошқача тарзда бузиш -

мансабдор шахсларга базавий ҳисоблаш миқдорининг ўн бараваридан ўттиз бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Маркшейдерлик ҳужжатларини йўқотиш, тугатилаётган ёки консервация қилинаётган конларни ва бурғиланган қудуқларни аҳолининг хавфсизлигини таъминловчи ҳолатга келтириб қўйиш талабларини, шунингдек консервация вақтида конларни, қазилаётган жойларни ва бурғиланган қудуқларни муҳофаза этиш талабларини бажармаслик, -

мансабдор шахсларга базавий ҳисоблаш миқдорининг ўн бараваридан ўттиз бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)


Қаранг: "Ер ости бойликлари тўғрисида"ги Қонуннинг (Янги таҳрири) 33, 35, 37, 42-44-моддалари


Ушбу модданинг биринчи, иккинчи ёки учинчи қисмларида назарда тутилган ҳуқуқбузарлик маъмурий жазо чораси қўлланилганидан кейин бир йил давомида такрор содир этилган бўлса, -

фуқароларга базавий ҳисоблаш миқдорининг йигирма бараваридан эллик бараваригача, мансабдор шахсларга эса - эллик бараваридан юз бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)



70-1-модда. Дарёларнинг ўзанларини тозалашга

ва қирғоқларини мустаҳкамлашга доир ишларни

амалга ошириш тартибини бузиш

(ЎзР 18.04.2018 й. ЎРҚ-476-сон Қонунига мувофиқ киритилган модда)


Дарёларнинг ўзанларини тозалашга ва қирғоқларини мустаҳкамлашга доир ишларни амалга ошириш тартибини бузиш -

фуқароларга базавий ҳисоблаш миқдорининг ўттиз бараваридан эллик бараваригача, мансабдор шахсларга эса - эллик бараваридан юз бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: ВМнинг 2017 йил 21 декабрдаги 1009-сон Қарори билан тасдиқланган "Дарёлар ўзанларини тозалаш ва қирғоқларини мустаҳкамлаш ишларини амалга ошириш тартиби тўғрисида"ги Низом


Худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилган бўлса, -

маъмурий ҳуқуқбузарликни содир этиш қуроли бўлган ашёни ёки маъмурий ҳуқуқбузарликнинг бевосита ашёсини мусодара қилиб, фуқароларга базавий ҳисоблаш миқдорининг эллик бараваридан етмиш бараваригача, мансабдор шахсларга эса - юз бараваридан юз эллик бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)



70-2-модда. Фойдали қазилмаларни лицензиясиз қазиб олиш

(ЎзР 22.01.2020 й. ЎРҚ-603-сон Қонунига мувофиқ киритилган модда)


Фойдали қазилмаларни лицензиясиз қазиб олиш, худди шунингдек олтин изловчилар усулида лицензиясиз қазиб олиш, бундан ер ости сувлари ҳамда дарёлар ўзанларида жойлашган фойдали қазилмалар мустасно, -

фуқароларга базавий ҳисоблаш миқдорининг ўттиз бараваридан эллик бараваригача, мансабдор шахсларга эса - эллик бараваридан юз бараваригача миқдорда жарима солишга сабаб бўлади.

Худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилган бўлса, -

маъмурий ҳуқуқбузарликни содир этиш қуроли бўлган ашёни ёки маъмурий ҳуқуқбузарликнинг бевосита ашёсини мусодара қилиб, фуқароларга базавий ҳисоблаш миқдорининг эллик бараваридан етмиш бараваригача, мансабдор шахсларга эса - юз бараваридан бир юз эллик бараваригача миқдорда жарима солишга сабаб бўлади.



71-модда. Ер ости бойликларини геологик жиҳатдан ўрганиш

ишларини олиб бориш қоидалари ва талабларини бузиш


Ер ости бойликларини геологик жиҳатдан ўрганиш ишларини олиб бориш қоидалари ва талабларини топилган фойдали қазилмалар захираларига ёки фойдали қазилмалар қазиб олиш корхоналари, шунингдек фойдали қазилмалар қазиб олиш билан боғлиқ бўлмаган ер ости иншоотлари қуриш ва улардан фойдаланиш шароитларига нотўғри баҳо берилишига олиб келиши мумкин бўлган ёки олиб келган тарзда бузиш, ер ости бойликларини кейинги геологик жиҳатдан ўрганишда ва конларни ишга солишда зарур бўлган геологик ҳужжатларни, фойдали қазилма намуналари дубликатларини ва кернларини йўқотиб қўйиш -

мансабдор шахсларга базавий ҳисоблаш миқдорининг бир бараваридан уч бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: "Ер ости бойликлари тўғрисида"ги Қонуннинг (Янги таҳрири) 33, 36-моддалари


Худди шундай ҳуқуқбузарликлар маъмурий жазо чораси қўлланилганидан кейин бир йил давомида такрор содир этилган бўлса, -

базавий ҳисоблаш миқдорининг уч бараваридан етти бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)



72-модда. Сув захираларини муҳофаза қилиш қоидаларини бузиш


Сувларни ифлослантириш ёки булғатиш, сувтўплагич иншоотларида сувни муҳофаза қилиш режимини бузиш, -

фуқароларга базавий ҳисоблаш миқдорининг уч бараваридан беш бараваригача, мансабдор шахсларга эса - беш бараваридан ўн бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)


Қаранг: "Сув ва сувдан фойдаланиш тўғрисида"ги Қонуннинг 99, 115-моддалари


Корхоналар, коммунал ва бошқа объектларни сувларнинг ифлосланиши ва булғаниши ёки уларнинг зарарли оқибатлари олдини олувчи иншоотлар ва қурилмаларсиз фойдаланишга топшириш, шунингдек сув объектларининг табиий ҳолатини бузувчи бошқа ҳаракатлар қилиш, -

мансабдор шахсларга базавий ҳисоблаш миқдорининг беш бараваридан ўн бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)


Қаранг: "Сув ва сувдан фойдаланиш тўғрисида"ги Қонуннинг 11-16, 115-моддалари


Сув қудуқларини қазишнинг белгиланган қоидаларини ва технологиясини бузиш (бундан жисмоний шахсларнинг ўз эҳтиёжлари учун, шу жумладан томорқа ер участкаларини суғориш учун ер ости сувларини якка тартибда олишга мўлжалланган қудуқларни қазиш ҳоллари мустасно), ишлатилаётган ва кузатув қудуқларини йўқ қилиб юбориш ёки шикастлантириш, сув ўзи чиқадиган қудуқларни уларни тартибга соладиган қурилмалар билан жиҳозлашга, шунингдек ишлатишга яроқсиз қудуқларни консервациялашга ёки йўқ қилишга доир чораларни кўрмаслик, сифатли ер ости сувлари ҳосил бўладиган теграда ер ости сувлари ифлосланишининг ёки сифати ёмонлашишининг манбаи бўлиб қолиши мумкин бўлган саноат, қишлоқ хўжалиги иншоотларини ва бошқа объектларни жойлаштириш, -

фуқароларга базавий ҳисоблаш миқдорининг икки бараваридан беш бараваригача, мансабдор шахсларга эса - беш бараваридан етти бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

(ЎзР 20.07.2018 й. ЎРҚ-485-сон Қонуни таҳриридаги қисм) (Олдинги таҳририга қаранг)


Қаранг: "Сув ва сувдан фойдаланиш тўғрисида"ги Қонуннинг 101, 115-моддалари


Ушбу модданинг биринчи, иккинчи ёки учинчи қисмларида назарда тутилган ҳуқуқбузарликлар маъмурий жазо чораси қўлланилганидан кейин бир йил давомида такрор содир этилган бўлса, -

фуқароларга базавий ҳисоблаш миқдорининг етти бараваридан ўн бараваригача, мансабдор шахсларга эса - ўн беш бараваридан йигирма бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)



73-модда. Зарарли моддалар ва қоришмаларга оид

операцияларни кема ҳужжатларида қайд этиш

мажбуриятларини бажармаслик


Кема ёки бошқа сузиш воситаси капитани ёки бошлиқлар таркибига мансуб бошқа шахслар томонидан зарарли моддалар ёки қоришмаларга оид операцияларни кема ҳужжатларида қайд этиш юзасидан амалдаги қонун ҳужжатларида назарда тутилган мажбуриятларнинг бажарилмаслиги, -

базавий ҳисоблаш миқдорининг бир бараваридан уч бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)



74-модда. Сувдан фойдаланиш ва сув

истеъмоли қоидаларини бузиш

(ЎзР 25.12.2009 й. ЎРҚ-240-сон Қонуни таҳриридаги модда)

(Олдинги таҳририга қаранг)


Табиий сув оқимлари (жилғалар, сойлар, дарёлар ва бошқалар), сув ҳавзалари (кўллар, денгизлар) ва бошқа табиий сув объектларидан олинадиган сувдан фойдаланиш ва сув истеъмоли қоидаларини, сув олиш лимитларини бузиш, шунингдек лойиҳада назарда тутилган балиқларни муҳофаза қилиш иншоотлари ва қурилмалари бўлмаган ҳолда улардан сув олишни амалга ошириш -

фуқароларга базавий ҳисоблаш миқдорининг уч бараваридан беш бараваригача, мансабдор шахсларга эса - беш бараваридан ўн бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

(ЎзР 20.07.2018 й. ЎРҚ-485-сон Қонуни таҳриридаги қисм) (Олдинги таҳририга қаранг)

Сунъий сув оқимлари (очиқ ва ёпиқ каналлар, коллектор-дренаж тармоқлари), сув ҳавзалари (сув омборлари, сел сувлари тўпланадиган жойлар, ҳовузлар ва бошқалар) ҳамда бошқа сунъий сув объектларидан олинадиган сувдан фойдаланиш ва сув истеъмоли қоидаларини бузиш, яъни сувдан хўжасизларча фойдаланиш, сувларнинг ва сув объектларининг ҳолатига таъсир этувчи гидротехника ишларини ва бошқа ишларни ўзбошимчалик билан бажариш, сув объектларидан белгиланган сув олиш лимитлари, сувдан фойдаланиш ва сув истеъмоли режаларини бузиш -

фуқароларга базавий ҳисоблаш миқдорининг бир бараваридан уч бараваригача, мансабдор шахсларга эса - беш бараваридан ўн бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ушбу модданинг биринчи ва иккинчи қисмларида назарда тутилган ҳуқуқбузарликлар маъмурий жазо чораси қўлланилганидан кейин бир йил давомида такрор содир этилган бўлса, -

фуқароларга базавий ҳисоблаш миқдорининг беш бараваридан етти бараваригача, мансабдор шахсларга эса - ўн бараваридан йигирма бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)


Қаранг: "Сув ва сувдан фойдаланиш тўғрисида"ги Қонуннинг VI-XXI боблари, 115-моддаси


Ер ости сувли қатламларидан олинадиган сувдан фойдаланиш ва сув истеъмоли қоидаларини, ер ости сувли қатламларидан сув олиш лимитларини бузиш, ер ости сувларидан ўзбошимчалик билан сув олиш, бундан жисмоний шахсларнинг ўз эҳтиёжлари, шу жумладан томорқа ер участкаларини суғориш учун сувдан умумий фойдаланиши мустасно, -

фуқароларга базавий ҳисоблаш миқдорининг икки бараваридан беш бараваригача, мансабдор шахсларга эса - беш бараваридан етти бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

(ЎзР 20.07.2018 й. ЎРҚ-485-сон Қонунига мувофиқ киритилган қисм)

Ушбу модданинг тўртинчи қисмида назарда тутилган ҳуқуқбузарлик маъмурий жазо чораси қўлланилганидан кейин бир йил давомида такрор содир этилган бўлса, -

фуқароларга базавий ҳисоблаш миқдорининг беш бараваридан етти бараваригача, мансабдор шахсларга эса - етти бараваридан ўн бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

(ЎзР 20.07.2018 й. ЎРҚ-485-сон Қонунига мувофиқ киритилган қисм)



75-модда. Сувларнинг давлат ҳисобини юритиш қоидаларини бузиш


Сув объектларидан олинадиган ва уларга қуйиладиган сув миқдорининг дастлабки ҳисобини юритиш ва оқиб келиб қўшилаётган сувлар сифатини аниқлаш қоидаларини бузиш, шунингдек давлат сув кадастри юритишнинг белгиланган тартибини бузиш -

мансабдор шахсларга базавий ҳисоблаш миқдорининг уч бараваридан беш бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)


Қаранг: "Сув ва сувдан фойдаланиш тўғрисида"ги Қонуннинг 107, 109, 112, 115-моддалари


Худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилган бўлса, -

мансабдор шахсларга базавий ҳисоблаш миқдорининг беш бараваридан ўн бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)



76-модда. Сув хўжалиги иншоотлари ва қурилмаларини

шикастлантириш, улардан фойдаланиш қоидаларини бузиш


Сув хўжалиги иншоотлари ва қурилмаларини шикастлантириш, -

базавий ҳисоблаш миқдорининг уч бараваридан беш бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Сув хўжалиги иншоотлари ва қурилмаларидан фойдаланиш қоидаларини бузиш -

мансабдор шахсларга базавий ҳисоблаш миқдорининг етти бараваридан ўн бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)



77-модда. Ўрмон фонди ерларидан фойдаланиш қоидаларини бузиш


Тегишли рухсат олмай туриб иморат солиш, ёғочни қайта ишлаш, омборлар ва бошқа иншоотлар қуриш мақсадида ўрмон фонди ерларидаги дарахтни кундаков қилиш, ўрмон фонди ерларида пичанзорлар ва яйловларни шикастлантириш, ўзбошимчалик билан пичан ўриш, дренаж тизимларини ва йўлларни йўқ қилиш ёки шикастлантириш - (ЎзР 09.01.2018 й. ЎРҚ-459-сон Қонуни таҳриридаги диспозиция) (Олдинги таҳририга қаранг)

фуқароларга базавий ҳисоблаш миқдорининг учдан бир қисмидан бир бараваригача, мансабдор шахсларга эса - бир бараваридан уч бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

Худди шундай ҳуқуқбузарликлар маъмурий жазо чораси қўлланилганидан кейин бир йил давомида такрор содир этилган бўлса, -

фуқароларга базавий ҳисоблаш миқдорининг бир бараваридан уч бараваригача, мансабдор шахсларга эса - уч бараваридан етти бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)


Қаранг: ЕКнинг 76-моддаси; "Ўрмон тўғрисида"ги Қонуннинг (Янги таҳрири) 8, 38, 50-моддалари


Ўрмон фонди ерларида чорва молларини ўтлатиш қоидаларини бузиш, -

фуқароларга базавий ҳисоблаш миқдорининг уч бараваридан беш бараваригача, мансабдор шахсларга эса - беш бараваридан ўн бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

(ЎзР 09.01.2018 й. ЎРҚ-459-сон Қонунига мувофиқ киритилган қисм)


Қаранг: "Ўрмон тўғрисида"ги Қонуннинг (Янги таҳрири) 39-моддаси


Ушбу модданинг учинчи қисмида назарда тутилган ҳуқуқбузарлик маъмурий жазо чораси қўлланилганидан кейин бир йил давомида такрор содир этилган бўлса, -

фуқароларга базавий ҳисоблаш миқдорининг беш бараваридан ўн бараваригача, мансабдор шахсларга эса - ўн бараваридан йигирма бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қонуни таҳриридаги санкция)

(ЎзР 09.01.2018 й. ЎРҚ-459-сон Қонунига мувофиқ киритилган қисм)



78-модда. Кесиладиган ўрмон фондидан

фойдаланиш тартибини бузиш


Кесиладиган ўрмон фондидан фойдаланиш, ёғоч тайёрлаш ва ташиб олиб кетиш тартибини, шунингдек ўрмон кесиш чиптаси (ордери)да ёки ўрмон чиптасида белгиланган бошқа талабларни бузиш -

фуқароларга базавий ҳисоблаш миқдорининг учдан бир қисмидан бир бараваригача, мансабдор шахсларга эса - бир бараваридан уч бараваригача миқдорда жарима солишга сабаб бўлади. (ЎзР 03.12.2019 й. ЎРҚ-586-сон Қ